رواية وحش الدخلية انثى الفصل العشرون 20 - بقلم خلود عبيد
العشرون )
مكملا للفصل التاسع عشر وجزء تابع له
( اشباح الماضى تطارد احلامى
اشباحا تحطم ايامى اشباحا تغزو فؤادى
اشباح باقى ليالى اشباح شظايا ذكريات
اشباح لا استطيع الهروب منها ولا استطيع ان اهزمها ولا مفر منها
بقت ذكريات تكسر امالى ولكن نفسى تثور على ألامى لتنتصر
حفرت الذكريات بخنجر مسنون بقلبى وعقلى وفؤادى وطبعت على طريقى ورسمت مسارى
اصبحت طاريده الماضى ولكنى ساتصد له
هاجس الذكريات أليم لاذع حارق ملتهب .......... نارا مشتعل
شبح ذكريات من الماضى
***********************************************************************
** سلمى = مين الظالم المنتقم ولما هو ظالم بينتقم ليه
نور= الظالم عمره ما يعرف او يعترف انه ظالم ، والانتقام بيعتبره حقه حتى منغير ما يحسب ،اين الذنب ومن المذنب عشان كده اسمه "ظالم "
نور مكمله = باقى القصه الحصلت من عشررررررين سنه وحفرت جوايا ومحدش يعرف تفصلها غيرى او يعيش لاحظتها زى ما انا عشتها ، ما حدش يعرف انا صمدت ازاى ساعتها وزاى قوة خرجت من طفله ، كانها خلقت عشان اللحظة دى وتثبت احقيتها فى انها تعيش
نور= اليوم ده يعتبر اسوء يوم فى حياتى ، او فى الوجود بالنسبه ليا ، فى لحظة ويوم بقيت بصارع الدنيا عشان اقف على رجلى ، واقول ان شمس فاروق الشمسى حفيده عائلة الشمسى اقوى واصلب من ان مجرم يهزمها ، يوم انتهه فى عيله الشمسى كلها من جزورها ومابقاش فيها غيرى ، وانتى يا سلمى لان مهما كان بيجرى فى دمك الا التولد داخل قصر الشمسى يبقى منها
نور= شهاب المنياوى قرر ينتقم لموت ولاده الاتنين ، وان زى ما عتقد ان شمس فاروق الشمسى قضى على ولاده الهما كانوا عيلته ونسله ، قرر يمحى عائله الشمسى كلها مرة واحدة يقضى على سلسال الشمسى من الوجود زى ما نسله انمحى بموت ولاده
سلمى برتعاش= هو قتللل العيله
نور مسرعه صامده = لا حرقها !!!! قتلهم محروقين والنار حواليهم ومش عرفين يخرجوا ، زى الغريق مش لاقى نجده ولا حتى طوق نجاة ومهما صرخوا وعلوا صوتهم محدش بيسمعهم
لتحكى نور مع ذكريات من ماضى مظلم ودموع من سلمى تبكى على ما صاب عائلة اكرمتها واعطتها الاحترام والحب
(كان يوم عادى وكنا بقينا نحاول نتقبل موت سها ، كان مر 6شهور على موتها )
جدى كان قاعد مع جدتى ببتسامات بسيطة ما بنهم وبيشربوا قهوتهم ويتكلموا عادى
Flash bake
سيف = انتى بتعملى ايه يا نور
لتشهق نور= فزعتنى يا سيف
سيف= بابا لو عرف انك بتدخلى مكتبوا وتفتحى الدسكات بتاعت شغله هيعقبك
نور= بس انت مش هتقوله صح
ليتزمر سيف= صح بس
نور ببتسامة= هحل واجب الرياضه بتاعه كده تمام يا عم
سيف= نو وواجب الانجليش كمان
نور= اوكى ، بس اوع تقول لبابا ماشى
سيف= ماشى ( وينظر بفضول الى ما كانت تنظر له على الحاسوب (الكمبيوتر ) )
سيف= ايه بقى ال انتى بتقرايه
نور وتنظر الى الملفات فى دماغها كانت كآله طابعة بالمخ ، ويا اله صدفت القدر كانت تقراء ملفات شهاب المنياوى
نور= قضية بابا شغال فيها وهيقبض على المجرم
سيف= وانتى بقرأيها ليه
نور بنظره غموض = فضول ويمكن لانى خلصت كل كتب المكتب ومفيش حاجة اعملها
سيف بصدمه= خلصتى كل الكتب دى ، دول ولا الف كتاب خلصتيهم امته
نور= عادى كل اجازة باجى بستاذن من بابا واقراء كام كتاب ودلوقتى خلصتههم وكما شغل بابا عامل زى الكتب البوليسيه
سيف = يعنى ايه هتشتغلى مع البوليس ؟؟
لتضحك نور = لالا ده زى كتب الادب والفلسفه وعلم النفس وال
سيف= بس بس ايه الحاجات دى انا عمرى ما سمعت عنها فسفسة ايه
لتضحك نور= اسمها فلسفة دى حاجة بتاعت الكبار مش هتفهمها انت
سيف= انا عايز اعرف انا الكبير ولا انتى بقى
لتقترب منه نور وتحضتنه بحضن اخوى = انت الكبير بالعمر وانا بالدماغ انت سندى و ظهرى
سيف= لا مش هشيلك لا ظهرى انتى طويله وتقيله
لتلتمس نور شعره وتملس عليه = امته تكبر وتفهمنى وتقعد تتكلم معايا
سيف= زى ما سها بتقول نور مخها كبير ، نور هو احنا مش هنشوف سها تانى
نور بحزن= لا ، هى خلاص فوق فى السما ادعلها دايما
سيف بدموع طفوليه = نور ، سها وحشتنى اوى كانت بتلعب معايا وترسم فى الجنيه على طول
نور= هى وحشتنى انا كمان ،بس عندك سلمى اللعب معاها
لبتسم سيف ابتسامه صغيره= لا سلمى لسه صغيرة ، عارفه لما تكبر هتجوزها
لتبتسم نور على اخيها = اممممم تتجوزها ، وتلعبوا سوا وانا لا
سيف= لا هنلعبك معانا بس انتى مش بتلعبى معانا دايما بتلعبى مع جدو وتيته شطرنج والبتاعه التانيه
لتضحك نور= طاولاه اسمها طاوله ،خلاص هنبقى نلعب سوى
سيف= انتى عارفه ان بابا رايح حفله النهارده
نور بحزن =امممم
سيف= تعالى معانا اعرفك على زميلى وتلعبى معانا
نور= بابا مش هيرده انت عارف ، هو لا يسمح لى بالخروج
سيف مفكراا= امم ايه رايك تجى معانا بالسر
نور= ازى
سيف بفخر= انا هعمل خطة
نور= انت!! خطة ايه يا ذكى
سيف= تركبى معانا العربيه منغير ما يعرف وهناك فى الحفله تدخلى معانا هو ساعتها هيوافق تدخلى الحفله
نور= بابا هيزعق ولو عرف هيعقبنى
سيف= ماتخفيش (لا تخافى ) انا هقول انى اصرت ونقسم العقاب بالنص ها
نور= لا بلاش يا سيف ،بابا ممكن يتعصب
ليحزن سيف = لا انتى مش عايزة تيجى معايا ، لو سها كانت هنا كانت جت
نور= خلاص يا سيف هاجى ، بس ماليش دعوة بابا لو زعق هقول انك السبب
ليبتسم سيف= لا تقلقى ، جدو معى وسيحمينى ، ولما نرجع مش هيخلى بابا يعقبنا ، اصل كل مرة ترجعى من السفر تفضلى فى القصر ومتخرجيش الا على الطيار حتى النادى مش بيرده يخليكى تيجى معايا
نور= انت المسؤل ، قول بقى هركب ازاى معكم ومش هيشوفنى
سيف= هتركبى وراء الكرسى الخلفى مكان الشنط
نور= بس ده مكان ضيق
سيف= لا مش ضيق اوى ، انا وبلعب استغمايه بستخبه فيه ،و حلوة واسع يعنى
نور= طيب ، ولما استخبا بابا وهو خارج بسأل عليا ها هتقول ايه
سيف= هقوله انك بتقرأ كتاب فى اوضك زى ما بتعملى على طول
نور= امممم ، ماشى
****************************************
**لياتى الليل وعند مغادرة الاب والام قابل فرح عند الباب
شمس= انتى كنت فين يا فرح
فرح= كنت فى النادى يا ابيه بعمل مفاجاة لفارس بكره عيد ميلاده
شمس بصرامه= يعنى انت لسه هتخرجى تانى
فرح بحرج= لو حضرتك سمحت يا ابيه
نجمه(ام نور )= خليها تروح يا شمس ، ده بردوا خطبها ومش بيشوف بعض غير كل ترم
شمس= ما خلاص كلها الترم ده ويتجوزوا ، طيب يا فرح روحى بس ماتتاخريش
فرح مقبله اخيها= شكراا يا ابيه ، انتم خرجين
نجمة= اه فى حفله زمايل شمس دعينا عليها
فرح=اممم واخدين سيف ونور معاكم
نجمة بتنهيد = لا سيف بس ، انت عارف شمس مش راضى يخرج نور خالص
فرح= ليه بس يا ابيه نور طفلة ، واكيد نفسها تلعب مع الاطفال هناك
شمس= وانتى فاكرة نور هتتصرف زى الاطفال ، نور مجرد بس ما ببتكلم مع حد بيعرف انها مش طفله عاديه
فرح= واحنا هنفضل مخبينها لغايه امته
شمس= بعد الحصل لسها الافضل اخبيها العمر كله ، مش بس لغايه ما تتخرج
فرح= بس حرام كده يا ابيه ، هتفضل محبوسه كل اجازة كده ، وتروح هناك تفضل تذاكر
شمس= انا ابوها يا فرح واكيد هشوف الاحسن لمصلحتها ، بكرة لما تتجوزى ويبقى عندك اولاد هتعرفى ازاى حمايتهم مهمه
لتنظر نجمة وفرح الى بنظره حزن وشفقه على طفله سجنت بسبب ذكائها وكانه مرض يؤذيها ويؤذى الاخرين
***********************************************
**ليركب الاب والام السياره فى المقاعد الاماميه ، وسيف فى المقعد الخلفى ،اما نور كانت تختبئ وراء المقعد الخلفى
كان سيف فرح بشد لخروج اخته معه فهى اول مرة تخرج معه ليعرفها على اصدقائه الذين يحكى عنها لهم ويفتخر بها
**اثناء سير السيارة وكان الليل بداء يغيم على الطريق ، ليوقف السيارة فجاة بسبب وجود جزع نخله يعركل الطريق ليخرج شمس من السياره يحاول ازاحة الخزع ،ولكن وخلال لحظات جاء رجال مسلحة طوق المكان وهجم عليه رجلين اقوياء البنيه و كتفوه من يديه وجعله راكع بالارض ، واخرون نحو زوجته وابنه مخريجنهم من السيارة ممسكين بهم
شمس= انت مين ، وبتعملوا ايه ، انتم عارفين انا مين
**لتاتى سيارة اخر ويخرج منها رجل يرتدى بدله ممسك بيده سيجار امريكى فخم مشتعل ، ليخرج ببطئ ويسير بهيبه
يبدو انه رئيسهم
ليقف امام شمس وينظر له بكره وشماته وغضب يتمنى لو انه يفترسه بانيابه
= طبعا الملازم شمس الشمسى ولا نقول سيادة النقيب شمس الشمسى
شمس بصدمه= انت!!!
=امم الترقيه الخذتها ثمن دم ولادى (بصوت غاضب )
شمس لا يحاول ان يتبين انه مهتز خصوصا عندما رأى الرعب فى اعين ابنه وزوجته
= ولادك مجرمين زيك ،بس هما عملوا جريمه اشنع وافزع من انت بتعملها وخدوا جزءهم ، رغم مش انا قتلتهم
-بس بسبك ماتوا ، وقضيت على ولادى نسلى ، اسمى المنياوى من بعدى
شمس= انت عايز ايه
-حق دم ولادى ، وزى ما قضيت على ولادى هقضى على عيلة الشمسى
شمس بصدمه = ايه ، عايزه تحاسب حسابنى انا خرج مراتى وابنى من الموضوع
=توتوتو شكلك مش فاهم ، انا هقضى على نسل الشمسى كله وامحيه من الوجود ، وزى ما بقولوا العين بالعين والسن بالسن
انت قضيتى على سلسال المنياوى ، انا هاقضى على سلسال الشمسى كله
شمس بهستريه= ده جنان
= لا ده عدل طبقا لقوانينى انا
ثم يمسك هاتف النقال ويكلم احدهم وثم يفتح الاسبيكر وجعله يسمع صريخ وعويل
شمس بصدمه = ده
ليبتسم شهاب = مفاجاة !!! انت خرجت من القصر وانا ولعت فيه ما حدش هيخرج منه هيبقى رماد
شمس دموع اسد تسير من عينه يسمع صريخ اهله وهو مكبل ولا يستطيع ان ينقذهم ، احس بعار محرقه فى قلبه واشاح بنظر ايه زوجته الباكيه وطفله الذى يرتجف هم ايضا سمعوا الصريخ
ليحاول شمس ان يفك من اسرهم ولكن لا حياة
شهاب بغل وكره ونار الانتقام المظلم بعينه بصريخ وصوت عالى= لسه يا ابن الشمسى ، هخليك تدوق النار الجوايا ، وتشوف عاجزك ، وتكون عبرة لكل اليحاول يلعب مع شهاب المنياوى
هخليك تشوف مراتك وابنك بيموتوا اودامك وبكده ابقى حققت انتقامى
ليفزع شمس ويهز رئسه يمين ويسار = لالا لالا مراتى وابنى لا
ليقف شهاب بثبات وكره ويشير بيده على رقبيه لاحد رجاله بمعنى اذبحهم
لم تكن الا دقائق وشمس يرى زوجته محبوبته ابنه عمه الجميله شريكة حياته "تذبح " هى وابنه فلذه كبده على يد رجال شهاب المنياوى
شمس بحاول الفك منهم ويهتز بيدهم ولكن مكبل لا يستطيع كم شعر بالعجز والضياع ، كانت دموع قهرا وظلم تسير من عينه
زوجته وابنه يذبحون امامه مثل الشاه وكانهم حيوانات وليس بشر ، بيد رجل ظالم وكأنه سليل من نسل الشيطان وليس بأدمى بتاتا
شهاب= وكده حققت العداله ، العين بالعين والدم بالدم
شهاب= تعرف صعبت عليا هرحمك انك تعيش وحيد واخليك تحصلهم عشان ما يوحشكش ، وتكون درس ليفكر تانى مرة يلعب معايا ويعمل نفسه ذكى
**ليخرج شهاب مسدسه ويطلق الرصاص فى صدر شمس ويقترب من شمس وهو ملقى على الارض ينزف الدماء
شهاب بصوت فحيح افعى سامة = وبكده خلصه اللعبه يا ابن الشمسى
**ويتركه ينزف الدماء وذهب هو ورجاله
دموع ينزف من عين شمس ، دموع الظلم الذى لحق بيه
ليزحف شمس بجسده الى جسد زوجته وابنه الحبيب وهو ينزف لقد شاهدهم وهم يذبحون وهو كان عاجزا
***
كانت نور تشاهد ما يحدث من الزجاج الخلفى لسياره ، لقد سمعت ما حدث يالقصر وتوقعت ما لحق بيهم
ولكن اقسى مشهد لها وهى ترى امها واخيها يذبحون امامها ، لقد ذبحهم بلا رحمة على يد ليسبشر ولا آدمى سليل من نسل الشيطان، ظلت تشاهد بصدمه صمت وكانها شلت ، وكانها فى كابوس وتتمنى لو انه كابوس فعلا وتستيقظ منه
عندما رائت والدها وهو يتحرك حاولت الخروج سريع وفتحت باب السيارة بيد مرتعشه ، خرجت وبقدمه مثقله لا تتحرك ، لا تفهم ولا تستوعب ما يحدث دماء فى كل مكان
امى ( ااااااااااااااااااااااااااااه يا اماه لا يمكن ان تكون تلك النهايه واحرم من حنان ودفء يدك وضمه حضنك )
اخي ( رفيقى وسندى الصغير من سالهوه معه من سيشارك ضحكتى ويتسامر ويلعب معى )
ابى ( قره عينى فخرى واعتزازى ، من استمد منه قوتى وحياتى )
*****قتلوا بدم بارد بيد سفاح قاتل *******
**لتقترب من والدها الذى كان بتلفظ انفاسه الاخير وهى ترتعش
نور بصوت مرتعش مصدومه = ب ب بابا
لينتبه لها شمس وباعين مفارقه دامعه وهو ممسك يد زوجته الراحة
لتنخفض له نور وتركع جواره وتتلمس وجه برقه وكانها تترجاه الا يرحل هو الاخر ، ولكن انها ساعته لقد دقت الساعة وانته الامر
ليلتمس شمس وجه ابنته باليد الاخر وهو ينزف وتخرج اخر انفاسه = ال الع عداا له ييي ا نور ، ح ححقى العداله
وتخرج الروح الى بارئها
نور بلسان مثقل وتتلمسه والدها = ب بببا با متسبنيش بابا اصحى ، هاسمع كلامك ومش هخرج من القصر
وتهزه نور وتصرخ وهى تعرف ان الصريخ لن يعيده ولكن عيناها رفضت الدمع قلبها يتمزق ، اصبحت وحيده
وحيده بمفرده تركها الجميع
نور= با باااااااااااااااااااااااااااا
Bake
سلمى ببكاء مرير= يعنى القتل العيلة كلها هو شهاب المنياوى ، الهو جدى
نور= لا ما هوش جدك ، اذا كان دمه بيجرى فى دمك فده مش معناه انه جدك ، انتى بنت عيله الشمسى بنت سها زى مكانت سها مش من دم عيله الشمسى بس كانت بنتهم
سلمى = بس ده مش بينفى الحقيقة ، انى حفيده القاتل
نور= محدش بيختار اهله ، اذ كان القدر اختار كده فاحنا فايدنا الظروف نغيرها ونختار طرقنا بالحياه ،
سلمى = بس انتى ربتنى وانا ايد جدى فيها دم ابوكى
نور بألم= محدش بيشيل ذنب حد كل واحد له العمله بايده ، وما تصنع بيدك فانت محاسب عليه
سلمى= ماما نور انتى مسمحانى
لتفترب نور من سلمى وتملس على شعرها= انتى بتقوليلى ماما ، انتى عارفه الكلمة دى كبيرة عندى اد ايه يا سلمى
انتى بنتى يا سلمى من قبل ما اعرف يعنى ايه امومة اصلا ، انتى كنتى املى فى الحياة ، والحاجة المخليانى اعافر وامسك فيها ، انا منغيرك كنت ضعت ، انا ساعتها كنت محتجاكى يمكن اكتر مما انت كنتى محتجانى كنت اخر رابط يخلينى اعيش (وتحتضنها ودموع الم من كليهما )
نورممسكه وجه سلمى برقه = انا عايزاك ترفعى راسك لفوق وتفضلى فخوره انك شايله اسم الشمسى على طول ، انا عرفتك الحقيقة لسبب واحد ،زى ما شهاب المنياوى عرف بعد عشرين سنه انه عنده ابن تانى ، خايفة يعرف انك حفيدته وياخدك وياثر عليكى زيه
سلمى بصدمه = ابنى تانى بس
نور مقاطعا = كان متجوز مراته هربت بره مصر وفضلت مستخبيه ولما ابنه بقى عنده عشرين سنه عرف ان لسه فى حد يشيل اسم المنياوى ويكمل سلساله وفى الاخر قدر يسيطر على ابنه وجره لعش الشياطين ، انا خايفه عليكى عشان كده عجلت بكتب الكتاب الظروف دلوقتى متلغبطة وشهاب المنياوى راجع مصر تانى بعد ما هرب زمان
لتترك نور وفاطمه ، سلمى واحمد بمفردهم كانوا بحاجة الى الكلام سويا
سلمى بكبرياء زائف = لو عايز نتطلق يا احمد انا معنديش اعتراض حقه ، ترفض وتحتقر الدم البيجرى جوايا
ليمسكها احمد وبجديه = انتى فاكرة انى مش عارف الكلام النور قالته لا عارف نور قالته ليا من يوم ما تقدمتلك
سلمى بصدمه =كنت عارف!!
احمد = ايوه عارف نور خافت انى فى وم ممكن اعرف واعيرك كانت خايفة لمشاعرك انها مجرد انها تتجرح ، بس انا بحبك
سلمى= بس انا بنت مجرم
احمد = محدش بيختار اهله ، انتى ملكيش ذنب ، انا وانتى ما نختلفش كتير عن بعض
احمد سارحا = انتى عارفه انا ابويا ايه ، اب سادى قاسى كل حاجة فى حياته عبارة عن ضرب واهانة ، يمكن لولا نور كنت بقيت انا مجرم
ابويا كان بفضل يضرب امى لليل نهار بسبب وبدون سبب ، كان جسمها بينزف دم من كتر ضرب الخرطوم او الجزام ويعلم على جسمها ، كان بياخد فلوسها وتعبها ويصرفه على نفسه ، كان يفضل حبسنا فى اوضه ظلمه ويضرب فينا
عارفه حتى بعد اما اطلقت منه ، جه فمرة ومسك السكينة وحطها على رقبتى وفضل يهدد فيها لو ما اعتطتهوش الفلوس (لو لم تعطيه النقود ) هيذبحنى ، امى كانت بتصرخ وتترجاه يسبنى مرديش غير لما خد الفلوس ومشى
ساعتها امى انهارت ، وخدتنى وهربت ، وكانت اول ما تعرف انه عرف مكانا تهرب وفضلنا نتنقل من مكان لمكان ، امى بسببه كانت بتشتغل خدامه فى البيوت وتمسح سلالم عشان توفر لينا حق اللقمة ، كنت يأست من العيشه دى لدرجه انى اتمنيت انه كان دبحنى ولا اشوف امى فى الذل ده
فى الوقت ده ظهرت نور لحياتى وقدرت تنتشنلى من البؤس والظلمه الكنت عايش فيها ، وحماتنى انا وامى ، وقدرت تسجنه
ايوه يا سلمى انا ابويا رد سجون ، بعد سنه مات فى السجن بسبب دين عليه مجرم اتسلط عليه وقتله
عرفتى ان احنا ما اختلفناش ، انا وانت ضحايا ، يمكن نور ربنا بعتها لينا تعويض
**لتقترب سلمى من احمد وتمسك يده ودموع عينها ،ليحتضنها احمد ويقبل رئسها
احمد= انتى حياتى الجايه يا سلمى
**************************************
**لتاتى نور مسرعه من الحجرة الى احمد وسلمى
نور بجديه وصوت جاد لاحمد = العقيد نزار ظهر ، ريم (الثعلب) لسه مبلغانى حالا ، لازم نروح الوزاره فى اجتماع طارئ
•تابع الفصل التالي "رواية وحش الدخلية انثى" اضغط على اسم الرواية