رواية اللقاء الثاني الفصل التاسع و العشرون 29 - بقلم منة محمد
(((بحبك بكل الحنان اللي فيكي واحبك بكل الجنون اللي فيا)))
بسمله بصتله: انا مش ههرب لـ اي مكان ممكن توقف تراقبني ونام لك شويه يا جناب الحارس
اسامه ابتسم :لما تنامي انتي الاول هنام انا بعدك
بسمله: انا مش عايزه انام اصل انا لما بنام بؤي بيفضل مفتوح
اسامه ضحك خفيف: اظن شوفت المنظر ده كتير
بسمله برقت: بجد
اسامه :هو انتي خايفه من العمليه بكره
بسمله: شويه
اسامه بيلعب في خصل شعرها : كله هينتهي بعد ما تقومي من نوم عميق كأنك كنتي في حلم جميل
بسمله: حلم جميل
اسامه: اه افتكري الوقت لما كنا بنلعب مع الاطفال في الترعه ونمسك الفراشات فكري في الحاجات الحلوه
بسمله: فعلا عشنا اوقات جميله وذكريات حلوه
اسامه ضمها اوي: واوعدك اننا هنجمع ذكريات كتير بس اتحسني الاول واول ما تطلعي من هنا هاخدك كل يوم اعزمك ع كباب وكفته زي ايام الجامعه
بسمله بتحمس: طيب ما تاخدني بكره
اسامه :بكره بس خايف يجيلي عسر هضم لو اكلتي معايا
بسمله: هاخد بالي منك
اسامه :في حالتك دي بزمتك هتقدري
بسمله ضربته ع خده: خليني اشوف بشرتك لسه طخينه
اسامه: يابت اوعي ايدك انتي لسه عقلك صغير
بسمله ابتسمت وقالت: عارف لسه فاكره لما كنا في الجامعه كنا كل يوم نخرج ناكل سوي واوصلك بس بيتك كان بعيد
اسامه: لاء هو مكنش بعيد انتي الي سواقتك كانت بطيئه تعرفي لما كنتي بتوصليني وتيجي عشان تمشي كنت بفكر اخطفك واخدك تعيشي معايا
بسمله :وانا كان نفسي اوي اعيش معاك
اسامه: بس العيشه معايا كانت هتبقي صعب عليكي بعد القصر الي كنتي عايشه فيه
بسمله: العيشه هي الي من غيرك صعبه يا اسامه انا مقدرتش اعيش من غيرك انت كل حياتي
اسامه : وانتي معندكيش اي فكره انا بحبك قد ايه لما سبتيني كنت عامل زي المجنون وقلت انتهت علاقتي باجمل واحده عرفتها في حياتي
بسمله: كلامك بيخليني احب الدنيا والي عليها
اسامه : وانتي للروح حياه بعشقك بس هو مفيش حاجه نفسك تدوقهالي
بسمله : حاجه زي ايه
اسامه بوقاحه: طعم شفايفك الرمان
بسمله: ابعد يا مجنون
اسامه فضل يدغدغها ويضحك: هدقها ده مش بمزاجك ياحلوه
………………Menna Mohamed………
خالد نزل وبصلها بملل: انتي ايه الي جابك في الوقت البدري ده مش خايفه من امي
انغام بثقه: هي الي طلبت مني اجي لحد هنا
خالد بتعجب :هي
انغام هزت دماغها :ايوه اصل الموضوع متعلق ببنتنا الكبيره عندها حفله في المدرسه والمدرسه قالت انا وجدتها نروح نحضرها سوي
خالد : ايه الخدعه الي بتلعبيها المره دي عشان امي تجاريكي حاسه انك كده هتوصلي لغرضك
انغام :ايوه بعد ما سمعت انك بطلت تشرب ومكرس كل وقتك لشغلك ايه هي الستات بقت ممله فعشقت الشغل
خالد بستياء: انتي مش هتتغيري ومش هينفعك الي بتخططيه مع امي اني ارجعك وتعيشي معايا
انغام: انت مش عارف ابدا ايه الي ممكن يحصل الدنيا بتتغير في ثانيه
خالد: انغام
البنت نزلت بهيصه: ماما
انغام ضمتها: اميرتي الحلوه انتي اجمل من كل مره
………………..Menna Mohamed………….
يوم العمليه اسامه ماسك ايدها وهي في طريقها لغرفه العمليات
اسامه: بسمله مش عايزك تخافي ها
بسمله: انت متقلقش انا كويسه
اسراء طبطبت عليها: اهدي اكبر الجراحين هيكون موجود في عمليتك وده اشهر جراح متخصص بعمليات الرحم
بسمله: الف شكر ع وقفتك معايا
اسراء بصتله: ع فكره كان نفسي اقابلك
اسامه: ياريت تهتمي بحبيتي كويس جدا
اسراء: انا الي من المفروض اطلب منك ده هي شخصيه صعبه في الحقيقه
اسامه :فعلا شخصيه عنيده ومش سهله ابدا
بسمله كشرت فيهم :يعني بتتكلموا عليا انا لسه مخدتش حقنه البنج ع فكره
اسراء ابتسمتلها: يله نتحرك
اسامه ماشي معاها ومتبت ع ايدها: متشغليش بالك بأي حاجه خدي تعسيله لطيفه وكانك بتحلمي بامور حلوه اتفاقنا
بسمله: انت هتستني
اسامه: انا هفضل واقف هنا ومش متحرك غير لما تخرجي بالسلامه اتفاقنا
بسمله: اتفاقنا
اسامه حس كأنهم اخده روحه منه لما سحبوها وقفلوا الباب بينه وبينها
كادي داخله بتجري: اختي دخلت العمليه
اسامه :من خمس دقايق
كادي :انا سيبت شغلي وحصلت في الشركه فوضي
اسامه :خير ايه الي حصل
كادي: انا معرفش بالظبط بس سمعت ان الموضوع متعلق بشركه الانشائات بتاعتنا
……………قصص منه محمد كاتب…………………
بعد العمليه
اسراء خرجت: العمليه تمت بشكل كويس جدا كان فيه نزيف بسيط ولحقناه وحاليا مفيش اي حاجه تانيه تخوف
كادي: اختي هتكون كويسه مش كده
اسراء: متقلقيش كله تمام
اسامه: متشكر يا دكتوره ع شغلك القاسي
اسراء: مفيش داعي تشكرني بسمله اختي
كادي: وايه الي هيحصل بعدين
اسراء: هنشخص حالتها ونتابع مفيش داعي تقلقوا خالص
بسمله اثناء كلامهم طلعت من الغرفه ع السرير وكادي اطمنت عليها وقعدت معاها ساعات وروحت اما اسامه قعد قدامها يمسح عرقها ويكلمها: انتي فين دلوقت قادره تسمعي صوتي ازاي قدرتي تنامي طول الوقت ده حتي لو انا الي طلبت منك كده ارجوكي قومي يا حبيبتي احنا عندنا احلام لازم نحققها سوي مش كان نفسك تفتحي فرع تاني لفندق الجوهره وتشوفي الشجره الي شبهك في الامارات ( ضم ايدها لحضنه_ ارجوكي خليكي معايا وانا هكمل الي باقي من عمري معاكي ياروح قلبي
اسامه قام وراح اقتحم مكتبها: هي مراتي هتفوق امتي من ده هو مش المفروض تفوق من ساعتين
اسراء بهدوء: انا مراقبها في الكاميرا بستمرار لكن حاليا مفيش في ايدي اي حاجه اعملها
اسامه بنرفزه : يعني المفروض الي نعمله نقعد ونستني دي اسمها الا مبالاه
اسراء بشويه حده: اسامه انا صاحبه بسمله وحقيقي عايزه اشوفها متعافيه اكتر من اي حد تاني
اسامه اخد نفس : انا اسف اعذريني غصب عني
اسراء:بسمله هتفوق
اسامه بخنقه: عارف بس انا متوتر لان مفيش في ايدي اي حاجه اعملها
………….Menna Mohamed…………..
ع الطبليه
خليل: سمعت انك بتدوري ع شغل ليه مترتحيش شويه ليه مستعجله ع التعب والشقي
زينب: لو اشتغلت مش هفضل افكر في حاجات مفيش منها فايده غير كده مقضيه يومي كله نوم والشغل هيساعدني اخرج من الحاله دي بالتأكيد وكمان مؤمن يتجوز عشان اعرف اعيش معاك ع طول
خليل: اكيد منا مش هسيبك تتجوزي من واحد مريض نفسي مسكين لازم احطك في جيبي
زينب ضحكت : فعلا
مؤمن بستياء: بجد دويته غبي بين الاب وبنته
خليل: ايه دويته
مؤمن : زينب انتي الي واحده مسكينه من وجهه نظري
زينب: ليه بتقولي كده
مؤمن: اصلك لو ناويه تشتغلي ع الاقل اشتريلك شقه ولا اي حاجه اصل ازاي تسيبي عيله ثريه وتطلعي ايدك فاضيه ودلوقت بتدوري ع شغل
زينب بغضب: مؤمن اسكت
مؤمن: انا اخ فاشل وانا عارف انك بتعاني من جواكي وهو عايش حياته ولا اتاثر
خليل: يابني الناس طبيعي يعيشوا حياتهم واختك هتعيش حياتها زي ماهي عايزه ده قدرها
زينب بطاعه: فعلا
خليل: يله ناكل بسم الله
…………………Menna Mohamed………………..
في الشركه
اسامه :في ايه يا ابراهيم بيحصل في الشركه
ابراهيم بضجر: الشركة هتعلن افلاسها وبيوتنا هتتخرب يا اسامة
اسامه: اهدي وفهمني ايه الي حصل
ابراهيم: المستثملرين متوترين من الي بيحصل
اسامه: يعني عايز تقول ان الشركات التانيه هتنهي عقودها وتعاملاتها بالتسلسل
ابراهيم بقهر: مش بس كده شركه خالد بتخطط لحاجه
اسامه :هو لسه ابن الافعي ده لسه بيحوم حوالين بسمله
ابراهيم: ايوه انا متاكد هيشن حمله كبيرة ضدها ويحرض الشركات تسحب شغلها اصلي سمعت اشاعه بتقول انه هيشتري اسهم الشركه
اسامه :هو عايز يدمرها بس انت راقب اتجاهات الاسهم
ابراهيم :ماشي بس احنا بجد محتاجين المديره بسمله هي الي هتحل كل ده بس مش عارفين نوصلها وده مجنني
اسامه توه الموضوع وقاله : هو انت مش كنت عايز تقولي حاجه صح
ابراهيم: اه المديره سابتلك الظرف ده معايا قبل ما تمشي وطلبت مني ادهولك في حاله ان الشركه تتعرض لـ اي خطر
اسامه فتح الظرف وفتح الرساله: لو كنت بتقرء الرساله دي معناه امر من اتنين بأن امر طارئ حصل للشركه وانا في وضع ميسمحليش اتولي الامر ارجوك متزعلش من كلامي منا مش عارفه العمليه هتنجح واقوم منها ولا لاء وعشان كده هطلب منك خدمه ومفيش غيرك قدها احمي الشركه بأي طريقه ممكنه وبالنسبه لصلاحيتك وسلطتك انا سبت اوامر لـ ابراهيم في رساله مع رسالتك انا اسفه حبيبي انا عارفه ان الطلب ده كبير بس انت قدها تحمي شركتي بالنيابه عني
اسامه فتح الموبيل وجاب صورتها وكلمها وقال بدموع تسيل من عينه: انا عارف ايه الي بتفكري فيه بس اوعدك اعمل كل جهدي واحمي شركتك في المقابل عايزك توعديني بحاجه واحده بس ارجعيلي من المكان الي روحتي فيه وارجعي لوعيك ارجوكي حبيبتي انا محتاجلك
………Menna Mohamed……………..
انغام: انا هبعت لوحات هدايا لبيت وكيل النيابه ومراته ع انه اهتم ووقف مع خالد في التحقيق
فوقيه: بنت حلال ده انا كنت محتاره اختار هديه نوعها ايه بس شلتي الحمل عني
انغام: اصل انا شاطره اوي في اختيار الهدايا
فوقيه: تمام ابعتيها واتاكدي انها وصلت
انغام: طبعا انا اعرف معرض بيبيع لوحات انما ايه تحفه تعالي نروح وتنقي منه براحتك وكلها لوحات غاليه متقلقيش
فوقيه: خلاص نروح وتعرفي انتي اكتر واحده تليق لخالد ابني لانك مهتمه بيه انتي مش شبهه زينب الي كانت هتجنني بتصرفاتها
خالد دخل وبصلهم: حلوين اوي وانتك مع بعض ومين الي قالها انها المناسبه ليا
فوقيه: ايوه هي ام بناتك وهي ست عظيمه
خالد بسخريه: وهي العظيمه بتزور بيت طليقها وهي بترسم تفرض نفسها عليه
فوقيه بعصبيه: هي احسن من واحده باعت اما انغام بتحاول بشتي الطرق تقف جنبك وتساعدك
خالد: ماما من فضلك
انغام بصتله بغيظ جامد:لاء متتخانقيش معاه هي مش اول مره اشوفه يتكلم معايا بالشكل ده خلاص اتعودت
خالد بصلها بغيظ وسابها وطلع غرفته وهي زقت الباب ودخلت وراه وحطت ايدها ع الجرافته
خالد مسك ايدها: انتي عايزه تلعبي معايا
انغام لفت بعيونها: كل حاجه في اوضتنا اتغيرت بس هي امك الي اختارت ذوق العفش
خالد بتريقه: ليه عايزه تيجي هنا لانك معجبه بالديكور
انغام ضحكت: هو ممكن
خالد: انغام متعيطيش بعد ما تكبي اللبن
انغام: ليه بتحاوز ترجعها وتعيش معاك
خالد شاور ع نفسه : انا
انغام: متحاولش تستعبط اصل هيبقي عيب اوي في حق خالد الدنجوان الي مقطع السمكه وديلها يتوسل لواحده ست هجرت قلبه وسابت بيته
خالد: ايه الي بتخططيه مع امي
انغام: انا عندي اسبابي انا ام بناتك
خالد: تمام اهتمي بيهم وبطلي نتزعجيني
انغام اتكت ع اسنانها لما سابها ودخل الحمام وقالت: طيب يا خالد انا وانت والزمن طويل
……………….Menna Mohamed……..
في غرفه الاجتماع
ابراهيم: المدير اسامه هو الشخص الي هياخد مكان المديره بسمله مؤقتا وهو الشخص الي دعمها في نجاحها واخد فندق الجوهره ودخل الاسواق عندنا الاكلات اللايطاليه وهو الي اشترالها ارض المنتج والمديره سابت الاداره تحت مسؤليته ع حل المشكله الي احنا فيها وطالب من كل مستثمر المسانده مع المدير اسامه وفريقه ننقذ الشركه
شخص: وانت عايز مننا توكيل نسلم بيه رقبتنا للشخص ده عشان سابت رساله
شخص تاني: هي فين المديره بسمله عشان تبعت لنا بديلها في الوقت الصعب ده
اسامه قام وقف وقال: انا عارف ومتفهم سبب قلقكم ايا كان انا كمان قلقان جدا بخصوص الشركه بالظبط زيكم بس اوعدكم هبذل كل جهدي واحل الازمه بما ان المديره بسمله سابت لي القرار للمهمه دي رجاء ثقوا فيا
شخص: مش انت نفس الراجل الي كان متورط في الاشاعه مع المديره بسمله
راجل بتريقه: شركتنا مش مكان للحب والرومانسيه
اسامه بجديه: الاجتماع معمول مش عشان ننقاش فيه علاقتي بالمديره والي المفروض تشفوه دلوقت هو الخطر الي بيتعرض ليه شغلكم وشركه المنافس خالد المندور بتسعي تسيطر بعدائيه واحنا لازم ننقذ وضعنا الحالي
رؤف دخل ووراه البودي جارد وقرب وشاورعليه: انت
اسامه بصله بهتمام : نعم يا رؤف بيه
رؤف: فعلا شركه خالد بتلاحقنا
اسامه: ايوه هو كده ولازم نلاقي حل للوضع ده بأسرع ما يمكن
رؤف حط ايده ع كتفه بحنان وقاله بدموع بتلمع في عينه : لو كان ده طلب بنتي اظن كلنا لازم ننفذ اوامرها احمي شركتنا واحمي مراتك بأي طريقه ممكنه
اسامه: وانا هعمل كل استطاعتي
رؤف: وخالي بالك من مراتك وحطها في عنيك يا اسامه
………منه محمد كاتب……………
زينب: انت جاي ورايا هنا ليه
خالد بصلها: ارجوكي اقعدي
زينب: انا مش سيبتك وخلصنا يا خالد
خالد: طيب اقعدي بس الاول انا هنا عشان اسمعك الاخبار الجديده
زينب: وانا مش مهتمه
خالد: ده عشانك يا زينب لو سمحتي اقعدي
زينب قعدت وقالت بضيق: بصراحه انا مش مرتاحه اقابلك فجأه وبالطريقه دي ارجوك متتصرفش معايا بالطريقه دي تاني ممكن
خالد: وانا جيت هنا عشان ابلغك امنيتك ع وشك تتحقق
زينب عاقدت حواجبها :امنيتي
خالد : هو انتي نسيتي ولا ايه انا بتكلم عن امنيتك ووعدي ليكي الي قطعته ع نفسي بسمله وشركتها هتعلن افلاسها قريب واسامه هيقع معاها اسامه رجع يدير الشركه بأمر من بسمله وطبعا هو وهي مش مبسوطين زي منا مبسوط
زينب: ممكن تبعد عنهم وكفايه لحد هنا ورجاء متأذيش اي حد ولا تأذي نفسك اقف هنا
خالد: انتي الي طلبتي ابدء اللعبة ودلوقت بتحاولي تباني ملاك ليه محسساني اني شيطان رجيم
زينب: انا اسفه غلطت وجريتك تعمل فوضي وندمانه عليها طول حياتي
خالد: يعني هتنسي الي عملهوه فيكي هما الاتنين
زينب: انا عمري ما هسامحها ابدا بس خلاص هي الي كسبت واكتشفت ده متأخر
خالد: كل ده عشان لسه ليكي مشاعر ناحيه اسامه بتحبيه مش كده
زينب: اطلاقا الموضوع مش كده
خالد: يعني انتي مش مهتمه حتي لو دمرت حياته وهرجع اسألك لسه بتحبيه
زينب: اظن وضحت وجهه نظري كذا مره في الموضوع ده وانت فكر زي ما تفكر
خالد: انتي كدابه
زينب قامت وطلعت تجري ع بره وهو جري ووقف قدامها
زينب: لو سمحت خدلك جنب
خالد: هو انتي مفكره نفسك العالم كله بيلف ويدور حواليكي هو انا خلصت كلامي
زينب بنفعال: انت عايز مني ايه
خالد: ترجعيلي ولما ازهق منك وامل واطلب منك تمشي ابقي امشي وقتها
زينب: انت اتجننت
خالد: انا مستعد اقدملك اي حاجه وكل حاجه فلوس مجوهرات واستعمتي بالحياه انتي مش هتخسري حاجه ابدآ هعيشك ملكه
زينب: وانا قلت لك انا مش بحب الفلوس
خالد: حبيني بدالها
زينب بحتقار: انت واحد مسكين
خالد: لاء انتي المسكينه وانا بعرض عليكي فرصه لاني بشفق عليكي
زينب زقته من قدامها ومشايه وهو مسك دراعها صرخت فيه: انت جرالك ايه
خالد اتك ع دراعها بحقد : مسمعتيش الي قلته انا الي هقرر امتي ينتهي الي بينا
مؤمن جري شد ايده من عليها : سيب ايد اختي ليه مصمم تزعجها
خالد ابتسم ببرود: اهلا وحشتني يا نسيبي
مؤمن بحتقار: مين هو الي نسيبك يله بينا يا زينب انا جعان
خالد: احنا لسه مخلصناش كلامنا
مؤمن: وانا بقولك مضايقش اختي تاني الفقيره القبيحه روح اللعب مع ملكات الجمال محدش هيحوشك
خالد ابتسم بسخريه لاذعه: مبقوش نوعي المفضل ماتروح انت
مؤمن بتهديد: خلينا منتقابلش تاني ابدا
- يتبع الفصل التالي اضغط على ( رواية اللقاء الثاني) اسم الرواية