رواية مملكة احفاد الطوبجي الفصل الثامن و العشرون 28 - بقلم اميرة اسامه
في صباح يوم جديد صحيت فريده من النوم مكانتش عارفه تنام كويس طول الليل و قلقانه و متوتره مش فاهمه المكالمه دي كان ايه سببها ومين وراها و ياتري ده حد عارفها وعايز يعمل فيها مقلب و يضيع وقتها في السفر ولا حد وراه حاجه وكان قاصد المكالمه طيب لو قاصد ووراه حاجه المكان متحرقش ليه ولا هو ناوي علي حاجه تانيه
ولأول مره تقفل كل مكان في الڤيلا عليها وتسمع الكلام كانت قلقانه بجد صحيت من النوم اول حاجه عملتها اتصلت بالتيم وسألتهم وقالتلهم اللي حصل قالولها ان كل حاجه تمام ومفيش اي قلق وراجعواوالكاميرات وطمنوها مكانش في اي حاجه غريبه قفلت معاهم بعد ما اطمنت بس بردوا كان في جواها شويه قلق و مكانتش هترتاح غير لما تسافر وتطمن بنفسها في النهايه في تيم كامل شغال هناك ومسؤولين منها .
قامت من علي السرير سابت الموبايل وراحت طلعت شنطه صغيره حطت فيها غيار واحد وطلعت غيار ودخلت الحمام خدت شاور وطلعت ظبطت نفسها.
مسكت الموبايل عشان تتصل علي عاصم وتعرفه قبل ما تاخد الخطوه ويرجع يزعل منها زي ما قالها
اتصلت عليه رن جرس طويل لحد ما فصل من غير ما يرد رجعت اتصلت تاني بردوا فضل يرن كتير لحد ما فصل اتصلت
لتالت مره رن وبعدين فصل
اتصلت رابع مره لاقته غير متاح
مكانتش فاهمه هو كنسل عليها وقفل الموبايل ولا هو في مكان مش فيه شبكه ولا موبايله فصل شحن.
فضلت باصه علي الموبايل وهي مش عارفه تعمل ايه ولا توصله ازاي فا اتصلت بعلي
رنت عليه جرسين وبعدين كنسل عليها.
فا فهمت ان هما مع بعض ومش عارفين يردوا فا قررت تبعت لعاصم ڤويس علي الواتس
فريده……صباح الخير يا عاصم اتصلت بيك اربع مرات بيرن ومش بترد وبعدين موبايلك اتقفل واتصلت بعلي عشان اوصلك كنسل عليا شكلكم مشغولين عموما انا لسه صاحيه يا عاصم واتصلت علي التيم عشان اتطمن كل حاجه بخير حتي راجعوا الكاميرات و طمنوني ان مفيش اي حاجه غريبه او تقلق.
بس انا بتصل بيك عشان اقولك اني هسافر مش قادره افضل قاعده من غير ما اروح واطمن بنفسي وكمان انا بقالي فتره ماروحتش اتابع الشغل بنفسي في الفرع هناك فا قولت انها فرصه يعني فا انا هتحرك حالا
حبيت بس اعرفك عشان مترجعش تزعل وتقول اني نفذت اللي في دماغي من غير ما أقولك.
عموما متقلقش كله تمام لما تفتح موبايلك وتسمع الڤويس كلمني وطمني عليك باي.
شابت الموبايل وكملت لبسها وبعدين خدت شنطتها والموبايل ونزلت علي تحت عملت فنجان قهوه وخدته وخرجت ركبت عربيتها وطلعت من الڤيلا بعد ما قفلت البوابه .
…………………
في ڤيلا هشام
نزل بعد ما لبس وجهز نفسه كانت رباب محضره الفطار ومستنياه.
قرب منها وهو مبتسم باسها من راسها
هشام……صباح النور
رباب…..صباح النور يا حبيبي يلا اقعد افطر
هشام…..انا مش جعان يا روبي هشرب نسكافيه بس
رباب…..اقعد افطر وبعدين اشرب النسكافيه مش كل يوم تطلع روحي كده قولتلك الف مره الفطار مهم حتي لو مش هتاكل طول اليوم وهتبقي مشغول في شغلك مش مهم المهم تبقي خارج الصبح وانت فطران.
هشام…..مفيش فايده فيكي بقيتي دكتاتوريه اوي يا روبي
رباب….اه انا دكتاتوريه عندك مانع
هشام….بإبتسامه مقدرش هاتي ياستي التوست
رباب….قربت منه التوست والاكل طول اليوم بتبقي مشغول وبتنسي نفسك وبتيجي بليل واقع من الجوع يعني لو مفطرتش مش هتبقي بتاكل خالص افطر وظبط نفسك وبعدين يا سيدي متاكلش إلا لما ترجع بس علي الاقل ابقي مطمنه عليك يجيلك هبوط ولا تتعب واديك شايف الجو حر ازاي
هشام……ماشي يا ست الكل عيوني هفطر حاضر قوليلي بقي يومك هيمشي ازاي انهارده.
رباب……والله مش عارفه لسه بس احتمال اقابل كاريمان عشان نشوف حاجه نلبسها في فرح فيروز ومنذر
هشام….طيب حلو بس انا عايز افكرك ان ده مش فرح دي هتبقي سهره حلوه كده.
رباب…..ايوه عارفه بس هو بالنسبالي فرح مش هيتجوزوا يبقي فرح
هشام….بضحك خلاص يبقي فرح عشان خاطرك
رباب…..وانت مش ناوي تفرحني بيك بقي ولا هتفضل قاعدلي كده علي طول
هشام….رفع حاجبه في ايه ياروبي انتي زهقتس مني ولا عايزه تأجري اوضتي
رباب…..بضحك اه بفكر أجرها بدل ما انت واخدها ببلاش
هشام……طب لو مزنوقه في فلوس قوليلي وانا ادفعلك حقها ياستي ها عايزه تأجريها بكام
رباب….بقولك ايه متصيعش عليا وتقلبها هزار انا بتكلم بجد علي فكره
هشام……اوباااا ده شكل الكلام جد وزهقتي مني فعلا
رباب……لا يا سيدي مزهقتش منك بس عايزه افرح بيك ولا مش من حقي
هشام…..حقك يا احلي روبي بس مش شايفه يعني ان الكلام ده لسه بدري عليه.
رباب…..هو ايه اللي بدري عليه انت عندك 27 سنه ولا انت ناوي تاخد الخطوه دي بعد ال
هشام…..وفيها ايه طب ده انا سمعت ان بعد ال 30 الواحد بيبقي نضج
رباب…..نضج ليه وانت لسه مراهق بطل هزار بدا ما اضربك واقلب عليك
هشام…..بضحك عايزه مني ايه ياروبي علي الصبح
رباب……عايزه افرح بيك
هشام…..بس كده عيني وانا خارج الوقت هعدي علي السوبر ماركت اشوف لو في عروض علي عرايس وافرحك
رباب…..لا يا شيخ ده علي اساس انك لسه هتدور علي عروسه بتصيع علي امك يا هشام مانا عارفه اللي فيها وعارفه ان عينك علي جنه
هشام….بضحك بصلها ورفع حاجبه يا راااااجل طب لما انتي حلوه ومركزه كده بتعمليهم عليا ليه يا روبي
رباب…..انا مش بعملهم عليك ولا حاجه بس عايزه افهم دماغك
هشام…..قولتلك لسه بدري علي الخطوه دي
رباب….بدري من عمرك هو ايه اللي بدري يا ولا انت عايز تنقطني ناقصك ايه ان شاء الله عشان تأجل خطوه زي دي ولا انت لسه مش واثق في شعورك
ناحيتها
هشام……الموضوع ملهوش علاقه بشعوري ناحيتها انا عارف انا عايز ايه يا روبي كويس واكيد مش ناقصني اي حاجه انتي عارفه لو عايز اتجوز من بكره انا جاهز بس الفكره فيها هي
رباب…..مش فاهمه يعني ايه فيها هي مش متأكد بتحبك ولا لا
هشام…..لا يا ستي متأكد انها بتحبني زي ما بحبها
رباب….بإبتسامه فرحه طيب حلو فين المشكله بقي
هشام……المشكله انها لسه بتدرس يا روبي جنه لسه هتدخل تالته جامعه يعني قدامها سنتين
رباب…..وفين المشكله
هشام…..المشكله ان لا قاسم ولا زهره هيوافقوا انها تتجوز وهي لسه بتدرس ولو فرضنا انهم وافقوا هي نفسها مش هتوافق جنه بتحب دراستها اوي وبتحترم التوقيت المناسب لأي خطوه في حياتها ودي حاجه انا بحترمها فيها هي كانت واضحه معايا وانا فهمت دماغها واحترمت رغبتها والاهم من كل ده جنه عايزه تشتغل بعد دراستها وانتي عارفه ده كويس يعني بعيد عن الدراسه هي عندها حلم اكيد مش هتقتله بالجواز
رباب…..طب وليه ټقتل حلمها بالجواز هو انت ناوي تقعدها في البيت بعد الجواز عشان كده سايبها براحتها تخلص تعليم وتشتغل وبعدين تتجوزوا
هشام……لا طبعا اكيد مش كده لو حابه تكمل شغل تكمل بس اللي اقصده انتا لو اتجوزنا وهي لسه مخلصتش دراسه علي ما تخلص ممكن تحمل هتبص تلاقي نفسها خلصت دراسه وهي معاها طفل وڠصب عنها هتتنازل عن حلمها وبصراحه انا مش عايز اكون اناني اكيد مش همنعها حتي لو معاها 100 طفل بس هي اللي مش هتقدر وبعد فتره هتتحسسني من غير ما تقصد بالذنب فهماني يا روبي
رباب…..فهماك بس يا حبيبي حتي لو فرضنا انها جابت طفل ما انا موجوده وكلنا حواليها ومحدش فينا عمره هيخليها تيجي علي حلمها وټدفن نفسها في الجواز والخلفه وقعدة البيت امال احنا لزمتنا ايه
هشام…..والله مش عارف بقي ياروبي انا قولتلك اللي جوايا واللي جواها من غير ما تقوله انا لو عليا اكيد عايز اخد خطوه بس مش هقدر اضغط عليها
رباب…..طيب ايه رأيك تجس نبضها وحتي ناخد اول خطوه انكم تتخطبوا وتتجوزوا وهي في اخر سنه لو وافقت نفتح الموضوع مع ابوها وجدها ولو تمام تلبسها الشبكه والجواز يبقي بعد سنه وياسيدي ممكن تأجلوا موضوع الخلفه سنه كمان ولا سنتين تكون خلصت دراستها وعرفت هي عايزه تعمل ايه في حياتها وتبقوا استقريتوا
هشام……امممم هو حل حلو بس تفتكري ممكن توافق
رباب…..ميتهيأليش هترفض اي بنت في سنها نفسها تفرح وتشوف نفسها عروسه
هشام….طيب وقاسم واهلها تفتكري يوافقوا
رباب……ميتهيأليش يردوا انهم يمانعوا خصوصا انها مجرد خطوبه وحتي لو رفضوا الجواز في اخر سنه في الجامعه مش مهم تستني بس تستني وانت خاطبها وفي بينكم ارتباط وبعدين انت شاغل نفسك ليه بردهم ما تجرب وتاخد الخطوه وشوف ردهم بنفسك بدل ما انت قاعد تسألني هيوافقوا ولا لأ
هشام……مش عارف يا روبي انا بتكلم معاكي بصوت عالي و بحط كل الاحتمالات
رباب……مش هتعرف ردهم إلا لو اتكلمت معاهم في الموضوع بس طول ما انت قاعد تفكر في ردهم من غير ما تاخد الخطوه هتفضل واقف مكانك اعمل اللي عليك
هشام….امممم تمام بس في حاجه عشان نبقي علي نور يا روبي ومترجعيش تزعلي مني
رباب……حاجه ايه
هشام….انا هتكلم الاول مع جنه في حوار الخطوبه ده ولو وافقت هتكلم مع قاسم وكل اهلها وهاخد منهم معاد عشان نروحلهم ونطلبها رسمي ونتفق بس اكيد مش هروح من غير بابا
رباب…..بإبتسامه بسيطه قلبها دق وانت فاكر اني هوافق انك تروح من غير ابوك يا هشام
هشام…..مش كده بس انا عارف يا روبي موقفك منه كويس وخاېف لما ندخل في الجد وتلاقيه قدامك تقلبي عليا وانا مش هقدر يا روبي اني اخلي ابويا بعيد عني في موضوع زي ده في النهايه ده ابويا وليه حق عليا وزي ما بخاف علي زعلك زعله يهمني .
رباب…..بحب حطت ايدها علي كفه وانا مقدرش احرمك من فرحتك في ان عادل يكون جنبك في يوم زي ده ولا اقدر احرمه من فرحته بيك وانت عارف اني بقالي فتره لا باجي جنبه ولا بضايقه وخلاص استسلسمت من زمان
هشام……بحب مش عايزك تكوني مضايقه يا روبي بس اكيد انتي مقدره موقفي
رباب……اكيد يا حبيبي وانا مش مضايقه اتطمن اللي بيني وبين ابوك انت ملكش دعوه بيه وعموما اطمن خلاص مبقاش في حاجه بينا انا وهو في النهايه في رابط بيربطنا لاخر العمر والرابط ده انت يا هشام زي ما ليا حق فيك هو كمان ليه حق فيك فا اطمن لا هضايق ولا هزعل بالعكس هكون مبسوطه لما تروح تطلب جنه وانت معاك ابوك في ضهرك
هشام….باس ايدها بحب ربنا يخليكي ليا يا احلي واحن روبي في الدنيا .
رباب….بإبتسامه ويخليك ليا يا حبيب قلبي افتح بقي الموضوع مع جنه وياريت اسمع اخبار حلوه تفرح قلبي
هشام…..هيحصل يا روبي ان شاء الله هتكلم معاها وهشوف اللي هيحصل وان شاء الله خير
رباب….خير يا حبيبي ان شاء الله.
هشام……ممكن بقي اروح شغلي عشان متأخر.
رباب…..متأخر ايه لسه بدري
هشام……لا ما انا والشباب متفقين نروح لنور وفاطيما انتي ناسيه ان انهارده اول يوم ليهم في الشركه وعايزين نبقي مع نور وهو بيقص الشريط
رباب…..ايوه صح هو ميعرفش انكم رايحين
هشام….بإبتسامه لا اتفقنا من وراهم وقولنا نروح نقف معاها عشان يتبسط وميحسش انه لوحده
رباب……ايوه صح ربنا يخليكم لبعض يا حبيبي ويوفقه هو وفاطيما
هشام….يارب يا روبي امشي بقي ولا التحقيق لسه مخلصش
رباب…..طيب مكملتش اكلك.
هشام….لا بقولك ايه متبقيش طماعه يا روبي احمدي ربنا اني فطرت يلا سلام
رباب…..بإبتسامه ماشي يا سيدي سلام خلي بالك من نفسك
هشام….حاضر يا ست الكل وانتي كمان
خلي بالك من نفسك وابقي عرفيني هتخرجي ولا لا
رباب….هكلمك حاضر سلام
هشام….سلام يا روبي.
خرج هشام ومسكت رباب الموبايل تكلم كاريمان وتشوف هيعملوا ايه.
رباب…..الوووو
كاريمان…..صباح الفل يا روبي
رباب….صباح الفل يا حبيبتي ايه الاخبار صاحيه ولا نايمه
كاريمان…..لا نايمه ايه انا صحيت وفطرت كمان
رباب….طيب كويس بألف هنا المهم ظروفك ايه انهارده
كاريمان…..احنا مش متفقين ولا انتي مش هتقدري انهارده
رباب…..لا ازاي انا جاهزه انا قولت بس أتأكد منك تاني عارفه اننا ماشين متأخر امبارح من الحفله فا قولت لا تكوني غيرتي رأيك ولا وراكي حاجه
كاريمان…..لا انا فاضيه ومش ورايا اي حاجه
رباب….طيب كويس يعني علي اتفاقنا
كاريمان…..اه علي اتفاقنا بس ياريت نتقابل علي تلاته بدل اتنين عشان روح احتمال تيجي معانا هي وليلي وزهره
رباب…..والله طيب كويس قالتلك امته
كاريمان……امبارح واحنا بنتكلم مخدتيش بالك ولا ايه
رباب….لا والله الدنيا كانت دوشه
كاريمان…..لا قالتلي هتيجي معانا وليلي وزهره قالوا انهم هيجوا هما كمان بس قالوا خلوها تلاته وبالمره نتغدي بره مع بعض ايه رأيك
رباب….موافقه طبعا خلاص ان شاء الله هنتقابل علي تلاته هعدي عليكي ايه رأيك
كاريمان…..زي ما تحبي لو مش هتقدري خليكي وانا هاجي
رباب…..لا هعدي عليكي نروح سوا وابقي ارجعك لما نخلص
كاريمان…..خلاص اتققنا تعالي بقي قبل تلاته عشان هما هيقابلونا في المكان علي طول
رباب…..خلاص ان شاء الله علي اتنين هكون عندك
كاريمان…..خلاص هستناكي خدي بالك من الطريق
رباب…..ربنا يستر يلا هسيبك تشوفي اللي وراكي
كاريمان….ماشي يا حبيبتي يلا سلام
رباب……مع السلامه.
……………..
في ڤيلا نور وفاطيما.
صحيوا و جهزوا وحضرت فاطيما فطار سريع كانت متوتره لان ده أول يوم ليهم في شركتهم
الاتنين فاهمين الشغل كويس لان ده كان شغل والدهم اصلا بس كانت متوتره لانهم بقالهم فتره مش بيشتغلوا من بعد مۏت والدتهم و والدهم وبعد ما خسروا مقرهم في امريكا وكانوا مستنين كل المبالغ اللي ليهم في السوق ترجعلهم عشان يبدأوا من جديد فا كانت خاېفه كأنها اول مره تبدأ شغل بس كانت بتحاول نكون طبيعيه لان نور متوتر جدا وباين عليه انه قلقان.
نزل نور وكان باين عليه فعلا التوتر والقلق
نور….صباح الخير يا فاطيما
فاطيما…..صباح النور يا حبيبي يلا عشان تفطر مش عايزين نتأخر علي الموظفين ده اول يوم لينا
نور….مفيش تأخير ولا حاجه يلا افطري بسرعه وهنروح ان شاء الله في المعاد
فاطيما……طب وانت مش هتفطر
نور…..لا مش عايز يا فاطيما انا متوتر و معدتي تعباني شويه
فاطيما……متوتر من ايه بس اهدي كده وان شاء الله خير انت اول مره تشتغل ولا ايه
نور…..والله حاسس اني اول مره اشتغل فعلا وخاېف اوي
فاطيما…..من ايه بس يا حبيبي وبعدين ده بدل ما انت اللي تطمني بتقلقني
نور ….ڠصب عني يا فاطيما انتي عارفه ان كل اللي معانا اتحط في الشركه يعني مينفعش نحط احتمال للخساره حتي ولو واحد في الميه
فاطيما….مفيش خساره ولا حاجه إن شاء الله يا حبيبي انت فاهم في الشغل واكتر مني بكتير وبابي كان بيعتمد عليك في كل حاجه يعني هتقدر هنبدأ من الصفر وانا عندي ثقه كبيره في ربنا اننا هننجح وفي وقت صغير شركتنا اسمها هيسمع في كل مكان في مصر وبعدين الدعايه والإعلان شغالين بقالهم كذا يوم فا اتفائل كده هنعمل اللي علينا هنشتغل ونجتهد والباقي علي ربنا
نور….بإبتسامه ضمھا وباس راسها يارب يا فاطيما اكون قد ثقتك فيا وأقدر اعوضك عن اي خساره خسرناها واقدر ائمنلك مستقبلم زي ما بابي و مامي كانوا عايزين
فاطيما…..وانا واثقه فيك وعارفه انك شاطر ويعتمد عليك وهتقدر تخلي اسم شركتنا يبقي كبير هو حمل كبير عليك بس انت قده يا نور والله العظيم
نور….بحب اهو كلامك الحلو ده ريحني شويه يا فاطيما والله
فاطيما…..انا جنبك يا حبيبي و اوعي تخاف من الخساره ان شاء الله مش هيبقي في غير نجاح وبس ممكن يلا افطر معايا عشان خاطري
نور….حاضر يا ستي يلا اقعدي.
……………
فطروا مع بعض وبعدين خرجوا ركبوا العربيه وطلعوا من الڤيلا
كلمتهم ميار وعرفتهم انها نزلت وفي طريقها للشركه.
بعد وقت مش طويل وصلوا قدام مقر الشركه دخلوا من بوابه وكان في وشهم الباب الكبير بتاع الشركه الموظفين في استقبالهم وفي شريط احمر محطوط عشان يقصه ويدخلوا مع بعض
قلبه كان بيدق جامد فاطيما كمان كانت متوتره وايدها متلجه
وفجأه ابتسمت بسعاده
فاطيما…..ايه ده الحق يا نور
بص نور وابتسم بسعاده ملهاش حدود لما لمح امير وجلال وهشام ورامي ورهف وفرح وجنه وميار .
ومش بس كده اتبسط اكتر بكتير لما لمح معاهم راجح
ركن العربيه بسرعه ونزل هو وفاطيما وقربوا عليهم وهي ابتسامتهم ماليه وشهم.
واول ما نزلوا وقربوا منهم الكل كان بيسقف ليهم
نور….ايه المفجأه الحلوه دي
جلال…..طب بذمتك مش مفجأه جامده
نور…..اوي والله حبيبي يا جلجلللل
حضنه جلال بحب
جلال….مبروك يا حبيبي
نور……الله يبارك فيك بص لراجح بتأثر باااااشا والله العظيم انا نازل من البيت وانا مش علي بعض بس لما شوفتك فرحت فرحه متتوصفش ووجودك فرق معايا قرب منه وحضنه بحب
راجح….وهو بيطبطب علي ضهره يعني معقول نسيبك لوحدك انت وفاطيما في يوم زي ده مبروك يا حبيبي
نور….الله يبارك فيك يا حبيبي ويباركلنا في عمرك مش عارف اقولك ايه كمل بلمعه في عينه بس والله يا باشا انا حاسس الوقت ان ابويا معايا
راجح……بحب ضمھ تاني وباس راسه وانت عارف انك ابني زيك زي العيال دي كلها ومش محتاج اقولك اني هفضل جنبك وفي ضهرك ابوك معاك بروحه وانا معاك بروحي وقلبي وطول ما فيا نفس هفضل جنبك انت وفاطيما
نور….ربنا ما يحرمنا منك ابدا يا حبيبي
راجح…..ضم فاطيما مبروك يا حبيبتي ربنا يجعلها فاتحه خير والشركه تكبر بيكم
فاطيما…..حبيبي انكل يا راجح والله الله يبارك في حضرتك وشكرا من قلبي وجودك فرق معايا انا ونور فوق ما تتخيل
راجح…..انتو ولادي يا عبيطه معقول مبقاش مع ولادي وابقي شاهد علي اول خطوه في نجاحهم.
فاطيما…..وجودك في اول خطوه دي ادانا دافعه كبيره اوي وشرف لينا انك تبقي موجود انهارده والله العظيم
راجح….انا اللي متشرف بيكم يا فاطيما انتي ونور شباب مجتهد و زي الفل و هقولهالك تاني زي ما قولتها لأخوكي انا طول ما فيا نفس هفضل في ضهركم ومش انا بس كل العيله
فاطيما…..ربنا ما يحرمنا منكم ابدا
رامي….طب ايه مفيش كلمه حلوه لينا مبروك يا نووووور
نور….بضحك حبيبي يا ريمووو والله فرحتوني اوي
امير……مكانش ينفع تقص الشريط من غيرنا يا صاحبي
نور…..يا اميرررر اخويا ربنا ما يحرمني منكم يا حبيبي ويخليكم لينا ضمھ نور بحب
فرح…..مبروك يا طمطم
فاطيما….فروحتي الله يبارك فيكي يا قلبي
جنه…..ايه رايك في المفجأه دي
فاطيما…..والله احلي مفجأه
رهف…..عقبال الفرع ال يا احلي فطوم
فاطيما….بتأثر ابتسمت حبيبه قلبي يا رهوف وجودكم فرق معانا والله يابنات
فرح……ده واجب علينا يا قلبي معقول نسيبكم في يوم زي ده خصوصا ان من امبارح باين عليكم التوتر واتفقنا مع ميار نجيبلكم
فاطيما….بصت لميار وضحكت كنتي عارفه يا سوسه
ميار….بضحك طبعا بس مرضتش اقولكم
رامي……بضحك لفاطيما مبروك يا غيبوبتي
ابتسمت فاطيما وسلمت عليه
ضمھا رامي بحب وباس راسها
فاطيما…..بهمس مقولتليش ليه
رامي…..يعني احړق المفجأه
فاطيما…..احلي مفجأه والله
رامي….مبروك يا قلبي عقبال ما يبقي ليكم في كل محافظه فرع وتلفوا العالم كله
فاطيما…..يارب يا رامي
هشام……غيبوبه مبروك
فاطيما…..بضحك الله يبارك فيك يا اتش
امير…..بضحك خدي بالك قربت انسي اسمك
فاطيما….اقول ايه علي اللي كان السبب
رامي….بضحك اكيد مش انا
امير…..مبروك يا فاطيما
فاطيما….الله يبارك فيك يا امير وشكرا بجد من قلبي علي المفجأه الحلوه دي
امير……ده واجب علينا يابت احنا اخوات مفيش بينا شكر
فاطيما……طبعا احلي اخوات والله.
راجح….طب ايه مش كفايه سلامات والمدير يتفضل يقص الشريط عشان الموظفين يدخلوا
نور….بضحك اه يلا بينا.
قرب منه واحد من العاملين كان معاه المقص
نور….بإبتسامه لراجح بيتهيألي استغل وجودك يا باشا و محدش هيقص الشريط غيرك
راجح….بإبتسامه يبقي نقصه سوا يلا هات ايدك ايدك معانا يا فاطيما
رامي…..بإبتسامه وهمس يلا روحي
قربت منهم فاطيما وهي مبتسمه
حطوا ايدهم التلاته علي المقص وقصوا الشريط مع بعض
الكل سقف والشباب فضلوا يصفروا
ودخلوا كلهم مع بعض علي جوه المكان كان عباره عن مكاتب لان ده المقر كان عباره عن ثلثا ادوار ومن بره كله زجاج
وقفوا كلهم في البهو بتاع المقر
راجح…..بهمس وهو بيضحك ايه مش هتقول اي كلمه للموظفين
نور….بضحك ايه ده هو لازم
راجح…ياواد اعمل اي منظر هو انت قصيت الشريط عشان يدخلوا يجروا علي مكاتبهم
نور….طب اقول ايه انا مش مجهز اي كلام ولا كان في بالي اصلا
راجح…..بإبتسامه هفضل اعلم فيكم لحد امته قولهم اي كلمتين حلوين تحفزهم وتخلي عندهم نشاط مش لازم تكون مجهز اي كلام قول اللي يخرج من قلبك
نور…..طيب ربنا يستر
ضحكوا كلهم عليه واتقدم نور خطوتين و الكل كان حواليه.
كان باين عليه التوتر والإحراج البسيط لكن كلام راجح شجعه ووقوف الشباب في ضهره ادالوا ثقه اكتر.
نور……صباح الخير عليكم جميعا اولا شكرا علي استقبالكم الجميل
في الحقيقه انا مش محضر اي كلام بس كل اللي عايز اقوله ان شاء الله هعمل كل اللي في جهدي عشان اسم شركتنا يسمع في كل مكان ونقدر ننجح في مجالنا وعايز اقولكم ان انا مش هقدر اعمل ده لوحدي وجودكم اكيد هيفرق معايا كتير و مش عايز حد يعتبر انه شغال عندي كلكم شغالين معايا الشركه دي مش بتاعتي لوحدي دي بتاعت كل موظف موجود فيها طول ما كلنا ايدنا في ايد بعض وقلبنا علي قلب بعض ان شاء الله في اقرب وقت هنبقي رقم واحد
شكرا ليكم من قلبي وان شاء الله تبقي بدايه جميله بالتوفيق ان شاء الله.
الكل سقف وبدأوا يروحوا علي مكاتبهم
راجح….بضحك ما انت حلو اهو انا قولت كلمتين فتحت منك
نور …بضحك ما انا قولت ازود الكلام شويه واشجعهم اكتر
راجح….بإبتسامه مبروك يا حبيبي ربنا يجعلها فاتحه خير ويلا روح بقي شوف شغلك
نور…..لا انت رايح فين تعالي شوف المكتب بتاعي واشرب فنجان قهوه
راجح….لا نخليها مره تانيه واكيد هجيلك واطب عليك عشان اشوفك شغال ولا بتتمرق
نور….بضحك لا مفيش مرقعه متقلقش بس اشرب طيب فنجان قهوه
راجح….هجيلك تاني والله تبقي استقريت والدنيا زي الفل
جلال…..احنا خلعنا منهم شويه عشان نجيلك ورانا شغل ياعم
نور…..حبيبي يا جلال ربنا يخليكم ليا
امير…..بضحك بقولك ايه اخصم من البت دي نص يوم احنا جينا قبلها
مسار….بضحك بقي كده يا امير تصدق انا غلطانه عشان محرقتش المفجأه
نور……بضحك جات بعدكم طيب اول خصم يا ميار
ميار…..امري لله يا مدير يا مفتري
راجح…..يلا يا شباب سيبوهم يشوفوا شغلهم متعطلوهمش
هشام…..يلا انا ماشي عشان متأخر مبروك يا ياصاحبي مبروك يا طمطم
نور….الله يبارك فيك يا اتش
فاطيما……الله يبارك فيك يا اتش
رامي…..يلا يا شباب بقول ايه هعدي عليكم انا كمان واياك الاقي دلع وتهريج
نور….اتنيل هتعمل فيها مراقب
فاطيما…..بضحك لا اطمن مفيش دلع في شغل بس.
رامي….هنشوف
رهف….باي يا طمطم باي يا نور
نور….باي يا رهف
سلموا عليهم ومشيوا كلهم بعد ما ادولهم دافعه قويه وفرحوهم.
وبدأوا شغلهم .
بعد حوالي ساعتين رامي كان في مكتبه هو وفاطيما ومعاهم ميار بيتكلموا في الشغل
فجأه الباب اتفتح
مراد…..هو فين المدير
نور….بضحك ايه ده مراد
مراد…..فين المدير عندي شكوي
قرب منه نور وهو بيضحك ضموا بحب
مراد….بإبتسامه مبروك يا حبيبي
نور…الله يبارك فيك يا ميرو
مراد….مبروك يا طمطم
فاطيما….حبيبي يا مرااااد الله يبارك فيك
نور…..انتي كنتي عارفه يا سوسه بردوا
ميار….بضحك لا والله ما اعرف
مراد….تعالي انتي كمان مبروك يا ميور
ميار….الله يبارك فيك يا حبيبي
مراد…..ايه الجمال ده ماشاء الله
نور….ايه رأيك في المكتب جامد ها
مراد….لا جامد والله والمكان كله ماشاء الله جميل مبروك يا ولاد ربنا يجعلها قدم السعد عليكم
نور….يارب يا حبيبي
مراد…فين ياض القهوه بتاعتي انت بخيل ولا ايه
نور….بضحك لا والله استني قهوتك ايه
مراد….مظبوط
رفع نور التليفون طلب قهوه وبعدين قفل.
مراد…..ها احساسك ايه وانت مدير بقالك كام ساعه
نور….بص للبنات وضحك لسه قاعدين نبص لبعض الشغل لسه واقف
مراد….واحده واحده العجله هتمشي وبعدين هو انا روحت فين يالا انا جايلك في شغل
نور…..بإبتسامه ايه هتفتح مستشفي ولا ايه
فاطيما…..بضحك جاي يطلب طلبيه عشان ميحسسناش اننا قاعدين فاضيين
مراد…..لا طبعا الشغل مفيهوش مجاملات انا جاي بجد في شغل
نور….بضحك شغل ايه يا مراد انتوا غيرتوا النشاطات بتاعتكم ولا ايه
مراد….لا يا اخويا مغيرناش انا مجرد وسيط بينك وبين العميل
نور ….ومين العميل بقي يلا ھموت واشتغل فرحني
مراد….بإبتسامه هتشتغل متستعجلش لحظه
طلع موبايله وطلب رقم في الوقت ده دخل شاب حط القهوه قدام مراد وخرج.
مراد…..الووو
كرم…..ااا يا ميرو
مراد….صباح الفل
كرم….صباح العسل ايه وصلت
مراد….اه وصلت اهو معاك يا عم خلصوا شغلكم بقي مع بعض انا كده مهمتي خلصت
كرم….طيب هاته
مراد….امسك يا سياده المدير
نور….وهو بيمسك الموبايل مين طيب
مراد….رد بس.
نور….الووو
كرم….بإبتسامه مبروك يا نور
نور…..اهلااااا يا دكتور ده ايه اليوم اللي كله مفاجات ده
كرم…حبيبي الف مبروك ومن نجاح لنجاح يارب
نور….الله يبارك فيك يا دكتور والله مبسوط اني سمعت صوتك
كرم…..حبيبي انا اللي مبسوط عشانك ان شاء الله تبقي قدم الخير عليك وتكسر الدنيا
نور….يارب الاهم امين
كرم…..طبعا مراد قالك
نور….بضحك لا والله هو قال انه مجرد وسيط بس انا مش فاهم حاجه
كرم….شوف انا كام يوم وهاجي القاهره بس انا عشان افهمكم بإختصار انا الفتره دي هيغير اغلب الاجهزه في المستشفي واكيد هيبقي في بينا تعامل
نور….ده شرف ليا والله
كرم….الشرف ليا انا يا حبيبي انا هبلغك بكل اللي محتاجه ان شاء الله وكمان انا جاي القاهره عشان احتمال كبير اوي يبقي ليا فرع تاني من المستشفي في القاهره
نور….ايه ده بجد ده خبر حلو اوي
كرم….حبيبي ان شاء الله كام يوم وابقي عندك مراد هيساعدني في موضوع المستشفى ده وان شاء الله المقر الجديد كله هيبقي في ايدك انت تجهزه من الالف للياء
نور….طبعا وانا جاهز
كرم…..خلاص يبقي اتفقنا وان شاء الله هتبقي انت المورد الاساسي ليا خصوصا اني عرفت من مراد ان كل حاجه من بره يعني الاجهزه مضمونه
نور….هتشوف بنفسك لما تيجي وتقدر تعرفني لو محتاج اي جهاز بمواصفات معينه وانا هجيبها احد عندك
كرم….خلاص اتفقنا يومين بالظبط وهبقي عندك
نور…..وانا مستنيك ان شاء الله
كرم…..وبعد ما هقفل معاك هبعتلك رساله بالطلبيه اللي محتاجها ضروري للمستشفي هنا
نور…..تمام رقمي معاك
كرم….هقول لمراد يبعتهولي
نور….طيب تمام اتفقنا
كرم….ماشي يا حبيبي والف مبروك
نور….الله يبارك فيك يا دكتور تسلملي
كرم….يلا مع السلامه
نور….سلام مراد معاك.
مراد…..ايوه يا كرم
كرم…..خلاص اتفقت معاه ابعتلي بس رقمه لما تقفل
مراد….تمام هبعتهولك حاضر
متحرمش منك يا صاحبي
كرم…..حبيبي يا مراد يلا هسيبك معاه سلام
مراد….سلام يا كرم.
نور…..حبيبي يا مراد والله ما عارف اقولك ايه علي الدفعه القويه دي
مراد…..ولا دافعه ولا حاجه انا معملتش اي حاجه زي ما قولتلك انا مجرد وسيط واكيد مش من اول يوم هتقعدوا تبصوا علي بعض كده احنا مش بنهرج
نور….بإبتسامه لا مفيش تهريج متقلقش
مراد….ان شاء الله كام يوم كده وهتلاقي العجله دارت وانا من ناحيتي مش هسيبك غير لما اعملك دعايه مع كل الناس اللي اعرفهم
نور…..مش عارف اقولك ايه والله
مراد….قولي اشرب القهوه قبل ما تبرد و متبقاش رغاي
نور….بضحك ماشي يا سيدي اشرب خلاص مش هرغي.
…………..
هشام كان واخد جنه معاه يوصلها في طريقه عشان كانت رايحه تحضر تدريب مهم
هشام…..فطرتي يا جنه ولا لأ
جنه….اه الحمد لله فطرت وانت
هشام…..روبي قبضت عليا وفطرتني
جنه….بضحك جدعه هي كويسه
هشام….اه بخير الحمد لله
جنه…..الحمد لله نور وفاطيما اتبسطوا اوي انا فرحانه عشانهم
هشام……وانا كمان هما يستاهلوا كل خير ومن حقهم يفرحوا الفتره اللي فاتت كلها كانت صعبه عليهم فا الحمد لله انهم عدوها علي خير
جنه….ده حقيقي الحمد لله وربنا يوفقهم يارب.
هشام…..يارب اللهم امين بقولك ايه خلينا في المهم بقي
جنه….قول
هشام…..الاول انتي التدريب بتاعك قدامه قد ايه
جنه…..لسه حوالي ساعه وربع
هشام…..طيب انا عايز اتكلم معاكي شويه في حاجه مهمه تحبي نروح مكان ولا نخلينا هنا
جنه…..زي ما تحب بس عادي ممكن نفضل في العربيه عشان لو روحنا مكان الوقت هيجري
هشام…..تمام زي ما تحبي هركن بقي كده ونتكلم
جنه….اوك
مشي هشام شويه ووقف في مكان هادي عن العربيات .
جنه…..خير في ايه حاسه ان وراك مصېبه
هشام….بإبتسامه انا تعرفي عني كده
جنه…..بضحكه جميله لا خلاص قول
هشام……اتكلمت انا وروبي انهارده
جنه…..اتكلمتوا في ايه
هشام…..في موضوعي انا وانتي
بصتله جنه پصدمه وابتسمت
جنه……ازاي
هشام….متقلقيش مفيش حاجه كل الحكايه ان هي كانت بتصيع عليا وعايزه تفرح بيا وانا صيعت عليها وقولتلها هدور علي عروسه فا قالتلي ما انا عارفه انها موجوده وفتحنا الكلام المهم هي اتكلمت في موضوع الجواز والارتباط وانا قولتلها اني عارف انه مش هينفع الوقت عشان دراستك
جنه….بإبتسامه إحراج تمام وبعدين
هشام…..بإبتسامه مالك وشك احمر ليه
جنه……اخلص ومتبقاش رخم
هشام….بضحك حاضر يا ستي المهم يعني هي اقترحت اقتراح فا قولت اعرضه عليكي ولو موافقه ناخد خطوه
جنه…..اقتراح ايه
هشام….يعني هي قالتلي اننا ممكن نعمل خطوبه خلال الفتره الجايه و لما تبقي في اخر سنه ممكن نتجوز لو انتي رافضه موضوع الجواز او لو مش هيبقي قرار مقبول عند الكل فا نكتفي بالخطوبه لحد ما تخلصي انا الاول عايز اعرف رأيك في حوار اني اطلب ايدك وحوار الخطوبه عشان لو معندكيش مانع افاتح قاسم وناخد خطوه.
بصتله جنه وهي مبتسمه ووشها احمر وقلبها بيدق جامد.
هشام….بضحك ايه مالك بتحمري كده ليه
جنه….بضحك ايدها كانت بتترعش عايزني اقول ايه
هشام….ابتسم بحب ومسك ايدها الاول بس عايزك تهدي كده وبلاش توتر كل اللي عايزه منك تقولي رأيك ايه اعتبريه مجرد نقاش
جنه……هو مبدأيا كده انت فاجئتني عشان كده مصدومه شويه
هشام…..لا مفيش صډمه ولا حاجه زي ما قولتلك احنا بنتناقش انا يهمني اعرف رأيك في خطوه الخطوبه دي لو موافقه انا هفتح الكلام مع قاسم ولو هو كمان وافق هناخد معاد واجي اطلبك رسمي منه ومن الباشا ومن عمامك ومن الكل لو رافضه الفكره خالص اعتبري اني مقولتش اي حاجه واحنا زي ما احنا
جنه….بضحك طيب اقول ايه بس مش عارفه
هشام….بضحك عليها وعلي كسوفها قولي موافقه او لأ وبطلي كسوف مش وقتك
خالص
جنه….بص انا يمكن محطتش الموضوع ده في دماغي خالص ولا كنت عارفه انك ممكن تفتحه انت عارف رأيي في موضوع الجواز وده مش رفض اكيد بس انت عارف اسبابي
هشام….عارف وده اللي قولته لروبي خلينا منسبقش الاحداث ونتكلم مبدأيا عن الخطوبه
جنه….بإبتسامه ااا لو بتاخد رايي انا فا انا مش عندي مانع يا هشام بس انا بصراحه مش عارفه رأي بابي ايه
هشام….سيبي قاسم عليا انا المهم الوقت رايك انتي
جنه….انا معنديش مانع يا هشام
هشام….بإبتسامه سعاده طيب كويس اوي خلاص انا هستني بعد فرح منذر وفيروز يكون الكل رايق كده وفاضي وهتكلم مع قاسم ونيجي انا وروبي وابويا ونطلبك اتفقنا
جنه….اتفقنا طيب وموضوع الجواز
هشام ….بصي يا حبيبي ده قرارك وايا كان ايه هو انا موافق عليه وانا مغمض فكري واللي انتي عيزاه هعمله انا لو عليا عايز نتجوز من بكره بس انتي اكيد ليكي رأي فكري وخدي وقتك وبراحتك بس عايز اقولك حاجه لو معندكيش مانع احنا ممكن نتخطب سنه ولما تبقي في اخر سنه ممكن نتجوز وتاخدي السنه دي واحنا مع بعض وعشان تكوني مرتاحه ممكن نأجل موضوع البيبي خالص لحد ما تخلصي كمان عايز اقولك ان اي حاجه نفسك تعمليها او تحققيها هتحققيها وانتي معايا وعمر جوازي منك ما هيعطلك عن اللي نفسك تعمليه واعتبري ده وعد مني انا عمري ما هخذلك ولا عمري هكون سبب في إهمالك لأي حاجه في مصلحتك انا نفسي اشوفك ناجحه وكبيره ومحققه كل اللي بتتمنيه يعني مش انا الراجل اللي حابب قاعده البنت اللي بحبها في البيت ولا انا الراجل اللي ممكن ېقتل طموحك انتي عرفاني كويس بقدر طموح واجتهاد اي حد فا مبالك لو الحد ده انتي فا شوفي وفكري مع نفسك وزي ما قولتلك دي خطوه لسه بدري عليها احنا حاليا هنتكلم في موضوع الخطوبه .
جنه….بتنهيده تمام يا هشام عموما خليني افكر في الخطوه التانيه بس لو علي الخطوبه والارتباط الرسمي انا معنديش مشكله
هشام…..تمام حلو يبقي زي ما قولتلك نخلص جواز فيروز ومنذر وبعد كده نشوف موضوعنا
جنه…..بسعاده اتفقنا
هشام….بإبتسامه بحبك
جنه…بكسوف وانا كمان
هشام……يلا بينا هوصلك وبعدين اطلع علي شغلي
جنه….اوك تمام
………………..
في شركه عاصم
خرج هو وعلي ومهيب وبعض الموظفين من غرفه الاجتماعات بعد اجتماع دام اكتر من ساعتين.
مهيب……شكرا يا شباب ليكم واتمني كل حاجه تمشي زي ما اتفقنا اتفضلوا علي مكاتبكم.
علي…..باشا انا الوقت هروح ابعت الايميلات اللي قولت عليها وشويه وهبقي اخرج اخلص مشوار الموقع
عاصم…..خليك انت انا هروح
مهيب…لا سيب علي احنا لسه قدامنا شغل كتير وانا محتاجك معايا
عاصم….تمام زي ما تحب
علي….خلاص خليك انت يا عاصم مع الباشا وانا هخلص الدنيا وهبقي معاك علي الموبايل متقلقش
عاصم….طيب تمام.
مهيب…انا رايح مكتبي
عاصم…اتفضل يا باشا.
علي…..يلا انا كمان رايح ابعت الايميلات.
عاصم….تمام.
وقف علي وبصله.
علي…..اه صحيح بقولك
عاصم….قول
علي….فريده اول ما بدأنا اجتماع اتصلت عليا بس كنسلت عليها معرفتش ارد
عاصم……ااااه ده انا موبايلي لقيته فاضل اكيد اتصلت عليا ولاقته مقفول
علي….مش شاحن موبايلك ولا ايه
عاصم….لا صحيت الصبح كان خلاص قرب يفصل شحنته شويه بس ملحقش عشان خرجنا بدري الصبح
علي….طيب اشحنه بقي وكلمها وشوف لا تكون مليكه صحيت هي كمان وكلمتك
عاصم….طيب طيب هروح اشحنه واشوفهم
علي….تمام يلا انا رايح مكتبي
عاصم……اوك
راح عاصم علي مكتبه شحن التليفون وبعدين قلع الچاكت بتاعه ورفع اكمام القميص طلب القهوه بتاعته وبعدين راح قعد علي الكرسي شويه يخلص ورق مهم احد ما الموبايل يفتح
خمس دقايق وقهوته وصلت
ۏلع سېجاره وفتح الموبايل
جاله كذا إشعار بمكالمات كتير لفريده ومن ضمنهم اربع مكالمات وراء بعض قبل ما الموبايل يفصل وفي رساله ڤويس قلق عليها يكون في حاجه حصلت
سمع الاول الڤويس.
وبمجرد ما عرف انها سافرت حس ان هو أتعفرت و أضايق
اتصل عليها علي طول.
كانت قطعت اكتر من نص الطريق كمان وداخله علي اسكندريه.
اول ما رن وشافت رقمه ردت بسرعه.
فريده….الو ايوه يا عاصم انت فين من بدري قلقتني
عاصم ….بنبره ڠضب بسيطه فريده انتي سافرتي بجد
فريده…..انا بعتلك ڤويس انت مش سمعته ولا ايه
عاصم….اكيد سمعته امال عرفت منين انك مسافره
فريده…..طيب ما انا قولتلك كل حاجه في الڤويس
عاصم….تمام يعني مشيتي كلامك بردوا يا فريده
فريده……انا ممشتش كلامي ولا حاجه ياعاصم انا بتصل بيك من وانا لسه في البيت تلات مرات مردتش والرابعه موبايلك اتقفل واتصلت بعلي عشان اعرف اوصلك هو كمان مردش وكنسل وبعتلك ڤويس وبيتهيألي لما فتحت موبايلك شوفت اتصلت بيك تاني قد ايه وبردوا موبايلك مقفول
عاصم….انا مليش دعوه بكل اللي بتقوليه ده انا ليه دعوه بأنك نفذتي اللي في دماغك وسافرتي
فريده……عاصم انا منفذتش اللي في دماغي عشان عايزه اضايقك وفي حاجه اسمها ملكش دعوه باللي بقوله ما انا لو كنت عرفت اوصلك كان زمانك عرفت من قبل ما اسافر
عاصم…..اللي اعرفه ادام اتصلتي بالتيم هناك وطمنوكي مكانش في داعي للسفر علي طول كان ممكن تستني لحد ما تعرفي توصليلي
فريده….استني كل ده يا عاصم انا خلاص دخلت البلد يعني الوقت اللي كنت هفضل مستنيه فيه ده انا انجزته
عاصم…..انتي شايفه كده يعني
فريده….ايوه يا عاصم شايفه كده انا بحاول اوصلك ومش عارفه انت فين حتي لما صحيت لا لقبت مسدچ منك ولا اتصال
عاصم….انا خرجت بدري انا وعلي والباشا عشان كان عندنا اجتماع مهم والموبايل بتاعي فصل لاني مشحنتهوش بليل اصلا
فريده……طيب وانا لما اتصلت بعلي و كنسل فهمت انكم مش عارفين تردوا عشان كده بعالك مسدچ اقولك فيه اللي كنت هقوله لو رديت
عاصم……بردوا يا فريده كان المفروض تستني افرضي كان عندي مصېبه ولا فيا حاجه مش علي الاقل تطمني الاول
فريده…..انا عارفه ان مفيش حاجه فيك يا عاصم خصوصا ان علي كمان كنسل وبعدين لو هتحسبها بالطريقه دي طيب ما تفرض ان انا كان حصل معايا حاجه ولا صاحب الرقم ده وصلي وانا محتجاك
عاصم……الوقت انا الغلطان يعني
فريده….انا مقولتش كده بس بحاول افهمك اني محسبتهاش بالطريقه دي زي ما انت بتحسبها
عاصم…..هو انتي شايفه انك مش غلطانه ولا مشيتي اللي في دماغك صح
فريده…..انا فعلا مش غلطانه يا عاصم
عاصم….لا غلطانه يا فريده وبيتهيألي انا امبارح قولتلك لو صحيت وعرفت انك سافرتي هتزعلي مني حصل ولا لأ
فريده…..حصل وبيتهيألي لو انا مشيت اللي في دماغي زي ما بتقول كنت سافرت علي طول من غير ما اتصل ولا ابعت مسدچ بس انا كلمتك قبل ما اخرج من البيت اكتر من مره واتصلت بعلي وبعتلك فويس ومن بعد ما بعت الڤويس وانا بحاول اوصلك بردوا موبايلك غير متاح اعمل ايه تاني
عاصم….لا خالص متعمليش اي حاجه انا اللي غلطان يافريده مش انتي عموما بما انك سافرتي خلاص خدي بالك من نفسك ولو احتجتيني انا موجود عايزه اي حاجه قيل ما اقفل
فريده……عاصم بلاش طريقتك دي
عاصم….مالها طريقتي انا عادي اهو لا متعصب ولا مضايق ولا اي حاجه مالها طريقتي
فريده……مين قال انك مش مضايق انت مش سامع بتتكلم ازاي
عاصم……لا يا فريده مش سامع واللي اعرفه اني بتعامل عادي جدا وعموما انا لا بتحكم فيكي ولا حابب اخنقك كل الحكايه انك مسافره لوحدك علي طريق الله اعلم ممكن يحصلك ايه ولا صاحب الرقم ده عايز ايه ولا كان يقصد ايه باللي عمله ومع ذلك ماشيه لوحدك علي طريق صحراوي من غير ما حد يبقي معاكي
فريده….انا وصلت خلاص يا عاصم والدنيا هاديه وانا طمنتك
عاصم….طيب الحمد لله ادام انتي شايفه كله تمام يبقي خير ان شاء الله عموما خدي بالك من نفسك وترجعي بالسلامه ان شاء الله انا هقفل بقي عشان ورايا شغل كتير.
فريده……بحزن تمام يا عاصم
عاصم….سلام
فريده….سلام.
قفلت الموبايل و حدفته علي الكرسي اللي جنبها وهي مخنوقه وكملت طريقها
نص ساعه ووصلت دخلت الفرع سلمت علي التيم كله و أتكلموا تاني في الموضوع وراجعت الكاميرات بنفسها و حد من التيم نصحها انها تروح تعمل محضر وتبلغ عن الرقم عشان لو حصل حاجه بس هي محبتش تكبر الموضوع خصوصا ان من بعد المكالمه دي فضل زيد يتصل مكانش بيرد ومن بدري الموبايل مقفول علي طول فا حست ان ده حد معاه رقمها حب يقلقها ويضيع وقتها بمعاكسه رخمه مش اكتر.
وقررت انها تقضي معاهم باقي اليوم لانها بقالها كتير مراحتش.
………………
في شركه منذر.
دخلت مريم علي شمس في مكتبها
مريم…..بقولك ايه
شمس……وهي باصه في موبايلها قولي يا مريم
مريم…..منذر عايز ورق اخر طلبيه قيل ما يروح المصنع
شمس….طيب روحي وانا هروح الوقت اسلمهوله.
مريم….بصتلها بإستغراب وقعدت قدامها في ايه مالك باصه علي الموبايل كده ليه وفي دنيا غير الدنيا
شمس….ابدا بس من امبارح بحاول اتصل بطنط صفيه مش بترد وبليل موبايلها اتقفل لحد الوقت بتصل بيها مقفول
مريم….طيب وفين المشكله يمكن فاصل شحن او باظ او يمكن في مكان مش فيه شبكه وهي مش عارفه تلاقيه
شمس…..مش عارفه والله يا مريم بس قلقانه عليها اوي لان دي مش عادتها انا في العادي اول ما اتصل بيها من تاني جرس بترد
مريم…..ما انا قولتلك يمكن فصل شحن وهي مش لقياه او يمكن باظ منها.
شمس…..يارب يا مريم
مريم…..طيب ما تتصلي علي البيت شوفيها كده
شمس……للاسف هي مش عندها تليفون أرضي
مريم…..طيب مش معاكي رقم جوزها.
شمس…..معايا ايوه بس هو ديما مسافر لانه بيشتغل علي عربيات نقل تقيل فا بيسافر بالايام علي الطريق
مريم….حتي لو عادي في النهايه اكيد عارف هي فين او فيها ايه يعني اكيد كلمها.
شمس…..انا خاېفه اتصل اقلقه علي الفاضي وهو علي طريق احسن ېخاف حرام.
مريم……ولا هيخاف ولا حاجه كأنك عيزاها في حاجه مهمه او كأنك رايحه تزوريها وهي مش بترد وخاېفه تروحي علي الفاضي يعني اتكلمي عادي من غير ما تقلقيه اكيد هو كلمها او علي الاقل يعرفك امته اخر مره كلمها.
شمس….انتي شايفه كده
مريم….اه طبعا بس بلاش تكلميه وانتي باين عليكي التوتر عشان ميقلقش
شمس….طيب تمام
مريم…..انتي كلمتيها اخر مره امته
شمس…..انا للاسف اخر مره كلمتها يوم حفله جنس المولود عشان اشوف السواق راحلها ولا لسه وبعدها جات وكملنا اليوم سوا وبعدها بيومين صبا ولدت واتلهينا معاها كل الفتره دي بس انا بقالي كام يوم قلبي مقبوض ومش عارفه ليه هي اللي في بالي أتصلت بيها اول امبارح بليل
جرس ولما مردتش قولت حرام يمكن نايمه وامبارح طول اليوم كنا في حفله السبوع ومعرفتش اكلمها بس بليل جربت مرتين اداني جرس وبعد كده مقفول لحد الوقت عشان كده مش مرتاحه
مريم…..خير ان شاء الله طيب بصي جربي كده تتصلي بجوزها ولو مردش هو كمان وطمنك نخلص شغل ونىوحلها نطمن عليها ايه رأيك
شمس….طيب تمام ماشي
مريم…..خلاص جربي كده وخير ان شاء الله هاتي بقي الورق عشان منذر مستعجل وهرجع تاني اشوفك عملتي ايه
شمس….تمام خدي الفايل اهو وقوليله شمس بتقولك اخر ورقه دي بص عليها كده
مريم….طيب تمام
خدت مريم الورق وراحت لمنذر ادتهوله خد منذر الورق وخرج بعد ما قال لمريم كام حاجه مهمه تعملهم راحت هي كمان علي مكتبها تخلص اللي منذر طلبه منها.
اما عند شمس اتصلت بجوز صفيه عشان
تطمن عليها في الاول رن جرس طويل وفصل اتصلت تاني ومن اول جرس رد عليها حاج إبراهيم جوز صفيه لكن صوته كان غريب اول ما سمعته قلبها اتقبض.
شمس…..الو ازيك يا عمو يا إبراهيم انا شمس
إبراهيم….ازيك يا شمس يا بنتي
شمس….الحمد لله اسفه لو صحيتك من النوم
إبراهيم….لا يا بنتي انا صاحي
شمس….معلش يا عمو لو ازعجتك بس بحاول اوصل لطنط صفيه موبايلها كان بيرن وبعد كده مقفول من امبارح انا كنت عايزه اروحلها بس لما معرفتش اوصلها عشان ابلغها خۏفت تكون مش في البيت فا قولت اتصل بحضرتك اعرف منك هي فين.
إبراهيم….بنبره ۏجع وبكاء صفيه مش في البيت يا بنتي صفيه خلاص مبقتش معانا صفيه ماټت يا شمس.
شمس……بصوت عالي وفزع اييييييييه انت بتقول ايه ازاي و امته حضرتك بتهزر اكيد.
إبراهيم….بدموع صفيه ماټت يا شمس ماټت من ثلاث ايام وانا كنت مسافر و هي لوحدها لوحدها المكان اللي كنت فيه هي عارفه انه مبيبقاش في شبكه بطمن عليها ديما اول ما بمسك طريق عشان لو الشبكه قطعت في اي وقت تبقي عارفه لان اوقات بقعد بالايام لا اعرف عنها حاجه ولا هي كمان تعرف عني حاجه.
بس عشان ربنا بيحبها محبش يطول عليها اكتر من كده الجيران حواليها قلقوا لما سمعوا صوت التلفزيون شغال ونور البيت منور وهي مش ظاهره خبطوا كتير ولما محدش فتح كسروا الباب لقوها واقعه جمب سجاده الصلاه و قدروا يوصلولي الدكتور قال انها بقالها يومين مېته والحمد لله انهم اكتشفوا اللي حصل قبل ما تتبهدل اكتر وريحتها تطلع وأدفنت امبارح خلاص.
شمس….بإنهيار انت بتقول ايه مستحيل دي كانت لسه معايا وكانت كويسه انا استغربت لما لقيتها مش بعتالي رسايل وادعيه زي ما بتعمل قبل كل صلاه قولت اشوفها بس متخيلتش انها ټموت انا اتشغلت عنها الكام يوم اللي فاتوا بس والله كان ڠصب عني لكن كنت متطمنه عليها من رسايلها وعارفه انها بخير
إبراهيم……الحمد لله علي كل حال يا شمس يا بنتي قضي ربنا ونفذ كانت بتحبك اوي وكانت فرحانه وهي معاكم شدي حيلك يا بنتي.
شمس…..لا إله إلا الله يارب لا إله إلا الله اللهم لا اعتراض البقاء لله ياعمو إبراهيم وحقك عليا والنبي متزعلش والله كان ڠصب عني
إبراهيم…..ده عمرها يا بنتي وانتي ايه ذنبك بس الحمد لله علي كل حال خدي بالك من نفسك و كمل بدموع ابقي أسألي عليا يا شمس وادعيلي ربنا يصبرني علي فراقها
شمس……ربنا يصبرك يارب واكيد هسأل عليك طبعا وهجيلك كمان
إبراهيم…..إن شاء الله بالسلامه يا بنتي بالسلامه.
قفلت شمس معاه و سابت الموبايل وقفت وهي بتبص حواليها ومش قادره تصدق وفي لحظه اڼهارت
دخلت مريم عليها واټصدمت لما شافتها بالشكل ده وجريت عليها
مريم….شمس في ايه مالك
شمس…..طنط صفيه ماټت يا مريم ماااااتت
مريم….ايه بتقولي ايه طب بس بس
ضمتها مريم وفضلت شمس ټعيط بصوت عالي
شمس….ااااااااه يا ۏجع قلبي خلاص مبقاش في حد من ريحة ماما يا مريم مبقاش ليا حد خلاص
مريم…..اهدي يا شمس والنبي اتأكدتي من مين طيب يمكن تعبانه بس
شمس…..جوزها هو اللي قالي انها ماټت من ثلاث ايام الجيران كسروا عليها الباب لقوها واقعه ماټت لوحدها يامريم ومحدش حس بيها حتي انا قصرت معاها
مريم……لا إله إلا الله وانتي أيه ذنبك بس انتي ديما بتسألي عليها وبتكلميها وبتزوريها انتي وسالم
شمس…..بس مكنتش معاها وهي لوحدها مكنتش معاها لما فضلت مرميه يومين وهي مېته ااااااااه
مريم….والنبي اهدي كده غلط عليكي انتي حامل يا شمس
حست مريم ان شمس جسمها بيسيب منها صړخت
مريم….شمس امسكي نفسك والنبي قربتها بسرعه من الكنبه وقعدتها وجريت تجيبلها مايه.
شمس …..ااااااه ليه كده بس ليه يارب دي هي كانت اخر حد محسسني ان في حد يسأل عليا كنت بحس ان امي لسه عايشه بسؤالها عني .
مريم…..جات تجري اشربي يا شمس اشربي واهدي شويه عشان خاطري ادعيلها يا شمس
شمس…..مش مصدقه يا مريم وقلبي واجعني اوي
مريم….حاسه بيكي والله بس عشان خاطري اهدي هتتعبي والله
فضلت شمس حاطه ايدها علي وشها ومڼهاره ومريم مش عارفه تسكتها
قامت مسكت الموبايل عشان تكلم سالم اكيد هو اللي هيقدر يهديها او علي الاقل يروحها ترتاح ويبقي معاها.
مريم…..الو
سالم……ايوه يا مريوم ايه الاخبار
مريم…..بصوت يقلق تمام يا سالم
سالم….في حاجه ولا ايه مال صوتك انتي كويسه وشمس كويسه
مريم….اه الحمد لله بخير سالم هو انت فاضي ولا مشغول
سالم…..في ايه يا مريم قلقتيني انا في الشركه
مريم……طيب هو انت ينفع تيجي معلش شويه
سالم….بتوتر شمس فيها حاجه يا مريم
مريم….بدموع بص اهدي هي كويسه والله بس سمعت خبر مش حلو وهي مڼهاره وانا مش عاره اعملها حاجه وياريت تجيلها انت
سالم…..پخوف قام وقف خبر ايه
مريم….طنط صفيه اټوفت
سالم…ايه حصل امته ده
مريم…..هي مكانتش بترد علي شمس وقولتلها تتصل بجوزها وعرفت منه انها اټوفت من ثلاث ايام وكانت لوحدها الجيران كسروا عليها الباب لقوها واقعه جمب سجاده الصلاه وعرفوا يوصلوله وادفنت امبارح
سالم….لا حول ولا قوة إلا بالله طيب انا جاي حالا يا مريم وعشان خاطري خليكي جنبها لحد ما اجي وهديها يا مريم عشان متتعبش
مريم….حاضر انا جنبها والله بس انت متتأخرش عليها
سالم….انا مسافه الطريق وجاي يلا سلام
مريم….سلام.
قفلت مريم وراحت قعدت جنبها ضمتها و سندت راسها علي كتفها وفضلت ټعيط بۏجع.
…………….
بعد حوالي ساعه وصل سالم الشركه بتاعت منذر دخل بسرعه علي مكتب شمس لقاها قاعده علي الكنبه وسانده راسها و دموعها نازله ومريم قاعده قدامها علي الكرسي .
اول ما شافت مريم سالم قامت وقفت
مريم….تعالي يا سالم.
سالم…..راح بسرعه علي شمس من غير ولا كلمه وضمھا لصدره.
اڼهارت شمس في حضنه وهي ماسكه فيه
شمس…..طنط صفيه ماټت يا سالم خلاص ماټت
سالم……اهدي يا حبيبي اهدي البقاء لله
شمس….اااااااه
سالم…..شمس شمس اهدي عشان خاطري
شمس……مبقاش ليا حد يا سالم
وهي كانت اخر حد من ريحة ماما
سالم….انا جنبك يا قلبي وكلنا جنبك وحدي الله كده عشان خاطري وبطلي عياط كده هتتعبي
شمس…..لا إله إلا الله
مريم……سالم خد شمس وروحها او خليها تشم هواء بلاش تسيبها
سالم…..تمام يا مريم هو منذر هنا
مريم….لا منذر مشي بقاله كتير
سالم…..طيب تمام هتعرف تتعاملي لوحدك ولا اتصل بيه يجيلك
مريم…لا لا متقلقش عليا انا هتعامل انت بس خدها من هنا وخليها ترتاح
سالم…..طيب تمام لو في اي حاجه كلميني
مريم….حاضر يا سالم
سالم…..يلا يا شمس يلا يا حبيبتي
قومها براحه ومريم ادتله شنطتها وموبايلها
مريم…..خد بالك منها يا سالم
سالم…..متقلقيش هي معايا خلاص
مريم…..باي يا حبيبتي هطمن عليكي
خرجت شمس مع سالم ونزلوا علي تحت ركبها سالم العربيه وبعدين ركب واول ما ركب اتصل بمنذر.
منذر…….الووووو ايوه يا سولي صباحك فل
سالم…..حبيبي يا منذر بقولك ايه
منذر….ايه قول
سالم…..انا جيت خدت شمس ومريم لوحدها يعني تابعها بقي انت عشان لو احتاجتك في الشغل
منذر….طيب تمام بس طمني في حاجه ولا ايه
سالم….اه يعني الست صفيه جاره شمس اټوفت وشمس مڼهاره علي الاخر ومريم كلمتني وجيت خدتها
منذر…..لا حول ولا قوة ألا بالله البقاء لله
سالم….ونعم بالله انا بس عرفتك عشان تبقي متابع انت مع مريم ومعلش با منذر علي اللغبطه دي
منذر…..لغبطة ايه بس يا سالم لا طبعا روحها وخليها ترتاح وعزيها بالنيابه عني لحد ما اشوفها
سالم…..ماشي يا حبيبي
منذر…..يلا خد بالك منها و متحملش هم حاجه
سالم…..تمام يا منذر يلا مع السلامه
منذر…..سلام يا صاحبي.
في المساء في قصر الطوبجي
الكل كان قاعد علي السفره بيتعشوا معادا شمس
روح…..سالم كل يلا يا حبيبي
سالم….مليش نفس والله يا روح قلقان علي شمس
روح….متقلقش عليها هي زي الفل انا اكلتها من شويه بالعافيه ورجعت نامت تاني يلا انت كمان كل
صبا…..بس هي المفروض متنامش وهي مضايقه كده غلط عليها يا روح
روح….لما سالم كلمني وقالي اللي حصل وانه راجع بيها استنتها ومن وقت ما جات محدش فينا سابها تنام بس من شويه اكلتها بعد ما خدت شاور وقولتلها تريح شويه
ليلي….انا فضلت معاها كتير بتكلم معاها وهديتها علي قد ما قدرت ومسبنهاش غير وهي احسن شويه.
صبا……بس بردوا شويه كده وحد يصحيها عشان تفوق شويه
سالم….انا الوقت ابقي اطلعلها اشوفها ومعلش با روح سامحيني خليتك تأجلي خروجتك انتي وزهره وليلي
روح…..بطل عبط يعني معقول كنت هخرج واسيبها في الحاله دي
زهره….الخروج مش هيطير يا سالم المهم هي تبقي كويسه
روح…..حتي رباب و كاريمان لما عرفوا والله أجلوا الخروجه ليوم تاني
راجح…..ابقي اطمن علي جوزها يا سالم الست دي كانت طيبه ومحترمه والوقت هو بقي لوحده
سالم….اكيد يا باشا من غير ما تقول اصلا الراجل صعب عليا بجد شمس صممت نروحله نعزيه
روحناله وعملنا الواجب حالته مش حلوه خالص
راجح….طبعا مش في بينهم عشره يا ابني وقطعت بيه بعد العمر ده كله.
فيروز…..هي مش عندها اولاد يا سالم
سالم….عندها اتنين بس مسافرين بره متجوزين وبيشتغلوا
فيروز…..وعرفوا
سالم….اه طبعا هو قالي ان واحد من ولادها اصلا اللي خلاهم اكتشفوا كان بيتصل بيها وبوالده يوم بحاله لحد تاني يوم مفيش رد فا قرر يتصل علي جارته اللي معاهم رقمها وهي قالتلهم انها مش باينه فعلا بقالها يومين وان ابوهم في شغله فا هو قالهم اكسروا الباب عليها وشوفها لا تكون تعبانه وفعلا كسروا الباب لقوها واقعه تقريبا كانت خلصت صلاه لان السجاده كانت متطبقه في ايدها وهي واقعه
زهره…..طيب ولادها جم مصر يا سالم
سالم….لا ملحقوش طبعا يلاقوا تذاكر وابوهم قالهم هتيجوا تعملوا ايه هي خلاص اتدفنت خليكم في شغلكم
روح….بس ازاي علي الاقل ينزلوا يطمنوا علي ابوهم
سالم….هو اللي طلب منهم يفضلوا وقال ان كده كده فاضل شهر علي اجازتهم وينزلوا فا مفيش داعي ينزلوا الوقت وهي خلاص اتدفنت
مراد…..ربنا يصبرهم يارب
راجح….هي دي الغربه للأسف ربنا يصبر الراجل المهم يا سالم متسبهوش لوحده وشوف كل طلباته ولو محتاج اي حاجه متقصرش معاه
سالم….اكيد يا حبيبي اطمن
جلال…..القاعده وحشه من غير شمس والله
امير….اه والله ربنا يصبرها
روح….ان شاء الله تبقي زي الفل
سالم….يلا انا طالع اشوفها كده
ليلي…..لو صاحيه يا سالم هاتها ونزلها تقعد معانا بره في الهواء خليها تفك شويه
سالم….حاضر يا ليلي
ملك……ياريت حتي لو نايمه يا سالم صحيها ونزلها عشان متفضلش تفكر
سالم….تمام هروح اشوفها ولو كده هنزلها
روح…..طيب يا حبيبي اطلع يلا.
الساعه بقت 11 ومن الصبح عاصم مكلمش فريده ولا مره كانت مضايقه وعارفه انه زعل بس حاولت تبقي عاديه وتراضيه لما ترجع ركبت عربيتها عشان ترجع واول ما طلعت كلمته
عاصم……الو
فريده….ايوه يا عاصم اخبارك ايه
عاصم….تمام
فريده….فينك مختفي يعني من الصبح انت زعلان بقي وقررت حتي متطمنش عليا
عاصم….لا خالص بس كان عندنا شغل كتير طول اليوم انا لسه داخل اصلا من بره ومقلعتش هدومي حتي انتي كويسه
فريده…..اه الحمد لله ولسه طالعه الوقت بالعربيه
عاصم…..انتي هترجعي الوقت يا فريده
فريده….ايوه خلاص هقعد اعمل ايه بكره عندي شغل
عاصم……طيب تمام خدي بالك من الطريق مش هنام غير لما تعرفيني انك وصلتي
فريده……لا نام انت لو عايز لسه قدامي كام ساعه ولما اوصل هبعتلك مسدچ
عاصم…..لما توصلي كلميني انا صاحي
فريده…..طيب تمام يا عاصم لوكا كويسه
عاصم….اه بخير الحمد لله
فريده…..طيب بوسهالي وسلم عليها
عاصم…..يوصل ان شاء الله ركزي في الطريق وخلي بالك من نفسك
فريده….حاضر يلا باي
عاصم….سلام.
بعد حوالي ثلاث ساعات ونص وصلت فريده كان الفجر اذن اتصلت علي عاصم.
فريده….الو ايوه يا عاصم
عاصم…..ايوه يا فريده وصلتي
فريده….اه انا لسه داخله علي البيت اهو هاخد شاور وانام علي طول عشان فاصله خالص
عاصم….اوك حمد الله علي السلامه
فريده…..الله يسلمك نام بقي وارتاح
عاصم….اوك مش عابزه حاجه
فريده….لا سلامتك
عاصم….تصبحي علي خير
فريده…..وانت من اهل الخير
- يتبع الفصل التالي اضغط على (مملكة احفاد الطوبجي) اسم الرواية