رواية اللقاء الثاني الفصل الثاني و العشرون 22 - بقلم منة محمد
(((بحبك بكل الحنان اللي فيكي واحبك بكل الجنون اللي فيا)))
كادي جريت عليه وحضنته: مؤمن
مؤمن نزل ايدها من ع رقبته: انتي بتعملي ايه احنا في الشارع والناس بتبص علينا
كادي كشرت: هو انت مكسوف مني وحشتك انطق
مؤمن بغيظ: يعني هعبرلك عن مشاعري وانتي سايبه ابوكي تعبان لوحده
كادي ابتسمت: لاء الداده معاه واختي رجعت له ها ايه رآيك ناكل حاجه حلوه
مؤمن: حاجه حاجه ده انتي العشم قتلك
كادي: وحياتي يا مؤمن انا زهقت من اكل المستشفي
مؤمن: طلعتي بت حنينه مكنش اعرف عنك كده قاعده مع ايوكي طول الوقت
كادي ابتسمت بخبث وقالت وهي بتضحك: اصلي بخطط اقنع باباتي اسيب الورديه الي حطاها عليا اضافي
مؤمن: اما طلعتي بت بتاعه مصلحتك
كادي اخدت ايده حطتها ع كتفها: يله نروح
مؤمن اخدها ع مطعم شعبي وشيكا منتظرهم هناك وهي دخلت الحمام وهو راح قعد
شيكا: مالك بتفكر في ايه
مؤمن دفع جسمه لقدام وبصوت واطي: لو فيه حد مهم وعندك سر يخصه ولا يمكن تقوله عليه بس الشخص ده لو عرف هيزعل ولو عرف بعد كده ..بس لو قولتله دلوقت مش هيبقي فيه فرق تعمل ايه تروح تقوله
شيكا بصله بستياء: انا شايف بؤك يفضل مقفول احسن و متقلهوش
مؤمن: هو ايه ده ما تصحا معايا
شيكا: صحيت
كادي جات قعدت وبمرح: هاي يا شباب بتعملوا ايه يا حلوين بتلعبوا الصراحه ولا الجرآه
مؤمن ضربها ع دماغها: هو احنا اطفال عشان نلعب
كادي: امال ليه وشك اتاخدت واصفر ايه الي بتتكلموا فيه ولا عن اسراركم مع حركات البنات
شيكا: انا لاء بس عيب تتكلمي قدامي كده بكل وقاحه متعلمتيش الادب في المدرسه
كادي لعبت له حواجبه : لاء اتعلمت يا شيكا بيه ودخلت الجيش كمان
مؤمن ضحك : اه وطلعلها شنب
شيك بصلهم بقرف : ايه الي بيضحك مش فاهم منا كمان دخلت الجيش وحلقت شنبي
مؤمن: يا بني البنت بتهزر
كادي: ايوه بهزر يا عديم الهزار
مؤمن: يله يا روحي نمشي ونسيبه ياكل لوحده ويدفع الحساب
كادي: خلص الاكل لوحدك
شيكا: هدفع بس هتروحه مني فين مسيري هشوفكم يا اندال والحساب يجمع دوسي عليا يا دنيا
…………………………..
الداده : اعمل كوبايه عصير يا بنتي
بسمله :ميرسي يا داده انا هطمن ع بابا وامشي ع طول
رؤف بصلها: ليه رايحه تقابلي حبيبك
بسمله ابتسمت :مش قولتلك خلاص انفصلنا
رؤف: وطبعا بتكرهيني مش كده بعد ما سبتيه
بسمله بمشاغبه : انت ايه رايك المفروض احبك
رؤف :عارف ان ده صعب انك تبعدي عنه منا لو جبتلك عربيه مليانه رجاله مش هيعجبك حد الاهو بس ده احسن قرار تسبيه ومتكرهنيش اكتر بسببه واظن قلت لك متسلميش قلبك لراجل همه طموحه وبعدين مش هو ده اسامه الي سابك لما انا رفضته وراح اتجوز ولف وعطاكي دهره
بسمله: بابا هو احنا مش نهينا الموضوع ده ليه بتتكلم فيه
رؤف: عشان انا زعلان منكك اتحددتيني وانتصرتي عليا وزعلتيني يبقي الصح تشوطيه من طريقك بكل قوتك لو حاول يرجعلك مره تاتيه انتي بنت رؤف مش اي واحده بس مش هنكر يابنتي حقك تعيشي انا مش هعشك العمر كله محدش بيفضل ع حاله
بسمله بحزن: انا معنديش الوقت حتي اندم ع الي فاتني من سنين عمري واسامه تفهم الخلاف الي بينك وبينك ومشي من غير ما يقول ولا كلمه
رؤف بصلها بشفقه وقرر يفكر تاني في حياتها الي بتضيع بسببه!
…………………….قصص منه محمد كاتب………………….
في التلفون
قاعد بيشتغل ع الاب توب لقاه الي بعتاله ايموشن بيغمز وجنبه قلب
اسامه ابتسم وفتح الكام وقال : لسه منمتيش يا بسملتي
بسمله: ممكن متقوليش يا بسملتي ناديني حبيبتي
اسامه ضحك بستمتاع: حبيبتي وحياتي كمان وهنديكي كدا للابد حبيبتي
بسمله بدلع: يا نحم
اسامه :انتي جميله اوي فيكي رقه غزال وهيبه اسد
بسمله: يعني عشان كده وقعت في حبي
اسامه بمداعبه : وقعت ايه ده انا اخدتها زوحليقه
بسمله ضحكت اوي : تعرف انا عايزه اقولك كلام كتير اوي
اسامه: قولي يا حبيبتي بتفكري في ايه
بسمله: فيك في ملامحك في ضحكتك اسامه انا بحبك اوي
اسامه: انا كمان بحبك اوي وبموت فيكي وبحب كل حاجه فيكي ضحكتك وحنيك ونظره عينك ورخمتك
بسمله كشرت اوي: انا رخمه كده متتكلمش معايا تاني
اسامه ضحك بصوت عالي : ياختي عسل انتي زعلتي يا بيضه
بسمله بشخط: اسكت عشان زعلت اوي منك ووشكلي هعملك بلوك واخليك في يوم تشتاق لرخمتي
اسامه ضحك : طيب والله وحشاني القعده معاكي
بسمله وانا كمان يله هسيبك بقي عشان عارفه انك مشغول ومضغوط في الشغل جامد
اسامه : ياستي الشغل يستني ولا عايزه تنامي
بسمله: اه
اسامه حب يغلس عليها: اه صحيح يا بسمله كنت عايز اسالك سؤال هو انتي بتحطي رجل ع رجل ليه وانتي نايمه
بسمله :كده بنام بشياكه
اسامه :حبيتي اطمني كل شئ بنعيشه انا وانتي فتره مؤقته
بسمله :ولما ترجع همسك فيك بايدي وسناني عارف لو في يوم بعدت عني هقتلك
اسامه :ازاي قلبي يقدر يبعد طيب فيه حد يبعد عن روحه يا هبله
بسمله :بحبك اوي يا قلب الهبله
اسامه : افهمي انا عمري ما هسيبك وهفضل متمسك بالعهد الي بينا لحد ما اموت و يله روحي نامي ورايا شغل مهم
بسمله :تمام هروح اهوه بس اعمل حسابك هصحيك اول ما صحا ع طول بكره لازم نتقابل في النادي نفطر سوي ونتكلم اوعي تتأخر عشان مزعلش منك ماشي ياروحي
اسامه :حاضر يا حته من لوحك يله بقي روحي نامي
بسمله: طيب ما تيجي نتكلم شويه
اسامه :يابت عندي شغل مهم بعمله عشان نرجع لبعض بسرعه
بسمله: ان كده ماشي هسيبك ياقلبي رغم هتوحشي
اسامه : وانتي كمان ياعمري هتوحشيني اوي يله نتكلم بكره
…………………………………………
في الحفله دخلت ووراها البودي جارد شاورت لهم يقفوا بره وهي دخلت بكل وقارها
مدير بسمله السابق شافها راح عليها بترحاب شديد: اهلا يا حضره المديره مبسوط اوي اني شوفتك
بسمله سلمت عليه مبتسمه: انا كمان مبسوطه اني شوفتك بقالنا يما متقبلناش
خالد قرب وسلم عليها: ازيك يا بسمله هانم
بسمله: مبروك يا خالد بيه ع الصفقه الجديده
خالد ابتسملها: اسف ع الي حصل واني اخدت الارض منك وبشكرك جدا ع حضورك الميمون
بسمله: بابا بيسلم عليك
زينب قربت: ازيك
بسمله: كويسه سلسلتك جميله
زينب ببتسامه صفراء: وانتي كمان جميله
خالد لمحها داخله بصلهم: عن اذنكم (راحلها وهو بيضغط ع اسنانه) ليه انتي هنا
انغام: يوه مش دي حفله بمناسبه صفقتك الجديده ازاي افوتها يا ابو بناتي
خالد جز ع فكه: ممكن تمشي يا انغام
انغام عدت من جنبه وراحت بضحكه: اهلا يا مدام بسمله مبسوطه خالص اني شوفتك (بصت لزينب بقرفه) حتي انتي مبسوطه اني قابلتك
بسمله: مدام انغام انتي بجد مدهشه وقويه انك بتتعاملي مع شخص مش طايقه تشوفيه
انغام: لا ماهو مش عشان اطلاقنا هنبقي اعداء ولا ده وضع مش مرتاحله يا مدام زينب
زينب: بصراحه مش طايقه ارد عليكي
انغام: اخص عليكي كدا تدبيها في وشي
خالد مسك دراع زينب: يله نروح نسلم ع الناس
بسمله: المسكينه متعرفش ان السلسله الي في رقبتها بتاعتك
انغام بحقد : خطتك ايه عشان ننزل خالد راكع ع الارض
بسمله بتلف شافت اسامه الي وقف في مكانه يبصلها بنظره واحد بشتياق كتير هو اصلا حضر عشان بس يشوفها
خالد: ايه ده جيت بجد
اسامه : الشكر ليك عامله ايه يا مدام زينب
زينب: بخير واهلا وسهلا
خالد: حتي بسمله هانم هنا
اسامه: عن اذنكم
زينب فضلت متابعه اسامه وهو رايح ناحيه بسمله وخالد شايف نظراتها عليه
بسمله اول ما جه وقف جنبها قلبها فضل يدق كتير واقسمت انه اكيد سامع دقاته
اسامه سلم: انا اسامه
انغام: وانا انغام طليقه خالد
اسامه: اه اهلا وسهلا بحضرتك
انغام: هو ده حبيبك
بسمله بصاله: ايوه اسامه
انغام بأعجاب: بس بجد لايقين اوي ع بعض يله اشوفكم بعدين هروح اسلم ع الناس
بسمله: عامل ايه
اسامه بصلها: كويس وابوكي عامل ايه دلوقت
بسمله: خرج ورجع البيت
اسامه: وانا مبسوط انه اتعافي عن اذنك
زينب وقفت في طريقه: ده انا قلت مش هتيجي الحفله عشان باعتك الي سبتني عشانها قولي فعلا سبتها نهائي
اسامه: وخسرت كل حاجه الحب والطموح ها حاسه بأيه وانتي بتدمريني ياتري سعيده بأنجازاتك
زيني: تفتكر انت حاسه بأيه
اسامه: انا معرفش لكن الي هيوجعني لو امورك انتي مشت بطريقه عكسيه معاكي
زينب بحقد: انت نسيت انت الراجل الي دمر حياتي
اسامه: عشان كده عايزه تكوني اسعد بكتير عن لما كنتي معايا ومتفكريش فيا
بسمله شافتهم واقفين يتكلموا مع بعض ونار الغيره اكلتها وتعبت جدا وراحت بعيد فتحت الشنطه واخدت برشام وااعدت مش ع بعضها
………………….
خالد: هو انتي ماشيه
انغام: المكان ممل هنا اوي وهمشي بقي بعد ما الناس كلها عرفت اني كنت هنا
خالد: فكره حلوه امشي بسرعه قبل ما تزعجي زينب
انغام همست بدلال : 1205
خالد: ايه ده
انغام : حجزت اوضه في الفندق هنا بس ايه حلو ه اوي بروح ابحلق في السماء بالليل وافرد جسمي واشرب وسكي لوحدي وهيكون النوع الي بتحبه هشرب ازازه كبيره كلها لوحدي
خالد: هو انتي مجنونه عشان اجيلك واشرب معاكي
انغام: براحتك ياخلودي بس مترجعش تلومني لو شربت لوحدي وسكرت وبهدلت الدنيا
خالد وقف وفي سره: هي قالت رقمها كام 1250 ولا 1205 وليه عبيطه
…………………………….
اسامه قاعد عينه عليها ولما هي قامت قلق لان حس انها مش طبيعيه وراح وراها لقاها دخلت مكان وقف يستناها لحد ما فتحت الباب وخرجت!
اسامه بلهفه وقلق: بسمله كنتي فين
بسمله: دخلت الحمام
اسامه سحبها من ايدها ووقف بيها في الجنينه : مالك ياقلبي انتي تعبانه
بسمله: لاء انا كويسه بس حسيت بدوخه
اسامه حط ايده ع رأسها: قوليلي لو كنتي تعبانه ليه تعاني لوحدك
بسمله ابتسمت: عارف انا مبسوطه اني شوفتك وحشتني وهموت من غير حضنك
اسامه: وانتي كمان وحشتيني
بسمله: وبتعمل ايه لما بوحشك
اسامه: بقعد افكر فيكي وبقاوم الوقت من غيرك بشكل يهلك قلبي
بسمله: وانا بقي يجيلي كوابيس غريبه كل ليله وانتي بتظهر شخص مختلف جدا في احلامي بشوف زينب في حضنك وانتم الاتنين عاملين زي عصافير الحب وتقفوا تغظوني
اسامه مسك وشها بين ايده وهو بيقولها ويأكد : يا حبيبتي دي مجرد احلام مفيش وراها اي معني
بسمله كشرت بحزن : ولما بصحا بفضل افكر فيك لحد الصبح وبقولك اعمل ايه لو انفصلنا بجد مش هيبقي عندي حبيب اتكلم عنه وزينب احلوت اوي
اسامه مسك ايدها بصدق نابع من وجدانه:وانا هفضل شايفك انك احلي حاجه حصلتلي في حياتي ومش هشوف احلي منك ومعنديش اي مشاعر فاضله لزينب كل مشاعري وروحي معاكي انتي عشان كده اياكي تحسي بنعدام الامان وتجيبي سيره الانفصال لان انفصلنا لوقت مؤقت
بسمله رجعت ابتسمت : هو انا غبيه مش كده لاني عارفه حبك ليا ومش عارفه هو انا بجيب منين انعدم الامان ده
اسامه حط ايده ع خدها : فكري بده ع انه حلم ولما تفوقي منه هنكون دايما مع بعض لـ اخر نفس فينا ياحب عمري اتفاقنا
بسمله: اتفاقنا انا هقف هنا شويه وهروح
اسامه: تمام انا هدخل قبل ما حد يحس بوجودنا بس اول ما تروحي ابعتيلي مسدج طمنيني عليكي اول ما توصلي
خالد بيلف عليهم شافه داخل الحفله : شوفت بسمله سمعت انها تعبت
اسامه: هي بره بتشم هواء نقي
خالد: لسه بتطمن عليها حتي بعد ما انفصلتوا عن بعض
اسامه: انت عايز تقول ايه
خالد: انا حاسس بالحزن عليكم انتم الاتنين
اسامه: لاء متزعلش
خالد: ايه رآيك نسهر مع بعض في يوم
اسامه: سيبها لوقتها عن اذنك
…………………………………….
خالد طلع راحلها: مالك يا حضره المديره
بسمله واضح ع وشها الضيق : عايز ايه عندك كلمه جاي تقولها
خالد: ليه انصلتي عن اسامه حبيب قلبك رغم لسه بتحبيه وليكي مشاعر جامده ناحيته
بسمله: ممكن متجخلش في حياه الناس الخاصه روح سوي امورك مع حريمك الي كل ما يتقابلوا في اماكن عامه يلقحوا ع بعض هتتفضح
خال: منا كنت عايزك وانتي الي رفضتيني
بسمله: لاني عمري ما حبيتك حتي لو كنت اخر راجل في الدنيا
خالد: عارفه مشكلتي ايه ان انا عارف حبك ليا زي الحبال الدايبه والمشكله لسه متعلق بيها رغم انا راجل مترفضش
بسمله: خليك فخور كده بنفسك زي ما تحب وهمشي واسيبك
خالد وقف قدامها وقال: انتي بجد صعبانه عليا جدا لو جبتي صفر في الامتحان الاول ربما تحلي في الامتحان الجاي كويس
بسمله بغرور :وانا عمري ما اخدت صفر لاني بذاكر كويس جدا عمري ما اخدت علامه سلبيه حاسس بحاله افضل دلوقت
خالد بصلها وهي ماشيه وقال :بحبك وبحب التحدي معاكي
…………………………………..
اسامه قعد شويه والاهم انه شاف حبيته واطمن عليها وقام يخرج من الحفله
زينب راحت وراه : انت ماشي
اسامه لف وبصلها: ايوه
زينب : هي بسمله لسه هنا ولا مشت قبلك
اسامه بصلها ورافض يرد ع سؤالها
خالد قرب منهم : انت ليه ماشي خليك شويه معايا نقعد ونتكلم
اسامه: خليها المره الجايه
خالد: بسمله مش بتبص وراها بعد ما تاخد قرارها وده هيكون افضل لصحتك انك تسيبها
اسامه: هو ممكن تخليك في حالك
خالد :دي مجرد نصيحه غاليه ليك
اسامه : وانا مش بحب اخد نصايح من حد بمشي حياتي زي من عايز بس انتي خلتني افكر فيك كتير
خالد :لاء التفكير مضر بالصحه خد الامور ببساطه
اسامه بحده: ببساطه مش كده ,انا هرد عليك مقابل الفوضي الي عملتهالي ايه رآيك
زينب خافت للامر يكبر: خلاص اسكت وامشي
اسامه : متاسف يا مدام خالد بس انا ناوي اقلب شركه جوزك ع دماغه واتخلص منه وهلاقي الي يوقعه
خالد بضحكه مستفزه: دور من هنا لسنه شركتي نضيفه واراهن تلاقي حاجه
اسامه بثقه: انت متاكد خلينا نستني ونشوف
خالد بصلها نظره ناريه وقال: وانتي اهدي وارتاحي
زينب بربشت بعيونها: ارتاح من ايه
خالد: انا عارف الصنف الي زي اسامه بيسلموا بعد محاوللات كتير
زينب: اسامه مختلف هو مش بيسلم بسهوله
خالد: زينب جوزك مزاجه مش متظبط دلوقت رآي ارجعي انتي البيت الاول
زينب: وانت رايح فين
خالد: عندنا بعد الحفله اجتماع
زينب: تمام متشربش كتير
خالد: يله اركبي
خالد بعد ما اطمن ان زينب مشت طلع الغرفه عند انغام ودخل وخبط ع الباب
انغام فتحتله وهي لابسه قميص نوم صارخ ومثير وبصتله وابتسمت
خالد: متفهمنيش غلط انا جيت عشان اشرب معاكي كاس واحد وامشي ع طول
انغام قربت منه اوي وسحبته من الجرافته وباسته من شفايفه ودخلته جوه
شيكا برق عيونه: لاء مش معقول ( تلفونه رن برقمها ارتبك وقال) زينب المسكينه اعمل ايه يالهوي دي بتتصل
شيكا: الو يا زينب
زينب: انت فين
شيكا حمحم: انا وري جوزك اطمني متقلقيش
زينب: قالي ان فيه اجتماع بعد الحفله لكن شامه ريحه وحشه وري ده
شيكا: سيب الموضوع ع اخوكي متقلقيش انتي بس استريحي ورفهي عن نفسك
زينب: قولي انت فين دلوقت؟!
شيكا هقولك بس بلاش تتصدمي في الوقت الحالي تمام
زينب: انا تمام جايه عندك ( زينب للسواق) لف وراجع لو سمحت
السواق: ليه يا فندم
زينب: بقولك ارجع للحفله تاني وهات موبيلك
السواق: ليه يا هانم
زينب بحده: هرجعهولك بعد ما اخلص الي هعمله هاته لو سمحت
زينب اخدت الموبيل وطلعت وقفت قدام الغرفه ورنت الجرس وخالد فتحلها
انغام جات من وراه: مين يا خلودي خدمه الغرف
خالد بعصبيه: ازاي عرفتي اني هنا
زينب: ده الي يهمك ها
خالد: انتي مشغله حد يراقبني
زينب: هنقف نتكلم في ده ونسيب خيانتك
خالد: هنتكلم عن ده بس في البيت
خالد دخل يلبس الجاكت وانغام قربت عليها: اظن وعيتك وحذرتك مين هو خالد بس مسمعتنيش
- يتبع الفصل التالي اضغط على ( رواية اللقاء الثاني) اسم الرواية