رواية اللقاء الثاني الفصل الثامن و العشرون 28 - بقلم منة محمد
(((بحبك بكل الحنان اللي فيكي واحبك بكل الجنون اللي فيا)))
في المستشفي
خالد: مش عايزه تكلمي حد من اهلك يكون معاكي
انغام: لاء شكرا
خالد: اتصلك بأختك
انغام: لاء مش عايزه حد فيهم يعرف اني نزلت العيل
خالد: بتمثلي القوه ولا انتي غبيه هو انتي مش عارفه ان خطر تحملي تاني احمدي ربنا انه نزل والا كنتي هتموتي قبل ما تولديه لازم تخافي ع نفسك هو انا الي هقولك
انغام: انت صح انا فعلا غبيه بس قويه وكنت مستعده اموت عشان العيل ده ومستعده اعمل اي حاجه عشان ارجعك ليا يا خالد وارجع اعيش معاك ومع بناتي
خالد: انغام هو انا مش حققتلك رغباتك واخدتي المول وكنت فخوره بنفسك فيش حاجه تجبرك تتمسكي بيا
انغام: مهما حصل انت ابو بناتي والي اكتر من كده اني لسه بحبك
خالد: بتحبي مين امال الواد الي خونتيني معاه ده كان ايه صاحبك في الكلاس
انغام: افهم يا غبي انا مخنتكش مع حد دي كانت لعبه عشان اوجعك زي ما بتوجعني كل يوم بخيانتك مع ست شكل لكن انا بحبك يا خالد وبحبك اوي كمان
………….قصص منه محمد كاتب………………
انتظرها تحت في الجراش لحد ما خلصت شغلها ونزلت تركب العربيه شافته واقف قدامها همشته والسواق فتحلها الباب اسامه راح ووقف قدامها
بسمله للسواق: ممكن تمشي انت
السواق: امرك يا هانم
بسمله بصتله: هو انا مش قلت لك قبل سابق انتهينا
اسامه : وانا مسمعتش منك اي حاجه
بسمله اتنهدت: مفيش حاجه هتتغير حتي بعد ما تسمع اكتر
اسامه: بس انا محتاج اسمع الي هتقوليه جايز اقدر افهم
بسمله: تعرف انت راجل عنيد وصعب
اسامه: لاني طول الليل منمتش فكرت اكتر من مره يمكن الف مره حقيقي مقدرتش افهم بتغيرك المفاجئ والكلام الي قولتيه لا بقت عارف اميز الحقيقه والكدب في ده ولا قادر اعرف ايه الي مخبياه عني
بسمله: انا مش مخبيه اي حاجه اه حبيتك بس كان لازم اصحا دلوقت عايزه ارجع للواقع
اسامه: هو بالبساطه دي هتقدري تبعدي عني وتنسي الحب والعشق الي بينا مش هتتمني لحظه من الي عشناهم سوي ولا الي اتعودنا عليهم هو ده ولا يعنيلك اي شئ ولا فارق معاكي نهائي
بسمله: اسامه لو سمحت نقفل القصه دي من غير مانوجع بعض اكتر من كده
اسامه بعصبيه: وانا مش قادر انهي الي بينا بالشكل ده انا مستعد اتغير لو فيه اي حاجه مش حباها مستعد اعمل المستحيل الي انت عايزه لو طلبتي مني استناكي انا هستناكي لكن متطلبيش مني اسيبك وامشي
بسمله: انا عايزه حاجه واحده ارجع الزمن لوري لليوم الي بدئت علاقتنا ورجعنا العلاقه المشؤمه مشاعرك اتجاهي انساها ومتحاولش تزعجني تاني
اسامه مسك كتافها وهزها بغضب: انتي ليه بتعملي كده
بسمله بصوت ثابت : انت بجد مش عايز تفهم مش كده تمام يبقي تعال ننهي الي بدء بنفس الطريقه ودلوقت , انا سبق واشتريتك بمليون جنيه تحب تاخد مليون كمان وتبعد عني بس للاسف مبقتش تساوي حتي المليون في نظري بعد كده
اسامه صرخ فيها بجنون: اسكتي
بسمله: شايف عدم احترام لبعض بنفس الطريقه دي بدء اللقاء التاني بينا في اليونان
اسامه بصصلها بنظرات حاده وقلبه بيبكي قهر ووجع قبل عيونه من قوه الغصه
بسمله تابعت بكل قسوه: استني هبعتلك المبلغ ع حسابك
اسامه مسك إيدها بقوه وقال بقهر كبير: بس كفايه وانا الي مش عايز اشوفك تاني
بسمله قعدت مكانها وودموعها نزلت وكتمت بؤها بإيدها تمنع شهقاتها علشان ماحدش يسمعها لحد ما تعبت جدا وطلبت عربيه الاسعاف تاخدها ع المستشفي
…………………..قصص منه محمد كاتب…………..
في المستشفي
اسراء بتجري زي المجنونه وفتحت عليها الباب: بسمله
بسمله راقده ومبتسمه: انتي لسه ممشتيش
اسراء: كنت راجعه ع البيت لكن رجعت لما اتصلوا بيا وعرفت انك جيتي في عربيه الاسعاف
بسمله: عادي اتعودت عليها حلوه وبتحسن عليها رغم بخاف اوي من شكلها
اسراء بغيظ منها: هو انتي واخدها فسحه تسيبي المستشفي وقت ما تحبي وترجعي وقت ما تحبي انا هسجل بياناتك بما انك رجعتي وبعدها نعمل اشعه وتحاليل واجهزك للعمليه وصدقيني حالتك النفسيه هتتحسن
بسمله سكتت وعيونها رايحه جايه الأفكار عماله تودي وتجيب في دماغها!
اسراء زعقت فيها بغيظ : انتي لسه هتفكري بعد كل الي مريتي بيه
بسمله: لاء مش مسأله تفكير
اسراء: بسمله اعملي العمليه مش هتخسري لكن لو نجحت هتكسبي كتير
بسمله جريت دموعها سيول ع خدودها وقالت: عارفه بس انا خايفه من الي بعد العمليه
………………..قصص منه محمد كاتب…………
زينب طلعت من المشفي مخنوقه فضلت ماشيه كتير مش عارفه المفروض تعمل ايه او تتصرف معاهم ازاي بس الي تعرفه انه مينفعش تكمل الحياه دي قررت تطلع ع بيت اهلها وفتحت الباب ودخلت
خليل: زينب ليه جايه متاخره يا بنتي
زينب ابتسمت ابتسامه مغتصبه طالعه بالعافيه: ابدا كنت جايلكم من بدري بس قابلت واحده صاحبتي دردشنا والوقت سرقنا
مؤمن طلع وضحك: اهلا يا زينب هانم
زينب : اهلا يا مؤمن بيه
مؤمن: سمعت ان جوزك خالد بيه اتحقق معاه من مده في مكتب المدعي العام
خليل بشخط: ده جوز اختك متقولش عليه البيه
مؤمن ضحك: اوكيه انا خارج وراجع واعملي حسابك يازينبو هنخرج بقالنا كتير مخرجناش لازم نكررها سلام
زينب: سلام
خليل بشك : وانتي راجعه بيتك امتي يا بنتي
زينب :ليه زهقت مني وعايز تمشيني
خليل: لاء ياحبيبتي قصدي ان الوقت هيتأخر واخوكي يرجعك
زينب: انا قاعده معاكم يومين خالد عطاني الاذن اقعد معاكم كام يوم غير كدا حماتي معندهاش اعتراض
خليل : وده هيزعجني
زينب: بابا هو مينفعش اقعد في بيتك يومين
خليل: لاء بس انا شايف انك اتسرعتي في الجوازه دي عشان كده انا مش مرتاح حتي لو عايله جوزك كويسه انا مش هبقي مبسوط لما هشوفك هنا وعايزه تقعدي مده اظن انتي الي اختارتي عشان كده استحملي لان هي دي الحياه لكن لو شايفه انك مش قادره تكملي سيبي كل حاجه وارجعي البيت وانا مش هسالك عن حاجه ولا هضغط عليكي اتفاقنا
زينب نزلت دموعها: ايوه
…………..Menna Mohamed………………….
في فيلا خالد
فوقيه بصتلها بقرف: انتي رجعتي بعد ما قضيتي ع انتاج عايلتنا اكيد عندك عذر لكده ولا ناويتي تسيبي خالد
زينب: معنديش اي كلام عشان اقوله
فوقيه اتفرست من وقاحتها : مش قادره اصدق انتي اد ايه وقحه هو انتي مفكره واحده من عيله فقيره زيك كانت تجرؤ ترفع نفسها عليا
زينب وهي هتفور قهر وغضب : وهو الامور الغلط دي بتحصل في العائلات الطبيعيه
فوقيه: يعني انتي مش ندمانه علي الي عملتيه
زينب ضحكت بستهزاء: بالي عملته ده الي هو انا فعلا كانت غلطتي اسفه
فوقيه: انتي حتي مش عارفه ان الي عملتيه امر كبير ولسه شايفه نفسك صاحبه حق
زينب: بخصوص ايه
فوقيه: جوزك عايز يخلف من واحده تانيه وبعدين هي مش غريبه تبقي مراته الاولي الي كانت قبلك انا لو كنت مكانك كنت مرجعتش البيت
زينب: انا بحاول اتفهم واتحمل واصمد
فوقيه: لاء امشي ولا تتحملي ولا تصبري انا عارفه ايه الي بيدور جواكي عايزه تعيشي في العز وتبقي متربعه ع عرش العيله زينا بس ده مش سهل تعرفي كده استمري في التظاهر واتحملي كتير يمكن شايفه الامر مادي وبس وانتي زيك زي غيرك مش مختلفه
زينب: حمااااتي
فوقيه: امشي اطلبي من الخدامه تسلق فرخه بلدي كبيره اصل الاجهاض زي الولاده لازم تهتم بصحتها وتاخديها كل يوم بنفسك لحد انغام سامعه
زينب وقفت ونزلت دموعها لحد ما البنت الكبيره زعقت فيها: سمعت ان ماما اتأذيت بسببك
زينب: لاء اسمعيني
البنت بكره شديد: انا مش عايزه اتكلم معاكي ولا عايزه اشوف وشك
………….قصص منه محمد كاتب………………
خالد فتح الباب ودخل وهي بصتله بنظره وبسؤال: كنت فين كل ده
خالد رد عليها: زينب انا كنت بهتم بواحده مريضه طول الوقت ده ممكن استريح واخد نفس
زينب: معلش كان الله في العون عارفه بتمر بموقف صعب عارفه انك عايز تعيش حياه سهله وحره من غير دوشه ووجع دماغ ولا قلق
خالد: وانا بقولك اسف جدا بخصوص انغام
زينب: امك عندها حق انت عايز تكون راجل جنتل مان مع الكل
خالد: والي بعده يا زينب
زينب: لو عايز تبقي لطيف يبقي حد فينا هيلعب دور الخصم
خالد: ناويه تسبيني بالطريقه دي يعني، ع العموم انا رايح انام في غرفه الضيوف
……………..قصص منه محمد كاتب………..
في المستشفي
زينب خبطت ودخلتلها: حاسه بايه دلوقت
انغام: جايه تشمتي فيا ولا تتأكدي اني مش كويسه متقلقيش انا سقط العيل والي قلقانه عشانه مش هيحصل
زينب: انا جايه اعتذر
انغام: اعتذارك مش هيرجع العيل
زينب ابتسمت بقهر: وانا حاسه اني انسانه غريبه وانا واقفه اعتذر ع خيانتكم فيا بس تعرفي انا بغير منك
انغام بدهشه: ليه
زينب: لان بناتك بيكبروا وبصحه كويسه وانا مش هقدر حتي احضن طفل مني لانه مش بيحب يستقر في رحمي ابدا ومش هشوف وشهم ابدا ولا همسك ايده الناعمه واتمنالك تشفي بسرعه
انغام: ومين الي مهتم بيا حتي لو عندي عيال لازم اعرف الي بيدور في دماغ جدتهم قبل ما اقرر اخدهم عشان نطلع اكل بس معاهم وافضل تحايل واتذلل
زينب: حتي لو فضلتي بتحاولي في النهايه هتفضلي امهم وجايز الاوضاع تتغير للشكل الي انت عايزه
زينب خلصت زيارتها عند انغام وخرجت تسلم ع زملائها لحد ما لمحت بسمله لابسه زي المستشفي ونازله الجنينه وراحت اطقست وعرفت عن حالتها وراحتلها
زينب وقفت قدامها: ممكن اقعد معاكي شويه
بسمله من غير ما تبصلها: اسفه كنت قايمه
زينب طنشتها وقعدت: هو اسامه يعرف
بسمله: يعرف بخصوص ايه
زينب: انك هتعملي عمليه كبيره في الرحم وانتي شايفه انه مش لازم يعرف
بسمله: اتكلمي ع طول عايزه توصلي لـ ايه بس انا هريحك انا وهو سبينا بعض
زينب: وانا متأكده ان مفيش حاجه انتهت بينكم انا روحت شقه اسامه ومشيتي لما شوفتيني
بسمله: احنا سيبنا بعض لسبب تاني مش الي في دماغك وبعدين انا مالي مفيش حاجه تربطني بيه وانا ليه اصلا قاعده اشرحلك كل ده
زينب: اسامه هيزعل منك كتير لو عرف الامر بعدين
بسمله: وانا قلت لك مليش علاقه بيه خلاص خلصت حكايتنا زينب انا مش عايزكي تحشري مناخيرك في حياتي الخاصه ومتتصليش بأسامه
زينب: انا مش من النوع ده
بسمله بتهكم: وانا مبسوطه وانا بسمع ده منك
زينب قامت قصادها: كنت عايزكي تحسي بالوجع لكن مش بالطريقه دي
بسمله اتغاظت منها لأنها بتضايقها بالكلام : وانا بجد عايزه امشي بأدب شفقه عليكي
زينب: دي مش شفقه فهمت متاخر رميت نفسي في حفره مليانه طين انا كده دلوقت
بسمله: عندك اي مشاكل مع خالد
زينب: اعملي عمليتك واتمني تقومي منها بالسلامه
………………قصص منه محمد كاتب………………..
كادي حاطه دماغها ع السرير ومفتوحه في العياط
بسمله: وبعدين معاكي يا كادي
كادي رفعت دماغها وبصتلها بغضب: ازاي تخبي علياا مش احنا اخوات
بسمله: كنت عارفه انك هتعيطي عليا بالمنظر ده وعينك هتورم وتحمر وتوحشي
كادي: وانا الي غيرت منك لاني فكرتك قاعده في فندق خمس نجوم في فرنسا لكن انتي قاعده هنا
بسمله: انا اسفه تعرفي انا عامله زي الفرخه الخايفه اقول للكل وهفقد قوتي عشان كدا بحاول اتعامل بشجاعه وقوه واخبي
كادي: انتي غبيه
بسمله بتعجب : ليه
كادي: ليه تخبي تعبك عن الناس الي بيحبوكي عشان كده انتي غبيه مش عارفه ده
بسمله: يعني اختك تعبانه وانتي عماله تهزقيها وتعاتبها عايزه حالتي تبقي اسوء
كادي: انتي وحشه في لبس المستشفي اعملي العمليه وخلفي عشان ابقي خالتو
بسمله ابتسمتلها : حاضر
كادي صرخت بغيظ : انا بكرهك يا بسمله
بسمله ضحكت: وانتي اخت وحشه جدا
……….Menna Mohamed……….
خالد : هو انتي واخده هدومك ورايحه ع فين
زينب: انا بلغت امك انا رايحه فين هي اتضايقت شويه بس كأنها كانت مستنيه اللحظه دي
خالد: وانا عايز اعرف
زينب: حقك والحمد لله اني اتنازلت ع كل حقوقي ولا كنا هندخل المحاكم
خالد: هو ده له علاقه بأنغام وبالطريقه دي بتقوليلي انك جرحتني
زينب: اه اتجرحت واتوجعت بس مش هطلب منك تتمسك بيا لان انا كمان غلطت في حق نفسي وبعتذر كمان لنفسي حتي لو زعلانه منك في النهايه سامحتك واتمني حياتك الجايه افضل وهخدع نفسي بالشكل ده طول حياتي
خالد: زينب انتي قلتي مش عايزه جوازك التاني يفشل
زينب: بس انا عملت بنصيحتك واننا نحاول نلصم في علاقه فاشله مستحيل تنجح بالمناهده والزق وياريت ننهي الي بينا بشكل محترم ومتحضر بكده هحس اني مفشلتش للمره التانيه
وبلغ الاود اني سافرت شويه لو ودعتهم هيكون الامر صعب عليا وعليهم هما كمان
خالد ضمها من دهرها ولف ايده حواليها وببكاء: ارجوكي ارجعي في قرارك لو مشيتي بالشكل ده مش هنبقي قادرين نرجع لبعض تاني
زينب مسكت ايده وقالت: وانا مش عايزه ارجع اسفه ياخالد لو كنت عاقله مكنتش وافقت ع جوازه بالشكل ده
خالد ضمها بجنون: ارجوكي متسبنيش ارجوكي متنهيش الي بينا بالشكل ده
زينب: انا الي سعيت وري الجوازه دي وعايزه اكون حره ومن هنا ورايح ارجوك متضغطش عليا لو سمحت سبني امشي بهدوء
…………………………قصص منه محمد كاتب………………………
مؤمن بنرفزه: قلت لك ايه متتجوزهوش حصل بس انتي عاندتي واتجوزتيه
خليل بزعيق: هو انت متعرفش تتكلم براحه
مؤمن: لان انا متعاظ منها جدا
خليل: وانا الي طلبت منها ترجع الييت
مؤمن: يعني كنت عارف انها مش مرتاحه معاه وخبيت عليا
خليل: انا كنت بشك مكنتش اعرف اي حاجه وعشان كده طلبت منها ترجع البيت وتكمل حياتها لكن قولتلها لو مش قادره تتحمل ترجع ودلوقت بسألها اخدتي قرارك بعد تفكير
زينب نزلت دموعها وهزت دماغها بـ ايوه
خليل: تمام ادخلي ارتاحي
زينب ببكاء يدمي القلب: انا اسفه جدا يا بابا
خليل: ليه تتاسفي كل ده كان غلطتي
مؤمن: اقسم بالله انا قربت اتجنن منكم
خليل طنشه ورجع لزينب : وانا مش هسالك ايه الي حصل وهقولك حاولي تداوي نفسك وفكري ازاي هتقدري تعيشي حياه سعيده من هنا ورايح
زينب مسحت دموعها: حاضر
خليل: انا طالع رايح الجامع
مؤمن مسك دقنها: خليكي صريحه معايا خالد كان بيعاملك بطريقه وضيعه عشان فقيره ولا خانك مع واحده وجرحك
زينب: مؤمن ممكن تهدء او قوم اطلع بره
مؤمن: ما تطلعي انتي تشمي هواء بدل سخنتك دي
زينب: مليش مزاج
مؤمن: طيب ليه اطلقتي لما هتضايقي ع فراقه ليه محاولتيش تفهمي واصريتي تتوجعي وتتأذي وتبقي معاه لو كان عكس كده المفروض تبقي طايره من السعاده انك خلصتتي منه وطلقك
زينب صرخت في وشه: ممكن تسبني في حالي
مؤمن: مش هسيبك يازينب ماهو مفيش اي علامه ع وشك توضح انك اطلقتي يله تعالي معايا
زينب: قلت سبني في حالي يا اخي بقي
مؤمن زقها: هسيبك وماشي انشاء لله تتفلقي ولا اقولك روحي اشتغلي في التمثيل افضلك
………………………………………….
في القهوه البلدي في الحاره
مؤمن رفع عينه وبصله: اهلا بنسيبي حبيبي اسف نزلتك بس مضايق شويه
اسامه: عادي بس ليه بتشرب كدا يامؤمن الشرب مش هيساعدك في حل المشكله هو هيساعدك بس تنسي مؤقت
مؤمن: اسامه
اسامه: ايه
مؤمن: زينب رجعت البيت عندنا واطلقت من خالد
اسامه: وليه ده حصل وفجاه كده
مؤمن: انا معرفش التفاصيل بس الموضوع فعلا مفاجئ كانت كويسه في الفتره الاخيره ومبنش عليها ابدا انها مضغوطه ومشت وكملت حياتها لكن رجعت. اختي اللطف بنت عشان كده حظها قليل هي مش من حقها تعيش سعيده
اسامه:انا بالذات مليش حق اقول اي كلمه في كده كنت سبب في كل مشاكلها دي
مؤمن: انت كمان انفصلت عن حبيبتك
اسامه: سمعت من كادي
مؤمن: ايوه اسامه انا عارف الي هقوله كلام مجنون بس ممكن تتحسن الامور الي بينك وبين زينب
اسامه: كفايه وقوم اروحك البيت
مؤمن: انا مش عايز اروح
اسامه قومه بالعافيه واخده لحد باب البيت وخبط وهي فتحت ولقته قدامها قلبها دق بقوه
زينب:هو شارب ولا ايه
اسامه: متقلقيش هو ابوكي في البيت
زينب: لا هيتأخر عنده شغل انا اسفه لو كنت هطلب تدخله ع سريره
اسامه: اه اكيد
زينب غطت مؤمن: ده نام زي القتيل
اسامه: اه تصبحي ع خير
زينب: اسامه ممكن نقعد شويه نتكلم حتي لو في الجنينه الي قدامنا
اسامه: تمام بس مش كتير عشان ورايا شغل
زينب قعدت ع الدكه وبصت لقدام : انت عرفت بالي حصل طبعا من مؤمن مش كده
اسامه اتنهد بصوت عالي:ايوه
زينب: شكلي متبهدله
اسامه بصلها : هو ايه الي حصل
زينب: بذلت كل جهدي بس الحياه مبتسبش حد يفضل ع حاله وغلطت في حق نفسي واعترفت اني كنت غلطانه
اسامه: وليه اتجوزتيه اسف اني اصلا سألت
زينب: متزعلش ومتتأسفش قلت لك انا السبب في اختيارتي الي بقرر اعملها وصدقني انا مش خسرانه بالعكس انا كده ارتحت وايه عن بسمله اظن هي كويسه
اسامه :مشفتهاش بقالي يومين
زينب: شكلي مش من حقي اسألك عن احوالك بس حقيقي بتمنالك الافضل
اسامه: متشكر لكلامك
زينب: ليه منتقابلش سوي بكره او من وقت للتاني وممكن نشرب شاي لو عايز وخلينا حتي نتكلم لما يملانا الحزن
اسامه : لا مقدرش اعمل كده ( قام وقف) انا مسافر امريكا ويمكن افضل هناك ع طول
زينب: انت تعرف بسمله فين
اسامه: ليه بتفضلي تسأليني عنها بستمرار احنا سيبنا خلاص بعض ومعرفش انا هفضل قد ايه في امريكا بس هشوفك لو رجعت البلد وبتمنالك حظ اجمل في حياتك وتكوني بخير
اسامه جريت وراه: اسامه بسمله في المستشفي
اسامه: لاء هي قالتلي مسافره فرنسا
زينب: لاء هي محجوزه في المستشفي لدلوقت
اسامه بستفسار: ازاي عرفتي انها هناك
زينب: شوفتها هناك هي هتعمل عمليه
اسامه بدون اي كلمه زياده ركب عربيته وساق زي المجنون وفضل يزمر كلاكسات لكل العربيات عشان توسع له طريق لحد ما وصل المستشفي وعرف رقم غرفتها وجري بخطواته السريعه وفتح الباب ملقهاش طلع يسأل لحد ما عرف انها قاعده في الجنينه قرب عليها لقاها قاعده معلقه كلكوز ع الحامل جنبها ووشها اصفر وشحب جدا بصدمه لما شافت اللي واقف بطوله قدامها
اسامه قرب عليها : انتي بتعملي ايه هنا
بسمله بصتله: عرفت ازاي
اسامه بحده: انا بسألك بتعملي ايه هنا كل كلامك المهين الجارح المؤذي فيا عشان تبعديني عنك وتخبي عني انك هتعملي عمليه في الرحم عشان تخلفي ايه كنتي هتخلفيه لوحدك
بسمله: انت مالك اه هخلفه لوحدي
اسامه: ازاي انا مالي انتي تعبانه وده وقت قاسي جدا عليكي وطالبه مني الف دهري عنك انتي محتاجاني اهتم بيكي
بسمله: امشي في طريقك يا اسامه انا قادره اهتم بنفسي لوحدي
اسامه ركع تحت رجليها برجاء: ارجعيلي ونتعافي من الالم سوي خليني ابقي جنبك ادعمك واقدراشوفك
بسمله دموعها انسابت : وبعدين معاك
اسامه حط إيده ع إيدها بتملك : مش هطلب حاجه تانيه ولا عايز حاجه تانيه من فضلك حققيلي امنيتي الوحيده يا بسمله
بسمله اتفجرت دموعها بألم وضعف : لكن انا مش عايزك تشوف درجه خوفي من العمليه دي او تشوف الجانب الضعيف فيا عشان مريضه ومكنتش عايزحد يعرف وخصوصا انت بالذات حاولت اخبي عنك بقدر استطاعتي
اسامه: فاهم ومقدر تفكيرك بس برضو مش هسيبك ومتحاوليش
بسمله:ماشي بس الاول توعدني انك مش هتكرهني وتسبني لو مخلفتش
اسامه مسح دموعها: اوعدك
بسمله: لما تسمع لصوت عياطي لما اتألم متضايقش مني
اسامه: حاضر
بسمله شهقت: و لو قلت كلام جارح تسامحني
اسامه ابتسم: قولي زي ما تحبي وانا هنساه كله وارجعي قوليه لما تفتكريه
بسمله : منا اكيد هرجع اقلهولك كله
اسامه: وانا هسمع لكل حاجه وراضي بيها بس متطلبيش مني امشي واسيبك لان ده مش هيحصل
بسمله: انا اسفه لما جرحتك
اسامه اخدها في حضنه وطبطب عليها: بسمله احنا زي الخيط والابره لايمكن نفترق عن بعض
- يتبع الفصل التالي اضغط على ( رواية اللقاء الثاني) اسم الرواية