رواية صعيديه و لكن (كاملة جميع الفصول) حصريا عبر دليل الروايات بقلم لوليتا التركي
رواية صعيديه و لكن الفصل الاول 1 - بقلم لوليتا التركي
هتتجوزي واد عمي برضاكي او غصب
= يا أبا ليه تحرمني اختار الل هكمل معاه حياتي
فى منزل باحدي القرى الريفيه تجلس نور بجوار والدها ووالدتها
يتسامرن معا ويتبادلون أطراف الحديث عن بعض الامور المتعلقه بحياة ابنتهم الوحيده
مسعد:شدي حيلك يا بتي عشان تبجي دكتوره كد الدنيا وترفعي رأسي ، اهنه البنات ملهاش علام ومش يامه الل يدخل بناته المدرسه
نوربحماس: يا أبا بتك الاولي طوالي وهوصل فى يوم وتبجي فخور بيا
تهاني: دا اللي فالحه فيه لا طبيخ ولا غسيل
فزي اغسليلك صحنيين ينفعوكي
لتضحك نور بمرح: هبجي اجيب شغاله يمه تطبخ وتكنوس وتمسح ، اهملكم واروح اذاكر
____________________________
وفي الجهه الاخرى تسللت اشعه الشمس على وجهها لتفيق وتفتح عيناها وتدعو ربها أن ينجيها من عذاب زوجة أبيها وابيها ثم تمسح على وجهها وتدلف الي الحمام تتوضي وتصلي فرضها وتنزل لتستقبل عناء يوم جديد
فاطمه : صباح الخير يا مرات ابوي
رئيسه بغضب: صباحك منيل بستين نيله صاحيه متاخره اتنيلي جهزي الفطار لابوكي واخوكي
فاطمه بحزن : حاضر
________________________
تستيقظ وتفرك عينها وتسحب الهاتف بملل مردده : مين اللي هيرنلي على الصبح اكده
ايناس: السلام عليكم ، مين
مصطفي: وه نسيتي صوتي
ايناس: واد خالتي عامل اى
مصطفي: بخير كيفك وكيف خيتي عامله اي
ايناس : نحمد ربنا ،امال جاي ميته
مصطفي:لسه كمان كام يوم ، وحشتينى
ايناس:ها
مصطفي: ها اي بجول بحبك
ايناس بتلعثم: ا انا ه هقفل اخوي بينده عليا
ليضحك مصطفي : سلام يا قطه
تضع يدها على قلبها وتتنهد قليلا واردفت قائله :وبعدين وياك هتقع فى حبه
______________
فارس :السلام عليكم
عزت: وعليكم السلام كيفيكم عاملين اي
سالم: الحمد لله بجولكم ما تيجي نسافر نشتغل بره
عزت : يا اخوي احنا صعايده طبعنا حامي مهنستحمل تحكمات من حد
فارس: قوله تاعبني وياه وعايز يسافر
عزت: تسافر تعمل اى ابوك كفايه تعب وشغل هتسافر وتسيب حالكم وارضكم لمين
سالم: مطايقش اجعد اهنه
فارس: ما انت لازما تنساها يعني الل خلقها مخلقش غيرها
سالم: محدش يفتح وياي السيره دي معيزش وجع جلب
عزت:وجع الجلب هو الل هيفوقك هتفضل تتوجع والوجع يزيد لحد ما تتعود على غيابها مكنتش ليك يا اخوي
فارس:اسمع الحديت وبزيداكي شاور على اى زحده ترضي بيك
سالم: لا عايزها ولا عايز غيرها هقوم اروح سلام
فارس: تعبنا وياه معرفش انا اعملوا اي
عزت: سيبوا ياخد وقت وهيتعود
ليصدح صوت هاتف عزت ويقوم باغلاق الهاتف
فارس بغمز: ما ترد
عزت: لا عادي هكلمها بعدين
فارس:يا اخوي تيجي الست يغور الراجل هسيبك انا
عزت: برضوا اكده دا عشانها انساك😂
فارس : ندل طول عمرك
_________________
فى غرفه نور
نور:نعم عايز اي
عزت:عايزك
نور:لا والنبي ما لسه قافل فى وشي
عزت:كنت مع فارس واول ما مشي رنتلك
نور بزعل :بقي اكده فارس اهم مني
عزت: لا انتي اهم من اي شي بس اجولك لما اجيلك الدوار متلبسيش احمر تاني كنتي عفشه
نور: بجا اكده يا عزت بتجول عليا عفشه
عزت: يا حبيبتي انا على الخلجات الل شفتك بيهم كانوا عفشين مهيخلش فيكي الاحمر
نور: ماشي يا عزت هملني اذاكر وروح شوف وراك اي
عزت: يا حبه الجلب مجصديش ازعلك انا بحبك ورايدك ومستني تخلصي من الامتحانات واجي لابوكي نحدد الفرح
نور: ماشي يا واد عمتي اما انشوف اخرتها معاك
عزت: اخرتها خير وتبجي مرتى هروح اشوف حالي والزرع واهملك تذاكري
نور: سلام ي اخوي
عزت: يا اي سمعيني اكده
نور: يا جلبي
لتغلق المكالمه سريعا وتجلس تذاكر دروسها لتقف امامها بعض المسائل ولكن هيهات بعد وقت قصير تتمكن من حلها وتصرخ قائله: خساره فى البلد دهه
لتدلف والدتها لغرفتها : اباي عليكي يا بت اتلمي صوت صريخك سمع النجع كله الناس تسمعك تجول اي
نور: ولا حاجه يمه وفيها اي ما كل واحد خليه فى بيته وملهش دعوه بحد
تهاني. يا بتي اهنه اللي يسمعوها تصرخ يطلعوا عليها سيره عفشه
نور: واه يمه يالا بينا ننزل نحضر الوكل وسيبك من الناس كلامهم لا يفيد ولا يضر
تهاني:بجيتي تتحدتي وتتفلسفي كيف بنات مصر
نور بمشاكسه : دا بنات مصر يتعلموا مني
تهاني:طاب جدامي يختي
•تابع الفصل التالي "رواية صعيديه و لكن" اضغط على اسم الرواية