رواية عشقك لعنتي (2) الفصل السادس عشر 16 - بقلم شروق مجدي
الفصل السادس عشر قبل الاخير
لعنتي_نار_عشقك
#بقلم_شروق_مجدي.
الجزء الثاني. الفصل السادس عشر قبل الاخير
صلى على الرسول صلى الله عليه وسلم ♥️
.......................................
اخيرااااااا يا نورهاني
اقتربت هي من شفتيه تقبلها برفق وهي تقترب منه اكثر وهو يرفعها لمستواه وينسجم مع قبلتها واتجه بها للفراش وهو يحملها بين يديه برفق وهي تائه في قبلاته وعشقه لها.
ولكن قاطع قبلتهم تلك من فتح الباب وهو يبحث عنها شهقت وأغلقت الباب سريعا بتوتر اقتربت منها ليان باستغرب :
- ايه رحتي فين لقيتيها جوه
مريم بتوتر:
- اسكتي اسكتي انا تحطيت في موقف محرج جدا مش تقولي ان زيدان هو كمان مش بره يا متخلفه انت.
حركت عينيها بشقاوه وهي تبتسم بخبث:
- بصي هو انا ما كنتش اعرف ان هو مش بره بس هم كانوا بيعملوا ايه
نظره لها الاخرى بغيظ:
- واحد ومراته في الاوضه هيكونوا بيعملوا ايه يعني بيلعبها صلح وبعدين اسكتي بقى منظري بجد زي الزفت.
ليان بمرح :
- ايوه ما قلتيش برضو بيعملي ايه جوه.
اقترب منهم عمران بعد ان استمع اليهم وضربها برفق على راسها :
- ما هي قالت لك واحد ومراته يعني اكيد مش بيلعبوا صلح وبعدين انت مالك ما تخليك في حالك وتبطلي تتحشري
ابتعدت مريم، واكملت ليان بشقاوه وهي تضع يدها حول عنقه :
- طب ما تيجي يا مرووو نلعب احنا كمان صلح
رفح حاجبه باستغراب ولكن ابتعدت بتوتر على خروج نور هي ويحيى
ضحكت ليان بمرح واختفت من امامهم
وانسحب ايضا هو الاخر
يحيى بملل :
- شفتي ما حصلش حاجه يعني محسساني ان انت مش هتعرفي تخرجي مكسوفه ومش عارف ايه على فكره انت مراتي يعني عادي واللي مش طبيعي ان مريم تفتح الاوضه وتدخل كده
نور :
- هي اكيد مريم ما تعرفش ان انت جوه معيا انا عارفه مريم كويس على العموم حصل خير خلاص وكلها اسبوع وهبقى معك في البيت
وضع يده على خصرها وهو يقربها منه بعشق ويتنهد :
. - امتى يا نور امتى بقه
التفتت حولها بخجل
لا يحيى كده هيبقى شكلنا وحش لو حد شافنا ثاني ابعد بقى
.......................................
ومر الاسبوع سريعا ورحلت نور لمنزلها الاخر مع يحيي
امام باب الشقه
- رايحه فين ثانيه اهدي
قالها يحيي واقترب منها وحملها بين يديها
ضحكت بمرح وهي تلف يدها حول عنقه :.
- يا سلام ما انا دخلت الشقه كذا مره ايش معنى المره دي يعني
يحيي بعشق :
- عشان احنا كنا بندخل نوضبها لكن المره دي مختلفه المره دي هتنوري البيت طول العمر في حضني انا وانت وبس
وتجه بها للداخل وهو يغلق الباب بقدمه
وانزلها امامه برفق وهو يحاوط خصرها بعشق وحملها وظل يدور بها بقوه
وهي تضحك بسعاده بين يدي الى ان همست بخوف :
- يحيي كفايه البيبي
توقف بهدوء وهو ما زال يحاوط خسرها بقوه خوفا من ان تقع بسبب دوار راسها وهمس لها بعشق :
- دي اكثر حاجه مخلياني مش مصدق نور انت كنت حلم بعيد جدا بعيد قوي عني عمري ما انسى من حوالي ٣ سنين ونص لما قضيت معك اجمل يوم في حياتي تعرفي لما كنا واقفين في الجنينه قصاد النيل تخيلت وانا بعترف لك بحبي تخيلت وانا بترجاكي تكملي معي وتنسي اللي فات من اول يوم عيوني وقعت عليكِ وانا اتمنيتك تكوني لي
حاوطت عنقه بقوه وهي تهمس ببكاء :.
- من اول مقابله ما بينا وانا ما نسيتكش حسيت ان صورتك اتحفرت جوايا حسيت ان احنا لبعض واني هشوفك ثاني انت خطفتني من العالم بتاعي من مبادئي من حبي اني افضل هنا كنت مستعديه ابعد عن العالم كله معك كنت مستنيه منك تسيب كل حاجه وتقول لي انا ليكي ووقتها ما كانش في قوه في الدنيا هتبعدني عنك.
تعال ننسى كل ده خلينا في اللحظه دي انا بقيت مراتك وفي بيتك بعد سنين سنين تعب وحرمان اخيرا هنعيش مع بعض في بيت واحد وبكره سيليا تيجي وابننا ينور الدنيا ونبقى العيله اللي انت بتتمناها دائما.
تحسس وجنتها بظهر يده وهو يحاوط بالاخري خصرها
- ولي ابننا بقى انا عايز بنوته عشان ابقى عايش معاكي انت وهي وسيليا امبراطوريه النساء وابقى انا المظلوم وسطيكم وتخيلي بقى لو طلعت زيك كده قويه ومفتريه
ضحكت بقوه:
-انا قويه ومفتريه لي بقه
يحيي بمرح:
-فاكره لما ضربتيني وخرشمتي وشي ولا فاكره لما الناس اللي جريت ورانا واحنا خارجين من المطعم
ويومها ضربتي صدري حتت ضربه وجعتني بجد
وبدأ يقلد صوتها الغاضب في هذا اليوم وهو يقول :
- ابعد عني حاليا عشان مش ضامنة رد فعلي تمام اياك تفكر تيجي ورايا او حتي تراقب من بعيد
واكمل هو وهي بتحذير لتذكرهم اليوم :
- هتندم وقتها انت لسه مجربتش غضبي
وضحك كل منهم بقوه
اكمل يحيي:
- بس انا يومها فضلت ماشي وراكي عشان خفت لاحسن حد يعمل لك حاجه خصوصا ان احنا كنا تقريبا وسط الشجر ومتاكد انك كنت عارفه ان انا ماشي وراكي وسايباني بمزاجك
ضحكت بمرح :
- اممممم الصراحه اه
كمل بمرح :
-وبعدين انت اللي بتسالي انك قويه ومفتريه ولا لا انت ناسيه ان مقابلتي وما عرفت بيكي لما مسكتي الشباب ضربتيهم يا مفتريه
رفعت حاجبها بسخريه :
- وانت كنت عايزهم يتسلوا بي ولا ايه تؤ مش انا يا مان
حملها بين يديه وهو يتجه لغرفتهم بمرح :
- وحشتيني يا مان بقى لي اسبوع مش عارف اتلم عليكي يا نوري
ضحكت بتوتر وهو يضعها علي الفراش وابتعدت عنه وهي تقول :
- لا ما هو هتستنى شهر كمان بصراحه كده بسبب الظروف والضغط النفسي يعني المطلوب مني ان انا ارتاح الفتره دي فمش هينفع نقرب من بعض
فتح عيونه بصدمه أكدت هي بتحريك رأسها وهي تحاول تكتم ضحكه عليه
ثم وضع هو يده بخصره بغيظ منها :
- طب وايه اللي جابك بقى ما كنتي خليتك عند ابوك وواضح ان ابنك ده هيعمل لنا مشاكل من اولها خذي بالك
ضحكت بمرح :
اقترب منها مره اخري وحملها بين يديه وواتجه للخارج
تحت استغربها منه
وجدته يضعها على طاوله المطبخ وهو يقول بقهر مصطنع :
- بدل ما فيهاش بقى يبقى ناكل
واكمل بخبث :
-عارفه انا اعمل لك ايه
حركت رأسها بعدم فهم
وضع هو امامها بعض الاصناف وهو يقول بمرح :
-يا دوب على التسويه ايه رايك
ابتسمت بحنين لايامهم سويا بلندن :
-اول يوم عملت لي في الاكل عملت لي ده اللحمه البارده والبشاميل والبطاطس المحشيه وسلطه الكول سلو بس انا كده هاخذ على اكلك على فكره انت لازم تعلمني الاكل هبقى ست بيت فاشله جدا
قبل شفتيها برفق وهمس :
- وانا موافق جدا طول ما انا هنا انا اللي عامل الاكل انت وسيليا ممكن تبقوا الشيف المساعد ولحد ما تقومي بالسلامه مش مطلوب منك تعملي حاجه غير انك تاخذي بالك مني و من البيبي وبس
نور بمرح :
- طب ونفسي
لاعب حاجبيه بمرح :
- لا دي انا اللي اخذ بالي منها
واتذكر تعبها وابتعد وهو يقول :
- بقول لك ايه ما تحاوليش تغريني خليني عامل سور كده ما بيني وما بينك لحد ما نشوف موضوع الشهر ده فاهمه وواضح كده ان العلاقات مش هتبقى كويسه بيني وبين الاخ اللي جاي واضح انه ولد اصل الولد بيغير على مامته لكن لو كانت بنت كانت هتبقى مخلياكي كده زي الفل عشان خاطر باباها حبيبها
ضحكت بقوه :
- فل انت تغيرت قوي يا يحيى لا بدات كده تاخذ على اللغه الجديده بتاعتنا طب ايه اخبار الكراش والشقط معك
ضيق عينيه بعدم فهم اكملت بمرح :
- لا كده الحمد لله اطمنت عليك اني لسه زي ما انت اخلاقك ما تغيرتش
.......................................
ليان بغيظ وهي تجلس امامه بالمكتبه الخاص بالفيلا تنهدت بغيظ واضح :
- وبعدين معك بقى انت بقى لك اسبوع بتتجنبني خالص ومش طايق لي كلمه وانا عامله لك فيها قرده ومش فاهمه في ايه عملت ايه طيب مزعلك مني كده
عمران ببرود شديد :
- ما دي المشكله انك مش عارفه انت عملت ايه انت عارفه ان انا ما بحبكيش تشكري في راجل غيري وما بحبش هزارك السخيف ده وانتي بتتعمدي تستفزيني من اسبوع اتضايقت منك في طريقه كلامك مع يحيى والنهارده قررتيها ثاني وكاني مش موجود وانت عارفه ان الموضوع ده بيستفزني فانت عايزه ايه بالضبط ولما بحرجك قدام حد بتزعلي
فتحت عيونها بصدمه :
- هو انت بتتكلم جد هو انت زعلان عشان كده باقي لك اسبوع متضايق عشان كده عشان هزرت مع يحيي جوز اختي لا اتفلق انا كنت فاكره الموضوع كبير عن اذنك
وجاءت تتجه للخارج ولكن وقف وهو يجذبها من معصمها بقوه لصدره
شهقت بصدمه وتحدث هو بغضب :
- اتفلق انااااا وبعدين اعتقد انك بتغيري من اقرب الناس لك ما تيجي نفتكر كده اخر مره تقريبا او لما نور كانت مسافره وحضنتها انت عملتي ايه فاكره ولا افكرك
وتوترت بحرج اكمل هو :
- من اليوم ده ما فكرتش مجرد التفكير اني اعمل حاجه تضايقك ثاني واخذت بالي انك بتغيري حتى من نور ما قلتش دي اختي انت مجنونه احترمت انك بتغيري علي من اي حد مع ان وقتها ما كانش في بينا حاجه لسه و ما علقتش على الموضوع
فاكره ولا افكرك ولا اقولك
وترك معصمها ببرود واكمل :
- خلينا نبقى عادي نور انا بعزها وبحترمها زي اختي فهترجع علاقتي معاها عفويه عادي من غير ما اخاف على مشاعر حد وانت كذلك انا مش متضايق خالص براحتك انا عمري ما اشك في يحيي لكن اي حد ثاني لا يا ليان خذي بالك من كل حرف بتقوليه عشان انا غيرتي مجنونه وممكن اطبق وشك ولا يهمني
فتحت عيونها بصدمه وهي تضع يدها امامه بغضب :
- هو ايه ده انا بغير عليك من الهوا ومش هسمح لك ده انا بتخنق لما بتسلم على ماما ولا بتهزر معاها احنا هنستعبط
نظر لها بتركيز وكأنه يقول طب اي اين انا من تلك الغيره عليك من اي شخص اخر
رمشت بعيونها بحرج واكملت :
- طب خلاص متفقين سوري بعتذر مش هعمل كده ثاني promise خلاص
عمران :
- تمام متفقين.......... احم بقولك بنت عم نيار قدمت عندنا بالشركه
ضيقت عيونها تنتظر التكمله
فاكمل هو بهدوء :
- ما تبصليش كده طبعا ما وافقتش بس عشان ما يجيش الكلام قدامك في اي وقت من مريم او بيشوي وتتهميني اني خبيت عنك مع ان الموضوع تافه بس حبيت اعرفك مش حابب اي حاجه حتى لو كانت تافهه نكون مش عارفينها عن بعض
ابتسمت باغراء وهي تقترب منه وتضع قدميها علي قدمه وتلف يدها حول عنقه بعشق وهي تقترب منه وهو ينظر لها بلهفه وهمست امام شفتيه :
- يا ريت يا مرو يا ريت نفضل كده على طول تعرف لما بفتكر انك كنت حلم بعيد قوي بالنسبه لي وصعب اوصل له ولما بفتكر لما كنت مش بتحس بيا وتقعد تقول لي اختي اختي كنت سمج قوي الصراحه بحس اني عملت انجاز لوصولي للمرحله دي
ضحك بقوه :
- سمج
ووضع يدها علي خصرها بعشق واكمل :
- سمج اوي ياعني
اكملت بغيظ :
- اوي اوي حرفيا كان ساعات بيبقى نفسي اخبطك على نفوخك تفقد الذاكره عشان اعرف اتعامل معك ثاني وامحي من ذاكرتك كلمه اختي دي واكملت بخوف :
- عمران لو ما كانش الحادثه دي حصلت بينا كنت هتسيبني فعلا لياسي.....
- شششششش متقوليش اسمه مستحيل كنت هسيبك اللي متاكد منه ان انا مستحيل كنت هسمح لحد يقرب منك غيري فاهمه
قال هذا وهو يضع جبينه علي جبينها بعشق واكمل :
-مش عايزين نقول لو، ربنا رتبها كده وفي تلك الحالات كانت النهايه هتكون هنا انا متاكد من ده فاهمه كل حاجه واي حاجه كانت هتبقي نهايتها في حضنك وبس انتي ليا يا لياني وعشقي الي كنت معمي عنه تحت اطار الاخوه
احتضنته بقوه وهمس لها بشغف :
- ما تيجي ناخد شاور سوا
ضحكت بمرح وهي تبتعد عنه :
- تؤ ولد عيب
رفع حاجبيه بخبث :
- لا يا شيخه وما كانش عيب لما جيتي صحتيني الساعه 7:00 الصبح يا مفتريه عشان تحضري لي بيض بالجبنه الرومي والموتزاريلا بتاعك وتقوليلي اجي اساعدك وانا بخد شاور فاكره هاا
وضعت يدها بخصرها بغيظ وهي تتذكر :
- لا انا فاكره حاجات ثانيه زي مثلا وانا بحكي لك على صاحبتي الهبله اللي بتحب واحد وعايزه تلفت نظره وانت قلت لي دي علاقه معوقه خليها تسيبها منه وفكره كمان وانت بتمسح دموعي لما غمضت عيوني وتقول لي انت نمتي يا لولي ولا ايه وبوظت اللحظه الرومانسيه وانا بشرح لك انها لحظه رومانسيه تقول لي انت يا بت انتي اتعلمتي الوقاحه دي فين فاكر هاااا
ضحك بقوه وهو يتذكر بالفعل محاولاتها للتقرب منه وغبائه معها :
- يااااااه انت قلبك اسود قوي لا مش فاكر خلينا في الشاور احسن
التفتت تصعد للاعلي وهي تحرك شعرها للخلف بغرور مصطنع :
- فكرتني برخامتك معايا وعذابي وقتها لا خلي اختك بقه تشوف الموضوع ده يا مارو
اقترب منها بخطوات سريعه بصدمه ليجذبها له
ركضت للاعلي بمرح وهو خلفها يضحك بقوه عليها
.......................................
وعدت اسابيع اخري الي ان جاء يوم خروج سيليا بعد ان رفضت بالفتره الاخيره مقابله يحيى تريد ان يراها بعد ان تعافت تماما لا يراها في لحظات ضعفها وهو احترم رغبتها واكد الطبيب على تعافيها ويمكنها الذهاب وتكمله العلاج بالمنزل مع بعض الجلسات النفسيه في الاوقات المحدده لها
وقف يحيي ينتظر خروجها بشوق
وجد فتاه تقترب منه بفرح ودموع وشغف شعر انه يعرف تلك الملامح جيدا ولكن ايعقل ان تكون هي لا مستحيل فتلك الفتاه بفستان خروج هادئ باللون الاسود فضفاض قليلا من الاعلي الي عند الخصر وينزل باتساع منفوش بشكل جذاب وبكم يشبه فساتين الأتراك وترتدي عليه حجاب من نفس اللون يحجب شعرها لا يظهر منها شئ لائق بشكل ملفت مت جمالها الروسي الجذاب ولا تضع اي مساحيق تجميل
ظل يحدق بها بصدمه واستغراب شديد الي ان وقفت امامه وهي تراقب رد فعله
نظر حوله بعدم فهمه ثم نظر لها وقال :
- نعم حضرتك محتاجه حاجه
فتحت عيونها بدهشه :
- ايه ده هو انا تغيرت قوي كده شكلي اتغير للدرجه دي ايه يا ابيه انا ساليا
فتح فمه وعيونه بذهول وهو يحرك راسه يمين ويسار بقوه ثم ينظر لها :
- سيليا مين انا شكلي جتلي تهيأت ولا اي في اي
سيليا بتوتر :
- هو انا شكلي وحش هو عامه يعني ما يفرقش شكل حلو ولا وحش ده قرار وانا اخذته مش هتراجع فيه خصوصا ان انا اخذته وانا متاكده وواثقه ومبسوطه كمان بس انا مش فاهمه انت مبسوط ولا لا وبعدين انا حاسه انه لايقه علي جدا
جدااااا صح ولا اي مالك يا ابيه يحيي استعيذ بالله كده وصلي علي النبي في قلبك وقولي اي رايك انا بقى لي فتره كده والحقيقه ان انا مبسوطه قوي يا ابيه باللبس ده
يحيي بذهول :
- اعمل اي معلش استعيذ بالله وصلي على النبي لا معلش ممكن تدخلي تندهيلي سيليا عشان واضح ان حصل غلط انا مش عارف ايه هو بس في حاجه حصلت غلط انا اللي اتخبطت او هو يعني هو في حاجه
سيليا بغضب طفولي بدون ان ترفع صوتها :
- ابيه يحيي انا عارفه ان حضرتك ممكن ما تتقبلش الموضوع بسهوله خصوصا ان احنا ما فيش حد حوالينا محجب نعرفه يعني بس انا لبسته على اقتناع وان شاء الله ربنا يقبل توبتي ويحسن خاتمتي
يحيى وما زال تحت تاسير الصدمه :
- نعم يحسن اي هو انت بجد سيليا ولا ده برنامج كوميدي ترفيهي ولا اي احنا بنصور صح
ادمعت عيونها وهي تنظر للاسفل :
- ياه هو انا للدرجه دي كنت بعيد عن ربنا لدرجه اني لما اقرب ابقى بهزر او ما تصدقش بالشكل ده للدرجه دي كنت وحشه قوي كده مستحيل ابقي كده دلوقتي، كنت ابعد ما يكون على ان اكون بالصوره دي حاليا
كلماتها البسيطه وحزنها وندمها الظاهر عليها فاقه من صدمته ادمعت عيناه وهو يحتضنها بقوه ويحملها ويدور بها بفرح من كرم الله عليه كان يفكر كيف يتعامل معاها بعد خروجها وهل الجميع يتقبل عودتها ام لا وايضا كيف يشرح لها رفض مروان لوجودها بحياته
ولكن الان شاكر ربه عليها
انزلها بفرح وهو يقبل رأسها بفخر :
- انا من الصدمه مش مصدق ان انت سيليا حاسس ان انا طاير معقول انتِ مش ممكن، ازاي مش هتقبل الجمال اللي انت فيه ده ازاي مش هتقبل الروعه اللي انت فيها دي انا حاسس ان قلبي هيقف من الفرحه اي الملاك ده انتي بجد بقيتي كده وازي
واكمل بخوف :
- سيليا اوعي تكوني بتنتمي لطيار معين إسلامي مش هقدر استحمل الصدمه دي بجد
ابسمت بفرح :
- لا يا ابيه ماتخفش هحكي لك على كل حاجه في الطريق بس عايزه اقول لك ان انا كمان بقيت اصلي الفرض بفرضه وقيام الليل وبزعل قوي قوي لو اخرت على فرض ربنا يارب افضل كده يااااارب اللهم قوي ايماني
يحيي وهو يشعر بالدوار من الفرح :
- سيليا الله يخليكي بالراحه مش قادر حاسس قلبي هيقف يعني من الهوت شورت والكت والدماغ اللي كانت طايره والاستهتار لكده براحه علي قلبي هيقف
حزنت بشده :
- عندك حق ما تفكرنيش بقى بالايام دي بجد انا ما اعرفش ازاي كنت كده بس خديجه اكدت لي ان ربنا هيقبل توبتي ان شاء الله بدال توبه نصوحه وانا طمعانه في رحمه ربنا وكرمه
يحيي بفرح وهو يتمسك بيدها بقوه ويتجه للخارج بفخر :
- دنا اللي عايزه اصلي دلوقتي حالا واشكر ربنا على كرمه وعلى اجمل اخت في الدنيا ده انا من هنا ورايح مش هقول لك غير يا ملاكي شكلك ملاك قوي يختف القلب تجنني
صعدت معه السياره وهي تقول :
- عربيه نور ياه وحشتني اوي ايه الاخبار يا ترى عمي محمود تقبلك ولا لسه
يحيي:
- احكي لي الاول ايه سبب التغيير المفاجئ ده وانا هحكي لك على كل حاجه
بالفعل قصت له كل شيء وهو ايضا وبعد ان انتهى قال:
- على فكره الكل متجمع عند عمران بالفيلا الشباب يعني وعارفين ان انا رايح اجيبك لو حابه تيجي معي تمام مش حابه هنروح البيت وشويه وهروح اجيب نور انا عارف ان ممكن ما تكونيش جاهزه لمواجهه زي دي الي يريحك هعمله
وعلى فكره ما حدش فيهم ابدا مش متقبل وجودك ويمكن كنت قلقان مع اني ما تكلمتش مع حد في حاجه زي دي بس دلوقتي متاكد ان هم هيفرحوا بوجودك اكثر
سيليا بفرح :
- الحقيقه هم وحشيني جدا البنات كلهم وجو العيله والدفا بس انا فعلا زي ما حضرتك قلت مش جاهزه دلوقتي خليها لما يجي وقتها احسن ممكن
قبل يدها برفق وهو يقول:
_ اللي يريحك يا روح قلبي يبقى تعالي نطلع على البيت ونتغدى سوا وبعدها هروح اجيب نور تكوني انت استريحتي شويه
سيليا بخجل :
- ابيه هو نور مش هتضايق من وجودي معاك يعني هي من حقها تكون.....
قاطعها يحيي :
- ما كنتش حبيتها ولا حربت الدنيا كلها عشانها وما كنتش هبقى شايف ان الستات كلها نور وبس لو ما وقفتش معايا وجنبي في كل حاجه ليا
كنت احس اني اخترت غلط يوم ما كانت هتقول لي مش متقبله سيليا معايا كنت هبقى متاكد اني مش ده الاختيار الصح في حياتي فاهمه نور بتعد الايام اللي هتيجي تقعدي معنا فيها وعايزه اقول لك مجهزه لك اوضه تجنن وفرشتها على ذوقها
سيليا باستغراب :
- هو حضرتك جبت فلوس الشقه دي منين
يحيي :
- اللي معاه صديق زي عيسى ما يفكرش في اي حاجه ثانيه وبصراحه كمان بمساعده ادهم اني لاقي شقه بسعر كويس كده وفي مكان حلو والمساحه دي، عيسى كان بيشيل نصيبي في المطعم ومش بيجي ناحيته بيحطه في البنك فلما رجعت لقيت مبلغ محترم جدا اقدر اخذ بيه شقه كويسه والمطعم كمان كان شغال احسن من ما سبته فالحمد لله على كل حاجه حواليا ظهرت حلوه وكاني ربنا بعد ما حط عواقب كثير جدا قدامي عشان يختبرني في التوبه فتح كمان ابوابه ليا عشان اتاكد اني صح
ابتسمت بفرح لسعاده اخوها بحياته الان
.......................................
بعد وقت وقفت نور بتوتر من هدوء يحيي وعدم التحدث عن سيليا لأحد غير انه تركها بالمنزل وجاء ليأخذ نور فقط وقالت :
- يحيى مريم رغم انها خلاص هتولد بعد كم يوم بس يعني كانت حابه تيجي معي هي وليان يسلموا علي سيليا بس لو انت شايف ان بلاش احسن فانا هقول لهم خليها يوم ثاني يعني
يحيي بتفكير :
- الحقيقه مش عارف يا نور هي قالت ان وحشها جدا البنات وجو الدفا والعيله بس رفضت انها تيجي معي او حبت تاجل المقابله دي مش عارف لو هم جم هترحب بده ولا لا او هيكون كويس ليها ولا لا فهمني
نور بتشجيع :
- يمكن هي خايفه من تقبلهم ليها ثاني لكن لما تلاقي ان هم اللي عايزين يشوفوها وانها وحشاهم ده يخليها يبقى عندها الجراه انها تظهر ثاني في حياتنا انا متاكده ان دي هتكون خطوه كويسه جدا وهتقطع مسافه كبيره قوي بينها وبينهم
يحيي بتأكيد لكلامها :
- عندك حق طيب يلا قولي لهم يجوا وانا هوصلهم لما يخلصوا
بالفعل بعد وقت اتجه كل منهم للداخل
وصاحت ليان بمرح مفاجئ وصوت عالي :
- انتي يا بت يا سولي انتي يا وليه يا ولكم يا ولكم يا ميت نهار ولكم
ابتسمت نور عليها هي ويحيي
وجلست مريم بتعب:
- لا يا اختي انا مش قادره انا بفرهد بسرعه هتلاقيها نايمه ادخلي هاتيها من قفاها
ضحكت ليان وطرقت باب الغرفه بمرح ثم اتجهت للداخل وهي تنظر بانبهار من التي امامها بسدال الصلاه تؤدي فرض ربها عليها بخشوع شديد مبهر لكل من طقع عينيه عليها
مريم باستغراب :
- انت هتفضلي واقفه متنحه عند الباب كده ما تجيبيها يا بت من قفاها
ليان بفرح :
- ششششش اتلهي علي عيينك انتي بالبطيخه دي اي القمر ده الله
انتهت سيليا وهي ترفع عيونها بفرح شديد لليان
وركضت ليان لحضنها بفرح وعانقت كل منهم الاخر بقوه
وقفت سيليا تحت انبهار ليان بها وهي تقول :
- الله حلوه قوي قوي يا سيليا بجد جميل بقينا نصلي يا عم مبروك ايه الجمال ده كله تعالي عشان البطيخه قصدي البراجوت الي قرب ينفجر قاعده بره مستنياكي يلا بينا
اتجهت سيليا للخارج بفرح تحت انبهار نور ومريم بها
اقتربت منها نور وهي تعانقها بفرح شديد من تغييرها المبهر لهم
وقالت مريم :
- لا انا مش هجري عليك مش قادره اقوم لا تعالي انت في حضني اي يابت الجمال ده انت اعلنتي اسلامك امتى يا موكوسه انتي
صدمت سيليا وضحكت ليان علي مريم :
- في اي يا مريم انت بقيتي شبه امي في الكلام كده ليه من ساعه ما بقيتي تنزلي عندها وتظغطك وانت تحولتي يا ماما
انسحب يحيى للداخل ليترك الفتيات على راحتهم معها وهو يحمد الله على فرحه سيليا بوجودهم
من الواضح ان نور كان معها حق بهذا
سيليا بفرح :
- وحشتوني يا بنات وحشتوني قوي شكلك خس وتعبان يا نور وانت يا مريم طخنتي وبقيتي عامله زي الوزه
ليان بمرح :
- قولي شبه انبوبه البوتاجاز
وضحك الجميع بقوه
مريم بغيظ :
- كلبه هقول اي بس ماشي بت يا سيليا انا عايزه اعرف كل حاجه عنك من ساعه ما سبتينا لحد الان بالتفصيل الممل
نور بتوتر :
- مريم
مريم بلا مبالاة :
-بقول لك ايه اقعدي انت على جنب خليك في حالك انا مش هاخذ بالي واحاسب من الكلام معاها هي عارفانا وعارفه ان احنا تنحين وفضوليين وبتحبني على كده صح يا سولي
سيليا بمرح :
- ايوه صح وحشتني اوي رغينا سوا
ليان بمرح :
- يبقى يلا بقي احكي لينا هاااااا
سيليا :
- وانته هتحكو انتم كمان
مريم :
- طبعا يا ما نور قومي هاتي صينيه الكوسه بالبشاميل اللي عملها جوزك امبارح اللي انت لسه قايل عليها ويا ريت تجيبي معها الغداء بتاع النهارده عشان انا جعت
ليان بذهول :
- انت مش لسه طفحه يا بت
مريم بلا مبالاة :
- يا بنتي لزوم القعده والتسليه مع بقى كم كوبايه عصير على كم سناكس يا دوب انا شايفه ان احنا نبات هنا النهارده ونسرب يحيي
يحيي بمرح وهو يتجه للاخر بعد ما سمع اخر كلمات مريم :
- يا ستي كده كده يحيى اعتبريه متسرب عندي شغله في المطعم والبيت بيتكم وقت ما تيجوا ماشيين بس قولوا لي عشان اوصلكم ولو هتباتوا عرفوني يلا سلام
ضحك الجميع بقوه عليه
بدات كل منهم تحكي كل شيء عنها تحت مرح كلا منهم وتعليقهم المرحب به من الجميع
وبعد ان انتهت الفتيات
قالت ليان بفرح :
- حقيقي شوقتيني ان انا اشوف خديجه دي اللي غيرتك بالشكل ده من وصفك ليها حبيتها اوي
سيليا :
_ انا فعلا اخذت رقم تلفونها وعنوانها وعنوان شركتها كمان عشان نبقى نتقابل علطول
نور باستغراب :
- طب ليه يحيى ما قالش ان انت جيتي طول الفتره دي انا اتفاجات اصلا بموضوع المستشفى ده انا عارفه انك جايه من بره بعد ما ضبطي امورك ودنيتك
سيليا :
- انا اللي طلبت منه ما يقولش لحد يعني تقدري تقولي كده كان تفكيري محدود لحد ما دخلت هناك ولقيتها نقله تحول في حياتي للاحسن بكثير وبقيت فخوره ان انا دخلت هناك لاني طلعت واحده ثانيه خالص انا مش عارفاها وحبه اعرفها اكثر ونفسي انسى القديمه اللي دخلت المكان ده مش عايزه افضل فاكره غير سيليا الحاليه وبس
مريم بفرح :
- حقيقي يا سيليا طريقه كلامك وكل حاجه فيك تغيرت انا فخوره بيكي جدا
ليان بحيره :
- ايوه بس انت حكيتي عن مروان قبل التغيير والي عملتيه معاه لكن بعد التغيير ما جبتيش سيرته خالص في اي حاجه ممكن افهم ده معناه ايه
نور بتوتر :
- بلاش نفتح موضوع مروان ده يا جماعه خليها تعتبر انه راح مع سيليا القديمه اللي راحت وخليها في سيليا الجديده وبس ولا ايه
مريم بتسرع :
- ليه ده مروان لما يعرف انها بقيت كده هيفرح جدا وكمان لما يعرف انها لسه بنت وما حدش قرب منها هيجي لها جري وهيرجع في قراره انه يقرر ينساها للابد ومش عايزها ثاني في حياته
اتصدمت ليان ونور واكملت مريم بتوتر :
- عكيت صح
ولكن الغريب هو عدم صدمه سيليا اطلاقا بل قالت بهدوء :
- انا فعلا رميت صفحه مروان مع سيليا القديمه ومتاكده ان ربنا شايل لي حاجه احسن سواء كان معاه او مع غيره فحبه شخص يزيد ايماني وتعلقي بالله ويكون سبب في دخولي انا وهو الجنه مع بعض
سبحان الله ما كنتش قادره اتقبل فكره عدم وجوده اللي كانت بتموت قلبي ودلوقتي ما بقاش في قلبي غير الحب لقربي لربنا وبس واني موافقه على اي اختيار لي وراضيه بيه بقضاء ويقين صدقوني ما زعلتش ابدا من الكلام اللي قالته مريم لاني متوقعاه منه ويمكن سفره ده خير لي و يمكن نصيبه مع غيري ونصيبي مع غيره الله اعلم ايا كان اختيار ربنا لي انا موافقه عليه دائما بصلي وبقول يا رب اختار لي ولا تخيرني
احتضنت نور سيليا بفرح :
- يا روحي عليك انت مش فاهمه كلنا كنا متضايقين ازاي بسبب الموضوع ده ودلوقتي كلنا مبسوطين لك قوي يا سيليا انت صح اللي في الخير ربنا يقدمه واكيد هيكون خير لك ولي اهو كده يا شيخه الواحد قلبه يرتاح بقوه
ليان بفرح :
-حقيقي تجنني بجد اتغيرتي اوي
مريم بدموع :
- تراني تأثرت يا ريت بقى تشوفوا حاجه ناكلها عشان حاسه ان النكد ده عمل لي هبوط
ليان بصدمه :
- يخرب بيتك ده انت واكله 3/4 الاكل لوحده ارحمي امي لا قومي قومي من البيت يحيى الخزين اللي جايبه عشان البت سيليا هتاكليه انتي
ضحك كل منهم بقوه تحت تزمر مريم منهم
.......................................
اقترب يحيي للداخل وهو يضع يده بيد سيليا ودق باب مكتب الاداره واتجه للداخل وأغلق الباب خلفه وهو يقول:
- استاذ عيسى القمر ده عايز يشتغل معانا بعد الكليه بتاعته ايه راي حضرتك
عيسى بصدمه وهو يقف وينظ ليده :
- يخربيتك نور هتبعتك في تابوت للاخره بتخونها يا يحيي للللي
سيليا بخجل:
- ازيك يا ابيه عيسي
عيسي بعدم تركيز :
- استني انتي ابعد ايدك يا......... اي ده ابيه الصوت ده مش غريب عليا
وحدق بها بذهول :
- سيليااااااا لا لا بتهزره صح
سيليا بخجل :
- مش معقول يا جماعه كل ما حد يشوفني يقعد ساعه لحد ما يتقبل التغيير ده انا بفكر اجمعكم كلكم في مكان واحد واظهر وخلاص
ضحك يحيي بقوه
واقترب عيسي بصدمه منها وهو يحدق بها :
- يخرب عقلك اي الجمال ده كله الله دي حلوت اوي
يحيي بغيظ :
- انت يا بني ادم انت احترم نفسك وغض بصرك شويه في اي
عيسي بصدمه :
- ياعم استني دي بصه في الارض ومكسوفه مني انا معقول سولي القمر وحشاني يا قرده
ومد يده ليصافحها
وضعت هي يدها علي صدرها بترحاب شديد وهي تنحني بقدمها قليلا ترحب به دون ان تحرجه
سعد يحيي كثيرا بها تحت انبهار عيسي وهو يقول :
- الله اي ده دي ما بقتش تسلم على رجاله برافو بجد لا وجاي تستاذني انها تشتغل معانا دي هتنور المكان الحمد لله على السلامه يا انسه سيليا
كده افضل صح
سيليا بخجل شديد :
- اكيد احسن طبعا شكرا يا ابيه لتفهمك وانك ما زعلتش
عيسي بفرح :
- ازعل ازعل اي بس يا شيخه ده انت مخلياني طاير من الفرحه مبروك يا سليا يا انسه سيليا وتقدري تشتغلي من النهارده بعد الكليه بدال ده هيساعدك.
واكمل حديث وهو ينظر ليحيي :
- اه يا سوسه وكل ما اسالك عنها تقول لي لما تشوفها هتعرف بقت احسن ولا لا خليتني والله خفت بس دلوقتي اطمنت
يحيى :
- طب يلا بقى عشان عندنا شغل كثير الاستاذ بشوي حاجز المكان كله عندنا لسبوع ابنه واحنا اللي هنجهز كل حاجه
عيسي بمرح :
- ده المكان واصحاب المكان تحت امره يا ابني كفايه ان هو سمى ابنه ادوارد على اسمي من حبه فيا ما هي اكيد مش صدفه
ضحك كل منهم بمرح عليه
الي اللقاء في اخر حلقات عشقك لعنتي الخميس القادم سهره ممتعه
.......................................
- يتبع الفصل التالي اضغط على ( رواية عشقك لعنتي ) اسم الرواية