رواية اللقاء الثاني الفصل الثالث و العشرون 23 - بقلم منة محمد
(((بحبك بكل الحنان اللي فيكي واحبك بكل الجنون اللي فيا)))
كل سنه وانتم طيبين بمناسبه السنه الجديده
زينب رجعت البيت متعصبه وبسرعه سحبت شنطه ولمت معظم هدومها
خالد دخل وراها واتفاجئ: انتي بتعملي ايه وتعظمي المشكله ع الاقل اسمعي عذري
زينب بعصبيه: اي عذر انك كدبت عليا وقلت لي ان فيه اجتماع بعد الاحتفال بس روحت تسهر مع طليقتك في اوضه في الفندق ايه كنتم هتلعبوا دور شطرنج
خالد : دي غلطه وانا متاسف
زينب بتهكم شديد: غلطه دي اسوء كلمه تتقال وقت الغلط
خالد بنرفزه: ع فكره من غير ما اشرح موقفي لازم تثقي فيا ولا عشان فيه غلطه في حياتي للسبب ده باعتي واحد يراقبني
زينب :انا اسفه كان المفروض اتظاهر بالغباء واسيبك تستغفلني
خالد مسك ايدها وهي بتتحرك وقال: هو انتي ناويه تمشي بجد
زنب بسخريه: طبعا همشي
خالد: تمام هقولك الحقيقه بس فرغي شنتطك وتعالي نتكلم بكل هدوء ممكن نعمل ده
…………………………..قصص منه محمد كاتب……………………
في الشركه
بسمله بعتاب وملامه: هو انا مش قلت لك هبعتلك حد ياخد امضتك ع الاسثتماره ليه تتعبي بس نفسك وتيجي لحد هنا
اسراء مبتسمه: بصراحه عملتها حجه وقلت اجي اشوفك
بسمله: انا كويسه وزي الفل
اسراء: يارب دايما اصل مين هيدخلني انا وولادي نادي المشاهير اصل الناس العاديه الي زينا مش هيدخلوه بسهوله الحمد لله ان ليا صاحبه مليارديره زيك
بسمله ضحكت: وياستي تقدري تستغليني في اي وقت زي ما تحبي انا تحت امرك في اي وقت
اسراء: بالحق بتاخدي علاجك في معاده بأمانه انا قلقانه ع صحتك اكتر من صحه ابوكي بسمله اشتغلي بشكل اقل انتي بجد بتهلكي صحتك اظن عارفه التعليمات
بسمله: وانا بقولك كفايه تقوليها مره واحده
اسراء: اه خلصتي امورك مع اسامه فعلا بس خدي بالك انتي يبان عليكي انك سبتيه بسبب ضغط ابوكي
بسمله :ممكن منتكلمش في الموضوع ده
اسراء :عارفه انك مضايقه ده حبك الاول الي رفضتي كل الرجاله عشانه وهتفضلي تحبيه وتشتقيله حتي لو بعدتي عنه بشكل تعسفي وبسال حاسه بأيه
بسمله: اقولك ايه انا حاسه بنفس الالم الي بعيشه لـ 14 سنه
اسراء بجديه: بسمله اقنعي ابوكي حاولي تليني قلبه وصدقيني هيلين الي بينك وبينه مع الوقت فهميه تلحقي تخلفي حته عيل وسبيه يفهم مشاعرك ناحيه اسامه وتمسكك القوي بيه
…………………………..قصص منه محمد كاتب………………….
في النادي كانوا بيجروا جنب بعض بيمارسوا الرياضه المعتاده
اسامه وقف يستريح وناوالها ميه وقالها: انتي واثقه تقدري تعمليها وتضربيه في شغله
بسمله: طبعا هضربه ضربه قويه بس كان ليا سؤال حفرت وري خالد لحد فين
اسامه قعد وبصلها وقال: لقيت الصندوق الاسود فاضل المفتاح , خالد بيرشي بنفسه عشان محدش يمسكه وهتكون دي الضربه القاضيه لو اكتشفت المصدر
بسمله :وبقولك طالما الموضوع فيه رشوه اكتشافه مش هيبقي سهل
اسامه :انتي متتوتريش اصبري المسأله وقت مش اكتر
بسمله: انا شوفتك واقف مع زينب في الحفله ايه الي اتكلمتوا فيه
اسامه :وانتي عايزه تعرفي ليه
بسمله بغيظ: خلاص مفيش داعي لو مش عايز
اسامه اتنهد بهدوء: ابدا اتمنتلها السعاده الابديه وقولت لها متقتقلش عشاني وتعيش سعيده في حياتها بس ده كلامنا
بسمله بستياء: اممم تمام وبعدين مالك بتبصلي كده ليه
اسامه : بشوف تعبيرات وشك اضايقتي ولا غيرتي
بسمله وشها احمر: ليه هو مكتوب ع وشي
اسامه : بصراحه اه بس عايز احدد ضيقه ولا غيره
بسمله: الاتنين عشان بقيت خايفه لما بطمن وتقولي مفيش حاجه هتتغير او انك مش هتتغير وبصراحه حاسه انك بتتبعد مني
اسامه: ابعد اروح فين انا هنا مش قادره تشوفيني
بسمله :لا شيفاك بس حاسه بالنقص في عدم وجودك حتي لو عندي كل حاجه
اسامه: وانا معنديش اي حاجه غيرك واجمل شيئ حصل فى حياتى وهفضل كدا احبك لاخر دقه في قلبي انتي حياتي ونور عيني انتي عندي بالعالم بحاله وشبابه وجماله
بسمله: اسامه انتي قلبي الي فتحته عشانك من يومها قفلته عليك ومحدش ملي مكانك في بعدك توهت وضيعت وصلت للموت بقيت ادور عليك في وشوش الناس كنت ماشيه ع راسي مش ع رجلي مكنتش شايفه حد غيرك ولما ربنا وفقنا ورجعنا لبعض ونسينا العذاب مكنتش مصدقه اننا قاعدين مع بعض وبنتكلم روحي ردت لما شوفتك شوفت النور لما شوفتك قلبي انت حياته الي انتظمت دقاته وجسمي المبتور التحم بنصه التاني وطلبت من ربنا كتير يجمعني بيك مش مهم امتي حتي لو بعد الف سنه ميهمنيش عدد السنين الي بتفصلنا طالما في النهايه هوصل للحظه الي تبقي معايا فيها نكمل شيخوختنا بهدوء وسلام
اسامه : وانا كل يوم كنتي بعيده عني كنت بفتش عنك في كل زاويا وكنت بشتاق لضحتك لكل كلمه قلتهالي بس مكنتش بلاقي غير صدي صوتك البعيد بسمله انتي حبك اتفرض ع قلبي زي الصلاه مش قادر اهرب منها وحاليا عايز اؤديها بقلب خاشع ولهان ويسجد قدام حبك الي سكنه وامتلكني ومكنتش اعرف اني بحبك اوي كده غير لما لقيت نفسي بعيط عليكي لمجرد بس اني تخيلت يومي من غيرك وبقولهالك بحبك بكل لغات العالم مايا موري
بسمله ضحكت: دي بحبك بالايطالي اش ليبي دش دي بحبك بالالماني
اسامه باس جبينها: كل سنه وانتي طيبه بمناسبه السنه الجديده وبقولك انتي احلي نعمه حصلت في حياتي ربنا يدمنا لبعض يا اعظم كنز في العالم
…………………قصص منه محمد كاتب………………..
خالد دخل غرفه النوم وقرب منها وسألها: انتي بتعملي ايه
زينب مكشره : بكوي قمصانك اصل الشغاله بتعمل حاجه تانيه بس انا واقفه اكوي قصمانك واعلقهم بنفسي
خالد: هو انتي مش كنتي زعلانه مني
زينب: انا مش زعلانه انا منهاره وبعيط بدل الدموع دم لكن بحاول مكنش كده لاني مليش حق اغير لاني قلت لك انا مش بحبك وهتجوزك عشان بس استغلك وانت قبلت بيا بس مكنش يخطر ع بالي انك تعبت من مشاعري الجافه وانا عارفه ان انغام بتحاول تتقرب منك بس اوعدني ان الغلطه دي مش هتتكرر تاني
خالد: اوعدك حاضر
زينب: انا مش عايزه اطلق وجوازي يفشل للمره التانيه
خالد: هو انتي مش عايزه تدي اسامه فرصه
زينب: اسامه عمره ما حبني هو بيحب بسمله وبس
خالد: والف شكر انك عايزه تكملي معايا الف شكر يله تعالي كلمي ماما
زينب طلعت وسألتها: نعم عايزني يا ماما
فوقيه: اه يا زينب قوليلي وراكي حاجه اليوم
زينب: لاء
فوقيه: حلو ممكن تعمليلي خدمه طلبت من واحد عطار يعملي علاج طبي
خالد: ماما انتي تعبانه
فوقيه: انا كويسه ده لواحد قريبنا
خالد: فهمت عن اذنكم
فوقيه: زينب مش تطلعي وراه توصليه
زينب حركت دماغها وطالعه خالد كان فتح الباب ومشي وهبده بعنف وراه وهي استغربت من بجحته
…………………. …………………
فوقيه: اهلا وسهلا با بسمله بقالك يما مزورتنيش اخر مره اتقابلنا يوم عيد ميلاد كادي
بسمله :وانا كان واجب عليا اجي ازورك كتير اسفه
فوقيه: لاء يا بنتي انا عذراكي الله يكون في العون انتي ست عمليه وقتك مش ملكك واكيد مش بتلاقي وقت تزوري حد بس ماشاء الله لسه جميله زي مانتي
بسمله: الف شكر وانتي لسه صغيره وحلوه
فوقيه ضحكت: مستحيل ده انا بقيت اشوف بالعافيه ومبقتش اقرء الجورنال بس سمعت الاشاعه الي اتقالت عليكي ده بجد حصل
بسمله: ايوه
فوقيه :وسمعت كمان انتي وخالد ع طول في مشاكل وطلبت اشوفك عشان افهم ايه الي حصل خالد ابني مش بيرضا يتكلم عن الشغل في البيت قوليلي انتي ليه
بسمله: وانا هكلمك بصراحه احنا بنمر بأوقات مش كويسه انا وهو
فوقيه: يعني الكلام صح
بسمله: خالد بقي جشع وطماع وبقي ياخد شغلي وبيدخل ع اخر لحظه وعايز يوقعني ويحطني في مشاكل وانا مبقتش مرتاحه ولا عارفه اعيش حياه طبيعيه بسبب افعاله وتصرفاته معايا
فوقيه وسعت عيونها بعدم تصديق: معقول خالد يعمل كده يسرق تعبك حقك تصرخي في وشه خالد ابني يبان التعامل معاه سهل بس هو لا عنده شفقه ولا رحمه بيحب شغله واكيد ابوكي زعل منه انه يضرك اخص عليه ده احنا اقارب وعايله مع بعض
بسمله: ممكن تقولي لخالد نفس الكلام هو بيحاول بكل جهده لحد ما هحطه في وضع محرج
فوقيه: لسه مش بتحبي الخساره ابدا يا بسمله بس لو فضلتي كدا كست الطريق هيكون صعب عليكي
بسمله: بابا قلقان لنفس الشئ
فوقيه: بس سمعت انه رجع البيت وبقي كويس
بسمله: الحمد لله بقي بخير
فوقيه: انا كمان بعت اجبله علاج بالاعشان الطبيعيه شربهاله مراه ابني راحت تجيبه
زينب خبطت: ماما انا جبت الدواء
فوقيه: اهي وصلت ادخلي يا زينب تعالي
زينب دخلت واتفاجئت بوجود بسمله ووشها كشر واتغير
فوقيه: مدي ايدك سلمي
زينب بتكشيره: سلمت عليها في الحفله امبارح
فوقيه :بجد يعني اتقابلته طيب تعالي اقعدي اشربي معانا شاي تعرفي يا بسمله مراه ابني هاديه ولطيفه
بسمله: واضح عليها
فوقيه: خالد قابل الانسانه الصح واتجوزها
الشغاله دخلت :فوقيه هانم فيه صديقه من النادي طالبه تقابلك
فوقيه :هي الست دي مركبه عجل في رجليها ليه جايه مستعجله عن اذنك يا بسمله اقوم اشوفها
بسمله بأبتسامه رقيقه: اه طبعا اتفضلي
زينب بجمود: جايه هنا ليه
بسمله :حماتك معروف عنها ان صعب تراضيها قلت هتعملي مجهود كبير وشاق
زينب بأبتسامه صفره: لاء هي بتحبني حتي لو كنت هزيله
بسمله :وانا مبسوطه اني شوفتك سعيده
زينب:انا عايشه في سعاده بما ان اسامه عايش في حاله فوضي وانا اتأكدت انك مش بتحبيه واخدتيه مني عشان ترجعي كرامتك لما سابك واتجوزني بس معرفش انك هتزهقي منه بالسرعه الرهيبه دي وتتخلصي منه وترميه مش حرام عليكي
بسمله :وانا مش مبسوطه من غيره
زينب اتعصبت منها جدا :انتي كدابه انتي مخسرتيش زي ماهو خسر
بسمله: وانا بصراحه متفاجاه انك لسه مهتمه بيه حتي بعد انفصالكم
زينب بحقد: دي شفقه ع واحد جرح واتجرح ده مؤلم مش كده انا حبيت افرقكم عن بعض زي ما عملتي معايا وارجعلك نفس الوجع الي اجبرت اعانيه وانفصلت عن حبيبي
بسمله بأبتسامه: ليه متركزيش ع جوزك وحياتك افضل
زينب: انا هعيش حياه سعيده مع اسامه وهقف اتفرج وانتي بتقعي من فوق القمه
بسمله قامت منفعله لدرجه فنجان الشاي وقع اتكب ع البنطلون
زينب : واضح ان البقعه صعب تطلع وهتكون وصمه عار ارميه لو مبقاش نافع اصل الهدوم والرجاله لا يمكن نستعملهم مرتين
………………….قصص منه محمد كاتب………………..
في منزل مؤمن وتحديدا المطبخ
كادي: بابا البيت من غير مؤمن ممل
خليل بصلها بدهشه: انتي قلت لي بابا
كادي بأبتسامه لطيفه: طبعا انت بابا مؤمن تبقي كمان باباتي ولا ده يضايقك
خليل: لاء خالص بس من امتي انتي وابني في علاقه مع بعض
كادي: من فتره بس تعرف ابنك قاسي عندك فكره عمل فيا ايه خلاني اعاني
مؤمن دخل كان هيتكعبل في جزمتها : كادي تعالي هنا
كادي اتخبت في دهر خليل: بابا حوشني منه
مؤمن بصدمه: بابا انتي اتجننتي تعالي لما اضربك
خليل: بس ياواد عيب تعمل في الضيفه كده
مؤمن: بابا لوسمحت ابعد لتتأذي
خليل: مش هبعد ونزل الجزمه دي مش شايفها واقفه تطبخ
مؤمن: وهي ليه رميه جزمتها كنت هتكعبل واقع ع وشي انام نومه اهل الكهف
خليل: انا قلت نزل الجزمه وامشي
كادي شاورت له: بايباي يله يا بابتي كل بالف هنا وشفا البيتزا بتاعتي
مؤمن رجع بصلها وقال: بيتزا ايه ده انا من شكلها عايز ارجع
كادي: بابا صدقني طعمها يجنن
مؤمن وخليل اكلوها ووشهم اتقفل وخليل شرب كوبايه ميه وقام يصلي العصر
كادي بصت لمؤمن : ايه وحشه ( اكلت) لاء دي حلوه اوي
مؤمن: عرفتي دلوقت انا عايش ازاي
كادي: وانا عارفه عنك كل حاجه وقلت لبابا خليل لا يمكن هسيبك
مؤمن: ياتري قولتيله انك واحده مجنونه طمنيني ابوكي عامل ايه
كادي: مع رجوع اختي هيبقي كويس هو كبر ومحتجلها
مؤمن: وليه كشرتي كده
كادي: عشان هي المديره الجميله الي كل الناس بصالها لكن مش قادره تكون مع حبيبها
مؤمن بصلها بهتمام: تقصدي ايه
كادي: قصدي ان اختي انفصلت عن اسامه حبيبها الي بابا كان ضد علاقتهم من ايام الجامعه
مؤمن: يعني سابه بعض
كادي: وللاسف اختي بعدت عنه غصب عنها لتاني مره هي كده دايما بتيجي ع نفسها
……………………………..قصص منه محمد كاتب……………….
في المكتب وصلت بسمله مبسوطه لما عرفت خالد بيصارع الضربه وداخله غرفتها شافتها قاعده
انغام قامت: اسفه جيت من غير معاد سابق
بسمله: واتمني تكوني جايبه حاجه تساعدني
انغام قعدت: قريت في المجلات شغلك ماشاء الله سمع والشغل في الفنادق بقي حلو ومستوي عالي وواضح ان خالد قرب يقع
بسمله: وانتي مبسوطه
انغام: بس لسه عايز ضربه تانيه
بسمله: ضربه تانيه
انغام: وانا مستعده اساعدك بأي طريقه
بسمله: انغام فضلتي تقولي هساعدك نوقع خالد وعندي وعندي وشكلك معندكيش اي حاجه
انغام :هكلمك بصراحه المره دي فشلت اوقعه واثيره رغم اوقات يبان اسهل راجل يقع في العالم بس احيانا بيكون زي الجبل لا يمكن ينهار
بسمله: وانتي مش هتقدري تكشفي خالد ابدا
انغام :بس احنا الاتنين نقدر نوقع خالد متفقه مع كلامي
بسمله: سمعت ان خالد بيمشي اموره بالرشوه ودي بيعملها هو بنفسه في السر سبق وشوفتيه بيعمل كده في البيت مع حد
انغام :خالد ده حويط لا بيتكلم في الشغل ولا بيجيب الشغل معاه البيت بس هو بيروح فيلا التجمع وبيعمل صفقاته واجتماعات مهمه مع الناس القريبين بس منه
بسمله بستغراب: فيلا التجمع
انغام: ايوه زينب عاشت فيها فتره هناك لما كانت جليسه لهادي بس ليكي عليا اعرف منه الموضوع واتقصي اكتر عنه
………………..قصص منه محمد كاتب……………
اسامه اخد العربيه ومشي وري عربيه خالد لحد ما وصل فيلا التجمع ودخل بأنغام
انغام دخلت وخلعت الجاكت: هي مديره البيت مش هنا
خالد فرك بين عينه : لاء عطتها اجازه
انغام: يعني احنا الاتنين بس الي هنا
خالد: هو انتي ليه طلبتي اجيبك الفيلا هنا
انغام : كدا عشان احس اني مميزه عندك زي زينب اكيد عشتوا ليالي رومانسيه هنا ع حسب مزاجك
خالد : هو انتي ليه فاهمه غلط مفيش حاجه حصلت بيني وبين زينب قبل ما نتجوز
انغام : بس اكيد كان فيه بينكم نظرات لبعض وده الي خلالك تتجنن عليها واتجوزتها بسرعه عشان تطولها
خالد: ممكن توقفي كلامك الفارغ
انغام قعدت جنبه وحسست عليه وهو مسك ايدها وقال : مش كل الامور بتحصل ع نفس طريقتك
انغام رفعت حاجب: الي هي
خالد : كلامي واضح بتحاولي تغريني وتخلي زينب تتعصب عليا وترجعي تتفرجي بس بقولهالك انا هحافظ ع جوازي مهما كان
انغام : وانت سألتني ليه جبتك هنا بصراحه نفسي اعمل معاك علاقه جنسيه الي ضاعت علينا في الفندق
خالد: عارف انك شاطره في ده لكن مش هيحصل فريحي نفسك يا انغام
…………………… منه محمد ………………………..
قدام المطعم
مدير البنك: خالد ده شخص مغرور جدا مش هيسمع
اسامه: هي المديره بسمله عارفه
مدير البنك : اكيد عندها علم خالد شخص ميهموش الي هيحصل للشركات التانيه انت استني الاوامر الي هتجيلنا من فوق فاهم المعني
اسامه : يعني اقف في النص
مدير البنك: بالظبط تعال ناكل لاني جعان
اسامه :اه يله
مدير البنك لمحه رفع ايده : خالد بشا انت بتاكل من غيري
خالد :ما انت بتتغدي متاخر
مدير البنك قرب: اللاجتماعات هتقتلنا اهلا يا مدام زينب
زينب حركت دماغها ورحبت باسامه وسلمت بهزه دماغها وهو بدالها بنفس السلام!
خالد: انت عارف صعب نظبط مواعدنا مع بعض اقعد كل معانا
مدير البنك :لا مش عايز ابقي عزول
خالد: متقولش كده ياراجل تعالوا كلوا معانا عندك اي مانع يا زينب
زينب: لا خالص
خالد: اتفضلوا
مدير البنك : اقعد يا اسامه
اسام قعد وزنب اتوترت لما خالد لمحها بتبصله
مدير البنك: يا اخي الواحد بيشتغل كتير مش بياكل كتير اه قوليلي يا مدام ياتري بتاخدي دروس في الطبخ
خالد بص لـ اسامه وقال يكيده : هي بتاخد درس تتعلم الاكل الايطالي وعندها مدرسه بتعلمها اليوجا ومدرسه لغه انجليزيه
مدير البنك بضحكه: ده هايل جدا يا مدام زينب
زينب بصت لـ اسامه: بحاول اتعلم كل حاجه واستمتع بالحياه
مدير البنك: بس معروف عن والدتك يا خالد عندها صرامه واكيد طلبت منكم تخلفوا اطفال هي خرافيه في المنطقه دي
زينب وشها اتغير واسامه شرب كوبايه ميه وخالد استاء جدا من اسلوبه المهين
مدير البنك تلفونه رن قام: عن اذنكم ارد
خالد لاسامه: كل الرؤساء معجبين بشغلك
اسامه : منا مش شاطر في تعامل الست لازم اتعلم منك
خالد بستفزاز: ليه لسه ليك مشاعر ناحيه بسمله . ما تسيب التربيزه لضيف تاني
اسامه : هو فيه واحد محترم يرجع ضيوفه
خالد: زينب حاولي تعرفيه ع ست لطيفه عندك في النادي يقابلها هناك
زينب: ممكن تقف لهنا ( قامت وقفت) ومش عايزه اكل هستناك في العربيه حصلني
خالد وقف وقاله بتهديد : اصبر عليا هتكون انت بعد بسمله
اسامه وقف قصاده: هستني بس انا صبري قليل جدا هجيلك الاول واوقعك ع وشك
خالد بغيظ: مجرد كلام رخيص كتر منه
اسامه: خالد زينب من حقها تكون سعيده في حياتها من فضلك حاول تعوضها بالسعاده الي خسرتها بسببي واعتبره معروف ملوش دعوه اطلاقا بمعركتنا
خالد: وانا مش مهتم انفذ معروفك انا هنفذه لانها مراتي وهرميك انت وبسمله في صفيحه الزباله
اسامه ابتسم ع جنب: وانا مستني الوقت وبقولك اياك تجرح زينب بأي طريقه
خالد زقه في صدره : وانت مالك ومالها بعد ما غرست ضوافرك في قلبها
اسامه: وانا بقولك متحاولش تعمل الي انا عملته
خالد: ليه افتقدت زينب لانك انفصلت عن حبيبتك
اسامه ضربه بالبوكس جامد : اعتبره رد ع كلامك وبسمله خط احمر والمعروف اعتبره تحذير
خالد طلع من المكان متعصب: زينب
زينب: ايه
خالد: هو انتي سبق وقابلتي اسامه لوحدك
زينب: محصلش ابدا وليه اصلا اقابله واعمل كده هو في ايه
خالد: نمشي
زينب: خالد فهمني في ايه
خالد :يله نمشي مفيش حاجه
…………………………………………………………
في الاقصر
اسامه مالك يا بسمله من ساعه ما وصلنا وانتي مسهمه
بسمله: كنت بكبر في عين نفسي اوي لما افتكر ان كان ممكن اضر حد زي ما ضرني ومقدرش اضره
اسامه : اظن عملتي كده غصب عنك
بسمله : بس سيبك كويس اننا اتقبلنا بقالنا اسبوع متقبلناش
اسامه : ياحبيبتي اتقابلنا ولا متقبلناش انتي في قلبي وبالي دايما
بسمله : عارف كانت فكره حلوه اقضي وقت وبجد مش عايزه ارجع القاهره ابدا
اسامه: كده هرجع لوحدي
بسمله: ارجع
اسامه :متاكده
بسمله لاء طبعا بهزر
اسامه: بس مالك شكلك مش مبسوط النهارده
بسمله : بالعكس انا النهارده بالذات مبسوطه اوي عشان بابا فرح لما سمع اني هزمت خالد واتغلبت عليه وهيبقي زي الحصان لفتره طويله
اسامه :عقبال لما قلبه يحن علينا بعد ما حرمنا من بعض 14 سنه
بسمله ضحكت: انت رجعتلك الذكريات وهتخلينا نقلب في الي فات
اسامه ضحكك معها : لاء بس عايزك تعرفي ان خالد راجل اعمال جامد ومستعد يعمل اي حاجه عشان يفوز
بسمله :والخطوه الجايه
اسامه :فيه قواعد للفوز وحدود للفشل
بسمله: ورغم مدير اعمالي بيشتغل معاه لكنه ساعدني ع قد ما يقدر وقال ان ضميره ميسمحش يتفرج ع كده وهو شايف ان الوضع بيزيد للاسوء
اسامه : خالد بينشر مادته السامه بس متخافيش هعمل كل الي اقدر عليه وهوقعه
بسمله: اسامه انا عايزه اسافر الامارات عشان اشوف الشجره الي قلت عليها شبهي
اسامه :بسمله احنا باي طريقه هنطلع من المشكله
بسمله بس انا عايزه اسافر
اسامه :هو فيه حاجه حصلت جديده مضايقاكي
بسمله توهت الموضوع وابتسمت وقالت :بيحصل كل يوم اجتماعات وتقارير وصفقات وانا مرهقه بسيط
اسامه :هو انتي بتاخدي علاجك بنتظام ولا مهمله
بسمله توهت: هو المفتاح الي اتكلمت عنه هيكشف الاعيب خالد
اسامه: ايوه
بسمله : تفتكر ممكن يكون في فيلا التجمع
اسامه :وعرفتي ازاي
بسمله: انغام قالت لي ان خالد مش بيشتغل في البيت ابدا وقالت بيعمل كل حاجه من تحت التربيزه هناك
اسامه : هو كل شغله شبهات بس مفيش الي يثبت عليه
بسمله بمكر: مفيش طريقه نكشف الاعيبه يمكن زينب تعرف
اسامه بصلها : انا وزينب اطلقنا وبحاول اكون مؤدب قبل ما ارفع ايدي واضربك بالقلم ع وشك
بسمله ضربت ع صدرها بشهقه: تضربني يا اسامه
اسامه: ايوه لان لو حتي زينب عارفه انا يستحيل اروح واسالها وبطلي لئم
بسمله دغدغدته في كتفه بمرح :خلاص متزعلش انا بس محبطه احضني يله
اسامه ابتسم ع اسلوبها الطفولي وضمها وقال: تعملي الغلط وترجعي تستخبي فيا
بسمله ضربته ع دهره: كتافك عريضه هتبلعني وبعدين انت الحضن الي مش بخاف منه اعمل الغلط واجري استخبي فيه
اسامه :وانتي النعمه الي بشكر ربنا عليها كل يوم انتي الي مهما اتكلمت عنها مفيش كلام هيوصفك لان بصراحه مفيش زيك بسمله انتي مش بس حبيبتي ده انتي مراتي وبنتي وصحبتي وحياتي وكل حاجه ليا في الدنيا دي
بسمله :وانت الروح الي اخترت احبها انت خلتني احب الحياه عشان انت موجود فيها
اسامه: وانا هحكي للناس عنك لان ربنا قال واما بنعمه ربك فحدث
استوب وتعالوا لما اسامه يدخل يجيب المفتاح هتبقي ليله
- يتبع الفصل التالي اضغط على ( رواية اللقاء الثاني) اسم الرواية