رواية حلم الليالي (كاملة جميع الفصول) حصريا عبر دليل الروايات بقلم هاجر عبد الحليم
رواية حلم الليالي الفصل الاول 1 - بقلم هاجر عبد الحليم
"في قلب الحب... يشتعل الصراع!"
هل يمكن للحب أن يكون سببًا للصراع؟ وهل تأتي التضحيات دائمًا بثمن؟
في هذه القصة المشوقة، نجد أنفسنا أمام مثلث عاطفي معقد، حيث تنقلب الحياة رأسًا على
عقب بين مروة،
الزوجة
المخلصة، وشهد، المرأة التي تظهر فجأة في حياة عبد الله، وتبدأ في خلق التوتر والشكوك.
عبد الله، الرجل الذي يحب زوجته مروة بكل قلبه، يجد نفسه عالقًا بين مشاعر الوفاء والحب لشخصين. مروة، التي قدّمت كل شيء من أجل عائلتها، تتعرض للاختبار عندما تكتشف وجود مشاعر جديدة في حياة زوجها. أما شهد، فدورها يزداد تعقيدًا، فهي لا تكتفي بمحاولة جذب عبد الله، بل تبدأ في إشعال نار الغيرة، مما يهدد استقرار العائلة ويضع كل شيء على المحك.
هل ستصمد مروة أمام هذا التحدي؟ وهل سيستطيع عبد الله الحفاظ على التوازن بين حب زوجته وتهديد مشاعر شهد؟ ومن هي المرأة التي سيتبعها في النهاية، هل هي مروة التي تكافح من أجل الحفاظ على العائلة، أم شهد التي تظهر كعاصفة في حياتهم؟
رواية حلم الليالي الحلقة 1
صرخات تتعالى بحرقة رافضة ذلك الواقع المرير. ما اقسى القدر ع البشر لا احد يستطيع ان يحصل ع مبتغاه ف كثير من الأحيان.سنة ربنا ف ارضه تقتضي علينا القبول والرضا لفهم حكمته وينزل ع قلوبنا السكينة ويرفع البلاء ويبشرنا بالعطاء❤️
مروة ظلت تبكي بالساعات ف حضن صديقتها اروى تريد ان تذهب الي عالم اخر افكارها السوداء تكاد تفتك بها بلا رحمة يالله الرحمة منك ف الروح تهالكت من الكسر والعقل مشتت من الواقع والحلم ايهما احق بنا؟
مروة..انا حاسة اني كدا وصلت للنهاية صح
اروى..طول م انتي عايشة تأكدي ف بدايات كتير مستنياكي ومش كل نهاية معناها الموت ممكن تكون حياه تانية حلوة عايزاكي وهتدور عليكي وهتلاقيكي حتى لو انتي اختفيتي منها
مروة.بطلي بقا كلام الكتب اللي عمالة تقري فيهم هيلحسو عقلك
اروي.بتتريقي عليا ياست مروة م هو باين من كلامك بس ماشي هعديها واه دا مش كلام كتب حطها بشر زيي وزيك دا كتاب ربنا واحنا هنا ف مملكته لازم نسيب نفسنا ليه ومتاكدين انه مش هيأذينا حتى لو منع عننا اللي عايزينه نقول موافقين يارب بس لينا طلب واحد اربط ع قلوبنا عشان الوجع بيموت وكسرة القلب مش سهل انه يرجع تاني زي م مهو فاهماني يامروة
مروة.بس انا دعيت كتير
اروي.واي يعني؟
مروة..بس دا مش وعد ربنا لينا
اروى.دا اختبار لصبرك بلاش تفتحي باب للوسواس دا هيخسف بيكي الأرض لو سمعتيه
مروة.تفتكري هقدر انساه وهو قدامي ليل نهار كدا
اروي.امسحى دموعك دي بس الاول وهقولك
مروة.حاضر
نظرت اروي لصديقتها الطفولية تلك بحنان ف هي ابنتها الصغري لا تريد ان تراها ضعيفة ف هو ع الرغم من اخلاقه النبيلة وتدينه الصريح ومعزتها له ف هي لا تراه مناسب ابدا ل مروة
لانها فتاه حالمة لا تمت للواقع بصلة
رقيقة الحس مرهفة المشاعر ع فطرتها وعفويتها التي يظن البعض بأنها سذاجة ولكنها لا تستطيع تغيير قلبها الهين وثقتها الصريحة بكل شخص يقابلها تحمد الله بأنه جمعها بها ف صديقة مثلها يعني الأمان ف العيش والسعادة ف المواقف
عزمت امرها بأنها لن تسمح ابدا لها ان تدمر نفسيتها وحياتها من اجلها ستقف لها بالمرصاد وتكون شديدة عليها لو لزم الامر
مروة..اي يابنتي روحتي فين مين اللي بتفكري فيه لا لا يكون بتحبي يابت ولا اي؟
اروي..احب اي بس اتوكسي هو اللي يعرفك يتهنا ابدا بحاجة؟
مروة.لا انا زعلت بجد هونت عليكي تقوليلي كدا؟
اروي.لا يابت اطلعي من دول مش هعيط انا لما تبصي بالنظرات دي اتعودت ومبقتش تسيطر عليا خلاص
واخرجت لها لسانها ف مروة نظرت لها بغل ونظرت الي الوسادة ورفعتها ع وجها
مروة..طب غوري بقا مش عايزة اشوف خلقتك قدامي انتي اي اللي جابك اصلا
اروي.الحق عليا جيت اخرجك بس ملكيش ف الطيب نصيب انا ماشية
مروة.خدي هنا بس ياستار عليكي حمقية بشكل انا بهزر معاكي
اروي.لا انا اصلا ورايا مشاوير مش هعرف لا خليها وقت تاني يلا باي
مروة..بالله عليكي استني هعيط بجد بلاش هزارك السخيف دا بتعرفي تمثلي مش بعرف اقفشك كويس
اروي..اصل بصراحة بحب انكشك بلاقي متعة رهيبة
مروة.بت انتي اختصري بقا انا هتعصب عليكي بجد مش هزار
اروى.نتكلم جد بقا
مروة..الله طالما مسكتي ايدك يبقي في مصيبة جاية ع لسانك دلوقت
اروي.لا هي مفجأة قمر زيك انتي مش كنتي قايلالي ع شغل ف مدرسة لغات انا بقا قعدت ادور ع مكان فيه كل المواصفات اللي انتي عايزاها ولقيت وكلمت الأدارة وعايزينك عشان المقابلة والمرتب عالي غير المجموعات الدراسية ملكيش حجة بقا تقدري تسدي كل احتياجاتك من غير م تتحوجي ليه
مروة..لي كدا انتي عارفة عمرو م اشتكي ابدا عبدالله مش بس ابن خالتي لا دا اخويا ودايما محافظ عليا
اروي..لا بس معلش الوضع اختلف دلوقت
مروة.يعني اي؟
اروي.يعني لازم تمشي من البيت دا يامروة ودا قرار وهيتعمل غصب عنك
مروة بصدمة.انتي بتقولي اي!!!!
دخل عبدالله الي غرفة والدته والسعادة بادية ع وجهه
نظرت له بحب يتزايد مع الأيام كان لها ونعم الأبن البار والكل يشهد بذلك
مراعي لها ف مرضها الكاسح لكل اجزاء جسدها ف هو كالدماء تسيل بالخفاء وترهق عضلاتها وتفتت قدرتها ع الحركة
منذ ذلك الحادث اللعين وهي مشتتة كيف تراعي تلك الصغيرة لا تستطيع ان تكون طريحة الفراش وتسلم مسؤلية بنت اختها ل لعبدالله كيف يكون لها السند والأمان وهي ليس محرم لها ف هو دينه لا يسمح بذلك القرب عادات بذاكرتها للوراء حينما عرضت عليه الزواج بها
فلاش باك
عبدالله بصدمة.انتي بتقولي اي ياماما؟
سعاد بتعب.استنى يبني اقعد خليني اعرف اقولك الكلمتين والله لساني ببتحرك بالعافية ويعلم ربنا صعوبة قراري بس انت تقدر تقولي اعمل اي مش كفايا اللي حصلي مش معترضة يبني والله انا راضية دا ابتلاء مفيش مفر وكلو مقدر ليا هروح منه فين؟ المشكلة مش فيا وع فكرة ياعبدالله انا ااخوف اللي جوايا دا مش عليا متاكدة انك هتراعيني ف الأيام الباقية من عمري هكون عبء عليك استحملني ييني
عبدالله ركع وقبل يدها ببكاء ونحيب لا يظهر ضعفه الا لها ظلت تلمس شعره بحنان تحاول ان تقنعه بزواجه من مروة ويجب ان يحدث ذلك ف اسرع وقت ممكن
عبدالله..اوعي تقولي الكلمة دي تاني ياما جزمتك فوق راسي واشيلك العمر كلو ولا اشتكي ولا اتعب انتي تعبتي عليا وضيعتي عمرك عشان اكون هنا لو فضلت قاعد راكع العمر كلو مش هوفي التمن اللي دفعتيه عشان تربيني
سعاد.بس انا محتاجة مروة تكون جمبي
عبدالله.مين قالك انها هتمشي هي هتراعيكي معايا
سعاد.بس انا مش هبقى مطمنة عليها
عبدالله.خايفة عليها مني..فاكرة اني هقدر أذيها ياما
سعاد.لا يبني بس الناس هتقول اي قاعد معاها وامك قعيدة والله اعلم اي اللي بيدور بينكم
عبدالله..اعوذ بالله! مروة دي اختي وحتة مني انا اللي مربيها وهسلمها للعريس اللي يستاهل قلبها الصافي اللي ملوش زي عمري م هبصلها نظرة وحشة انا مش شايفها غير اخت مش زوجة ولا حبيبة مش حاسسها ف النقطة دي ياما ارجوكي بلاش تظلميها بجوازها مني مش هعرف اديها حاجة ولا هي هتقبل تعيش مع راجل قلبه مع غيرها انا بحب واحدة وهتجوزها بعد م اكون نفسي واكون قادر افتح بيت واللي تطلبه اكون قادر اني اجيبه
سعاد.واللي بتحبها دي هتقبل تعيش مع واحدة قعيدة تخدمها؟
عبدالله بحيرة.اكيد ياما
سعاد.بص ف عيني وقولي عرفتها ولا لسة؟
عبدالله..بصراحة لا لكن انا
سعاد قطعت كلامه وقالت بحزم.انا عايزا مروة تكون معايا ف محنتي عايز تتجوز يبني براحتك مش همنعك عن حقك لكن عشان اللي انا عايزاه هيحصل هتكتب ع مروة لاني مش هسمح ب اي كلمة تمس شرف بنت اختي الله يرحمها دي امانة ف رقبتي يبني ولازم اصونها مش صح تكون قدامك وهي مش حلالك كدا زمان وضع ودلوقت وضع والسنة الناس شوك مترحمش و م بتصدق تلاقي حوار ينهشو فيه ليل نهار فكر يبني وصلي استخارة ولو ع مروة انا هقنعها بمعرفتي بس اوعدني بحاجة
عبدلله بعجز..لله الأمر من قبل ومن بعد وعد اي ياما؟
سعاد بحزم.متقربش منها وجوازك منها ع ورق وبس طالما انت مقرر تتجوز واحدة تانية ولما يجيلها النصيب تتطلقها وتروح للراجل اللي مكتوبلها لازم تعرف جوازك منها لسبب واحد واول م ربنا يفتكرني تطلقها حتى لو مفيش حد ف حياتها وصيتي ليك الشقة دي حقها تقعد فيها بعدي وانت شقتك فوق تقدر تجهزها ف اي وقت كلامي واضح ياعبدالله
عبدالله.ذنبها هيكون ف رقبتك انتي ياما
سعاد.ملكش دعوة انت ربنا عالم بنيتي كويس وهو اللي يحاسبني عليها انزل يلا هات الماذون
عبدالله..دلوقت!!
سعاد..ايوة دلوقت يلا
باك
نظر عبدالله لوالدته وقبل يدها
عاملة اي دلوقت ياست الكل
سعاد..بخير ياحبيبي طول م انت كويس وقدامي طمني بس لا انا شايفة وشك واد اي مبسوط شكلك بيقول انك اقنعتها
عبدالله براحة..اخيرا ياما دي نشفت ريقي وقعدت اتكلم معاها مدة طويلة اوي لكن لأول مرة احس بخوفها طول عمر شهد واثقة ف نفسها وبتحبها وبتعززها ومدية لنقسها القيمة والدلال فكرة انها تعيط صدمتني رد فعل غير متوقع منها لكن انا حاولت احتويها
سعاد بفضول..واي اللي حصل يعني ف اخر الحوار بردو مش فاهمة؟
عبدالله بفرحة.اي ياما مش عارفة ابنك معقول! بصي الحق يتقال انا فرحان بس قلقان من اللي جاي اوي فكرة انه شهد ومروة ف مكان واحد انهم يتجمعو كأنهم عيلة واحدة دا عايز حب او ع الاقل احترام بينهم مروة قادرة تحبب شهد فيها وتحاول تعرف شخصيتها وتتعامل معاها صح خصوصا انها مش صعبة اللي براها غير جواها وانا ادرى الناس بيها محدش فاهمها ادي
سعاد بحيرة..والله يبني م عارفة بس احكيلي الاول اللي دار بينك وبين شهد
نظر لها وبدا يسرد المشهد من بدايته
فلاش باك
شهد سكبت الكوب ع الارض وتم تحطيمه لفتات لا ترى بالعين غير مدركة ما تفوه به حبيبها وحب عمرها اي هراء هذا كيف يطلب منها القبول بزيجة كتلك؟ هي لا تعرف من مروة بالكاد لمحتها مرات قليلة لا تتذكر حتى ملامح وجهها مهما حاول تحسين صورتها ف هي لن تراها سوا خاطفة رجال.استغلت ظروف والدته لكي يكون معها تعلم انها زوجته ولكن هي حبيته واحق به منها
داخليا سعيدة ف هو منذ زمن يحاول مراضاها واقناعها ومهما تغضب يحتويها ويسمعها ولكنها لن تتراجع غير بطلاق مروة منه ويصبح لها فقط
هل هذه انانية؟
اذ كانت مشاعرها محطمة وهي تتخيل انه هناك فتاه تشاركها حبيبها هي ترفض ذلك الوضع المهين ل انوثتها ف نعم هي انانية
نظر عبدالله لكل الحاضرين بتوتر فهو ع حافة العصبية ونفاذ الصبر ف بتصرفتها هذه انهت كل ذرة تعقل لديه
شهد.لا ياعبدالله يانا ياهي
عبدالله.ياحبيتي اسمعيني
شهد..لا انا لا بسمع ولا بشوف اسكت بقا وامشي من هنا لو سمحت ورايا مليون حاجة عايزة اخلصها واه قبل م تقولي ايوة ياعبدالله اهم منك ومن الحوار السخيف اللي بقالك سنة عمال تهاتي فيه معايا
عبدالله بعصبية .انا متجوز مروة بقالي سنة اهو ولو واحد بجري ورا نزواتي كنت قربت منها وانتي عارفة كويس انها حلالي وحقي ومحدش يقدر يحاسبني انا بعف نفسي مين يلومني لكن دا محصلش عشان مروة اختي وقلبي بيكون ملكك ومش عارف ابطل احبك رغم الوش الخشب اللي مصدراه ليا طول الوقت محتاج منك تساعديني وتدعميني لكن ازاي لازم عصبية وكلام زي السم معرفش هاين عليكي ازاي؟
شهد بدموع.يعني بتدبحني وزعلان اني بتكلم انت اي البجاحة دي؟
عبدالله.شههههههههد!
اتنفضت شهد ع واقع صريخه نظراته الحادة تلك ترهق امانها وعيونه الحمراء من محاولة كبت غضبه علمت انها انهت طاقته اذا هي النهاية ف لتكن شجاعة وتقول له انها لا تريده الا بطلاق مروة منه قررت وحسم الأمر
شهد..كل كلامك انك مقربتش منها انا اي اللي يفرق معايا ف كدا انت بتتكلم ف اي؟ انه العلاقة الخاصة بينكم مفيش لكن في الأقوي منه بكتير ياعبدالله ودا اللي مخليني مش عايزة اخش معاك ف مخاطرة تمنها صعب
عبدالله.انتي اللي مش واثقة فيا ياشهد
شهد.انت مش قولتلي انك هتجوزها اول م تلاقي شخص مناسب ليها
عبدالله.ايوا بس مروة مش عايزة تتجوز دلوقت
شهد.دا لي بقا؟
عبدالله.معرفش ياشهد
شهد..لا والله ع اساس انكم مش بتتكلمو مع بعض احترم عقلي وبطل تكدب عليا مروة صديقة طفولتك واقرب صحبة ليك معقول بعدت عنها بدل م تقرب يعني؟
عبدالله.انتي عايزة اي؟
شهد.عايزني ولا لا؟
عبدالله بلهفة.طبعا عايزك ومستعد اعمل اي حاجة عشانك بس انول المراد
شهد..انا موافقة ع الجواز بس ليا شرط واحد انت ومروة كلامكم ينعدم تماما كانكم اغراب تبصلها تغض بصرك عنها ولو لمحتك بس بتتكلم معاها انت عارفني مجنونة هقلب الترابيزة ولا يهمني وهطلب الطلاق اتوقع مني اي حاجة انا ف حبك
غبية ف اختصرني ف الحتة دي ياعبدالله لو مش هتقبل بشروطي خلاص روحلها وملكش دعوة بيا وانسي انك قابلتني ف يوم انا ماشية فكر بهدوء وعرفني قرارك لو تمام انا مستعدة تكتب كتابك عليا حالا يلا باي
رحلت شهد وتاركة قلب احتار لا يعلم اين وجهته زفر ب ارتياح اخيرا ف تعب سنة معها لم يذهب هباء ولكن ماذا يفعل مع المسكينة الأخري لا يستطيع جرحها بتلك الطريقة كيف يقول لها هذا الشرط يجب ان يذهب الي والدته وهناك سوف يجد الحل اكيد
باك
سعاد..انت ازاي توافق ع الكلام دا؟ انت اتجننت؟
عبدالله..ياما بقولك سابتني وقالتلي فكر
سعاد..وفكرت يافالح؟
عبدالله..ياما بلاش كدا
سعاد..اومال عايزني اقولك اي ياابن بطني لي تجرحها كدا لا طبعا انا مش موافقة
عبدالله بحزم.اما انت اللي دبستيني فيها وانا قولتلك بلاش من الاول قرارك وتتحمليه بسببك علاقتي بيها بقت صعبة وخسرتها يبقي كملت بقا ومليش دعوة بيها غير التزامتها وكل اللي تطلبه هعملو وانا هبدا ادورلها ع عريس خليني اخلص من البلوة دي عشان خلاص بقيت هنا مروة عندها علم بجوازي انا كنت جيلك تبلغيها القرار دا بس الظاهر انك مش هتعرفي ف انا
سمعوا الاثنان طرقات ع الباب
سعاد نظرت ل ابنها بتوجس ربت ع يدها وطمنها بعيونه وسمح للطارق بالدخول
دخلت اروي ولم تقول انها سمعت الكلام الذي دار بينه وبين والدته بالخطا ف هي الأن اكثر تصميم ان تخرج مروة من حياته وللأبد
اروى.انا اسفة ياطنط ف اللي هقولو بس مروة استحالة تعيش هنا بعدانهردة وهي بتجهز شنطتها وهتمشي معايا وطبعا هتيجي لحضرتك بأستمرار تطمن عليكي بس وهي بنت اختك مش مرات ابنك لازم يااستاذ عبدالله تطلقها
عبدالله..انت بأي حق تقرري؟
اروي..انا صحبتها
عبدالله.وانا مش هطلق
اروي.ع اساس انك بتحبها
عبدالله.لا بس مين هيخدم امي
اروي.هي هتيجي كل يوم بقولك
عبدالله..لا هي هتكون معاها
اروي.دي انانية منك سييها تشوف حياتها انت هتتجوز لي تعمل فيها كدا هي كمان ليها حقوق وتستحق تعيش مع حد بيحبها
عبدالله.لو لقيته هطلقها
اروي..انا اخويا عايزها ومستعد يتقدملها انهردة قبل بكرة بس هي توافق
عبدالله.خليه ييجي ونشوفه وساعتها نحكم
اروي..طب
عبدالله.الكلام خلص لحد هنا عن اذنكم
خرج عبدالله والشياطين تلاحقه نظرت اروي لسعاد بقلة حيلة وذهبت الي بيتها ليس بيدها شيء بعد الان سوا الدعاء لصديقتها
دخل عبدالله الي غرفته وكانت مروة تبكي ولم تلاحظ وجوده
تطرق اليها بعصبية شديدة ولمس يدها بعنف وشدها اليه
اتصدمت به وشهقة قوية صدرت منها ووو
•تابع الفصل التالي "رواية حلم الليالي" اضغط على اسم الرواية