رواية اللقاء الثاني الفصل الحادي و العشرون 21 - بقلم منة محمد
(((بحبك بكل الحنان اللي فيكي واحبك بكل الجنون اللي فيا)))
بسمله رجعت من رحلتها واخدت شور وجالها تلفون ان ابوها اتنقل للمستشفي اخدت شنطتها وطلعت عليه بسرعه البرق
كادي شافتها بكت: بسمله
بسمله عيونها كلها دموع: ايه الي حصل
الداده: انهار ووقع فجأه وهو بيلعب الجولف ومن ساعه ما دخل المستشفي مفقش رغم الدكاتره قالولنا هيفوق في اي وقت نعمل ايه
كادي ببكاء :بابا ارجوك اصحي يا بابا
بسمله اتكت ع اسنانها :يئما تخليكي هاديه يئما اطلعي عيطي بره
كادي بكت بحرقه :اختي انا قلقانه ع بابا وعايزه يصحا
بسمله :هيفوق قريب متعمليش دوشه واهدي هطلع اتكلم مع الدكتور
الداده : روحي يابنتي
بسمله طلعت بره الغرفه وسندت ع الحيطه وفتحت في العياط بانهيار وبعد ما قدرت تتمالك نفسها اتصلت باسامه بلغته ان ابوها فقد الوعي وراحت تطمن من الدكاتره
……………………..قصص منه محمد كاتب………..
خالد حط ايده ع كتفها: اطمني يا كادي هيبقي كويس متعيطيش
كادي بصتله بامل: بجد هيبقي كويس
خالد بهدوء: ان شا الله ابوكي راجل قوي وجامد
بسمله فتحت الباب وشافته :انت بتعمل ايه هنا
خالد :شوفته في ملعب الجولف كان بخير وروحت سلمت عليه
بسمله بشك: تعال نتكلم بره
خالد حط ايده ع كتف كادي وخرج وري بسمله
بسمله بجديه: احكيلي ايه الي حصل
خالد ضم حواجبه بعدم الفهم: لاء مش فاهم
بسمله: سمعت من صحبه انه كان واقف يتكلم معاك وانهار بعد ما كلمته ايه الي قولته لبابا وصله للحاله دي
خالد رفع كتافه بلا مبالاه: مجرد كلام عادي سألته عن احواله
بسمله : فكك من جو التمثيل ده وخليك صريح اكتر معايا
خالد بحلق بعيونه فيها :بسمله ايه بس الي بتقوليه يحز في نفسي انك معتقده انه انهار بسببي
بسمله بحده: ايوه لان انت سبب مشاكلي وعايز توقعني ودوس عليا باي طريقه
خالد: لا كده بجد بتبالغي اوفر
بسمله :انت زي الافعي تبتسم ابتسامه صافيه في الوش وتنشر اشاعات في الدهر
خالد: الي يسمعك يقول الفت الاشاعه من ولا شئ ولا ظهرت لما رجعتي لحبيب القلب حتي لما رجعتيله رجعتي بطريقه سخيفه ياتري فكراها ولا افكرك
بسمله :وبكل خسه ونداله روحت بلغت راجل مسن وقلبه ضعيف غن الي بنته عملته
خالد :سوء التفاهم ده مش هيحل اي عذر ادهولك
بسمله قربت منه وبتهديد وأصرار: افتكر كلامي يا خالد يا مندور لو حصل اي حاجه لبابا هنهيك حتي لو فاق من غير اي مشاكل صحيه برضه هنهيك
خالد ابتسم بسخريه: وانا احبطت وخوفت من وشك المرعب الشديد يا بسمله وقادر اشوف انيابك الحاده
بسمله :عشان كده استعد للهزيمه
……………………………قصص منه محمد كاتب………………
اسراء دخلت :عمي عامل ايه
بسمله عيونها كلها دموع :لسه نايم
اسراء : انا موصيه الدكتور المتابع عنده وقلتله ياخد باله منه ده زي ابويا
بسمله :عارفه يا اسراء
اسراء مسكت ايد رؤف :عمي انا اسراء يله فوق قريب ارجوك
بسمله : تعالي اقعدي
اسراء : مش هينفع عندي حالات مستنيني بس هخلصها وارجعلك ولو حصلت اي حاجه بلغيني
بسمله وصلتها للباب ورجعت قعدت مكانها ومسكت ايد ابوها وباستها: بابا انت سامعني انا بسمله
رؤف فتح عيونه وبصلها :الي سمعته حقيقي
بسمله بلعت ريقها :هروح الاول اجيب الدكتور
رؤف اتك ع ايدها :استني المليون جنيه الاشاعه دي حصلت وفعلا اسامه رجعلك
بسمله نزلت دموعها وسكتت
رؤف ساب ايدها :مش عايز اشوفك امشي
بسمله مسكت ايده بكل رجاء :بابا محتاجه ارجع مديره لشركتك ارجوك وافق
رؤف: ده حتي متحلميش بيه
بسمله :حتي لو قلت لك هنفصل عن اسامه واطلق منه
رؤف :انتي كمان اتحدديني و اتجوزته
بسمله نطقت بسرعه : ايوه بس هطلق منه لو عايز وسيبني ارجع مديره لشركتي تاني
…………………………………….
في جنينه المستشفي اتسحبت من جنب ابوها ونزلت تقابله الي اول ماشافها اخدها جوه حضنه يواسيها وهي بكت بكل ضعفها
اسامه مسح دموعها وابتسم لها : حبيبتي ليه بتعيطي انتي المفروض تفرحي انه قام بالسلامه
بسمله : بس لسه محتاج شويه تحاليل واشاعه وراحه هيرجع للبيت بعد كام يوم
اسامه : طيب ده خبر حلو
بسمله نزلت دموعها: اسامه انا هرجع منصبي للشركه وقلت لبابا اني هنفصل عنك
اسامه اتغير لون وشه من القرار وقالها بصدمه :ازاي يعني يا بسمله
بسمله: انا اسفه حقيقي اسفه وانت الي اقدر عليه
اسامه: اهدي واشرحيلي ايه الي خلاكي تقرري كده فجاه وتهدي كل الي ما بينا
بسمله مسحت دموعها بوجع : سبب انهيار بابا الملعون خالد وانا قررت احاربه عشان كدا بنهي حكايتنا هنا
اسامه شدها عليه :انا مقدر الوضع الي انتي فيه حقك ترجعي لشركتك ومش محتاجه تبرري تصرفاتك ولا تخافي انك تتفهمي غلط وسبيني انا اللي انهي معركتنا مع خالد ولما انهيه تمام ارجع القيكي و
بسمله قطعته : اسامه ممكن تطلقني وحاسه بطلبي كأن جدران انهارت فوقي حاسه بوجع كبير في قلبي وقوتي متكفيش اسحبه وارميه
اسامه: لاء يا بسمله انا مش هطلقك لكن هننفصل ممكن تستنني لحد ما نخلص من خالد
بسمله ضمته :غصب عني والله سامحني يا اسامه
اسامه: انا مسامحك وعمري ما اقدر ازعل منك
بسمله خرجت من حضنه وبصوت مخنوق بالدموع: مع السلامه
اسامه باس جبينها بكل رحمه وحنان : مع السلامه
بسمله دخلت المستشفي ووقفت ع جنب ومسحت دموعها وقررت تبدء اول خطوه في الانتقام واتصلت بيها
انغام ردت: ايوه انا انغام مين
بسمله بهدوء: انا بسمله رؤف يا انغام
انغام : بجد مفاجاه ليه اتصلتي بيا عايزه ايه
بسمله: عايزه اقابلك ممكن نحدد معاد
انغام اسفه اليوم عندي افتتاح فرع تاني للمول بتاعي بس عارفه هتشرفيني اوي لو حضرتي لو يعني ده يناسبك
بسمله : يناسبني اشوفك هناك
انغام :اشوفك يا حبيبتي
……………………………………………………..
زينب طلعت ع البوابه :بابا حبيبي
خليل ضمها :زينب عامله ايه
زينب مبتسمه: انا كويسه تعال ادخل واقف ليه ع البوابه
خليل :معلش مش عايز اقابل حماتك لا بحب نظراتها ولا بطيق طريقه كلامها جبتلك مربي التين الي بتحبيها انا الي عملتها
زينب: يعني جاي كل الطريق ده عشان المربي
خليل :ايوه عشان تاكليها طازه مع خالد والعيال
زينب: لو قولتلي كنت بعتلك السواق الجو حر عليك
خليل مسح ع شعرها بحنان: انا جيت عشان كنت عايز اشوفك واطمن عليكي وبعدين انا راضي يا ستي بالحر انتي مالك طمنيني انتي كويسه
زينب: اه كويسه ما تدخل طيب شويه
خليل: لاء انا كفايه عليا اني شوفتك همشي
زينب :ارجوك يا بابا
خليل :يله ادخلي سلام يا زينبو
زينب: يا بابا
خليل وهو بيشاورلها بأبتسامه واسعه :مش داخل يله ارجعي للعيال
زينب دخلت حزينه وحطت البرطمان ع السفره وندهت ع الاطفال: يله ياولاد هناكل مربي مع بعض
البنت الصغيره: طنط زينب اكليني انا بحب المربي اوي
هادي بحماس: وانا كمان عايز كتير
زينب ضحكت :حاضر اروح بس اجيب العيش
البنت الكبيره جات بخبث وزقت الرطمان كبته كله ع الارض
زينب جريت ع مصدر الصوت وقالت بصدمه: ليه كده
البنت: انا كنت معديه ووقع لوحده
هادي بزعل: انتي بت كدابه زقيتي البرطمان بايدك يا كدابه
البنت:انا معملتش كده
هادي: انا شوفتك
البنت: عايزني اضربك يعني
ظينب بصرخه عاليه :بس كفايه
فوقيه نزلت: ايه الخناقه دي .,, وايه الفوضي دي ,وايه المكبوب ع الارض ده, اخيه ريحته وحشه اوي ( للشغاله) نضفي ده حالا وانتي يا زينب ليه عينك مش ع الاولاد وانتي عارفه انهم بيجروا زي المجانين
زينب بصتلها بخنقه وسابتها ومشت
فوقيه بغضب :وايه ده كمان
………………قصص منه محمد كاتب……………………
في المول
انغام راحت عليها مبتسمه: يا اهلا وسهلا ده شرف كبير ليا انك تيجي يا حضره المديره بسمله
بسمله بدلتها الابتسامه :ازيك يا انغام مبروك
انغام الله يبارك فيكي سمعت انك رجعتي لمنصبك مره تانيه الف مبروك
بسمله :كانت اجازه طويله ممكن نتكلم لو عندك وقت
انغام: اه طبعا اتفضلي
بسمله قعدت قدامها: قلتي انك محتاجه مساعدتي ضد خالد
انغام : وطلبت وخذلتيني
بسمله اخدت نفس بعمق وقالت :وانا المره دي موافقه انا وانت ممكن نشتغل مع بعض عندنا هدف مشترك وهو خالد
انغام :بس متاخذنيش في السؤال بقي عندي فضول اعرف ايه الي غير رآيك وتفكيرك
بسمله بقهر: احيانا الانسان بيبقي مجبر يغير قيمه ومبادئه في الحياه بعد ما يضرب كتير واثناء اجازتي فكرت ازاي اخد طاري من خالد هو شخص عدواني متهور ومش مسؤل ولا بيهتم بمشاعر الي حواليه وعهدت نفسي اخاليه يستقيم غصب عنه
انغام: وهتكوني النقطه الفاصله
بسمله :وكده هيكون الانتقام اسهل بمساعدتك
انغام: وانا هتعامل بحذر واشوف هعمل ايه واكون مساعده ليكي
بسمله: تمام كده اتفاقنا
انغام قامت بترحاب مزيف: اهلا وسهلا انك جيتي اعرفك بسمله رؤف مديره شركه حورس ودي
بسمله قطعتها: اعرفها عز المعرفه
زينب بشماته: بس خسيتي كتير اكيد مريتي بظروف صعبه كتير
بسمله: الاشاعات القذره مفيده اكتر من الحميه
انغام: بصراحه يا بسمله انا مصدقتش من الاول الاشاعات عليكي انا اعرف انك واحده زي الجنيه الدهب
زينب: بس دي مش شاعه دي حقيقه عايزه تعمل بيت وعايله ع حساب غيرها وبصراحه طلع امر مرهق عليها بس نصيحتي لازم تشتغلي بكل جهدك عشان ترجعي لوضعك اشغلي وحدتك
بسمله :عندك حق محتاجه كل دقيقه اصل مش كل ست محظوظه كفايه تطلع المجتمع الراقي بواسطه انها تتعلق في بدله راجل
انغام: انا اي نعم مش بصدق كل الاشاعات بس سمعت انك رجعتي لحبيبك القديم
بسمله بصت لزينب بخبث وقالت :وانفصلنا اصلي اكتشفت اني اقضي معاه وقت طلع اصعب مما توقعت وفي الوقت الصعب كل واحد فينا راح لطريقه وقلنا بايباي لبعض
انغام :بس الفراق ده وحش خالص مش بحبه الصراحه وكنت بتمنالك تفضلي مع راجل يحبك وتحبيه
زينب بفرحه مداريه جواها قالت: لو الكلام ده حقيقي اسفه اني سمعته
بسمله :فعلا للان ده مكنش هيحصل بس فيه الي قدر يفرقنا بكل طاقته حتي المتجوزين لسنين عادي بينفصلوا اه انا اسفه مكنتش بتكلم عنك يا انغام
انغام: لو عايزه فعلا تتاسفيلي يبقي تشتري حاجه من المعرض
بسمله: اكيد هشتري واخترت الفستان الي هناك ده واتمني لك حظ موفق في فرعك التاني
انغام :وانا بشكرك اني شرفتيني وجيتي
بسمله وهي نظراتها محطوطه ع زينب : اشوفك بعدين سي يو
انغام مسكت عليه وبخبث: اه قبل ما انسي دي هديه ليكي عشان واخده بالك من بناتي
زينب بضيق وانا قلت لك متقلقيش عليهم هما كويسين جدا معايا ومش عايزه هديتك كفايه الصور الي بعتهالي
……………………………….
في كافيه
انغام: ماتفردها بقي من ساعه مادخلت وانت حاطط الوش الخشب
خالد بنرفزه: ماهي طريقتك مش محترمه ازاي تجبيني ع ملا وشي وتقوليلي انك بتموتي واجي القيكي قاعده ومبتسمه في وشي
انغام: هقولك اصل عندي معلومه ليها قيمه كبيره قلت هتسعدك
خالد بصلها بغيظ : وايه بقي المعلومه الي هتسعدني فرحيني يا انغام
انغام: بسمله جات واتكلمنا وطلبت مني اتفق انا وهي عليك عشان يعني نوقعك للقاع
خالد: عايزه تبدء ماتش الانتقام وطبعا هتغش بس دي مش طريقتها وانتي قلت لها ايه
انغام: بصراحه قلت لها هفكر
خالد: وده اغرب
انغام: هو ايه ده الي اغرب
خالد: ده انتي يا وليه اشتريتي راجل لعبه ع هيئتي وكل ليله تقعدي تخرميها
انغام ضحكت بلعلعه: هو انت عرفت
خالد: هتستهبلي
انغام: اعملك ايه كنت بكرهك ياخالد واحمد ربنا مخلصتش عليك لانك ابو بناتي ومستحيل ادمرك واتفق مع واحده ضدك ابدا
خالد: وده هيخليني اتنفس براحه
انغام بخبث: خد ادي الهديه دي لزينب اتعملت مخصوص عشانها مفيش منها في القاهره
خالد: ودي بمناسبه ايه
انغام: اكيد زعلانه من الصور اتكلم معاها وراضيها
خالد: انتي بتديني التعب والشقا في نفس الوقت
انغام بمياعه : ومستعده اديلك اي حاجه تطلبها بس لازم امشي
خالد مسك ايدها: رايحه فين
انغام فكت ايده وهي بتقوم من مكانها: انا ست مطلقه ليه اقعد في مكان عام مع راجل متجوز اه بسمله انفصلت عن حبيبها
خالد بفرحه: بجد
انغام: بجد وهي الي بلغتني يله باي يا خلودي
……………………………………………….
زينب مسكت الموبيل وجابت رقمه تتصل بيه عشان ترجعله لما سمعت انه انفصل هو وبسمله وهي هتستغل الفرصه لكن الباب اتفتح وهو دخل
زينب قفلت الموبيل: انت رجعت
خالد : خلصت شغلي بدري قلت اجي اريح اه خدي دي عشانك عملنا اتفاقيه ع عميل صاحب شركه مجوهرات والشركه عطتني هديه
زينب بصت للعبه دي نفس الي كانت مع انغام وقالتله: عطتك هديه
خالد : واضح انها رشوه
زينب: معرفش مين هو لكن قوله شكرا بدالي
خالد مبتسم: هشكره اه بسمله رجعت عرفتي
زينب :قريت الاخبار في الجورنال
خالد: يعني اسامه خلاص مبقاش موجود سمعتي بيعمل ايه , او راح فين
زينب :وانا ازاي هعرف والمفروض انت الي تعرف
خالد: اه صح يله تعالي ننام
زينب واقفه ورافضه تروحله لانها اتأكدت انه بيخونها
خالد: انتي مش سمعاني بقولك تعالي جنبي واقفه عندك ليه وجوزك عايزك
زينب رسمت الابتسامه المزيفه ع شفايفها وراحت رقدت جنبه
خالد ضمها لحضنه: عملتي ايه اليوم
زينب بيأجاز: روحت للمول
خالد: عظيم كويس انك تخرجي من وقت للتاني رفهي عن نفسك بس مالك
زينب: ولا حاجه
خالد: انتي مش حاسه بنفسك ولا ايه
زينب بصتله اوي: قصدك ايه
خالد مسك دقنها وهو بيضحك: قصدي انك حلوه ومثيره ولما بتبصيلي كده
خالد لسه هيقرب يبوسها الباب اتفتحت ودخلت البنت الكبيره وهي وماسكه مخدتها وطلعت نامت في النص وزينب حمدت ربها
خالد بغيظ: خير في ايه
البنت: مش قادره انام شوفت حلم وحش
خالد :بس لازم تنامي في اوضتك
البنت: لاء عايزه انام معاك واحضني
خالد: كمان (بص لزينب) البت دي حد مسلطها عليا
……………..
في البنك الي قدر بشغله الناجح وعلاقاته يدخل جوه مخالبهم
مدير البنك بأحراج: انا متاسف جدا بخصوص الي حصل مكنتش عايز اخدع حد بس خالد اصر عليا بقوه اعمل كده
اسامه بهدوء: وانا متفهم خالد محترف في الخداع
مدير البنك : ع فكره انا معجب جدا بطريقه شغلك وتخطيطك حسيت انك تنفع تشتغل معايا
اسامه : وانا معنديش اي مانع لو عطتني فرصه هحقق اكتر مما تتوقع
مدير البنك :وبسال ليه المديره بسمله سابتك تمشي بس لو عايز تشتغل في المجال ده يبقي لازم تعرف ازاي بتدار الامور احنا بنتعامل مع عشرين شركه في القاهره زي كف ايدك
اسامه: وانا مكنتش بنام الايام الي فاتت بحاول اعرف عن العشرين شركه
مدير البنك: الرشوه والمحسوبيه الغير قانونيه والطعون الغير شرعيه مفيش شركه مستقيمه ميه في الميه وطبعا فيه الي اتشمعت بالشمع الاحمر
اسامه: عارف كل ده بس مفيش مواعيد لشركه خالد مندور
مدير البنك: مش هتفرق حتي لو ملوش مواعيد احنا بنديله كل الي عايزه من تمويل اصل خالد حاد زي السيف في الشغل وسمعت عنه اشاعه انه بيرشي الناس بنفسه عشان محدش يمسكها عليه
هنا الباب خبط ودخل ومدير البنك قال: ابن الحلال ع ذكره بيبان
اسامه قام وسلم عليه: انا اسامه هدير كل المشاريع وهحط الخطط وهعمل المفيد
خالد حرك عضلات وشه بتهكم : والمفروض اقول اني مصدوم ولا مبسوط اني شوفتك
اسامه وهو خارج: مش هتفرق عن اذنكم اشوف شغلي
……………………………قصص منه محمد كاتب……………………
خالد خبط ودخل: حبيت اسلم عليك قبل ما امشي
اسامه: اقعد من فضلك
خالد: سمعت انك انفصلت عن بسمله بجد زعلت جدا
اسامه: انفصلت مش شايف الطريقه قاسيه وانت بتقولها بس ده الحال الي وصلناله وده كله تم بفضلك وليه جيت عشان تشوف الراجل الخسران
خالد: متبقاش انسان فظ انا جيت بنوايا حسنه
اسامه: انا وانت لايمكن نتجمع بنوايا حسنه
خالد: اشتريت لبسمله ارض جديده بدل الي انا اخدتها تعمل منتجع ورجعت لشغلها والارض اجمل بكتير من الي انا اخدتها ولما قارنت الموقع والقيمه عرفت اني اتخدعت وكل دي لعبتك مش كده
اسامه ابتسمله: قلت لك هلعب بنفس العيبك ولو كنت عرفت كنت هتاخدها منها
خالد: بتحب بسمله اوي لدرجه اتعلمت تلف وتدور وتعمل خير
اسامه: وانت فضولي زياده عن اللزوم وبتدخل في حياتي الشخصيه
خالد غمز بستفزاز: لاء انا خسرت لعيب شاطر ومحترف لمديره شركه حورس كنت بفكر تنضم لصالح شركتي
اسامة: خلينا نطلع من السكه الشمال وانا يستحيل اجي شركتك لان انا وانت اعداء
خالد: طيب ايه رآيك عندنا حفله الاسبوع الجاي احضرها وبعدها نقعد ونتكلم
اسامه: وليه متطلبش من حد غيري واضح ان ده هيخليك مستمتع وانت بتضرب بسمله في مقتل
خالد: قلت لك انا نيتي خير يا سمسم اسمع كلامي هتكسب ضدي هتخسر كتير اوي
………………………….قصص منه محمد كاتب………………..
في كافيه
زينب: ها لقيت ايه
شيكا: انا عارف انك هتكرهيني لما تسمعي ده مني , بس ده الي شوفته هو لسه مستمر يخونك
زينب: يعني انت اتأكدت يا شيكا وانت بتراقبه
شيكا: ايوه اظن تعرفي طليقته انغام اظن عرفاها كويس شافها كتير اليومين الي فاتوا وانتي مش غريبه انت اخت مؤمن اعز صحابي ويما عملتيلنا صواني جلاش باللحمه المفرومه لما كنت باجي عندكم البيت انا لسه فاكر اخر مره عملت لي صنيه كبيره عشان بحبها
زينب نفخت منه بزهق: ادخل في المفيد وسيبك من الاكل دلوقت
شيكا: انا قلقان عليكي انتي مستهليش منه كده يكسر قلبك انا بقولك وبأكدلك انه قابلها كذا مره
زينب: هو ده ممكن يحصل
شيكا: هو ايه ده الي ممكن يحصل
زينب: ان الاتنين بعد ما يطلقوا ممكن يرجعوا لبعض
شيكا: احيانا عارفه المثل الي بيقول البعيد عن العين بعيد عن القلب وكل ما شوفتي الشخص قربت قلوبكم من بعض ها ناويه ع ايه اكمل ولا اقف الي هتقوليه هعمله ع طول
زينب لاء كمل في الي بتعمله ممكن
شيكا :طبعا ممكن ده مش صعب عليا
زينب بتحذير :بس متقولش لمؤمن
شيكا: اطمني انا حافظ الامور السريه شوفي ايدي اليمين متعرفش ايدي الشمال هتعمل ايه من الاخر عايز اقولك اطمني وحطي في بطنك بطيخه صيفي
- يتبع الفصل التالي اضغط على ( رواية اللقاء الثاني) اسم الرواية