رواية جنون العشق الفصل الرابع والعشرون 24 - بقلم دينا عبدالله
خده الدكتور وعمل التحليل وقعد مستني النتيجة وهوا علي اعصابه
جي الدكتور ومعاه نتيجة التحليل بصله باسل وقال بلهفه وقلق: النتيجة اي
الدكتور: حضرتك سليم ومفيش اي حاجه تمنعك من الخلفه
بصله باسل بصدمه وقال: يعني ايه
الدكتور: يعني انت سليم مفيش اي مشكله عندك
سكت باسل وهوا مصدوم اوي كانت بتخدعه حتي في دي كمان سنتين عايش معاها في كدبه وفي الاخر يطلع هوا اللي سليم وهيا اللي مش بتخلف
باسل: راجع التحليل تاني يمكن انت غلطان ولا حاجه
الدكتور: انا متأكد من اللي قولته هولك
باسل: طيب انا اعمل التحليل مره ثانيه
الدكتور باستغراب: مفيش داعي لان النتيجه واضحه
باسل بانفعال: بس انا عايز اعمله تاني
الدكتور: براحتك
.....................
دخلت الممرضه تغير لـ جوري المحلول.... كانت جوري شارده بتفكر في كل اللي حصل لها في الفتره الاخيره... فاقت من شرودها علي صوت الممرضه وهيا بتقول: علي فكره انتي محظوظه اوي ان عندك واحد بيحبك اوي كدا
بصتلها جوري وهيا مش فاهمه قصدها اي وقالت: قصدك مين
الممرضه: حبيبك اللي واقف برا... انتي متتخيليش كان عايز يعمل ايه عشان ينقذك
بصتلها جوري وقالت بإهتمام: كان عايز يعمل ايه
خلصت الممرضه تركيب المحلول وقالت: كان عايز يتبرع لك بقلبه عشان انتي تعيشي وفعلا كان هيعمل كدا لولا ان في حالة جات المستشفى لكان زمانك دلوقتي عايشه بـ قلبه هوا
بصتلها جوري بدهشه و زهول.... بصتلها الممرضه بابتسامة وقالت: صعب جدا انك تلاقي حد يحبك للدرجادي في الزمن ده.... ربنا يخليكم لبعض
بعدين سابتها ومشيت وقفلت الباب..... كانت جوري مصدومه من اللي سمعته و فكرة ان الممرضه قصدها علي كريم... وانها مكنتش تتخيل انه بيخبها اوي كدا لدرجة انه يضحي بحياته عشانها.... اما ياسين مفكرش حتي يجي يبص عليها بصه او يطمن عليها قلبها اختار غلط بس من دلوقتي هتعرف تسيطر عليه
وقف ياسين الممرضه وهوا اللي كان قاعد قدام الاوضه و مستنيها تطلع
ياسين بلهفه وقلق: طمنيني عليها هيا كويسه
الممرضه بابتسامة: اطمن هيا باحسن حال
وسابته ومشيت بص ياسين علي الاوضه بحزن نفسه يدخل يطمن عليها بنفسه يشوفها بعنيه انها بخير بس خوفه مانعه انه يدخل.... نفسه ياخدها في حضنه ويحسسها بحبه ليها نفسه تديه فرصه
.................
قعد باسل وهوا في صدمه كبيره بعد ما اتأكد من التحليل التاني انه سليم.... كان غبي اوي كدا صدق كل حاجه كانت بتقولها له.... قدرت تخدعه طول السنتين اللي مضو.... ازاي مشكش فيها ازاي قدرت تعمل فيه كدا..... كان بيعملها كل اللي نفسها فيه كان بيحبها اوي ليه.... ليه عملت فيه كل دا ليه وعشان ايه.... هيا لو كانت قالتله ان المشكله عندها هيا مكنش هيسيبها ولا ممكن كان هيفكر يتجوز عليها.... كانت هيا كل حياته
قرب منه ياسين وهوا مستغرب من شكله وقال: باسل انت كويس
باسل بحزن ودموع: كانت بتخدعني طول الوقت
قعد ياسين جنبه وبص علي التحليل اللي في ايد باسل وقال: العيب فيها مش فيك انت صح
باسل بحزن ودموع: عملت لها ايه عشان تعمل فيا كل دا
ياسين بحزن علي اخوه: الحمدلله انك كشفتها علي حبيقتها.... حاول تنساها وتنسي اي حاجه تربطك بيها... وابدا حياة جديده مع رهف
باسل بحزن: تفتكر هتحبني هيا كمان ولا هتخدعني زيها
ياسين: مش كلهم زي رقيه في الاحسن و الانضف منها فيه اللي يعرف ربنا
باسل بحزن: خايف ادخل في نفس التجربه وانخدع مره تانيه
ياسين: رهف بنت ناس وتعرف الاصول... دلوقتي مفيش اي مشكله تمنعك انك تتجوزها....
بعدين قال: قولي كلمت ماما ولا لا
باسل: اه كلمتها العملية نجحت بس اسيل هتفضل هناك لحد ما تتحسن وتمشي علي رجليها بعدين هترجع علي مصر
................
قعد كريم مع جوري وقال بابتسامة: عامله ايه دلوقتي
جوري بابتسامة: الحمدلله بخير ماما راحت فين
كريم: ماما خدتها ورجعت عشان يرتاحو شويه انتي محتجاها في حاجه
جوري: لا كنت بسأل بس عليها..... امتي هخرج من هنا
كريم: الدكتور قال تفضلي شويه لحد ما نطمن عليكي
رن تليفون كريم طلعه من جيبه شاف مين اللي بيرن اتوتر شويه وقفل التلفون وحطه في جيبه تاني.... بس رجع رن تاني
جوري: رد يمكن حاجه في شغل
كريم: طيب شويه و هرجعلك
قام وطلع من الاوضه بص حوليه بارتباك وفتح واتكلم بصوت واطي
قعدت جوري تستناه شويه ودخل وقفل التلفون وقال: اتأخرت عليكي
جوري: لا خالص خد راحتك
قعد كريم جنبها بصتله وقالت: انت بجد كنت هتعمل كده
بصلها شويه بعدين قال: كنت هعمل ايه
جوري: الممرضه قالت لي علي انك كنت هتضحي بحياتك عشاني انت بتحبني اوي كدا كنت مستعد تديني قلبك وتخسر حياتك عشاني
سكت كريم شويه بعدين مسك ايديها وقال بابتسامة: انا اعمل عشانك المستحيل انتي متتخيليش انا بحبك اد ايه
رفع ايدها باسها وقال: انا مش بحبك انا بعشقك
بصتله جوري بابتسامة و عنيها بتلمع من كلامه اللي دخل قلبها... طلع دبله من جيبه و لبسها في اصبعها وقال: وبكدا تبقي خطوبتنا كملت
بصت جوري علي الدبله بابتسامة وقالت: طيب وانت
طلع الدبله التانيه و ادها لها وقال: اهي
خدها جوري و لبستها له غمز وقال: عقبال الدخله كدا يارب
حست بخجل و كسوف شديد و خدودها بقت حمرا من فرط خجلها
كان ياسين بيبصلهم من فتحه صغيره من الباب بحزن شديد وهوا شايف البنت اللي حبها بتروح من ايديه و بتبقي لواحد غيره مكنش يتخيل انه في يوم من الايام هيحبها بالطريقة دي ويحبها كل الحب ده.....
- يتبع الفصل التالي اضغط على (رواية جنون العشق) اسم الرواية