رواية جسد بلا روح كاملة بقلم اميرة محمد عبر مدونة دليل الروايات
رواية جسد بلا روح الفصل الاول 1
هربت يوم فرحي ايوة هربت بالفستان وانا مش عارفة هروح فين حاسة كل حاجة ضدي حتي أهلي وسبت اللمة والفرح و هربت ….
الحكاية بدأت من وأنا في سنة أولى جامعة
معرفتش أجيب مجموع يدخلني كلية طب او هندسة زي ما بابا كان عاوز
للأسف دخلت كلية آداب والحمدلله انا كنت حابة قسم العلوم خالص وكنت مجتهدة بس كنت بحس نفسي قليلة او أخواتي دايما بيقولولي كدا
وكاعقاب ليا بابا وافق يجوزني لأبن أخته اللى هو أكبر مني بعشر سنين وكمان مش متعلم … طيب ليه مش معني أنا طيب ما أختي عايشة حياتها عادي .. وانا عايشة جسد بلا روح مليش وجود
كنت حاسة اني لوحدي وكل ما أقول رأي يتجاهلوني بحس مليش رأي
ويوم خطوبتي كنت منهارة جوايا انا مش عاوزة أكرم انا عاوزة اختار شريك حياتي بنفسي مش يكون في إجبار إني اتجوز غصب عني
كانت الوحيدة اللى بتفهمني شيماء صاحبتي اكتر واحدة بتحس باللي جوايا كنت دايما اترمي في حضنها وأبكي
وكانت تقولي أكيد ديه مجرد خطوبة … بس لا الحكاية اتطورت وبقيت جواز
فأول ما سمعت إن خلاص كتب الكتاب والفرح قررت إني أهرب قبل ما يكتبوا الكتاب
والنهارده يوم الفرح وكتب الكتاب سبت كل حاجة وهربت خايفة من مصيري بس مش هقدر أكون زوجة بالإجبار حياتي مش لعبة
أنا ليا الحق إني أختار شريك حياتي ، فقررت أعيش حرة و إني كنت مظلومة ومش هوافق أكون ضحية تاني كفاية بقا
فضلت ماشية وانا مش عارفة رايحة فين ودموعي بتنزل لوحدها و ماسكة فستاني ومنهارة حرفيا قعدت على كرسي في الشارع رجلي وجعتني من كتر المشي انا بعدت خالص من منطقة بيتنا
وفجأة عربية كانت ماشية وكانت حوالي الساعة ٢ بليل فيها ست سنها مش كبير وقفت …. وفتحت شباك العربية وقالتلي
..: مالك يا بنتي وقاعدة هنا ليه
كنت خايفة وبلعت ريقي ومردتش
نزلت من العربية وكررت جملتها
قولتلها : أنا مش عارفة انا فين
قالتلي : طيب انتي اسمك ايه
اتكلمت بخوف : نسرين
ابتسمت وكانت حاسة اني خايفة مسكت ايدي وقالتلي : تعالي معايا يا نسرين انا بيتي قريب من هنا
مش عارفة لقيت نفسي روحت معاها من غير ما أرفض دقيقة لأن تعبت من المشي ومش عارفة هاروح فين والدنيا ليل وولاد الحرام كتير وانا كنت هاموت من الخوف وخايفة ما ارجع بيتنا تاني
ركبت العربية انا وبالفستان كانت مستغربة
بس انا متكلمتش ولا كلمة
اول ما وصلنا
قالتلي : تعالي يا نسرين متخفيش
دخلت بيت جميل او مش بيت ده قصر
اول ما دخلنا سمعت صوت من ورايا
بيقول : ماما اتأخرتي ليه الدادة حضرت العشا من بدري
وفجأة بصتلي مستغربة و قربت من مامتها وقالت بصوت واطي : مين ديه يا ماما ولابسة كدا ليه
الوالدة: ديه نسرين هاحكيلك بعدين المهم فين مراد أخوكي
مراد : أنا هنا يا ست الكل
أول ما شوفته كنت مكسوفة اوي شاب عنده جسم رياضي و باين عليه مثقف
والدتهم : ديه مروة وده مراد أولادي وانا أسمي نورة أقدملكم نسرين
مراد : أهلا وسهلا …. بس ليه لابسة كدا يا نسرين
ومكنتش عارفة ارد اقول ايه بس لقيت والدته بتقول : مش وقته .. ادخلي غيري هدومك مع مروة وبعدين نتعشا
كنت حاسة انها بتعطف عليا وانا مش عارفة ازاي قبلت اروح معاها بيتها وكنت شايفة الإستغراب في عيون أولادها
دخلت مع مروة وكانت طيبة جدا
مروة : تحبي تلبسي بجامة ولا دريس
رديت بكسوف: دريس وعاوزة طرحة
بصتلي وابتسمت : حاضر يا نسرين
وخرجت وقفلت الباب حسيت دموعي بتنزل لوحدها انا فين وبعمل ايه هنا معقولة اللى بيحصل ده حقيقي
***************
في الصالون
مراد : ماما انا مش قادر استوعب لقيتي واحدة على الطريق تاخديها وكمان عاوزاها تعيش معانا طيب فين أهلها
نورة : يا حبيبي انا صعبت عليا خالص وبعدين الدنيا ليل مش كان هينفع اسيبها لوحدها وهي بنت وحاسة انها مظلومة
مروة : طيب هي ليه لابسة فستان فرح
نورة : معرفش…. أكيد هانعرف الحقيقة
مروة : بس باين عليها طيبة جدا انا على نفسي حبيتها
مراد : وانا حسيت انها بنت ناس ودخلت قلبي
نورة : ان شاء الله هانعرف الحقيقة
مروة : بابا انت ساكت ليه
سعيد : هاقول ايه على طيبة قلب ميراتي حبيبتي … ربنا يسترها عليكي يا نورة
نورة : ويخليك ليا
مراد : طيب نستأذن إحنا يلا يا مروة
نورة : يا واد .. طيب يلا يا مروة نادي نسرين علشان نتعشا
مروة : حاضر يا ماما… اهي جات
ألقيت السلام عليهم وانا مكسوفة جدا حاسة اني غريبة مع العلم إنهم كانوا طيبين جدا بس اللى انا مستغرباه انهم واثقين فيا
سعيد : مش بتأكلي ليه يا نسرين
نسرين : اهو بأكل يا عموو
نورة : لا انا مش عاوزاكي تتكسفي خالص
كنت حاسة أنهم يعرفوني ليهم زمن
نسرين : حاضر يا طنط
*********
في منزل الصاوي
منير الصاوي : ينفع اللى عملته بنتك ده انا مش عارف هقدر اقابل الناس ازاي بعد كدا
أميمة : حقك عليا يا منير أكيد هتظهر
منير : كل الناس منتظرة العروسه واللمة والعريس وأهله اقول الناس ايه
أميمة : ماشي يا نسرين ، لما تاجي
منير : رني يا سلوى على زفتة أختك
سلوى : مغلق يا بابا
منير : هاموت من القهرة ازاي تعمل كدا تسيب الفرح وتمشي
إبراهيم : يا بابا تيجي دلوقتي
منير : استغفر الله العظيم
**********
في غرفة سعيد و نورة
نورة : أكيد في سر
سعيد : سر إيه
نورة : في حكاية نسرين
سعيد : ايوة … بس البراءة باينة على وشها
نورة : أنا حبيتها جدا ومن بكرة هاخلي مروة تنزل معاها تشتري هدوم وجذم وشنط
سعيد: الله على طيبة قلبك يا روحي
نورة : حبيبي ربنا يخليك
سعيد : ويخليكي ليا
*****
في غرفة مروة…….
مروة : يلا تصبحي على خير
وكانت خارجة من الأوضة وقفت وقولتلها
: رايحة فين يا مروة
مروة : رايحة الأوضة التانية علشان تاخدي راحتك
نسرين : لا طبعا خليكي نايمة معايا
مروة : حاضر
نسرين: شكرا ليكي بجد على كل حاجة
مروة : متقوليش كدا انا حبيتك جدا
نسرين : وانا كمان
************
في منزل الصاوي
أميمة : تليفونك بيرن يا منير
منير : ديه نسرين….
- يتبع الفصل التالي اضغط على (رواية جسد بلا روح) اسم الرواية