رواية اللقاء الثاني الفصل الخامس و العشرون 25 - بقلم منة محمد
(((بحبك بكل الحنان اللي فيكي واحبك بكل الجنون اللي فيا)))
في الشاشه
مراسل: انت معترف بالتهم المنسوبه اليك
مراسل اخر: عندك اي حاجه عايز تقولها
خالد ببرود وهدوء: انا هعمل كل جهدي واساعد المدعين في التحقيق
مراسل بيجري وراه: فيه اي حاجه تانيه تحب تقولها
نائب مدير البنك طفي الشاشه وقاله : للاسف فيه ناس من وكلاء النيابه مع خالد وبكدا القضيه تقريبا هتتقفل
اسامه: مستحيل يعرفوا يلعبوا لو كان الدليل واضح
نائب المدير: وممكن يسقطوا عنه التهم ويرموها ع كبش فداء
اسامه: وده الي قلقان منه
المدير: هي اجازتك كانت عامله ازاي
اسامه: كانت كويسه
نائب المدير: بس ايه الي حصل لوشك
اسامه ابتسم: وقعت ع وشي وانا بصطاد سمكه اصلها كانت سمكه قويه
…………..قصص منه محمد كاتب…………….
زينب: ماما تفتكري خالد هيطلع منها
فوقيه بثقه وقوه : ابني هرجع بيته من التحقيق حققوه معاه بقالهم يومين والنهارده هيرجع
زينب: بس الاخبار بتقول انه ممكن يتسجن
فوقيه بنفعال: مستحيل مين الي يجرؤ يسجن ابني الباشمهندس خالد وبعدين ابني مش مجرم قومي اعملي اكل كتير عشان يتقوت لما يدخل علينا
زينب: حاضر هعمل ده
فوقيه بصتلها بتحذير: دلوقت كل العيون علينا عشان كده تاخدي بالك بأي كلمه هتقوليها
زينب: فاهمه جدا ده
خالد هنا كان دخل وهو حزين جدا وبص لزينب نظرات غير مفهومه
فوقيه قامت بتهليل: اهلا برجوعك لبيتك ياخالد انا اسفه ع الي حصلك ومعرفتش اعمل حاجه ها طمني كل حاجه خلصت ولا فيه مشاكل تانيه
خالد عيونه مصوبه في اتجاه زينب: ابدا مدرين خضعوا للتحقيق ومستشاري هيتابع سير القضيه ومحدش يقدر يأذيني
فوقيه: عظيم هنتكلم عن كل ده ع رواقه اطلع خد شور واستريح ع ما اجهزلك الاكل حبيبي
خالد بص لزينب نظره غريبه واخد بعضه وطلع غرفته وخلع الجرافته وقعد بقهر ع الفوتيه
زينب غابت شويه ورجعتله: الحمام جاهز
خالد: ليه روحتي فيلا التجمع
زينب: عادي قلت اغير جو مع الاولاد ليه
خالد: اسامه هو الي بلغ عني وانا كنت مخبي الملفات المتعلقه باعمالي السريه في الفيلا دي وهو عرف اني حاططهم هناك
زينب بحده: تقصد ايه ياخالد
خالد: انتي لسه بتتكلمي معاه
زينب وشها اتغير: ايه وليه بتسأل سؤال زي ده
خالد: عشان اعرف ايه الي بتفكري فيه
زينب بعصبيه: انت بتشك فيا ومفكرني بطعنك في دهرك
خالد: هو مش غريب انه يعرف بأمر الفيلا
زينب: وليه بتشك اني اعمل كده
خالد: لاني فاهم الموضوع صعب عليكي جوزك بتاع ستات وحماتك ست جامده وصارمه وعيال مش عيالك ومش بيجي من وراهم الا وجع الدماغ وهيكون المنطقي تحني لجوزك القديم مش كده
زينب بكدب ومراوغه: لاء انا مستحيل اعمل كده ابدا
خالد: مش مهم اي كلام هتقوليه بس ده الي بؤمن بيه وانا مش هعمل مشاكل ولا اغير معاملتي لحد ما اتاكد وساعتها انتي الي هتقرري انا هعمل معاكي ايه
…………………..قصص منه محمد كاتب……………..
بسمله كانت بتاخد العلاج واتوترت جدا لما سمعت صوت مفتاح الباب خبت الدواء في الدرج بسرعه وجريت في اتجاه الباب
اسامه باس جبينها: مساء الخير حب حياتي
بسمله ابتسمت: مساء النور بس ليه جاي متأخر كده ولا حتي اتصلت بيا حصلت حاجه
اسامه: هو انتي ناويه تسيبي شغلك
بسمله: ايه
اسامه: عملتي اجتماع بتختاري شخص تاني ياخد مكانك
بسمله: واختارت حد انا واثقه فيه هو يقدر يحل مكاني وابراهيم بوقه كبير
اسامه: فهميني ايه الي بيحصل بالظبط
بسمله: ابدا مفيش حاجه تقلق بس انا مرهقه شويه من التحقيق والضرايب وعايزه اخد شهر اجازه
اسامه: بسمله انتي قلتي تتعبي لو مروحتيش الشغل
بسمله: وبحاول الحق نفسي قبل ما اتعب فعليا الله مالك بتبصلي كده ليه
اسامه ضمها من وسطها : تعالي معايا
بسمله: فين
اسامه : انتي مش هتقعدي شهر بحاله في البيت تعالي نسافر الامارات سوي تسافري معايا واوريكي الشجره الي شبهك هناك مش انتي قلتي عايزه تزوريها في يوم نسافر سوي طالما انتي في اجازه
بسمله: اوعدك افكر في الموضوع
اسامه : اعملي فتره نقاهه في الوقت ده ومتقلقيش بخصوص االشغل او تقلقي ع اي حاجه تانيه
بسمله ابتسمت:حاول اعمل كده
…………….قصص منه محمد كاتب……………..
في جنينه عامه
شيكا بصله : البت كادي خست كتير وبقت عصايا متعاصه لحم
مؤمن : فين انا مش شايف هي زي الورده بالنسبه لي دي بتاكل نيوتيلا قبل ما تطلع ع السرير
شيكا :هي بتعيط
مؤمن: اصلها متوتره اليومين دول عشان مشاكل اختها
شيكا :وليه انت متفرفشهاش
مؤمن: انت عبقري
شيكا بغرور: طبعا بس اسمع متسمحش لـ اي واحده ست تتحكم في حياتك
مؤمن : الصراحه انت خساره الرد عليك واسكت لما ارد ع التلفون_ مؤمن رد وبصله) انا لازم امشي حالا
شيكا: هي دي زينب
مؤمن :اه وموجوده في بيتنا
شيكا :ارجوك بلغها اني بتمنالها حياه افضل
مؤمن: بطل هزار وكلامك السخيف
شيكا :يله امشي
مؤمن قرب عليها: انتي يا حياتي المجنونه
كادي :هو انت ماشي
مؤمن : هو ممكن تفردي خلقتك وترسمي ابتسامه ع وشك
كادي كشرت فيه : نعم
مؤمن بمرح: انتي وحشه من الاول مش ناقصه ابتسمي يمكن تحلوي شويه واقدر اشوفك
كادي :شكلك عايز تضرب علقه مني
مؤمن ضربها ع خدها :هي هبت منك ولا ايه تضربي مين يا عبيته
كادي طلعت تجري تضربه هو بيجري ويضحك منها
شيكا : حرام عليكم ياخونا انا انسان وبغير
…………………..قصص منه محمد كاتب………………
ع الموبيل
اسامه لقاها بتتصل بيه استغرب ورد بجمود: افندم
زينب: انت فاضي
اسامه ضم حواجبه بتعجب ورد: ليه
زينب: فيه حاجه لازم ابلغك بيها
اسامه: اوكيه قولي
زينب: مش ع التلفون ممكن تنزل لتحت انا واقفه قدام العماره عندك
اسامه لبس الكوتش ونزلها وقرب: ايه الموضوع
زينب: متلقلش مش هاخد من وقتك كتير خالد رجع البيت
اسامه: عارف
زينب: وسمعت انك انت الي بلغت عنه ده حقيقي
اسامه: ايوه انا
زينب: انت بتنتقم منه عشان بسمله
اسامه: وانا مش عايز اتكلم في الموضوع ده ايه الي جايه تقولهولي
زينب: خالد بيشك فيا هو معتقد اني اتفقت معاك واني ساعدتك عشان تضربه وهو متعصب مني جدا
اسامه: ايه الي بتتكلمي عنه احنا اصلا متقبلناش مع بعض ابدا ولا اتفقت معاكي عليه
زينب: هو بيخوني مع طليقته ولسوء حظي عرفت وكل تفكيره اني اتفقت معاك عليه عشان انتقم منه
اسامه: انتي لازم تقعدي وتتكلمي مع جوزك تحلي سوء التفاهم الي عنده مش تيجي لحد هنا ده مش هيحل اي حاجه
زينب حبست دموعها: عارفه بس انا مش عارفه ايه الي المفروض يتعمل ومفيش حد ممكن اتكلم معاه انا متاسفه همشي
اسامه مسك دراعها وهي بتلف وقالها: زينب انا مقدرتش ارمي دبلتك ممكن ترميها بنفسك
زينب مسكت ايده بين ايدها وبكت: انا ازاي ورطت نفسي في كده
بسمله هنا وصلت وشافتهم الدموع اتجمعت في عيونها ومره واحده مسكت معدتها وحطت دماغها ع التاره فغصب عنها عمل صوت كلاكس قوي الاتنين بصولها واسامه اتوتر وسحب إيده بسرعه من إيده زينب وطلع يجري وراها لكن هي اتحركت بالعربيه وساقت بطريقه جنونيه
اسامه رجع لزينب بغضب وقالها: ارجعي معنديش اكتر من الي قولته
زينب اتأكدت ان اسامه بيعشق بسمله ولا يمكن يرجعلها ابدا
……………………………………..
في شقه بسمله
اسامه دخل: انتي ليه مشيتي كده
بسمله: امال كنت عايزني اعمل ايه
اسامه: تقفي تسمعي ع الاقل الي هقوله
بسمله بغيره : اصلي اتحرجت حسيت كأني واقفه اتجسس عليكم
اسامه بص لملامحها المشعلله بالغيره وقال: وطبعا كالعاده فهمتي غلط زينب جات لي بسبب جوزها
بسمله: خالد
اسامه: هو مفكرانها اتفقت معايا علي سرقه الملفات
بسمله: بس الي عملت كده انغام
اسامه: هو مش مصدقها رغم بتقوله الحقيقه وجات لي وكانت مضايقه من الامر بس انا معنديش حاجه اعملهالها ها لسه حياتي مزعوجه
بسمله: عشان اشفقت ع زينب لانها مسمعتش للي المفروض تقولهولها بالي حصل بينا في اليونان
اسامه بغيظ من تصرفها: ع فكره طول مانتي بتقلبي في الي فات هتفضلي في صراع نفسي رهيب انا مفيش حاجه في قلبي ناحيه زينب افهمي يا بسمله
بسمله: حتي لو فهمت المنطق وري مقابلتكم فيه حاجات لا يمكن احنا كستات نتقبلها وانا حسيت دلوقت بزينب كانت في نفس موقفي وقتها
اسامه اتنهد بهدوء :هو انتي عايزه توصلي لـ ايه
بسمله : متقلقش انا مختلفه عنها مش همشي من سكات وارميك بعيد
اسامه قرب منها: حتي لو رمتيني لبعيد انا هقف ثابت زي الشجره
بسمله ابتسمت ع اسلوبه : ده انت لزقه بقي
اسامه قرص خدها بابتسامة: ايوه وعايز اعرف ايه الي كان جيبك عندي البيت
بسمله : مقدرتش انام قلت اجي اشوفك عشان احس اني كويسه
اسامه مسك كتافها : لسه بتحلمي بكوابيس واجب عليا في الحاله دي احضنك
بسمله زقته من صدره: لاء شكرا انا ارتحت لما شوفتك
اسامه ضمها وطبطب ع ظهرها وهمس في دونها : يا عبيطه انا بحبك ومستحيل ادي مكانك لست بديله انتي اول حب وجودك في حياتي بيخلي كل حاجه بخير حتي انا
بسمله لفت ايدها حوالين رقبته: وانت ليا زي الاكسجين بعشقك
اسامه : بس غيرتك عليا بقت اخطر من فيرس كورونا
بسمله : قولي اعمل ايه اه بغير مش بقدر اتحمل اشوفك معاها اعمل ايه
اسامه قرب منها لدرجه وشه بقي قريب من وشها وبمرح :ولا حاجه تدوقيني طعم شفايفك
بسمله قربت منه وهو ضمها لحضنه وفضل يبوس فيها من كل مكان كانه بينتقم من المسافه وقالها :مفيش حد عاقل هيلاقي راحته في مكان وهيبعد عنه كل الي بيني وبينك مينفعش يتعاد مع حد تاني اصل ولا انا ولا انتي هنتكرر بسمله انتي حته مني وبحبك انتي
بسمله: وانا بحبك انت محدش غيرك موعتش ع الدنيا غير بيك ومستحيل اعيش من غيرك
اسامه خبطها بدماغه في دماغها : ووعد مني هفضل معاكي واخاف عليكي واهتم بيكي واغير عليكي واحبك لحد ما تقفل اجفان عيني والدنيا تفارقني بحبك يا اكتر من روحي الحب قدر وانتي قدري وحقيقي مش عايز غيرك في دنيتي ياكل دنيتي
بسمله : محدش بيفهمني غيرك وصابر عليا غيرك ربنا يخليك ليا وميحرمنيش منك ومتزعلش من غيرتي يا اسامه
اسامه حط ايده ع كتفها وقالها : شوفي هو احساس حلو بس ع قد ما هو حلو ع قد ما هو بيخوف بس ده مفروض وطبيعي ومتوقع والي مايفهمش الغيره زي كده اكيد واحد عنده مشكله وها مبسوطه وانتي منكده عليا
بسمله: تصدق حاسه اني اليوم كده كامل
اسامه ضحك : اتفضلي نكدي عليا براحتك يا حب حياتي احنا ورانا ايه غير غيره ونكد بسمله
………………. قصص منه محمد كاتب………………………
في المكتب دخل بدون استأذن وقعد بعيون كلها حقد وشر
خالد: انا مش محتاج اخد اذن عشان ادخل واقعد
اسامه قام من ع المكتب وابتسم وقاله : واضح انك تعبان وواضح تقلوا عليك في التحقيق وعديت بيوم صعب
خالد بعجرفه: هو فيه حد يقدر يعمل معايا حاجه تصدق وكيل النيابه طلع راجل لطيف زي النسمه وهو بيحقق معايا وكل حاجه هتهداه بعد فتره وشويه وقت
اسامه :هي دي امنيتك
خالد بحقد: انا عارف انك عنيد بس للاسف معرفش انك بتحارب بقذاره مش شايف انك روحت لبعيد لما استخدمت طليقتك جوه العبه دي
اسامه: ايه الي بتتكلم عنه وبعدين مش انت قلت الفوز هي القاعده الوحيده الي بملكها بس طلعت غلطان مكنتش زينب كانت انغام هي الي فتحت بؤها عن الفيلا وهي ساعدتني لما طلقتها عنوه واخدت منها العيال
ختلد بشك: يعني عايز تقولي انك متكلمتش ابدا مع زينب
اسامه دفع جسمه لقدام : اسف جدا اقولك انا معنديش وقت زيك عشان اضغط ع نفسي عشان مراتي السابقه
خالد قام وقف بعصبيه : متقلقش وحاول تستناني وهاخد اجابه واضحه
اسامه بتحدي: مش هزورك بس هبعتلك عنواني
…………………..قصص منه محمد كاتب………………
في الشركه
اسامه: في ايه ياابراهيم جبتني ع ملا وشي
ابراهيم: بسمله اختفت تعرف مكانها
اسامه: وانت عرفت منين انها اختفت
ابراهيم: انا الي بسألك مش هو المفروض انت جوزها وعارف عن حياتها الخاصه ولا فيه مشكله حصلت ما بينكم
اسامه قلق وسابه وطلع يتصل بيها لقاه تلفونها غير متاح قلق اكتر واخد بعضه وطلع لشغل كادي
كادي ابتسمت اول ما شافته: اهلا بحبيب اختي
اسامه: بقالي كتير مشفتكيش ياكادي هي اختك فين
كادي : اطمن هي كده بتختفي احيانا من غير ما تقول لحد فينا
اسامه عقد حواجبه: يعني ايه بتختفي ايوه بتروح فين
كادي :احيانا بتسافر ايام قليله من غير ما تقول بس اكيد بتريح اعصابها في مكان هادي وتفكر في دراسه مشروع جديد
اسامه بقلق : يعني متعرفيش توصللها ابدا
كادي: لاء اصل انا وبابا اتعودنا وبنستناها بس الي مستغربه منه ليه مقلتلكش ده انت جوزها وحبيبها
اسامه بقهر وزعل: انا زيك مش عارف ع العموم خدي ده رقمي اتصلي بيا لو عرفتي توصللها
كادي بأبتسامه واسعه: حاضر وهقولها انك بتدور عليها زي المجنون
اسامه :متكشر
كادي : ع فكره هي عنيده وفيها صفه وحشه كمان بتحب تكتم جواها مهما حصل معاها مشاكل
اسامه :عارف هي شخصيه صعبه بس قلبي بيعشقها
استوب ياتري بسمله اختفت فين وخالد هيعمل ايه مع انغام وزينب هتكمل رغم شكه فيها
- يتبع الفصل التالي اضغط على ( رواية اللقاء الثاني) اسم الرواية