رواية انت مرادي الفصل التاسع والعشرون 29 - بقلم يارا ابراهيم
عند يارا...........
بعد ما طمنتهم الدكتوره دخلوا كلهم ليارا ووقف مراد جنبها وقال..........
مراد بحنية:/أنتي كويسه دلوقتي.
بصت لي مراد وهي مستغربه وجوده وهو عرف إزاي بس سكتت وإكتفت بهزر راسها بصلها مراد بحزن علي حالها فهو عمره ما اتمني انها تعيش الألم ده..............
لاحظت يارا وقوف غيث بعيد وهو عنيه كلها دموع استغربت ونادت عليه.......
يارا:/مالك يا غيث واقف بعيد ليه تعالي.
غيث قرب وقال:/نعم.
يارا:/يا غيث يا حبيبي أنت مش ليك ذنب الغلط كله مني إني اكلتها واني عارفه انه عندي حساسيه منها بس اعمل ايه الح.
قبل ما تكمل كلامها حطت هنا إيديها علي بوقها بسرعه وقالت............
هنا:/الدكتوره قالت مش تتكلمي كتير علشان مش تودينا في داهيه.
خبط يوسف علي راسه من غبائهم وقال............
يوسف:/منكم لله انتم الاتنين ماحدش فيكم يتكلم.
كان واقف مراد وعمر وهما مش فاهمين حاجه بس قرروا مش يتكلموا دلوقتي............
بعد ما خلصوا اوراق الخروج راحوا لأوضه يارا علشان يمشوا قرب غيث وكان لسه هيشيل يارا بس قرب مراد فجأة وقال............
مراد:/متقربش منها أنا هشيلها.
يارا ما صدقت انه قال كده فهي بقالها زمن مش حضنته ولا شمت ريحته اللي بتعشقها شال مراد يارا واتجهوا للعربية وركبوا................
****************************
في لندن................
كان كلهم قاعدين في توتر مستنين ال24 ساعه تعدي بأقصي سرعه علشان يطمنوا علي ليلي اللي تعبت وروحهم تعبت معاها كانت قاعده نرمين ماسكه المصحف وهي بتقرأ فيه وبتعيط بشده وبتدعي ربنا انه يقوم أختها بالسلامه؛ أيوا اختها ماهو نرمين مش بتعتبر ليلي صاحبتها بتعتبرها اختها، وكانت قاعده كامليا هي و البنات جنبها بيحاولوا يهدوها حالهم لا يقل عنها بس نريمن كان أكتر بكتير منهم.......
وعلي الجهه الأخري جورج؛ كان حراسه واقفين بيبصوا في صدمه عمرهم ما شافوا الضعف اللي فيه ده كله؛ جورج هرسن اللي كل انجلترا بتعمله حساب واقف وفي عيونه كل الضعف ده لا ده كده شكله وقع وماحدش سمي عليه.......
************************
عند يارا...........
كانت راكبه جنب مراد في العربية بعد ما كلهم ركبوا العربية بس مراد ركب هو يارا لوحدهم في العربية، كانوا ماشيين بس فجأة لاحظة يارا إن ده مش طريق الفيلا ولا حتي فيلا مراد أستغربت بس هي كانت واثقه فيه وعارفه ان كل العالم ممكن يأذيها ماعدا هو حطت إيديها علي بطنها وابتسمت بدموع كان مراد قاعد واخد باله من كل حركة بتعملها ولما شاف الدموع في عنيها وقف العربية وبصلها، فبصت يارا بإستغراب بس أتفاجأة بيه بيضمها لحضنه بحنان وبيتكلم بدموع..........
مراد:/من أول يوم جواز لينا كنت بحلم باليوم اللي أشيل حته مني بين أيدي بس عارفه ليه.
هزة يارا راسها بالراحة فكمل كلامه وقال........
مراد:/علشان هيكون منك وشبهك بس وبعد ما اخيرا ربنا استجاب لينا اكتشف أنك حامل واكتشف برده موت ابني في نفس اليوم.
كان مراد بيتكلم بوجع كبير في صوته بادلته يارا الحضن وفضلت تطبطب علي ضهره وهي حزينه جدا عليها مش كانت مستحملة اللي بيحصل وكانت هتضعف وخلاص هتقوله أن ابنهم مامتش وانها لسه حامل بس فجأة لقوا حد بيخبط علي باب العربية فأنتفضت يارا بسرعه ومسح مراد وشه وبص يشوف مين لقي عمر فقال...............
مراد:/أنا عملت إيه بس في حياتي علشان كل شويه تطلعلي كده.
عمر:/ههههههه باجي في الأوقات المناسبة بالظبط صح 😂.
مراد:/عايزه إيه يا عمر أنا مش ناقصك مش كفاية مراتك عليا.
عمر:/طب بذمتك مش لايقين علي بعض.
مراد بقرف:/سبحان الله الطيور علي أشكالها تقع.
ضحكت يارا فبصلها مراد بحب فاتكسفت ولفت وشها للناحيه التانيه فقال عمر..........
عمر:/علي العموم احنا لقيناك غيرت الطريق فجأة فأفتكرت انك اتلخبط بس شكلك خلبوص وناوي ترجع البطة.
شده مراد من إيده جامد وقال بغيره مفرطه.....
مراد:/بتقول ايه؟ عيد تانى كده.
عمر بتأتأة:/بقول هروح اشوف هنا علشان نروح.... خلاص سيب ايدي هتتكسر.
مراد:/عارف يا عمر لو جبت سيرتها بس علي لسانك تاني تنسي أنك تعرفني بس هروقك الأول.
عمر:/للدرجه دي خلاص يا باشا أنا غلطان وسع بقي اله.
سابه مراد وبعدين بص لي يارا اللي كانت شارده بتفكر فقال..............
مراد:/كنتي عايزة تقولي إيه عمر مشي خلاص.
يارا:/ها بتقول حاجه.
مراد:/كنتي عايزة تقولي إيه.
يارا بتوتر:/هو أنا قولت إني عايزة أقول حاجه.
مراد:/أنا مش مستني أنك تتكلمي كفاية عنيكي اللي أول ما بتشوفني بتشتكيلي من اللي بتعمليه.
سكتت يارا ومش ردت فاتنهد مراد بحزن ومشي بالعربية وبعد وقت ، وقفل بالعربيه قدام قصر كبير جدا نزل مراد وراح يفتح لي يارا العربية وشالها وهي مستسلمة تماما وقف مراد ونزلها قدام بوابة القصر وده كله ويارا مش فاهمه ايه اللي بيحصل وايه اللي جابهم هنا بصتله بإستغراب فإبتسم وشاور علي جهة بصت يارا مكان ماهو بيشاور وقرأت بصدمة «أنت مرادي» رجعت بصتله بصدمة فقال........
مراد:/ايوه يا يارا ده القصر اللي كنا متفقين نعملوا وكنت عامله مفاجأة ليكي بس انتي شوفتي اللي حصل.
هزة يارا راسها بدموع فقال مراد..............
مراد:/خلاص بقي وربنا انا حايش نفسي عندك بالعافية.
ضحكت يارا فقال مراد.......
مراد:/اللهم طولك يا روح.
قرب مراد ويارا من البوابة اللي اتفتحت فورا وقال واحد من الحرس........
الحارس:/القصر نور بيكم يا باشا.
مراد:/شكرا يا سيدي.
دخلوا القصر كان في جنينه كبيرة أوي خاصه بيهم بس وحمام سباحه قربوا اكتر ودخلوا جوا القصر وانصدمت يارا من جماله كل حاجه فيه علي الطريقة العصريه، كان فخم لدرجه كبيرة
كانت يارا واقف مصدومه لسه فاكر كل حاجه تخصها، لسه فاكر هو مش نسي اصلا علشان يفتكر كان حاجات كتير بتدور في دماغها بس قاطع تفكيرها مراد وهو بيقول...........
مراد:/ عجبك القصر.
بصت يارا وقالت بدموع............
يارا:/اوي.
مراد ابتسم لي يارا وقال بضحك.............
مراد:/لا ولسه أوضة النوم هتعجبك أكتر.
بصت يارا لمراد ورفعت حاجبها فقال مراد.........
مراد:/اله هو ماينفعش حد يهزر معاكي ولا ايه.
سكتت يارا فقال مراد........
مراد:/كملي لحد ما اعمل مكالمه واجي.
***************************
في لندن..........
كان كلهم قاعدين في أوضة ليلي وجورج كان ماسك ايديها وبيبص عليها وفجأة حس بحركة ايديها ولقها بتفتح عيونها براحه وهي بتقول بهمس وصل لمسمعه............
ليلي:/عمرو...... عمرو.
كلهم استغربوا مين عمرو اللي بتنادي عليه ليلي وبصوا كلهم ناحية جورج لقوه بيبتسم هما كانوا في حالة صدمه ومش فاهمين، بدأت ليلي تفوق وأول وما شافت جورج حضنته جامد وهي بتقول بدموع.........
ليلي:/آسفة والله آسفه مش تزعل مني أنا عارفه إني غلطانه.... علشان خاطري يا عمرو مش تزعل.
ابتسم جورج وبادلها الحضن بلهفه وهو بيقول......
جورج:/خلاص يا عيوني مش زعلان وانتي مش تزعلي مني وخلينا نبدأ صفحة جديدة.
هزة ليلي راسها وتمسكت بحضنه اكتر ده كله وهما واقفين مش فاهمين حاجه بس بدأوا يسلموا عليها، وبعد ما البنات خلصت جه دور الولاد واللى اول ما حاولوا يقربوا بصلهم جورج بنظرات نارية فقالوا هما الاتنين في نفس واحد.......
الاتنين:/الف سلامه يا مدام ليلي، ويلا بالسلامة احنا قبل ما نتهرس هنا عايزه حاجه.
بصلهم جورج بحدة اكتر فقالوا.......
الاتنين:/مش عايزين نعرفك تاني يا ليلي.... كده تمام.
هز جورج راسه وهو بيبتسم اما ليلي والبنات فضلوا يضحكوا وقالت ليلي.........
ليلي:/فين يارا وهنا هما مش يعرفوا.
نرمين:/يعرفوا وحجزوا والمفروض كان يوصلوا بس مش عارفه في إيه.
ليلي:/طيب احجزي وهننزل كلنا مصر بكرا وخلي حسن يدي الموظفين اجازة.
نرمين:/بلاش اجازة واستني نعرف يارا الأول علشان انتي عارفه انها مش بتحب الاجازات.
ليلي:/اه صحيح نسيت... طيب ماشي بس قوليله يخلي باله من الشغل.
نرمين:/تمام.... همشي أنا دلوقتي علشان الحق احجز وهرجعلك تاني.
ليلي:/خلاص ماشي.
مشيوا كلهم وبصت ليلي لجورج اللي قال..........
جورج:/كان لازم تقولي الإسم يعني.
ليلي:/اله مش جوزي اقول اللي انا عايزاه ولا عندك مانع ها.
جورج:/لا ياختي مش عندي مانع وبعدين تعالي كده في حضني بقالك مده بعيدة عن حضني.
نامت ليلي في حضن حبيبها اللي عمرها ما توقعت انها تحبه بس هو جه في ثانيه سرق قلبها وعقلها....................
*********************************
عند يارا ومراد............
كانت يارا قاعده وحاط اديها علي بطنها وبتتوجع، خلص مراد المكالمة وايجي وأول ما شافها جري وقعد قدامها وقال...........
مراد بفزع:/مالك في ايه تعبانة حاسة بحاجه ردي عليا طمنيني.
يارا:/انا كويسه ماتخفش.
مراد:/لا انا هطمن لما نروح المستشفى يلا قومي.
يارا:/مش عايزة والله انا كويسه بس... ا انا جعانة.
مراد:/جعانة بس.
يارا:/اه مش تقلق.
راح مراد يقول للعاملة تعمل اكل ليارا ويارا بصت لبطنها وهي بتقول..........
يارا:/اله كده هنتفضح ينفع مش تتحرك بعد اذنك علشان ابوك عنيد وبعد كده هيودينا المستشفى.
جه مراد وهو بيقول...........
مراد:/بتتكلمي مع مين.
يارا:/لا مافيش قلقانه علي هنا بس.
مراد بقرف:/قلقانه علي مين.... ده ربنا يكون في عون عمر دي ممكن لو جاعت تكله.
يارا بضحك:/ههههه لا في دي عندك حق.
مراد سرح في ضحكتها لاحظت يارا سرحانه واتكسفت جدا وقامت علشان تطلع وهي بتقول.....
يارا:/أنا هطلع أنام عايز حاجه.
مراد بجدية:/عايزك..!
يارا بإستغراب:/عايزني إزاي مش فاهمه.
مراد:/عايزك ترجعي يارا اللي حبيتها اللي قلبها أبيض وبتسامح وبالاخص حبيبها مراد عايزها ترجع لاني عارف انها موجوده.
يارا:/مراد أنت السبب ماحدش قالك اكذب عليا كان ممكن تقولي ونخطط سوا بس أنت عملت العكس وبهدلت الدنيا أكتر عموما العتاب مالوش لازم دلوقتي.
خلصت يارا كلامها ولفت علشان تتطلع بس فجأة رجليها إزحلقت وووو.
ياتري إيه اللي هيحصل لي يارا والبيبي وياتري رد فعل ليلي وصحابها علي اللي حصل لي يارا كل ده هنعرفه من خلال الأحداث..!
•تابع الفصل التالي "رواية انت مرادي" اضغط على اسم الرواية