رواية معشوقة المنتقم الفصل الاول 1 - بقلم سما احمد

  رواية معشوقة المنتقم كاملة بقلم سما احمد عبر مدونة  دليل الرواييات 

 رواية معشوقة المنتقم الفصل الاول 1

💕معشوقة المنتقم💕

                                    

                                          

البارت الأول

                          

ضحكات صاخبه تملأ هذا المنزل الكبير ضحكات طفولية بالرغم من نضوج صحبتها التي تملك تسعة عشر عاما من عمرها تجري بساحة المنزل كطائر اخذ حريته وتطلق النكات الجميلة المضحكة لم تشعر بتلك الكاميرا التي تلتقط لها صور كثيرة جدا

=وبحب الناس الرايقة اللي بتضحك علي طول احبك يا بوب وانت مفرفش كدة

                          

رباب الجدة 

=ههههههه مجنونة اهدي جدك زمانه جاي يا بت

                          

=ويعني لازم ابطل ضحك واعبس لا تعالي بقي هنا

                          

ومسكت يد جدتها تدور كالأطفال فنظر لها البواب وضرب كف علي كف قائلا بحنيه

=ربنا يديم ضحكتك ويهديكي يا رب يا ست البنات

                          

سمعوا صوت سيارة ليعلموا انها سيارة جدها فدخلوا مسرعين لحقهم الجد وجلسوا بصمت

                          

عتمان وهو يقبل جبين كلاهما

=سلام عليكم

                          

رباب وجاكلين بتوتر

=وعليكم السلام 

                          

عتمان بإستغراب

=مالكم كدة كأنكم عاملين مصيبه علي العموم حضروا الأكل وانا طالع اغير

                          

وصعد وتركهم تتبعه اعين جاكلين التي تشبة القطط ورباب تنظر لها وتضحك بكثرة

                          

جاكلين وهي تنظر لرباب

=عارفه يا بوب جدي بيفكرني بمين

                          

رباب بإستغراب

=بمين

                          

جاكلين وهي تقف وتمشي بطريقه مسرحية

=مسلسل دموع في حضن الجبل والجد بيقول لحفيدته مين اكتر واحد بيحبك اهنه ترد تقوله انت يا جادي واخدة بالك جادي مش جدي ومين اكتر واحد بيهمه مصلحتك في الدار اهنه انت يا عااااا

                          

صرخت حين وقعت علي الكرسي فضحكت رباب علي مرح حفيدتها واكملت جاكلين

=خلاص يا جاكلين اتجوزي عم مصيلحي البواب هاهاهاهاااااا دا كله عشان انت يا جادي بس جاكلين مختلفه جاكلين مش بتقول ايوه دي بتقول لا والف لا نعيد تاني مين اكتر واحد بيحبك اهنه مش انت يا جادي ايوة مش انت يا عتم...... جدي احم الأكل يا بوب اصدي يا ناناه

                          

قالت اخر كلامها حين رأت جدها ينزل ورباب تحارب دموعها وهي تنظر لحفيدتها التي اخفت وجهها وجرت مسرعة لأعلي

                          

عتمان بضيق

=ربنا يهديكي ويكملك بعقلك يا جاكلين

                          

وجدها تنزل مرة اخري فنظر لها قائلا بتأفف

=لحقتي يا جزمة

                          

جاكلين بعبوس

=جعانه والبوب عامله فراخ مشوية حلوة اوي

ضم شفتيه حتي لا يضحك علي شكلها الطفولي وجلسوا يأكلوا فكانت تاكل بشراسة وهو يتأملها بحنيه ليمر اليوم ويأتي يوم جديد

                          

في مكان ما في احد الڤيلات الكبيرة والتي تتميز بالجمال التراثي القديم تحدث هو بهيبه المعتادة

=

                          

خلاص بقي بطلي الأسطوانه دي وسبيني في حالي

                          

ياسمين بعصبية

=مش ههدي غير لما بنت السيوفي تيجي هنا

 

                

واكملت بكذب 

=انت هتنسي ولا ايه دي نفسها اللي ابوها قتل ابوك انت شوفته بيهدد ابوك بالقتل وابوك مات بعدها

=يا امي وهو كمان مات هو ومراته ليه انتقم من بنت ملهاش ذنب حطي نورسين مكانها هترضي يحصلها حاجه

اردفت ياسمين بصراخ

=اوعي تقارن بين بنتي وبنت قاتل ابوك ولا انت مش قادر تجيبها وكل القوه دي هتروح هدر قدام عيله

تحدث بنفاذ صبر

=انتقام مش هنتقم من حد ولا هاخد حد بذنب حد

تحدثت هي بخبث شديد

=يعني ولا مره زعلت علي نورسين وهي بتعيط بليل عايز باباك ولا مره زعلت علي نفسك واخوك وانتوا بتشتالوا المسئوليه في شركه خسرانه مرة واحدة

تنفس الصعداء قائلا

=مكناش صغار ولا اتظلمنا كنا رجاله خمس وعشرين سنه مكنتش عيل كنت راجل فاهمه

ياسمين بخبث

=وبسبب مين كل ده يعني لا انت هامك ابوك ولا غيرة طيب قدامك يا انا يا بنت السيوفي يعني لو مجبتليش بنت السيوفي لا انت ابني ولا اعرفك

فكر قليلا سيذهب وسيأتي بها لكن مهلا سيكون بضهرها وسيحميها فهو كفيل بهذا وايضا هو لا ينتقم لنفسه او لأنه يريد هذا بل لوالدته ومن ربته بعدما تخلت عنه تلك

=حاضر يا أمي في خلال تلت شهور هتكون عندك سبيني بقي

ياسمين بخبث

=هسيبك يا ابني هسيبك

وتركته وخرجت في نفس وقت دخول اخته الصغيرة ذو التسعة عشر من عمرها

نورسين بإبتسامه

=مالك يا ابيه

=مفيش يا نورسين بس لازم اسافر

نورسين بحزن 

=تسافر طيب فين المرة دي

=شغل ضروري يا نورسين خدي بالك من نفسك ومؤيد هيجي كل يوم يشوفك

نورسين بعبوس

=وهتتأخر

=لا ان شاء الله

احتضنته بقوة ليسمعوا صوت محبب الي القلب بالرغم من ازعاجه

=الحضن دا من غيري

ضحك الاثنان وتركتهم نورسين فهي تعلم ان اخاها لا يتحدث الا مع مؤيد

مؤيد بغمزة

=ايه يا حليوه انت مالك

بدأ يحكي له عن ذهابه مكملا

=ابوها هو اللي قتل ابويا وانا لازم انتقم منها فيه

مؤيد بضيق

=والله وايه ذنبها بقا ابوها قتل ابويا وابوها وابويا مات قول الله لازم انتقم وخلاص

=انت محدش يخبي عليك حاجه ابدا

مؤيد بضحك

=ايوه وقول

=ياسمين هانم اللي كل شويه عايزة بنت ال سيوفي هي اللي قتلت جوزي ومش عارف ايه المهم انا هروح اجيب البنت ليها وخلاص بس بطريقتي ومن غير ما حد يحس

        

          

                

مؤيد بزهول

=بتقول ايه ازاي هتخطفها بعدين انت من امته بتسمع لحد غير نفسك

=دا كرد جميل ل ياسمين بقالها عشرين سنه معانا يا مؤيد ومعملتش اللي سيرين عملته

تنهد مؤيد فهو يعرف صديقه جيدا ويعرف مدي جدعنته وانه متقي لله لكنه والي الآن يحمل جميل ياسمين تلك المرآه التي لا يرتاح اليها ابدا

وهنا نترك بيت المنتقم لنذهب لمنزل المهوس

في مكان اخر

كان يجلس وحوله صورها ينظر لها بجنون ويتلمس وجهها قائلا

=انتي بتاعتي انا هجيلك اهو هحببك فيا هخليكي تتنفسيني ذي ما بتنفسك

واكمل بصراخ

=انتي بتاعتي انا مجنون بيها بتاعتي انا جاااااكلين بتاعتي

وجد احد الرجال يدخل فقال

=ماذا هناك

الرجل بخوف

=كلما ارسلنا لها هديه يرميها الحرس لساعي البريد ويرفض ان يدخلها لها

تحدث بخبث

=اذهب انت

وذهب ليكمل مع نفسه

=هانت هاجي وهبقي قريب منك وهخليكي تحبيني يا جاكلين وهتبقي معايا علي طول

وها هو ينحني امامها اكبر رجال الأعمال في أمريكا ويكاد يجن بسببها

كانت نائمه علي بطنها وشعرها ينسدل بطريقه لطيفة وفجأة شعرت بيد توكزها

سعديه بهدوء

=ست جاكلين قومي يلا بقي الفطار محطوط

جاكلين بنوم

=امشي يا عجوزة من هنا

سعديه بترويض لتلك الطفلة

=عشان خاطري قومي يا ستي البية هيزعق

اطلقت صرخه رافضه بضيق وهي تجلس

في الأسفل

=اسمي سيف سمير عندي تلاتين سنه السواق الجديد

=اسمي تيم شاكر عندي تلاتين سنه رئيس الحراس الجديد

عتمان بجدية

=تمام اتفضل يا سيف مفاتيح العربية الصبح هتوصل حفيدتي الجامعه متخلهاش تسوق مهما عملت بعدين تاخدها اما تخلص وهي هتحدد المواعيد وانت يا تيم مش ضروري تروح اد كدة المهم معاها حراسة

نظر له تيم بنظرة غريبة واومأ برأسه قائلا

=تمام

سيف بإحترام

=تما......

قاطعه صوته صرخة قوية نظر لعتمان وجده يمسح علي وجهه بنفاذ صبر استغرب منه اما تيم فأبتسم بجانبيه

عتمان بصوت جوهري

=رباااااب

رباب بتوتر 

=نعم يا حاج

عتمان بعصبية

=شوفي الها......

لتنزل بطلتنا بمنامتها الطفولية جدا قائله

=شوفي الهانم عملالنا ازعاج ع الصبح ومفرجه علينا البيت كله وربنا حفظت فكك يا عتمان بقا من الأسطوانة الفكسانه دي

وجلست علي المنضدة علي يمين عتمان والتقطت تفاحه تأكلها بينما يتابعها سيف بإبتسامه بسيطة وتيم بنظرة مفترسة

        

          

                

عتمان بصوت عالي

=الصبر يا رب علي الإبتلاء

ضحكت بصخب وهي تعيد رأسها للخلف لتلمح شخص شديد الوسامة انه سيف وليس تيم اجل تيم وسيم لكن ليس بوسامة سيف

جاكلين بصراخ

=اوبااا بطل هربان من رواية اسمك ايه عندك كم سنه عينك دي ولا لنسيذ شعرك حلو كدة ولا مسشورة

وضع عتمان وجهه بين يدية بتعب منها تلك التي تملك عقل طفل بينما رباب تضع يدها علي فمها حتي لا تخرج ضحكتها فقال عتمان بحدة

=ممكن بقي تقعدي وبطلي هبل

جاكلين وهي تقضم التفاحة

=اشطا

عتمان بجدية

=دا سيف السواق الجديد ودا تيم رئيس الحرس هيبقي معاكي معظم المشاوير والجامعة

وقفت ونظرت لكلاهما ابتسمت بجانبيه ومدت يدها لسيف وسلمت عليه قائله

=انا جاكلين

سيف بهدوء رزين

=اسمي سيف

حين قال اسمه نظرت له فأبتسم وهي ابتسمت ثم سلمت علي تيم الذي قال

=تشرفت

جاكلين بجدية

=الشرف ليا..... يا سعدييييه يا داااادة الأكل يلا

حرك عتمان رأسه بمعني لا فائدة وقال

=اقعدوا يا ولاد كلوا معانا

تيم بسعادة

=حا.....

سيف مقاطعا

=يا عتمان بيه احنا شغالين عند حضرتك

عتمان بإبتسامه حانيه

=انتم ذي جاكلين اقعدوا يا ولاد وغير كدة هنا مفيش شغال هنا كلنا عيلة يلا

اومأ الاثنان وجلسوا فجذب تيم الكرسي المجاور لجاكلين

عتمان وهو يشير علي الكرسي الذي بيسارة

=تعالي يا سيف هنا عايز اكلمك شوية

سيف بتفهم

=مش ده كرسي المدام

عتمان بضحك

=لا المدام علي يميني وشكل الهانم مش هتقوم ادي اخرة الفطار معانا تعالي تعالي ورباب هتقعد جنبك

اكتفي بالإبتسام وذهب جلس بجانبه ليستمع منه بمرشح طويل عن تهور جاكلين التي تنظر له بعبوس ومازالت تأكل كالطفلة فنظر لها سيف وحرك فمه رفعت حاجبيه بمعني ماذا مسح شفاه السفليه ضحكت وهي تمسح فمها فأومأ عادت تأكل لكنها نظرت لفمه وتذكرت حين مسح علي شفاه لتحضر لها افكار غريبة نفضت رأسها بإنزعاج واكملت طعام

رباب بجدية

=قومي بقي اجهزي عشان الجامعة

جاكلين وهي تحرك فمها

=عشان الجامعه قال اشحال تجارة اومال لو كانت طب بلا نيلة

عتمان بحدة

=جاكلين

وقفت بإنزعاج وصعدت لغرفتها اخذت شاور وبدلت ملابسها لفستان صيفي كمه بعد الكوع وبعد الركبة بقليل لونه احمر وتركت لشعرها العنان ونزلت تحمل كتبها عابسة فرمقها سيف وتيم بنظرات تختلف عن بعضها لكن احداهما مشتركة وهي هيام واضح

        

          

                

جاكلين بخفوت خاجل

=يلا هنتأخر

وخرجت معهم للخارج التي تيم يفتح لها الباب الخلفي فتركته وذهبت للأمامي وجلست

تيم بضيق

=دا مكاني يا أنسه انا حارسك

جاكلين وهي تعيد خصلة خلف اذنها

=لا انت رئيس الحرس مكانك في العربية التانيه وانا مش هتعامل معاك علي انك حارس او سيف علي انه سواق انتم ذي اخواتي وروح يلا العربيه التانيه هتأخر

ود لو يصفعها ويخبرها انه ليس بحاجة لعملهم هذا انا مهوسك يا جاكلين الذي يرسل لكي الورود والرسائل التي بالدماء انا من اكبر رجال الأعمال في الولايات المتحدة الأمريكية اتيت لأعمل لديكم حارس لأجلك وانتي الأن تحرميني من النظرة لكي طوال الطريق 

اغلق الباب وذهب للسيارة الأخري وبدأ سيف بالقيادة وهو صامت فتأفف وقالت

=يا سيد انا موجودة

سيف بإستغراب

=افندم

جاكلين وهي تحرك يدها وتشرح ما تقول

=يعني انا متولدتش ساكته ولا بعيط كنت بضحك وبعدين اتكلمت وانا صغيرة عارف دا معناه ايه معناه اني لكاكه كتيييير ولازم تكلمني كتير بردك ههههههه بس يا سيدي الوقتي نبدأ اسمي جاكلين عندي تسعتاشر سنه وظيفتي الكلام باكل كتييير ههههههه هتجوز طباخ

لم يسمع اي شئ مما قالت كانت يتأمل طريقتها وضحكتها التي من اقل شئ تظهر وكأنها لا تفعل شئ سوا الضحك

جاكلين بجديه

=اه يا سيف اوعي تقولي يا انسه او يا ست او ما شبة انا اسمي جاكلين وبس اسمي ايه جا.....

سيف مقاطعا

=طيب يا جاكي بطلي كلام بقي

جاكلين بإستغراب

=جاكي

سيف بابتسامه

=ايوة جاكي حلو

جاكلين بإبتسامه هادئة

=مش عارفه انا بكره ان حد يقولي جاكي بس عايزاك تقولي كدة يمكن مش مميز بس انا حساه كدة منك

نظر امامه يكمل قيادة لا يعرف لما اثر كلامه بها تلك الطفلة كثيرة الكلام فقالت بعبوس

=ضايقتك في حاجة

سيف ببحة رجولية

=ابدا بس ممكن تلمي شعرك

جاكلين بحزن 

=وحش

سيف بهدوء

=عشان مش وحش لميه

ابتسمت بل ضحكت ضحكتها التي ومن الأن يعتبرها كالأغنيه واخذت قلم ولمته بعشوائيه ووضعت القلم به وهناك خصلات تتدلي حول وجهها جعلتها رائعه

وصلوا للجامعه بعد وقت ونزلت اشارت له بيدها بطفوليه وذهبت وخلفها تيم وحارس اخر اما سيف عاد للمنزل

اتجه للغرفه التي خصصت له ودخل جلس بهدوء يفكر

=ايه يا سيف اللي حاسه ده اوعي تنسي انت جاي هنا ليه وبعدين يعني ترضي مؤيد يبص لأختك

اعاد رأسه للخلف

=بس فيها حاجة بتجذبني معقول في حد يعجب بحد بالسرعه دي...... ضحكتها جنانها طفولتها كل حاجة فيها حلوه

        

          

                

واكمل بصوت مسموع

=استغفر الله العظيم دي حرمه منزل يا سيف بطل هبل وقوم صلي محاضرتها هتخلص الساعة واحدة

في الجامعه

خرجت من المحاضرة وجلست بعبوس قائله

=عجبك كدة قعدوا يبصولي مش كفايه محدش بيطقني

تيم بهدوء

=وليه مش بيطقوكي

جاكلين وهي تشير بيدها

=هشرحلك انا هنا من خمس سنين بعد اما اهلي ماتو ورفضت اتحجب زيهم وبالنسبه للمحجبات عندهم مسلمين انما اللي مش محجبات مسيحين وازاي اني مسلمه ومتحجبش ف بعدوا عني وانا مش من النوع المختلط بالشباب بس عشان كدة وحيده

تيم بإبتسامه

=ومش بتتحجبي زيهم ليه

قلبت شفاها وحركت اكتافها فضحك علي حركتها لتردف

=اقعد بقا اعزمني علي حاجة لأنك عملت كدة

رغما عنه ضحك وجلس امامها فقالت

=بيبسي هاتلي بيبسي واحفظ بحبه اوي

تيم بتمتمه

=يا بخته

واكمل بصوت

=لو سمحت اتنين بيبسي

فاحضره لها وبدأت تشربه ليقول

=طب ازاي دخلنا المحاضره عادي

جاكلين وهي تعيد خصله خلف اذنها

=بص يا سيدي جدي هنا الكل في الكل بالعربي واما قال للمدير وافق لأن اما بتحصل كارثه هنا بيروحوا لجدي شبه العمدة كدة

حرك رأسه موافقا وشرب البيبسي حتي اتي سيف فجلست بجانبه وحررت خصلاتها

=سلام

اومأ بخفه فنظرت له وعبست متمتمه

=جامد

سيف بإبتسامه هادئة

=سمعتك علي فكرة

جاكلين بإندفاع

=مش كفايه عنيك حلوه ورمادي لا وبتسمع ايه....

سيف مقاطعا بضحك

=بتحسدي يعني

جاكلين بضحك

=ههههههه لا بقر بس ههههههه

نظر لها وتنفس من تلك الضحكة التي ستفتك به

وتوالت الأيام وهم هكذا علي نفس الروتين كان قلبها يخفق اياما لسيف تراه مميز تجلس بجانبه وتفتح معه مواقف تنظر لغرفته بالحديقة خلسه وتتأمله وهو يستيقظ صباحا يفعل تمارين اصبحت تستيقظ باكرا لأجله حتي في يوم مرض سيف

عتمان بجديه

=تيم هيوصلك وهيقعد معاكي

جاكلين بقلق

=ليه فين سيف

عتمان بحزن 

=سيف تعب الظاهر جاله حمي وانا جبتله الدكتور وسعدية عنده بتعمله كمدات

جاكلين بخوف من رفضه

=ممكن اروح اشوفه يا جدي

عتمان وهو يمسد علي شعرها

=روحي بس متتأخريش عشان الكلية

جاكلين بكذب

=لا مهو كنت راحه اقولك مش راحة النهاردة عشان مفيش غير محاضرة ومش مهمة اوي

عتمان بحدة

=متأكدة

جاكلين بعبوس

=ويعني انا هكذب عليك وبعدين بقي معاك سبني اروح ل سيف بقي

عتمان بإبتسامه

=واقعدي معاه يا ستي انا عارفه انكم بقيتوا اصحاب وقلقانه عليه

جاكلين بأعين متسعه 

=انت فايق يا جدي

عتمان بضحك

=الثقه مش فيكي الثقه في سيف امشي

ضحكت بسعادة وقبلت وجنته وذهبت لغرفة سيف بالحديقة ودخلت لتجد سعدية تفعل له كمدات

جاكلين بتوتر

=روحي انتي يا سعدية اعمليلة اكل وانا هعمله الكمدات

سعدية بحنيه

=ربنا يسعدك يا ست جاكلين ويفرحك طول عمرك قلبك ابيض

ووقفت وذهبت فجلست جاكلين بجانبه تحسست حرارته لتفزغ وبدأت تفعل له كمدات وجدته يفتح عينه

سيف بإبتسامه شاحبه

=جاكي انتي هنا

مسكت يده وقبلت باطنها ووضعتها علي وجنتها وتمردت دموعها

سيف بحزن

=بتعيطي ليه بس

ورفع إبهامه يمسح دموعها فاردفت ببكاء

=قوم يا سيف مش متعودة تبقي كدة

ابتسم بحنيه لها واغمض عينه مرة اخري بتعب فأكملت بحب برئ

=بحبك يا سيف انا بحبك

زاد من اغماض عينه كأنه بحلم جميل اما هي وضعت يدها علي فمها مصدومه مما تفوهت هل احبته بتلك السرعه هل خفق قلبها له يعني حب

في غرفة تيم

كان يتحدث في الهاتف بعصبية مهلكه قائلا

=تخلصني منه في خلال اسبوع فاهم بعد اسبوع هاخد اجازة بحجة ان امي تعبانه ارجع الاقي سيف ميت فاهم مش هسمح لحد ياخدها مني

المتصل بتأكيد

=حاضر يا تيم بيه بس لازم حضرتك تيجي في اسرع وقت كل الأوراق واقفه علي توقيعك

تيم ببرود 

=طيب هاجي اخر الأسبوع بس الوقتي عايزك تفوق لموضوع سيف ده فاهم عايزه ميت خلال عشر أيام بالكتير اوي

المتصل بإحترام

=امرك يا بيه

اغلق تيم الخط ورمي الفون وفتح قلادة برقبته تحمل صورتين لها هي فقط وقال بجنون

=هبعده يا جاكلين عننا هقتله ومش هخليه يقرب منك انتي بتاعتي ليا لوحدي يا جاكلين هتحبيني انا وهنتجوز ونبقي فرحانين بعيد عنه بعيد عن سيف مجنون بيكي يا جاكلين مهوس بيكي بتنفسك من غيرك اموت

وصار يقبل صورتها بهيستيريه كالطفل الذي يبغي فراق امه يتذكر اول مرة رأها كانت تجري مع زملائها في رحلة للقاهرة وتضحك وهو بعمل مهم بالقاهرة من يومها واصبح مجنون بها جنون غريب اتي من أول لحظة رأها

 

• يتبع الفصل التالي اضغط على (رواية معشوقة المنتقم) اسم الرواية