رواية جنون العشق الفصل السادس والعشرون 26 - بقلم دينا عبدالله
مصطفى ابوه: بقولك ايه سهل ولا صعب لازم البنت توقع علي الاوراق دي و بسرعه انت فاهم ولا لا
هشام: حاضر خلال شهر بس وهتلاقي توقيعها علي الاوراق
مصطفى: شهر واحد بس انت سامع
بعدين قام مصطفى وساب هشام وحده بيفكر....
فلاش
في الكافتريا
هشام: ها قولت اي
كريم: انا معرفش مين اصلا بنت عمك دي اللي صدعتلي دماغي بيها
هشام: هيا بتدرس معاك في نفس الجامعه... وطلع تليفونه علي صورة جوري وقال: اهيه البنت دي
بص كريم لصورة جوري وحك دقنه وقال: هوا انا مشوفتهاش قبل كده بس افرض وافقت انا هستفاد اي من الليله دي
هشام: عايز كام
كريم: ومين قالك اني محتاج فلوس
هشام بتفكير: اومال عايز ايه
كريم بتفكير: مش عارف بس بص انا هشوف بنت عمك دي الاول ولو دخلت مزاجي هنبدأ في الشغل بس لو طلعت حاجه غير كده يبقا مليش فيه
هشام: متقفلهاش ان شاء الله هتعجبك
كريم: بس انت عايز توقيعها علي الاوراق دي ليه
هشام: تنازل عن الاملاك و تحوليهم بإسمنا احنا
كريم: هيا ليها املاك.... قد ايه يعني
هشام: كتير بت المحظوظ..... الحظ ليه ناسه مش زينا حظنا واقف علي طول
شاف كريم جوري في الجامعه بتتكلم مع صحابها عجبته و دخلت مزاجه ووافق علي اللي قاله هشام
هشام: حلو اوي هيا وطالع من الجامعه فاتحها في الموضوع خليك حنين اهتم بيها اعمل اللي يخليها تميل ليك وتحبك... هتطلع من اللعبه دي بـ مكسب حلو كمان هتستمع مع البت شويه
كان مستني كريم جوري لحد ما تطلع من الجامعه وقفها وبدأ يتكلم معاها خلصو كلام مشيت جوري ابتسم كريم بمكر وبعت لـ هشام
في الوقت اللي قابل فيه جوري ومامتها و باسل واخده باسل عشان يتكلم معاه كريم كان عارف كل حاجه وان جوري هتجيب حد معاها ومع والدتها واكيد باسل هيختبره يشوفه مناسب و كويس ولا لا
لما قاله باسل علي شغل كريمه و جوري هوا اصلا كان عارف بس اتظاهر بالصدمه وعرف يخدع باسل انه شخص كويس ومش بيهمه المستوى المادي
اهل كريم ميعرفوش اي حاجه من اللي كريم بيخطط ليها وكان كل تعاملهم مع كريمه و جوري كان من قلبهم فعلا حتي مساعدتهم ليهم كانت حقيقه
وفي حفلة الخطوبه ولما جوري اتخطفت وهشام عرف ادايق وعصب وقال: يعني ايه اختفت.... راحت فين يعني
كريم: معرفش بقولك.... زي فص الملح و داب بس اكيد مفيش غير اللي اسمه ياسين
هشام بغضب: ياسين ولا غيره البت ترجع وتحدد الفرح و توقع علي الاوراق باسرع وقت
وفي المستشفى كان قاصد يكدب عليها و يقولها انه هوا اللي كان هيضحي عشانها و يبان قدامها انه احسن من ياسين في كل حاجه وياسين كان السبب فى تعرض حياتها للخطر
كل حركة كانت متخططه و مدروسه كويس
باك
هشام بمكر: شهر بس يا بنت عمي وكل حاجه هتبقا لينا وانتي وامك هتفضلي شغالين خدم طول عمركم...
..........
قفلت جوري الكتاب وهيا مش عارفه تذاكر من ضغط الافكار اللي في عقلها.... مش عارفه توافق ولا لا.... بس طولت ولا قصرت كدا كدا هيتجوزو في اي المشكله... كريم هيا شيفاه شخص محترم بيحبها وكان هيضحي بحياته عشانها و مفكرش في اهله ولا في نفسه مفكرش في حد غيرها هيا.... هيا وبس
اما ياسين عمل ايه عشانها كانت هتموت بسببه وهوا مفكرش يروح لها المستشفى يطمن عليها اذا عايشه ولا لا
في فرق كبير بين ياسين و كريم
فاقت من شرودها علي صوت كريمه وهيا بتحط ايدها على كتف جوري و بتقول بحنان: سرحانه في ايه
جوري: ااا ولا حاجه انتي صاحيه ليه لحد دلوقتي
كريمه بحنان: مش هنام و ارتاح غير لما اشوفك نمتي واطمن عليكي
جوري بابتسامة: متقلقيش انا كويسه روحي ارتاحي انتي
كريمه: طيب قومي انتي كمان نامى وكفايا مذاكره النهارده
هزت جوري راسها بابتسامة... كانت كريمه هتمشي وقفتها جوري وقالت: ماما كنت عايزه اسألك سؤال بس..
بصتلها كريمه كملت جوري وقالت: لو فيه قرار بس انتي محتراه فيه تمشي ورا قلبك ولا عقلك
كريمه: مش دايما القلب يبقا الصح ولا كمان العقل...... بس لازم اقعد مع نفسي و افكر و اشوف لو قلبي هيضرني و قراره ممكن يأذيني فهختار عقلي والعكس لو عقلي هيضرني همشي ورا قلبي
هزت جوري راسها بتفهم.... باستها كريمه علي جبهتها وقالت بحنان: تصبحي على خير
جوري: وانتي من اهل الخير
طلعت كريمه وقفلت الباب وفضلت جوري قاعده تفكر.....
.........
تاني يوم في الجامعه
كانت جوري واقفه بتتكلم مع صحابها بس اول ما شافت كريم سابتهم و راحت له
بصلها كريم بابتسامة وقال: صباح الورد علي احلي واحده في الجامعه كلها
جوري بابتسامة: صباح النور.... كنت عايزه اتكلم معاك في موضوع معاد فرحنا
كريم بقلق: قررتي اي
جوري: موافقه ان فرحنا يبقا بعد شهر..............
- يتبع الفصل التالي اضغط على (رواية جنون العشق) اسم الرواية