رواية مملكة احفاد الطوبجي الفصل السادس و العشرون 26 - بقلم اميرة اسامه
في صباح يوم جديد من بدايه اليوم الكل كان مشغول وبالاخص الشباب .
فرحة زيد مكانتش تتقدر بمال كان نفسه يفرح كل الناس و يشاركهم فرحته.
دبحوا وعملوا العقيقه و وزعوا
اليوم كان ماشي حلو جدا والكل مبسوط بعد المغرب بدأوا احتفالهم كان كل الشباب وصلوا ومكانش فاضل غير حنين هي اللي لسه مجاتش ولأول مره يتجمع معاهم مهيب والد عاصم وعلي من فتره طويله اوي بسبب الزعل اللي كان بينهم زمان.
بارك لصبا وزيد و قدملهم هديه قيمه وفضل هو وراجح قاعدين مع بعض .
مهيب….العيال كبروك يا راجح
راجح…..بضحك هما كبروني من زمان بس بردوا انا لسه شباب انت اللي كبرت
مهيب…..من ناحيه كبرت فا انا كبرت مش هنكر
راجح…..كبرت لوحدك يا اخويا
مهيب….بضحك طب احكيلي عن شعورك وانت جد
راجح…..بإبتسامه جميله شعور ميتوصفش وانت مجربه اكيد يمكن انا اول حفيده شوفتها كانت جنه بنت قاسم من اول يوم أتولدت فيه وانا فرحتي بيها كانت مختلفه زمان ابويا وامي لما كنت اشوفهم طايرين بقاسم وسالم أستغرب واقول لأبويا الوقت بتدلعهم انا بس كنت اغلط زمان متسكتش يقولي عشان اعز من الولد ولد الولد كنت استغرب الجمله واقول ازاي في حد ممكن يحب ولاد ابنه اكتر من ابنه نفسه بس لما شوفت جنه وقتها بس حسيت شعور الكلمه دي يعني وهي صغيره مكنتش اطيق امها تزعقلها او تقولها كده غلط او قاسم يعاقبها مع اني عمري ما أدخلت في تربيتهم ليها بس كنت ببقي مضايق بجد مع العلم ان بردوا كنت بعمل نفس اللي بيعمله ابويا ازعق لولادي واعاقبهم
مهيب……طبعا شعورك بولادك ليه طعم وشعورك بأحفادك ليه طعم تاني خالص يعني انا عندي مليكه دي في كفه والدنيا كلها في كفه مش بس ابوها وعمها صدقني فرحتي بيها متتقدرش بمال ويااااااا بقي لو شوفتها بس بټعيط حتي لو علي حاجه بسيطه ببقي هاين عليا اعيط معاها
راجح…..ربنا يديمهم نعمه دول عزوتنا يا مهيب
مهيب….طبعا ربنا يبارك فيهم
راجح……بس خليني بردوا اقولك مهما كان حبك لأحفادك لكن ده ميمنعش ان ولادك بردوا حته منك
مهيب….طبعااااا حبك لأحفادك جزء من حبك لولادك ديما اقول لعاصم انا بحب مليكه اكتر منك انت واخوك بس صدقني دول روحي
راجح….مصدقك طبعا هما صحيح الاحفاد بياخدوا الدلع والاهتمام والحب بس حبنا ليهم اكيد جاي من حبنا لولادنا
مهيب…..بإبتسامه طب كلمني بقي عن أحساسك براجح الصغير
راجح…..بضحكه جميله ااااااه بص هو مش راجح الصغير بس عشان مكدبش روح الصغيره كمان سبحان الله لسه لا بيتكلموا ولا حتي بيلاغوا بس سبحان من علقني بيهم يا مهيب مع اني مش بعرف اتعلق في الاول بأي طفل لسه مولود بحب انا اللي بيلاغي ويتكلم زي سن عدي ابن قاسم كده
مهيب….بضحك اه اللي عض بنت ابني .
راجح…..بضحك خلاص بقي المسامح كريم وبعدين الراجل لسه بايسك الوقت
مهيب…..بإبتسامه ده مچرم وعسل ربنا يحميه لابوه وامه
راجح….يارب اللهم امين
مهيب…..صحيح هي زهره عامله ايه الوقت
راجح……بخير الحمد لله لسه بتاخد الكيماوي والجلسات بتاعتها الدكتور الحمد لله مبسوط لان في البدايه نتايجها مكانتش حلوه لان انت عارف النفسيه عليها عامل كبير
مهيب…..اكيد طبعا جزء كبير من المړض ده معتمد علي النفسيه انتوا خليكوا جنبها واتكلموا معاها قربوا منها هتتحسن
راجح…..طبعا دي بنتنا ومحدش سايبها الكل بيحاول يدعمها بطريقته والجلسات النفسيه اللي الدكتور بيعملها معاها ساعدتها كتير بردوا وبصراحه اللي عامله معاها مجهود كبير فريده صاحبتها
مهيب…..انا أتعرفت علي فريده وهما الشباب مسافرين وبصراحه ست محترمه وجدعه اوي بيني وبينك كنت شايل هم مليكه وهي معايا عشان عارف انها مش هتبطل زن علي ابوها جات خدتها مني و قعدتها معاها وكانت بتطمني عليها يوميا وتسألني لو محتاج حاجه
راجح….لا هي فريده محترمه وجدعه بصراحه بحبها انا البنت دي ليها مواقف جميله أبتسم وبصله انا لو جلال كبير شويه مكنتش سيبتها
ضحك مهيب وبصله
مهيب…..بأبتسامه بتلمح لأيه يا راجح
راجح…..ولا حاجه انا بقولك لو جلال كان اكبر مكنتش سيبتها البنت تستاهل صراحه
مهيب….انا فاهم اللي عايز تقوله وبيني وبينك انا معنديش مانع
راجح….طب ايه وبعدين مش الكبير بتاعه انت ولا ايه
مهيب…..عايز اقولك ان انا حسيت ان عاصم متعلق بيها مش هو بس ومليكه كمان العادي بتاع عاصم يروح الشركة يلف علي المواقع لو في سفريه شغل يعملها يوم الاجازه بيبقي بتاع مليكه وملوش عاصم في الستات والجو ده رغم انه مش سهل بردوا بس اول مره احس انه مهتم بحد بعد مراته الله يرحمها زي ما هو مهتم بفريده يعني تقدر تقول ان اي ست بعد مراته كانت علاقات عاديه تعارف بس فريده اللي علقت معاه وانا عارف ان ابني حبها هو مقلهاش صريحه بس انا اقدر افهم ابني بسهوله
راجح…..طب لما انت شايف كده مفتحتش معاه الموضوع ليه لو هو مش عايز يتكلم اتكلم انت
مهيب….شوف انا كنت هعمل كده بس قولت لا هو لو حاسس انه حابب ياخد خطوه جد في الموضوع هييجي يتكلم بس ادام لسه مخدش الخطوه دي يبقي لسه مخدش قرار
راجح…..قرار ايه يا مهيب انت مش شايف ابنك واقع ازاي اتكلم معاه وخليه يحط النقط علي الحروف الزمن بيجري بينا يا مهيب ومفيش احسن من اننا نطمن علي ولادنا واحنا لسه فينا نفس تصدق بالله
مهيب….لا إله إلا الله
راجح…..انا حلم عمري اطمن علي جلال وفرح قبل ما اموت
مهيب….بعد الشړ عليك متقولش كده مش لسه بتقول انك شباب
راجح…..بإبتسامه هاديه ده كلاااام احنا كبرنا يا مهيب وبيني وبينك محدش ضامن عمره انا لو بأيدي أجوزهم انهارده قبل بكره عشان اموت وانا موصل رسالتي كلها ومطمن عليهم بس انا مقدرش اغصب عليهم
مهيب……اللي اعرفه ان فرح الوقت في حكم المخطوبه من امير ابن مراد
راجح…..ايوه بس امير مش عايز ياخد اي خطوه غير لما يعمل كل حاجه بنفسه وبيني وبينك عجبني لو عليا من بكره يبقوا متجوزين بس إصراره علي انه يبدأ معاها بنفسه مخليني مبسوط
مهيب….طيب وجلال
راجح…..جلال ده دماغ شويه يقولك مش عايز اتجوز ولا حابب اشيل مسؤوليه الوقت وشويه وتلاقيه بيحب في النهاية دي حياته مقدرش أجبره علي حاجه
مهيب…..شوف جلال نفس دماغ علي ابني هو كمان يقولك انا مش حابب اتقيد ولا حابب اشيل مسؤوليه الوقت وشويه تلاقيه مرتبط وسره كله مع عاصم اخوه وتبص تلاقيه مختفي مع نفسه وشويه يظهر ويبقي طول الوقت معانا في البيت ومخلي وقته كله لمليكه بس اللي انا واثق فيه انه لسه ملقاش بنت الحلال
راجح….بالظبط لو نصيبهم جالهم لحد عندهم مش هيقدروا يقفلوا الباب بس هو ليه مجاش.
مهيب…..يلا ربنا يسعدهم ويوفقهم ويطمنا عليهم
راجح…..المهم انت ركز الاول في موضوع عاصم علي الأقل علي لسه بطوله ولوحده لكن عاصم بنته متعلقه في رقبته ومحتاجه يكون ليها ام تحتويها وتربيها كويس مهما كانت البنت متعلقه بأبوها يا مهيب في النهايه بتحتاج أم وانت فاهم ده كويس.
مهيب…..معاك حق متقلقش انا هتكلم معاه كده واحاول انكشه واشوف اللي جوه قلبه
راجح…..ربنا يقدم اللي فيه الخير
يارب.
مهيب…..اللهم امين صحيح سمعت عن اللي حصل في شركه حماد.
راجح……اه ده لسه داوود ومراد قايلين قدامي امبارح .
وكملوا مع بعض كلامهم في الشغل .
…………….
روح…..رباب انتي وكاريمان البنات جوه بيسألوا عايزين قهوه
رباب…..ياريت عشان مشربتش انهارده خالص
كاريمان…..وانا كمان
روح…..تمام جنه ادخلي جوه للبنات قوليلهم تلاته قهوه مظبوط
جنه….حاضر يا روح
رباب…..تعبتي انتي ياروح شكلك مجهد خالص
روح…..ولا تعب ولا حاجه عقبال ما تفرحي بولاد هشام يارب
رباب…..يارب يا روح
كاريمان……حقيقي روح تعبت انا من بدري معاها ومقعدتش خلاص
روح…..انا صحيح تعبانه اوي ومرهقه بس من كتر ما انا مبسوطه مش فارق معايا التعب والله
كاريمان…..يا روحي ربنا يفرحك يا روح ويقوم باقي البنات علي خير وتفرحي بولادهم
روح…..يارب يا كوكي ونفرح بفيروز ومنذر قريب
رباب……صحيح هو كده المعاد الخميس الجاي
روح….اه إن شاء الله
رباب…..علي خير يارب
روح….يارب.
قربت ليلي عليهم وهي مبتسمه
ليلي…..عاملين ايه يا قمرات
رباب….والله مافي قمر غيرك
روح….حبيبتي تعالي واقفه ليه
ليلي…..كنت بشوف حور
روح…..هي نايمه ولا ايه
ليلي….لا فوق مع الناني
روح….فين صبا
ليلي…..كانت فوق مع الولاد الوقت تنزل
رباب…..صراحه الله يكون في عونها مش متخيله صبا لما تشد حيلها شويه هتعمل ايه معاهم
روح……كلنا معاها متقلقيش
رباب…..انا عارفه انا أقصد لما تحب تروح هي وزيد الڤيلا
روح….بضحك لا ميتهيأليش هتقدر.
ليلي…..بضحك اكيد مش هتقدر دي كان فاضلها شويه وتصوت منهم فوق كل ما واحد يعيط التاني يعيط فطستنتي من الضحك بتقول لروح انتي بتجامليه في العياط
كاريمان…….هما التوأم كده خدي بالك وحتي نومهم
و صحيانهم هتلاقيه مع بعض
رباب…..يلا ربنا يقويها عليهم وتشوفهم زي ما بتتمني
ليلي….يارب يلا هشوف البنات و ارجعلكم
روح….ماشي يا لولا.
…………
زهره كانت واقفه مع البنات واتصلت علي حنين
زهره…..ايوه يا حنين
حنين……ايوه زهورتي انا خلاص داخله عليكم
زهره……طيب كويس انتي فين كده
حنين…..بضحك لا مش معني اني بقول اني داخله عليكم ابقي عارفه انا فين ده عمو اللي بيسوق هو اللي قالي اننا قربنا
زهره…..بضحك ھټموټني عمو السواق ايه بس طيب المهم انك قربتي
حنين…..ايوه هو بيقولي اهو اننا خمس دقايق ونبقي عندك
زهره…..طيب يلا مستنياكي.
حنين…..تمام يا روحي يلا باي
زهره….باي يا قلبي.
فريده……ايه هي فين
زهره…..بتقولي داخله علينا خلاص
فريده….طيب تمام
زهره…..بإبتسامه غمزتلها بذمتك مش عيب تسيبي الجو كده واقف لوحده
فريده…..اتلمي هااا
زهره….الله بفهمك بس عشان ميصحش كده
فيروز…..بضحك حطت ايدها علي كتف زهره ايوه زهره معاها حق
فريده…..ما طبعا هي العيله دي كلها متفقه عليا وبعدين ملكيش دعوه انتي وهي هو مش لوحده واقف مع علي واخواتك يا رخمه
فيروز…..بضحك انا رخمه الله يسامحك الحق علينا خايفين علي مصلحتك
فريده…..بإبتسامه لا خليكي في نفسك انتي وهي وبعدين ما انتي سايبه العريس لوحده
فيروز….اناااا محصلش انا كنت لسه معاه واهو واخد مني فيروز وواقف بيها
فريده…..صحيح انتي سيباله البت ليه
فيروز…..والله هو اللي واخدها مني
فريده….بغمزه ايوه ما هو مش عارف يشيل فيروز الكبيره فقال يشيل فيروز الصغيره مؤقتا
فيروز…..بضحك شايفه صاحبتك
زهره…..بضحك اه معاها حق بس معلش يا فريده كلها اسبوع ويشيل فيروز الكبيره
فيروز……بإبتسامه كسوف علي فكره بقي انتي وصحبتك مش مؤدبين ويلا مش واقفه معاكم
فريده……بضحك خدي هنا
فيروز….بضحك لا مش جايه
زهره…..اتكسفت عاجبك كده
فريده….لا يا شيخه وانا مالي
زهره…..طب ايه هتفضلي واقفه كده الراجل مش بينزل عينه من عليكي
فريده…..انا مش فاهمه انتي عايزه مني ايه يابنتي سبيني في حالي.
فجأه صوت ضحك الشباب بقي عالي بصت فريده وزهره عليهم
قاسم…..بضحك طب استني بس فريده تعالي انتي وزهره
فريده….بهمس انا هرتكب فيكي انتي وجوزك چريمه والله
زهره……بضحك وانا مالي هو اللي نادي علينا
قربوا منهم وبصتله فريده وهي مش عايزه تبص علي عاصم
فريده….ايوه يا قاسم
قاسم….تعالوا اشهدوا معايا انا في الجامعه مكنتش شاطر
مراد…..والله اللي هتكدب فيكم هتتعلق
فريده…..بضحك وانا لسه نطقت يا مراد
مراد…..لا اصل دي شهاده حق قاسم عايش الدور وعامل فيها انه كان من العشره الأوائل
زهره……بس قاسم فعلا كان شاطر
قاسم……بضحك اهووووو وشهد شاهد من أهلها
عاصم….لا معلش يشطب الكلام ده انتي مراته واكيد هتشهدي معاه
مراد….ايوه شغل التطبيل ده مينفعش
زهره…..بضحك والله مش تطبيل بس اقتكر ان قاسم كان شاطر
فريده……مين ده قاااسم
ضحكوا كلهم علي فريده
زيد…..بضحك اهي رفعتلك حاجبها
مراد….قولي يا فريده قولي يا حقانيه
قاسم….بضحك انا مكنتش شاطر يا فريده
فريده……بضحك والله ما حصل
قلسم….ده انتي نهارك مش فايت بتحلفي كمان
عاصم….من فضلك بلاش ټهديد خليها تقول الحقيقه
قاسم…..دي بتكدب يابت انا كنت ديما ناجح بتقديرات
فريده…..لا بص هقولك عشان مبقاش بكدب قاسم طول عمره ملوش خلق للمذاكره بس قبل الامتحان كان يمسك الملازم يذاكرها كويس ويدخل الامتحان يحل فعلا
قاسم…..ايوه يعني كنت بذاكر اهو
فريده….بتذاكر بس قبل الامتحانات عارف انتي يا مراد الطلاب اللي ممكن يقفلوا ماده في الايام الاخيره اهو ده قاسم بس اللي أقصده انه مش من بدايه الدراسه كان بيذاكر والكلام ده
قاسم……المهم كنت بدخل وبقفل الماده
فريده……بسخريه بتقفلها بالفهلوه يا قاسم
مراد…..بضحك اهي فضحتك
قاسم…..بضحك دي ليلتها مش معديه تصدقي يا فريده انتي حلال عليكي يتعمل عليكي حفله الوقت عشان الفهلوه اللي قولتيها دي
زهره….احسن يلا اعمل عليها حفله
فريده…..بضحك طب ليه كده عيب احنا صحاب
قاسم….خليتي فيها صحاب طب الصاحب ليه عند صحابه ايه مش انهم يطبلوله
فريده….طب خلاص هطبلك بس اتلم واسكت
مراد….اوبااااااا هو ماسك عليكي ذله ولا ايه
علي….بضحك يلا سيحلها هي بنت حلال وتستاهل
قاسم……رفع حاجبه لفريده ايه اسيح
فريده…..عيب خليها عليك بقي
قاسم…..لا خلاص مقدرش احنا حبايب اطلعوا انتوا منها.
ابتسم عاصم لكن كان غيران فا فضل ساكت
منذر…..طب بصراحه يا فريده مين فيكم كان الأشطر انتي ولا قاسم ولا زهره
فريده…..بضحك ولا واحد فينا
ضحكوا كلهم علي صراحتها
زيد…..طب اكدبي طيب
فريده…..بضحك مقدرش
قاسم….طب علي فكره بقي فريده كانت شاطره اوي
زهره…..ده حقيقي والله فريده طول عمرها من البنات اللي بتحب تعمل ملخصات وملازم وتذاكر دي كانت بتغشش الدفعه كلها
مراد……مش قادر اصدقكم
زيد…..مش باين عليكي يعني
فريده…..لا والله مش كده بس مكنتش حابه اني اشيل مواد او اعيد السنه لكن مش مذاكره عشان ابقي الاولي والكلام ده
منذر……طيب ايه اللي جاب دراستك لشغلك يا فريده يعني الاتنين بعيد عن بعض خالص
علي…..اه والله كنت هسألها نفس السؤال
فريده….ملهمش علاقه ببعض ويمكن كمان شغل الميك اب مكانش هو حلمي وبيتهيألي اغلبكم عارف القصه دي انا كان حلمي اكون مصممه ازياء و اشتغلت كده بالفعل بس زي ما تقول كده مقدرتش اكمل لان الوسط مرحمنيش انا كنت شاطره جدا وده ضايق الناس اللي في المجال معايا وحسوا ان ممكن اسمي يغطي عليهم فا حطوني في دماغهم فا سيبت المجال كله لأني تعبت وبعد كده قررت اني اروح للميك اب لاني بردوا بحبه والحمد لله نجحت فيه جدا وكملت فالشغل ملهوش علاقه بالدراسه اوقات هواياتك بتخليك ناجح اكتر في شغلك عن شهادتك
مراد….ده حقيقي جدا علي فكره طول ما في إبتكار في نجاح وانتي ادام نجحتي في مجالك يبقي اكيد كان في إبتكار
فريده….الحمد لله
لمحت زهره العربيه اللي فيها حنين داخله.
زهره…..حنين جات يا فريده
فريده….تعالي نشوفها يلا
زهره….بعد اذنكم شويه
قاسم….روحوا يلا
مشيت فريده مع زهره وعاصم عينه كانت عليها
نزلت حنين من العربيه سلمت عليها زهره و حضنتها وبعدين فريده.
فريده….ايه القمر ده
حنين…..والله انتوا اللي قمر
زهره….ايه الطريق طويل
حنين….لل خالص وبعدين كله يهون لجل عيون القصر
ضحكت زهره وفريده وبعدين خدوها عشان يعرفوها علي روح والبنات والعيله كلها.
زهره….تعالي بقي اعرفك علي العيله الكريمه
حنين….يلا بينا
فريده…..طمنيني عليكي احسن الوقت ولا لسه مكتئبه
حنين….بضحكه شقيه لا انا نسيت كل حاجه خلاص من اول ما جيت القصر
زهره…..بضحك البت دي عبيطه
فريده….بضحك اه تقريبا القصر جننها
قربوا من روح وعرفتها زهره عليها
زهره….روح دي حنين
روح….اهلا اهلا بالبنوته القمر
حنين…..بإبتسامه انا اللي قمر امال حضرتك ايه
ضحكت روح وحضنتها
روح…..ايه السكر دي
زهره….مش قولتلك هتحبيها
روح…..انا حبيتها خلاص
حنين……حبيبتي يا طنط تسلميلي
زهره…..بضحك طنط ايه يا مصيبببببه
روح…..رفعت حاجبها لا بقولك ايه
حنين…..بترقب ايه
روح…..كلمة طنط دي تنسيها من قاموسك خالص انا روح وبس
حنين….بضحك روح وفريده وزهره هو الكل مبيحبش الالقاب ولا ايه
فريده…..انا قولتلك خلينا صحاب احسن اهي روح رفعتلك حاجبها
حنين…..لا خلاص نزليهم تاني هي روح والله وبلاها طنط
روح…..ايوه كده
عرفتها زهره علي رباب وكاريمان وبعد كده البنات قربوا منها وعرفتهم عليها والكل حبها روحها كانت جميله وتتحب بسرعه ومن كتر ما هي شقيه وډمها خفيف صعب حد يفكر أصلا انها مريضه کانسر
بعد كده عرفتها علي راجح والشباب كلهم وطبعا أتأقلمت بسرعه مع جلال وامير والشباب
نزلت صبا و أتعرفت عليها وباركتلها و قدمتلها هديه
صبا…..ليه تعبتي نفسك يا حنين بس
حنين…..بتلقائيه مضحكه تعب ايه بس انتي اللي ربنا يكون في عونك علي اللي هتشوفيه من ولادك
ضحكوا كلهم عليها
صبا….طيب شكرا يا حنين علي الطاقه الايجابيه دي
حنين….اكدب يعني
زيد….هي بتحاول تكون واقعيه معاكي مش اكتر
حنين….اه قولها انا قلبي عليها وعايزه اعرفها هي داخله علي ايه
زيد….بضحك ما خلاص يا حنين هتطلع تاكل الولاد
حنين….بضحك لا لا خلاص انا بهزر والله ان شاء الله يبقوا هاديين وميتعبوكيش خالص وعمومالو تعبوكي انا ممكن اجي اشيلهم معاكي خدي بالك انا بحب الاطفال جدا
صبا…..يعني لو احتاجتك هتعرفي تتعاملي
حنين….بصي جربي بس لو رديت عليكي يبقي بحق
ضحكت صبا وزيد وضحكوا كلهم وقلبت حنين المكان في لحظه بطاقتها الجميله وډمها الخفيف
حنين…..معلش سؤال بس هو مش ده سبوع بردوا وحلاقتك برجلاتك وكده
مراد…..المفروض انتي عايزه ايه الوقت
حنين….يعني نعمل اي منظر هي مش دي حفله بردوا علي الاقل نفرح الست اللي لسه قايمه من ولاده دي.
صبا….شوفتي بيضحكوا عليا
حنين…..يضحكوا عليكي وانا موجوده انا هقومهم كلهم الوقت يرقصوا
جلال…..بضحك مين دي
زهره…..بضحك ايه رأيك بذمتك مش فيها منك
جلال…..ده انا جنبها ملاك
حنين…..ليه بس كده انا عملت حاجه
مراد…..سبحان الله والله جلال بس علي بنت
جنه……لا بس حنين احلي
جلال….يابت اتلمي انا عمك اقفي جنبي
حنين….ايه ده انت كده صحيح تبقي عمها بجد طب ازاي
جلال…..بضحك وهو بيبص علي ابوه من بعيد اصل الحاج كان شقي
ضحكت حنين وفضلوا كلهم فطسانين من الضحك وثولني وقلبوا الدنيا وبدأوا احتفالهم بجد روح حنين وجلال وامير والشباب كانت طاغيه علي كل حاجه .
اتأقلمت حنين معاهم بسرعه كأنها تعرفهم من سنين اتبسطت مودها اتغير وكانت فرحانه بجد من قلبها بلمتهم الجميله
بعد وقت طويل من الرقص والتنطيط الكل تعب فا بدأوا يقعدوا
مريم……وبتقولوا عليا انا مجنونه الحمد لله في واحده طلعت اجن مني
قاسم……طلع ليكي نسخه تانيه يا جعفر
حنين….بضحك هو انتي مش اسمك مريم
مريم….بضحك لا جعفر ده اسم الدلع
حنين……ومريومه قصرت معاكي في ايه
مريم….بضحك السؤال ده تقدري تسأليه لنادر هو اللي طلعه عليا
نادر…..بضحك طب بزمتك مش لايق عليها
حنين…..حرام عليك دي قمر والله
مريم…..يالهوي تعالي هاتي بوسه اول حد ينصفني في البيت ده
نادر….انتي لسه متعرفيهاش تاخد وتدي معاكي شويه بس وهتلاقيها جعفر
حنين….انتي متأكده ان ده جوزك
مريم….لا ده عميل
حنين….بضحك ايوه حسيت انا لو مكانك ابلغ عنه
نادر….طب ليه كده طيب
حنين…..عشان بتفتري عليها وهي كيوت
مريم…..بضحك انا كيوت
نادر…..اهي هي نفسها مش مصدقه الكلمه اللي طلعت منك
ضحكت مريم وضړبت نادر بالكف
حنين…..بضحك ابه ده انتي بتأيدي كلامه ولا ايه اثبتي علي موقفك وقولي قدام الكل انا مريم الكيوت
مريم….بضحك مقدرش
حنين….ليه ماسكين عليكي ذله
جلال….بضحك لا سديهاتها معانا
مريم….اهو قالك اهو
حنين…..بضحك والله شكلك هتطلعي جعفر فعلا وانا اللي أتخميت فيكي
نادر….بضحك مش قولتلك هتغيري رأيك
حنين….ماهي مش مسعداني اعمل ايه طيب
ميار……حنين انتي عندك كام سنه
حنين…..انا تميت 23
ملك…..بس شكلك صغير عن كده كمان
حنين…..لا مش اوي يعني
زهره….مقولتوليش بقي ايه رأيكم في القمر بتاعتي دي
مريم….سكر وحبيتها خلاص
حنين…..ياقلبي والله انا اللي حبيتك وحبيتكم كلكم
شمس…..علي فكره حنين فيها كتير من مريم نفس الجنان
حنين…..بضحك الف شكر يا شمس والله
سالم……شكلها كده بقي فيها جعفر رقم اتنين
فريده…..بضحك خد بالك هي فعلا فيها حته كده بتاعت جعفر نفس شقاوه وجنان مريم
مريم…..والله ما تعرفوا تعيشوا من غيري
فريده……ده انتي قلبي يا مريومه والله
نادر…..بضحك فريده خاڤت من مريم
فريده……بضحك عايز جعفر يحضر يعني ما تعدي يومك يا نادر
نادر…..بضحك حاضر هسكت خلاص
روح…..انتوا مالكم ومال مريم يا رخمين
مريم….مش عارفه ياروح حاطني في دماغهم ليه
امير…..بقول ايه هو كده الحفله خلصت ولا ايه اعملوا حاجه انا زهقان
حنين……بذمتك حد يزهق وهو قاعد في القصر الحلو ده
فريده……بضحك يالهوي علي القصر
حنين…..بضحك خدوا بالكم لو حصل حاجه في القصر يبقي بسبب عيني
امير….طب ايه ناخد ساتر ولا ايه
جلال….انا بقول كده حنين عينها علي القصر وشكلنا هنولع كلنا
حنين…..بضحك بعد الشړ لا والله انا عيني مش وحشه بس اول مره ادخل قصر فا تلاقيني مبهوره بطريقه أوڤر شويه
ضحكوا كلهم عليها وابتسم علي علي جنانها وشقاوتها وروحها الحلوه وتلقائيتها
روح…..والله القصر وصحاب القصر بيقولولك تنوري في اي وقت اقولك لو عايزه تقعدي معانا اطرد الواد جلال وتقعدي في اوضته
جلال….الله الله بتبعيني يا روح
حنين….بضحك لا حرام ويبقي مشرد في الشوارع خلاص خليه وخلاص بس كلمه بجد بقي هو لا القصر ولا المكان ولا اي حاجه في الدنيا تساوي ان الواحد يبقي مع ناس جميله زيكم وروحهم حلوه
سالم….ياسلام علي الكلمتين الحلوين
روح…..هي معاها حق المكان مش بيفرق طول ما انت وسط ناس حلوه
فريده……فعلا يا روح وجودنا مع ناس جميله حتي لو في ابسط مكان يغني عن القصور و الڤلل واب مكان مهما كان حلو
حنين….بالظبط والله ويمكن انا انهارده كنت مبسوطه بوجودي. معاكم فوق ما تتخيلوا واليوم ده فرق معايا كتير جدا
زهره….مش قولتلك هتتبسطي
حنين…..حصل وفريده قالتلي اني هحس اني اعرفكم من زمان وكان معاها حق انا فعلا حاسه اني اعرفكم من زمان وحبيتكم اوي
روح….ياعمري واحنا كمان حبيناكي يا حنين والله وعايزه اقولك ان البيت ده بقي بيتك التاني واحنا كلنا اهلك يعني اي وقت تحسي انك مضايقه تيجي علي طول هنا وانا واثقه انك هتمشي وانتي كويسه وناسيه اي حاجه وحشه
حنين…..حبيبتي يا روح اكيد والله ربنا يعلم اني حبيتكم من حب زهره ليكم وكلامها عنكم وحبيتكم اكتر لما اتعرفت عليكم
منذر….طيب بالمناسبه الحلوه دي انتي معزومه علي فرحي انا وفيروز
حنين……الف مبروك زهره قالتلي والله واكيد هاجي انا خلاص مبقاش عندي غيركم انتوا بتوعي خلاص
ضحكوا كلهم علي كلامها.
راجح…..انتي بتشتغلي يا حنين
حنين…..لا والله يا أنكل لسه يعني تقدر تقول ان الخطوه دي مأجلاها شويه لحد ما اتحسن
راجح….طيب ليه تأجليها بيتهيألي ان الشغل هيساعدك انك تتحسني وتتشغلي بحاجه تانيه وتضيعي وقتك وهيتنسيكي اي تعب
حنين….يمكن حضرتك معاك حق وانا فعلا ده تفكيري انا بحب الشغل وبحب اني اكون ديما بعمل حاجه مش بحب اقعد لان لما بقعد من غير ما اعمل حاجه نفسيا بتعب وببدأ أركز في تعبي انا من سنه كنت بدأت شغلي بس للأسف مقدرتش اكمل فا قعدت تاني وقولت كده افضل بدل ما اصرف كل الفلوس علي الفاضي بس انا حاليا بظبط كل حاجه عشان اول ما اقف علي رجلي اكون جاهزه.
مهيب…..انتي زي الفل اهو وبعدين زي ما راجح قال الشغل بيحسن النفسيه جدا ابدأي واشتغلي واقفي علي رجلك
حنين ….انا نفسي والله بس للاسف ظروفي الوقت تمنعني انا تقريبا باخد جلسه كل اسبوع وفي بروتوكول علاج ماشيه عليه
وللاسف لما باخده بيهدني بمعني الكلمه غير الإشعاع والمسح الذري كل الحجات دي تمنعني من اني اقف علي رجلي واشتغل ويكون عندي طاقه
كاريمان….يا حبيبه قلبي ربنا يشيل عنك وترجعي احسن من الاول
رباب…..بإبتسامه حزن اللهم امين ان شاء الله قريب انتي وزهره تبقوا احسن من الاول وترجعوا تقفوا علي رجليكم وتبقي مجرد فتره في حياتكم
زهره….يارب
حنين …اللهم امين
علي…..بصلها واخيرا شارك في الحوار علي فكره انتي ممكن تبدأي وتشتغلي وتلهي نفسك بس حد يكون ثقه هو اللي يمسكلك شغلك ويوقفه علي رجلك يعمي من صحابك من اهلك اي حد بتثقي فيه
حنين….ضحكت وبصت لفريده وزهره لا ما هو مفيش مينفعش
علي….ليه مينفعش علي الاقل لما تحسي ان الشغل بيتطور حتي لو انتي مش هتديره بنفسك اكيد هيفرق معاكي واول ما تتحسني اكتر تبدأي شغلك وهو الشغل نفسه واقف علي رجله وليه كيان
حنين….بضحك طيب اقوله ايه يا زهره
زهره…..بإبتسامه مش عارفه مع ان كلامه مقنع
علي…..طيب هو ايه الاعتراض علي كلامي هو عادي ان الاهل يقفوا جنب بعض الصحاب
منذر……بالظبط انا لما تعبت من فتره اللي شال الشغل عني الشباب الحلوه دي كمان شمس ومريم وميار محسسونيش اني بعيد بالعكس شالوا الشغل كأني موجود واكتر
حنين ….بإبتسامه حزن اولا ربنا يخليكم لبعض ثانيا يا استاذ اااا
علي….بإبتسامه علي بس من غير استاذ
حنين….بإبتسامه ثانيا يا علي انا مش معترضه علي كلامك بالعكس كلامك صح بس تقدر تقول ان انا معنديش اللي يقف معايا انا مليش غير مامي وبابي واخويا الكبير ومراته اخويا ليه شغل وتقريبا ديما مسافر بره مراته جميله انا بحبها جدا بس هي ملهاش في الشغل هي بيتها وجوزها كل حياتها مامي زيها ربه منزل وبابي ليه شغله الخاص
لو علي الاهل فا تقريبا مش كلهم موجودين واللي موجودين منهم مش هينفعش يشيلوا شغلي لان بالفعل هما عندهم حياتهم وشغلهم ولو علي الصحاب فا تقدر تقول ان من بعد تعبي الكل بعد عني في البدايه كانوا بيسألوا كل فتره بعد كده اختفوا
فا مفيش حد اثق فيه وامسكه شغلي ومن الاخر مفيش حد في الزمن ده بيشيل حد يمكن لما كنت افضل كان الكل حواليا وعندهم استعداد يقفوا جنبي لانهم عارفين ان حنين بالطاقه اللي عندها هتنجحهم وهتضيف ليهم بس حنين الوقت لا هتقدر تنجحهم ولا هتقدر تضيف ليهم
علي……علي فكره ده مش عيب فيكي ولا حاجه تضايقك بالعكس دي تفرحك الناس دي يمكن كانوا معتمدين عليكي انتي وعارفين انهم من غيرك مش هيعرفوا يبقوا حاجه
حنين….بالظبط طول ما البني ادم واقف علي رجله وناجح الناس بتبقي حواليه كتير اوي بس لما بتقع الكل بيختفي لانهم عارفين انك مش هتقدر تديهم حاجه
راجح……ودي تعرفك ان مش هما دول الناس اللي تثقي فيهم اصلا اللي عايز ينجح وبيقربلك عشان انتي ناجحه يتخاف منه واكيد ربنا حب يبعدك عنهم عشان لما تقفي علي رجلك من تاني تقدري تميزي مين الشخص اللي ينفع يكمل معاكي ومين لأ
مراد…..راجح معاه حق اوقات بيحصل حجات في حياتنا ممكن تزعلنا وتوجعنا بس قدام شويه بنعرف ان ربنا كان ليه حكمه في كده يعني الناس اللي كانوا كتير وفجأه اختفوا اوعي تزعلي عليهم اللمه الكدابه عمرها ما هتضيفلك بالعكس دي ممكن تكون سبب في وقعتك وعشان كده ربنا حطك في الاختبار ده عشان الرؤيه عندك تبقي اوضح
حنين……مامي ديما تقولي كده اكيد ربنا لما بعالك المړض ده كان قاصد رساله معينه ومهما كان التعب اللي انتي حاسه بيه لما تخفي منه هتعرفي انه كان درس مش مجرد ألم بتحسي بيه وخلاص
مراد….بالظبط معاها حق
راجح…..بس عايز اقولك حاجه في اي وقت تحبي انك تبدأي شغلك هتلاقي الف واحد مننا واقف جنبك شايفه كل العيال دي لو بس احتاجتي حد فيهم وقالك مش فاضي انا عندي استعداد اعلقهولك
حنين…..بضحكه جميله ربنا يخليك يا انكل والله
زيد……الباشا معاه حق انتي بقيتي مننا خلاص يعني اعتبري نفسك ليكي اخوات واهل وعيله جديده وجربي بس تحتاجي حد فينا محدش هيخذلك وده مش تعاطف معاكي والله بالعكس بس كلنا معرضين انتا نقع نتعب نتزنق واكيد لازم نلاقي سند واحنا هنا كلنا سند لبعض وانتي بقيتي واحده مننا
حنين….بإبتسامه يالهوي هعيط والله ربنا يخليكم ليا وبجد مش كلام انا حبيتكم اوي اوي كلكم روحكم جميله وبصراحه كنت متخيله يعني اني لما اجي هلاقي بقي رجال اعمال مغرورين وهلاقي القصر مأثر عليكم
فريده…..بضحك يالهوي علي القصر
زهره…..انا مش فاهمه القصر مزعلك في ايه
حنين…..بضحك لا والله بهزر اللي اقصده يعني انكم متواضعين جدا روحكم حلوه تتحبوا بسرعه والحقيقه من اول ما جيت محدش فيكم حسسني انه اول مره يتعرف عليا
قاسم…..انتي كمان يا حنين والله تتحبي بسرعه وفعلا حسينا اننا نعرفك من زمان انا شوفتك قبل كده كذا مره وانتي عارفه اني حبيتك بس انا واثق ان الكل هنا حاسس انه يعرفك وحبك زي ما انا وزهره حبيناكي
حنين…..ده شرف ليا والله بجد وانا اقدر اقول ان تعبي ده كان من ضمن الاسباب اللي خلتني اتعرف علي ناس جميله زيكم.
مهيب…..الناس لبعض يا حنين ولو مفيش خير فينا صدقيني الحياه هتبقي وحشه اوي وزي ما في الحلو في الۏحش وفي النهايه هي دي الدنيا ولازم تتعاش بحلوها وبمرها.
جلال…..بضحك معلش بس انا هقطع كلامكم اللي كله حكم ده بس انا عايز افهم حاجه هو انتي تعبانه بجد يا حنين ولا ده مقلب واللي بعمله في الناس هيطلع عليا
ضحكوا كلهم علي جلال وضحكت حنين وبصتله
حنين……لا مش فهماك انت مش مصدقني ولا ايه
جلال……صراحه لا يعني لو تعبانه بجد يبقي ماشاء الله والله بس انتي شكلك كويس
روح…..يا ابني انت هتحسد البنت
جلال….والله ابدا انا قولت ماشاء الله بس صراحه مش مصدق
فرح….بضحك علي فكره انا كنان مع جلال يعني ماشاء الله انتي لا نحتاجه صحاب ولا دعم نن اي حد عشان تتحسني انتي جميله يا حنين وحاسه انك واخده التعب ببساطه
رامي….بس دي حاجه حلوه علي فكره انك تكوني قويه ومش محسسه حد بتعبك
حنين….الحمد لله انكم شايفني بالشكل ده
زهره……انا قولتها لحنين قبل كده وبقولها تاني يمكن في فرق سن كبير بيني وبين حنين بس هي من الناس اللي ادوني أمل في الحياه وخلتني حسيت اني معنديش حاجه اصلا
امير…..بضحك يعني هي تعبانه فعلا
جلال….شوفتي محدش مصدقك
حنين…….علي فكره انا عايزه اقول حاجه القوه عمرها ما بتيجي غير من الضعف يعني انا جات عليا فترات كتير كنت أضعف مما يكون في بدايه تعبي لما تعبت والكل بدأ يبعد عني وبقيت لوحدي بعد ما كان حواليا ناس كتير ده اثر عليا جدا لما سيبت الكليه ودراستي اللي بحلم بيها لاني مكنتش قادره احضر ده اثر عليا جدا تعبي والالم اللي كنت بحس بيه تغير شكلي عدم قدرتي علي الوقوف بعد ما كنت كتله نشاط كل دي حجات خلتني اضعف مما يمكن لدرجه اني جربت الاڼتحار مرتين بس بعد فتره قولت لنفسي ايه اللي انا بعمله ده وليه تعبت عادي ما ناس كتير بتتتعب وقعت عادي اكيد مش هفضل واقعه صحابي خذلوني مش نهايه الدنيا حتي لو حواليا مامي وبابي. اخويا دول كفايه عندي كفايه اني اقف علي رجلي عشانهم حلمي ضاع عادي يمكن مكنتش هنجح فيه وبدأت اقف من تاني علي رجلي وخدت قرار اني ارجع اقوي بكتير من الاول رجعت تاني اضحك واهزر وضعفي اتحول لقوه والحمد لله كتير اوي من اللي بيتعرفوا عليا بيستغربوا اني مريضه کانسر
جلال…..لا بجد عاش
راجح….براڤو عليكي اوعي تضعفي او تقعي ولازم تكوني قد الاختبار اللي انتي فيه
داوود…..بيتهيألي هي لو مش قده مكانش ربنا بعتهولها ربنا مش بيدي اي حاجه لحد فوق طاقته
حنين…..اكيد الحمد لله وانا واثقه في ربنا ان رحلتي قربت تنتهي وهنتصر علي الکانسر وهرجع احسن من الاول يمكن اوقات لحد الوقت لما بفتكر ان في ناس كتير خذلتني بزعل بس برجع اكمل واقول عادي
روح….لازم تكملي ولازم تقولي عادي عايزه اقولك نصيحه مش بس ليكي انتي يا حنين ولا لزهره دي نصيحه في العموم بعيدا عن تعبكم الماضي جميل في ذكريات حلوه بس كمان في ذكريات اكيد مش حلوه انا بشوف ان الوقت اللي عدي سواء كان حلو او وحش مينفعش نقف عنده عمرك ما هتاخدي خطوه لقدام وانتي باصه وراكي لازم تبصي قدامك عشان تكملي هل انتي تقدري تلفي رقبتك تبصي وراكي اكيد لا ربنا عمل رقبتك اخرها 90 درجه مينفعش طول الوقت تبصي وراكي الماضي تعبني الماضي كسرني ازاي اتعافي من الماضي ازاي انسي الماضي انا خسړت كل حاجه في الماضي لابقي كفايه بصي قدامك شويه الماضي راح بحلوه ومره هتفضلي طول الوقت باصه وراكي ليه ركزي في اللي جاي في حياتك في يومك في مستقبلك في احلامك زي بالظبط في ناس كتير ديما عندها خوف ورهبه من بكره والمستقبل خايفين من المجهول تلاقي واحده تقولك انا هايفه من بكره خاېفه من الوحده خاېفه اقع ده طبيعي لانك مركزه في بكره بكره ده مينفعش تركزي فيه لانك كده كده هتعيشيه معندكيش اي اختيارات محدش فينا عارف ممكن بكره يحصل ايه بس تقدري ترسمي بكره وتقومي تعمليه اكتبي ورقه اعملي خطه وعلقيها انا بكره عايزه اصحي من النوم اعمل كذا وكذا وكذا انا السنه الجديه او الشهر الجديد محتاجه انجز في حياتي واحد اتنين تلاته حطي خطه حطي اهداف واشتغلي عليها ركزي فيها وقومي بكره وانتي بتنفذي الخطه اللي رسماها لنفسك او ابدأي السنه الجديده وانتي مركزه علي اهدافك بجد .. الماضي خلص ومينفعش نفضل نعيط عليه مينفعش نزعل علي ناس كانوا فيه وبعدوا عننا لانك لو فضلتي تفكري بالشكل ده الدنيا مش هتسمي عليكي الدنيا عايزه القوي اللي يعافر معاها مش اللي يفضل يعيط علي اللي فات ولا ينفع تخافي من بكره ويبقي عندك رهبه من المستقبل لان بكره مش بتاعنا ولا في ايدنا ده في ايد ربنا فا انتي عندك اختيار لا تعملي بكره بأيدك لا تستني وتشوفي ربنا كاتباك فيه ايه وترضيه بيه أسألي نفسك كل يوم انتي عايزه ايه من الدنيا
ملك…..بإبتسامه حلو السؤال ده مع انه سؤال صعب
روح…..مش صعب يا ملك دي حقيقه لازم كل بني ادم فينا يعرف هو عايز ايه من الدنيا احنا مش جايين الدنيا كده وخلاص احنا جايين لهدف ربنا واحده اللي يعلمه بس كمان لازم احنا نبقي عارفين احنا عايزين ايه من الدنيا لاننا لو معرفناش احنا عايزين مننا ايه الدنيا هتشقلبنا
حطي خطه وحطي هدف اختاري الطريق اللي تمشي عليه لو مش عارفه الطريق ده صح او غلط وعندك رهبه انك متنجحيش فيه وكلي ربنا وقوليله يارب هو ده الطريق اللي حابه امشي بيه في حياتي لو صح خليني اكمل لو مش صح ابعدني عنه وصدقيني ربنا في الوقت ده هيقف معاكي لانه عارف انك بتحاولي وبتعافري بس خۏفك البسيط ده طبيعي وكفايه اوي انك توكلي ربنا هو يعلم وانا لا اعلم واكيد ربنا مش هيخذلك بس اللي اقصده انك تحاولي وترسمي بكره اللي انتي حابه تعيشيه بأيدك اوعدي نفسك ان بكره هصحي اعمل واحد اتنين تلاته وديما افتكري ان بكره ده الوعد اللي انتي بتوعديه لنفسك
مهيب….الله عليكي
رباب……ده ايه الكلام الحلو ده اتعلموا يا بنات وياشباب
حنين…..انتي جميله اوي بجد يا روح وكلامك في طاقه ايجابيه فظيعه
ميار…..بإبتسامه روح لما بسمعها بتتكلم ببقي عايزه اقوم اهد الدنيا شغل وبيبقي عندي طاقه فظيعه
روح…..ده مش مجرد كلام والله صدقوني لو كل واحد فينا حط خطه لحياته هينجح لو كل واحد فينا بطل يبص ويعيط علي الماضي او ېخاف من بكره الحياه هتبقي اسهل احنا اللي بنصعب الحياه علي نفسنا اللي بعد عننا وقت الشده ميلزمناش واللي خسرناه في الماضي نقدر نعمل احسن منه في المستقبل والمستقبل نفسه رغم انه مجهول بس ميخوفش
نور……بس ياروح هو ربنا كاتبلنا اللي احنا هنعيشه يبقي ازاي نرسم بكره ونقوم ننفذه
روح…..ارسم بكره وقوم نفذه وانت كلك طاقه وصدقني اللي انت هتخططه لبكره في النهايه هو ده اللي ربنا كاتبه البني ادم يقدر يغير قدره يا نور بس كنان حتي قدرك اللي هيتغير ربنا كاتبه صدقني تفائلوا خير خلوا عندكم ثقه ويقين بالله اختاروا طريق صح واكيد ربنا عمره ما هيخذلكم.
مراد…..ده ايه الكلام الحلو ده
راجح……بضحك اي خدمه روح بتديكم دروس في الحياه ببلاش
مراد…..روح دي روح قلبنا ومن غيرها منعرفش نعيش
روح ….ربنا يخليكم ليا يا مراد وديما اشوفكم مبسوطين وناجحين.
كملوا قعدتهم مع بعض في ضحك وهزار ونصايح القاعده حقيقي كانت جميله.
لحد ما فريده جالها تليفون مجهول
- يتبع الفصل التالي اضغط على (مملكة احفاد الطوبجي) اسم الرواية