رواية اللقاء الثاني الفصل السابع و العشرون 27 - بقلم منة محمد
(((بحبك بكل الحنان اللي فيكي واحبك بكل الجنون اللي فيا)))
رؤف: قوليلي يا بسمله انتي فعلا لسه بتحبي اسامه
بسمله بصتله: ايوه لسه بحبه لدلوقتي لانه حب عمري وحبيبي حتي لو انت رافض بس انا مش عارفه احب حد تاني بعده حتي لو هتقلب الدنيا في راسي
رؤف: انتي هتدخلي عواصف قويه لما تدخلي الصفقه الجديده بس هتخرجي بعد ما تعدي وترجع تشرق تاني
بسمله ابتسمت : وانا مش بخاف من العواصف الي بتهب وتهد برجع ابني من اول وجديد
رؤف اتنهد وقال بمكر: لو كان معاكي راجل يقف جنبك في مهمتك كنت هبقي مطمن
بسمله: مانت الي رفضت يبقي معايا اسامه يا بابا
رؤف: انا عايز اعرف اشمعني اسامه الي وقفتي حياتك كلها عشانه رغم اتقدملك كتير وفضلتي تتلككي ورفضتيهم كلهم لحد ما بقي عندك 29 سنه
بسمله: يعني عايزني اتجوز غصب عني واعيش مع شخص مش بحبه وبعد فتره ارفع دعوة طلاق من ابسط حقوق البنت اختيار شريكها زي اختيارها لتخصصها في دراستها
رؤف: يعني موافقه الاب مش اساسيه
بسمله : لاء اساسيه بس متبقاش ارغام في المساله دي وخاصا لما يكون عايز الي يعجبه هو مش الي تختاره بنته هو انت الي هتعيش معاه او هل هتنام في حضنه
رؤف: انا كنت عايزلك واحد في نفس مستواكي هو انت شويه انتي متعلمه وجميله تستاهلي اجمل شاب في الدنيا
بسمله : يا بابا انا مش عايزه غني ولا حسب ونسب انا عايزه صاحب خلق ودين واسامه فيه كل الصفات دي
رؤف نبره ندم : وانا اظاهر اتماديت معاكم كتير يابنتي
بسمله : يعني عرفت انك كنت غلطان
رؤف: ربنا يسعدكم
…………………………………………
اسامه كان وصل لشركه خالد وطلب من السكرتيره عايز يقابله وفعلا اذن له
خالد مبتسم: ايه الي قلتهولك قبل كده مش قلت لك هنتقايل تاني حتي لو مكنتش عايز اتفضل اقعد
اسامه بجمود: لاء شكرا مش هطول انت هددت نائب البنك بوجودي
خالد ضحك : بجد راجل نكته هو اخد كلامي تهديد
اسامه :وبصراحه كنت متفاجئ عارف ان ليك تأثير كبير وانك غني جدا لكن متخيلتش ابدا انك هتلعب بالطريقه دي
خالد :مفيش داعي ابدا للغيره اني اتولدت غني وباللعب بمهاراه
اسامه: وانا مش بغير اصلا منك ولا حتي من غيرك انا قلت متفاجئ شويه
خالد: ده ولا حاجه عشان تتفاجئ لسه عندي كتير اوي
اسامه: هنشوف بخصوص ده انا هسيب شغلي في البنك وهبدء لوحدي لاني مش عايز شئ يأثر بالسلب ع البنك او شغلهم
خالد: وهو نائب المدير هيسيبك تمشي الراجل ده اعرفه عنده حاجه بتحصل في الخفاء
اسامه: انا الي اخدت قرار الاستقاله
خالد: بس متكرهنيش كتير الثعبان مش بياكل الضفدع بس ع الاقل بيكره
اسامه: عرفت ان دمك بارد
خالد: وانا عارف كتير عنك دمك حامي وبيغلي
اسامه: مؤكد هتاخد فرصه تانيه عشان نشوف بعض تاني اتمني تقدر تبتسم من جديد
خالد: تفتكر مش هقدر
اسامه بصله شويه واخد بعضه وغادر المكان!
……………Menna Mohamed………….
في المستشفي
بسمله راقده ع سرير الكشف: طمنيني يا اسراء هقدر اخلف
اسراء: مش قلت لك كتير الشركه ممكن تمشي من غيرك لحظه فاكره
بسمله: ايوه ليه
اسراء رمشت بعيونها من كتر التوتر: عارفه انك بتحبي الامور تكون مختصره عشان كده هقولك مرة واحده انتي محتاجه عمليه عشان تقدري تخلفي
بسمله: والحل هتعمليلي العمليه
اسراء: انتي الي هتقرري لانها عمليه تخص الرحم
بسمله: يعني لو عملتها اقدر احمل
اسراء: دي حاجه بتاعه ربنا مقدرش اجزم
بسمله بعصبيه : يعني اه ولا لاء
اسراء: ممكن تبقي محظوظه وتخلفي
بسمله: ونسبه نجاحها قد ايه
اسراء: نسبه نجاحها ضئيله وحتي بعد الجراحه هتحتاجي لفتره علاج وفحص شهري منتظم بسمله بهتت ملامح وشها ونزلت دموعها: يعني بتقولي بعد كل البهدله والتعب ده احتمال كبير مخلفش وافضل من غير اطفال واكمل حياتي كده قلقانه وخايفه
اسراء: لاء يا بسمله نعمل العمليه الاول ونفكر في كل ده بعدين
بسمله ميلت دماغها اتجاه اليمين وقالت : اسراء عايزه افضل لوحدي
اسراء طبطبت ع ايدها: بس تفائلي بالله
………..Menna Mohamed…………..
زينب بهجوم: هو انتي اخدتي عليا ولا ايه قلت لك ع التلفون ليه عايزه تقابليني
انغام رفعت عيونها وبهدوء: اقعدي
زينب حدفت الشنطه وقعدت: قلتي موضوع يخص البنات خليه قصير واختصري
انغام: هو فعلا بخصوص بناتي اصل هيجلهم اخ صغير بعد 8 شهور ابن خالد
زينب سهمت شويه وبعدين ظهرت علامات الصدمة ع ملامحها
انغام تابعت: قلت لخالد الخبر وامه عارفه فقلت انتي كمان من حقك تعرفي
زينب بصدمه اكبر: ايه قلتي انك حامل ومن خالد والمطلوب
انغام: ممكن اربي الولد لوحدي لكن بما انه ابن خالد معرفش ايه هو الصح قانوني واخلاقي
زينب: ليه انتي خايفه لتجهضي الطفل الي انت لسه مولدهوش وبتطلبي مني اقنع خالد بيكي
انغام: هو انتي ممكن تربي العيل
زينب بحلقت فيها بصدمه : انتي بتتكلمي بجد
انغام: مش انتي عايزه تعيشي في حياه عايله ثريه لازم تتحملي العبئ ولا متقدريش
زينب قامت من مكانها بنفعال: انا لايمكن اسمع تخاريفك بعد كده
انغام قامت وقربت عليها بخبث وقالت: انا عرفت انك احتفظتي بديله جوازك القديم واضح انك لسه بتحبيه
زينب بصرخه: اخرسي خالص
انغام : لاء اسمعي فكرتي الاخيره المجنونه ليه منرجعش احنا الاتنين لحياتنا القديمه انا ارجع لخالد وانتي ترجعي لطليقك الي هجرك
زينب بصتلها بغيظ وغضب ورفعت ايدها تضربها بالقلم
انغام مسكت ايدها بقوه: لاء ياحلوه ده مكاني الي انتي اخدتيه مني ارجعي مكانك والا هعمل
زينب قطعتها: اه هتعملي ايه
انغام حست بألم رهيب ومسكت بطنها لقت دم كتير بينزل بين رجليها وزينب صرخت وطلبت الاسعاف
…………………………….
في المستفي
خالد داخل بيجري: انغام ( لمحها) زينب ايه الي حصل
فوقيه دخلت بفزع: ايه الي حصل ياولاد دي لسه حامل جديد انغام فعلا اجهضتي الطفل قوليلي
انغام ببكاء: ايوه
فوقيه اترنحت ع وري : ياربي
خالد مسكها: مالك يا ماما
فوقيه: قلبي ياخالد قلت خلاص هيبقي عندي حفيد ليه حصل كده ازاي خسرتي العيل وليه زينب كانت معاكي
انغام: كانت غلطتي زينب ملهاش دعوه بالي حصل
فوقيه: طيب قوليلي ازاي
انغام: كنت قلقانه ع مصير ابني الي هولده وان خالد لازم يرجعني عشان ابننا يعيش معانا وقابلتها عشان نتكلم وهي انفعلت لما قولتلها اني حامل
خالد: خليكي صريحه وقولي الحقيقه
انغام بغيظ: انت ازاي تقولي كده
فوقيه ضربته بغيظ: اقفل بؤك
زينب حست انها واقفه تايهه وعايشه وسط وحوش لهم انياب اخدت بعضها وطلعت متعصبه
فوقيه تابعت: قوليلي ايه الي عملته فيكي
انغام: جرحتني بالكلام وحصل الاجهاض
فوقيه اتكت ع اسنانها بغل: اه المتشرده الحقيره
خالد مسك دراعها: انتي رايحه فين
فوقيه سحبت دراعها منه وطلعت بره وضربت زينب في كتفها بالشنطه: انتي الي نهيتي نص شجره عيلتنا عارفه كده
زينب: لاء مش انا هـ
فوقيه صرخت فيها: غيرتي وحقدتي ماهو انتي مبتخلفيش ازاي تستحملي مراته الاولي تخلف فعلا حقوده وحقيره
خالد طلع وبصلها: ارجعي البيت انتي الاول
زينب: وانت
خالد: مقدرش اسيبها لوحدها هفضل معاها نتكلم بعدين
……………………………….
ركن عربيته قدام الشركه واتصل بالموبيل وهو ع اخره من تصرفاها الي بقت غير مفهومه المفروض انهم مسافرين سوي الامارات ورحلها الشقه ملقهاش مجهزه اي شنط واتصل بيها كذا مره مش بترد عليه كأنها عملتله بلوك من حياتها وخرجته من حسابتها قرر يعرف هي فين بالظبط ويحاسبها واتصل بأبراهيم
ابراهيم رد عليه: اهلا يا صحبي طمني ع احوالك
اسامه: تمام ابراهيم هي بسمله في الشركه
ابراهيم: اه موجوده
اسامه بضيق: هي فين بالظبط
ابراهيم: في غرفه الاجتماعات
اسامه قفل وطلعلها ووقف قدام الغرفه وانتظرها لحد ما طلعت
اسامه: انتي بتعملي ايه هنا ممكن افهم
بسمله: انت الي بتعمل ايه هنا
اسامه: مش كان المفروض مسافرين الامارات مع بعض النهارده وجبت التكت
بسمله: بجد
اسامه بصوت مرتفع : بسسسسسمله
بسمله بأسلوب حاد و نظرةٍ قوية : وطي صوتك فيه عيون علينا
اسامه سحبها في ركن وقالها: انا ممكن ارجع التذاكر واهتمي بشغلك وبعدها نسافر
بسمله لفت وشها لقدام ومش بترد عليه لان قلبها واجعها جدا
اسامه بعصبيه : بسمله انا بكلمك
بسمله بصتله : مش رايحه اي مكان معاك حكايتنا خلاص انتهت
اسامه بندهاش : يعني ايه
بسمله: قولتلي قبل كده ان كل ده حلم وهنصحا في النهاية وهنرجع للواقع واعتقد اني كنت بحلم حلم طويل ومزعج من اول ما اتقابلنا في اليونان حلم زي ليله رعد وبرق جه وخلص وانا فوقت من الحلم دلوقت
اسامه: وانا بسألك ايه الي تقصديه من الهري ده
بسمله: انت مش فاهم ولا بتمثل انك مش فاهم بما اني صاحيه لازم ارتب سريري واغسل وشي واروح شغلي لامتي هفضل نايمه
اسامه بدء وشه يحمر وبعصبيه : متلعبيش معايا بالكلام قولي عايزه تقولي ايه
بسمله: ايامنا كانت اربع ايام في اليونان وراحت لبعيد ضد التيار وشايفه ننهي الي بينا هنا
اسامه اندهش شويه: ايه الي بتطلبيه ده يا بسمله انتي مستوعبه
بسمله : انا فكرت في الموضوع كتير جدا احنا مينفعش نكمل وشكرا ليك ع حاجه قضيت معاك وقت جميل مع السلامه
اسامه وقف قدامها وعيونه فيها نظره كلها ذهول: هو انتي بتعملي واحد من مقالبك فيا
بسمله سحبت ايدها من ايده بحده وهو قال: ساعديني افهم منا مش هقدر اكمل معاكي المقلب
بسمله : علاقتنا دي كانت اكبر غلطه من الاول وكل ما هنكمل فيها هنأذي اكتر مش احنا بس حتي الي حوالينا هيتأذوا ويتورطوا في مشاكل مش هتنتهي ومشاعرنا نقضي عليها هنا ليه نعيش كل التعب ده
اسامه اتنهد بضيق وقالها: ممكن متفكريش في حد غيرنا انا قربت اتجنن انا عايز افهم انتي ايه الي جرالك مش انتي ابدا بسمله بصيلي انا اسامه حبيبك الي رجعلك بعد غياب
بسمله :اه عارفه وعرفت بعد التحقيق ودفع مبلغ الضرايب اني مش عايزه اخسر شغلي تاني وتعبت بسبب كياني الي انهار و الي افتكرته انك اهم منه
اسامه بقهر: يعني كل همك الفلوس الشركه الثروه اكتر من حبي
بسمله: اه حبيبتك لانك حبي الاول لللسبب ده كنت ضايعه بسببك وكل ما بصحا بكتشف اني خبط في حيطه سد واتوجعت
اسامه: وحلك الافضل للوضع ده تنفصلي عني
بسمله: ده مش وضع جديد احنا اصلا عايشين منفصلين ولا انت مش واخد بالك
اسامه: احنا اتجوزنا وانتي مراتي انا اول راجل المسك وبجد مش عايز اسمع اي حجج واعذار قوليلي ايه هي الحقيقه
بسمله: حتي لو ليا مشاعر ناحيتك مش اهم مني انا وانت اتجاونا فتره المراهقه خلاص وكبرنا ومش هتخلي عن بعض الامور عشان بس الحب
اسامه: لاء انا مش مقتنع بردك ده انا بسألك انتي بتحبيني
بسمله: لاء كنت بحبك ومش هراضيك ع حساب نفسي
اسامه واقف مكانه حرفيا حاسس انه في كابوس مخيف وبسمله بتختفي من قدامه وركبت عربيتها ومره واحده صرخت من شده الالم واتصلت بالاسعاف تلحقها
- يتبع الفصل التالي اضغط على ( رواية اللقاء الثاني) اسم الرواية