رواية اللقاء الثاني الفصل الرابع و العشرون 24 - بقلم منة محمد
(((بحبك بكل الحنان اللي فيكي واحبك بكل الجنون اللي فيا)))
الساعه 12 بعد نص الليل حلمت بزينب بتاخد منها اسامه وهو بيمشي معاها قامت مفزوعه ولبست جاكت طويل واخدت عربيتها وطلعت ع بيته
اسامه فتح وشافها اتخض: في ايه يا بسمله
بسمله اترمت في حضنه وكلبشت فيه: احضني اوي يا اسامه انا بجد خايفه ومبقتش قادره انام
اسامه ضمها بقوه جوه حضنه : اهدي هتنامي في حضني تعالي
بسمله دخلت خلعت الجاكت وقعدت ع الكنبه وهو قعد جنبها
اسامه: فيه ايه مالك يا حبيبتي
بسمله بصتله وقالت: خايفه اسالك تزهق وتمل من نفس السؤال
اسامه نظره عتاب: وانا لا يمكن امل ولا ازهق منك اتفضلي اسالي اسالتك الي اصعب من اساله الوزاره
بسمله عيونها لمعت بدموع: حاسه انك بتروح بعيد عني
اسامه مسك ايدها بين ايديه: جايز انا بعيد عنك ومش عارف اشوفك وقت ما اعوز ولا المسك ولا اقدر اضمك بس انا بحبك اكتر من كل الي بيشوفوكي عن قرب وحاسس حتي لو كان فاصلنا مسافه كبيره عارف ايه الي قلقك ومجافي النور من عينك
بسمله :عارف
اسامه : بسمله انا عارفك اكتر ما بتعرفي نفسك وبقولك اطمني برغم كل البعد الي بينا
بسمله: بس انا بقيت محتجالك لاني بقيت خايفه
اسامه ضمها لصدره: وانا هنا وجنبك ولا يمكن ابدا اتخلي عنك لاني زيك محتاجلك ومتخافيش ماهو مش معقول يا حبيبتي بعد كل الطريق الي مشينا فيه سوي نرجع اغراب
بسمله دخلت اوي في حضنه: احتويني يا اسامه محتجالك من غيرك قلبي بيوجعني
اسامه باس دماغها: وانا هحتويكي وهتمسك بيكي مهما حصل وهشيلك بين عنيا لـ اخر نفس باخده ومش هسيبك ابدا( ضحك) الا اني اقوم اعملك حاجه دافيه تشربيها ممكن اسيبك لحظه
بسمله ابتسمت: كفايه هتبقي قدامي وحاسه اني احسن دلوقت اصل انت متعرفش الطمأنينيه الي بيخلقها وجودك وانت جنبي وقدامي
اسامه باس جبينها بعشق وقالها : وانا بعشقك يا عافيه قلبي وابتسامه ايامي هروح اعملك كوبايه نسكافيه سخنه تشربيها
بسمله قامت تلف في الشقه لحد ما لمحت دبله محطوطه ع السماعه راحت اخدتها لقتها لزينب وشها وملامحها اتغيرت ولبست الجاكت
اسامه بصلها: الله رايحه فين
بسمله: ماشيه
اسامه : خليكي بايته معايا الليله
بسمله :لاء واسفه واضح اني ازعجتك بالليل لما جيتلك متأخره
اسامه بيمد وراها: حصل ايه يا بسمله مره واحده اتغيرتي
بسمله: محصلش حاجه عن اذنك محتاجه اروح
اسامه بيمد وراها: بسمله استني هي مالها
…………………………………………………..
يوم جديد الاموال العامه اقتحموا الشركه عند بسمله وفتشوا كل الملفات واسامه عرف طلع بسرعه ع الشركه
ابراهيم قابله: اسامه اهلا وسهلا
اسامه وهو بيجري: مش وقت سلام
موظف بستغراب: هو ماله
ابراهيم: اكيد عرف عن حمله التفتيش
اما اسامه دخل وفتح عليها الباب وهو ثاير: كدا برضو متقوليش
بسمله مكشره: اسامه مينفعش تكون هنا
اسامه بنفس الغضب: كنتي عارفه بخصوص التحقيق صح
بسمله بهدوء: اظن انا وانت انفصلنا وجودك هنا هيحطني في وضع غريب انك جاي لحد هنا وبالشكل ده من فضلك امشي دلوقت ونتكلم وافهمك بعدين
اسامه: ايه الي بيدور في دماغك انا عايز افهم
بسمله: انا مفيش حاجه في دماغي ومش خايفه ابدا من التحقيق مستعده ادفع الغرامه بس الي بقيت خايفه حقيقي منه هو انت مين فينا الي عايز تحميه ياتري انا ولا زينب
اسامه بدهشه : انتي بتقولي ايه , ايه السؤال السفيه ده
بسمله: ده مش سفيه انا شوفت دبلتها في شقتك امبارح وانا فاكره كويس انك في مره قلت لي انها رجعتلك الدبله ليه مرمتهاش ليه محتفظ بيها عندك وكانك لسه محتفظ بشويه مشاعر و
اسامه قاطعها :وانا مش من النوعيه دي كل الحكايه مرضتش ارميها في الزباله في الشارع لمجرد انها مبقتش تعني لي اي حاجه
بسمله بشك وغيره : بجد عايز ترميها بعيد
اسامه :وانا معنديش غير جواب واحد لكل اسالتك الانسانه الوحيده الي عايز احميها انتي بسمله رؤف
بسمله ابتسمتله:وانا هصدق الي قلته
اسامه مسك ايدها برجاء: لو سمحتي ثقي فيا وصدقيني
بسمله: يله نقدر تمشي عندي اجتماع كمان دقايق
اسامه :متحطيش في بالك هتعدي خليكي قويه متبقيش ضعيفه وشفقه في عين اي حد
اسامه خرج من مكتب بسمله وراح لـ ابراهيم العصبي: شايف الاسهم في نزول مستمر ده غير الغرامه الغير معقوله الي هندفعها
اسامه : اهدء انت مساعد المديره لازم تبقي هادي دايما
ابراهيم: ازاي افضل هادي وانا من ساعه ما اشتغلت في الشركه هنا عمرنا ما واجهنا ابدا تحقيق تعسفي بالشكل ده دول اخده كل حاجه وده كله بتخطيط ناس عندهم سلطه كبيره عشان يعملوا عمل زي كده
…………………………………………………..
في الشركه في المكتب
خالد بصله: ها قولي يا مؤمن تحب تشتغل ايه وانا معاك رغم سمعت انك شاطر في الكمبيوتر تحب تشتغل معانا
مؤمن هز دماغه برفض قطعي: لاء
خالد: ليه ارجوك اشتغل هنا
مؤمن : انا مش عايز ابقي مديون لـحد باي حاجه انا بحب اعيش حر وع مزاجي
خالد بغيظ مداري :انت طبق الاصل شبه اختك واضح ان دي جينات في العيله احنا نسايب دلوقت مفيش ديون او تدفع الي عليك وبعدين عارف انك بتقبض باليوميه وبتصرفها في نفس اليوم
مؤمن :وانا مش بقبض باليوميه انا ليا مرتب كل اول شهر وعجبني شغلي في المكان الي انا فيه وسيبك مني واهتم باختي
خالد :مفيش داعي ابدا تقلق بخصوص اختك هي كويسه جدا
مؤمن :زينب حزنها مش بتظهره حتي لما تكون حزينه ومضايقه وبقولك اختي ميهماش ابدا الفلوس وممكن من غيرها تعيش مبسوطه عادي اهم حاجه عندها التقدير والاحترام اصل احنا اتولدنا مش اغنياء فخد بالك اي كلمه صغيره بالنسبه لك كبيره بالنسبه لنا
خالد :مؤمن متكرهنيش لاني اتولد غني الاغنياء هتلاقيهم مساكين كمان لما تتعرف عليهم عن قرب
مؤمن قام من مكانه: عن اذنك ورايا مشوار مهم
خالد: تمام خلينا نشوفك
مؤمن سلم عليه ونزل لمحها داخله استخبي وهي ركبت الاسانسير وفتحت باب مكتبه ودخلت بعد ما سمحلها تدخل وبصتله
خالد: اهلا يا كادي تشربي ايه
كادي: ولا حاجه هو ده بصحيح لما بيحصلك تحقيق بيهاجمك صداع مخيف ولازم تدفع غرامه ضخمه للحكومه انت حصلك ده
خالد ضحك: ده وارد يحصل في عالم رجال الاعمال اسمعيني يا كادي
كادي: انت دخلت اختي حرب قاسيه ليه عملت كده
خالد: لان اختك عايزه كده
كادي :خالد انت لازم تصلح الي عملته حالا تتصل بالي ليهم سلطه وتوقف المهزله دي وتقولهم انك حليت مشاكلك مع بسمله وبلاش تستمر في عمايلك اعمل حساب للعيش والملح والقرابه الي بينا دول واجب عليك وانا جتلك عشان تتصالح مع اختي ارجوك
خالد: كادي انا واختك لايمكن نتصالح وبلغيها تيجي بنفسها لحد هنا لو عايزه تتصالح معايا
كادي قامت : هي متعرفش حتي اني جيالك لحد هنا اظن عارف انت ملكش معزه عندها
خالد بغيظ: يعني هي الي ليها اي معزه عندي بس انتي غيرها عندي ياكادي
كادي بعصبيه : انا بجد قرفانه منك انا مكنتش اعرف انك بالقسوه دي انت ربنا هيلعنك انك بكيت اختي وهينتقم منك وهتبكي اضعاف زي ماهي بكت
خالد بغرور:كادي انا خالد المندور مستحيل ابكي في زاويا ولا يمكن حد يقدر يعاقبني حتي بسمله وقعت في ايد ما لايرحم
كادي ضربته بالشنطه بغيظ وزقته وفتحت الباب وجريت نزلت لتحت
مؤمن: كنتي فين ومخبيه عني ايه
كادي : انت الي مخبي عني ايه
مؤمن: خبيت عنك ايه
كادي :انك مدرس كمبيوتر بس طول الليل بتتسرمح وبالنهار بتتحول لمدرس
مؤمن: انتي بتكلمي عن ايه
كادي بصتله بغيظ: نفسي اضرب واحد علقه موت بس معنديش القوه مفيش بطل خارق يعمل ده عشاني
مؤمن ضحك: انتي اكلتي
كادي بسعاده: هتاخدني تعزمني ع اكله لذيذه
مؤمن سحبها من ايدها: ايوه تعالي يله
…………………………………………………….
في المول ماشيه مع موظف بيتكلموا لقتها مقربه عليها
انغام بأبتسامه: اهلا يا مدام انتي جايه تتسوقي من عندي
زينب: لا معايا حاجه جايه ارجعهالك
انغام :ايه هي
زينب ضربتها بالقلم وقالت :انا مراه صاحب الشركه الي فتحتلك المول ده
انغام حاطه ايدها ع خدها بصدمه :انتي عملتي ايه
زينب: برجعلك القلم وكمان التوكه( رمتها ع الارض) الي كانت في فيلا التجمع تقدري توطي تاخديها ,مراته لسه عايشه وجميله وتقدر تسعده استمعتي بحياتك بما انك دلوقت عازبه تاني
انغام اتكت ع اسنانها: انتي هتندمي ع الي عملتيه معايا دلوقت
زينب بهدوء: اندم اتعودت ع كده وده ولا يحسب اه بصحيح شكرا ع السلسله حبيتها بس دي مش ناويه بصراحه ارجعهالك
انغام بحقد: مفيش مشكله خديها اشبعي بيها بس هاخد الي اغلي منه
زينب : هنشوف هتاخدي ازاي مني حاجه تخصني يا انغام
………………………….قصص منه محمد كاتب………………………
في مكتب خالد دخلت بعد ما السكرتير اذن لها
بسمله من غير سلام : اكيد مشغول جدا
خالد حط الموبيل وبصلها: لاء عادي اتفضلي
بسمله قعدت : بس انا خليتك تفصل المكالمه
خالد :مجرد مكالمه عادي مطخنهاش
بسمله: وانا لازم اعترف بتاثيرك المدهش ع الناس
خالد: واو مدحك فيا مغري جدا اه قوليلي ازاي اقدر اساعدك انتي تأمريني يا زميلتي
بسمله: عايزك تتفاوضي في الغرامه
خالد ابتسم بخبث: بس ده خارج عن سيطرتي الموضوع يخص وزاره الماليه
بسمله بنفعال :وانا مش جايه عشان اهزر معاك كل الي عليك تعمل شويه اتصالات وخليهم يخففوا الغرامه
خالد :لو قلت لك ده ممكن ايه الي هاخده في المقابل
بسمله :قولي عايز ايه
خالد بنتهازيه لوضعها قال: اخد الارض الي هتبني عليها المنتجع وهدفعلك نص الثمن الي اشترتيها بيه
بسمله: بتهزر ولا انت في منتهي البجاحه
خالد: او ممكن حاجه تانيه تسحبي التعاقدات الي عملتيها للفندق لحمله الاكل الايطالي الي هتوزعيه ع المطاعم الكبيره
بسمله :واضح انك عايزيني اتحمل الغرامه
خالد : هو انتي مبتفكريش الا في الغرامه وبس فكري في سعر اسهمك الي نزلت لتحت ومشاريعك المستقبليه الي هتنهار لو حطيتي ده في الاعتبار عرضي مش هيكون بالسوء ده عليكي
بسمله :انا عارفه انك بتعاني من عقده نقص قدامي من وقت طويل فات لكن اياك تفكر تبتزني مش دي الطريقه السليمه للتعامل في حل المشكله انت بتلعب مع واحده مش سهله
خالد : ابوكي حط كل الي حيلته في شركته متخليش كل ده يتحول لرماد بسبب كبريائك وعنادك يا بسمله
بسمله :بابا هينبسط اوي لما اسمعه العبارات دي ع لسانك وهحكيله كل حاجه
خالد: بس اوعي تنسي حاجه ياروحي
بسمله بصتله بحتقار وقامت ع بره قابلت زينب داخله وقفت مكانها
زينب قريت: شوفت الاخبار زعلت اوي ع السقوط
بسمله بهدوء: لاء ده امر عادي جدا لما تكوني سيده اعمال ناجحه وليكي اعداء
زينب: اسامه كان يقدر يساعدك لو كان جنبك في فتره انتكاستك معلش استحملي كمان شويه ولا مش قادره تتحملي بعده عنك لاء انا قلت هتبقي مختلفه عني
بسمله : اسامه معندهوش الي يساعدني بيه والمفروض انا الي اتعامل بنفسي
زينب بسخريه لاذعه: وانا متمناش امثل حتي دورك انتي ست قويه
بسمله :مش هتدخلي لجوزك انا خلصت
زينب : خدي بالك من صحتك الفتره دي هتبقي صعبه جدا عليكي الله يكون في العون
…………………………………………………..
خالد بتعجب لما لقاها داخله: زينب ايه الي جابك لحد هنا في حاجه حصلت
زينب قعدت وهي سرحانه في انغام اسامه وبسمله وخيانته
خالد حرك ايده قدام عينها :زينب بكلمك
زينب انتبهت وبصتله: اظن قلت لك قبل كده مش عايزه جوازتي تفشل لتاني مره
خالد: تقصدي ايه
زينب: قابلت انغام وعرفتها انك انت الي قلتلي انك روحت معاها فيلا التجمع ومفيش مفاجات
خالد: وهي قالت لك ايه
زينب: مش كتير قلت لها حبيبت السلسله الي جاتلك رشوه وقولتلها مش هقدر ارجعهالها
خالد :كنتي عارفه
زينب :عارفه كل حاجه بس انا مش بهتم بالي بتعمله مع الستات الرخيصه لما تكون متراقب وتحت نظري انا طالبه منك حاجه واحده لو سمحت متخلنيش اعرف انك بتقابلهم انا كمان بني ادمه غير كده مراتك
خالد بنرفزه: انا هتجنن منك والله العظيم
زينب نبره عاليه مصحوبه بتحذر :خالد
خالد اخد نفس وقال :تمام انا اسف انتي ماكلتيش تحبي تاكلي ايه
………………….قصص منه محمد كاتب…………………….
انغام: انت
اسامه: انا عارف انك مشغوله بس انا مش هعطلك ومش هاخد من وقتك غير عشر دقايق ممكن
انغام: اه اتفضل اقعد تحت تشرب ايه
اسامه: ولا اي حاجه سمعت ان مولك محقق نجاح وانك سيده اعمال شاطره
انغام: بصراحه المكان له اسمه وزبونه وهو الي عملي النجاح بس ايه المناسبه انك جيلي اصل انا مش ناويه اخد قرض من البنك
اسامه :عايز اوقع خالد وطالب مساعدتك
انغام: انا طليقته والمول ملك لخالد مفيش سبب يخليني اساعدك
اسامه : بس الي اعرفه انه اجبرك ع الطلاق واخد بناتك وانتي كنتي عايزه تكملي حياتك مع خالد عشانهم
انغام بأعجاب: تعرف انت قد ايه راجل وفي عايز تنتقم للي عمله لما اخد منك مراتك القديمه
اسامه :الموضوع يخص بسمله وبالي عمله معاها بقي ليا طار بايت مع خالد وطالما بقي بالبجاحه دي هحط عليه واخرج بسمله من المطب ده
انغام : والمطلوب
اسامه: تعرفي حاجه عن فيلا التجمع لان انا عندي يقين كامل ان الاوراق المتعلقه بالرشاوي السريه مخبيها هناك ممكن تقوليلي عن الاوضاع عامله ازاي هناك وطريقه اقدر ادخل بيها الفيلا لازم القي الملفات دي قبل ما يلاحظ خالد
انغام: بس ده صعب اوي كنت اتمني اقدر اساعدك بس انا معرفش اي حاجه عن الملفات دي هو انت متاكد انها هناك
اسامه :ايوه
انغام: بس الامر ده خطر جدا
اسامه :وهو يستحق المخاطره لحد ما احط ايدي ع الملقات وعندي خطه طالب منك بس تنفذيها
……………………………………………………….
في فيلا عائله خالد
فوقيه : يابنتي اي اتنين محتاجين يبقي فيه بينهم اطفال دول ببربطوا اكتر العلاقه ويبقوا سندك لما تعجزي وتكبري
زينب :وانا قلت لك قبل كده اني مش بخلف
فوقيه : قلتي كده عشان كنتي فقيره اما دلوقت تقدري تعملي عمليه طفل انابيب وطريقه ناجحه تخلفي اطفال انتي لسه شابه صغيره لازم تحاولي والفلوس مش مهم جربي اي حاجه ممكن وانا هصلي وادعيلك كتير وهاخدك ع اكبر دكتور في البلد يمشي معاكي بالخطوات
زينب :وانا خايفه ومش عايزه الخطوه دي
فوقيه : هو فيه ست في الدنيا منفسهاش تبقي ام وده مبقاش مستحيل
زينب : لاء نفسي اكون ام عشان بس احقق رغبتك بس الموضوع عندي معقد شويه
فوقيه :ليه
زينب: لان خالد معاه 3 اطفال وانا بربيهم زي ما يكونوا اولادي وببذل كل مجهودي عليهم وشايفه مفيش داعي اروح ازود الحمل عليا
فوقيه : هو انتي ليه دماغك ناشفه وعنيده كده يابنتي لازم تخلفي عيال من جوزك
زينب : امي دي مش مشكله
فوقيه قامت بنفعال ونرفزه شديده: انتي فعلا مش بتهتمي بالي بتقوله حماتك
زينب: اهدي واسمعيني
فوقيه صرخت فيها: مش عايزه اسمعك بجد غير معقوله مش قادره اصدق
خالد نزل ع صوتهم العالي :في ايه يا ماما في ايه يا زينب
زينب :بتكلمني عن الاولاد
خالد بعتاب: ماما وبعدين معاكي
فوقيه: ايه عملت ايه عايزها تجبلك عيال غلطت في ايه ومراتك عنيده زي البغل وانا هسكت وهطلع من اي حاجه تخصكم
خالد بصلها: يعني مش عارفه تسايسي ست كبيره ماتقوللها طيب وحاضر وخلاص وخديها ع اد عقلها
زينب: عايزني اخد ع نفسي عهد انا مقدرش احافظ عليه
خالد بحده: تقدري تخلقي حجج واعذار بس ازاي لازم تقفي تجادلي وتقاوحي وتردي بالشكل ده
زينب بنفس الحده : امال المفروض اعمل ايه عايزني اخرس
خالد :زينب انا واحد عايز اعيش بالي مرتاح
زينب: اتفضل ارتاح يا خالد والناس الي حواليك بيعانوا
خالد اتك ع اسنانه بسخط: انت بجد بتخنقيني بكلامك
زينب: ايه خيبت امالك اصل معنديش فكره ازاي انغام كانت بتتعامل معاك عشان كده متتوقعش مني الكتير بس انا انسانه زي ما هي انسانه
…………………………………………………………….
ع الموبيل
اسامه: بسمله
بسمله: نعم
اسامه: ممكن اجي اشوفك بعدين
بسمله: اوكيه كادي اصلا عندي هتنام معايا الليله
اسامه: وايه الي جد في شغلك
بسمله: هحكيلك بعدين
اسامه: تمام سلام
كادي قعدت جنبها: تحبي امشي واسيبكم لوحدكم الليله
بسمله: مش اخدتي دش يله ع السرير وهو مش جاي
كادي: شكلك زعلتي انه مش جاي وطلعلك هالات سوده
بسمله :ده مش عشانه ده عشان المشاكل الي في الشغل ولو خلصت هتلاقيني زي القمر تاني
كادي: اختي المسكينه بتحب جوزها من صميم قلبها
بسمله: انتي متاكده مش كده
كادي :تحبي اتصلك بحبيبك لو مش قادره ع بعده
بسمله شدت ودنها: انتي اخدتي عليا اوي
كادي :بس فرحانه انك اخير اتجوزتي وبتحبيه بس تعرفي بقلق وبخاف لما مؤمن بيتكلم عن اخته
بسمله بهتمام: ليه
كادي :هو زعلان ع اخته كتير اصلي سمعت ان طليقها كان بيعاملها كويس جدا معقول الاتنين ممكن ينفصلوا كده بسهوله
بسمله :قوليلي هي لسه اخت مؤمن مع طليقها يعني لسه بيقابلوا بعض بعد ما اطلقوا
كادي: مش فاهمه
بسمله: الي اقصده يعني لسه عندهم مشاعر حب لبعض حتي بعد ما انفصلوا
كادي بصتلها ع انها مهتمه تعرف وبسمله توهت وقالت: يله الوقت تاخر روحي للسرير
كادي :وهتاخديني انام في حضنك
بسمله: طبعا
………………………………………………………..
في البار
انغام راحت جنبه: طليقي ابوبناتي اهلا وسهلا
خالد بصلها : انتي
انغام: مانت متعرفش الحياه محضرالك ايه بس غريبه قاعد تشرب لوحدك من غير واحده ست
خالد ضحكلها : شايف واحده هنا اقعدي قوليلي يا انغام بتسمي علاقتنا انا وانتي ايه
انغام : زنا قدام القانون وغلط وعيب في المجتمع بس مالك بتتصرف تصرفات غريبه حصلت حاجه معاك
خالد : اضربت جامد وهردها بكره
انغام: معرفش مين الي ضربك بس ده واحد يائس وهيتوجع اوي منك
خالد : انغام بس الي عارفه قيمتي الحقيقه بس حوراتك موضه قديمه وخلاص شبعت منها
انغام :مش فاهمه
خالد مسك ايدها وبحده : لاء فاهمه وانا هبدء اتعصب لو مقولتليش عايزه ايه
انغام: اسامه جه وزارني ليله امبارح
خالد :وليه عمل كده
انغام : جه يسالني لو فيه بينا علاقه حميمه
خالد : اتجنن ده ولا ايه
انغام بخبث: وسالني كمان ازاي يقدر يخش فيلا التجمع برقمك السري
خالد :الفيلا
انغام :و شكله ناويلك ع نيه سوده وبيقول انك مخبي ملفات مهمه هناك
خالد: هو الي قالك كده
انغام :وبيخطط يسرقهم
خالد ضحك : بجد يضحك مفكر نفسه شرلوك كولمز
انغام : انت الشخص العادي ميقدرش يتحداك بس اسامه مستعد يعمل المستحيل عشان ينقذ بسمله وهينفذ الي بيدور في دماغه وشكله شايل ومعبي منك اوي عشان التحقيق الي حصل معاها شايف بيحارب حتي لو انفصل عن حبيبته
خالد : وبسال ازاي عرف اني مخبي ملفات مهمه في الفيلا
انغام: ده واضح ان فيه شخص واحد اقدر افكر فيه , مين الي كان عايش في الفيلا وعنده علاقه قديمه مع اسامه فكر انت
خالد بصلها واتأكد ان زينب باعته لـ اسامه
…………………………….قصص منه محمد كاتب……………………
ع الموبيل
بسمله: انت فين دلوقت
اسامه: فيه حاجه حصلت
بسمله: انا مش عايزه ابقي لوحدي ممكن تيجي
اسامه: مش هقدر اجيلك دلوقت بس هجيلك ع بالليل
بسمله بشك: هو انت بتشتغل حتي يوم الاجازه
اسامه: ده شغل هقولك عليه بعدين
بسمله بغضب: انا اسفه اني ازعجتك وممكن ماتجيش كمان بعد ما تخلص شغلك براحتك
اسامه لنفسه: فيه واحده تعمل كده في جوزها المجنونه قفلت في وشي
اسامه ركن العربيه لما خالد وصل الفيلا وانتظره وري شجره لحد ما لقاه طالع بشنطه اتاكد انها الملفات وطارده بالعربيه لحد ما وقف قدامه وحاصره ونزل وقف قدام العربيه
خالد نزله مبتسم ابتسامه غدر : انت طلعت حرامي وقذر
اسامه: انت اقذر لانك مرتشي وبتاخد تعب وشغل غيرك
خالد هو انت متعرفش اني راجل بريئ لحد ما ثبت ادانتي
اسامه: انا مش محامي بس انا هاخد منك الدليل
خالد :عشان كده بلغت انغام متعمد ومشيت ورايا تاخد الملفات ضحك وحدف الشنطه وكور كف ايده وكذالك اسامه ودخلوا الاتنين في بعض لحد ما اسامه قدر يتغلب عليه وحدفه بقوه جنب العربيه
خالد بيتكلم بصعوبه :كل الي هتاخده ولا يثبت عليا اي حاجه مفكر هيتهموني حتي بالامر
اسامه :فيه وكلاء نيابه صعب تشتريهم وطبعا نسيت اقولك رغم موظف عادي بس ليا علاقه بوكيل النيابه الي هيحقق معاك بكل نزاهه وهيثبت كل تعاملاتك الفاسده
خالد بصله بحقد شديد واسامه اخد الشنطه وطلع ع شقه بسمله وفتح الباب ودخل متبهدل
بسمله جريت عليه بخضه: اسامه ايه الي حصل مين الي عمل فيك كده وبهدلك وشك وايه الدم ده
اسامه بوهن: انا كويس
بسمله سندته: تعال اقعد هنا لحظه واحده امسحلك وشك بالفوطه دي
اسامه : اي بتوجع اخدت لكميه جامده
بسمله: هو انت عيل صغير ايه الي حصل
اسامه :كان لازم اخد الشنطه دي باي تمن
بسمله :من خالد
اسامه اخد الشنطه وطلع الاوراق :كده مش هيقدر يهرب من التهمه الي معاها دليل ادانته
بسمله: والي عملته مش هياثر ع زينب بشكل سيئ
اسامه: لو مقدرناش نمسك خالد ونرميه دلوقت المشاكل والحرب هتضاعف وهيدمرك وانا يستحيل اسمح بان اي حاجه وحشه تحصلك يا بسمله انتي مراتي واجبي احميكي
بسمله بصتله ونزلت دموعها انها شكت ذره في حبه ليها
اسامه حرك ايده ع خدها :انتي ليه بتعيطي انتي تعبانه
بسمله ضربته بغيظ في صدره: هو مين فينا الي حالته تعبانه انا ولا انت تعال خليني اعلاجك
اسامه اتك ع ايدها يطمنها: اطمني القضيه هتتقفل مع الدليل الواضح
بسمله بصت له لانه اثبت لها ان الحب هو القوه الوحيده الي ترفعك فوق كل الجروح
استوب ياتري خالد هيدخل السجن وينتهي ولا هيطلع منها تعالوا نشوف الاحداث هتاخدنا لحد فين
- يتبع الفصل التالي اضغط على ( رواية اللقاء الثاني) اسم الرواية