رواية اللقاء الثاني الفصل التاسع عشر 19 - بقلم منة محمد
(((بحبك بكل الحنان اللي فيكي واحبك بكل الجنون اللي فيا)))
رؤف ساب الجونال وبصلها: رجعتي من الشغل
كادي وهي بتطلع السلم: ايوه
رؤف بتهديد :عارفه لو سمعت انك بتزوغي من الشغل هعمل فيكي ايه
كادي رجعتله وحدفت الشنطه وقعدت متعصبه: بابا انت بجد اب قلبه قاسي
رؤف: قاسي مره واحده وانا الي رفضت اتجوز بعد موت امكم واجبلكم مراه اب ووهبتلكم حياتي كنت اب بمعني الكلمه مفيش طلب سواء انتي ولا اختك بتطلبه مني غير لما يتنفذ واجبلكم اضعافه
كادي: ولما عملت كل ده ليه طردت اختي وحذرتها تدخل البيت دي اخر حاجه كنت اتخيلها منك
رؤف: اسمعي انتي معندكيش اخت وانا معنديش غير بنت واحده وهي انتي
كادي: لاء بجد قولي انت هتعمل فيا ايه لو جيت قولت لك اني عايزه اتجوز من راجل فقير مش غني وعادي جدا معقول هتتخلي عني وتطردني انا كمان
رؤف : امتي قلت ان جوزك شرط يكون غني بس كمان ميبقاش معدوم واختك مش بس اخدته شحات دي كمان اتورطت مع راجل متجوز والراجل ده ساب مراته وعياله بسبب طموحه وانا لايمكن اسيبه يضحك عليها
كادي: بس هما بيحبه بعض ومستعدين يموته مع بعض والحب مش جريمه
رؤف: انتي جايبه الكلام الخايب ده منين
كادي: اختي بعد سنين معناه لقت الراجل الي تحبه وانا مقهوره وانا شيفاها بتخسر كل حاجه
رؤف: هي الي اختارت طريقها وانا مصمم ع قراري
……………………..قصص منه محمد كاتب………………
انغام بتلف في المول لمحتها بتبص ع الاسعار وتتصدم
انغام ابتمست بخبث وراحت عليها: ليه مصدومه لما شوفتي السعر انتي مراه اكبر شركه في الشركه الاوسط تقدري تشتري اي حاجه وكل حاجه
زينب: تصوري فكره كويسه هفكر فيها
انغام: ماتجي نشرب كوبايتين شاي ونتكلم سوي
زينب: مفيش حاجه ما بينا عشان اتكلم معاكي فيها
انغام: لاء فيه حاجه نتكلم فيها اولا عايزه اشكرك اصلي اخدت هديه بفضلك بقي عندي مول حلم زي العيل الصغير الي بقي عنده مدينه ملاهي وده حصل بفضلك يا مدام زينب
زينب بضيق : اتكلمي بطريقه مباشره العيال راجعه البيت قريب
انغام: وده ده بالظبط العيال
زينب ضمت حواجبها: تقصدي ايه
انغام: عندي رغبه اخد بناتي اظن الطبيعي يبقوا معايا وانا اربيهم بدل ما هما مع جدتهم الي بتلعب مع ولي العهد هادي ومراه ابنها الجديده مش موافقاني
زينب: بس معلوماتي انك اتنازلتي عن الحضانه
انغام: مكنش برغبتي مضطره خالد ارغمني
زينب: وده ميخصنيش عشان ادخل فيه
انغام: من فضلك اقنعي ابوهم
زينب بغيظ: وليه واجب عليا اقنعه
انغام بخبث: شوفي ولادي رافضين الوضع افرضي اختفوا وانا ولادي اشقياء هتتبسطي بقي لما يتقال ان مراه ابوهم مش مراعيهم
زينب: لاء انتي فاهمه غلط خالص انا ببذل كل جهدي احافظ عليهم واتقرب منهم
انغام: مجرد نفاق لمجرد تقولي انك مراه اب مفيش منك وبتراعيهم حتي لو من ضرتك بس هقولك نصيحه بما اني اتعاملت مع خالد جسمك وعقلك هيترهلوا بما انك كمان بتتعاملي اوسخ معامله من حماتك والاهتمام بالييت بالعيال, اما خالد بيزهق من الست الي بتفقد جمالها وتكبر في السن ده واحد نسوانجي مش راجل حقيقي هو بس راجل للستات الصغيره
زينب بصتلها بقرفه وقالت: وده اكتر شئ مقرف واقذر كلام سمعته في حياتي
انغام: بس حقيقه ودي هتظهرلك قريب جدا
زينب قامت وهي بتقولها: متقلقيش بالنسبه للعيال ومش هبالغ اكتر واقولك هحبهم كأنهم ولادي بس هعمل كل الي عليا ولو عايزه تاخديهم خديهم عن طريق الحضانه سلام
انغام قالت لنفسها بغيظ: ان ما خربت بيتك مبقاش انا
…………….قصص منه محمد كاتب…………….
قاعده تبصله وتبتسم وكادي عيونها متوزعه ما بينهم
بسمله بهدوء: مهتم بصحتك كويس
رؤف بصلها بغيظ: متحاوليش ترسمي الابتسامه ع وشك قدامي عارف انها محاوله صعب عليكي
بسمله: مش زي ما بتقول اطلاقا انا حاسه بالراحه لما اتحررت كوني مسؤله عن كل الاعمال
كادي: مابلاش نتكلم عن امور الشغل الممله ايه رايكم نسافر اروبا نريح دماغنا
بسمله : بابا مش بيحب الطيران
رؤف: واختك مش هتروح اي مكان من غير الراجل الي بتحبه
بسمله بغضب: ليه مصمم تتكلم عنه بشكل وقح
رؤف: انا حر وايه رآيك هفضل اتكلم لحد ما ترجعي لعقلك
بسمله بتحدي: وانا مش هرجع و انت جايني هنا عشان تهنيني
رؤف: وانتي مفكره جايه وهتحاولي تقنعيني بيه
بسمله: لاء انا شيفاك زي ما انت والنقاش معاك عقيم زي العاده وهقوم امشي
كادي قامت وراها: بسمله استني
رؤف: سيبها تغور في ستين داهيه
كادي: ليه عملت كده
رؤف انا كده واستحملوني لحد ما ربنا ياخدني
…………………………..قصص منه محمد كاتب…………………
في كافيه دخل بعد ما اتصل محتاج يقابله
اسامه دخل ومد ايه بالسرم: فاتت مده من اخر مره شوفتك
مؤمن: بالظبط اقعد يا اسامه عرفت ان اختي اتجوزت
اسامه هز دماغه: ايوه
مؤمن: وانت
اسامه: عايز تعرف عني ايه اسأل دوغري ده اسهل
مؤمن: سمعت انك انطردت من شغلك
اسامه: الحقيقه انطردت واستقلت الاتنين بس ليه اتصلت عشان تعرف بخصوص كده
مؤمن: لاء اتصلت عشان اشتكيلك من امر تاني
اسامه بهتمام: ايه هو
مؤمن بقهر: جايز خنت وطلقت بسبب حبك القديم بس دي حياتك بس انا لسه مضايق منك عشان اختي بس ده وارد يحصل بس الصعب عليا اتقبل كادي اخت صاحبه المليون جنيه اسامه انا قربت اتجنن بسبب حبيبتك لاني اتعودت تبقي جوز اختي , والبنت الي بحبها للاسف طلعت اختها والي لا يمكن اكمل معاها واخون اختي بس بعترف بحب كادي ومش قادر حقيقي انساها
اسامه بهدوء: مؤمن اسف انك بتعيش تعيس بسببي انا واختك لكن خليني اديك نصيحه كاخوك
مؤمن بلهفه ايه هي
اسامه : اعمل الي يقولك عليه قلبك روح قابلها لو حبيت واقولها انك بتحبها لو كدان ده فعلا شعورك ناحيتها مش هتكون بتخون اختك لو عملت كده لان زينب هتعيش حياتها ندمانه ع اكمل وجه خد قرار متندمش عليه دي حياتك
مؤمن: اعيشها زيك
اسامه: ايوه زي اتمسك بحبك مضيعهوش من ايدك لانك هترجعله مهما حاولت تهرب منه زي بالظبط
مؤمن: خالد هو الي فضحكم انت والست دي
اسامه : وزينب عارفه
مؤمن: اهو ده بقي الي كان صدمه كبيره بالنسبه لي طيب خالك متوقع منه يعمل اي نداله انما زينب بجد خاب ظني فيها
اسامه علامات الصدمه ظهرت ع ملامحه اكتر لما مؤمن قال ان زينب عارفه ومترددش يطلع ع شركته ويقف بالعربيه تحت لحد ما لمحه خارج وهيركب مع السواق راح ضارب كلاسك انه يقف
خالد ابتسمله: كان ممن تيجي مكتبي لو فيه حاجه نتكلم فيها ولا استنيني هنا كتير
اسامه: لاء مش كتير مبروك ع الجواز
خالد: بعتذر اني معزمتكش
اسامه: وانا معطتكش نقطه جوازك بس اخدت هديه منك في المقابل سمعت انك الي نشرت الاشاعه حواليا انا وبسمله ياتري ده حصل
خالد: اه حصل واظن عارف ليه اصل انا مقدرش انكر واقولك مش انا
اسامه: وانا خاب ظني وقلت انك بتحارب تبع القواعد
خالد: انا عندي قاعده واحده بس وهي الفوز
اسامه: وده حقير اوي عشان تطلق عليه اسم الفوز انك تأذبنا بالطريقه دي البشر ميعملش عملتك
خالد :عارف بسمله هتحارب بكل حاجه اسف معنديش وقت اتكلم معاك اكتر من كده اه متشكر زينب ست هايله دي طلعت افضل مما توقعت ومش فاهم ايه الي يخليك تسيب ست زيها
اسامه فتح محفظته وقاله: انا خسرت شغلي بفضلك ( حطله رزمه فلوس في جيب البدله وقاله) بس واجب عليا انقطك هديه جوازك الف مبروك واستناني هحضرلك مفاجاه بس مش هقولك عليها هعملهالك ع سهوا وهفوز عليك واكسر قعدتك
…………………..قصص منه محمد كاتب………………..
في كافيه الفندق
كادي بنرفزه: اسمع يا شخص انت انا بدفعلك مقايل حاجه واحده والمفروض تنجر وتخلص بسرعه فات يومين لحد دلوقت
سيكا: وانا يكش يأكلني قطر دورت عارفه ده لو غطس في قاع البحر كنت لقيته انا سألت كل اصحابه ومعارفه ولا حد بلع الطعم وقالي هو فينه
كادي: طب هاتلي عنوانه وانا هروح له بنفسي
سيكا: ودي فكره مش كويسه خالص اهدي ثقي في بحث سيكا واصبري بس لو دفعتي مبلغ كويس تقدري تاخدي مني نتيجه اسرع
كادي: الفلوس الي عطتهالك المره الي فاتت ده كل مرتبي للشهر ده
سيكا: فهمت( قام) هدور تاني
كادي مسكت معصم ايده بقوه وشدته يقعد مكانه: لقيلي مؤمن في 48 ساعه لو ملقتهوش هبلغ عنك بتهمه الغش و النصب
سيكا: وانا قلبي وقع ورفرف قلت هتضربيني وعد هدور عليه وهاخد كوبايه الجيلاتي معايا والف شكر ع معاملتك
كادي تابعته وقالت بغيظ: ايه الكائن ده
سيكا:
…………………………..
بسمله : لو عملنا المشروع ده هنقف ع رجلينا من تاني
اسامه: احنا محتاجين ثروه عشان بس نقف
بسمله : اطمن عندي ورثي من امي وهبيع اسهم باسمي وعندي حته ارضي مش بطاله هيكونوا كفايه للثروه والباقي ناخد بيه قرض زي ما اتفقنا
اسامه: ناويه ع ايه
بسمله: ابني فندق ده اختصاصي ها ايه رأيك
اسامه كشر جدا :عايزني ارفع بقي معنوياتك واقولك برافو
بسمله : في ايه يا اسامه المشروع مش عجبك
اسامه: لاء بالعكس عجبني والموقع الجغرافي مذهل
بسمله امال ليه تعبيرات وشك اتغيرت وبقت قافله وانا بتكلم
اسامه: لانك واثقه في مدير البنك ثقه عمياء
بسمله: ياريت توضح
اسامه: اه احنا دراسنا المشروع وروحنا للراجل واتكلمنا واتفاقنا بس ولا حاجه حصلت لسه ده غير مش عايزك تتحطي في موقف محرج لو اترفضي مستثمره فجاه
بسمله: وده مش هيحصل اخره مره احتاجنا مبلغ منه عطنا
اسامه: كنتي وقتها مديره ودلوقت بما انك انسانه عاديه ومش جديره لدرجه يوافق ع تمويل مشروعك
بسمله: يعني مش عجبك خطتي ولا الناس مبقتش تحترمني
اسامه :مش كده
بسمله بغضب: بس انا فهمت كلامك كده انت عايز تقول اني مقدرش اعمل حاجه كوني بسمله وبس وده بيزعلني ويحبطني فبلاش من فضلك
اسامه: انا لا بزعلك ولا بحبطك الي بقوله هو انك متستعجليش الامور لحد ما يثبت العكس
بسمله: وانا بقولك مفيش داعي تقلق كتير انا بشتغل بطريقتي وحسب خطتي ومهمتي في الحياهد دي اكون قويه وعارفه وواثقه اني هنجح وهتصرف ع الاساس ده ممكن تحددلي معاد تاني معاه
اسامه: هحاول
بسمله ابتسمتله : اسامه انا روحت بيتنا من شويه يظهر بقيت حساسه بعد ما شوفت بابا
اسامه بدون ما يبصلها: وانا مش هسالك قالك ايه لاني عارف بس هقولك خدي الامر ببساطه وارتاحي اليوم انا هقوم اروح واراجع الملفات
بسمله مسكت ايده: بس انا محتجالك جنبي
اسامه: انا معاكي لو احتاجتي اي حاجه مني اتصلي في اي وقت وهسمعك
بسمله ارجوك متزعلش مني حبني وبس لاني مش هتعافي غير معاك انت الوحيد الي قادر تشفيني واسند عليه حملي وهمي وضيقتي
اسامه :وانتي متخيله مش عايز ابقي معاكي طول الوقت او اني مش عايز اشيلك بحملك وهمك وضيقتك بسمله انا هساندك واقف معاكي في اوقاتك الصعبه والكبوه هتعدي
بسمله وانت متأكد وعارف ان وجودك جنبي مطمني وغيابك عني بيبقي عامل زي العطش
اسامه” وانتي شفايفك هتجنني
بسمله ضربته في كتفه بغيظ: والله انت مش متربي
اسامه ضحك: والله انا متربي وكل حاجه بس فيه شويه قله ادب بيطلعوا معاكي وكل ما زاد حبي زادت قله ادبي معاكي
بسمله: انت ملكش فرامل
اسامه: وانا هقوم اروح وانتي ارتاحي اتفاقنا
بسمله: تمام اتفاقنا
……………………….قصص منه محمد كاتب………………………
فوقيه زعقت بغضب: انتي بتعملي ايه
زينب لفت وبصتلها: بنضف التراب
فوقيه بحده: والشغاله راحت فين عشان انتي تنضفي
زينب: طلعت تنشر الغسيل
فوقيه: يبقي تقولللها لما تنشر ليه ماسكه حته قماشه وتنضفي
زينب: مفيش حاجه اعملها
فوقيه: هو حد طلب منك تشتغلي زي الخدامه في البيت لو زهقانه وعايزه تسلي وقتك روحي النادي اعملي جاكوزي وبعدين ايه ده بصي للبسك فاكره الي قولت لك عليه اتصرفي من اصحاب الطبقه الراقيه بما انك زوجه خالد المندور
زينب بصت لتحت: اسفه
فوقيه عوجت وشها بتهكم : اسفه كل مره ده الي باخده منك
زينب: فوقيه هانم انا موافقه امضي ع التنازل
فوقيه بصتلها بتعجب : امال ليه رفضتي اول مره طلبت منك ايه الي خلاكي تغيري رآيك
زينب: كان عندي اقتناع اني متجوزش تحت اي شرط بس انا فعلا مش عايزه حاجه عشان كده غيرت رآي وموافقه امضي بعد ما اتجوز
فوقيه: انتي مش انسانه سهله بس انا هنفذ رغبتك واخليكي تمضي
استوب ومنتظره رايكم وزينب مضت ع حياتها التعيسه يارتي اسامه هيرتب ايه وينتقم من خالد ومؤمن هيقابل كدي وابوها هيوافق عليه انتظروني واحداث جديده
- يتبع الفصل التالي اضغط على ( رواية اللقاء الثاني) اسم الرواية