رواية مملكة احفاد الطوبجي الفصل الثالث و العشرون 23 - بقلم اميرة اسامه
في صباح يوم جديد صحيت صبا هي وزيد وبدأوا يجهزوا
خدت شاور وجهزت نفسها لبس زيد وجهز هو كمان نزلوا علي تحت الكل كان صحي و بيفطروا تحت عشان يروحوا علي شغلهم.
نزلوا مع بعض
زيد…..صباح الخير
الجميع….صباح النور
روح….تعالي يا حبيبي يلا افطر.
زيد….بهدوء لا انا مش جعان عايز بس قهوه ياروح
صبا….زيد يلا كل ملكش دعوه بيا انت عارف ان حتي لو مش صابمه مش هقدر اكل وانا متوتره.
راجح…..بإبتسامه خدتيها من علي لساني يا صبا اهي قالتلك اهي تعالي يلا افطر انا عارف انك مش عايز تفطر وهي صايمه.
روح….يلا يا حبيبي تعالي وهي بس تخرج بالسلامه والدكتور يقول تمام هنأكلها كل حاجه.
زيد….بإبتسامه معلش انا كمان والله مش عندي نفس ومش جعان اصلا عايز بس قهوه
مراد….بهدوء سيبوا براحته لما يطمن علي صبا يبقي ياكل
مريم….بحماس فين الشنط
نادر….بضحك مريم من امبارح محسساني انها طالعه رحله.
مريم….وانت مالك متغاظ ليه عشان هشوفهم قبلك.
نادر….لا والله بس مش عارف ايه الحماس اللي عندك ده.
مريم….امممم شايف يا زيد انت وصبا قصده انه مش متحمس يشوفهم
ابتسمت صبا وسكتت
زيد….بضحك ماهو واطي
نادر….لا والله انا هتجنن واشوفهم بتوقعيني في اخويا ومرات اخويا يا جعفر
مريم….بضحك اه انا بوتجاز فين الشنط بقي
زيد…..الشنط من امبارح في العربيه بره حطتهم قبل ما انام
مريم….مش ناسيه اي حاجه يا صباصيبو
صبا….بهدوء مش عارفه بس تقريبا انا واخده كل اللي روح وداده زينب قالولي عليه.
مراد…..بإبتسامه رفع حاجبه لصبا مالك يابت متاخده كده ليه بنات الطوبجي قلبهم مېت فوقي كده مالك.
صبا….بإبتسامه هاديه انا كويسه اهو يا مراد.
مراد…..بإبتسامه شقيه غمزلها لازم تبقي كويسه مش خالك مراد الطوبجي يعني لازم تكوني طاقه إيجابيه متحركه.
داوود…..بحسدك علي التواضع اللي انت فيه.
مراد…..الله مش بقول الحقيقه.
سالم….بابتسامه وبعدين المفروض تكوني مبسوطه ان البلونه دي هتخلصي منها بدل ما انتي تلاته في واحد كده.
ضحكت صبا اخيرا علي جملة سالم.
تقي….بإبتسامه خاېفه من ايه بس يا صباصيبو بذمتك مش مبسوطه انك هتشوفيهم اخيرا طب ده انا مستنياكي تولدي عشان عارفه اني هولد بعدك
مراد….بغمزه ايوه كده مرات مراد الطوبجي لازم قلبها يبقي جامد مش زي ناس
صبا….بضحك متفرحش اوي كده بكره لما معادها يقرب هتبقي عامله زي الفار المبلول
مراد…..الكلام ده مظبوط
تقي….بضحك لا مش مظبوط اكيد هكون خاېفه بس هكون إيجابيه اكتر وهبقي مبسوطه اني هشوف ابني
مراد….شايفه اتعلمي
راجح…..متقلقيش يا صبا هتقومي بالف خير يا حبيبتي وكلنا معاكي و جنبك مش عايزك تخافي ابدا
صبا…..ربنا يخليكم ليا ياخالو
راجح…..زيد الدكتور قالك صبا هتبات ولا هترجع.
زيد….مش عارف والله لسه يا باشا يعني علي حسب حالتها هي والولاد قال لو كل حاجه تمام هنرجع بليل باذن الله
راجح…..كل حاجه هتبقي تمام وهترجعوا.
جنه…..لا هيرجعوا ان شاء الله صباصيبو ارجعي عشان نطفي الشمع مع بعض
ياسين….ايه ده صحيح كل سنه وانتوا طيبين
الجميع….فضلوا يهنوهم ويقولولهم كل سنه وانتوا طيبين.
جنه….صباصيبو انسي خۏفك وركزي في العيد ميلاد هااا السنادي هنحتفل بيه اربعه بدل اتنين
جلال….وانا عليا التورته يا ستي .
صبا…..بأبتسامه حاضر يا جنه كل سنه وانتي طيبه يا قلبي وانت حضر التورته
جنه….وانتي طيبه يا صبا العمر كله ليكي انتي والقمر اللي جايين
صبا……يارب يا جنه.
جلال….بس كده تحلي واكبر تورته
زيد…..طب ايه يلا يا روح جاهزه.
روح….اه يا حبيبي انا جاهزه.
راجح…..جلال شوف العربيه جاهزه بره
زيد…..انت جاي يا باشا
راجح….ايه يا ولا دي عايزه كلام اكيد جاي طبعا
زيد….طيب خليك عشان تروح معاهم الشركه
راجح….وهي الشركه هتطير وبعدين اخواتك لزمتهم ايه اطمن علي صبا وبعدين اروح وارجعلكم بليل.
زيد….زي ما تحب يا حبيبي
مراد…..وانا شوبه و هجيلكم انا وداوود
زيد….خليكم انتوا طيب وبليل تعالوا
داوود ….مش عايزنا نطمن علي صبا ولا ايه
مراد….سيبك منه ده باينه كبر وخرف
زيد….بأبتسامه شكرا يا عم مراد الحق عليا مش عايز اتعب حد فيكم
مراد….تتعب مين يا عبيط انا لولا مش عايز نبقي عدد في المستشفي مكنتش سيبتكم وبعدين انا مش جاي اطمن عليك انا جاي اطمن علي بنت اختي
صبا….بحب ربنا ما يحرمني منكم ابدا
مراد….ولا منك يا ام العيال
داوود….ولا منك يا حبيبتي .
روح….يلا اما جاهزه.
مريم…..باي يا متغاظييييين
امير….بضحك احنا نقيم علي مريم الحد
فرح….بغيظ رخمه
فيروز….مامي طمنيني عليها عشان خاطري اول ما تدخل واول ما تخرج
زهره….اه ياروح بالله عليكي خليكي معانا عالموبايل كل شويه
روح….حاضر هطمنكم والله
راجح….يلا انتوا كمان علي شغلكم.
خرجوا كلهم وسلموا البنات علي صبا ودعولها وفضلوا يضحكوها
وبعدين خرجت ركبت و اتحركوا مع بعض كلهم الشباب علي الشركه و الباقي راح مع زيد وصبا علي المستشفي.
وصلوا المستشفي زيد خلص كل البيانات وطلع كانت صبا سبقته علي الغرفه بتاعتها هي ومريم وداده زينب وروح وراجح
دخل زيد علي الغرفه كانت صبا قاعده علي السرير بس لسه مجهزتش اول ما شافته ابتسمت بسعاده عشان لما طلعت لقت الغرفه بتاعتها من اول الباب لحد جوه معمول فيها ديكور بالبلالين جميل اوي
زيد……بإبتسامه ايه الاخبار
صبا…..ده ايه المفجأه الحلوه دي
زيد….ايه رأيك عجبتك
صبا….اوي شكلها جميل
زيد….المهم أنك مبسوطه والخۏف يكون راح شويه.
داده زينب…..ربنا يسعدكم يا ولاد و يخليكم لبعض وبعدين هي مش خاېفه ولا حاجه هي قويه صح.
صبا…..بإبتسامه صح
روح….تخاف واحنا كلنا جمبها ده المفروض هي اللي تطمنا صح ولا ايه.
صبا….بحب صح يا روح
روح…..إن شاء الله تدخلي و تخرجي علي طول انتي والقمر بتوعنا وعلي فكره افتكري كلامي ده كويس بمجرد ما تخرجي وتشوفيهم في حضنك هتنسي التعب طول فتره الحمل و هتنسي الخۏف و هتنسي كل حاجه اصلا
صبا…..يارب يا روح
روح…. المهم بقي انتوا لحد الوقت مقولتوش هتسموهم ايه مش معقول كده هفضل اقول القمر بتوعنا العسل بتوعنا ملهمش اسم العيال دي ولا ايه
بصت صبا لويد وضحكوا هما الاتنين.
مريم….وليه تقول وتريحنا ست الغامضه
زيد…لا يا شيخه علي اساس انك مكنتيش تعرفي الغموض يا جغفر ما انتي كنتي عارفه كل حاجه.
مريم….بضحك لا بس والله معرفش الاسامي بتاعت اي حد فيهم
زيد….طيب المرادي خليني انا اللي ابقي غامض ومش هقولكم
مريم….يا بااااي عليكم عموما عادي كلها شويه ونعرف اسمهم
راجح……المهم يجوا بالسلامه ونطمن علي صبا كده كده لو فضلتوا تختاروا في الأسامي في النهايه اسمهم مكتوب من قبل كا يجوا اصلا
مريم…..هي الجمله دي كنت ديما بسمعها بس بجد هي صح
راجح….طبعا صح كل واحد مننا مكتوب في كتابه هيتجوز ولا لأ هيكون ليه نسل ولا لأ ولو ليه نسل مكتوب هيكون ولاد ولا بنات هيبقوا صالحين ولا لأ
وحتي الاطفال اللي جايين للدنيا دول مكتوب فيه كل حاجه هتحصل معاهم بإختصار كل واحد فينا ليه كتاب قد كده عند ربنا مكتوب فيه تاريخ حياتك من قبل ما حياتك تبدأ اصلا
مريم….سبحان الله.
داده…..يجوا بألف خير يارب وربنا يجعل كتابهم كله عمل صالح ويبقوا بارين بأهاليهم
روح….اللهم امين
راجح….أمين يارب هو الباب ده بيتفتح يا زيد عايز اشرب سېجاره
زيد….اه بيتفتح
روح….ما كفايه سجاير يا راجح
ارحم نفسك شويه
راجح….بحب سېجاره واحده بس معلش
ابتسمت روح بهدوء وهزت راسها
فتح زيد الباب لراجح ودخل راجح يشرب سيجارته
زيد….راح قعد جنب صبا وبصلها
جعانه
صبا…..لا يا روحي انا تمام الحمد لله انت بس عشان خاطري ياريت تاكل حاجه
زيد….هستناكي تاكلي وناكل سوا
مريم…..احيه علي جوز العصافيررررر
بصلها زيد وصبا وضحكوا
زيد….يابت انتي مالك ومالنا حطانا في دماغك ليه عالصبح
مريم…..اصل انا مستحملش الجو ده
زيد….طب قوليلي لو نادر مقصر معاكي اكلمه
روح…..بضحكاه قوليلنا نشدلك ودنه
صبا….بضحك وهي دي مدياله فرصه اكيد هو غلبان ورومانسي وهي اللي مفتريه
مريم….بضحك ده انا كيوت بس انتوا عندكم الوضع مقدرش عليه
زيد….بضحك ايه اللي جاب البت الرخمه دي معانا ياروح
روح….دي سكر
مريم….قلبي والله انتي ياروح
زيد….سكر ايه بس دي قعدالنا كده زي العمل الرضي
مريم….بضحك لو عاجبك انا هفضل كده علي قلبكم ولا فاكرني اسيبكم بعد الحفله اللي عملتهالكم دي وخد بالك انا هشيلهم قبلك عشان نكون متفقين هتعمل فيها اب و ولادي ولادي هنزعل من بعض.
زيد….بضحك اشبعي بيهم يا جعفر اصلا هشوفهم قبلك جوه وبعدين انا اطمن علي صبا الاول وابقي اخدهم منك
مريم….اه قولتلي انا نسيت صحيح انك هتدخل مع صبا كان نفسي اضايقك وارخم عليك
زيد….بضحك مش بقولك يا روح رخمه تقولي سكر اهي معترفه برخامتها.
ضحكوا كلهم وسمعوا الباب بيخبط .
مسكت صبا ايد زيد بړعب فكرتهم جايين ياخدوها.
فتحت مريم الباب لمحت كاريمان ومنذر.
زيد….بهدوء اهدي اتفقنا علي ايه.
روح…..ايه ده اهلااااا تعالوا
زيد….تعالي يا صاحبي
كاريمان….القمر بتاعتنا لسه مدخلتش
روح…..وهي بتسلم عليها لا لسه قالوا شويه و يجوا ياخدوها.
كاريمان….ازيك يا داده
داده….تسلمي من كل شړ الحمد لله بخير
منذر….بحب مبروك يا صاحبي يقوموا بألف خير يارب وتطمن علي صبا
زيد….حبيب يا منذر
منذر….صباصيبو خلاص هتبقي مامي
صبا….بإبتسامه ادعيلي يا منذر
منذر…..هتقومي بالف خير بإذن الله مالك خاېفه كده ايه لا اجمدي كده ده انتي جايلك توأم هيخلوكي تقولي ڼار العمليه ولا جنتهم
زيد…..قولها يا منذر
صبا….بضحك ربنا يطمنك يا منذر
منذر…الله مش بصارحك ده انتي هتتنفخي انتي وزيد
مريم….ازيك يا كوكي
كاريمان….مريومه حبيبتي عامله ايه.
مريم…..بضحك عامله مصېبه وهربانه من ابنك عشان ميعلقنيش لقيته في وشي الوقت
منذر…..بضحك لا ما انا عارف يا جعفر شمس قالتلي انك هربانه من الشغل بس كله يهون عشان خاطر صبا
مريم….صراحه خۏفت اقولك اتعلق
منذر….بضحك فا قولتي تفاجئيني صح بس ربنا كشفك وقفشتك
مريم….بضحك اه والله اتقفشت
منذر….لا ياستي ولا يهمك انا كده كده هطمن علي صبا وهروح وانتي براءه انهارده خليكي مع صبا
مريم….تصدق بالله انت احلي مدير في الدنيا
زيد….متصدقش البت دي عشان بكاشه انا لو منك اخصملها شهر
مريم….بضحك شهر بحاله اعوذ بالله عليك ايش حال ان مكنتش جايه مع مراتك يا جدع
زيد….والنبي لو جايه معايا لازم تتعلقي
منذر….لا ياعم سماح المرادي ب عموما هتروح مني فين ترجع بس هي بكره و هخليها تعمل شغل انهارده وبكره
مريم….ما كنت ماشي كويس يا ساتر يارب سخنته عليا يا زيد.
زيد….بضحك اه و أرتحت عشان تبقي تتريقي تاني علي جوز العصافير
مريم…..بضحك انت قلبك أسود اوي يا جدع.
كاريمان…..بإبتسامه ايه يا صبا ساكته ليه كده.
صبا…..لا خالص بسمعكم
روح ….صبا مش عارفه ليه موهومه كده
كاريمان…..ليه بس هتبقي زي الفل دي عمليه زي اي عمليه وبعدين انتي مش هتولدي طبيعي امال احنا زمان كنا نعمل ايه ده انا كنت أولد وأحس بكل ۏجع الولاده واول ما أخرج وأشوف ابني جنبي أنسي ۏجع الولاده وافكر امته هجيب التاني واهو قدامك زي الفل
روح….اه والله حصل انتي عارفه اني بحب الاطفال زي عيني كنت اخد التسع شهور تعب غير تعب الولاده واول ما اشوف البيبي جنبي افكر في الجديد الۏجع بيتنسي والله والخۏف بيروح بمجرد ما تشوفيهم
كاريمان…..ايوه بس الوقت مبقاش في تعب زي الاول بتدخلي شويه تصحي وتلاقي ابنك جنبك العمليه بس اول يومين تلاته الچرح بتاعها بيبقي شادد عليكي وبعد كده خلاص
صبا…..ربنا يطمنكم يارب
كاريمان….مټخافيش يا قلبي سبيها لله واتبسطي كلها شويه. ولادك يبقوا في حضنك وحضن جوزك انتي بس استغفري أقرأي قرآن ضيعي وقتك في حاجه مفيده بدل الخۏف.
خرج راجح من البلكونه وهو مبتسم
راجح……بنات الطوبجي مبيخافوش وجامدين
منذر…..اهلا يا جدو انت هنا
راجح….بإبتسامه سلم عليه امال اسيب بنتي من غير ما اطمن عليها.
كاريمان…..ربنا يطمنك عليها يارب هي وباقي البنات
راجح….يارب يا كاريمان عقبال ما تفرحي بمنذر يارب ويجيبلك ولي العهد
كاريمان….ياااااارب اللهم امين
منذر…..بضحك اخيرا نطق طب انا راضي ذمتك ولي العهد هيجي أزاي مش اتجوز الاول.
زيد…..بضحك ابو الهول نطق
منذر….اعمل ايه طيب ما انا جبت اخري
راجح…..بضحكه جميله و جايب اخرك ليه يا اخويا هو حد ماسكك متتجوز
منذر…..ايه ده بجد طب ايه ما تقول حاجه
راجح….ضربه علي راسه بحب ياواد انا اللي هقول هو انا اللي مستعجل ولا انت اللي عايز حاجه يا اخويا بيتكلم مش بيعمل فيها ابو الهول علي رأي زيد
منذر…..وابو الهول نطق انا عايز اتجوز
راجح….حدد يا اخويا المعاد مستني ايه مش الڤيلا خلصت
منذر….خلصت خلاص من قبل ما نسافر انا والشباب وكان فاضل فيها حاجه بسيطه اتعملت خلاص
راجح….ولما هي خلصت ساكت ليه
منذر…..ما انا قولت يعني الباشا بتاعنا اللي بيحدد
راجح….هو انت ا متعرفوش تاخدوا قرار من غير الباشا بتاعكم يا ولا هو انا العريس ولا انت انا سايبك لحد ما تنطق ولا عايزني يا ولا اقولك يلا تعالي خد بنتي
منذر….بضحك لا والله انت عارف اني ھموت واخدها
راجح…..بضحك بص لكاريمان شوف الواد وقلة ادبه ناسي اني ابوها
زيد….بضحك اديله علي دماغه ساكتله ليه
منذر…..بضحك ياعم اسكت مش نقصاك
مريم….ما تسكت يا بوتجاز سيبه يتجوز هو الغلبانه اللي في البيت دي
منذر……تصدقي والله عندك حق بوتجاز فعلا ده لسه مسخنني عليكي و انا سخنت حبيبتي يا جعفر حقك عليا
مريم…..بضحك الحمد لله نسي الخصم
ضحكوا كلهم علي مريم ومنذر
منذر…..طب ايه قول كلمتك
راجح…..ياولا ما خلاص نطمن علي صبا وحدد المعاد اللي يناسبك انت وفيروز وانا جاهز
مريم…..الله يعني عندنا فرح
منذر…..لا مفيش فرح فيروز مش عايزه احنا هنكتفي بس بسهره حلوه مع بعض كلنا وخلاص
راجح…..اللي انتوا عايزينه اعملوا دي حياتكم و قراراتكم بس لو حابين تعملوا فرح انا معنديش اي مانع
منذر…..انا فرحتي بوجود
فيروز مش شرط فرح وادام هي مرتاحه كده انا مش عايز غير راحتها.
روح….ربنا يسعدكم ويتمملكم علي خير يا حبيبي
منذر….حبييه قلبي ياروح
راجح…..خلاص يبقي بعد سبوع ولاد صبا حددوا اي يوم يعجبكم الاسبوع اللي بعده علي طول
منذر….بفرحه هو ده
حضڼ راجح بحب
راجح….مبروك يا حبيبي ربنا يسعدكم
زيد…..هتتجوز يا واطي
منذر….بحب حضنه انتم السابقون يا صاحبي
زيد….مبروك يا حبيبي ربنا يسعدك انت وفيروز الكبيره وفيروز الصغيره
منذر….حبيبي يا زيد
صبا….مبروك يا منذر
منذر…..وشك حلو عليا يا صباصيبو انتي والعيال القمر اللي هشوفهم بعد شويه دول
صبا…..اي خدمه يا سي منذر روح يلا فرح فيروز
منذر….هفرحها بس نطمن عليكي الاول عشان فرحتنا تكمل
داده زينب…ربنا يفرحكم يا حبايبي مبروك يا حبيبي
منذر….الله يبارك فيكي يا احلي داده زينب
الباب خبط بصت صبا علي الباب وهي بتبرق پخوف لمحت اتنين من الممرضين ومعاهم الدكتور
قلبها فضل يدق وعلي ملامحها إبتسامه كلها خوف ووشها أبيض
فضل زيد ماسك في ايدها بقوه كانت متلجه.
الدكتور….صباح الخير
الجميع…..صباح النور
الدكتور….اسف عالتأخير
زيد….ولا يهمك يا دكتور
راجح….اخبارك يا دكتور.
الدكتور…راجح باشا منورنا بنفسه اخبار معاليك ايه
راجح….نحمد ربنا مش هوصيك علي صبا
الدكتور…..متقلقش في عيني وقت بسيط وهتبقي وسطكم هي والقمرات الصغيرين متقلقش عليها ايه البطله بتاعتنا مستعده تبقي مامي ولا نستني شويه
صبا….بإبتسامه بسيطه اتنهدت پخوف مستعده
الدكتور….احنا قولنا ايه الموضوع فيهم شويه اكون خيطت الچرح وتخرجي بيهم
صبا…..طيب خلاص مش خاېفه
الدكتور….ايوه كده عايزك بطله
صبا….حاضر
الدكتور….يلا انا هدخل اجهز واستناكم جوه
زيد….جايين وراك علي طول يا دكتور.
الدكتور……بعد اذنكم
الجميع….اتفضل.
بدا الممرضين يجهزوها دخلت غيرت في الحمام ولبست لبس العمليات وبعد كده خرجت ركبتلها الممرضه الكانولا في ايدها قاسولها الضغط واطمنوا عليها كان زيد كمان لبس اللبس اللي الممرضه ادتهوله
مريم…..بضحك يالهوي ده انت عايز صوره
زيد….بإبتسامه ايه رايك انفع دكتور.
منذر…..بضحك ايه البتاعه اللي علي راسك دي
زيد…بضحك مش عارف بص لصبا ورفع حاجبه
ابتسمت صبا بهدوء.
زيد….ايه رأيك شكلي حلو
صبا…..قمر
مريم….يالهوي عالكدب
زيد…..روح انا عايز اخرج الاقي البت دي مش هنا رخمه اوي.
روح….بإبتسامه حاضر هنحبسها في البلكونه.
الممرضه….يلا بينا
صبا من غير ولا كلمه هزت راسها
وبعدين بصت لزيد پخوف
زيد….يلا بينا
قربت منها روح ضمتها اوي عينها كانت مدمعه بس مش راضيه ټعيط قدامها عشان متزودش خۏفها اول ما ضمتها نزلت دموع صبا وكانها مستنيه اللحظه دي عشان ټعيط.
روح….بحب مټخافيش انا هفضل وقفالك عند باب العمليات وهستناكي هتبقي كويسه و هتخرجيلي بالف خير انتي والولاد اتفقنا
هزت صبا راسها وهي بتبتسم ودموعها نازله.
مسحت روح دموعها وباست ابدها بحب
روح….يلا يا حبيبتي استودعتك الله الذي لا تضيع ودائعه
قرب منها راجح باس راسها بحب
راجح…..تخرجي بالسلامه يا حبيبه خالك
كاريمان…..يلا يا حبييتي اتكلي علي الله تقومي. بالف خير يارب
مريم…..بتأثر صباصيبو هتبقي احلي مامي علي فكره
ابتسمت صبا من وسط دموعها وضمتها بحب
وهي بتضمها نزلت دموع مريم وهمستلها في ودنها.
مريم…..ادعيلي يا صبا ادعيلي ربنا هيستجيب منك
ضمتها صبا بحب و حست بۏجع مريم رغم ضحكها.
صبا….هدعيلك يا احلي واحن مريومه .
منذر…..خلي بالك منها يا صاحبي
زيد…..في عيني
منذر…..سلام يا صباصيبو اخرجي بسرعه
صبا….حاضر سلام ادعولي
داده زينب……ربنا معاكي يا حبيبتي
بمجرد ما خرجت هي وزيد قعدت روح علي حرف السرير واڼهارت من العياط
راجح…..روح في ايه اجمدي كده.
نزلت دموع مريم وراحت وقفت جنبها تطبطب عليها.
منذر…..ايه ده بقي قاعدين نهدي فيها ياروح تقومي ټعيطي كده.
روح….بدموع مړعوبه عليها وهي خۏفها قاتلني وحاسه بيها حتب زيد انا عارفه انه ھيموت بس بيحاول يضحك ويحسسها ان الدنيا تمام بس انا عارفه ان هو نفسه مش تمام.
كاريمان….ليه بس ماهي زي الفل وتمام متقلقيش عليها هتبقي زي الفل
منذر….بحب قرب من روح وضمھا اهدي بالله عليكي وادعيلها تخرج بالسلامه ولا انتي بقي بټعيطي عشان هتبقي جده
روح…بإبتسامه انا جده من 19 سنه يا رخم
منذر….بضحك اه نسيت جنه
راجح…..وعدي كمان نسيته
كاريمان….ربنا يحفظهم كلهم وانتي اهدي انا قولت عليكي جامده تقومي ټعيطي كده
روح…..ربنا يقومها بالسلامه يارب.
راجح…بحب ضم راسها لصدره ان شاء الله ربنا هيفرحنا بيها
روح….يارب مسحت دموعها وفتحت شنطتها طلعت منها مصحف وقعدت تقرأ فيه شويه
و كاريمان كمان طلعت مصحف قعدت تقرأ فيه.
قامت داده زينب اتوضت وخرجت قعدا علي الكرسي تصلي وتدعيلها.
راجح….كان باين انه ثابت لكن هو من جواه كان علي اعصابه وخاېف عليها جدا ومتوتر فضل يستغفر ويدعي في سره وبعد كده دخل البلكونه وفضل يشرب سجاير عشان يلهي نفسه في اي حاجه.
خرجت مريم وراحت وقفت عند باب غرفه العمليات سندت علي الحيطه وفضلت دموعها تنزل
خرج منذر هو كمان يشوفها راحت فين راح علي غرفه العمليات لقاها واقفه وبتعيط.
منذر…..بضحك ايه يا جعفر في ايه انا أسكت حد التاني يعيط يا جدعان انا متوتر خلقه والله
مريم….بضحك بردوا جعفر
منذر…..شكلي اتعودت علي الاسم ده منك لله يا نادر
مريم….بابتسامه صعبت عليا وحسيت انها مړعوبه بجد
منذر…..هتبقي كويسه إن شاء الله انا عارف انها خاېفه وحاسس بزيد كمان انتي عاره اني عيشت نفس التجربه دي مع فيروز.
ابتسمت مريم وبصتله
مريم…..ايوه صح عرفت انها ولدت في المصنع
منذر….لا مش ولدت في المصنع لحقتها وجبتها علي المستشفي بس هو موقف يرعب اصلا فا عشان كده حاسس بيه والله ومش عارف اعمله ايه
مريم….ربنا يفرحه ان شاء الله ويطمنه علي صبا والولاد.
منذر….يارب يا مريم اللهم امين وعقبالك يارب انتي ونادر ونفرح فيكي كلنا.
مريم…بابتسامه قصدك تفرح بيا
منذر…..بضحك لا افرح فيكي يا جعفر ونخلص القديم والجديد منك
مريم……بإبتسامه وۏجع بس احمل بس ومش مهم تفرح فيا او تفرح فيا
منذر…..هتحملي بامر الله يا مريم وهتبقي احلي مامي في الدنيا هي الحكايه مسأله وقت بس
مريم….يارب يا منذر
………………..
في داخل غرفة العمليات اول ما صبا شافت الاجهزه والمعدات خۏفها زاد وضربات قلبها زادت وقبضتها علي ايد زيد بقت اقوي
الدكتور…..يلا يا صبا اطلعي علي السرير واقعدي متناميش
طلعت صبا سندها زيد لحد ما قعدت الممرضه كشفت ضهرها عشان تاخد الحقنه
قرب منها دكتور التخدير
الدكتور….بإبتسامه هاديه بصي الوقت هناخد حقنه البنج هي شاكه بسيطه زي اي حقنه بس المهم تثبتي مينفعش نتحرك خالص عشان علي قد ما هي سهله علي قد ما الحركه فيها خطوره عليكي اتفقنا
صبا…..بإنهيار داخلي ابتسمت حاضر
الدكتور…..وانت يا بطل هتساعدنا معلش دخولك هنا لازم نستغله
زيد….بإبتسامه وانا جاهز قولي اعمل ايه.
الدكتور….هتقف قدامها تسند راسها علي صدرك وانتي امسكي فيه من غير اي حركه تمام مش عايزها تتحرك ودي مسؤوليتك
زيد….تمام
قلبه كان بيدق بطريقه فظيعه
حط ايده علي راس صبا من الخلف وقربها من صدره حطت صبا ايدها الاتنين علي صدره زي ما طلب منها الدكتور
ومسكها زيد من وسطها من الجانبين بقوه عشان يتحكم في حركتها.
الدكتور اللي هيولدها ابتسم عشان يضحكها شويه.
الدكتور…..اي خدمه يا صبا المفروض المهمه دي بتقوم بيها الممرضه بس انا قولت اعملك لحظه رومانسيه.
ابتسم زيد وباس راسها بحب
دكتور التخدير…..صبا انا جاهز جاهزه.
صبا……بړعب وصوت في رعشه جاهزه
زيد….بهمس اول ما شاف الدكتور قرب الحقنه من ضهرها صبا بحبك اوي
صبا….بهمس وانا ك….
زيد…ششششششش خلاص خلاص اوعي تتحركي
الدكتور…..بس كده خلصنا خلاص براڤو عليكي ثواني ومش هتحسي بأي حاجه.
رفعت صبا راسها وهي باصه لزيد ودموعها نازله.
صبا…..بهمس انا خاېفه
زيد….وانا معاكي يا قلب زيد مينفعش تخافي صح
هزت راسها وهي بتمثل القوه
مسح زيد دموعها وابتسم بهدوء.
قربت منها الممرضه ونيمتها وفردت ايدها ركبتلها جهاز في صباعها تتابع بيه نبضات القلب
الدكتور…..صبا ارفعي رجلك كده
حاولت ترفع رجلها لكن مكانتش عارفه.
صبا….مش بتترفع
الدكتور….بإبتسامه تمام اكيد طبعا مش عايزه تشوفي
صبا…..پخوف لا لا لا مش عايزه
الدكتور….والبطل بتاعنا
زيد ….بإبتسامه وانا كمان مش عايز لا
الدكتور…..تمام زي ما تحبوا.
عملت الممرضه حاجز يخفي عن صبا المنظر وقربت من زيد كرسي قعد عليه وهو ماسك ايد صبا و باصصلها بحب.
في اللحظه دي كان بدأ الدكتور العمليه لكن محبش زيد يقولها وبصلها وهو مبتسم و بيلعب في شعرها و كفه التاني في ايدها
زيد….بهمس غمزلها ايه القمر ده
أبتسمت صبا وهي دمعه منها بتجري و وقعت علي كتفها
زيد…..بنفس الهمس هنفضل نعيط كده كتير
صبا….بضحكه بسيطه من بين دموعها عايزني اعمل ايه طيب
زيد….اي حاجه حبي فيا شويه غنيلي اي جو رومانسي كده
صبا …بضحكه كلها خوف جو رومانسي هنا
زيد….والله الرومانسيه ملهاش دعوه بالمكان
صبا….طيب وصوت الاجهزه اللي يرعب ده
زيد…..بضحكه جميله أعتبريه موسيقي
صبا….طيب اوعدك لما الدكتور يبدأ والخۏف يمشي شويه وأتعود علي الوضع هقولك
ابتسم زيد وباس كف أيدها وبعدين بصلها
زيد….طيب يلا نفذي الوعد بسرعه قبل ما البهوات يشرفوا ويبدأوا زن ومعرفش أسمع كلمه حلوه.
بصتله صبا وهي مبرقه عينها
زيد….بضحك ايه مالك
صبا…..هو الدكتور بدأ
زيد….بضحك انتي لسه فاكره ده بدأ وشكله بيدور علي ولادك في البالونه بتاعتك
صبا….بجد يا زيد
زيد….اه والله من اول ما قولتلك ايه القمر ده بذمتك حاسه بحاجه
ابتسمت صبا بحب وهزت راسها بلأ سكتت شويه
فضلت تدعي من قلبها لكل البنات يقوموا بالسلامه وفضلت تدعي لمريم من قلبها انها تحمل وربنا يفرحها هي ونادر ..وبعد ما خلصت دعاء بصتله.
صبا….رفعت حاجبها أفهم من كده انك كنت بتقول كده عشان مركزش وانا مش قمر ولا حاجه
زيد…..بضحك لا بقولك ايه انسي الهرمونات دي بقي شويه انتي خلاص بتولدي يعني اول ما يخرجوا ترجعي لطبيعتك وإلا هعلقك
ضحكت صبا بحب
صبا…..بحبك اوي
ابتسم زيد وباس كفها بحب
زيد….وانا بمۏت فيكي يا قلب زيد.
في اللحظه دي سمعوا صوت عياط بيبي
هو وهي بصوا لبعض بسرعه وهما مبتسمين و باين علي عينهم الصدمه
ثواني وسمعوا صوت العياط بقي اتنين
فضل زيد باصص عليها مش راضي يبص علي الدكتور ومش حابب يشوف منظر صبا وهي لسه بطنها مفتوحه لانه كان مړعوپ عليها.
الدكتور…..الله الله ايه الحلاوه دي يا صبا.
ثواني واتنين من الممرضين راحوا حاطولها البنت علي صدرها و حطوا لزيد الولد علي ايده
في اللحظه دي صبا اڼهارت من العياط وهي مبتسمه دموعها مكانتش بتقف
اما زيد فا حاله كان نفس حالها لأول مره ميقدرش يتحكم في دموعه الموقف ليه رهبه غير عاديه فجأه وبدون مقدمات تضم في صدرك جزء منك ومن حب عمرك عينه كانت علي الولد وهو مش مصدق وايده التانيه ماسكه كف البنت كان حاسس ان قلبه هيقف من الفرحه.
الممرضين بدلوا الولاد بينهم
شال زيد البنت وهو عينه مش قادره تصدق الحلم الجميل اللي بيتحقق قدام عينه فضلت دموعه تنزل مسك كفها الصغير بصباعه وباسه بحب وهمسلها
زيد….نورتي دنيتي يا أحلي روح
خدوهم منهم الممرضين عشان دكتور الاطفال يطمن عليهم
بص زيد لصبا بفرحه وقرب جبهته علي جبهتها وهو مبتسم ودموعه ودموعها نازلين من الفرحه وبعدين رفع راسه وباسها بحب في جبهتها
صبا…..بدموع وهي مبتسمه حلوين اوي صح
زيد…..بإبتسامه جميله طالعين لأمهم
البنت كانت بټعيط بصوت عالي ومش راضيه تفصل والولد سكت
وكان اهدا منها.
الدكتور…..بضحك شوفت يا زيد باشا قولتلك البنت شقيه وباين عليها متمرده
زيد…..بابتسامه جميله لا دي تعمل اللي هي عيزاه سيبها تعبر عن نفسها.
الدكتور…..مقولناش حاجه بس بذمتك مش احنا الرجاله غلابه وبنسكت بسرعه
زيد….بضحك في دي عندك حق
الدكتور….بضحك البنات دراما كوين حتي وهما لسه خارجين للدنيا صح ولا لأ يا صبا
صبا…..لا حرام دي جميله خالص
الدكتور…..بإبتسامه هي من ناحيه جميله فا اكيد طالعه لبابي ومامي
زيد…..لا هما طالعين لمامي اكتر
الدكتور…..ربنا يفرحكم بيهم ويحفظهم والف مبروك يتربوا في عزكم
زيد….الله يبارك فيك يا دكتور
الدكتور….تفوقي كده بقي بسرعه عشان تقومي للمسؤوليه اللي مستنياكي يا مامي
صبا…..انا فوقت خلاص
الدكتور….بضحك الله والخۏف راح فين
صبا…..بإبتسامه وهي عينها عليهم وراها راح اول ما شوفتهم
الدكتور……ربنا يفرحك بيهم وتشوفيهم عريس وعروسه زي القمر
صبا….يارب.
الوقت كان بيعدي و زيد وصبا عينهم عليهم بعد ما الممرضين ادوهم شاور ولبسوهم كانوا مبسوطين اوي
الدكتور…..وبكده اقدر اقولك حمد الله علي يا أحلي مامي
صبا…..بإبتسامه الله يسلمك ميرسي بجد يا دكتور مش عارفه اقولك ايه تعبتك معايا طول فتره الحمل و تعبتك معايا كل ما كان الوقت يقرب بجد مش عارفه اقول ايه لحضرتك
الدكتور….متقوليش اي حاجه كفايه انك مبسوطه وبخير انتي والقمرات الصغنين وانا معملتش اي حاجه غير واجبي وخليني اقول انك كنتي مامي مطيعه وملتزمه من بدايه الحمل والحمد لله الحلوين بتوعنا وصلوا بالف خير وصحه واكيد مستنيكي تعمليها تاني كمل بضحك ولا خلاص حرمتي
صبا….لاااا خلاص حلوين اوي كده
زيد….بضحك متسمعش كلامها هنجيلك كتير
الدكتور…..بضحك ناوي علي كام
زيد…..بضحك انا عجبني حكايه التوينز فا لو قولنا كمان 3 مرات وقتها نبقي نقول حرمنا
الدكتور…..بضحك لا ده انت كده مش ناوي تقعد في البيت تاني
صبا….حرام عليك 8 مره واحده
الدكتور…..ناوي يعمل فريق يا ستي ايه اللي. مضايقك كمل بإبتسامه ربنا يبارك فيهم والف مبروك
زيد…الاه يبارك فيك يا دكتور بس طمني علي صبا
الدكتور…..ماهي زي الفل قدامك اهي ومعترضه علي الفريق كمان
زيد…..بضحك لا سيبك من اعتراضها نبقي نتكلم في الموضوع ده بعدين
الدكتور…..هي زي الفل والله ساعتين بالكتير ورجلها هتبدأ تفك وهنبدأ نتحرك شويه شويه اكيد هتحسي پألم ده طبيعي جدا لان الرحم لسه مش في وضعه الطبيعي بس اول ما تحسي پألم تعرفي الممرضه هي هتتعامل وبالنسبه للقمرات الحمد لله بخير واكيد الدكتور هيجي يطمنكم بنفسه كمان
زيد…..الحمد لله
صبا…دكتور انا مش عايزه
افضل هنا بليز
الدكتور…..وايه اللي هيخليكي هنا بس احنا مش عايزينك روحي بيتك
صبا….بسعاده يعني ممكن اروح
الدكتور….اكيد بس يعني هتفضلي كام ساعه حلوين معانا عشان نطمن انك بخير اكتر يعني ممكن تروحي علي الساعه 8
زيد…مش مهم لو افضل ليها تفضل نخليها
الدكتور…..انا كده كده عندي كذا حالة ولاده هخلصهم وكل شويه كده هاجي اطمن عليها وبأذن الله اشوفها قبل ما تطلع كمان عشان اديك العلاج اللي هتاخده من البيت واعرفك المعاد اللي اشوفك فيه فالعياده.
صبا….إن شاء الله
زيد…تعبناك معانا يا دكتور مش عارف اقولك ايه
الدكتور…..تعبك راحه انا معملتش غير شغلي ومبروك ليك يا بطل علي احلي توينز يتربوا في عزكم إن شاء الله
زيد….بإبتسامه تسلم يا دكتور الله يبارك فيك.
دقايق عدت ونقلوا صبا علي الترولي اللي هينقلها للأوضه
وحطوا الممرضين الولاد كل واحد فيهم في سرير صغير ليه عجل شكله جميل وأخيرا خرجوا من غرفه العمليات
كلهم كانوا واقفين بره ورباب كمان كانت موجوده معاهم وصلت من شويه.
اول ما الباب اتفتح ولمحوا ابتسامه زيد الكل ابتسم وحسوا بالراحه.
روح…..صباااا حبيبه قلبي
مريم…..حمد الله علي السلامه يا صباصيبوووووو
الممرضين انحركوا بالترولي ناحيه الغرفه وروح ماسكه في ايدها وبتجري وراهم هي ومريم
راجح….بإبتسامه وقف وبص لزيد
ابتسم زيد بحب وبصله.
زيد…..مبروك يا جدو
ضحك راح وهي عينه مدمعه وشد زيد ليه وفضل يطبطب علي ضهره پعنف وحب وسعاده.
راجح….مبروك ما جالك يا ابن الطوبجي قلبي فرحان و بيرقص عشانك
طبطب زيد علي ضهره بحب
زيد……ربنا ما يحرمنا منك يا حبيبي سحب نفسه من بين ايد راجح ومسك كفه باسه
طبطب راجح عليه بحب ودموعه نزلت رفع زيد راسه ولمح دموعه
ابتسم بحب ومسح دموع راجح ورجع تاني ضمھ وباس كتفه
منذر….لا بقول ايه انا عايز ابارك انا كمان
راجح….بابتسامه بارك يا سيدي
وانا هروح اشوف صبا
بص زيد لمنذر وضحك ضحكه هاديه و رفع كتفه بمعني مفيش كلام اقوله
منذر بصله وضحك و معرفش يقول اي حاجه هو كمان وبسرعه قرب منه خطوه ردها زيد بسرعه
وضموا بعض بحب باس منذر كتف زيد وهو دموعه نازله
وبعدين بعد وباس راسه بحب
منذر…..مبروك يا اخويا
زيد…..بتأثر وعينه كلها دموع فرحتي هتكمل اكتر لما اشوف ولادك انت وفيروز يا حبيبي
منذر…..هتفرح إن شاء الله يا حبيبي انا فرحان عشانك اوي يا زيد
زيد…..بإبتسامه عارف يا منذر
منذر…..أبتسم وهو دموعه نازله وبص لزيد امبارح كنت بتكلم مع كاريمان وبقولها ادفع نص عمري واشوف زيد وهو في اوضه العمليات لحظه ما يسمع صوت ولاده هيبقي عامل ازاي بس بمجرد ما سمعت صوتهم وهما بيعيطوا كنت شايفك يا صاحبي من غير ما اكون معاك كنت حاسس انك بتحلم صح.
ابتسم زيد ونزلت منه دمعه وبسرعه مسك منذر من كتفه وضمھ بحب
زيد……صح يا صاحبي ومصدق انك كنت حاسس بيا زي ما بحس بيك
بعد منذر عنه وهو بيضحك وبيمسح دموعه
منذر….هما فين العيال صحيح راحوا فين اوعي يكون اتخطفوا.
زيد….بضحك لا متخطفوش هيجوا ورانا حالا
منذر…..حلوين طالعين ليا صح
زيد…..بضحك لا انت احلي
منذر….بضحك احيه لا متقولش
زيد….بضحك بتعترف يعني انك وحش طيب اروح اقول لفيروز بقي تغير رأيها
منذر…..مالك بقيت بوتجاز زي اخواتك كده ليه يا جدع المهم مبروك يا غالي ربنا يفرحنا بيهم ونشوفهم احلي عريس وعروسه حبايب خالهم
زيد….حبيبي يا صاحبي
منذر….يلا تعالي شوف صبا
زيد…..يلا بينا.
راحوا مع بعض علي الغرفه كان الممرضين حطوها علي السرير بتاعها وخلصوا
اول ما فتح الاوضه ولمحته روح بصتله بنظره عشق وهي عينها بتلمع بالدموع وقربت منه مسكت وشه بايدها
روح…..مبروك يا ابن قلبي
زيد….بحب مسك كفها باسه بحب الله يبارك فيكي يا احلي روح في الدنيا ضمھا لصدره بحنان و طبطب علي ضهرها
روح…..حمد الله علي سلامة صبا والولاد انا قلبي طاير من الفرحه
زيد…..ربنا ما يحرمنا منك يا احن روح في الدنيا
كاريمان……مبروك يا زيد يا حبيبي .
ابتسم زيد وضمھا الله يبارك فيكي يا كوكي.
كاريمان….يتربوا في عزكم يارب
زيد…اللهم امين
داده زينب…..مبروك ما جالك انت وصبا يا حبيبي
زيد…..بحب باس راسها الله يبارك فيكي يا داده زينب تسلملي يا حبيبتي
مريم…..بإبتسامه شقيه اهو بعد الفرحه اللي انا فيها دي عشانك انت وصبا هخليك تقولي جعفر براحتك
ضحك زيد عليها وضمھا
مريم….مبروك يا زيد
زيد….عقبالك يا احلي مريومه لما اشوفك انتي والواد نادر متمرطين
مريم….بضحك ايه ده الحقوا ده قال مريومه
زيد …انا من اول ماعرفتك بقولك مريومه نادر اللي طلعها عليكي مليش دعوه.
مريم…..بحب ياعم خلاص مقبوله منك اي حاجه
رباب……الف مبروك ويتربوا في عزك وعز جدهم يا حبيبي
زيد…..بإبتسامه يا رووووبي
ضمته رباب وباركتله
رباب……حبيبي حمد الله علي سلامة القمر بتاعنا وسلامه القمرات اللي نوروا الدنيا
زيد….الله يسلمك يا حبيبتي عقبال هشام يارب
رباب….اللهم امين
ثواني والممرضه خبطت ودخلت بالولاد هي وزميلتها.
مريم جريت عليهم هي وزيد وروح
مريم…..ياروووووووحي علي الجمال ماشاء الله حلوين اويييييي
منذر….بضحك ايه ده دول صغنين خالص فضل يضحك ويبص لزيد ايه ياعم ده ايه السكر ده
روح…..بدموع ياروح قلبي عليهم تعالي شوف يا راجح
راجح….بسم الله ماشاء الله ااااااه حبايب جدكم اللهم بارك ربنا يحفظهم بحفظه.
رباب…..ايه الحجم ده يا صبا دول صغنين خالص
صبا….بإبتسامه جبتلكم لعبه صغنونه
رباب….دي احلي لعبه والله
كاريمان…..بكره يكبروا متقلقيش وهيبقوا قمر
مريم….الله بجد حلوين اوووووي
منذر….بضحك تيجي ناخدهم ونجري
مريم…..بضحك اه يلا بجد
صبا…..بضحكه إرهاق اه يا جزمه شوفتيهم خلاص هتبعيني
مريم….هما معاكي بقي يا صبا كفايه عليكي كده
زيد….بضحك شايفه بياعه
مريم….انت تاني
داده زينب…..يلا يا زيد يا ابني أذنلهم انت والباشا
مسك زيد البنت ومسك راجح الولد أذنوا ليهم في ودنهم
ثواني والباب اتفتح
- يتبع الفصل التالي اضغط على (مملكة احفاد الطوبجي) اسم الرواية