رواية معشوقة المنتقم الفصل الثالث و العشرون 23 - بقلم سما احمد

   

 رواية معشوقة المنتقم الفصل الثالث و العشرون 23 - بقلم سما احمد

💕معشوقة المنتقم💕

                                    

                                          

البارت الثالث وعشرون

                          

توالت الأيام ومر اسبوعان اخران بعدما كانت هو الجامد اصبحت هي الجامدة معه وهو لا يفهم لما

                          

كان يجلس علي الطعام وقاطعه رنين فونه فاجاب ليردف

=ايه بتقول ايه

                          

=طيب فين مؤيد

                          

=تمام هكلمه اقفل

واغلق ثم وقف وخرج وهي تتابعه

                          

في القاهرة

كان يجلس بشقته علي سريرة وبيده سيجارة وينظر امامه ونمت ذقنه اكثر حاول الذهاب ورؤيتها لكن ياسين لم يسمح له وارسل له خاتمها 

                          

رفع الخاتم لمستوي عينه اسمه منقوش عليه ضحك بمرارة ينتظر عدتها لتنتهي والآن ماذا حدث كانوا سيتزوجوا بعد اربع أيام اكثر من ثلاثة أشهر ونصف ينتظر سمع رنين فونه فنظر للأسم ثم رفعه لأذنه

                          

مؤيد بضيق

=عايز ايه

                          

سيف بعصبية

=انت فين يا مؤيد وسايب الشركة تضرب تقلب دا جزاء اللي يسلمك مسئولية

                          

مؤيد بعصبية

=متسلمنيش تعالي شوف شغلك مش ذنبي ولا بتاعي متجيش تحاسبني ماشي روح خلي اخوك يمسكه ليك ولا ولع فيه والفلوس اللي بتيجي منكم بلوها واشربوا مايتها وغور بقي انت واخوك من حياتي

                          

سيف بصدمة

=مؤيد مالك في ايه

                          

مؤيد بصراخ

=مالي يعني متعرفش دمرتوني بحبها من اول مرة شوفتها وجوزتوها لغيري والوقتي بتبعدوها عني تاني ربنا ياخدكم

                          

سيف محاوله تهدئته

=طب اهدي يا مؤيد واحكيلي

                          

تمردت دموع مؤيد كالطفل الصغير الذي تذهب منه لعبته وقال ببكاء

=انا بحب نورسين اوي يا سيف والنبي ما تبعدها عني معتش قادر اعيش من غيرها حرام عليكم

                          

سيف بهدوء

=طب اهدي انا جاي النهاردة ووعد الفرح هيبقي في معاده

                          

مؤيد بمرارة

=ههههههه هيبقي في معاده بس يا عالم مين العريس المرة دي

                          

سيف بحزن

=بقولك وعد يا صاحبي سلام مؤقت

                          

واغلق فأطفأ مؤيد السيجارة واشعل الآخري

                          

في ڤيلا المنشاوي

كانت ماهي تجلس بجانبها وتفعل لها كمدات والآخري تهلوس بأسمه هل احد متخيل كيف يلغي زفافها من شخص تعشقه والآن اصبح عليه اربعة ايام فأصابها دور حمي قوي

                          

سيرين بحزن

=لسه حرارتها منزلتش

                          

ماهي بدموع 

=لا لسه ذي ما هي لو مؤيد يجي بس

                          

ياسين بحدة وهو يدخل

=مفيش مؤيدات هتبقي كويسه

                          

سيرين بعصبية

=لحد هنا وكفاية بقا هي مش بنتك يا ياسين انا امها واحق اقرر في حياتها عنك

                          

سمير بعصبية وهو يدخل

=وانا كمان بقول مفيش مؤيدات وانا ابوها

                          

سيرين بصدمة

=حتي انتي يا سمير قلبك بقا ذيه انتوا مش بتحسوا

 

                

واكملت بصراخ

=بنتي بتضيع مني افهموا بتروح مني

ياسين بعصبية اعمته

=دا مجرد دور حمي يا سيرين متكبريش الموضوع

ماهي بدموع تتساقط وهي تقف امامه

=بتعمل كدة عشان هي بنت عيلة

عقد حاجبيه بعدم فهم فأكملت

=يعني انا لو مش يتيمه مكنتش هتاخد مني اللي عايزة من غير جواز

ياسين بحدة وهو ينظر لأباه وسيرين

=وضعنا يختلف

ماهي بعصبية

=لا ميختلفش قول الحقيقه صح كلامي مش كدة بس خلاص مفيش مؤيد ومفيش ماهي

ياسين وهو يبتلع ريقه

=يعني ايه

ماهي وهي تمسح دموعها

=يعني اشبع بقلبك اللي من حجر والڤيلا انا هاخد ابني وماشيه هعمل لنفسي كرامة كفاية لحد هنا

واكملت بتذكر

=اه احب اقولك "افعل يا بني آدم ما شئت فكما تدين تدان" بس تعرف ايه الفرق ان نورسين بنت عيلة انما انا ههه بنت شوارع

غرس يده بزراعها واعادها صارخا بها

=ابقي خليكي اطلعي يا ماهي وربي هوريكي نجوم الضهر وما هيهمني حملك فاهمه

زاد صراخه لتنتفض وتعود بجانب نورسين وتفعل لها كمدات

سيرين ببكاء

=ربنا يبعتلكم سيف هو اللي هيعرف يوقف ليكم ومستحيل انسي الموقف ده ليكم

واحتضنت ابنتها ترفعها بين يداها لتجدها تتمتم

=مؤيد حبيبي خدني مؤيد

كان يجلس بالسيارة وبجانبه جاكلين التي اصروا عليها ان تذهب معه وهم سيلحقوا بهم اما هو كان يقود بسرعة وعصبية ف لا احد يجب عليه

جاكلين بإستفسار

=هو انت ازاي بتشتغل سواق واهلك عايشين في ڤيلا وحالهم المادي حلو

سيف بلامباله

=عشان بحب عتمان بيه وبحترمه

اومأت موافقه بعدم تصديق تشعر ان خلفه سر فسمعته يقول

=عقلك هيتعبك بطلي تفكير

جاكلين بغيظ

=ملكش دعوة 

واشاحت بوجهها فهي لا تنسي حبه لزوجته وهناك رمز للحب هذا تذكرت حين قبلها اوووه هل هو من اخذ اول قبلاتها لكن تشعر انها ليست اول مرة بدت مكرره في عقلها لكن حقا تريد ان يفعلها مرة اخري لا تعرف لما لكن هكذا ظلت تتابع الطريق بصمت

سيف بجدية

=جعانه اجيب اكل

جاكلين بسعادة

=اخيرا اتكلمت اه وكتيييير اوي

ابتسم ووقف بجانب نزل مطعم واحضر اربعة سندوتشات بطاطس سوري فقالت

=لمين دول كلهم

سيف بمشاكسه

=واحد ليا وتلاته للمفجوعه اللي معايا

جاكلين بدموع حزينه

=بقا انا مفجوعه ماشي خليها ليك مش عايزة طفح

وادارت وجهها سامحه لدموعها بالتساقط وتسأل نفسها لما تنجرح منه بالذات لو كان غيره لما كانت حزنت كانت ستأخذها بمرح اما هو حزن من نفسه فهو يقصد المزاح لم يجد حل سوا ان يجذبها ويضعها علي فخذيه فشهقت

        

          

                

جاكلين بعصبية

=نزلني ابعد عني

سيف وهو يضع السندوتشات علي فخذها

=كلي وبطلي هبل واثبتي عايز اكل

جاكلين ببكاء وهي تدفعه

=مش عايزة منك حاجة مش انا مفجوعه وفر اكلك لنفسك

وضع يده علي رأسها يجذبها لعنقه وحضنها لتشرع بالبكاء اكثر وتحضنه ليعلم ان الموضوع اكبر من هذا لكن ما منه سوا ان حضنها وقبل رأسها قائلا

=اهدي يا قلب سيف انا اسف

ظلت وقت تبكي وحين هدأت بعد وجهها ومسح دموعها وقبل عيناها قائلا

=خلاص هدينا ناكل بقا جايبلك توميه مع البطاطس مش بتحبيها

اومأت بتأكيد وابتسمت ففك لها سندوتش واعطاها اياه لتشرع بالأكل وهو يتابعها وهي تتلذذ بالتوميه فاعاد شعرها خلف اذنها لأنه يعيقها وظل ينظر لها هي نفسه صغيرته التي عشقها بسبب طفولتها وفجأة وجدته يمسك ذقنها ويدير وجهها فعقدت حاجبيها لتجده يقربها ويلثم شفتيها بقبله هادئه رائعه يتذوق شهدها الممزوج بالتوميه وحين ابتعد فرقت شفتيها واتسعت فيروزتيها هذا ما كانت لكن الآن

جاكلين بخجل

=مش كدة عيب تبوس واحده مش مراتك ترضيها لأختك

سيف بإبتسامه

=خلاص اتجوزيني عشان ابوسك براحتي اصل بصراحه حبيت طعم شفايفك

جاكلين بحزن

=يعني انت هتتجوزني عشان تبوسني بس مش عشان حاجة تانيه

سيف بمشاكسه وقد فهم مقصدها

=لا عشان نخلف اخوات ل معاذ ليه في حاجة تانيه الناس بتتجوز عشانها

جاكلين بإندفاع

=اه عشان بيحبوا بعض

واكملت بضيق

=بس يلا صالونات صالونات

ونزلت من علي فخذيه جلست مكانها وكالأطفال ربعت قدميها واكملت اكل وهو عاد يقود ناسيا اكله فمجرد النظر لها يكفيه ليعيش

وصلوا للڤيلا ودخل بسيارته ورن بفونه علي مؤيد الذي اجاب بملل ممزوج بعصبية

=في ايه

سيف بحدة

=اتكلم عدل وتعالالي الڤيلا افهم ايه حصل

مؤيد بخوف كالطفل

=هتخليني اشوفها الأول صح

ابتسم رغما عنه قائلا

=تعالي يا مؤيد بدل ما......

مؤيد بإنزعاج

=جاي جاي

واغلق السكة ثم نزل ومعه جاكلين ودخلوا للڤيلا ودق الجرس فتحت الخادمه فقال

=هما فين

الخادمة بإحترام

=فوق في اوضه نورسين هانم لأن عندها حمي و.....

جري مسرعا تاركا اياهم خلفه لغرفة اخته وابنته ودخل بسرعة لها

سيف بقلق

=في ايه مالها ايه اللي حصل

رمقت سيرين سمير وياسين بنظرات مؤنبه وصمتت فجذبها سيف لحضنه ليجدها تتمتم

=مؤيد حبيبي خدني مؤيد تعالي اشوف مؤيد

        

          

                

سيف بعصبية

=ايه ده حد يفهمني

ياسين بحدة

=متزعقش وتعالي اقولك

قبل سيف جبينها مطولا ثم وقف وذهب مع اخاه واباه المكتب تاركا خلفه جاكلين مع سيرين وبدأ يقص له ما حدث وحدث ما لم يتوقعه انفجر سيف ضاحكا

سمير بحدة

=في ايه ل الضحك

سيف بحزن

=طبعا انا متربي علي القيم والأخلاق بصلي وعارف ربنا بس غصب عني وبتهور بوست جاكي قبل ما نتجوز استغفرت ربنا كتير بس كنت عارف هتترد يا في نورسين يا بنتي في المستقبل والوقتي الحمد لله جات في مؤيد مؤيد يا ياسين

سمير بعصبية

=ويعني ايه مؤيد يقوم يعمل كدة

سيف بجدية

=مؤيد لسه متجوزش نورسين بس تعرف يا بابا لو نورسين عريانه وانت وياسين ومؤيد واقفين هتجري تستخبي في مين..... في مؤيد وهو مش جوزها بس دا اللي اما كانت بتوقع في مصيبه بتلجأ ليه مش ل ياسين وانا الوقتي برضاكم او غصب عنكم نورسين هيتكتب كتابها علي مؤيد والفرح في معاده بعد أربع ايام

ياسين بعصبية

=بمزاجك يعني متنساش انك الصغير

سيف ببرود

=ومتنساش اني اللي مربيها ومتنساش ان مؤيد صاحبي اللي وقف جنبي اكتر منك يا اخويا

واكمل بعصبية

=انا هنا اقرر حياة نورسين اكتر منك انت وابونا مع احترامي ليه وسيرين فاهم دي بنتي انا اللي ربتها فاهمين

وخرج وهو يرفع فونه يرن علي مأذون وجد مؤيد يدخل ويبدو عليه الشحوب والحزن

سيف بمرح

=تك البلا دا منظر عريس

مؤيد بحزن

=هي فين يا سيف اشوفها مرة وهحكيلك عارف اني غلطان بس بس انا م.محستش بنفسي الا وياسين فاتح الب........

سيف وهو يجذب ملابسه

=عارف لو اتأخرت علي الشغل يوم الفرح مفيش زفت شهر عسل فاهم

احتضن سيف الذي خبط علي كتفه بأخوه قائلا

=اطلع اوضتها انت وشطارتك صحيها عشان تمضي علي القسيمه المأذون جاي

مؤيد بإستغراب

=اصحيها ايه اللي منيمها الوقتي

سيف بهدوء

=هي تعب......

ابتعد وجري لأعلي فابتسم سيف حقا ومن غير العاشق يشعر بما يشعر

دخل مؤيد الغرفة وجدهم يجلسوا بجانبها فوقفت ماهي حين رأته ليذهب ويجلس مكانها ويجذبها من حضن سيرين لحضنه وشعر بسخونة بشرتها تحت يده

نورسين بتعب

=مؤيد تعالي مؤيد

مؤيد وهو يتنفس انفاسها الساخنه

=انا هنا يا نورسين فوقي انا جنبك

جاكلين بمرح

=ابعد يا اخويا احنا هنا ناقص تبوسها

مؤيد بضحك

=تعالي بس اقولك يا وش السعد انتي وطي كدة

        

          

                

انحنت فقبل جبينها بحب لتبتسم ورفع نورسين بين يديه وذهب للحمام حاوط خصرها وسندها عليه وبدأ يغسل وجهها بالماء البارد فشهقت هي بخفه ليلمس شفتيها بإبهامه ويفرقهم

مؤيد بعشق

=شوية وهتبقي مراتي يا نور القمر اللي زين حياتي

ابتسم وهي مازالت مغمضه بتعب فأكمل

=يا رب يسامحني بس مش قادر استني الدقايق دي

واقترب يقبل شفتيها برقه وهو ممسك بذقنها وحين ابتعد حاوطت عنقه تسند رأسها علي كتفه بتعب

نورسين بنوم

=انت هنا

مؤيد بمشاكسه وهو يحاوط خصرها

=قبل البوسه ولا بعدها

ابتسم وهي تزيد من ضمه فمسك كتفها وانحني حملها وخرج بها لم يجد احد وضعها بالسرير فوجد سيف يدخل قائلا

=قوم المأذون وصل

مؤيد وهو يلتقط الطعام

=هأكلها الأول

سيف بخبث

=كدة المأذون هيتأخر ويمشي

مؤيد بلامباله

=يمشي اهم حاجة نوري قوله يمشي الجواز مش هيطير

نظر له بفخر علي اختياره وجد اخته تبتسم رغم تعبها فوقف يتابعهم

مؤيد بحنيه وهو يضع الملعقه قرب فمها

=كلي يا حبيبي افتحي شفايفك

حركت رأسها رافضه وسندت للأمام علي صدرة فعدلها بحضنه وقرب الطعام من فمها قائلا

=يلا عشان خاطري افتحي شفايفك

امتثلت لأمره فوضع الطعام وهو يقبل جبينها وبدأ يطعمها حتي انتهت وفجأة تحركت بعشوائيه تريد الوقوف

مؤيد بإستغراب

=في ايه

اشارت علي معدتها وفجأة افرغت ما بمعدتها وهي تشعر بالقرف واشارت ان تقف هامسه

=اسفه هدومك 

مؤيد بحنيه وهو يجذب خصرها

=كملي يا حبيبتي عادي

اشارت مرة اخري وعادت تفرغ ما بمعدتها رغما عنها وتساقطت دموعها ليمسحها بحنيه ويمسح فمها

نورسين بهمس

=مؤيد ابعد

مؤيد وهو يقبل جبينها

=خلصتي اقوم اغسلك

دفعته لكنه لم يبتعد لتعيد تفريغ ما بمعدتها وبكت وهي تمسك ملابسه الملوثه فحضنها بحب يهدأ من روعتها ثم حملها ووضعها علي كرسي ودخل لغرفه ملابسها احضر لها ملابس بنفسه وعاد وضعها بالحمام وعاد يحملها ودخل بها وسيف خلفه ليجده يغسل فمها ووجهها وينشفه

مؤيد وهو يرفع وجهها

=نوري حبيبتي هتقدري تغيري هدومك ولا انادي حد

نورسين بتعب

=هقدر

قبل جبينها ورأي سيف فابتسم واغلق الباب عليها فقال سيف

=انا ممكن اساع.....

مؤيد بغيرة

=لما تشوف ودنك انزل هاتلي هدوم من عنك يلا

سيف بضحك

=طيب وهنادي لحد ينضف الفرشه

مؤيد وهو يدفعه

=لا اومال انا لازمتي ايه

بزهول نظر له سيف احقا الحب يصل لهذه الدرجة بينما ذهب مؤيد يحمل الفرش ويضعه بكيس من الزباله واخرج واحد اخر يفرشه بنظام كان سيف اتي فذهب لغرفة الملابس وبدل ملابسه لأخري وذهب طرق عليها الباب ليجدها تفتح وفجأة وقعت بين يديه بتعب

مؤيد بمرح هامس

=كنتي قولي كنت ساعدتك دا انا هبقي جوزك وهشوف كله واحفظ

ضربته بضعف وهي تضحك فقبل جبينها وسندها قائلا

=ننزل بقا للمأذون

وبسعاده اومأت موافقه وحاوطت خصرة فابتسم سيف وسبقهم ونزلوا ليضع يده بيد سمير علي مضض ويبدأ ثم انهي كلامه

المأذون بإبتسامه

=بارك لكما وبارك عليكما وجمع بينكما في خير

ولثاني مرة تسمع هذه الكلمه لها ولكن هذه المرة تختلف سندتها سيرين وذهبت مضت وحين تركت القلم انفجرت باكيه من الفرحة فوقف مؤيد الذي تتجمع دموعه وحضنها بقوة ثم حملها ودار بها بسعادة وحين انزلها قبل جبينها

مؤيد بحب

=خلاص بقي

نورسين بضعف

=مش عايزة فرح يا مؤيد خدني من هنا عايزة حضنك بس

مؤيد وهو يقبل جانب جبهتها

=هعملك احلي فرح يا نوري وحضني من اللحظة دي ملكك

سيف بهمس

=طلبت ايدك من جدك

نظرت له بصدمة فأكمل

=ووافق اكتب كتابي مع مؤيد يوم فرحه بس مؤيد استعجل

جاكلين بهمس مضحك

=والوقتي هنعمل ايه

سيف بنفس الهمس

=نكتب كتابنا الوقتي ويبقي الفرح بعدين قولتي ايه

جاكلين بتفكير هامسه

=اممم طيب ليه السرعة

سيف بخبث هامس

=عشان ابوسك براحتي

جاكلين بهمس مضحك

=موافقه طالما جدي موافق

وللمرة الثالثة يكتب كتابها ووكيلها اخاها وبالفعل تم كتب كتابهم

سيف بهمس

=مبروم يا عروستي

جاكلين بنفس الهمس

=هو اللي حصل بجد

سيف بخبث

=هثبتلك اما نبقي لوحدنا ببوسة بريئه

ضربته علي صدرة بغيظ حقا تتسأل لما وافقت بسهولة هكذا احقا لأنها وقعت بعشقه منذ ان رأته وهل وافقت ان تكون الثانيه بحياته رأته يحمل ابنه الذي يشبهه لا تعرف لما ورغما عنها احبت ذلك الصغير بالرغم انه ابن غريمتها

 

• يتبع الفصل التالي اضغط على (رواية معشوقة المنتقم) اسم الرواية