رواية معشوقة المنتقم الفصل الحادي و العشرون 21 - بقلم سما احمد

   

 رواية معشوقة المنتقم الفصل الحادي و العشرون 21 - بقلم سما احمد

💕معشوقة المنتقم💕

                                    

                                          

البارت الواحد وعشرون

                          

في اليوم التالي

دخل خالد وهو يمسك يد حالا التي توشك علي البكاء خجلا من نورسين وجدت نورسين تجري بإتجاههم وحضنت خالد قائلا

=شكرا يا احلي اخ في الدنيا

                          

خالد مقبلا رأسها

=انتي تؤمري يا نورسين

                          

ابتعدت فمد يده لها بورقة الطلاق اخذتها وفتحتها وابتسمت بدموع قائله

=انا كدة حرة

                          

خالد بإبتسامه

=ايوه روحيلة بقا

                          

نورسين دون شعور ب حالا

=بوصيك اهو خد بالك من نفسك ومن عمران وبابا معتز انا فهمته وهو هينفخك بس يلا تستاهل ولو يوم زعلت حالا هزعلك وتروح ذي الشاطر تعلن جوازك وطلاقنا وانا هبقي ابعتلك تبعت هدومي فين وشكلي في الآخر هاجي اقعد علي قلبكم هنا متقاطعش واه ايه كمان عايزاك تتجدعن وبعد تسع شهور واشتال التاني وعمران وقعدت اكلمه لحد اما فهمته ان مامته هي حالا وبصعوبه طبعا دا لسه بينطق بصعوبه وهبقي اجي اشوفه تمام

                          

خالد بصراخ

=تمام ايه افصلي يخربيتك يلا امشي روحي ل مؤيد وسبيني افرح بمراتي

                          

شهقت حين ادركت انها معه وحضنتها متأسفه بمرح فضحكت حالا وبخجل اعتذرت منها فضربتها نورسين بمرح وذهبت ليحملها خالد

                          

حالا بلهفه

=عايزة اشوف عمران يا خالد

                          

خالد بتأفف

=خمس دقايق فاهمه وهتيجي معايا

                          

حالا بدموع

=اي حاجة

                          

اخذها لغرفة الصغير النائم وتركها فذهبت وحملته وبدأت تقبله وتضمه بلهفة ام وللتو شعر بالغيرة تسيطر عليه فجن جنونه وذهب اخذه منها وشدها لحضنه بقوة قائلا

=حضنك ليا يا حالا انا بس فاهمه

                          

حالا ببكاء

=ابني مش عارفه سبته ازاي يا خالد قلبي كان قاسي اوي

                          

كور وجهها رافعا اياه له قائلا

=الحمد لله لأني كنت هولع مجرد التفكير انه في حضنك وانا لا..... انا بغير عليكي منه

                          

حالا بإبتسامه سعيدة

=بجد بتغير منه

                          

اقترب وكل كلمه يقبل انش بوجهها

=بغير عليكي وبحبك وبعشقك ومقدرش اعيش من غيرك

                          

والتقط شفتيها بقبله هائمه ثم حملها وذهب لغرفته وضعها علي السرير وعاد يقبلها واخذها لعالم اخر خاص بهما الاثنان

                          

في منزل مؤيد

بعدما اوصل بيبو وتونه البارحه وتأكد من تجهيز غرفة لكلاهما عاد لمنزله ليأخذ قسط من الراحه وبات بمنزله وقف وذهب للمطبخ فعل كوب من القهوة وذهب يقف امام صورة لهما الاثنان كانت تقرص وجنته بيداها وتضحك

                          

ابتسم بعشق وهو يلمس ملامحها قائلا

=لو ترجعي يا نورسين مش هيهمني متجوزه ولا مخلفه ولا منيله المهم تبقي بتاعتي

                          

وجد الجرس يرن فترك الصورة والقهوة وذهب فتح الباب وجدها امامه تتمرد دموعها وتضحك

                          

مؤيد بزهول

=نورسين

 

نورسين بضحك وبكاء

=مؤيد انا اتطلقت لو.......

لم تكمل كلامها لأن وببساطه جذبها لحضنه ودار بها بسرعة وبجنون يضحك بسعادة فضحكت هي الآخري

مؤيد بسعادة

=بعشقك يا نورسين بموت فيكي

نورسين وهي تدفن رأسها بعنقه

=وانا بموت فيك يا قلب نورسين

انزلها واغلق الباب وجذب وجهها والتقط شفتيها في قبلة عاشقه وحين ابتعد سند جبينه علي جبينها قائلا

=تتجوزيني

نورسين بضحكة سعيدة

=ايوه موافقه اتجوزك اه موافقه

عاد يقبلها وهي تبادله ثم حضنها بقوة وشدها جلس وهي بحضنه علي فخذة يضمها ويلعب بشعرها ويقبله وهي تسند علي صدرة بسعادة

مؤيد بحب

=وحشتيني يا نورسين انا اسف

نورسين وهي تنظر له

=هششش انسي وانا هنسي المهم احنا سوا

قبل جبينها بقوة وحضنها مرة اخري كأنه بحلم ولم يرد الإستيقاظ

=بعشقك يا نورسين بعشقك وبجنون يا رب عدي ايام العدة دي علي خير

ضحكت بمرح وسعادة فبدأ يدغدغها وهي بحضنه قائلا

=بتضحكي ماشي

زاد ضحكها وهي تقول

=بالراحه يا مؤيد ههههههه خلاص اسفه ههههههه

اعاد شعرها خلف اذنها وقبل ذقنها قائلا

=يلا نروح الڤيلا عند عيلتك

عبست قائله بنفي

=لا مش.........

مؤيد بإبتسامه

=جاكلين اختي هناك

رمشت عدة مرات بإستيعاب فقال

=هو انتي متعرفيش ان خالتك تبقي مرات ابويا يعني انا وجاكلين اخوات من اب

بقت تستوعب ثم صرخت 

=جاكلين رجعت عاااااا وانت عاااااا

وحضنته بقوة فانفجر ضاحكا بقوة وهو يبادلها مجنونة كما هي

في ڤيلا المنشاوي

كان يجلس نصف جلسه ورأسها علي صدرة يتأملها بصمت وهي نائمه في عالم آخر وفجأة شعر بها تتململ وفتحت عيناها متمتمه 

=بيبو جميلة جعانه اوي بطنها قول ل بيبو جعانه

وجلست ثم نظرت بجانبه وشهقت سرعان ما شرعت بالبكاء وتكورت

سيف بقلق

=جاكي اهدي جاكي

جاكلين ببكاء

=بيبو فين جميلة عايزة بيبو عااااا

جذبها لحضنه لتشرع بالصراخ بقوة قائله

=بيبو جميلة عايزة بيبو وتونه عاااا هاتلي بيبو وتونه ابعد جميلة اكرهك عااااا

سيف بحنيه

=طيب اسكتي وانا هجبلك تونه وبيبو

جاكلين بعدم تصديق

=قول ل جميلة والله

سيف بإبتسامه

=والله هجبهم بس اهدي

ومسح دموعها قائلا

=بس تدخلي تاخدي شاور

        

          

                

جاكلين ببرائه

=مين شاور بتنديله شاور طب هو فين وجميلة تاخده

ابتسم بحنيه وهو يداعب خصلاتها التي زادت طولا قائلا

=تدخلي الحمام في بحر صغير هتستحمي فيه ماشي

جاكلين بطفولية

=وتاخد جميلة ل بيبو

ابتسم بعشق قائلا

=وهاخد جميلة ل بيبو

جاكلين وهي تشرح بيدها

=طيب يا عمو هو انت اسمك ايه يعني بينادولك ايه عندك انا مثلا بينادولي جميلة عشان انا جميلة اوي بيبو يقولي كدة انت بقا بيقولولك ايه يا تري جميلة عشان انت جميلة

ضحك بكل صوته حتي تساقطت دموعه وجذبها لحضنه بعشق فضحكت بمرح مثله فقال

=لا اسمي سيف بينادولي سيف

جاكلين وهي تبعد

=طيب يا عمو سيف جميلة ادخل استحمي فين الحمام بقا

جذب يدها قائلا

=اسمي سيف وبس

جاكلين بإبتسامه رائعه

=ماشي يا سيف

اخذها للحمام واعطاها الملابس ف لحسن حظة علمتها تونه كيف تفعل هذا وحدها وخرجت عابسه فذهب قائلا

=مالك يا حبيبتي

جاكلين وهي تفهمه

=لا يا سيف اسمي مش حبيبتي اسمي جميلة

ضحك بكل صوته وجذب وجهها يقبل ذلك الثغر الذي يجعله يزداد عشقا لها ثم ابتعد ليجدها تشير علي ذلك الكرزتان قائله

=يا سيف مش تبوس جميلة من هنا بوسها من هنا وهنا وهنا وهنا

واشارت علي وجنتاها وجبينها وشعرها

=ذي ما بيبو بيبوس انما هنا مش يبوس

سيف بعشق

=انا بس اللي ابوسك من هنا سيف وبس ماشي

جاكلين واضعه يداها بخصرها

=ليه انت بس تبوس جميلة من هنا

سيف وهو يكور وجهها

=عشان انا بحب جميلة اكتر من كل الناس واكتر من بيبو تونه

جاكلين بتفكير طفولي

=طب لو جميلة مش تحبك اكتر من بيبو وتونه

سيف بإبتسامه

=كفاية سيف يحب جميلة اكتر ماشي واسمعي الكلام بقي عشان اخدك ل بيبو

جاكلين بطاعه

=حاضر بس تاخدني

واكملت بعبوس

=بس مش عارفه اسرح شعري بيبو مش مع جميلة

جذبها وجلس وهي امامه علي الشازلونج وبدأ يمشطة لها وحين انتهي لفه بأناقه ثم ادارها وحضنها قائلا

=بقيتي جميلة اوي

رفعت يدها تحضنه وهي غير واعيه لما تفعله بذلك الرجل فاردف

=تيجي اعرفك علي حد بحبه اوي وجميلة كمان هتحبه

جاكلين بإستغراب

=حد حد مين

اخذها للغرفه المجاورة لغرفته الكبيرة ودخلوا ل معاذ الذي وبطفولية جري يحضن ارجل الاثنان فحمله سيف

معاذ بهمس

=ؤميد قالي قبل ما يمشي مامي تعبانه وانا مش قول مامي

قبل وجنته وشدها وجلس علي السرير الذي في هيئه سيارة ووضعه علي فخذة وهي بجانبه في حضنه قائلا

=دا معاذ

        

          

                

جاكلين وهي تلمس وجنة الصغير

=معاذ جميلة اوي

ضحك بكل صوته وقبل شفتيها بعشق وسطحية فابتسمت ليقول معاذ

=بابي عيييب كدة

ضحك سيف وقبل جبينه بحب وضم كلاهما بعشق له

في المساء

كان يقف ويحمل ابنه وهو يراها تحتضن ذلك بيبو وتونه رغم الحب الذي بينهم الا انه يحاول السيطرة علي غيرته ابتعدت وجلست بجانبه ومعها تونه وبيبو الذين يشعروا انهم غرب وبالخجل

سيف بجدية

=بيبو وتونه مكانكم بقا هنا بعدين مش كدة كدة كنت هتبدأ تشتغل هنا وغير كدة مستحيل انسي جميلك طول الأربع سنين واما مؤيد يجي هنتكلم في الموضوع ده يلا ناكل الوقتي

ووقفوا وذهبوا للطعام كلهم فزاد خجل بيبو وتونه اما جاكلين فأكلت بعفويه كالعادة نظر لها سيف ثم لهم ليعلم طريقه اكلهم ثم بدأ يأكل مثلها قائلا

=يلا بسم الله الرحمن الرحيم

واشار ان يبدأوا فابتسموا وبدأ طعام سرعان ما وجدوا صوت صارخ سعيد يعرفونه عن ظهر قلب

نورسين بسعادة

=جاكلييين سبني يا مؤيد

مؤيد بغيظ

=اهدي هتفزعيها الله يخربيتك

نظروا لهم وضحكوا وجدوها تعض يده وتجري تحتضن جاكلين وتبكي اما جاكلين فعقدت حاجبيها بإستغراب قائله

=بيبو مين دي وتعيط وهي تحضن جميلة ليه

لم يعرف ماذا يجب فهو لا يعرف تلك المجنونة اقترب مؤيد وسحبها من زراعها لتضربه بقبضتها بغيظ قائله

=سبني يا بارد احضنها

مؤيد بغيظ

=انا اخوها ومش عارف اسكتي ربنا علي المفتري

ونظر لسيف الذي رمقه بنظرة مخيفه قائلا

=جبتها ازاي

مؤيد وهو يعيدها خلف ظهره فمسكت ملابسه هي لم تفكر يوما ان توضع بهذا الموقف

=انا ونورسين هنتجوز اما عدتها تخلص لأنها اتطلقت

ياسين بصدمة

=نععععم ات... ايه

سيف بهدوء مخيف

=ورايا علي المكتب

واعطي ابنه ل سيرين ثم وقف وذهب وهم خلفه بخوف 

في المكتب

سيف ببرود

=يعني كنتي بتخوني جوزك مع مؤيد مفيش سبب غير كدة منين بقيتوا تحبوا بعض

مؤيد بزعيق ونرفزة

=سيف لاحظ كلامك

منع ابتسامته الخبيثه قائلا

=نورسين ذي الشاطرة علي بيت جوزك وانا هخليه يكتب عليكي تاني وان مكنش عشانك عشان ابنكم

مؤيد وهو يرمي كل ما علي المكتب

=مش هترجع مش هضيعها تاني

وذهب مسك سيف من ملابسه

=لو جوازي منها بنهاية صداقتنا هنهيها انما هي مش هتبقي لحد غيري تاني انا استحملت كتير عشان صداقتنا واخرها كنت هتجنن

        

          

                

واكمل بهدوء سام

=غلطت مرة وسبتها تتجوز بس الغبي اللي يغلط مرتين نفس الغلط

ودفعه ومسك يدها ليخرج بها فوقف وهي تبكي قائله

=استني يا مؤيد

نظر لها وكور وجهها قائلا بصدق

=اقسم بربي ما هخليكي تحتاجي لحد تعالي معايا

سيف وهو يدفعه

=لسه مبقتش مراتك يا حيوان ابعد

وحضنها بقوة قائلا

=غور وكلمني بعد العدة برة

مؤيد بصدق

=سيف لو نزلت دمعه بسببك هزعلك ماشي

اشار له ان يذهب فذهب واخذها اجلسها قائله

=تعرفي الواد خالد ده اما اشوفه هظبطه بس هشكره انه خلاكي تتخلي عن عنادك

عقدت حاجبيها ونظرت له قائله

=مش فاهمه

سيف بهدوء

=يعني انا عارف كل حاجة عارف ان خالد بيحب حالا وانك مش بتحبيه وعرفت بتحبي مين وقت الحفلة

اتسعت عيناها فضحك قائلا

=منا شوفت حالا وهي قدام خالد لأني كنت في الجنب وكمان شوفته معاها وانا راجع كملت بيكي انتي والزفت اللي برة وبدأت ادور وعرفت كل حاجة

نورسين بزهول

=كل حاجة كل حاجة ذي ايه

سيف بخبث

=ذي ان عمران مش ابنك وغالبا يعني ملمسكيش لحد الوقتي ازاي بقا لأن لو حصل كنتوا خلفتوا وان عمران ابن حالا

نورسين وهي تبتلع ريقها

=عرفت كله كله

سيف بضحك 

=كله كله

نورسين بعبوس مضحك

=فهمت ليه بيقولوا عليك ديناصور يلا نطلع بالله عليك انا خايفه

ضحك بكل صوته ووقف فتركته وخرجت لتجده مؤيد يجلس ويأكل فضربته بقبضتها وجلست بجانبه قائله

=مفجوع متاكلني احسن

مؤيد بغمزة

=بعد الجواز يا قلبي متستعجليش

سيف وهو يجلس

=اتلم احسنلك

واكمل موجها ل ياسين

=ابقي رن واعزم خالد ومراته يا ياسين كعرض ان كل شئ ذي ما هو بينا

ياسين بإستغراب

=مراته مين ما هو طلقها

نورسين بسعادة مبالغه

=حالا مراته الجديدة

ماهي بسعادة

=قولي والله اتجوزوا

نورسين بتأكيد

=ايوه ما انا خليته يتجوزها قبل ما يطلقني

ماهي وهي تصفق

=يعني هما سوا الوقتي بجد

نورسين بضحكة

=ايوه بجد وبقوا فرحانين اوي وكدة

ماهي بإندماج

=الحمد لله والله انك عسل تعالي يا بت ابوسك

ووقفت قبلت كلتا وجنتاه ولا أحد يفهم سوا ياسين الذي بدأ يجمع الخيوط

ياسين بصدمة

=اوعوا تقولوا خالد المزارع نفسه

نظروا لبعضهم واعادوا النظر ل ياسين ثم انفجروا ضاحكين يومأوا بموافقه

توالت الأيام لتتحول لأسابيع وبدأ التأقلم يعود بين الكل وتحدث مؤيد مع بيبو انه سيساعدة ليصبح شئ ويتعلم وكذلك تونه وبصعوبه وافق ليزيد احترامهم له اضعاف مضاعفه

كانت جاكلين تنام مع تونه ورفضت البقاء مع سيف وهو لم يصر عليها بل وافق بمنتهي الهدوء فحالتها لا تسمح بغير هذا

عادت العلاقه كما هي مع خالد الذي يشعر بالغيرة مجرد اجتماع حالا مع ياسين ولا يشعر بغيرة مؤيد ناحيته حين يتحدث مع نورسين

في المستشفي

كان سيف يجلس امام الطبيب الذي يقلب في الأشعه والتحاليل التي اجراها ل جاكلين

الطبيب وهو يترك التحاليل

=كدة كله تمام العملية هتتعمل بكرة ان شاء الله

سيف بتوتر

=طيب هي نسبة نجاحها اد ايه

الطبيب بإبتسامه مطمئنه

=كبيرة ادعي ربنا انت واطمن

سيف وهو يقف

=شكرا يا دكتور تعبتك معايا

الطبيب وهو يقف ويسلم عليه

=ولا يهمك يا سيف بيه

تركه وذهب الي سيارته قادها بهدوء ثم وجد بائع غزل بنات ضحك ونزل احضر كل ما لدية ووضعه بالسيارة وعاد للڤيلا نزل به ودخل وجد مؤيد ينام جالس ويحمل معاذ كالعادة ورأسه علي صدرة وبجانبه نورسين تنام ورأسها علي كتفه يد تحاوطها والأخري علي ظهر معاذ ليبدو ك عائله رائعه

سيف بضحك

=اللي يشوفكم كدة يقول معاذ ابنكم مش ابني

وجد يد تلكزة بظهره فالتفت وابتسم بسعادة حين رأي وجهها قائلا

=نعم

جاكلين بسعادة

=سيف ادي جميلة غزل بنات تاكله هم جميلة تحبه

سيف بمشاكسه

=فين حضن سيف الأول

وقفت علي اطرافها وطوقت عنقه تحتضنه بقوة فترك الغزل بنات وضمها مستنشقا عطرها ودفن رأسه بعنقها يقبله فسمعها تقول

=سيف

سيف ومازال يحتضنها

=نعم

جاكلين ببرائه وهي تبتعد

=جميلة بتحب سيف اوي وبتحب حضنه اوي اوي اد الدنيا دي كلها

قبل جبينها ووجنتاها فقالت مشيره لفمها

=مش انت بتقول انت تبوسني من هنا بتبوسني مكان بيبو ليه

ضحك بكل صوته وهو ينحني ويقبل فمها الشهي وحضنها قائلا

=سيف بيعشق جميلة اوي اوي

جاكلين بطفولية

=يعني ايه بيعشق

اخذها واجلسها بجانبه وفتح واحد غزل بنات وبدأ يقطفه ويضعه بفمها وقال

=يعني بيحبها اوي اوي اوي

جاكلين بطفولية وهي تفتح يدها

=خلاص جميلة بيعشق سيف يعني بتحبه اوي اوي اوي

اعاد خصله من شعرها خلف اذنها وهو يطعمها شهر ونصف كفيلين ان يجعلها تقع بحبه وقعت سابقا وتقع الآن قبل جانب جبهتها وبدأت تأكل وحدها دون الشعور بتلك الأعين التي تتابعها في عشق

 

• يتبع الفصل التالي اضغط على (رواية معشوقة المنتقم) اسم الرواية