رواية معشوقة المنتقم الفصل العشرون 20 - بقلم سما احمد
💕معشوقة المنتقم💕
البارت العشرون
كانت تجلس في الصالون وافكارها عنده كيف تمردت دموعه يتمناها كما تتمناه يريدها وهي لم تفوت لحظه الا وتمنته
يومان مروا ولم تمر لحظه الا وهي تتذكره كيف لا تتذكره وهي تتنفسه بجنون حتي الآن
نورسين لنفسها بعصبيه
=طلعيه من دماغك يا نورسين دي خيانه لخالد حتي لو عارف انك بتحبي مؤيد..... اه لازم اقول ل خالد علي اللي عمله عشان مكنش بخبي عليه حاجه
رأت خالد يدخل وبيده ظرف وقبل جبينها قائلا
=عمران فين
نورسين بحزن
=نايم
خالد وهو يداعب وجنتها
=مالك
نورسين وهي تنظر له
=عايزاك في موضوع
خالد بجديه
=وانا كمان ف قومي تعالي اوضتي يلا
وجذب يدها فأمتثلت لأمره وذهبت جلست علي طرف السرير فاردف
=هروح اغير واجي ماشي
نورسين بحزن
=ماشي
ذهب للحمام اما هي فذهبت افكارها للماضي وتنهدت بقوه وحزن حتي اتي خالد وجلس امامها علي الشازلونج لتردف
=قول انت
خالد بجديه
=لا قولي انتي انا موضوعي هيطول شرحه ف اتكلمي انتي
بدأت دموعها تتجدد وهي تقول له كل شيء حتي انها تساقطت وهي تكمل
=مش قادره انساه بفكر فيه من يومين مش راضي يسبني انا لسه بحبه وهفضل احبه مش قادره انساه انا حاسه بخنقه ومش عارفه اعمل ايه
خالد بجديه
=طب انتي زعلانه منه ليه اتجوزتي ليه طالما بتحبيه
نورسين بإندفاع والم
=عشان قتلني اكتر من مره قتلني لما سابني بعد اما فكرت كل حاجه هتبقي حلوه قتلني لما رجع وهو بيحب والدتي قتلني لما طلب يتجوزها قدامي قتلني لما جيه فرحي ورقص معايا وزود عليا الألم
كور وجهها ومسح دموعها بإبهامه وتحدث بهدوء
=بنيجي لحظة يا نورسين بنكون ضعاف لدرجه اي ايد بتتمدلنا بنمسكها حتي لو كنا بنكرهها واللي مد ايده ل مؤيد تشبه الماضي ازاي مش هيمسكها بإيده وسنانه ويتعلق بيها اكتر من الماضي
عقدت حاجبيها فأكمل
=فكري بعقل مؤيد يا نورسين هتلاقي ان اللي حصل عادي ضيعتوا اربع سنين علي شيء طبيعي يا نورسين هو غلط وانتي غلطتي ليه متمسكتيش ليه انت يا بنات حوا مبتمسكوش فينا ذي اما بنمسك فيكم
نورسين ببكاء يتجدد
=اتمسك بأيه يا خالد اتمسك بواحد سابني واما رجع بيحب سيرين هو باعني يا خالد باعني
خالد بهدوء
=تؤ مبعش هو ملقاش غيرها بعدين مبتسمعيش مقولة اللي بيحب بيسامح لو مسمحتيش يبقي مبتحبيش يا نورسين
حسنا لا نقدر علي قول انه مخطيء فحقا من يحب يسامح ومن يعشق ينسي مع المسامحه فقالت
=فكرك ننفع
ضحك وهو يومأ بتأكيد فابتسمت لتقول له
=طب قول كنت عايزني ليه
خالد وهي يحك مقدمة انفه
=هحكيلك حكاية تمام
نورسين بمرح
=تمام بس يا رب تفيدني في روايتي
ضرب مقدمة رأسها وبدأ يتحدث
=كان في مره شاب كان لقبه الشيطان لأنه كان فعلا كده يقطع رزق ناس يخسر ناس يعمل اي حاجه ومفيش حد يخاف عليه الا والده وهو كان قادر يحميه....... وفي يوم كان جايله استثمار حلو في ارض زراعيه ومزرعه يهدها ويبني منتجع كبير وهيفيده والأحلي ان الأرض دي ملك والده فقال لوالده ابوه مبيرفضش ليه طلب بس الارض دي شغال فيها كتير وفقرا ودي اللي فاتحه بيتهم فقاله حاجه لو عايز الأرض دي
نورسين بإندماج
=هي ايه
خالد بتنهيد
=يروح ويشتغل في الأرض دي فتره وهو كان عايزها فاضطر يروح وترك شغله الأساسي وبقي رئيس المزارعين يزرع زيهم يروي يحرت بسوق جرار
عقدت حاجبيها فضحك قائلا
=تركتور وفي يوم كان سايق فكان هيخبط واحده غبيه متهوره جايه بعربيتها العربيه خبطت في الرمل واغمي عليها نزل وفتح الباب...... بنت شقرا تقول للجمال انا اجمل منك اول مره يضعف قدام واحده فضل يمشي ايديه علي وشها كان نفسي يحضنها اوي ويفضل يبوس فيها ويقولها انتي اجمل واحده شوفتها في حياتي بس شخصيته اقوي شالها ووداها المزرعه واما فاقت مثلت انها فاقده الذاكره بس كانت لابسه سلسله فعرف اسمها هالا
عقدت حاجبيها سلسله هالا اليست نفسها حالا فهي ترتدي نفس السلسله فأكمل
=عرفت انها بتمثل بخبرتي وكشفتها فقالت انها حبت الجو وعايزه تقعد هنا اتكلمت كتير بس هو كان فرحان بدأت كل حاجه بينهم بشفافيه وكانوا فرحانين اوي يا جاكي بس في يوم سمعته بيكلم ابوه وعرفت كل حاجه هربت وسابته قالتله كداب وكدابه مينفعوش رجع لعالمه التاني كان بيدور عليها وفي يوم شافها جايه حفله مع جوزها طلعت متجوزه
بدأت شكوكها تتأكد تدريجي ليكمل
=زعلت وانكسرت بس بعشقها ولازم اندمها بعدين هرجعها اتقربت من جوزها بشراكه وخطبت اخته كنت بشوف حزنها وكسرتها بس متجيش حاجه فيا يا نورسين وفي يوم كان جوزها هيبوسها قدامي كنت هتجنن هي بتاعتي وقررت بأي طريقه هتبقي بتاعتي هددتها بجوزها كنت هقتله لو مقبلتش تبقي ليا في ليله
نورسين بدموع تتساقط
=وافقت صح كنت هتقتله والنتيجه عمران
خالد بتنهيد
=وافقت وكنت فعلا هقتله منا مجنون بيها واما عرفت انها لسه بنت قولت هتجوزها سر تتطلق بس بعد اما اتجوز اخت جوزها وهي رفضت بعدين اتجوزتك يا نورسين ومشفتهاش بعدها بس عرفت انها اتطلقت وانها كانت حامل واما مكنتش لاقيه تاكل ولا عارفه تشتغل وتسيبه بعتته ليا واستنت كتير لما اتأكدت اني مخرجتوش مشت
واعطاها تحليلي الدي ان اي فقالت بإبتسامه
=تروح وذي الروايات تجبرها تتجوزك غصب عنها بعدين تعاملها حلو وتخليها تسامحك بس قبل كل حاجه تروح وتمسح اسمي من السجل وتحط اسمها ومتقلوش قسيمه ونيله انت خالد الفيومي مش اي حد مفهوم واه طلقني خليني اشوف حالي انا اقتنعت خلاص
خالد بضحك
=ههههههه اجن واحده شوفتها في حياتي
ابتسمت واندفعت لحضنه واغمضت عيناها وابتسمت بعشق كم اشتاقت له ولحضنه
امام أحد الورشات
وقف مؤيد بسيارته ونظر علي معاذ النائم وقبل رأسه ثم نزل ليأتي بيبو له
بيبو بإبتسامه
=تؤمرني بحاجه يا بيه
مؤيد بإبتسامه وهو يجلس علي طرف السياره
=اه عايزك في شغل ومن قبل ما تتكلم هقولك في عندنا ڤيلا تشبه القصر كده وفيها مش كتير بتاع تلاتين عربيه وانا عايزك تيجي تشرف عليهم بنفسك يعني لو حاجه اتلفت تصلحها كده
بيبو بهدوء
=تشكر يا بيه بس انا كويس هنا في شغلي ومقدرش اسيب معلمي بعد اما علمني وهو كبر
مؤيد بهدوء
=منا عارف بس انت شاطر وانا قولت لمعلمك قبل ما اقولك وهو وافق قولي بقا بتاخد هنا كام
بيبو بحمحمه
=الفين وفي بقشيش ايام
مؤيد بلامباله
=هنديك عشره الاف
نظر لها بزهول قائلا
=بس دا كتير
مؤيد بضحك
=لو شوفت المرتبات التانيه هتطلب اكتر اسكت
بيبو بجديه
=طب فين المكان وهاجي امته الساعه كام
مؤيد بإبتسامه
=لا بص انت ليك مننا اوضتين في الجنينه وكل حاجه تلزمك انت واخواتك وتعالي من بكره الصبح هتلاقي عربيه مستنياكم تمام
بزهول نظر له وهو يومأ فضحك ليسمع صوت بكاء فجري علي السياره وحمل معاذ الذي شرع بعضه بقوه وضربه بقبضته الصغيره
مؤيد بضيق
=يا ابني خلاص بالراحه
معاذ بعصبيه
=بكلهك يا بااالد ثايبني لوحدي بكلهك تك الف
ولمح بيبو يضحك فابتسم قائلا
=ازيك يا عمو
مؤيد بصدمه
=لله الأمر من قبل ومن بعد بيبو يتقال ليه عمو وانا
معاذ مقاطعا اياه
=ؤميد
ضحك بيبو بقوه وكذلك مؤيد وذهبوا للسياره وقادها مؤيد ومعاذ ينظر للخارج
معاذ بصدمه وصراخ
=مامي ؤميد مامي اهي يا ؤميد مامي
اوقف السيارة ونظر لمعاذ بصدمة هل سمع صح وجد معاذ يقف علي الكرسي بلهفه ودموعه تتساقط بطفولية ويشير لخارج السيارة قائلا
=مامي يا ؤميد اهي
نظر حيث ينظر وجدها حقا هي جاكلين تجلس علي الأرض وتحمل عروسه لعبة وتحدثها بعبوس طفولي فقال
=معاذ حبيبي خليك هنا اوعي تنزل وانا هنزل اتأكد واجي ماشي
معاذ ببكاء
=ماشي
مؤيد وهو يكور وجهه ويمسح دموعه
=مش اتفقنا انك متعيطش كده عشان قلبك
معاذ بشهقات
=حاضل
قبل جبينه ونزل وذهب وقف امامها حقا هي جاكلين وسمعها تقول وهي تشير بيدها
=يا جميلة يا صغيرة انا زعلانه اوي من تونه لانها مش راضي تخلي جميلة امسح وساعدها
ووضعت يدها بفمها ونظرت امامها قائله
=انت مين
مؤيد بزهول
=جاكلين
جاكلين وهي تقف
=اسمك يعني بينادولك جاكلين ولا ايه
مؤيد وهو يبتلع ريقه
=اسمك ايه
جاكلين مشيرة لنفسها بيدها
=انا اسمي يعني بيندولي جميلة عشان انا جميلة اوي بيبو قول ل جميلة انتي جميلة اوي
اغمض عينه بزهول وجري للسيارة مسرع يفر منها وقادها بسرعة ومعاذ يصرخ ببكاء يتجدد
=مامي ثبني لوح مامي
وبدأ يضربه اما هو لم يعي لنفسه ولا ل معاذ الذي يبكي بقوه وهذا خطأ له لم يعي وفي هذا الظلام الا الوصول للڤيلا
وجد معاذ ينزل جريا وهو يبكي ويجري للداخل فمشي خلفه وهو ماذا تحت الصدمة
كان سيف يجلس معهم علي الطعام بصمت وفجأة وصل لأذنه صوت صراخ معاذ قائلا
=بابي بابي يا بابي
وقف فوجد معاذ يجري ويندفع لحضنه فحمله برعب عليه فهو ولأول مرة يراه هكذا فهو لا يسمح بدموعه بالتساقط لهذه الدرجه ليس فقط بسبب تعبه بل وايضا لأنه اغلي ما في حياته ووجد مؤيد يمشي خلفه شارد
سيف بحنيه
=مالك يا معاذ في ايه
معاذ ببكاء
=ؤميد مش خلي معاث لوح مامي عايث مامي
سيف بمراوضه
=مش قولنا مامي مش هتعرف ترجع الوقتي وهي مسافرة
معاذ ببكاء شديد
=شوفت مامي وقول ل ؤميد
اتسعت عينه بصدمة ونظر ل مؤيد قائلا
=ايه اللي معاذ بيقوله دا بجد
مؤيد بتنهيد
=ايوه شوفنا جاكلين
انزله سيف وذهب لمؤيد وشد ملابسه
=هيا فين رد عليا شوفت جاكي فين
مؤيد بهدوء
=اهدي يا سيف جاكلين هتيجي هنا بكرة بنفسها
سيف بصراخ
=يعني كلمتك ومجبتهاش ليه ممكن تهرب يا مؤيد
ترقرقت الدموع بأعين مؤيد وقال
=مش هتقدر تهرب
سيف برعب
=ليه فيها حاجة مالها رد
مؤيد وهو يبتلع ريقه
=جاكلين فاقدة عقلها يعني بتتصرف ذيها ذي اي طفلة
سيف بصراخ مجلجل
=هي فين رد عليا فييييين رد يا مؤؤؤؤيد
مؤيد بحزن
=في عمارة **** هيا نفسها جميلة اخت بيبو اللي هيجي يشتغل هنا بكرة
دفعه سيف وذهب فلم يمنعه احد ولا حتي مؤيد بل تبعه وامروا بعض الرجال بالذهاب معهم اما معاذ ف حملته ماهي وبدأت تهدئه
في شقة حالا
دخلت بعدما انتهت من عمالها بتعب وفتحت النور فتصنمت محلها يجلس ببرود تام ويضع قدم فوق الأخري وبيده ورقتان وحين رأها رماهم امامها
خالد ببرود
=شوفي
اخذت الورقتان ونظرت لهم بحزن وتمردت دموعها بصمت فرمي لها الآخري فتحتها ونظرت له ثم لها سرعان ما جرت بجنون وجلست علي فخذه تحضنه وتبكي بقوة فضمها بحنيه له
حالا ببكاء
=انت بجد عملت كدة
خالد بإبتسامه
=عشانك اعمل اي حاجة بس انتي اللي غبيه اتصرفتي من الأول بغباء
حالا ببكاء اشد وهي تدفن وجهها بعنقه
=يعني الوقتي عمران ابني انا بأسمي انا مش مصدقة انا حاسه اني بحلم
بعد وجهها وكوره يمسح دموعها المناسبه ويقبل عيناها ونزل لشفتيها قبلهم بعشق فبادلته وهي تضع يدها بشعرة وحين ابتعد قال
=قومي اجهزي هنروح نكتب كتابنا
حالا بدموع تتساقط من جديد
=مينفعش انت الوقتي في حياتك مع نورسين وعمران
خالد بحب
=قومي يا حبيبتي هنتكلم في الموضوع ده بعد اما نتجوز
حالا بنفي وهي تحاول الوقوف
=لا مش هتجوزك ابعد
خالد بحدة وهو يطبق عليها
=لا هنتجوز يا حالا برضاكي او غصب عنك
حالا بعصبية
=طب سبني ومش هتجوزك مش كفاية اللي عملته قبل كدة انت انت.....
وانفجرت باكيه فانحني ولثم شفتيها بقبله اخري وهو يضمها وحين ابتعد قال
=انا ونورسين هنتطلق يا قلب خالد بكرة
حالا بشهقات
=بالطلاق مفيش حاجة هتتحل متطلقهاش
خالد بهمس في اذنها
=اللي حصل بيني وبينك يا قلب خالد محصلش بيني وبين نورسين طول الاربع سنين جواز
حالا بعدم فهم
=يعني ايه
خالد وهي يدفن رأسه بعنقها
=يعني انا مقدرتش المس واحدة غيرك وهي مقدرتش حد يلمسها غير مؤيد والوقتي هي هترجع لمؤيد وانا هاخد حب حياتي
حالا بغيظ وهي تضربه
=والله وحب حياتك ده مش كسرته قبل كدة وقال مقدرش الغي جوازي وانا بموت مجرد ما افكر انك بقيت لغيري
ضحك بكل صوته وهو يمسك وجهها بين يديه ويقبله مستغلا انها ملهيه بضربه فزاد ضربها وهي تقول
=يا سافل بتبوسني ابعد انت مش جوزي قوم امشي مينفعش تقعد معايا هنا
حملها بين يديه وخرج وهي ترفس بأرجلها قائله
=نزلني بقينا بليل رايح فين
خالد بضحك
=مش نايم الليله دي الا وانتي مراتي هاااا
ونزل السلم وهو يحملها بضحكت بصخب وسعادة تزورها الآن ولأول مرة بعد سنوات
في احد العمارات
غطي بيبو الفتاتان وقبل جبين كلاهما قائلا
=اكبري يا تونه وهجوزك للي يستاهلك يا حبيبتي بس انا مستهلكيش
واعاد تقبيل جبينها وذهب للأرض تمدد عليها وتغطي ب شرشف خفيف واغمض عينه وفجأة شعر بالباب يقع صرخ بهم
=انتم مين
دخل سيف من وسط الرجال واشار لرجلان ان يمسكا فصرخ
=ابعدوا عني ابعد عن اخواتي
ذهب سيف وانتشلها من احضان تونه الذي جلست بفزع وتكورت بخوف ثم وقفت بسرعة وجرت ل بيبو الذي صرخ
=ابعد عن اختي جميلة ابعد عنها
دخل مؤيد الذي نظر له بيبو بعصبية وقال
=اهدي يا بيبو هتفهم كل حاجة
اما سيف فنظر لها بعدم تصديق حبيبته ذو النوم الثقيل كما هي رفعها لحضنه بعدم تصديق ثم حملها وخرج قسمع صوت صراخ
=جميييييله ابعدوووا عني جمييييييلة سيب اختي
سيف بصوت مجلجل ل مؤيد
=مؤيد هاتهم الڤيلا
وذهب بها بينما اشار مؤيد للرجال بالبعد ومسك زراع بيبو قائلا
=اهدي وهات حاجاتك انت واختك وتعالوا هنروح مكان جاك اصدي جميله وهفهمك كل حاجة
اشار ل تونه التي ذهبت وبدأت تلملم ملابسهم فهم لا يملكوا شئ غيرها واخذتها وخرجوا ركبوا في سيارة مؤيد الذي بدأ بالحديث
=جميلة اسمها الحقيقي جاكلين جاكلين آدم السيوفي مرات سيف المنشاوي اللي اخدها فاكر الطفل اللي اديته غزل البنات
بيبو بحزن
=ايوه
مؤيد وهو يربط علي رجله
=متزعلش هنروحلها وهتقعدوا معاها ودا يا سيدي معاذ ابنها
وبدأ يقص له ما حدث مع جاكلين تحت زهوله وعدم استيعاب تونه
في سيارة سيف
كان يحملها بحضنه وينظر لوجهها الذي عشقه حد السماء مغلقا الحاجز بيه وبين السائق وبدأ يلعب بشعرها
سيف بفرحة
=اه لو تعرفي انا حاسس بأيه الوقتي يا جاكي ولا قضيت السنين دي ازاي
وقبل جبينها بتطويل ثم ضمها بعشق له ما ذنبه انه لا يقدر علي ظهور عشقه كالباقي فهو هكذا وسيظل هكذا
- يتبع الفصل التالي اضغط على (رواية معشوقة المنتقم) اسم الرواية