رواية مملكة احفاد الطوبجي الفصل التاسع عشر 19 - بقلم اميرة اسامه
في صباح يوم جدي صحيت ميار علي الساعه عشره قامت خدت شاور وعملت نسكافيه وبدأت تجهز الطقم اللي هتروح بيه لان ملك قالتلها تحاول تيجي بدري عشان الفساتين هتوصل علي القصر وفستانها هيكون معاهم.
قعدت قدام التسريحه عملت ماسك لوشها وفضلت قاعده باصه للمرايا وسرحت شويه وسمعت موبايلها بيرن لمحت اسم فاطيما.
ميار…..صباح الخير يا قلبي
فاطيما…..صباح النوريا انا قولت هلاقيكي نايمه
ميار….لا ده انا صاحبه من شويه خدت شاور وبفطر وبعمل ماسك كمان
فاطيما….بإبتسامه ايوه بقي هو ده انا كمان لسه صاحيه من نص ساعه وقولت اشوفك رايحه علي امته
ميار….والله يا فاطيما لسه مش عارفه اصلا ملك واكله دماغي من امبارح كل شويه تقولي وتأكد عليا متأخرش عشان اكون معاها وكمان قالتلي الفساتين اللي مريم عملتها هتروح علي القصر
فاطيما….اه صحيح ايه حوار الفساتين البيضا دي
ميار….انتي معندكيش فستان ابيض ولا ايه
فاطيما….لا عندي اتنين واحد في ورد بيبي بلو و واحد ساده خالص
ميار….خليكي في الساده احسن كلنا هنلبس ساده
فاطيما…..طيب تمام خلاص هلبسه عجبتني الفكره اصلا
ميار….تعرفي اني مش عندي فساتين بيضا خالص عندي فساتين غيها ابيض لكن الابيض مش كتير
فاطيما….طيب كويس انك عملتي معاهم.
ميار…..بصراحه مصدقت اصلا كنت قاعده بفطر البس ايه بس بصراحه الفكره حلوه اوي
فاطيما…..جداااا عجبتني اوي بصراحه بس من امبارح بقي وانا فطسانه من الضحك علي نور
كيار….لسه ايه اللي حصل انا مكلمتكمش امبارح خالص بصراحه كنت حاسه انه مش طايق نفسه فا قولت بلاش اكلمه عشان ميطلعش فيا
فاطيما…..هو فعلا كان مضايق بس فك ومن امبارح بقي عمال يبرطم بالكلام عشان اللون الابيض اللي قالوا عليه.
ميار….ليه ده لون جميل
فاطيما…..بضحك بيقولي ايه شغل الساحل ده
ميار….طب والله ده عبيط الابيض جميل كمان في التصوير لو كلنا لابسين زي بعض هتبقي حلوه اوي
فاطيما….قولتله والله بس هو نور لازم يعترض
ميار…..يعني مش هيلبس ابيض
فاطيما….لل خلاص هيلبس بس هو محتار مش عارف يلبس ايه
ميار….اي تيشرت او قميص علي بنطلون
فاطيما….انا اختارتله طقم جميل والله اقتنع بيه بس نور مچنون يعني ممكن يغير رأيه في لحظه.
ميار….هو فين لسه نايم ولا ايه
فاطيما…..مش عارفه والله انا مخرجتش من اوضتي قومت خدت شاور وبكلمك حتي معملتش حاجه اشربها.
ميار…..انتوا رايحين امته
فاطيما….مش عارفه لما يصحي هشوف كده هيعمل ايه بس امير لما كلمه قال ان الحفله هتبدأ بعد العصر علي طول عشان نلحق النور في التصوير
ميار….ايوه فعلا ملك قالتلي كده عشان قالتلي هتيجي امته قولتلها العصر طلعت فيا عصر ايييييه الحفله هتبدأ اصلا علي العصر
فاطيما…..بضحك خوفتك
ميار….بتقولي فيها اه والله خلتني قولتلها خلاص اسكتي هاجي بدري بس بصراحه مش عارفه اروح امته اصلا مش عندي مزاج اروح بدري مع اني مفتقده جو البنات اوي و اللمه في القصر
فاطيما…..طيب ما تروحي بدري يا بنتي ايه اللي مخليكي مش عندك مزاج اصلا انا كمان صاحيه زهقانه ونفسي نور يطاوعني ويوديني بدري عايزه اوي اتفرج علي اجواء التجهيز دي.
ميار…..طيب شوفي لو هتروحوا بدري اروح معاكم والله
فاطيما….خلاص والله هشوف نور كده لو رضي ايه رأيك نعدي ناخدك ونروح مع بعض بدل ما تسوقي كل ده لوحدك
ميار….اسيب العربيه يعني
فاطيما….اه ونروح مع بعض
ميار….طيب اسألي نور الاول وشوفيه لو مش تعب عليه اوك موافقه
فاطيما….أسأل نور ايه انتي كمان يعني هو هيرفض
ميار….عارفه انه مش هيرفض بس اقصد بدل ما يفضل رايح جاي
فاطيما….لا عادي متقلقيش
ميار….خلاص اتفقنا بس بردوا شوفي وردي عليا.
فاطيما…..تمام بقولك صحيح حد من البنات كلمك بخصوص اللي حصل
ميار…..ايه اللي حصل مش فاهمه
فاطيما….يابنتي اللي حصل في الخروجه اول امبارح
ميار….اه تقصدي اللي حصل من رهف
فاطيما….اه فرح او جنه حد كلمك قالك اي حاجه
ميار…..لا خالص والله بس ممكن يعني يكونوا خدوا الموضوع بتهريج و شافوا انها بتتكلم عادي
فاطيما….لا مظنش الكل وشه قلب انا بس اللي مرضتش انكلم واسحن نور لانه مكانش ناقص تسخين بس جنه وشها كان قالب حتي هي لو تلاحظي سابتنا وراحت علي العربيه وفرح كانت واقفه مضايقه
ميار…..والله مش عارفه يا فاطيما انا اصلا كنت مضايقه جدا من طريقتها ومخدتش بالي من ردود افعالكم بس طبعا لما شوفت رد فعل نور وانتي واحنا عالطريق عملت زيك محبتش اسخن نور وقتها لانه كان علي اخره حاولت
احسسه ان الموضوع عادي واكيد متقصدش بس بصراحه يا فاطيما يعني الكلام بينا وبين بعض هي كانت قاصده وطريقتها مكانتش حلوه
فاطيما….بصي يا ميار انا ورهف وباقي الشباب من زمان واحنا اصحاب وللامانه رهف عمرها ما كانت قليله الذوق معرفش ايه اللي كان حاصلها اول امبارح يمكن عشان كده انا سكت لان دي مش طريقتها ولو ده اسلوبها اصلا انا كنت رديت عليها حتي لو بهزار زي ما هي عملت بس مكنتش هسكت اللي انا مش فهماه هي كان مالها
ميار….صدقيني يا فاطيما انا مش فاهمه ومش عارفه ليه هي ديما بتحاول تضايقني
فاطيما….اهي دي كمان انا مش فهماها بصراحه لاني بحس ان هي طريقتها متغيره معاكي انتي تحديدا فكرت يمكن في موقف حصل بينكم وهي مش قادره تنساه مثلا
ميرا….صدقيني مفيش اي مواقف بينا اصلا
فاطيما….عارفه وعشان كده استبعدت ده وبصراحه انا شاكه في حاجه تانيه بس متفهمنيش غلط
ميار …لا عادي والله قولي
فاطيما…..يعني حسيت انها ممكن نكون غيرانه علي جلال منك.
ضحكت ميار ضحكه سخريه وسكتت
فاطيما…..بإبتسامه رفعت حاجبها ايه الضحكه دي بقي كلامي صح ولا ايه.
ميار….اااا بص لا يعني
فاطيما…..بصي يا ميار لو متخيله ان اي كلام هتقوليه هيخليني اخد صف رهف تبقي غلطانه يمكن احنا صحاب من قبل ما انتي تظهري في حياتنا بس ادام بقيتي معانا يعني بقيتي واحده مننا واكيد من معاشرتك معانا عرفتي ان احنا مش من الاشخاص اللي بتكون اقرب للشخص اللي اللي تعرفه من سنين بالعكس احنا مش بيفرق معانا الوقت ولا السنين احنا خلاص كلنا واحد وانا حبيتك زي ما بحبهم كلهم
ميار…..وانا والله يا فاطيما ربنا يعلم اني بحبكم كلكم اوي حتي رهف والله انا معنديش معاها اي مشاكل بس هي اللي واخده مني جنب
فاطيما….طيب ده عشان السبب اللي قولته
ميار…..بتنهيده يمكن
فاطيما….يمكن ايه هو اكيد صح بس اللي انا مش فهماه ليه تغير عليه اصلا يعني بشوفك بتتعاملي معاه زي ما كلنا بنتعامل معاه مفيش اي حاجه بتعمليها مختلفه تخليها تشك او تضايق
ميار…..من غير ما تكون واعيه لكلامها ردت بۏجع بان علي صوتها صدقيني يا فاطيما انا عمري ما عملت حاجه تخليها تضايق من وجودي مع جلال او وجوده معايا عمرنا ما خرجتا لوحدنا كل خروجاتنا مع بعض شعوري من ناحيه جلال كان من قبل هي ما تيجي من السفر اصلا وانا بعدت عن القصر خالص لما هي رجعت ولما عرفت انهم بيحبوا بعض بعدت عشان مت جعش واوجع غيري بحاول اكون طبيعيه واتعامل عادي عايزاني اعمل ايه تاني اكتر من كده
فاطيما….پصدمه ميار هو انتي اصلا بتحبي جلال ااا سوري عالسؤال بس ده اللي فهمته من كلامك
سكتت ميار وارتبكت واستوعبت الكلام اللي قالته
اتنهدت تنهيده كلها ۏجع وفضلت ساكته
فاطيما…..ميار ردي عليا انتي بتحبي جلال صح
ميار….بحزن بس والله هو ميعرفش والله ما حصل بينا اي كلام ولا عمري اعترفت بمشاعري دي طول ما كنت معاهم كنت بتعامل معاه علي اننا صحاب في بينا نسب اخوه متجوز اختي واختي متجوزه اخوه لما رهف رجعت وعرفت اللي بينهم مش هنكر مقدرتش يا فاطيما تعبت وكان هيبان عليا لو فضلت موجوده الفتره الاخيره نفسيتي كانت زي الزفت واكيد لو كنت فضلت كان الكل عرف او شك وانا محبتش كده اختارت اني ابعد منها اني انسي جلال لما ميبقاش قدامي طول الوقت ومنها ملفتش نظر حد ومنها مجيش علي حق رهف في وجود جلال في حياتها صدقيني انا مقدرتش الفت نظر جلال وكنت بتعامل عادي وميتهياليش اني عملت اي حاجه تخوف رهف مني ولو فرضا هي كا اي بنت حست اني بحبه بيتهيألي يكفيها اني اختارت ابعد يكفيها اني مفضلتش موجوده وحاولت الفت نظر جلال ليا بأي طريقه صدقيني يا فاطيما كان ڠصب عني انا حبيت جلال قبل ما اعرف رهف وقبل ما ترجع من سفرها وقبل ما اعرف اصلا ان هو في فحياته حد تاني وبمجرد ما عرفت بعدت قوليلي اعمل ايه تاني كملت بدموع تفتكري انا مرتاحه يا فاطيما وانا بعيد عن اختي انا عمري ما سيبت ملك ولا هي عمرها سابتني متخيله اني ابعد عنها في اكتر وقت محتجاني فيه وهي حامل تفتكري سهل عليا اكون في بيت طويل عريض لوحدي ده انا بخاف من خيالي يا فاطيما قبل ما ملك تتجوز كنت بټرعب ابقي لوحدي من غيرها لما حددوا معاد جوازهم قولت اني مش هروح معاها وهفضل في البيت لاني كنت مكسوفه بس كنت بدعي من جوايا ملك والكل يرفضوا عشان اروح ومبقاش لوحدي صدقيني يا فاطيما الوحده دي اصعب حاجه في الدنيا تخلي كل الافكار الوحشه تهجم عليكي تخافي تتعبي احسن ټموتي لوحدك تخافي لو سمعتي صوت علي الباب احسن يكون في حد بره بيحاول يدخل عليكي تخافي وانتي مقربه من باب البيت وتفضلي تتلفتي حواليكي احسن حد يكون وراكي ويدخل عليكي الاسانسير بفضل ابص فوق وتحت قبل ما افتح باب الشقه عشان ادخل بعمل كل مره علامه في الباب عشان لما ارجع اطمن ان محدش دخل الشقه وانا مش موجوده.
صدقيني يا فاطيما الوحده اللي اقصدها مش احساسك انك لوحدك الوحده اللي اقصدها هو الخۏف من اللي ممكن يحصلك وانتي لوحدك انا كمان لما سيبت القصر سيبته في توقيت مرعب كان وقتها حاصل الحاډثه بتاعت زيد ومنذر ومكانش حد بيخرج غير بالجاردات كنت مړعوبه حاجه تحصلي او حد يكون مراقبني زي ما هو مراقبهم يمكن ياسين وزيد وانكل راجح محدش فيهم قصر وكانوا حاطين جاردات عندي تحت البيت بس حتي إحساس الجاردات مرعب يا فاطيما وانتي نازله وحاسه ان في حد بيحرسك لا يجرالك حاجه
انا اتحملت كل ده وجيت علي نفسي و فضلت ابعد عشان اتعود ان جلال مبقاش موجود زي ما كان موجود اتعمدت ابعد عشان اخرجه من قلبي وعشان هي متضايقش انا لحد الوقت مكمله في الشغل مع البنات في شركه منذر مش بس عشان عندي شغل صدقيني الشغل اللي باقي اي حد ممكن يعمله بدالي لانه مش كبير بس إحساس اني افضل طول الوقت لوحدي في البيت لحد ما أبدأ شغل معاكي انتي ونور احساس مرعب وانا عارفه اني مش هتحمله .
فاطيما…..بحزن اهدي يا ميار عشان خاطري وبطلي عياط بجد انا اسفه اني سألتك والله ما اعرف انك موجوعه اوي كده انا اسفه يا ميار
ميار…..اسفه ايه بس محصلش حاجه يظهر انا اللي كنت محتاجه اتكلم ومصدقت
فاطيما….طيب وله ساكته كل ده ليه مفكرتيش تحكيلي او تحكي لاي حد من البنات يمكن كنتي ارتاحتي
ميار….بدموع اقولك ايه يا فاطيما بس في النهايه رهف صاحبتك من قبلي وفرح اخت جلال مقدرش وجنه كمان صدقيني مقدرتش يمكن الوحيد اللي اتكلمت معاه هو نور هو اللي عارف كل حاجه
فاطيما….قولتلك يا ميار رهف صاحبتي وانتي كمان صاحبتي يعني اللي هسمعه منها مش هاجي اقوله ليكي واللي هسمعه منك مش هروح اقوله ليها ولا هاخد صف حد فيكم في النهايه كلكم صحابي بس متفضليش ساكته أسأليني انا يا ميار انا جربت الاحساس ده كتير وقت ما بابي ومامي ماتوا ونور كان في حالته دي كنت ديما ساكته عشان كنت خاېفه حالته تسوء بس صدقيني انا مرتاحتش غير لما اڼفجرت وخرجت كل اللي جوايا معاكم وإلا كان جرالي حاجه
ميار….عارفه يا فاطيما ان السكوت مش حلو بس اوقات حتي الكلام مبيقدرش يعبر عن اللي جواكي
فاطيما…..لسه بتحبيه يا ميار
ميار….بحزن بدايه معرفتي بجلال كانت مشكله كبيره بيني وبين اول شخص حبيته في حياتي اليوم ده كنت خارجه معاه هو باقي اصحابي كنا في عيد ميلاد وانا مروحه بإختصار انتهي بينا الموقف في القسم واتصلت بملك وقتها وانا مړعوبه كنت اول مره في حياتي اتحط في موقفين أسوا من بعض موقف الشخص اللي حبيته ووثقت فيه وموقف اني ادخل القسم اصلا ملك جاتلي وقتها كانت لسه جديده في الشغل في مجموعه الطوبجي ياسين جه معاها ومسبهاش ويمكن هو كان السبب في طلوعي بسهوله لانه كان محضر قصاد محضر لاني ضړبته في راسه وكان معاهم جلال وده كان اول يوم اشوفه فيه اتعرفنا علي بعض وبقيت اشوفه علاقتنا بقت اقوي خصوصا بعد ما ملك وياسين ارتبطوا وزادت اكتر علاقتنا بعد جواز ملك
كل موقف وكل لحظه كانت بتعدي كنت بقرب فيها من جلال وبحبه اكتر حسيت وقتها ان حبي الاول مكانش حب وجلال هو الحب الحقيقي اوقات بقول لنفسي حتي حبي لجلال مش حب حقيقي جلال بالنسبالي الشخص اللي طلع من وسط الضلمه في اسوء فتره في حياتي وعشان كده اتعودت عليه بس بمجرد ما بشوفه او اسمع صوته بقول لا جلال هو الحب الحقيقي صدقيني انا مبقتش عارفه حاجه حاسه اني تايهه حاسه بۏجع في قلبي بهرب من اي تجمع ممكن يجمعنا ببعض وفي نفس الوقت ببقي نفسي اكون معاه.
فاطيما….عشان كده مكنتيش عايزه تيجي الخروجه
ميار……ايوه كنت عايزه اكمل وافضل بعيد وحتي انهارده المفروض اكون من بدري مع ملك في اهم يوم في حياتها بس مش قادره
فاطيما…..بس كمان لازم تعرفي ان ده مش حل يا ميار
ميار…..والله ڠصب عني يا فاطيما اديكي شايفه لما بقرب ومن غير ما اعمل اي حاجه ده بيبقي رد فعل رهف علي فكره انا مش مضايقه منها خالص والله ده حقها وهي بتدافع عن حقها انا لو مكانها هعمل كده واكتر
فاطيما…..اكيد محدش يقدر يقول غير كده بس هي كمان لازم يكون عندها سيطره علي نفسها اكتر من كده لانها ممكن تخسر اللي حواليها بطريقتها يعني او فرضنا انها بتعمل كده عشان مضايقه منك احنا صحابها وهي عارفه اننا ملناش دعوه
ميار…..اوقات الڠضب بيعمي يا فاطيما اوقات بتبقي مضايقه من حد ومش عارفه تواجيهه فا بتطلعي اللي جواكي علي القريب منك زي ما هي عملت رهف كرامتها مش قادره تخليها تواجهني وتقولي جلال ليا لانها حاسه ان ده تقليل من نفسها فا الڠضب عندها عالي فا بتطلع اللي جواها عليكم وهي واثقه ان حق صحوبيتكم عليها هيخليكم تسامحوها وده اللي لازم يحصل يا فاطيما محدش يزعل منها
رهف بنت زي اي بنت بتغير وانتي عارفه الغيره دي شعورها بيبقي ازاي رهف عارفه اني مستحيل اقرب من جلال وهو مش ليا ولا اقدر اعمل اي حركات تخليني اخده منها ومع ذلك مضايقه من كونها عارفه اني بحبه كرامتها مش هتسمحلها تيجي تقولي وقفي حبك وتخليني احس انها خاېفه اكون مصدر ټهديد لعلاقتها بجلال ولا قادره تمنع نفسها من الڠضب اللي باين عليها
فاطيما…..انتي جميله اوي يا ميار حتي في عز اللي انتي فيه بتدافعي عنها
ميار…..عشان حطيت نفسي مكانها و لأني مش هكدب عليكي انا كمان بحس اني غيرانه علي جلال من وجودها معاه وفي حياته وانا حبي من طرف واحد مبالك هي بقي فا شعورها ده طبيعي .
الباب خبط عند فاطيما.
فاطيما مسحت دموعها بسرعه
أدخل.
فتح نور الباب وهو مبتسم
نور……ما احنا صاحيين اهو امال سيباني نايم ليه كل ده
فاطيما….بإبتسامه بسيطه طيب قول صباح الخير الاول
نور…..بصلها بإستغراب ودخل اكتر جوه الاوضه ايه ده انتي بټعيطي
فاطيما…بإبتسامه لا بعيط ايه مش بعيط
نور…..لا يا شيخه بټعيطي والله مالك و بتكلمي مين كده عالصبح
ميار….بضحكه بسيطه عاجبك كده اهو مش هيسكت
فاطيما…..بضحك علب كلام ميار بصت لنور يا ابني مش بعيط وبكلم ميار
نور….بسخرية ميار تبقي بټعيطي هاتي الموبايل
فاطيما…..بضحك امسك ميار هكلمك تاني خدي الرخم ده
نور….خليكي جدعه بقي و اعملي نسكافيه
فاطيما…..حاضر.
نور…..الووو
ميار….بإبتسامه صباح الخير
نور….واللي يعرفكم يعرف خير
ميار….بضحك ليه بس
نور…..افهم بقي في ايه عالصبح كده
ميار…..في ايه
نور….بټعيطي اختي ليه وانت كمان صوتك معيط في ايه
ميار…..اختك هي اللي بټعيط بسرعه انا مليش دعوه
نور…..لا ياشيخه طيب سيبك من اختي انتي بټعيطي ليه
ميار….مش بعيط
نور….صدقتك انا كده هتقولي مالك ولا اجيلك
ميار….بضحك اهدي ياعم الفرقعلوز كل شويه الاقيك ناطتت قدامي كده
نور…..تصدقي يابت انا غلطان ومش معبرك تاني
ميار …لا خلاص انا اسفه بهزر مبتهزرش
نور….بضحك لا يا اختي بهزر قوليلي بقي بجد مالك في حاجه حصلت تاني انا معرفهاش ولا ايه ولا زعلانه عشان معبتكيش امبارح
ميار….بضحك اه هو كده حسيت بالوحده لما يومي عدي من غير ما تكلمني
نور….طبعا يا بنتي انا محدش يقدر يقاومني
ميار….بإبتسامه مش اوي كده بس
نور….بجديه لا بجد قولي مالك هفضل اتحايل عليكي كتير ولا خلاص بقيتي تتكلمي مع فاطيما وانا اتركنت علي الرف ده انا اوديكم في ستين داهيه
ميار….بضحك لا والله مقدرش بس صدقني مفيش هو الكلام جاب بعضه في موضوع رهف سالتني حد من البنات كلمك في اللي حصل قولتلها لا واتكلمنا وتقريبا كده حتي فاطيما حست ان في حاجه من ناحيتي لجلال
نور….اممم قولتيلي طب وايه بقي
ميار….هو ايه اللي ايه
نور…..ايه اللي مزعلك اكتر موقف رهف ولا موقف جلال
ميار…..هو جلال ملهوش موقف معملش حاجه تزعلني ورهف انا قولتلك اني مزعلتش منها في النهايه هي غيرانه وانت اكيد عارف ان ده رد فعل طبيعي.
نور….انا عارف ان جلال معملش حاجه انا اقصد انك زعلانه عشان الوضع بينكم
ميار……انا حاسه تايهه يا نور مبقتش عارفه انا فيا ايه او عايزه ايه صدقني انا دخلت في دوامه مش عارفه اطلع منها
نور….مين قالك انك مش عارفه في فرق بين انك مش عارفه وفرق بين انك مش عايزه
ميار……مين قالك اني مش عايزه اكتر من اني بعدت خالص عن القصر عشان مبقاش معاه في نفس المكان.
نور…..بصي يا ميار هقولك علي حاجه يمكن انتي شايفه ان البعد عن القصر وتخفيف تجمعاتك بجلال والهروب من المكان اللي هو فيه هو الحل انتي كده ماشيه بمبدأ البعيد عن العين بعيد عن القلب
ميار……طيب وده مش قرار صح
نور….بالعكس يا ميار البعيد عن العين عمره ما كان بعيد عن القلب وإلا كل واحد حب بجد بمجرد ما حبيبه يبعد او يسافر ينساه صدقيني مش صح المثل ده خالص ده يمكن يكون بيورط قلبك اكتر في التعلق بيخلي عقلك ديما شغال وبيفكر فيه زي ما انتي عامله كده بالظبط
ميار….بإبتسامه بسيطه ده درس جديد في الحياه يا مسيو نور
نور…..بهدوء لو حابه تعتبريه درس يبقي درس بس الدرس من غير تطبيق يا ميار بيبقي عامل زي الجمله اللي بتدخل من الودن دي تطلع من الودن التانيه الدرس عشان يتنفذ لازم يتطبق عملي
ميار….اعمل ايه يا نور اكتر من اللي عملته انا لسه متكلمه مع فاطيما وقايلالها اني اتحملت حجات صعب شخصيتي تتحملها واولهم اني اكون وحيده وبعيد عن اختي اكون قاعده في البيت لوحدي خاېفه من الصوت اللي جاي بره الباب خاېفه وانا طالعه في الاسانسير لوحدي اعمل ايه تاني بس
نور……بصي يا ميار انتي قررتي تبعدي واختيارك للبعد مش حل لا هتقدري تنسي جلال ولا هتقدري تعيشي طبيعي لان البعد من غير مواجهه مش حل
ميار….مواجهه يعني ايه
نور…..انتي قدامك حل من اتنين اول حل يا ميار تواجهي بمعني ايه انك متبقيش بعيده يعني تروحي القصر علي طول تقعدي معاهم في وقت سهره حلوه ولو الوقت اتأخر ولزم الامر انك تباتي الليله دي هناك تباتي وتتعاملي عادي انك في بيت اختك وسط الناس اللي بتحبيها
تقعدي مع جلال وترجعي تهزري وتضحكي وتتكلمي زي الاول هروبك من الكلام معاه او انك تشوفيه مش هو الحل ولا البعد هيساعدك تنسيه لازم تحسسي نفسك انك تقدري تبعدي عنه ومتفكريش فؤه وهو قدامك لان لو عملتي العكس لازم هيجي وقت وتقابليه ومع اول لقاء بعد غياب مشاعرك هتفضحك عينك هتفضحك رعشه صوتك اللي كانت ملزماكي في الخروجه هتفضحك عارف انه ڠصب عنك بس اصعب حاجه في الدنيا شعور الاشتياق لشخص كان قريب ليكي وانتي جابره نفسك علي البعد عنه يوم ما هتقابليه مش هتقدري تتحكمي في مشاعرك كلها ولا هتقدري تسيطري علي نفسك لان وقتها مشاعرك مش هتكون ملكك انتي
انتي اجبرتيها علي البعد بس لما هترجعي تشوفيه هب هتجبرك علي عدم السيطره
بس لو انتي مش عارفه تعملي ده انا عندي حل تاني لو وافقتي عليه انا مستعد اعمله عشانك انتي بس عشان ترتاحي
ميار……حل ايه
نور…..اتكلم مع جلال
ميار…..تتكلم مع جلال في ايه
نور…..في كل حاجه يا ميار هتكلم معاه بصراحه لو ده اللي هيريحك هقوله واكيد هقوله بطريقه تحفظ كرامتك كا بنت بس يكفيني اشوفك مرتاحه
ميار….انت اكيد اټجننت يا نور تقوله ايه بس لا طبعا مستحيل
نور…..انا قولتلك هقوله بطريقه تحفظ كرامتك.
ميار…..ايا كانت الطريقه مجرد فتح الموضوع ده نفسه مفيهاش حفظ كرامه يا نور تفتكر يعني لما تروح تقول لجلال كده هيسيب رهف عشاني ولا تفتكر يعني لو ده حصل وفرضنا انه سابها عشاني هيسيبها ليه اصلا عشان هصعب عليه عشان هيضايق عشاني ما هي ملهاش تفسير غير كده ما هو مش هيحبني بمجرد ما يسمع منك الكلام ده والاهم انا لو قادره الوقت احط عيني في عينه بعد كلامك ده مستحيل اشوفه وانا كمان مستحيل اقبل انه يسيب رهف ويوجعها عشان بس يرضيني ويكون معايا
نور…..انا قولت انه مجرد حل يمكن ترتاحي لما يكون علي الاقل حاسس بيكي
ميار….لو مفيش غير الطريقه دي مش عيزاه يا سيدي يحس بيا
نور…..يعني تفضلي انك تفضلي حاسه بالۏجع عن انك تقولي للشخص اللي بتحبيه انك بتحبيه
ميار….اوعي تكون فاكر اني عندي مشكله في اني انا اللي اقول لا خالص يمكن دي بعيده عن شخصيتي بس لو مش قادره اتحمل هقول لكن عشان اقول لازم يكون في اسباب تخليني عندي الجرأة اللي اعترفله بيها أولهم اني اكون واثقه انه بيبادلني نفس الشعور اني اكون واثقه ان مفيش حد في حياته
لكن مش بالطريقه دي يا نور ابدا
نور…..بإبتسامه هاديه باينه علي صوته بيتهيألي هو ده اللي كنت مستني اسمعه منك
ميار….ليه وانت كان عندك شك تسمع غيره
نور…..من غير زعل ايوه تخيلت انك هتتبسطي وتوافقي
ميار….اوافق علي ايه يا نور اوعي تفكر في اي وقت ان حبي للي شخص ممكن يخليني اتنازل عن كرامتي
نور….بس اوقات الحب بيخلي الكرامة ملهاش وجود
ميار…..يمكن بس دي شخصيات يا نور وانا مش الشخصيه اللي تتنازل عشان تحب او تلفت النظر
نور…..وانا مبسوط اني اتعرفت علي جزء جديد من شخصيتك دي كنت حاسس ان حبك لجلال خلاكي فقدتي توازنك
ميار……يبقي لسه معرفتنيش كويس يا نور
نور…..وادينا لسه بنتعرف يا ستي عموما يمكن اللي قولته كان جس نبض بس صدقيني لو كنتي وافقتي كنت هعمل ده عشانك بس بما انك رفضتي يبقي كده احنا متفقين مفيش غير الحل الاول يا ميار وده اللي انا بفضله
ميار…..حل ايه
نور….انك تواجهي متهربيش انك تكوني قريبه متبعديش انك في وجوده تتكلمي متسكتيش
ابتسمت ميار بهدوء
ميار…..هتجيب نتيجه
نور…..هتجيب نتيجة انتي نفسك مش هتتوقعيها وهتبدأي تحسي ان جلال بقي بالنسبالك عادي شخص قريب لكن كمان هو عادي صديق اخ في بينكم نسب
نور….ميار انتي مكنتيش قريبه اولاني عشان تبقي قريبه تاني
ودي النقطه اللي بحاول افهمهالك انتي كنتي قريبه هزار ضحك خروج سهر لمه حلوه قاعده جميله مقالب اكله بټخطفوها من بعض هو ده وضع جلال في حياتك جلال متخطاش الخط الاحمر زي ما بيقولوا معملش حاجه تخليكي تنبهري او تخليكي تحسي انه بيحاول يقرب منك
ميار انتي مشكلتك انك فاهمه الحب غلط شوفي عشان توصلي لأعلي درجات الحب عمرك ما هتوصليلها لوحدك لازم حد يساعدك علي ده حتي لو بنظره مفيش بعدها كلام وبيتهيألي حتي دي جلال معملهاش وعمره ما تخطي حدوده معاكي عمره مقالك كلمه تحسسك انه بيحبك
الحب يا ميار لازم يكون في تبادل لازم زي ما بتدي تاخدي مينفعش تكوني مقدمه كل اللي جواكي من مشاعر حلوه علي طبق من دهب وانتي مش بتاخدي حتي مشاعر من فضه
مينفعش تدي اكتر ما بتاخدي حتي لو الطرف اللي قدامك انتي واثقه انه بيحبك وفي بينكم علاقه لازم متبالغيش في مشاعرك خلي عندك وسطيه ادي بس ادي علي قد اللي بتاخديه منه وعشان تكون صريح معاكي يا ميار احنا الرجاله اغلبنا مش كلنا لما بنضمن وجود البنت او الست في حياتنا ڠصب عننا بنتغير لاننا عارفين مهما قصرنا انتوا هتسامحوا في حقكم بمجرد ما نرجع ونقولكم كلمه حلوه لازم تستني المقابل يا ميار لان الراجل لو حس ان الست بتدي من غير مقابل هيبقي أمر مستباح ومش هيفكر يديكي ربع اللي بياخده منك لانه اتعود ياخد وميديش وهي تسامح باسم الحب نصيحتي ليكي يا ميار اوعي تدخلي علاقه تكوني فيها الطرف اللي بيدي من غير ما ياخد فهمتيني
ميار….بإبتسامه فهمتك
نور…..توعديني تعملي كده
ميار….اوعدك يا نور
نور….اه وبالنسبه للاستاذ احمد
ميار….احمد مين
نور….بضحك ايه لحقتي نستيه
ميار….بضحك لا انت عارف من الاول ان احمد ده كان هروب زي هروبي من القصر
نور….خليني اقولك اخر درس عشان اقفل معاكي واسيبك تكملي اللي وراكي
ميار….بإبتسامه قول يا مسيو نور
نور….اوعي تدخلي أي حد حياتك علي أنه مسكن لان نسيت اقولك ان في رجاله كتير بتاخد الموضوع جد وبتقع في الحب متبقيش سبب في ۏجع حد يا ميار وارد اللي انتي وخداه علي انه مسكت ينسيكي وجعك يتعلق بيكي وتبقي انتي سبب وجعه فهماني يا ميار
ميار…..سكتت ثواني و اتنهدتت فهماك يا نور
نور…..يلا يا ستي روحي شوفي اللي وراكي وانا هنزل اشوف فاطيما اللي بتعمل النسكافيه بقالها سنه واه اعملي حسابك هعدي انا وفاطيما ناخدك متروحيش لوحدك
ميار….حاضر هستناكم نور
نور….ايه تاااااني
ميار…..انا بحبك اوي ربنا يخليك ليا وتفضل احلي مسيو في حياتي
ابتسم نور وسكت شويه
نور……اه بس متنسيش ان الدروس هتبقي مقابل يعني متفكريش الكلمتين الحلوين دول هيمسوني الايس كريم
ميار …بضحك لا مش ناسيه يا سيدي الكلمتين دول ملهمش علاقه بالايس كريم
نور…..بهدوء ماشي يا ستي اتفقنا
ميار….يلا روح لفاطيما بقي عشان تفطر
نور….انتي فطرتي
ميار…اه شربت نسكافيه وكلت بسكوت
نور…..ماشي بالف هنا يلا روحي كملي اللي بتعمليه واياك اجي تأخريني وتفضلي فوق هطلع احدفك علي طول انتي عرفاني
ميار….بضحك لا متقلقش هوقفك نص ساعه بس يلا باي
نور…..هنشووووف باي
قفل نور واتنهد فضل ساكت شويه وبعدين قام خرج من اوضه فاطيما ونادي عليها بصوت عالي
نور….انتي غيبووووووبه علي رأي رامي كل ده بتعملي النسكافيه ولا نسيتي. اصلا
فاطيما من تحت وهي بتضحك
فاطيما……لا والله عملته بس انت مسمعتش التكسير اللي حصل ده كله
نزل نور بسرعه بص عليها لقاها بتمسح الارض
نور….بضحك وقعتي النسكافيه
فاطيما….من غير طولة لسان اهو عملتلك غيره تعالي افطر لحد ما انضف الارض اللي اتبهدلت دي
نور….طيب خلي بالك احسن تتعوري
فاطيما….لل متخافش لمېت الازاز ورميته في الباسكت
نور….لفتيه في ورق زي ما قولتلك قبل كده
فاطيما…..بصت لفوق لا نسيت
نور…..طيب وسعي انا هلفه في ورق حرام بدل ما حد يتعور
فاطيما…طيب خلي بالك بس من ايدك او اقولك كده كده الكيس لسه نضيف ومش فيه غير الازاز اسحب الكيس من الباسكيت و لف ورق عليه وبعدين اعمله بالسوليتب
نور….طيب فين السوليتب ده
فاطيما…..عندك في الدرج اللي قدامك
نور….تمام
…………….
في قصر الطوبجي الكل صحي بدري وبدأت التجهيزات التيم وصل ومن اول ما وصلوا وهما شغالين شغل من ڼار عشان يلحقوا يخلصوا قبل ما الكل يجهز والحفله تبدأ.
في البدايه بدأوا يحاوطوا سور القصر بالكامل بالورود والانوار كان شكله يجنن ودي اول حاجه ظهرت
مريم كانت واقفه علي ايدهم هي ونادر وكمان الشباب كانوا بيساعدوهم لو احتاجوا لكن هي ونادر اكتر اتنين تعبوا بجد مع التيم.
بدأ مريم تعرف المسؤول عن الجزء الخاص بالاعلان عن جنس البييي تعرفه كل بنت فيهم هتجيب ايه عشان لما يقفوا يبقي عارف بالترتيب كل واحده هتجيب ايه وميبقاش في اي غلط التيم نفسه كان مبسوط جدا مش بس عشان بيشتغل مع أشهر و ارقي ناس في المجتمع لكن كمان عشان دي كانت المره الاولي اللي يعملوا فيها حفله فيها خمس حوامل فكان في حماس كبير جدا ونشاط غير عادي.
بدأ المسؤول عن الدي چي يظبط السماعات والمسؤولين عن فرش التربيزات يعملوا ديكور شكله جميل.
واهم خطوه في كل التجهيزات كانت تجهيز الركن الخاص اللي هيقفوا فيه
كان عباره عن شكل قصر كبير وراهم كله ورود مقسوم بلونين الازرق و البينك
وقدام الماكيت بتاع القصر ده في شكل اسطواني طويل عليه من فوق زراز نفس فكره مسابقات اسئله السرعه اللي يجاوب اسرع يدوس لكن ده فكرته ان كل كابلز هيقفوا ويمسكوا ايد بعض و يدوسوا عليه ويطلع لون معين يوضح البيبي ولد او بنت
الشكل الاسطواني ده كان موجوده منه خمسه قدام الماكيت يعني كل كابلز من الخمسه هيقفوا قصادوا ويضغطوا مع بعض.
كان كمان في حوالين الجنينه في الارض نفس الفكره بمجرد ما الكابلز يضغطوا اللون مش بيطلع لفوق وبس كمان الاجهزه اللي في الارض بتخرج نفس اللون
عشان كده مريم طلبت من الكل يلبس ابيض ويبقي زي مهرجان الالوان .
كانت فكره مجنونه لكن اكيد هيكون ليها ذكري جميله والاهم ان الاجواء فعلا مجنونه وهتجنن الكل .
كمان من ضمن التجهيزات كان محطوط خمس لوحات متعلقين علي مقاعد خشبيه علي كل لوحده اسم واحده من البنات
ومقسومه بالنص نص مكتوب عليه girl ونص مكتوب عليه boy
ودي عشان كل اللي موجودين يكتبوا توقعهم لكل بنت هتجيب ايه ويمضوا تحت توقعهم عشان تبقي ذكري.
اما بالنسبه للبوفيه فكان
في تورته كبيره اوي في وسط البوفيه علي شكل بيبي نايم علي وشه هدومه مقسومه بنفس اللونين الازرق و البينك.
ادوار من الكب كيك و الدوناتس و الجاتوهات و الكوكبيز كل حاجه كانت دمج بين اللونين حتي العصاير كانت مميزه بنفس اللونين شكل البوفيه كان يجنن
وكله بهجه
ده كان البوفيه الحلو اما بوفيه الاكل كمان كان في اصناف كتير جدا واقف عليها شيف من الشيفات الكبيره اللي بيتعاملوا معاها في حفلاتهم .
كل حاجه كانت معمول حسابها وعلي الرغم من ضيق الوقت اللي مريم اتفقت معاهم فيه هي ونادر لكن اتنفذ بالظبط زي ما هي كانت عايزه.
حمام السباحه كان كله بلالين بنفس اللونين كمان.
حوالين الماكيت اللي شبه القصر كان في زي قماش شيفون ابيض طاير زي الستاير كانت عامله شكل يجنن.
الشباب والبنات صحيوا علي تسعه فطروا و من بعد الفطار الساعه عشره بالدقيقه وصل التيم زي ما اتفقوا مع مريم وبدأوا علي طول يشتغلوا كل جزء كان شغال في مكان زي خلية النحل عشان يلحقوا يخلصوا ومن بدايه ما وصلوا والشباب والبنات داخلين خارجين يتفرجوا عليهم وهما مبسوطين الكل كان متحمس البنات و الشباب كان في حاله غريبه من السعاده لاول مره بيجربوها .
………..
مريم……بإرهاق نادر معلش معاك مناديل
نادر….اه معايا امسكي بس ادخل يلا اغسلي وشك شكلك تعبان
مريم…..لا خالص بس إرهاق مش اكتر كمان حاسه ان الجو حر
نادر….عشان الشمس بس شويه وهيبدأ الجو يهدأ
مريم…..بقولك ايه هو البوفيه اللي بيجهز ده مش هتسيح الشيكولاته دي
نادر…..انا قولتلهم متقلقيش هيظبطوا بس الحاجه اللب مش هتسيح يعني المقبلات والحجات اللي زي كده الباقي لسه في العربيات بره
مريم….يعني هي العربيات مش هتسيح الحاجه
نادر….يا غبيه دي عربيات زي التلاجات اسكتي يا مريم اسكتي
مريم….بضحك انت بتتعصب عليا
نادر….بضحك اصل شكل الحر كل دماغك
مريم….بضحك بتقول فيها عقلي ساح خلاص
نادر….طب ادخلي ياقلبي ارتاحي شويه كده جوه اشربي عصير كل حاجه واغسلي وشك وتعالي تاني وبعدين انتي واقفالهم كده ليه ما الناس شغالين اهو وكل حاجه زي الفل
مريم…..عارفه والله مش واقفه براقبهم اكيد بس بطمن ان كل حاجه زي ما انا عايزه.
نادر….لا صراحه هما مش واقفين وكل واحد عامل اللي عليه واكتر
مريم….فعلا سكتت ثواني و نادت عليه مره واحده نااااادر
نادر….اييييه خضتيني
مريم….نسيت اقولك حاجه مهمه صحيح
نادر….قولي
مريم….في حاجه احنا نسينا ناخد بالنا منها الوقت انا قايله للكل يجي بأبيض
نادر….اه فين المشكله
مريم….بضحك المشكله ان الالوان دي لما تخرج من الاجهزه الكل هيبوظ خالص اللي مروح هيروح ازاي بمنظره ده
نادر….بضحك يا نهار الوان احنا نسينا ازاي صحيح
مريم….طيب احنا لسه معانا وقت لازم نعرفهم بسرعه يجيبوا طقم معاهم
مريم….طيب وانا هقول لزهره عشان مش عاره فريده هتيجي لابسه ولا هتلبس هنا
نادر….لسه هتعملكم ميك اب اكيد هتلبس هنا واصلا هي زمانها علي وصول عشان تلحق تخلصكم كلكم.
مريم…..طيب تمام هنشوف بس كده عايزين اوضتين علي الاقل يجهزوا فوق عشان يقدروا يظبطوا نفسهم بعد الحفله متنساش ان السهره مكمله لحد بليل اكيد مش هيقعدوا بمناظرهم دي
نادر…..بضحك ايوه صح يلا هروح بسرعه ابلغ روح عشان الاوض تجهز وهقولهم يكلموهم بسرعه.
مريم….تمام يلا بسرعه.
دخل نادر قال لامير وجلال يكلموا الشباب ويعرفوا رباب مامة هشام كمان يقولولهم يجيبوا طقم تاني واتصل قاسم بلغ هو عاصم و أكد عليه يقول لعلي نادى كلم منذر قاله وقاله كمان يقول لچورچ
دقايق والكل بقي عنده خبر حتي فريده كانت خلاص داخله علي القصر بس كانت عامله حسابها اصلا .
بعد حوالي تلت ساعه وصلت فريده قدام القصر البوابه كانت مفتوحه و أغلب الشباب كانوا بره هما والبنات ونزلت زهره تستقبلها لما عرفت انها قربت
ابتسمت فريده وفضلت تعمل بالكلاكس وهي داخله كلهم كانوا واقفين مبتسمين ركنت ونزلت
زهره…..طبعا نفسك اقتليني عشان الشمس اللي جايه فيها دي
فريده….علي اساس اني بشتغل بليل ما انا بنزل بدري عن كده كمان وحشتيييييني
زهره…انتي كمان
قربوا منها البنات سلموا عليها بحب ووقفوا يضحكوا ويهزروا
روح….بقولك ايه انا عايزه ابقي احلي من كل البنات
فريده….طيب بزمتك دي عايزه كلام انتي احلي واحده فيهم اصلا
ضحكت روح وحضنتها وسلمت عليها
قاسم…..بضحك
لا انتي كده فاهمه غلط ده مش فرح ايه الكلكسات دي كلها
فريده….بإبتسامه جميله وهو في احلي من كده فرح بزمتك
ابتسم قاسم وسلم عليها سلم عليها راجح كمان وباقي الشباب.
فريده…..اهلا بأول بابي
فريده…..طبعا انت والبت القمر دي بقولك ايه هخليهالك احلي من يوم الفرح
زيد…..حلو ده وانا مستني
صبا….بضحك انا علي طول عروسه اصلا
حطت فريده ايدها علي كتفها وباستها من خدها انتي احلي عروسه اصلا
قاسم….يابنتي انتي هتفضلي حابسه البنتين دول في العربيه ما تقوليلهم انزلوا
فريده….بضحك هما لسه جوه يلا يا بنات انزلوا.
زهره….طيب الاول اقعدي ارتاحي كده وبعدين نبدأ
فريده….لا مفيش وقت ده مفيش غيري انا والبنتين بس خلينا نبدأ كده براحتنا عشان نلحق
زهره…هي الدنيا هتطير ارتاحي
طيب
فريده….يابت بطلي زن يلا عايزه احلي واكبر كبايه قهوه عندك و عرفيني هشتغل فين
جنه…ديدا انا عايزه ابقي احلي من صبا وروح
فريده…..يا خړابي علي القمر هي العيله دي فيها حد وحش يابت كلكم قمرات
روح……والله ما في قمر غيرك انتي
مريم….ديدااااااا
فريده…ايه في ايه
مريم….بضحك جيبتي غيار تاني
فريده…متقلقيش انا رايحه جايه علي طول بشنطه فيها غيار احتياطي لاني ديما بغير في السنتر لو في شغل كتير
مريم….طيب الحمد لله انا قولت مش هناحقك وهتيجي تروقينا
زهره….حتي لو ملحقتش دولابي قدامها تختار اللي هي عيزاه
روح…..ايوه صح البنات كلهم موجودين اختاري اللي يعجبك
فريده….حبايبي متقلقوش والله معايا ولو مكنتش لحقت اكيد كنت هاخد منكم امال اروح بكرنڤال الالوان ده
مريم….ايه رأيك في الديكور
فريده….بصراحه يجنن ماشاء الله عليهم بجد المكان حقيقي كان جميل وبقي اجمل في روح حلوه
راجح….بضحك حط ايده علي كتف روح طبعا في روح حلوه وجميله وقمر كمان
ضحكت روح بكسوف من عمايل راجح اللي بتفاجئها وضحكوا كلهم بسعاده
فريده….دي احلي روح في الدنيا
سالم….مش كده يا باشا خف شويه احنا مش قدك
مراد….متغاظ منه اعمل زيه.
فريده…..بضحك مثلا يعني وعلي فكره يا قاسم انت وزهره انتوا نصبتوا علي عدي
قاسم….اه والله لسه بقول لزهره من شويه لما عدي يكبر ويشوف الاجواء دي متصوره ھيقتلنا
فريده….صراحه حقه وعموما انا مش هتوصي هسخنه عليكم
اااااااه بقول اييييييييه
زهره….في تحذير جاي رفعت صباعها
فريده…والله لو الالوان دي اشتغلت قبل ما تتصوروا بالميك اب بتاعي هقتلكم مفهوم
قاسم…..هيطيروا شغلك وتعبك في لحظه علي الفاضي
فريده….والله ارتكب فيهم چريمه يتصوروا وهما نضاف وحلوين وبعدين يبهدلوا نفسهم براحتهم
سالم….سمعتوا نضاف وحلوين دي
فريده….بضحك ما انت كنت واقف عاقل مالك بتسخنهم ليه
راجح…..لا ماهو ده سالم شغال بوتجاز في وقت الفراغ
سالم….بضحك متصدقيش انا مفيش اهدي ولا اعقل مني
فريده….بصت لشمس وهي بتضحك حصل يا شمس
ضحكت شمس وهزت راسها بلأ
سالم….بقي كده
فريده….ما كنت واقف ساكت اديك جبته لنفسك.
ضحكوا كلهم و خدوها البنات وطلعوا فوق علي اوضه جهزوها عشان تشتغل فيها هي والبنات اللي معاها
وبدأت فريده تجهز البنات وراحت مريم بسرعه تاخد شاور عشان تكون مستعده للميك اب.
فريده والبنتين اللي معاها كانوا شغالين من ڼار هما كمان
السېجاره طبعا في بوئها مركزه جدا فاصله تماما وكل شويه تروح للبنات تعمل حاجه هي في المكب اب وتساعدهم وترجع تاني تكمل شغلها مكانش حد بياخد في ايدها 20 دقيقه بميك اب احترافي و يجنن وفي نفس الوقت هادي و ماشي مع الاجواء الجميله بقت تظبط كمان وراء البنات وتراجع علي شغلهم وهي تعمل فينيش العين الاخير لحد ما الكل بقوا قمرات وشكلهم مع الفساتين البيضاء كان يجنن.
في الوقت ده ملك كانت عماله تتصل بميار وهي مش بترد مفيش عشر دقايق سمعوا خبط علي الباب بصت ميار وفاطيما ورباب من وراء الباب
ميار….طبعا ملك هتقتلني صح
ملك….يا جزمه رعبتيني عليكي كل ده
ميار….يالهوي علي الحلاوه مبرووووووووك
سلموا عليهم البنات وزغرطتت رباب زغروطه صغيره بهزار لانها مش بتعرف
رباب…..ايه القمرات دول تسلم ايدك يا ديدا.
فريده….والله ما في قمرات غيركم يلا روحوا البسوا انتوا التلاته بسرعه وتعالواواعملكم الميكب اب
رباب….لا خلاص مش مهم انا عامله
فريده….عامله ايه يلا بسرعه تعالي
رباب…..بإبتسامه ماشي هواااا
عدي الوقت بعد ما خلصت الكل فريده وقفت مع البنات اللي شغالين معاها عشان تطلبلهم اوبر زيد كان واقف قريب منهم وسمعها رفض وخلي حد من السواقين يوصلهم مكان ما هما عايزين.
زهره….ممكن بقي يلا تجهزي بسرعه مفيش وقت الفستان اهو اقفلي علي نفسك من جوه خدي شاور وظبطي نفسك وانا هستناكي
فريده…..طيب تمام مش هتأخر اديني ربع ساعه
بس
زهره….هي الساعه اصلا تلاته ونص لسه معانا وقت انتي خلصتينا في وقت قياسي اصلا تسلم ايدك يا قلبي
فريده….ايه القمر ده والفستان الحلو ده
زهره….بإبتسامه هتلبسي احلي منه الوقت يلا ادخلي
فريده….عارفه لو طلع مش مقاسي ھقتلك اه معايا لبس بس خلاص الفكره عجبتني وعايزه البس ابيض زيكم
زهره….بضحك طب لو المقاس مجاش بالظبط يبقي بحق يابت انا اللي مدياله مقاسك هتوه عنه يعني.
باستها فريده من خدها وبعدين خرجت زهره وسابتها تجهز براحتها.
- يتبع الفصل التالي اضغط على (مملكة احفاد الطوبجي) اسم الرواية