رواية مملكة احفاد الطوبجي الفصل السابع و العشرون 27 - بقلم اميرة اسامه
بعد ما خلصت روح كلام و نصايح لحنين وللشباب رجعت القاعده تاني كلها ضحك بسبب جلال وأمير و أنضملهم حنين ومريم اللي خلوا القاعده احلي بخفة دمهم.
بص رامي علي فاطيما كانت باصه علي الارض وساكته
رامي …..غيبوتي مالك
بصتله فاطيما وابتسمت
فاطيما …..مفيش
رامي….امال ساكته ليه وسرحانه في ايه
فاطيما…..ولا حاجه والله انا تمام
رامي….طب عيني في عينك كده
فاطيما…..ما تبطل رخامه قولتلك انا تمام
رامي…..لا ما تديني بضهر ايدك واخلصي
فاطيما……بضحك لا وشك هيوجعني في ايدي
رامي……بضحك ايه الجمله دي وشي اللي هيوجعك في ايدك
فاطيما……اه والله انا مش حملكم ايدي صغيره
رامي……طب بجد مالك في ايه
فاطيما….ابدا والله سرحت في مامي وبابي وافتكرتهم قولت ياريتهم كانوا معانا الوقت
رامي…..بحب ربنا يرحمهم يا قلبي ادعيلهم هما اكيد هيحسوا بيكي
رامي…..لو هتبقي مرتاحه سافري وانا لو حابه اجي معاكي اجي
فاطيما….لا ياشيخ بغني لو قولتلك تعالي معايا هتيجي
رامي….اه والله العظيم هاجي
فاطيما….بإبتسامه يالهوي علي الطيب ده ربنا يخليك ليا يا رامي
رامي…..ويخليكي ليا يا غيبوتي بس عشان خاطري افردي بوزك ده شكلك وحش وانتي مكشره
فاطيما….تدفع كام وانا أضحك
رامي….ابتسم ورفع حاجبه بقيتي ماديه كده ليه يابت
فاطيما….الله مش عايزني اضحك ادفع
رامي…..طيب خمسين جنيه حلوه
فاطيما…..بضحك انا بشحت منك
رامي….ليه هي الخمسين جنيه وحشه دي تعيشك يوم
فاطيما…..لا بس ارفعهم شويه
رامي….نقول ميه
فاطيما….ارفع تاني
رامي……200
فاطيما…..بضحك هو انت مش هتعدي الالف خالص
رامي……اصل انتي كده هتيجي معايا بخساره
فاطيما……خساره فيا
رامي……لا يا قلبي خساره ليا ما عنك ما ضحكتي
فاطيما……بضحك اه يا واطي طب مش ضاحكه خلاص وهفضل زعلانه
رامي…..لا متهونيش عليا وكمل بضحك بس عايز افهم انتي مزنوقه في قرشين وقولتي تطلعي مصلحه ولا ايه
فاطيما……بضحك صراحه اه وما صدقت كمان
رامي….ياستي انا معاكي من جنيه لزي ما انتي عايزه بس متبقيش زعلانه
فاطيما…..هو لو انت مش عايزني ابقي زعلانه بجد يبقي تخرجني خروجه حلوه.
رامي…..بس كده والله موافق شوفي عايزه تروحي فين وانا هوديكي
فاطيما……بصت لفوق عايزه اروح ديسكو
رامي……وحياه امك
فاطيما…..بضحك ضړبته علي كافه اتلم يا قليل الادب
رامي……ايه فكراني سوسن
فاطيما….الله ما انت بتروح وبتصيع انت ونور والشباب
رامي……احنا نروح انتي والبنات لا
فاطيما….ليه ان شاء الله هو مفيش بنات هناك
رامي…..لا يا اختي فيه بس هما احرار
فاطيما…..طيب عموما لو مش هتوديني هروج لوحدي
رامي….طب جربي يا فاطيما والله العظيم اكسرلك رجلك
فاطيما….ليه ان شاء الله ده ناقص تقولي هفتن لنور
رامي….ليه يابت وانا مستني نور عشان افتن عليكي
فاطيما….بإبتسامه بصتله طيب وانت ليه مش موافق
رامي….هو كده
فاطيما…..مفيش حاجه اسمها هو كده قول اسباب
رامي….كفايه اني اقولك متروحيش مكان زي ده وانتي عليكي تسمعي الكلام
فاطيما……ولو مسمعتش
رامي…..بصله بضحكه غيظ بت انتي عايزه ايه مني عيزاني اتعصب مش هتعصب علي فكره
فاطيما….بضحك والله ابدا بس انت غريب دي سهره عاديه
رامي….لا يا قلبي سهره عاديه تبقي في اي مكان غير النايت والكلام العبيط ده
فاطيما……خلاص تعالي معايا لو مش عايزني اروح لوحدي
رامي…..پغضب بسيط ماشي اوعدك لما ارفعهم هبقي اروح بيكي
فاطيما……بضحك ترفع ايه
رامي……بإبتسامه رفع حاجبه يابت خليني مؤدب ولساني محترم معاكي
فاطيما……طب خلاص مش عايزه منك حاجه انا هعمل كل حاجه لنفسي
رامي……هزعلك والله
فاطيما……بضحك طب خلاص والله علي فكره انا بهزر اصلا انت عارف اني مش بحب اصلا الدوشه
رامي….ولو بتحبيها مش هتعتبيها اصلا طول ما انا في حياتك
فاطيما…..ده ايه الثقه دي بصفتك ايه ان شاء الله
رامي بصلها وابتسم بغيظ وسكت
فاطيما……بضحك ايه باصصلي كده ليه ما ترد بصفتك ايه صاحب اخويا ولا صاحبي ولا اخو صاحبتي
رامي…..بإبتسامه مش هرد عليكي يا فاطيما عشان لو رديت والله هتغابي عليكي
فاطيما…..متقدرش
رامي….ماشي ياستي مقدرش
فاطيما…..بصتله ثواني وبعدين ابتسمت طب ايه خاي ترد ليه ما تقولي بصفتك ايه
رامي…….جز علي سنانه وابتسم يا فاطيمااااا اسكتي سبيني في حالي
فاطيما…..لا مش هسيبك غير لما تقول
رامي……ولو قولت هتسكتي
فاطيما…..اه علي الاقل اعرف عايز تمشي كلامك عليا بصفتك ايه
رامي مكانش قادر يمسك نفسه وعايز ينطق بتستفزه وهو فعلا اتنرفز عدل قعدته وبصلها وهو مركز في عينها
رامي……يمشي معاكي بصفتي اني بحبك مثلا
فاطيما كانت بصاله وهي مبتسمه واول ما قال كلمته اټصدمت وابتسامتها اختفت بهدوء
فضل رامي باصللها بقلق من رد فعلها عايز يبتسم ويقولها بحبك زي اختي ويرجع في كلامه قبل ما تاخد رد فعل لكن قرر انه خلاص نطق يحصل اللي يحصل
فاطيما…….ابتسمت وهي وشها احمر انت قولت ايه
رامي…..بإرتباك لعب في دقنه وبص قدامه
فاطيما…..قربت منه وبصتله وهو باصص قدامه رامي بصلي انا بكلمك
بصلها رامي وابتسم بهدوء عايزه ايه يا فاطيما
فاطيما……انت قولت ايه
رامي…..اللي سمعتيه بس لو مضايقك تقدري تعملي نفسك مسمعتيش حاجه
بص قدامه تاني وفضل يهز رجله بتوتر وهي وفضلت بصاله ومبتسمه و سرحانه في كل تفاصيل وشه ومش بتنطق هي كنان حبيته ومقدرتش تقول ده ليه او لنور او حتي لنفسها كانت بتكدب احساسها وبتحاول تبعد بالفكره اللي مسيطره عليها كانت خاېفه تخسره كا صديق مع ان كل تصرفاته معاها كانت بتقول انه بيحبها بس مكانتش حابه تعشم نفسها بحاجه ممكن متحصلش
بصلها رامي بهدوء وفضل مركز في عينها ثواني
رامي……ايه هتفضلي مصدومه كده كتير.
فاطيما……بدقات قلب فظيعه هو اللي انت قولته ده بجد
رامي……انتي شايفه ايه
فاطيما…..انا بسألك اللي قولته ده بجد
رامي…..قولتلك يا فاطيما لو حابه تصدقي اللي سمعتيه يبقي انا قولته لكن لو ضايقك اعتبري نفسك مسمعتيهوش
فاطيما……رامي رد عليا هو انت بجد ااااا …
رامي…..اه يا فاطيما بجد ومن زمان
فاطيما……وليه مقولتش
رامي….مكانش ينفع وقتها
فاطيما……ليه
رامي……عشان حجات كتير اولهم انتي كنتي مرتبطه بصاحبي واخويا وانا اكتفيت بيكم صحاب لا قدرت اخسره ولا اخسرك واتعاملت وكنت تمام بعدها لما سبتوا بعض مكانش ينفع اجي اقولك بردوا لان انتي لسه خارجه من تجربه وكمان مكانش ينفع لان حتي لو انتي وامير سبتوا بعض مينفعش اجي اقولك كده لان شكلي في نظر صاحبي مكانش هيبقي حلو وانتي كمان مكنتيش هتشوفيني بشكل حلو
ولما عرفت ان امير ارتبط بفرح قولت خلاص دي فرصه هو بقي في حد تاني في حياته ولو انا خدت الخطوه دي مش هيزعل
بس وقتها انتي سافرتي وانا كمان كنتي مسافر وقررت اني اعترفلك اول ما اشوفك وارجع
بس رجعت وانتي حصل معاكي اللي حصل ومامتك وبباكي اتوفوا مكانش ظرف مناسب خالص وبعدين حتي لو كنت قربت منك في الوقت ده انا كنت واثق انك ممكن توافقي بس مرضتش
فاطيما….ليه
رامي…..لانك كنتي في وقت ضعف يا فاطيما نور مش بيتكلم ومڼهار وتعبان وانتي لسه چرحك مقفلش والموقف مأثر فيكي واي قرار كنتي هتاخديه مكنتيش هتبقي وخداه من قلبك كنتي هتبقي موافقه لانك محتاجه حد يكون جتبك في الفتره دي وانا مرضهاش علي نفسي يا فاطيما اكون مجرد مسكن لوجعك
انا كنت مجرد مسكن لوجعك كا صديق كا أخ بس مكنتش هرضاها علي نفسي كا حبيب
فاطيما…..وليه الوقت يا رامي
رامي…..مش هقولك انك استفزتيني وانا لقيتها فرصه اني ادخل الكلام الجد وسط الهزار بس هقولك اني تعبت خلاص ومحتاج انك تعرفي وبيتهيألي الظرف بقي غير الظرف يمكن انا مش عارف كلامي ده ضايقك ولا لأ ولا عارف ايه هيكون ردك عليه بس كفايه اوي اني اعترفت باللي جوايا اما بقي بالنسبه لردك فا انا مش هستعجل فيه حابه تاخدي وقتك خدي
حابه تقولي الوقت ردك قولي حاسه ان الكلام ده مينفعش يتقال وانتي مش هتقدري تشوفيني غير صاحب في ضهرك زي ما قولتلك انا هفضل موجود واعتبري اني مقولتش اي حاجه ممكن تبوظ علاقتنا او توترها
ابتسمت فاطيما وفضلت بصاله
فاطيما……انا كنت حاسه علي فكره وكنت بكدب نفسي
بصلها رامي وابتسم وهو ساكت
فاطيما……كل تصرفاتك معايا رغم ان كلها هزار بس كنت حاسه ان في حاجه
رامي…..يعني انتي مش مضايقه من اللي سمعتيه
ابتسمت فاطيما بتأثر
فاطيما……كنت هضايق لو مكنتش اتكلمت يا رامي
ابتسم رامي بسعاده وبصلها پصدمه
رامي…….لا يعني ايه مش فاهم
ابتسمت فاطيما بكسوف وسكتت
رامي…..لا متسكتيش قولي اي حاجه اللي فهمته ده صح
بصتله فاطيما وابتسمت بهدوء وبعدين هزت راسها
رامي…..پصدمه ابتسم فاطيما انتي مش بتكدبي عليا صح
فاطيما……انا بحبك يا رامي
فاطيما….بكسوف لا خلاص مش هقول تاني
رامي…..لا ايه انتي هتنطقي وتقولي تاني اقولك قولي وانا اوديكي النايت الوقت
ضحكت فاطيما من قلبها وبصتله
فاطيما…..بعت القضيه في ثانيه
رامي…..بضحك طب اعمل ايه عايز اصدق اللي سمعته بجد ولا انا بحلم
فاطيما…..بسعاده مش بتحلم يا رامي
رامي…..يااااااالله اخيرا
فاطيما…..بكسوف انت اللي اتاخرت اوي
رامي…..انا اتأخرت عشان كنت خاېف من رد الفعل بس لو اعرف مكنتش اترددت ثواني
فاطيما……بتنهيده بصتله طب ايه انت هتفضل باصصلي كده انا مش ناقصه توتر قلبي هيقف يا رخم
رامي…..بإبتسامه حب والله بحبك يا غيبوتي
فاطيما…..بسعاده مبدأيا كده تبطل الكلمه دي بدل ما تطلع عليا زي ما جعفر طلعت علي مريم
رامي……هبطلها بس هفضل اقولهالك بيني وبينك اتفقنا
فاطيما…..اتفقنا
رامي….بقولك ايه عشان انا الوقت مش قاعد علي بعضي الكلام هنا مش هينفع ولازم نتقابل
فاطيما…..ماشي شوف عايز ايه وانا هعمله
رامي….هتفق معاكي عالموابيل
فاطيما…..بسعاده ماشي
رامي….بحبك يا رخمه
فاطيما…..وانا بحبك يا رخم
…………………
نور…..ميار
ميار…..نعم
نور…..هتقولي لمنذر امته علي الشغل المفروض تعرفيه بكره اول يوم لينا
ميار…..هو عارف علي فكره انتا هنبدأ بكره
نور…..معلش بس الأفضل تقوليله تاني احسن
ميار….اكيد طبعا هقوله
نور….طب يلا قومي مستنيه ايه
ميار…..بصراحه مكسوفه يا نور
نور….مكسوفه من ايه انتي مش بتقولي انه عارف اصلا انتي بس هتأكدي عليه
ميار…..ايوه عارف هو وشمس ومريم بس مكسوفه اني اقوله خلاص مش هاجي تاني
نور…..انتي عبيطه يا ميار
ميار….والله مش عبط بس الموقف محرج بصراحه اوي
نور….ولا محرج ولا حاجه تيجي اروح معاكي
ميار…….حبيبي يا مسيو ياريت بالله عليك
نور…..بضحك هز دماغه والله هبله تعالي يلا
قامت ميار معاه وقفت بعيد شويه عن الدوشه
نور……منذر منذر
منذر…..بص وراه اه يا حبيبي
نور….تعالي ثواني معلش
منذر……حاضر
قام منذر وراح عليهم وهو مبتسم
منذر…..غمز لميار ايه القمر ده يابت
ميار…..بأبتسامه انت اللي قمر يا عريس
نور…..ايه ده فينا من المعاكسه يا فيرووز
منذر…..ايه الواد الرخم ده انت بتفتن عليا عايز تبوظلي الجوازه
ميار…..اصلا لو فيروز جات هتقول اني قمر عادي
نور….بضحك الحق الغرور
منذر…..مغروره اوي صح انا قولت ارفع من روحها المعنويه
ميار…..ايه ده يعني انا وحشه لا والله ده انا اعيطلكم هنا
منذر…..لا والنبي بلاش عياط مش مكفيكي الدوشه انا دماغي باظت خلاص انتي قمر اقولك انتي احلي من ام لهب كمان
ميار…..بضحك تم لهب دي اللي هي ميار هقولها
منذر…..قوليلها وانا بخاف بس بقولك ايه لما تقوليلها ميبقاش قدام الو لهب بالله عليكي ايده عامله زي المرزبه
نور…..بضحك جربتها لما الجيت الصبح بسلم عليه بيطبطب علي ضهري حسيت اني هبلع لساني بقوله ما براحه يا ياسين انا جاي من سفر
منذر…..بضحك لا ده كده كمان تعبير عن حبه مبالك بقي تزعله
نور…..لا ياعم بعد الشړ لا يأذينا ولا نأذيه
منذر…..بضحك شقه العفاريت مأثره عليك يالا والله
نور…..متفكرنيش احنا كده حلوين
منذر…..بابتسامه المهم قولي كنت عايزني في ايه
نور……ميار اللي عيزاك
ميار…..بضحك ايه النداله دي بعتني في لحظه
نور…..الله مش نادتلك عليه
منذر…..وانتي جايله وسيط ليه بينا ياهبله
نور…..اتفرجي قلة القيمه بقي بقيت وسيط
منذر….بضحك اه وسيط ما تيجي هي تناديني وتقولي عايزه ايه
نور….اطلع انا منها يعني طب سلام عليكم
ضحك منذر وحط ايده علي كتف نور
منذر….لا خلاص منقدرش نستغني عنك يا طويل يا اهبل
ميار……بص هو انا بصراحه محرجه منك وهو اللي قالي انه يساعدني ويناديلك
منذر……محرجه مني انا طب ليه عملتي ايه يا مصېبه
ميار….بضحك لا والله مش عملت بس يعني كنت عايزه اقولك اني بكره خلاص هبدأ مع نور وبستأذن منك يعني عشان مش هعرف اجي تاني وبجد يا منذر مش عيزاك تزعل مني انت عارف انك غالي عندي اوي ومحبش اني ازعلك انت وقفت معايا في وقت كنت محتاجه في اني اشتغل وعمري ما هنسالك وقفتك دي ومش معني اني هسيب الشغل اني بتخلي عنك والله ابدا انا اي وقت ممكن تحتاجني تحت امرك طبعا وعمري ما هقولك لأ بس المهم متبقاش زعلان
منذر….بص لنور وهو رافع حاجبه وابتسم البت دي عبيطه
نور…..بضحك اه ومعاها شهادة معامله اطفال
منذر…..ولا حصلت اطفال حتي بص لميار انتي بجد عبيطه يا ميار زعل ايه اللي ممكن أزعله منك حبيبه قلبي ده مستقبلك وانتي حره تعملي فيه اللي يريحك و حره تشتغلي في أي مكان ومش معني انك هتشتغلي في مكان تاني اني ممكن ازعل منك . يا عبيطه انتي أختي الصغيره و اتمنالك الخير في اي مكان تكوني موجوده فيه وبعدين هو انتي هتشتغلي مع حد غريب ضم نور ليه بحب انتي هتشتغلي مع اخويا الصغير واختي الصغيره يعني واحد يا ميار.
ميار ….بابتسامة يعني مش زعلان صح
منذر….يابت زعلان من ايه بس اخواتي الصغيرين هيشتغلوا سوا و يحققوا حلمهم و يكبروا مع بعض متخيله ان دي حاجه تزعلني مستحيل طبعا وبعدين انا يوم ما احتاج حاجه ولا اكون مزنوق في حد يساعدني مش هاجي اقولك ولا اقول لنور ولا اقول لاي حد فيكم
نور…..حبيبي يا منذر انا عيني ليك وانت عارف
منذر….طبعا عارف يا حبيبي انك متتأخرش لا انت ولا اي حد من الشباب والبنات
ميار…..اكيد يا منذر احنا كلنا اخوات وانا والله لو فعلا في يوم احتاجتني عمري ما هقولك مش فاضيه واكيد هستناك في اي وقت انت او شمس او مريم تطلبوا مني اي حاجه وانا قيلالهم كده اي وقت يحتاجوا في حاجه انا موجوده
منذر….عارف يا حبيبتي والله بس لازم تعرفي اني مش زعلان منك بالعكس انا مبسوط عشانك انتي ونور وفاطيما واكيد مش محتاج اقولك يا نور. لو محتاج ايه تعرفني انا اخوك وهفضل في ضهرك لحد ما تقف علي رجلك
نور…….عارف يا صاحبي والله انك عمرك ما هتقصر المهم بس هي ميار مش حابه تمشي وهي حاسه انك زعلان وانا عارف طبعا انك مش هتزعل بس حبيت اريحها واخليها تكلمك تاني
منذر….سيبك منها دي عبيطه ازعل من اختي حبايب قلبي ربنا يوفقكم ويسعدكم واشوفكم ناجحين مكسرين الدنيا وهاجي اباركلكم بنفسي في الشركه بس يومين كده تكونوا أستقريتوا
نور……ده المكان هينور بيك يا احلي عريس
جلال…..قرب منهم وحط ايده علي كتف نور انا بقي عايز اعرف بتنموا علي مين ومقطعين فروته
منذر…..بضحك هو في غيرك
جلال….عيب انا قولت اللمه دي اكيد بتقطع في فروتي
نور…..هو انت فاكر انك محور الكون ياض يا اهبل والله ولا جيبنا سيرتك
بص جلال لميار ومنذر وهو رافع حاجبه
جلال……شايفين قلة الادب
منذر….بضحك خد حقك بقي
جلال…..انا طول عمري محور الكون يالا انت اللي محدش يعرفك
نور……ده قصر ديل امشي ياض بدل ما اضربك
جلال……طب مش هتقولي بترغوا في ايه
نور…..بضحك ھيموت ويقعد علي الخبر
ميار….حشري اوي صح
نور…..اوي
منذر…عيل رخم
جلال…..بضحك بص لميار بقي كده طب حلو اوي الكلام ده وربنا لا هروقكم انتوا التلاته مقالب وبالذات انتي
ميار……بضحك لا خلاص انا اسفه
نور……نقوله وخلاص ده عيل شړاني وانا عارف مقالبه
منذر…..بإبتسامه ابدا يا سيدي ميار الهبله جايه تستأذني عشان من بكره هتبدا شغل مع نور وخاېفه اكون زعلان
جلال……ما اديك قولت اهو هبله حد ياخد علي كلام واحده هبله
ميار…..بضحك ضړبته علي كتفه اتلم يا رخم
جلال……انا اصلا لو مكانك اسيب الشغل ومفكرش اشتغل تاني
نور….انت جاي تسخنها عليا يا سي زفت
جلال….والله ما حصل انا بتكلم عن نفسي ھموت واخد الخطوه دي واقعد مبلطج في البيت زي زمان
منذر…..بضحك ايه اللي مانعك خاېف تتعلق
زقه نور وحدفه بعيد
نور…..اتلهيي
جلال…..بضحك ابو هزارك التقيل يا جدع لا بجد والله احساس الراحه ده احساس فظيع وحشني اوي اني اصحي علي الضهر او العصر يااااااه
ميار…..بضحك والله انت وحشك الحزام عشان تصحي للشغل
جلال….بضحك اه فاكره الباشا لما كان يلاقيني اتأخر يدخلي بالحزام اسمع صوته بس ابقي في الحمام استحميت ولبست كمان
منذر….انت عايز كرباج عشان تمشي عدل
جلال…..هي الراحه بقت غلط في الزمن ده
نور….طيب بزمتك لو الباشا جالك الوقت وقالك اقعد من الشغل هتقدر
ميار…..بضحك ودي عايزه كلام ما هيصدق طبعا
جلال…..بإبتسامه طب والله لا هو الصحيان بدري رخم خصوصا اني بنام متأخر ومش عارف اظبط يومي بس مقدرش اقعد مستحيل
منذر…..بطل يا اخويا حب ونحنحه مع رهف بليل وانت تنام بدري.
جلال…..حب و نحنه انت تعر عني كده طب والله ابدا اسالهم بفضل قاعد معاهم تحت لحد ما روح تصحيني وتقولي اطلع نام بطلع احط دماغي واصحي علي صوت روح وهي بتصحيني
نور….ده عيل ملوش في الجو ده ده اديله مقالب هزار نكت انما حب ورومانسيه والجو ده ملوش
جلال……حبيبي يا ابو الصحاب فاهمني والله
منذر……ده دماغ لوحده ده ربنا يهديه المهم يا نور مبروك يا صاحبي ومبروك يا ميار وانا سيبتلك ظرف مع شمس وهي قالتلي انك مش عايزه تاخديه
ميار….منذر صحيح بالله عليك انا مش هاخد الظرف ده فا بلاش نتكلم في الموضوع ده كتير
منذر…..انتي فعلا عبيطه يابنتي ده حقك وحق شغلك الايام اللي فاتت هو في حد بيشتغل ببلاش وبعدين ده لو يوم ولا يومين هنقول ماشي ده شهر كامل
ميار….مش شهر ولا حاجه يا منذر لسه فاضل يومين
جلال…..بضحك واليومين دول تعبوكي اخصملها ياعم اليومين دول
منذر…..مش فاهمها بجد عبيطه اوي
جلال….ب قولك ايه خدي الظرف من شمس واديهولي في الخباثه
ميار…..بضحك انت شايف كده
جلال….هحوشهملك انتي مصرفه
نور….وانت ايه
جلال….مصرف بردوا بس الصح سيبك منه واسمعي كلامي لو مش عيزاهم انا اخدهم بدالك
منذر….سيبك من الواد ده خدي الفلوس من شمس عشان مزعلش منك اتفقنا
ميار….حاضر يا منذر
منذر…..تعالي بقي هاتي بوسه انتي والواد ده
نور….حبيبي يا صاحبي
ميار…..هتوحشني يا منذرررر
منذر…..وانتي هتوحشيني وهتضلمي مكانك وتنوري مكان نور
منذر….بضحك لا انت لا
ميار…..انا قولت حشري محدش صدقني
جلال….علي فكره في جوه طبق حلويات كله شوكلت
ضحكوا التلاته عليها
نور……باعت القضيه في ثانيه
منذر….طبعا ماهي طفسه زيه
جلال….هو في احلي من الطفاسه.
………………
عند الجميع في قعداهم كل مجموعه كانوا بيتكلموا مع بعض وعلي وحنين وباقي الشباب كانوا بيتكلموا معاهم
علي…..بصي هو لو علي المكان تقدري تاخدي المكان اللي تحبيه حتي لو سعره عالي في كذا طريقه للدفع بشكل مريح
سالم….ايوه الناس اللي بتعمل شغل
علي…..بضحك والله ابدا انا حابب اساعدها
سالم….انتي قولتي يا خنين انك سايبه الشغل وقفتيه من سنه يعني كان في مكان صح
حنين…..صح بس انا لما وقفت الشغل سيبت المكان خالص لانه كان بعيد وقتها هو كان جميل وسعره كويس ومكانش فارق معايا تنه بعيد بس لما تعبت اوي لاقيت انه صعب اروح المسافه دي غير اني مكنتش هقدر اركز وبصراحه قولت ابيعه أفضل اكيد انت عارف المكان لما بيبقي شغال وتوقفه وترجعه بعد فتره تشغله تاني بيبقي محتاج مجهود فظيع عشان يرجع يقف علي رجله من الاول
سالم….بالظبط بيبقي كانك بتبدأي من الاول
حنين…..ده حقيقي فا انا قولت بما اني هبدأ كده كده من الاول فا خليني ابيعه واول نا اقرر افتح مكان يكون جديد افضل عشان كده سألت علي علي الاسعار بتاعت العقارات
علب….زي ما قولتلك المكان سعره بيتحدد علي حسب موقعه فا ممكن تشوفي يوم وتيجي تشوفي المكان المناسب ليكي والاسعار الافضل وطبعا عشان سالم باشا ما يقولش اني بقطع عليه لو مفيش حاجه عجبتك سالم يقدر يفيدك هو لو علي الاماكن عنده كتير
سالم….بضحك لا يا صاحبي واحد الاهم انها تكون مرتاحه وبعدين عندك افضل انت عارف كل المواقع الاي ماسكينها حاليا لسه مش فيهم روح يعني هتبدأ في مكان محتاج يتعمر
هلي…..بالظبط كده
حنين….خلاص انا هشوف يوم متاسب وهاجي اشوف الدنيا فيها ايه
سالم….ولو عجبك حاجه خديها فورا حتي لو لسه قدامك وقت عشان تفتحيها بس بيتهيألي لما تاخدي الخطوه دي هتبقي حافز ليكي حلو وتحسي انك بدأتي خطوه
حنين……فعلا انا حابه اخد الخطوه دي اوي عشان كده
شمس…..إن شاء الله هتلاقي حاجه كويسه وفي اقرب وقت تكوني بادئه شغلك كنام
حنين….يارب يا شموسه ادعيلي
شمس….ربنا يقومك بالف خير يا قلبي وفي اقرب وقت تكوني احسن من الاول
سالم……احسن من كده ما هي زي الفل اهي هي اللي بتدلع صح ولا ايه
حنين….بضحك صح انا بتدلع عشان كده هرجع اقف علي رجلي
علي…..وانا حنا كلنا معاكي يا ستي شاوري انتي بس علي المكان والدنيا هتمشي
سالم….خدي بالك مش عشان علي قاعد قدامي بس هو بجد دماغه حلوه يعني بعيدا عن المكان ممكن يفيدك في حجات كتير
علي…..حبيبي يا سالم تسلملي انا اكيد لو في حاجه اقدر اساعدها فيها مش هتأخر
حنين…..ميرسي بجد يا علي انا مش عارفه اقولكم ايه
علي….ولا اي حاجه يا حنين
مريم…..في ايه يا ست حنين جايه تاكلي ممي الجو ااا الحقوني هقع
ضحكوا كلهم عليها
سالم…..بضحك هو انتي علي طول بتدبي كده
حنين….بضحك خدي بالك
شمس…..لا دي مريم بحس والله انها بتتعلم المشي طول ما هي ماشيه بتتكعبل
مريم….علي اللي رجله طويله
علي…..بضحك والله بحسبك هتقفس مش هتعدي معلش خدي بالك
حنين….تعالي اقعدس هنا وبعدين انا اقدر اخد منك الجو ده انتي سكر يا مريومه
سالم….انتي بتاكلي ايه يا مريم
مريم…..بضحك ده كرواسون خلود كانت عملاه لقيته جوه تاكل
سالم…..لا مش قادر يا طفسه
مريم….شايفه جوزك يا ست شمس
شمس….معلش امسحيها فيا انا
خلود……حد عايز اي حاجه يشربها يا شباب هقولهم يعملوا ليوسف قهوه
علي……لو مش هتعبك يا خلود انا كمان محتاج قهوه
خلود….عيوني
سالم……خلود انا عايز كرواسون زي البت الطفسه دي
خلود….ياسلام عيوني
مريم….شوف ازاي ما انا لسه عازمه عليك
سالم…..بضحك ما انتي خلصتيها يا طفسه اخد ايه وبعدين فتحتي نفسي
مريم….بصراحه هو فظيع هاتي لحنين يا خلود
حنين…..بل انا مش قادره خلاص
مريم…هتندمي.
حنين…..بضحك بجد
مريم….اه والله
خلود…..بضحك استني هجيبلكم كلكم
حنين…..علي فكره يا لولو مامي من متابعينك جدا هي ومرات اخويا بيحبوا يتفرجوا عليكي اوي
خلود….ياعمري المهم يكونوا بيطبقوا الوصفات
حنين…..بضحك هو الصراحه مامي طول الوقا تكتب وراكي او تحفظ الفديوهات بتاعتك علي اليوتيوب بس إنها تعمل وصفه ابدا لكن مرات اخويا بصراحه هي اللي مظبطانا لانها بتحب المطبخ جدا
خلود…طب والله براڤو عليها المهم الوصفات بتعجبكم
حنين…..صراحه تجنن هي بتقول احلي حاجه فيكي ان وصفاتك سهله وسريعه مش بتاخد وقت ولا مجهود طبعا انا معرفش المعلومه دي انا باكل وخلاص
خلود…..بضحك ما طبعا زي الطفسه اللي جنبك دي
مريم……بنت عيب بذمتك مش بساعدك
شمس……علي يدي باماره ما خرجتيها من المطبخ شعرها ابيش
خلود…..بضحك اه والله كان بوم مهبب لما قالتلي اساعدك قولتلها خدي انخلي الدقيق في الاخر خلتني انا اللي انخل وهي بقت تنزل الدقيق من الكيس بتاعه وبتلعب في شعري وهي ايدها كلها دقيق
مريم…..بضحك طب والله كنت بنضفلها شعرها كان في حاجه بيضه من الدقيق
حنين…..هي قالت خصله مينفعش لازم تخرجك من المطبخ ست مسنه
خلود…..بضحك اه والله وعملتها فعلا المجنونه يلا هروح اجيبلكم واقولهم علي القهوه مش عايز قهوه يا سالم مع الكرواسون
سالم…..مش عايز أتقل عليكي والله يا لولو
خلود…..ليه بس انا قاعده من الصبح ومش بعمل حاجه يلا مش هتأخر عليكم
…………….
قاسم…..بس يا سيدي روحت الموقع لاقيت المكان عامل زي السوق بصراحه لولا وجود داوود معايا كانت اعصابي فلتت
داوود…..مينفعش بردوا الدنيا تبوظ بكلمتين لازم علي الاقل نفهم
عاصم….اكيد بس خد بالك يا داوود في اوقات لو مشدتش الدنيا بتبوظ منك
داوود…..عارف بس المهندسين والعمال في الموقع هناك بقالهم سنين معانا يا عاصم ودي اول غلطه ليهم فا مينفعش يبقي رد فعلنا جامد
عاصم…..ياجدع بيقولك السقالات كانت مش موزونه يعني ممكن تجيب اجل حد وانتوا اللي تتعكوا فيها
قاسم….اهو اتكلم انت بقي هو مقتنع ان الشده متنفعش في كل الاوقات بس دي ارواح ناس الغلطه في السقالات بفوره يا عاصم
عاصم…..لا صرتحه معاك حق عايز اقولك أني اتحطيت في الموقف ده قبل كده بس انا بهدلت الدنيا وفي ناس مشيتها بصراحه لان يومها علي اللي وقف علي السقاله ووقعت بيه علي الدور اللي تحت كان في التاسع والسقاله خدته ونزلت بيه ولولا ستر ربنا كان زمانه واقع
داوود….يانهار اسود
قاسم….ده امته ده
عاصم…..من حوالي 3 سنين
قاسم….اهو شوفت يا عم يا داوود عشان تقولي اهدي
عاصم…..في مواقف لو مخدتش فيها قرار يا داوود للاسف بتتكرر ومش معني ان ربنا سترها الغلط يتعدي لازم موقف حازم عشان الكل ياخد باله اخويا كان هيروح مني في لحظه ولو مش اخويا ممكن غيره من العمال والارواح مش لعبه يا داوود انا يومها فقدت اعصابي حرفيا جسمي كان سايب مكنتش مصدق ان علي واقف قدامي وكويس اينعم اټعور و دراعه و رجلوا اتخرشموا بس انا حمدت ربنا انه كويس وواقف قدامي وقتها رفدت ناس وبهدلت الدنيا ومن يومها لحد الوقت مفيش غلطه هما عارفين ان اي حاجه ليها علاقه بالامان مفيهاش هزار خساره الفلوس والوقت والمجهود يتعوضوا وصدقني ممكن رد فعلي يبقي اهدأ لكن الارواح لا مش معاك يا داوود وفكرة ان هما معاك من زمان ومش بيغلطوا مش مقياس لان المفروض خلاص فهموا دماغك ونظام شغلك والامان اهم الاولويات عندهم
داوود…..يمكن معاك حق بس انا محبتش الموضوع يكبر وقولت نلمه احسن
قاسم…..بضحك هيجنني والله
عاصم …يلا المهم انها عدت علي خير ومحدش اتأذي بس من هنا ورايح تبقي حازم معاهم اكتر وتفضل علي راسهم ديما عشان تتباع الدنيا بنفسك وهما يبقوا عارفين ان في رقيب وراهم
داوود….انا عامل كده والله من وقت اللي حصل ده وانا فوق دماغهم و براجع بنفسي اسأل قاسم
قاسم….ربنا يسترها يارب
عاصم….اللهم امين
داوود….بقولك يا قاسم صحيح انت بكره رايح الموقع ولا اروح انا.
قاسم……احتمال اروح انا ان شاء الله هعرفك بردوا بس الاكيد اني رايح
………
بص عاصم لفريده وابتسم
فريده…..بهدوء ايه مالك
عاصم……زي الفل
فريده…..مش حاسه نظراتك غريبه وحساك مضايق وساكت
عاصم…..فين ده انا من بدري بتكلم
فريده….بتتكلم في الشغل مع قاسم وداوود انا اقصد معايا
عاصم…..بإبتسامه هاديه لا خالص والله مفيش أي حاجه بس انتي كنتي قاعده مع صبا والبنات فا سيبتك براحتك
فريده….طيب هعديها مع اني مش مصدقاك
ابتسم عاصم وسكت مقدرش يقولها انه كان غيران عليها وهي بتحكي هي وقاسم علي صحوبيتهم وقربه منها وانه اتمني يكون مكانه في يوم من الايام.
فريده….ااا انا هقوم شويه
عاصم….راحه فين
فريده…..عايزه اشرب سېجاره
عاصم……تمام روحي
ابتسمت فريده بهدوء وقامت راحت عند حمام السباحه كان مراد وامير واقفين مع بعض بيتكلموا طلعت سېجاره ولعتها ووقفت تلعب في الموبايل.
مراد…..بإبتسامه كان في بينهم كام متر ولا يا امير شايف القمر اللي هناك ده
امير……طبعا شايفه
رفعت فريده راسها وضحكت
فريده……طب واحد فيكم يعاكس انما الاب وابنه دي جديده عليا
امير….بضحك احنا عيله مش متربيه
مراد….مش بيقولوا بردوا ذاك الشبل من ذاك الاسد
فريده……بنظره إعجاب انت عارف يا مراد اني بعشق علاقتك انت وامير
مراد….اسمع يا ابن الكلب عشان تعرف بس اني اب يتضرب بيا المثل
امير….ياعم مش اوي كده
فريده…..بضحك لا والله هو معاه حق مراد اب جميل احلي حاجه ان الاب وابنه يبقوا صحاب
امير…..صراحه مراد ده صاحبي واخويا وحبيبي
فريده…..يا قلبي انا لو منك يا مراد بعد الكلمتين الحلوين دول
تكتبله شيك علي بياض
امير….بضحك قولتش حاجه انا
مراد….مصدقت يا ابن الكلب الكلمه هجبتك
امير…..ودي فرصه ينفع تضيع بذمتك
مراد….يا ولا انا وفلوسي كلها ليك
امير….ايه ده بقي الكلمتين الحلوين دول انت بتثبتني
مراد….والله ابدا
فريده….بإبتسامه خلاص يا امير بعد الكلمتين الحلوين دول اصرف نظر عن الشيك وخلي عندك ډم الراجل حلف
امير….بضحك انا بقول كده بردوا
فريده…..قولي بقي يا بطل شعورك ايه وانت كمان فتره بسيطه ويبقي ليك اخ
امير….بإبتسامه انا
مراد….تصدقي يا فريده انا مستني اليوم ده مش بس عشان اشوفه انا مستني اليوم ده عشان اشوف شعور امير لاول مره وهو شايل اخوه وحاسس بفرحته من الوقت
امير…..صراحه انا مش متخيل لسه شعوري بس اكيد هبقي مبسوط اصل كمان هو جاي بعد سنين كتير بيتهيألي شعور مختلف وانا جايلي اخ في السن ده يعني لو كان من كام سنه فاتت كنت هبقي مبسوط جايلي اخ وكده بس انا والله يا فريده مبسوط لدرجه اني حاسس ان اللي جاي ده مش اخويا ده ابني
امير….وانا مستنيه علي ڼار والله يا فريده يجي بس هو بالسلامه وتقي تقوم بالف خير
فريده….ان شاء الله هتبقي زي الفل وهتشوف اخوك وتفرح بيه وانت كمان يا شوجر داد هتولع الدنيا
مراد…..بإبتسامه غمزلها طب بزمتك عمرك شوفتي شوجر داد قمر كده
فريده…..بضحك لا والله ما شوفت
امير…….بس عشان نكون علي نور واشهدي معايا يا فريده لو حبه اكتر مني هخطفه ومش هخليه يشوفه
فريده…..مش هيقدر ده انت اول واحد عينه شافته
مراد….قوليله الاهبل مش قادر يستوعب ان روحي متعلقه بروحه
امير…..حبيبيييييي ياميرو انت عارف اني بهزر وبعدسن ده الوحيد اللي مسموحلك تحبه اكتر مني انما تقي علي چثتي
جات تقي من وراهم وهي بتضحظ يا ادي تقي وسنين تقي عايز مني ايه يا ابني
امير… ايه ده حبيبتي لسه جايب سيرتك في كل خير
مراد….بضحك ضم تقي لصدره كداب وابن كلب
تقي….عارف
امير…..عارفه ايه اني ابن كلب
مراد….بضحك رفع حاجبه عارفه ايه ده انتي ليلتك سوده
تقي….بضحك لا والله مش قصدي عارفه انه كداب عشان سمعته بيستحلفلك متحبنيش اكتر منه
فريده….ظلمتوا البت يا مفتريين
تقي…..شايفه يا فريده بيتفقوا عليا
مراد….مقدرش بس قولت افهم بتقولي عارفه علي انه كداب ولا ابن كلب
تقي…..بضحك لا مقدرش انت حبيبي
امير…..اوباااااا طب نجيب ليمون ولا نمشي انا وفريده عشان منقطعش عليكم
فريده….بضحك انا بقول نمشي عشان منقطعش عليكم
امير….لا مش هنمشي خلينا علي قلبهم مش هسيبها تستفرد بيه
مراد….بضحك ياض هي مرات ابوك
تقي…..بضحك امال انا ايه
امير….والله دماغي لفت
فريده…..بضحك وانا والله بفكر تقربلك ايه
مراد…..بضحك ايه ده دي مرات ابوك فعلا
تقي…..لا يا سيدي امير اخويا الصغير وصاحبي انت اطلع منها
مراد…..ماشي يا سيتي نطلع منها
امير….بردوا هيحبني اكتر
تقي…..طيب ما هو بيحبك اكتر اكيد وبعدين مالك يارخم والله ازوقك في البسين
امير….بضحك مراد تقي اخلاقها بقت كنزه اوي من وقت ما بقت حامل
مراد….ته والله يا ولا انت ملاحظ بقت بلطجيه
فريده….دي قمر انتوا اللي مفتريين
تقي….ايوه مفتريين انا بس اخلص منك يا امير واشوفك وانت متجوز عشان اسخن فرح عليك
فريده…..انت صحيح يا واد مش هتفرحنا بيك بقي
مراد….والله قبل ما تيجي يا فريده كنت بتكلم معاه في كده
فريده….طب وفين المانع انت محتاج حد يتحايل عليم ولا ايه
امير…..والله مش كده بس مراد فاهم دماغي انا لسه بقف علي رجلي يا فريده
فريده…..تقف علي رجلك ازاي انت مش ناقصك حاجه ماشاء الله يا امير يبقي ليه تضيع الوقت
مراد….قوليله
امير…..يمكن مش ناقصني حاجه بس انا حابب لما نتجوز ابقي انا مش مجرد موظف لسه بيبدأ فهماني يا فريده
فريده….فهماك بس انت تفكيرك غلط مع اني محترماه جدا بس اللي اعرفه انك هتعيش هنا في القصر يعني مش محتاج تجيب بيت كبير لسه وتفرشه وتضيع كل اللي معاك عليه انت اتجوز انت وفرح وافرحوا وابداوا مع بعض صدقني بتفرق اوي لما الست والراجل يكون في بينهم حب وطموح ويكبروا سوا قدام شويه هتفهم معني كلامي وهتفتكروا كل لحظه كبرتوا فيها سوا يمكن كلامك ده كان يبقي صح لو انت شاب لسه بتعافر مع الدنيا اكيد مش هتبهدلها معاك
بس انت ماشاء الله ظروفك كويسه جدا ويتمناها اي شاب
تقي…..فريده معاها حق يا امير وبعدين انت مثلا مش بتعمل كده عشان بعد كده تنفصل عن المجموعه ويبقي ليك شغلك الخاص انت مكمل في الشركه ومكمل في القصر يبقي ايه اللي ناقص
مراد….ناقص ياكل علقھ عشان يفوق لنفسه
امير……طب انتوا شايفين ايه قوليلي رأيك يا فريده
فريده….مفيهاش رأي خد الخطوه اللي انت ھتموت وتاخدها وارحم البت الغلبانه اللي بتحبك ومستنياك وفرحنا بيك بقي
مراد…..لو علي الفرح انا عارف انك هتقدر تعملها احلي فرح في الدنيا وهتقدر تسفرها المكان اللي تشاور عليه والباقي زي ما تقي قالت انت مكمل في شغلك ومكمل هنا وقدام شويه يا سيدي لو حسيت انك عايز تاخد بيت لوحدك انت عارف اني مش همانع وهسيبك براحتك
امير….بنظره غيظ اه عايزني امشي عشان يخلالك الجو مع مرات ابويا
ضحكت فريده وتقي
مراد….ضربه علي دماغه ياض انا بتكلم في ايه وانت بتتكلم في ايه
امير….بضحك اااااه بهزر ياعم
فريده….فكر بجد يا امير وخد خطوه
امير…..انتي شايفه كده
فريده….طبعا مش محتاجه سؤال
امير….خلاص والله نخلص بس فرح منذر وفيروز علي خير وهنشوف الحوار ده
مراد….المهم تكون مقتنع ومتغيرش رأيك
امير…..بالعكس والله مقتنع بكلامكم جدا واكيد هاخد خطوه
فريده….ايوه كده خلي الراجل الغلبان ده فرحته تبقي فرحتين
امير….بضحك مين قدك يا شوجر دادي هتجوز ابنك وهتستقبل ابنك الجديد
مراد…..بضحك محدش قدي طبعا
فريده….عقبال ما تجوز النونو القمر صحيح هتسموه ايه
تقي…..لا انا قولت لامير هو اللي هيسميه
امير…..حبيبتي يا مرات ابويا
فريده…..بضحك وهتسميه ايه يا سي امير
امير…..صراحه انا مش قادر اشوفه غير مالك
تقي….الله حلو مالك
فريده……حلو ده مالك مراد الطوبجي
مراد…..الاتنين بحرف الميم لا حلوه وانا موافق
امير…..بنظره غيظ لتقي عاجبك الاسم يا مرات ابويا ولا نغيره
تقي…..بضحك انت بس بطل مرات ابويا اللي طالع فيها جديد دي وسميه اللي انت عايزه ان شاالله تسميه جعفر علي اسم مريم
ضحكوا كلهم علي تقي
امير…..لا كفايه جعفر واحد هو مالك حلو وبعدين بعيد عن مرات الويا انتي عارفه انك حبيبتي
مراد…..مين دي ياض اللي حبيبتك دي حبيبتي انا
امير…..هو خالي راجح بهت عليك ولا ايه يا عم الغيران اطلع منها انت احنا اخوات وحبايب
فريده….ربنا يخليكم لبعض وما يحرمكم من بعض ابدا
مراد…..يارب يا فريده
تقي….اللهم امين
امير……بقول ايه انا رايح اشوف الشباب
مراد…..خدني معاك يلا يا فريده
فريده….روحوا انا جايه وراكم
مراد….ماشي.
خلصت فريده السېجاره بتاعتها كانت واقفه تبص علي مليكه من بعيد وهي بتضحك وتلعب مع عدي ابتسمت بحب وبعدين بصت لعاصم لاقيته باصص عليها ومبتسم ابتسامه هاديه.
رمت السېجاره من ايدها وراحت عليهم وقيل ما تدخل تقعد موبايلها رن.
وقفت ورجعت خطوه وهي بتفتح الخط
فريده…..الو
مدام فريده لاشين
فريده….ايوه انا مين حضرتك
حضرتك متعرفنيش ومسبقش اننا اتكلمنا قبل كده بس انا ممكن تقولي جارك في الفرع بتاع البيوتي صالون بتاعك اللي في اسكندريه وحبيت بس اقولك ان للاسف انا لمحت من شويه دخان بسيط خارج من تحت الباب وفجأه بسرعه الدنيا اتقلبت والمكان الحريقه مسكت فيه ومفيش حد جوه فا قولت اتصل علي رقم من الارقام الموجوده علي المكان والحمد لله انه طلع بتاعك
فريده…..پصدمه انت بتقول ايه حريقه ازاي وازاي محدش بلغني
المكان كان مقفول يا افندم واكيد محدش لسه يعرف انا قولت ابلغ اللي هيرد وطلعتي انتي وزي ما حضرتك سامعه كده صوت عربيات المطافي
فريده…..حضرتك متأكد ان الحريقه دي في المكان بتاعي
الكل باصلها في الوقت ده وعاصم نزل ايده من علي خده وقام وقف بقلق وهو بيقرب منها
ايوه يا افندم متأكد طبعا ممكن تتصلي باي حد تتأكدي
فريده….طيب شكرا انا هشوف وياريت لو ينفع ارجع اتواصل معاك
اكيد طبعا يا افندم مع السلامه
قفلت فريده بسرعه
زهره….في ايه يا فريده.
فريده…..انا لازم امشي حالا اسفه جدا يا جماعه بس مضطره
عاصم….استني هنا فهمينا في ايه
قاسم….حريقه ايه يا فريده.
زيد….المكان بتاعك في حاجه
فريده….بتوتر انا نش فاهمه حاجه ده واحد اتصل بيا قالي ان المكان الحريقه مسكت فيه وانه كان مقفول وسامعه صوت عربيات المطافي
راجح….طيب واحده واحده اهدي مش معاكي رقم اي حد تتصلي عليه
مراد……انهي فرع يا فريده طيب
فريده…..ده فرع اسكندريه يا مراد مش هنا انا هتصل بالتيم الموجود هناك بس لازم اروح حالا
عاصم….لحظه بس تروحي فين الوقت
فريده…..اروح فين يعني ايه هسافر طبعا يا عاصم اشوف اللي حاصل
زهره….تسافري الوقت يا فريده دي الساعه واحده ونص
فريده….امال هقعد والدنيا خربانه يا زهره لازم اسافر طبعا
زيد……طيب اهدي وامسكي اعصابك كده لو علي السفر مقدور عليه اكيد مش هنسيبك تسافري لوحدك بس الاول هو مين اللي قالك
فريده….معرفهوش يا زيد بيقول انه جاري هناك تقريبا ساكن في مكان الفرع او قدامه مستفسرتش منه
عاصم….جاب رقمك منين يا فريده
فريده…..معرفش هو بيقول انه خد الرقم من الارقام اللي علي اليافطه بتاعت المحل
عاصم……في حاجه غلط طبعا انتي مش حاطه رقمك الخاص علي اي فرع
سكتت فريده ثواني وركزت هو فعلا اتصل علي رقمها الخاص
روح….هو اتصل علي رقمك الخاص ولا رقم الشغل اتأكدي
فريده……ايوه صح هو رقم الشغل اصلا مش معايا كل فرع ليه مدير خاص بيه ومعاه رقم الشغل اي حجز او حاجه مهمه بيتصلوا بيهم وبيبلغوني
عاصم…..ايوه طب لما انتي عارفه كده عايزه تسافري ليه
زيد…..اديني الرقم اللي اتصل عليكي كده يا فريده
فريده……حاضر طلعت فريده الرقم وقالته لزيد
حط زيد الموبايل علي ودنه لقاه جرس ومحدش بيرد
زيد….جرس
قاسم….في حاجه غلط طبعا
راجح…..متسافريش طبعا وحاولي توصلي لحد من التيم هناك ينزل يتطمن ويبلغك اتأكدي الاول
مهيب….يمكن حد بيهزر او بيعمل مقلب يا فريده
فريده…..طيب وهيعمل كده ليه وبعدين انا سامعه صوت عربيات المطافي فعلا
عاصم……وايه المشكله يعني ما يمكن صوت جنبه وخلاص
فريده….مش عارفه انا مش هقدر اقعد كده
زهره….ومش هينفع تسافري يا فريده مش يمكن حد بيعمل مقلب فعلا او حد عايزك تسافري عشان يأذيكي.
فريده….يأذيني ازاي انا مليش علاقه باي حد ولا ليا عداوه مع حد
عاصم….پغضب بسيط انتي بتقاوحي ليه هي معاها حق وبعدين ماهي باينه ده لا مقلب لا حد مرقد علي حاجه انتي مش عرفاها.
مراد…..طيب انا جاتلي فكره لحظه هو المكان فين بالظبط
فريده….فرع جليم يا مراد
مراد….طيب لحظه واحده مسك موبايله
زيد….هتعمل ايه
مراد….مفيش غير كرم هو اللي هياسعدنا في الحوار ده
زيد…..صح كرم هناك واكيد هيعرف يطمنا بسرعه.
مراد…..الوو
كرم…..حبيبي يا ابن الطوبجي
مراد….حبيبي يا كرم اخبارك ايه
كرم….زي الفل الحمد لله انت عامل ايه
مراد…كله تمام والله انا صحيتك ولا ايه
كرم….لا انا صاحب يا حبيبي وفي الشارع في حاجه ولا ايه
مراد….اه محتاجك في حاجه مهمه اوي يا صاحبي ومفيش غيرك هيساعدني فيها
كرم….رقبتي اعتبرها حصلت
مراد……الاول انت بعيد عن جليم
كرم ….انا في مشوار قريب اوي من جليم يعني عشر دقايق بالعربيه وابقي هناك قولي عايز ايه
مراد…..طب حلو اوي بص يا صاحبي في واحده معرفه اخت لينا يعني ممكن تكون عارفها فريده لاشين صاحبه بيوتي صالون مشهور في جليم هناك
كرم….اه عارفها سمعت اسمها كتير هناك وعارف المكان بتاعها كمان
مراد….طيب كويس جدا الوقت في تليفون جااها من رقم غريب قالها ان المكان في حريقه جامده وانه جاب رقمها من اليافطه الموجوده مع العلم ان الرقم اللي اتصل عليه رقمها الشخصي يعني مش رقم شغل وهي مش حطاه اصلا علي اي فرع
كرم…..يغني مقلب ولا معاكسه ولا ايه بالظبط
مراد….ماهو احنا متعرفش بقي هي عايزه تسافر الوقت وطبعا الوقت متأخر كمان ممكن يكون زي ما قولت معاكسه فا ممكن تروح علي الفاضي او تروح ويبقي حد مستنيها مش عارفين
كرم …لا انا لفيت خلاص وراجع عشر دقايق بالكتير وهكلمك بس عموما يا صاحبي ده حد يعرفها انت بتقول ده رقم شخصي يعني اللي كلمها لا عامل فيها مقلب تقيل يا زي ما قولت حد حابب يتستفرد بيها
مراد …ماهو انا قلقان عشان كده
كرم….عموما انا راجع ومتقلقش. هشوف الدنيا فيها ايه واكلمك
مراد….مستنيك يا صاحبي
كرم…..يلا سلام مش هتأخر عليك
مراد….تاعبك معايا يا كرم
كرم…عيب يا مراد متقولش كده احنا اخوات يلا دقايق وارجعلك
مراد….ماشي يا حبيبي سلام.
زيد….ايه اللي حصل
مراد…..بينه وبين الفرع عشر دقايق هو راجع بالعربيه وهيكلمني لما يوصل
روح….ان شاء الله خير متقلقيش
كاريمان…..تعالي يا فريده اقعدس وحاولي تهدي شويه
رباب…..ادوها مايه يا بنات
فريده….لا لا انا تمام
مراد….فريده هو في كل الاحوال لو الموضوع مش صح فا اللي عمل كده يعرفك محدش هيكلمك علي رقم شخصي ومش موجود علي اي فرع غير لو عارفك
فريده…..بس هيعمل كده ليه
زيد…..الرقم بيدي جرس بردوا مش بيرد.
فريده…..طيب ما يمكن في حريقه فعلا وهو مش سامع الموبايل
عاصم……هو انتي ليه مش مستوعبه انه اتصل برقمك الشخصي
فريده…..طيب ما يمكن حد يعرفني
عاصم….اللي هو ازاي وهو قايلك جايب رقمك من اليافطه
علي…..بهمس براحه يا عاصم
نور……زبد طيب اسمه مش ظاهر علي التروكولر
زيد….ايوه صح لحظه كده
فتح زيد التروكولر يشوف الاسم
زيد….مفيش بيانات للأسف
عاصم…..ايه لسه عايزه تسافري
فريده….بعصبيه وقلق حط نفسك مكاني يا عاصم لو حد الوقت اتصل قالك في فرع من الشركات حصل فيهم حريقه مش هتجري عليهم
عاصم…..هجري اكيد بس هتأكد الاول ولو متأكدتش في النهايه مش هسافر و أضرب مشوار وانا مش عارف صحه الكلام اللي وصلني خصوصا لما يبقي الكلام غريب رقمي ازاي يتجاب وهو عارف اسمي وعارف بيتكلم مع مين ولو فرضنا اني جريت انا راجل لكن انتي هتسافري ازاي
مهيب…..معلش هي متوتره اكيد وخاېفه يكون في حد اتأذي
عاصم….ده لو غي حريقه اصلا يا باشا.
قاسم….بهدوء هدي الدنيا شويه هي معذوره واكيد يعني مش هنسيبها تسافر لوحدها.
صبا….خير يا جماعه والله نطمن بس ان الموضوع مش بجد بعد كده نعرف ايه الرقم ده ومين اللي بيتكلم.
رن موبايل مراد في اللحظه دي مكالمه ڤديو كول
فتح بسرعه
مراد…..وهو الشاشه قدامه قربت فريده بسرعه هي وعاصم وزيد وقاسم ابوه يا كرم
كرم……ايوه يا صاحبي زي ما انت شايف المكان قدامك اهو زي الفل هو ده الفرع صح
بصلها مراد
فريده….هزت راسها ايوه ايوه هو
مراد….ايوه هو يا كرم فعلا
كرم….الدنيا هاديه زي ما انت شايف والمكان بخير مفيش اي حاجه لا مطافي ولا حتي اي لمه
ولا الهواء
عاصم…..حبيب يا كرم عامل ايه
مراد….ده عاصم يا كرم
كرم….عصوم حبيبي الحمد لله انت اخبارك ايه
عاصم….انا تمام الحمد لله معلش كرم هتعبك معايا يا صاحبي
كرم…..أمؤرني يا عاصم
عاصم…..لو ينفع تقرب كده من المكان اكتر وتسأل اي حد كان في حريقه قريبه من المكان او حتي في شارع من وراء
كرم….عيني حاضر لحظه ساب العربيه وعدي الشارع وهو معاهم
بس زي ما انت شايف يا عاصم لو في اي قلق في محل جنبه كان هيبقي في لمه بس الدنيا هاديه خالص
صاحبي مساء الخير
مساء الفل
كرم….بقولك مفيش هنا حريقه حصلت لاي محل في المكان او مكان قريب من هنا
لا خالص زي ما انت شايف كله تمام ومفيش حاجه حتي في اي مكان في حاجه ولا ايه
كرم….لا بس تليفون رخم جه في نص الليل ان في محل اتحرق فا قولت اسال يمكن محل تاني او مكان تاني واختلط عليه الامر
لا خالص يا صاحبي مفيش اي حاجه ده تلاقيه عيل ابن حرام بيعاكس
كرم….طيب يا صاحبي تسلم
علي ايه تحت امرك
كرم….سلام عليكم ليلتك جميله
عليكم السلام تسلم يا غالي
كرم….رجع تاني اهو زي ما انت شايف هو زي ما قولت لمراد ده حد يعرفها اكيد
مراد ….طيب الحمد لله تعبتك معايا يا كرم والله العظيم ومش عارف اقولك ايه
كرم….تقول أيه يا جدع بس عيب عليك مفيش بينا الكلام ده واي وقت تحب تعرف اي حاجه انا هنا بدالكم وبعدين ادام طلعت تبعكم تبقي في عنينا
مراد….يا حبيبي يا ابو الكرم متحرمش منك
عاصم…..معلش يا كرم ازعجناك يا صاحبي
كرم…..بضحك لولا ان الموقف مش حلو كنت قولتلك ياريتها تحصل كل يوم عشان اسمع صوتكم
عاصم….يا حبيبي ربنا يخليك لينا وتسلملي يارب
كرم…..حبايبي عموما انا اي وقت موجود يا شباب ولو عايزين اجي الصبح تاني اشوف الدنيا هاجي
مراد……حبيب يا كرم اكيد لو في حاجه هكلمك انا اول ما عرفت انه بيتكلم عن فرع اسكندريه مجاش في بالي غيرك
كرم….في الخدمه ديما يا باشا انا هنا بدالكم
مراد….طبعا متحرمش منك ياغالي واسفين علي الإزعاج والشباب كلهم باعتينلك السلام
كرم….حبايبي سلامهم وصل سلم عليهم واحد واحد ونتقابل علي خير
مراد…..ان شاء الله مع السلامه يا حبيبي
كرم….سلام يا حبيبي.
………
عاصم…..بيتهيألي كده هديتي
مراد…..زي ما شوفتي الدنيا زي الفل
فريده…..طيب انا هقول حاجه ومش عايزه حد ينقاشني او بضايق بس ارجوكم سيبوني براحتي
مراد….لا قولي عايزه ايه
زيد……بصلها عايزه تروحي بردوا صح
فريده……مش هقدر يا زيد يمكن اتطمنت علي المكان وان مفيش اي اذي لحد بس ده مش معناه اني
ارتاح اللي عمل كده يمكن هيعمل حاجه اصل ايه اللي هيجننه ويخليه يتصل في الوقت ده ويقولي كده
عاصم……پغضب بسيط وهو بيحاول يمسك نفسه انتي عايزه ايه الوقت يا فريده
فريده…..عايزه اسافر
عاصم…..قرب من مفاتيحه وصدم فريدخ برد فعله قدام الكل وبصلها يلا بينا
فريده…..بإحراج من الموقف بيتعامل عادي قدام الكل وابوه وباين انه متعصب يلا فين
عاصم….مش عايزه تسافري يلا
بص راجح لمهيب وابتسم
ابتسم مهيب وهز راسه لراجح
فريده….وانت رايح فين
عاصم….اكيد جاي معاكي
فريده….لا خليك انت عشان مليكه وعشان شغلك
بصلها عاصم وهو بيضغط علي فكه
عاصم……يلا يا فريده من فضلك
زهره….روحي يا فريده يلا
قاسم…..عاصم معاه حق مينفعش تسافري لوحدك ولو محتاجين اجي معاكم انا جاهز
فريده….تيجي فين انت كمان انا راحه بس اطمن مش اكتر وافهم لو في اي حاجه غريبه حصلت مع التيم هناك
زيد…..فريده اسمعي الكلام ومتنشفيش راسك روحي مع عاصم
فريده….انا مش بنشف دماغي والله بس هو عنده شغل وانا ممكن اتأخر
عاصم …..خلصتي كلام
علي….بهمس لفريده ديدا عشان خاطري انا روحي مع عاصم هو خاېف عليكي
فريده بتنهيده هزت راسها
زيد…..عاصم هطلع وراك اتنين من الجارد يبقوا انان معاكم علي الطريق
هز عاصم راسه بهدوء من غير ولا كلمه.
زيد….يلا يا فريده
فريده……انا بعتذر يا جماعه علي القلق اللي حصل ده وحقك عليا يا صبا بوظتلك اليوم
صبا….يوم ايه اللي باظ متقوليش كده روحي يلا واطمني وطمنينا
روح…..يلا فريده خلي بالك من نفسك انتي وعاصم
فريده….حاضر باي يا حبايبي
مليكه…..جريت وراء عاصم بابييييي
شالها علي بسرعه
علي….لوكااااااا حبيبه قلبي
مليكه…..بدموع بابييييي ديدااااا
علي…..استني يا لوكا هما رايحين مشوار شغل و راجعين
زهره…..تعالي يا لوكا عدي هيلعب معاكي
مليكه…..بعياط لا انا عايزه بابي وديدا
علي….لوكاااااا
حنين…..طيب هاتها تعالي معايا نلعب متعيطيش بقي
فرح….لوكا تعالي نجيب بونبوني من جوه
ركبت فريده قدام وهو ركب جنبها
فريده…..عاجبك انت كده اهي مليكه ھتموت من العياط عاصم من فضلك روحلها
دور عاصم العربيه من غير ما يبصلها وهو مش طايق نفسه
فريده……عاصم انا بكلمك علي فكره الموضوع مش مستاها العند ده
بصلها عاصم بهدوء وطلع بسرعه بالعربيه من القصر
عاصم….فريده من فضلك اسكتي شويه عشان انا قولتلك قبل كده اني مش حابب اني اتعصب عليكي
فريده….طب وليه العصبيه اصلا انا عملت ايه لكل ده
عاصم….ولا اي حاجه تنشبف دماغ وتهور عايزه تسافري لوحدك وانتي مش ضامنه في ايه هيحصل مناهده ملهاش اي لازمه عشان اجي معاكي
فريده…..انا مش عايزه اتعبك
عاصم…..اشتكتلك قولتلك اني تعبان
فريده….مش لازم تقول علي الاقل تبقي مع بنتك اللي مموته نفسها من العياط دي
عاصم….مليكه مع علي شويه و هتسكت
فريده…..انت شايف ان انا اللي بنشف دماغي
عاصم…..فريده انتي عايزه تسافري واحنا مسافرين فا وفري اي كلام وبلاش ټحرقي دمي عشان انا مهما اتكلم هتشوفي اني غلط
فريده….مقولتش انك غلط بس يعني مفيش لزوم انك تيجي معايا
بصلها عاصم پغضب اكبر
فريده….بتوتر مقصدش كده اقصد يعني انا هطمن وهرجع علي طول وبعدين انت احرجتني بتصميمك وعصبيتك جوه يعني بباك والكل جوه يفسروا ده ازاي
عاصم….يفسروا بالطريقه اللي تعجبهم اخر همي يا فريده و لو انتي شايفه يا ستي ان خۏفي عليكي ممكن يسببلك أحراج فا انا اسف.
فريده……يوووووه عاصم بلاش تفهم كلامي غلط انا مقصدتش كده انا بس الموقف موترني
عاصم….تمام حصل خير
فريده…..طيب خلاص يا عاصم بلاش نسافر
فرمل عاصم العربيه وبصلها
عاصم….انتي عايزه ايه يا فريده
فريده…..ولا حاجه بلاش نسافر وخليني الصبح اتكلم مع التيم هناك وافهم منه انا كنت عايزه اسافر لاني متوتره مش اكتر بس خلاص ادام المكان بخير هعتبر اني مسمعتش اي حاجه
عاصم……ده اخر كلام عندك
فريده….ابوه يا عاصم روحني
عاصم….تمام يا فريده
فتح عاصم الباب ونزل قال حاجه للجارد وبعد كده رجع الجارد مشيوا وسابوهم
بصتله فريده وهي مش فاهمه حاجه طلع عاصم بالعربيه من غير ولا كلمه وبعد وقت بسيط وصلوا قدام الڤيلا
نزل وهي نزلت فتحت فريده البوابه ودخلوا
عاصم…. فريده انا عملت اللي قولتيه وسواء كنتي عايزه تسافري او لا انا معاكي قولتي مش هسافر وانا بردوا معاكي ووصلتك علي البيت بس اقسم بالله يا فريده لو عرفت انك سافرتي من غير ما اعرف هنزعل من بعض بجد
فريده….انا مش بكدب عليك علي فكره وخلاص مش هسافر
عاصم….تمام انا بس بفهمك اللي هيحصل مش اكتر يلا اتفضلي قدامي ادخلي واقفلي عليكي ولحد ما اعرف الرقم ده اصله منين بالظبط تقفلي ديما علي نفسك
فريده….حاضر
عاصم…..يلا ادخلي
فريده…..طيب ادخل وانت قالب وشك كده
عاصم…فريده يلا عشان امشي واشوف مليكه
فريده……اوك يا عاصم باي
فتحت فريده الباب ودخلت وقفلت وراها
خرج عاصم وهو بيحط السېجاره في بوئه سحب البوابه وراه وقفلها وبعدين طلع بالعربيه وهو متعصب وفي نفس الوقت قلقان
في صباح يوم جديد….
- يتبع الفصل التالي اضغط على (مملكة احفاد الطوبجي) اسم الرواية