رواية اللقاء الثاني الفصل العشرون 20 - بقلم منة محمد
(((بحبك بكل الحنان اللي فيكي واحبك بكل الجنون اللي فيا)))
مدير البنك: دراسه الجدوي للمشروع حلوه جدا ده افضل مما توقعت
بسمله: ده كله شغل اسامه
مدير البنك: وانا بعترف عندك موظفين جامدين وقادرين
بسمله: بس اسامه مش موظف عندي هو شريكي
مدير البنك: تمام هعرض مشروعك ع مكتب الرئيس واتوقع انهم هيدوكي القرض من غير متاعب كتير
اسامه: وقبل كل ده عايزين ناخد توقعيك ع المشروع
مدير البنك: بسمله هانم واضح ان شريكك مش واثق فيا
بسمله: وانا متفقه معاه
مدير البنك: افندم
بسمله: احنا بنخاطر بكل الي نملكه عشان نقف من اول وجديد ومحتاجين لكلمتك
مدير البنك بخبث: اوكيه
الاتنين خلصوا مع مدير البنك وطلعوا ماشين بسعاده
بسمله: احنا هنخطي عقيه كبيره بمجرد ما ناخد القرض ونبدء نستثمر
اسامه: لو رفضوا خدي نفس طويل وروحي لـ ابوكي اظن داعم قوي
بسمله وقفت وبصتله: يعني بتقولي اديه لبابا
اسامه بهدوء: ده ائمن شخص يديكي تمويل لمشروعك من غير اي عواقب لانه عارف انك شاطره ومجتهده
بسمله كشرت: اسامه خناقتنا سوي مش عشان هو صاحب الشركه الخناقه بين اب وبنته وانا مش ناويه اروحله
اسامه: وبما ان الامر يخص اب وبنته قصري ومطولهوش يا بسمله
بسمله: واعمل ايه لو بابا مش ناوي يتقبلك في حياتي تاني هتوافق تسيبني وتقولي انك السبب وهتنسحب لمصلحتي مش كده
اسامه: لاء لاني لا يمكن اقدر اعمل كده تاني
بسمله: ولا انا هقدر ابعد عنك يا اسامه مستحيل وقتها هموت
اسامه: يبقي لازم ننجح المشروع مهما كان التمن
………………….قصص منه محمد كاتب………………….
البنت الكبيره لخالد عذبتها وكبت الاكل ع الارض وزينب اتخنقت لانها مش عارفه توصلها بتحاول معاها والبنت معنده زي ما يكون حد مسلطها
خالد شويه ووصل يخلع جاكت البدله وشاف التكشيره قالها: زينب ممكن اقولك ع خبر يرسم البسمه ع وشك
زينب: ايه هو
خالد: احنا بنرتب هجوم شرس وحاد ع بسمله هنط لفوق ونرفسها لحد ماتقدرش تقف ع رجليها مره تانيه وهتكون الحياه لبسمله واسامه عذاب
زينب: وكل ما هتكون عاجزه كل ما هتكون صعب تقف ع حيلها تاني عندي فضول اشوفها وهي واسامه بيقعوا
خالد: بقيتي مخيفه وكأنك مش زينب الي اعرفها لما بتتكلمي بالشكل ده
زينب: غصب عني يا خالد انا معنديش اي قوه انسفها وعانيت من الحزن والظلم فضلت فتره وانا كاتمه وجعي جوايا ومقدرتش اعمل اي حاجه اخد حقي للسبب ده سيبتك تكون الراجل السيئ
خالد: لانك قولتيلي انك وحيده وقتها اقنعتيني اتحرك
زينب: اسفه
خالد: ولا يهمك انا عشانك مستعد احطمهم
……………….قصص منه محمد كاتب…………….
بسمله راحت عشان تاخد القرض لقت مدير ابنك اصلا سافر بلاد بره بقت هتتجنن واتصلت بأسامه الي عرف ان خالد اشتري الارض
بسمله بنفعال: شوفت الراجل سافر وانا معايا معاد معاه استلم القرض وموصي محدش يتصل بيه الا لـ امر عاجل
اسامه: ممكن تهدي اهدي
بسمله: لايمكن يا اسامه اكيد خالد وري المصيبه دي وانا طالعه عليه
اسامه: بسمله خليكي عندك
بسمله قفلت الخط وركبت عربيتها وطارت ع خالد ودخلت بعد اذن من السكرتيره
خالد قام بترحاب: اهلا يا بسمله بقالنا فتره متقبلناش اتفضلي واقفه ليه
بسمله: ليه كل ده انت طالع واطي وحقير كده لمين فهمني
خالد: سوري بتتكلمي عن ايه
بسمله: انت الي حرضت مدير البنك يضرب ضربته من الدهر
خالد: لاء طريقتك حاده اوي معايا المدير فكر في الموضوع واخد قرار منطقي وع فكره انا شوفت الارض بس حقيقي موقعها ممتاز حقيقي حضرتي وجبه شهيه لازم استمتع بيها وانا بشكرك ع التهمها
بسمله: انا اه اتقالت من منصبي بس المشروع ده حلم حياتي
خالد: فاهم طبعا بس الفلوس والنفوذ الي بتتكلم في المعركه وانتي بسمله دلوقت بعد الي حصل بقيتي ضعيفه مش هتكوني قادره تشتري ارض بمليارات
بسمله: انت مكنتش بالحقاره والسفاله دي قبل كده
خالد بنظرات كلها وقاحه: وانتي مكنتيش بالرقه والنعومه دي قبل كده ياتري ده بسبب حبك لـ اسامه
اسامه هنا زق الباب واقتحم المكتب والسكرتير بيزعق فيه
خالد: خلاص سيبه
اسامه لبسمله: قومي نمشي يله
بسمله: كنت بسمع اعذار واحد مسكين محتاج شفقه
خالد: بجد اتصدمت فيك اوي يا اسامه قلت انك هتهديها لما تبقي معاك بس اخدت سكه صعبه
اسامه ميل بجسمه عليه: اسمع الكلمتين الي جاي اقولهم وركز فيهم اوي انا بقيت فاهم العيبك الواطيه وانت مسميها قواعد
خالد : تصدق مبقتش قادر اصبر واشوفك وانت بتكسرها يا اسامه بيه
اسامه :اصل ضربتي هتاخد وقت ع ما توصلك انت اقعد استني
خالد بصلها وضحك: بسمله ليه متاخيش اجازه تهدي نفسك
بسمله ببرود :هفكر رغم هكون مشغوله للغايه بس شكرا لفت نظري
خالد بستفزاز: اه صحيح زينب بتسلم عليكم انتم الاتنين وهتوت وتعرف لـ اي مدي هتنزله في القاع
اسامه بصله: ومراتك هتفضل قلقانه لو مخسرناش من فضلك هديها لحد ما يجي الوقت ده يله بينا
………………………قصص منه محمد كاتب……………………
في العربيه
اسامه: ممكن نشوف مستثمر في حته تانيه يدخل معانا شريك
بسمله : لاء انت كنت صح لما بقيت مطروده مبقاش ليا اي حاجه لامعايا مال ولا سلطه ولا قوه وانا بواجهه كل ده الظروف كلها ضدي
اسامه مسك ايدها بين ايديه وقالها: لو الظروف ضدك انا معاكي ومش هسيبك تحت اي ظرف
بسمله : يظهر المفروض اخد راحه طويله زي ما هو قال انا يئست من كل حاجه
اسامه: ايه رايك نسافر
بسمله: نسافر انت بتقول ايه
اسامه: نسافر ايه الغريب في الي قولته وبعدين مش خالد هو الي طلب كده
بسمله: يعني انت عايز تصب الزيت ع النار
اسامه لاء عايز اعيش شويه حب مع مراتي
بسمله : تعرف كلمه مراتي طالعه حلوه اوي منك
اسامه: وانا مش عايز غيرك ولا حد يقرب منك انتي بتاعتي وليا
بسمله: وانا مش هقدر احب حد في حياتي زي ما حبيبتك ولا هقدر اعشق حد زي ما عشقتك ولا اقدر ابص لراجل غيرك
اسامه وانا مستحيل اسيبك الا لو سبتيني
………………………قصص منه محمد كاتب……………..
واقف فوق الكوبري وكتبلها رساله( قبضت ع مؤمن تعال امسكيه بسرعه)
مؤمن حاطط الموبيل ع ودنه وعيونه بتلف في كل مكان: يابني انت واقف في اي حته انا مش شايفك
سيكا بمروغه: ده لانك مش بتحبني كتير انا بقي شايفك ماشي في الشارع ولو ع بالك كنت هتشوف وشي المثير
مؤمن نفخ بزهق وقال: ايه المجنون ده
كادي هنا ظهرت ومؤمن شافها رايحه جري عليه متعصبه وقال انها هتضربه بالقلم فغمض عيونه لكن هي خلفت توقعاته لما دخلت في حضنه بكل شوقها له وقالت بصوت كله بكاء: اختفيت فين, وروحت فين , وعملت ايه من غيري , انا قلبي فضل يوجعني لما حسيتك مستغني عني وانا وقتي كله منتظره رساله منك انت حقير انت انتهيت وهكسرك زي الكوبايه ومش هسيبك تروح اي مكان
مؤمن ضمها لحضنه وبيمسح ع شعرها: هتفضلي بت مجنونه
كادي بصتله: هو ممكن اطلب منك طلب واحد تفضل في حياتي للابد
مؤمن حاوطها ولف ايده جامد عليها وقال: انا هفضل معاكي لـ اخر العمر
سيكا ابتسم: اتنين مجانين لزقوا في بعض والجو حر يكش يجلهم طفح جلدي المهم عطيتهم فرصه تانيه يتجمعوا وده تم بفضلي اعمل ايه الاتنين لطاف برغم كده وانا امتي هحب في حياتي
………………قصص منه محمد كاتب…………..
بسمله لبست بنطلون جينز ازرق وجاكت جينز وحاطه شنطه فوق دهرها
بسمله بسؤال: احنا بجد هنسافر
اسامه بضحكه: مش جهزتي شنتطتك يبقي هنسافر يله اركبي
بسمله: هتاخدني ع فين
اسامه: هنطلع للفضا
بسمله: للفضاء
اسامه: انا مش بهزر
اسامه اتحرك بيها ونزلها مكان جميل كله خضره تهدي الروح
بسمله: الله المكان هنا جميل مريح جدا للاعصاب
اسامه حط ايده فوق عيونه وقالها: شايفه المكان ده
بسمله: ايوه ماله
اسامه بصلها: ايه رايك نبني عليه فندق رىي ده المكان الانسب وصدقيني هيكون افضل منتج نخطط نبنيه
بسمله بقهر: هو بالنسبه للارض الي شوفنها وراحت تجنن
اسامه: واحنا الي بيروح مش بنزعل عليه وصدقيني ده موقعه ممتاز وبصراحه المكان ده كان في عقلي
بسمله ضربته بغيظ في دراعه: وكنت بتخدعني ليه مقولتليش عليه
اسامه ضم كتافها: منا لو كنت قولت لك ع المكان هتغيري رأيك ولو حصل ده كان زمان خالد مستولي عليه واخده منك
بسمله: يعني شايفني مليش لزمه قدامك ومشفق عليا كده هتخليني احسن لما ترميلي الفتات
اسامه: انا اسف كنت حريص وحقك عليا ووعد مش هخبي عنك حاجه تاني
بسمله :ايوه ده احسن لك لان الجواز شراكه بين اي اتنين
اسامه شد شعرها بخفه :شوفتي انتي اتغيرتي عليا كتير
بسمله: ليه بتقول كده
اسامه: مش قادر احدد ده حصل امتي بس بقيتي نرفز بشكل غير طبيعي وحساسه كأنك طفله فين حبيبتي بسمله الي كانت دايما مبتسمه وشوفي دلوقت بقي وشك عامل زي بمبه كشر ع طول
بسمله: يعني خلاص مبقتش تحبني
اسامه: بالعكس انتي عجباني زي مانتي يا بسملتي انتي جمال وحلاوه وكاريزما ودلع ونغاشه مشوفتهاش في حياتي انا عيني مش شايفه غير الحلو الي فيكي متقلقيش بس ياسلام لو تفضلي ع وش القمر ده
بسمله رفعت حاجب: وماله الوش التاني
اسامه غمزلها : قمر برضو بس ده الذ بكتير
بسمله: عمتا انا بقت احسن دلوقت وانت السبب في ده
اسامه بستفهام: ازاي
بسمله: عشان جبتني وفرحتني وكنت جنبي
اسامه وهو بيضربها : ع الله يتمر
بسمله: انت زقتني عن قصد صح
اسامه مسك ايدها وهو بيضحك : معملتش
بسمله: لا عملت
اسامه طلع يجري منها وهي طلعت تجري وراه وقضوها ضحك وهزار
………………..قصص منه محمد كاتب………………….
خالد رجع البيت نص الليل سكران ودخل يتسحب براحه لقاها قامت ولعت نور الاباجوره
خالد بقلق: انتي لسه منمتيش كنت سهران مع واحد صاحبي بنتكلم في الشغل
زينب: ليه مش بترد ع تلفونك
خاالد: هو انتي اتصلتي ( بص في الموبيل) اه اتصلتي هو فيه حاجه مهمه حصلت
زينب: ابدا وزي راجع بعد نص اليل المفروض فيه سبب اقوي عشان اتصل
خالد: ومالك بتتكلمي معايا كده ليه
زينب حدفت صور ع السرير: اتفضل شوف انا ليه بتكلم كده
خالد فتح الظرف وشافه صوره في الديسكو مع مجموعه بنات ريكلام وسالها: وصلولك ازاي
زينب: من طليقتك اتكرمت وبعتهملي
خالد ابتسم: هي فاكره الماضي كان اسمهم ايه مش فاكر. المهم انغام بتحاربني لما بعتتلك صور قديمه
زينب: وليه متقولش دي ضربه موجهالي
خالد: عشان كده انتي مضايقه
زينب بنفعال: انت بتهزر
خالد: لاء بس اقعدي وفكري ليه الست دي بعتتلك الصور دي
زينب: ايوه قولي انت ليه
خالد: ليه يعني عشان توقع ما بينا وتبوظلنا حياتنا عايزه تخلق بينا حاله فوضي
زينب: وانت بقي مش مكسوف ولا عندك ذره شعور بالذنب للصور
خالد: طبعا اسف بس ده من الماضي وانا بطلت الف حوالين الستات
زينب وسعت عيونها وبحلقت فيه بذهول: وكمان خاين وكداب
خالد: زينب هو انتي اتجوزتيني من غير ما تعرفي اني كنت بتاع ستات
زينب: انت حتي مش بتتأسف
خالد: ومش هتاسف لان انا مخلص ليكي كزوج
زينب: والي هيحصل دلوقت شوفت ايام طيشك وتهورك هتخمد انام
……………….قصص منه محمد كاتب………………….
في الشركه
خالد بحده: عايزه ايه دلوقت
انغام: ما تتكلم عدل مع ام عيالك
خالد: انغام اختصري انا مش فايقلك
انغام: اهدا
خالد: اظن عملت كل الي اطلب مني ايه مشكلتك دلوقت معايا
انغام ابتسمت: معنديش اي مشاكل ومش عايزه اي حاجه انا بعتلها الصور
خالد: عارف
انغام: بصراحه لقيت مراتك حقها تشوف صورك عشان تكرهك وتسيبك
خالد بثقه وتحدي: مستحيل تكرهني او تسيبني
انغام: هتكرهك لما تقع عينك ع غيرها
خالد: تعرفي تاخدي بعضك وتمشي
انغام قامت وابتسمت بخبث ومكر: انا همشي لازم ارجع لشغلي في المول انا عارفه كل الرجاله يشبه بعض زينا احنا الستات نفس بعض ( ميلت عليه اوي وقالت بليونه) والست دي مش هتفضل ملاك افتكر الي قلتهولك يا خالد
خالد بصلها: استني هو انتي غيرتي برفانك
انغام ابتسمت انه لسه مركز معاها وقررت تجيب دماغه وتثبت لزينب انه بيخونها
………………………………….
في النادي لمحه واقف مع اصحابه بيلعبوا جولف
خالد: اهلا يا رؤف بيه
رؤف لف وبصله: بقالي يما مشفتكش هو انت بتلعب جولف يا خالد يا مندور
خالد ابتسم: بصراحه لاء بس لعبك ممتاز وسمعت انك مسكت اداره الشركه لما بسمله سابتها
رؤف: انا لسه بصحتي ومحدش يعرف يدير شركتي افضل مني
خالد: بس كده ممكن تتعب لو بسمله مكلمتش معاك
رؤف بغضب: وانا مش محتاج لواحده مطروده بأمر مني
خالد: وانا الي كنت واثق انك مش هتصدق الاشاعات الي انتشرت
رؤف: وهي الناس فالحين غير في الكلام الكداب ونشر الاشاعات
خالد بمكر: عارف البدايه من ايه من المليون جنيه وبصراحه مصدقتش واخدت الموضوع ع انه هزار
رؤف: مليون جنيه انت قصدك ايه
خالد: الاشاعه بتقول ان بنتك دفعت لـ اسامه حبيبها القديم الي انت رفضته مليون جنيه اشترته بيهم لمده اربع ايام
رؤف بصدمه: انت بتقول ايه اسامه رجع لحياه بنتي
خالد: للاسف الي رفضت كل الرجاله عشانه قابلته وفكت ازمته بمليون جنيه ورجعوا لبعض تاني من وراك
رؤف: الكلام ده حقيقي
خالد: امال اشاعه ده رايح جاي معاها في كل مكان
ررؤف مشي بعيد وطلع موبيله يتأكد لكنه ملحقش ومسك قلبه ووقع من طوله والناس جريت عليه وخالد واقف شمتان وفرحان
استوب ومنتظره رايكم ونتفرج ع وقوع زينب ونردلها ضربه قاضيه هي وخالد
- يتبع الفصل التالي اضغط على ( رواية اللقاء الثاني) اسم الرواية