رواية مملكة احفاد الطوبجي الفصل التاسع و العشرون 29 - بقلم اميرة اسامه
قفلت فريده مع عاصم ودخلت خدت شاور وخرجت نزلت علي تحت تتأكد ان كل حاجه مقفوله وكانت حاسه انها جعانه فا راحت علي المطبخ عشان تعمل اي ساندوتش وتطلع بعد كده تنام
كل حاجه كانت تمام والدنيا هاديه عملت الساندوتش وطلعت علي فوق وهي بتاكل سمعت صوت موبايلها بيرن جريت بسرعه علي السلالم ودخلت اوضتها بصت علي الموبايل لقت نفس الرقم اللي كلمها لأول مره تحس انها خاېفه وقلبها بيدق جامد فضلت باصه علي الموبايل ومش قادره ترد الجرس فصل
سابت الساندوتش من ايدها وهي عينها علي شاشه الموبايل وقلبها بيدق جامد ثواني وجسمها اتنفض لما رجع الاتصال من اول وجديد.
خدت نفس طويل وقررت تتخلي عن خۏفها وترد وتعرف هو مين ده وعايز ايه.
فريده…..الوووو
حمد الله علي السلامه
فريده…..بإستغراب من بروده حمد الله علي السلامه
هو مش الواحد لما بيرجع من سفر بيتقاله حمد الله علي السلامه ولا بيقولوا حاجه تانيه
فريده…..هو انا ممكن افهم انت مين وعايز مني ايه علي فكره انا كان ممكن اقدم فيك بلاغ برقمك ده بس انا مرضتش اكبر الموضوع واعتبرت اتصالك مقلب من شخص تافهه
طيب ليه بس كده
فريده….ليه هو مبدأيا انا عايزه افهم ايه البرود اللي انت فيه ده انا بسببك قضيت ليله زي الزفت و ضيعتلي يومي كله في السفر عشان اروح بنفسي و اطمن ان مفيش اي حاجه حصلت في الصالون وانت بكل برود بتكلمني الوقت
طيب مبدأيا كده انا حابب اتأسفلك علي تعب أعصابك وعلي الطريقه اللي خوفتك بيها صدقيني انا مكنتش قاصد وعايز اقولكم كمان ان انا والله العظيم لا تافهه ولا بعمل فيكي مقلب
فريده…..امال مكالمتك كان وراها ايه وانت مين اصلا جبت رقمي منين وليه عملت كده
انا حد انتي متعرفيهوش وتقدري تقولي ان الهدف من مكالمتي هو اني اشوفك وتيجي اسكندريه و عشان انا عارفك وعارف انك مش هتقدري تقعدي غير لما تيجي. وتطمني بنفسك كلمتك وفعلا جيتي زي ما توقعت
فريده……لما واحد يتصل بيا في نص الليل ويقولي الفرع بتاعك ۏلع وجمبك صوت مطافي تفتكر اي حد مكاني مش هيجي ويطمن بنفسه وبعدين انت عارفني منين عشان تعرف انا هتصرف ازاي وليه اصلا عايز تشوفني
اولا مش اي حد ممكن لو جاتله مكالمه زي دي يسافر ويجي يطمن بنفسه خصوصا اني كنت واثق انك هتتأكدي من التيم بتاعك إذا كان في حريقه ولا لأ غيرك لو اطمن مكانش جه بس انتي غير اي حد يا فريده جيتي عشان تطمني علي ارواح الناس اللي بتشتغل معاكي وارواح الناس اللي حوالين المكان انتي مجتيش عشان تطمني علي الفرع لانك إنسانه زياده عن اللزوم وطيبه اوي
فريده….انت مين انت عشان تقول عليا طيبه او إنسانه تعرفني منين
اعرفك بقالي فتره يا فريده وصدقيني لما كلمتك والله لا كنت قاصد اخوفك او اسببلك إزعاج زي ما قولتلك كنت عايز اشوفك وبس
فريده….بعصبيه تشوفني ليه اصلا وبعدين هو اللي عايز يشوف حد بيقلقه بيعمل فيه مقلب زي ده
يمكن الطريقه كانت غلط بس ملاقتش غيرها
فريده….انت مين وعايز مني ايه
انا حد والله ما تعرفيه بس لو اقدر اعرفك بنفسي فا انا حد معجب بيكي و بيحبك
فريده….انت اكيد مختل
لو ده اللي فهمتيه من كلامي يبقي انا مختل
فريده…..بص انا مش عايزه اضيع وقتي معاك اكتر من كده بس انت موترني ومش مرتحالك ولاخر مره بحذرك ابعد عني عشان هاخد معاك إجراء قانوني وصدقني هتندم عليه
هو انا عايز اعرف بس انتي مضايقه اوي كده ليه لو علي الطريقه اللي جبتك بيها فا انا اسف بجد ولو علي كلامي الوقت فا بردوا انا اسف بس ده اللي جوايا
فريده…..هو انت مش واعي للي بتقوله مش شايف انه غريب وممكن تروح في ستين داهيه لو بلغت عنك
صدقيني اخر همي اني اتأذي علي ايدك انا كنت حابب اشوفك
فريده….تمام واما انت حابب تشوفني وعارف اني سافرت وجيت اسكندريه مجتش ليه تكلمني
عشان مكنتيش هتديني فرصه وكنتي هتتعصبي عشان الطريقه اللي جيبتك بيها
فريده…..كويس والله انك بتحس وعارف ان اللي عملته ده غلط ويعصب
فريده انا كان كل همي اني اشوفك وبس وشوفتك
فريده…….ممكن افهم انت عايز مني ايه
صدقيني مش عايز منك اي حاجه ولا حابب اضايقك مش بردوا اللي بيحب حد مبيحبش يشوفه مضايق
فريده….پغضب بتحبني ايه يا بني ادم هو انا اعرفك
لا بس انا اعرفك يافريده بقالي فتره طويله هتقولي عليا بقي مختل مچنون مش طبيعي بس من وقت ما شوفتك وانا مش قادر انساكي في البدايه كان مجرد إعجاب بست جميله ناجحه و طموحه ليها شخصيه قويه شوفتك كام مره في إسكندريه وقت افتتاح الفرع كنت بفضل قدام المكان في عربيتي بالساعات عشان اشوفك كنت بروح و باجي وراكي لما كنتي تطلعي علي الفندق اخر اليوم طول ما انتي كنتي هناك كنت بلف وراكي ومن غير ما احس جيت وراكي وانتي راجعه علي القاهره وعرفت بيتك وعرفت مكان باقي الفروع بتاعتك انا كنت مستغرب من اللي بعمله اعجابي بيكي واهتمامي الزايد ليكي لدرجه اني لما ركزت لاقيت اني بفكر فيكي 24 ساعه في ال ساعه حتي في نومي مكنتيش بتفارقيني في احلامي واتأكدت وقتها ان الانا فيه ده مش مجرد إعجاب انا بحبك يا فريده وصدقيني والله العظيم مش قاصد اخوفك مني ولا عايزك تقلقي اصلا انا مش مختل يا فريده واخر حد ممكن يفكر يأذيكي انا بس تعبت وكنت حابب اعرفك كل اللي جوايا من ناحيتك
فريده…..پخوف حاولت تكون هاديه طيب لما انت جيت ورايا وعرفت مكان بيتي و باقي الفروع بتاعتي ليه مجتش وحاولت تقولي كل ده بدل ما تتصل وتقولي المكان اتحرق وتقلقني بالشكل ده
انا اسف علي الطريقه دي بس والله زي ما قولتلك هي دي الحاجه الوحيده اللي جات في بالي وهي دي الطريقه اللي كنت عارف انك هتيجي بيها اما بقي بالنسبه لي ليه مجتش ده موضوع يطول شرحه.
فريده….هو انت فاكر اني هديلك الفرصه تشرحلي ولا فاكر اني هتبسط بكلامك ده وفضولي هيخليني اشوفك وتشرحلي
لو حابه انا مستعد اما بقي لو مش حابه فا عادي يكفيني اني قولت كل اللي جوايا من ناحيتك
فريده…..وجودي في اسكندريه وقت افتتاح الفرع ووقت شغلي هناك فات عليه سنه وطول السنه دي كنت بروح وباجي اشوف شغلي وارجع وكلامك بيقول انك كنت متابعني طول الفتره دي اشمعني الوقت ده اللي حبيت تقولي فيه.
قولتلك الموضوع يطول شرحه
فريده…..وانا بقي مش عايزه اعرف اي حاجه ومش عيزاك تتصل بيا تاني ولو فكرت انك تتصل بيا او تضايقني تاني صدقني هاخد معاك إجراء بخليك ټندم علي اليوم اللي شوفتني فيه.
انا بس مش عايزك تكوني خاېفه ومتوتره كده وانتي بتكلميني انا اخر شخص ممكن ېخوفك يا فريده لاني بحبك
فريده…..پخوف انت مييييييين
طيب ممكن تهدي الاول
فريده…..اهدي ازاي انت بجد بوظت اعصابي وانا مش هقدر استحمل توتر الاعصاب ده اكتر من كده ورد فعلي مش هيعجبك
طيب من فضلك اهدي وانا مستعد اقولك كل حاجه الوقت في الموبايل لو حابه عشان متفكريش اني بعمل كده عشان اشوفك أو اقابلك
فريده…..لما انت جبتني اسكندريه عشان تشوفني زي ما بتقول ليه مجتش كلمتني ومتقوليش انك خۏفت اتعصب عشان مش هصدقك
عشان مكانش ينفع يا فريده
فريده….ليه ولما هو مش هينفع عملت فيا كده ليه
الاول ممكن اقفل معاكي واتصل عليكي ڤديو كول.
فريده…..لا طبعا مش هفتح معاك ڤديو واللي عايز تقوله الوقت قوله واخلص
صدقيني جزء كبير من كلامي هتفهميه لما تفتحي ڤديو
فريده…..تمام بس علي فكره انا الوقت سجلت كل المكالمه دي ولما تتصل هسجل الڤديو كمان عشان بس لو فكرت تعمل اي حاجه مش تمام هوديك في داهيه.
ضحك ضحكه هاديه مټخافيش يا فريده انتي متعرفنيش بس انا حد محترم ومليش في اي حاجه من اللي في دماغك دي
فريده……محترم صح لما تتصل بست تخوفها وتقلقها وتخليها تسيب كل حاجه وتجري تشوف المصېبه اللي انت اخترعتها يبقي محترم
قولي اي حاجه انتي حابه تقوليها ليكي حق في كل كلمه بس انا هفهمك كل حاجه صدقيني
فريده….تمام اقفل واتصل.
تمام ثواني وراجعلك سلام.
قفلت فريده من غير ما ترد عليه وهي متوتره وراحت علي البلكونه اللي في اوضتها تبص علي البوابه تحت كانت متوتره وحاسه انه ممكن يكون بيراقبها او موجود بس الدنيا كانت هاديه ومفيش اي حاجه.
ثواني واتصل ڤديو قلبها فضل يدق پعنف خدت نفس طويل وبعدين ردت.
الصوره اللي كانت ظاهره قدامها السماء و سور بلكونه و حواليها زرع الكاميرا كانت بتروح وبتيجي بيتحرك كتير وباين عليه التوتر فجأه لمحت البيوتي صالون بتاعها من بعيد اټصدمت وثواني بقت تفكر بسرعه المكان ده ممكن يكون فين بالظبط وانهي عماره وبتحاول تشوف المسافه اللي هو بيصور منها ممكن تكون كام دور عشان تعرف مكانه بالظبط والاهم انها اتطمنت انه مش موجود قريب منها وانه في اسكندريه.
انتي معايا
فريده……معاك.
ها بتسجلي
فريده….ايه بتفكرني ولا خاېف
لا خالص مش خاېف انا بفكرك عشان عايزك تطمني و متبقيش خاېفه مني وسجلي عادي
فريده….اطمن بسجل ويلا قول بقي الموضوع اللي يطول شرحه.
الموبايل ثبت في مكانه وفضل موجود علي البيوتي صالون بتاعها والشارع كله كان ظاهر وبدأ يتكلم وكان باين علي صوته صدق كلامه.
طيب مبدأيا كده خليني أعرفك علي نفسي عندك مانع
فريده….بهدوء اتفضل
أنا أسمي شريف الشيخ عندي 44 سنه عندي سلسله كافيهات معروفه في اسكندريه والساحل يعني لو تسمعي عنها اسمها بوباتي
فريده….پصدمه انت المالك بتاع بوباتي
شريف…..ايوه و كنت بشتغل طيار لحد من كام شهر بس للأسف مبقتش وتقدري تقولي اني أتفرغت لإداره الكافيهات.
فريده…..يعني طيار ومالك لسلسه كافيهات أسمها معروف ايه اللي يخليك تعمل معايا كده واوعي تقولي إعجاب والكلام ده
شريف….قولتلك مكانش قدامي غير الحل ده وعشان عايزك تطمنيلي اكتر بلاش نسميها إعجاب ولا حتي حب سميها اني مثلا حسيت أنك شبههي او ست جدعه محتاج اني اعرفها وتبقي في حياتي حتي لو مجرد صديقه.
فريده…..وتفتكر الصداقه ممكن تيجي بالخۏف
شريف…..مستحيل طبعا وانا مكانش قصدي اخوفك والله العظيم صدقيني
فريده….طيب كمل
شريف….انا شوفتك اول مره كان قبل أفتتاح المكان بتاعك بحوالي أسبوع كنتي ديما موجوده في المكان بتتابعي الشغل بتاعك مكدبش عليكي لفتتي نظري ست حلوه وجميله و واقفه علي ايد العمال بطولها دخلت علي السوشيال ميديا كتبت أسمك والحقيقه اني اټصدمت اول ما كتبت اسمك كل صورك ظهرتلي وعرفت انك ميك اب ارتيست معشهوره ليكي صور مع ممثلين كتير موجوده في مهرجانات و إيڤينتات مهمه و اعذري جهلي لاني مكنتش اعرفك انا أبعد مما يكون عن المشاهير و العالم ده بحكم شغلي انا تقريبا كل اسبوع او كل اربع ايام في بلد غير البلد
بس لما عرفت انك حد جامد في شغله كده اهتمامي بيكي بدأ يزيد اليوم اللي شوفتك فيه للأسف كنت وقتها عندي رحله ومسافر سافرت اربع ايام ورجعت بس طول الايام دي مش عارف ليه صورتك مكانتش بتغيب عن بالي ولا حتي السيرش عنك قدرت اوقفه رجعت وفضلت متابع المكان بتاعك وشوفتك تاني يوم وكنت تقريبا وراكي طول ما انتي هنا لحد الأفتتاح كنت مبسوط عشانك الدنيا كانت مقلوبه في المكان عندك ويومها بعتلك ورد وباركتلك مكتبتش اسمي واكيد انتي مخدتيش بالك اصلا
مشيتي تاني يوم بليل وكان معاكي ناس في العربيه اعتقد جزء من التيم بتاعك وكان في وراكي عربيه تانيه تبعك فيها ناس بردوا حاجه قالتلي روح وراها عرفت من كلامكم انك مسافره علي القاهره
وسافرت وراكي عرفت مكان بيتك ورجعت علي طول لاني كان عندي رحله تاني يوم الصبح مش عارف ليه عملت كده بس كنت مبسوط اوي وطول الطريق ملامحك مغابتش عن عيني بس يظهر ان فرحتي مكملتش وللأسف عملت حاډثه كبيره علي طريق الصحراوي العربيه أتقلبت بيا ولما فوقت كان فات عشرين يوم واخر حاجه كنت فاكرها هي ملامحك والطريق و الحاډثه وللأسف ملحقتش افكر في اي حاجه وبسرعه خدت صډمه عمري لما عرفت الحاډثه عملت فيا ايه.
لمحت فريده الموبايل بيتحرك وفجأه اټصدمت وحطت ايدها علي بوئها لما لمحت رجله كان قاعد علي حاجه زي الشازلونج في البلكونه فارد رجله والرجل التانيه لحد ركبته مش موجوده.
فريده…..پصدمه ايه دددده
شريف……بنبره كسره وۏجع للأسف الحاډثه أثرت علي رجلي واتعملي بتر اللي عرفته بعد مافوقت من صدمتي واڼهياري ان لما العربيه اتقلبت بيا الحديد بتاع العربيه كان ضاغط عليها جدا وحصل تهتك في الاورده والاربطه كلها ڼزفت كتير وللاسف لحد ما جالي إسعاف علي
الصحراوي وقدروا يخرجوني بصعوبه من العربيه كنت ڼزفت كتير وعلي ما وصلوا بيا المستشفي ودخلوني عمليات مكانش قدامهم حل غير انهم يعملولي بتر .
الحقيقه وقت ما عرفت وشوفت رجلي انا كنت في حاله صعب شرحها وفضلت اكتر من ثلاث شهور مش بتكلم يعني فجأه كده كل حاجه حلوه راحت انا بالمناسبه يا فريده عمري ما ارتبطت ولا اتجوزت مش عشان معقد ولا ملاقتش بنت الحلال بس انا كنت بحب شغلي اوي وكنت مركز فيه اوي و حبيت اني اعمل شغل تاني بكارير مختلف وهو الكافيهات ركزت فيها لحد ما خلتها سلسله كافيهات معروفه وليها اسمها مكانش عندي وقت نهائي للحب والجواز لاني مكنتش بثبت في مكان ومكنتش حابب اتجوز واسيب مراتي بالايام لوحدها و يا دوب ارجع يومين و اسيبها تاني بس لما شوفتك حسيت اللي هو طب ليه لأ خصوصا لما عرفت انك مش مرتبطه و منفصله ويمكن انتي اول حد قلبي يدق ليها بجد .
بس كل حاجه في لحظه اتاخدت مني انتي وشغلي وكل حاجه
فريده كانت بتسمعه وهي موجوعه ودموعها نازله صعب عليها وحست ان ممكن تكون هي سبب في اللي حصله.
شريف….بعد التلات شهور دول حسيت ان امي خلاص جالت اخرها وپتموت عشاني كل لحظه بالمناسبه انا مليش غيرها والدي مټوفي ومعنديش اخوات وهي اللي شيلاني طول عمرها ولما استغنوا عنب في الطيران مبقاش عندي غير شغلي في الكافيهات والحقيقه هي و اتنين من صحابي معاها شالوا الشغل علي كتافهم عشان مخسرهوش والحمد لله قدروا بس امي تعبت مش من الشغل ولا الإداره تعبت من انها تشوف ابنها بالشكل ده فجأه بقيت ديما لوحدي بالمناسبه الشقه دي شقه والدي ووالدتي القديمه انا سيبت الڤيلا بتاعتي وسيبت كل حد اعرفه واي حاجه ممكن تخليني اشوف حد ولقيت مقيم في الشقه هنا ورافض اقابل او اتكلم مع حد حتي العلاج او اني اركب طرف صناعي رفضته بس هي تعبت وانا مقدرتش اشوفها مكسوره بعد التلات شهور دول قولت لا دي مش نهابه الدنيا لازم اقوم عشانها بدأت اخرج للنور واحده واحده وافقت علي موضوع الطرف الصناعي بعد ما كنت رافضه في البدايه نفسيا رجعت انتكس تاني لما لبسته وجربته كنت رافض خالص اني البسه بس جيت علي نفسي وحاولت اتدربت عليه كتير كنت بروح لدكتور. نفسي لاني مكنتش مظبوط لحد ما بدأت اتقبله والبسه بقيت اتابع الشغل من البيت عشان اشغل نفسي شويه شويه بقيت انزل من كتر زن امي وصحابي عليا رجعت تاني اشوف الناس شغلي كان مستقر جدا رجعت الڤيلا مع امي بس لسه باجي هنا من وقت للتاني خصوصا لما بحب اقعد لوحدي
والاهم ان من بعد التلات شهور اللي كنت رافض فيهم كل حاجه رجعت تاني افكر فيكي كنت عايز اشوفك لاني مش بشوفك خالص هنا او يمكن بتيجي وانا مش موجود عشان كده مجاش في بالي غير الطريقه دي اشوفك بيها في الاول قولت بلاش احسن تيجي وانتي سايقه بسرعه بس كنت عارف انك اكيد هتتأكدي بطريقتك فضلت طول الليل قاعد في البلكونه اراقب الطريق لحد الصبح لما انتي جيتي .
هي دي حكايتي معاكي يا فريده وهو ده السبب اللي خلاني مشوفكيش طول السنه اللي فاتت او حتي اكلمك او اعمل اللي عملته ده الفتره اللي فاتت
اتمني متبقيش زعلانه مني اتمني مكونش سبب في خۏفك وقلقك
اوقات الواحد بيحتاج يلفت النظر حتي لو بطريقه مجنونه بس والله نيتي كانت خير مكنتش عايز اي حاجه غير اني اشوفك وبس.
ضحكت فريده من بين دموعها
فريده…..يا راجل حرام عليك انت خلتني قضيت ليلتين عمري ما هنساهم دماغي راحت في مليون مكان وشكيت في ناس كتير وفي الاخر كل ده عشان عايز تشوفني طب ما كنت قولتلي من الاول علب الاقل كنت شكرتك علي الورد
شريف….بابتسامه حقك عليا عايز اقولك ان ده مش طبعي ولا دي تصرفاتي انا والله حد عاقل جدا
فريده…..بابتسامه ماهو واضح
شريف….بضحك حقك بس والله انا فعلا مش كده خالص انا بس عايزك تسامحيني علي اللي حصل وقولي انك خلاص مش زعلانه
فريده…..هو يمكن لحد قبل ما تحكي انا كنت بتلفت حوالين نفسي ومش عاره ليه كنت متخيله انك واقفلب قدام الڤيلا بس خلاص المسامح كريم سامحتك با سيدي..
شريف…..بضحكه إحراج با خبر لا مش للدرجادي وبجد والله اسف جدا علي الخۏف اللي سببتهولك
فريده….حصل خير يا شريف ويلا هعتبرها يا سيدي تجربه او سسبينس لحياتي الهاديه دي
وانا اللي بتأسفلك لو كنت سبب في اي حاجه حصلتلك وووو
شريف….لا لا لا ماقوليش كده انا حكيتلك عشان تعرفي حكايتي معاكي بدأت من امته وعشان ارد عليكي في سؤالك كنت فين طول الفتره اللي فاتت لكن انتي ملكيش دعوه باللي حصلي لانه كان هيحصلي بيكي او من غيرك ده قضاء ربنا انا راضي بيه الحمد لله وانا احسن من غيري بكتير
فريده…..بس انا عايزه اقولك حاجه
شريف….طبعا اتفضلي
فريده…..اتمني انك تتقبل كلامي ومتزعلش مني
شريف……انا فاهم انتي عايزه تقولي ايه وصدقيني مش هزعل
فريده…..هقول ايه طيب
شريف…..قولي يا فريده انتي اللي عندك و هرد عليكي وصدقيني مش هزعل مهما قولتي.
فريده…..اللي انا عايزه أقوله يا شريف إن يمكن كلامك عن إعجابك بيا وكل الحجات الحلوه اللي قولتها دي تفرح اي ست في الدنيا ومش هقولك بقي ان انا غير اي ست ومفرحتش بالعكس كلامك مضايقنيش خالص بس انت متعرفنيش يا شريف متعرفش حياتي ماشيه ازاي اه عرفت اني منفصله بس كمان مسألتش نفسك انا في حد في حياتي او لأ انا مش حابه اضايقك عشان بجد انت شخص محترم بعيدا عن الموقف وسوء التفاهم اللي حصل بس زي ما بيقولوا الجواب بيتقرأ من عنوانه صدقني يا شريف انت شخص ممكن تتمناك اي ست بما فيهم انا بس ده لو انا حياتي فاضيه انت فاهم انا عايزه اقول ايه
شريف….بإبتسامه هاديه فاهم يا فريده انا يمكن عرفت انك منفصله ومفيش حد في حياتك وعشان كده كنت مركز معاكي بس والله انا لو عارف ان في حد في حياتك مكنتش فكرت اضايقك
فريده….بالعكس انا مش مضايقه منك خالص انا بس مضايقه من نفسي ان لعد كل اللي حكيته واللي حصل معاك ده اقولك ان في حد في حياتي
شريف…..بإبتسامه وانتي تفتكري يا فريده لو حتي مفيش حد في حياتك هقبل انك توافقي تبقي معايا عشان اللي حصل فيا
فريده……لا متفهمنيش غلط مقصدش اني كنت هوافق عشان اللي حصلك او حتي اني اتعاطف معاك انا اقصد ان لو حياتي فاضيه وسمعت منك كل الكلام الحلو ده كان ممكن اوي اني افكر في الموضوع
شريف…..انا فاهمك يا فريده وعارف انك مش من الشخصيات اللي ممكن تتعاطف مع حد عشان حالته ولا انا من الشخصيات اللي ممكن تحكيلك كل ده عشان تتعاطفي معاها وكمان معرفتكيش كل ده عشان تسامحيني علي الموقف اللي حصل مني انا حكيتلك بس عشان ارد علي أسالتك .
فريده….صدقني انا مش عارفه حتي ارد عليك ولا لاقيه كلام للموقف اللي انا فيه ده بس كل اللي أقدر اقولهولك يا شريف ربنا يعوضك بحد يستاهلك بجد ولازم تعرف حاجه مهمه مش شرط الاعجاب يكون حب صدقني يا شريف في مشاعر كتير اوي في الحياه اهم من الحب
شريف…..عشان كده قبل ما ابدا كلامي قولتلك سيبك خالص من كلامي عن الاعجاب او الحب يمكن انا حبيت شخصيتك حبيت اني اكسب حد جدع زيك في حياتي لاني كمان زي ما قولتلك انا بعيد كل البعد عن الارتباط والحب والكلام ده بس انتي من الشخصيات القليله اللي اعجبت بشخصيتها وقوتها ونجاحها انا بقدر الطموح يا فريده والشغل والاجتهاد عشان كده انتي لفتي نظري بس طبعا مش هنكر اني بحسد الشخص اللي في حياتك عليكي
فريده….بإبتسامه صدقني يابخت اللي هتكون في حياتك انت وياريت تتقبل اسفي بجد وتسمحلي اني ابقي اطمن عليك يعني بإعتلاري صديقه جديده في حياتك
شريف….ياخبر ده انا أتشرف لصديقه واخت جدعه زيك يا فريده
فريده…..الشرف ليا انا وعلي فكره انا زبونه عندك في بوباتي بتاع الساحل بروح فيه من فتره طويله
شريف……انتي صاحبه مكان انا لو اعرف اصلا انك بتروحي كان زماني سايب الطيران و معسكر في الساحل
فريده…..بضحك مش اوي كده
شريف…..طيب بقولك ايه من بكره انتي اهم
كلاينت في المكان اقولك انتي هتبقي vip للمكان
فريده…..ااااه يارب بس متندمش انا ممكن اجي عليك بخساره اصلي بحب القهوه بتاعتكم اوي
شريف….بإبتسامه ياستي خسريني زي ما انتي عايزه ولو علي القهوه تيجي لحد عندك
فريده…..تسلملي يا شريف علي ذوقك وكلامك الحلو وبجد انا اتشرفت بيك
شريف….الشرف ليا انا و اهم حاجه متبقيش زعلانه مني علي الموقف العبيط اللي عملته
فريده…..لا خلاص والله مش زعلانه بس اتمني بقي تخرج اكتر من القوقعه اللي انت عايش فيها دي وتشوف شغلك بنفسك واتمني في يوم اقابلك بنفسي وانا في اي فرع الاقيك كده داخل بتباشر شغلك بنفسك
شريف…..والله لو هتوريني انا مستعد وعموما متقلقيش خلاص بدأت اخرج من القوقعه واكيد بعد ما اتكلمت معاكي هخرج منها خالص
فريده….اكيد هشوفك ولما اجي هعرفك كمان
شريف….وانا مستنيكي في اي وقت
فريده….طيب قبل ما اقفل بقي مش هشوفك عشان علي الاقل القي عرفاك
شريف….بضحك اه شكلك لسه بتسجلي وعايزه الڤديو يبقي صوت وصوره
فريده…..بضحك لا والله خلاص مفيش الكلام ده
لف شريف الكاميرا بهدوء عليه اول ما الصوره ظهرت علي ملامحه ضحك وفضل يعدل في شعره كان لابس تيشرت كت وباين علي جسمه انه رياضي زي القمر بجد مفيهوش اي عيب
ابتسمت فريده بحزن علي الحاله اللي وصلها
شريف…..بإبتسامه وهو بيعدل شعره معلش بقي مبهدل شويه معرفش ان هيتعملي تسجيل صوت وصوره
فريده….بضحك لا والله ده انا اللي مبهدله مش انت وانسي بقي التسجيل خلاص قلبك ابيض اختك طيبه وملهاش في المشاكل
شريف….بإبتسامه عارف وعايز اقولك اي حاجه تحتجيها هنا انا موجود اخ وصديق وعلي فكره انا جدع يعني عمرك ما هتحتاجيني وهخذلك انتي بس قولي يا شريف يا شيخ هتلاقيني قدامك
فريده……تسلملي يا شريف واثقه انك جدع وانا كسبت اخ وصديق وان شاء الله تبقي معرفه خير وقريب اجيلك بنفسي بس وانت عريس
شريف….بضحك لا خلاص حرمت فكرت فيها مره رجلي طارت امال لو فكرت مره تانيه راسي هتطير انا امي ملهاش غيري
فريده….بضحك رجلك ايه انت هتتلكك انت زي القمر اهو وبعدين متخافش مش يمكن انا اللي وشي كان وحش عليك
شريف…..لا ياستي انتي براءه قولتلك بيكي من غيرك خلاص كان قضي الامر يعني ده فضاء ربنا وراضي بيه يمكن دي ميزه ربنا حب يميزني بيها في سني ده
فريده….انت جميل اوي يا شريف وياريت اي حد يحصله حاجه يتقبلها زيك كده ويعتبرها ميزه ونعمه من ربنا
شريف….ونعم بالله طبعا يعني بعيدا عن الحاله اللي دخلت فيها والكام شهر اللي كنت معترض فيهم هو كان الۏجع لسه في اوله بس انا حاليا راضي والله الحمد لله
فريده…..الحمد لله
شريف….طيب انا اسف طولت عليكي اوي بس بجد انهارده انا مبسوط ولو قولتلك انه اسعد بوم في حياتي هتقولي اني ببالغ انا اتشرفت بيكي يا فريده
فريده….انا اللي اتشرفت بيك وعلي فكره مش انت بس اللي جدع انا كنان جدعه واي حاجه تحتاجها من اختك هتلاقيني جنبك محتاج صاحب جدع بردوا هتلاقيني جنبك
شريف…….عارف ابقي سمعيني صوتك بقي كل فتره واسألي علي اخوكي
فريده…..ده اكيد
شريف……بإبتسامه يلا هسيبك تنامي بقي و تصبحي علي الف خير
فريده….وانت من اهل الخير
قفلت فريده كان جواها مشاعر متلغبطه مبسوطه عشان خۏفها راح و اطمنت زعلانه عشانه وفي نفس الوقت مضايقه انها ممكن تكون سبب في اللي حصله مضايقه انه بعد كل اللي قاله ده هي قالتله انها في حد في حياتها
بس كمان هي مقدرتش تخدعه ولا قدرت تخون ثقه عاصم فيها وحبت من اول مكالمه تقفل باب النقاش في الموضوع ده مع شريف خالص اتعمدت انها تقوله اختك وصديقه عشان يفكر بطريقه تانيه وطريقه صح بس الاكيد انها ارتاحت قفلت موبايلها وطلعت علي السرير نامت
……………….
في صباح يوم جديد
صحي سالم من النوم خد شاور وخرج لقي شمس صاحيه وساكته
سالم…..صباح النور يا قلبي
شمس….صباح النور
سالم….عامله ايه انهارده
شمس….بحزن احسن الحمد لله
سالم…..ايه راحه الشغل ولا لا
شمس…..مش عارفه
سالم…..يعني ايه مش عارفه
شمس…..حاسه اني مش قادره اعمل اي حاجه يا سالم
سالم…..بس يا قلبي انتي لازم تخرجي وتشغلي نفسك شويه الشغل هيخرجك من الحاله دي
شمس…..ڠصب عني يا سالم مش عارفه انا عايزه اروح عشان ميبقاش الحمل علي مريم وعشان منذر ميزعلش اني سيبته في اكتر وقت هو مشغول فيه قبل فرحه وفي نفس الوقت مش قادره انزل ولا اشتغل ولا اتكلم مع اي حد
سالم….لو علي مريم انتي عارفه انها مش هتضايق ولو علي منذر سيبيه عليا هو كده كده كان مكلمني وقايلي خليها براحتها بس انا بتكلم عشانك انتي الشغل صدقيني انتي محتجاه في الوقت ده عايزك تنزلي وتغيري جو وتشغلي نفسك
شمس……مسحت دموعها حاضر يا سالم هنزل
سالم….لا انا مش بقولك كده عشان تقولي هنزل انا بس فهمك بس لو علي انهارده بس خلاص خليكي بس من بكره تنزلي وكمان مش عايزك تفضلي حابسه نفسك في الاوضه انزلي تحت اقعدي في الجنينه اعملي اي حاجه
شمس…..حاضر يا سالم
سالم…..لو احتاجتي اي حاجه كلميني وانا هحاول متأخرش عليكي
شمس….حاضر
سالم….ممكن بقي تنزلي تفكري معانا تحت
شمس…..والنبي ياسالم سيبني براحتي انا شويه وهنزل افطر بس عرفهم اني نايمه عشان محدش يزعل
سالم….ايوه با حبيبي بس انتي. لازم تاكلي متنسيش انك حامل
شمس…..هاكل والله بس انا مش قادره الوقت شويه كده هقوم اخد شاور وبعدين ابقي اكل
سالم….طيب زي ما تحبي انا هعرفهم انك نايمه بس شويه وهكلمك الاقيكي تحت مفهوم
شمس….حاضر
باس راسها بحب وبصلها
سالم….يلا مش عايزه حاجه
شمس…..لا سلامتك
سالم….يلا باي يا قلبي
شمس….باي.
……………….
نزل سالم تحت كان كلهم نزلوا
سالم….صباح الخير
الجميع….صباح النور
روح….شمس فين
سالم….نايمه ياروح مش هتروح الشغل انهارده ومعلش يا مريم هتتعبي انهارده
مريم….تعب ايه بس المهم هب كويسه
سالم….والله مش كويسه اوي يا مريم
راجح……مينفعش تفضل نايمه وحابسه نفسها كده يا ابني الزعل غلط عليها
سالم….طيب اعمل ايه بس يا باشا كلمتها والله
صبا….سيبها يا سالم هي لسه الخبر مأثر فيها وعموما متقلقش عليها انا شويه وهطلعلها واخرجها من الاوضه
سالم….اه والنبي يا صبا ياريت انتي وفيروز وزهره وليلي حاولوا كده تخرجوها من الحاله دي
زهره….متقلقش سيبها علينا احنا
خلود….انا معنديش شغل انهارده وهفضل هنا معاها بردوا
سالم….طيب كويس
جلال….والله مافي حد هيخرجها من الحاله دي غيري مقلب من بتوعي هيجروها من الاوضه
سالم….بإبتسامه لا والنبي بلاش انت ومقالبك
جلال…..والله مقلب خفيف وهيدخل عليها اسمع مني هنسيها الزعل
مراد…..بضحك هينسيها الزعل وهيفكرها بالړعب
جلال….لا والله ابدا انا هضحك عليها واعمل اني عامل مصېبه ومحتاجها تخبي عليا
سالم….بضحك بلا خليها تقفشك وتطلع زعلها عليك
جلال….عيب عليك تعرف عني كده انا ممثل كبير انتوا اللي مش حاسين بقيمتي
سالم….طيب ورينا شطارتك بقي
جلال….لما نرجع لو فضلت زعلانه هعمله فيها
راجح….طب يلا يا رغاي اخلص خلينا نمشي.
مراد…..ياسين هتيجي معايا ولا ايه
ياسين….اه جاي متقلقش انا وملك معاك
زيد…..وانا هروح مع الباشا نشوف الموقع
داوود…..ايه ده انا كنت رايح انت جاي يا راجح
راجح….اه قولت ابص بصه كده تعالي انت كمان
داوود….لو مش محتاجني اوي اروح علي المجموعه
زيد….لا تعالي يا داوود عايزك معايا
داوود….طيب تمام.
مراد…..يبقي الباقي بقي علي المجموعه لحد ما نرجعلكم
قاسم…..تمام متقلقش انا هخلص مشوار البنك واسبق علي هناك
سالم…..طيب ياريت بقي متتاخرش عشان انا عندي ميتنج الساعه اتنين
قاسم…..لا قبل اتنين هكون عندك
راجح….خلاص كلكم عندكم مشاوير
سالم….ايه انا ميتنج شغل
قاسم…..هو انا يعني اللي رايح اتدلع ما كلنا شغل
زيد…..هو انهارده اليوم مضغوط معلش خلينا بس نخلص مشاويرنا ونرجع علي طول عشان في ميتنج الساعه خمسه مهم
سالم….تمام روح انتي مش خارجه انهارده
روح…..المفروض امبارح رباب وكاريمان لغوا المشوار عشان احنا مروحناش ورباب قعدا معاها شويه وبعدين روحت بس لو بتسأل عشان شمس متقلقش انا هحاول اخدها معايا عشان تفك شويه
سالم….ياريت يا روح
روح….متقلقش عليها
راجح….طب يلا بقي ولا مطولين وحابين القاعده
جلال…..انا جاهز شوفت بقي عشان تعرف بس اني مجتهد
راجح….اتلهي ويلا قدامي
جلال….بضحك حاضر يا باشا
خرجوا كلهم علي شغلهم.
……………
صحيت فريده من النوم كانت مرهقه جدا لانها نامت متأخر وكانت مسافره دخلت خدت شاور عشان تفوق شويه بعد ما خلصت و لبست وجهزت نفسها نزلت علي تحت عملت قهوه وقعدت علي البار تشربها و ولعت سېجاره بصت علي موبايلها واستغربت ان عاصم لا بعت مسدچ ولا اتصل زي العاده حست انها اضايقت بجد و زعلت وفهمت ان هو واخد موقف منها فكرت تتصل هي بيه وتعمل نفسها عاديه ومتحسسهوش انها شايفه انه زعلان لكن كرامتها مسمحتلهاش وقررت تسيبه براحته لحد ما هو اللي يتصل بيها.
فريده…..بصوت مسموع تمام يا عاصم واخد موقف اوك خليك براحتك انا كمان مش هتصل عليك.
خلصت قهوتها وقامت علي بره ركبت عربيتها وخرجت من الڤيلا راحت
علي شغلها.
…………………
عاصم….حبيبه بابي انا عندي شغل ولازم امشي بسرعه ومش هينفع اسيبك وانتي بټعيطي كده
مليكه….بابي انا عيزاك بقي
عاصم…يا قلبي وانا كمان والله بس مش هقدر اخدك وبعدين يا لوكا ابه اللي جرالك انا كده بجد هزعل منك انتي عمرك ما فضلتي ټعيطي بالشكل ده
مهيب….براحه عليها يا ابني هي بردوا معذوره في النهايه بتفضل طول اليوم قاعده لوحدها
عاصم……فين لوحدها ما الناني معاها وبتعملها كل اللي هي عيزاه
علي…..معلش اكيد بتزهق يعني مهما الناني عملتلها في الاخر هي قاعده قدام التلفزيون او بتلعب في الجنينه
مهيب…..بإبتسامه خبيثه بيتهيألي مليكه محتاجه ام تهتم بيها وتخرجها وانت مش موجود وقتها مليكه ولا هتسأل فيك
ضحك علب وبصله عاصم ابتسم ورفع حاجبه
عاصم……ايه اللي رجالك يا مهيب باشا انت كمان عالصبح بتلمح لايه
مهيب….ضحك وبص لعلي وانا قولت ايه غلط انا بقول اللي بنتك محتجاه .
علي…..بضحك اه و الحدق يفهم
عاصم…..الحدق يفهم هاااا طيب حلو اوي الكلام ده خلينا في المهم ها يا لوكا امشي بقي عشان خاطري انا لازم اسافر الوقت
مليكه….بدموع طيب هتيجي امته
عاصم…..والله هاجي انهارده يعني بليل هتلاقيني عندك
مليكه…..هكون نايمه
عاصم….والله حتي لو نايمه هصحيكي اقولك هاخدك تنامي كمان ايه رأيك
علي…..طيب بقول ايه انا عندي فكره ايه رايك يا لوكا أوديكي لديدا
عاصم….بسرعه قبل ما مليكه تقول رأيها لااااا
بصله علي وبصله مهيب بهدوء.
عاصم….بإرتباك بسيط ايه مالك باصصلي كده ليه
علي….اصل لا دي كانت غريبه شويتين
عاصم….ولا غريبه ولا حاجه بس مش معقول كل ما هتزنق هوديها كل ما مليكه ټعيط هوديها
علي……ياسلام وايه المشكله هي اشتكتلك
عاصم….لا وعمرها ما هتشتكي انت عارف بس فريده مش فاضيه يا علي انت عارف ان شغلها حساس ومحتاج تركيز وهي طول الوقت بتتنقل من مكان لمكان بعني هتتلخم بمليكه وانت بردوا عارف ان مليكه شقيه وبتحب تلعب في اي حاجه تقابلها واكيد مينفعش تلعب في شغلها.
مليكه….بإعتراض انا مش بلعب في حاجه انا كبيره مش صغيره
مهيب….بضحك ضمھا وباسها حبيبه جدو انتي بابي يظهر كده لسه فاكرك صغيره
مليكه….انا مش صغيره وديدا بتحبني وانا بش بلعب في شغلها وانا موافقه وهروح مع لولي
علي….بضحك قلب لولي
عاصم…..بضحك رفع حاجبه اه ده اتفاق بقي وانا مش واخد بالي
مهيب….لا اتفاق ولا غيره انت اللي معترض
عاصم….انا مش معترض علي فكره بس مش حلوه يعني كل شوبه اروح اوديهالها من غير استأذان كده افرض هب مش موجوده ولا افرض عندها شغل اكيد هتاخدها ومش هتقول لا بس هتفضل شايله هما طول اليوم
علي…..اطلع منها انت روح علي المطار وانا اللي هوديها ولو حسيت انك هتتأخر عرفني وهروح بردوا اخدها منها ونرجع سوا صح يا لوكا
مليكه….بسعاده صح يا لولي
عاصم…..قلدها صح يا لولي ضحكتي الوقت
مليكه…بضحك ايوه
مهيب….مش فاهم مضايق ليه بس امال لو عاشت معاها علي طول بقي
عاصم……ضحك وهز راسه شمال ويمين مش سهل انت بردوا يا باشا
مهيب…قولت ايه غلط بس وبعدين مدوخ روحك ليه خد خطوه يا الن مهيب وارتاح انت وبنتك وخليني اطمن عليكم
عاصم…..يعني هو انا لو خدت خطوه تفتكر اني ممكن اسمح لنفسي ارمي حمل بنتي كله عليها واخليها تهمل الكارير بتاعها
مهيب….مين قال كده وبعدين ان عارف ان مش انت الشخص ده بس المشاركه حلوه يا عاصم والحمل لما بيتقسم علي اتنين لتبقي شيلته أسهل من لما يشيله واحد
فضل عاصم ساكت وبعدين بص لعلي
علي….بإبتسامه بتبصلي كده ليه ابوك معاه حق خد خطوه يا عاصم انت مبسوط معاها وهي بتبادلك نفس الشعور وبنتك بتحبها وهي بتحب بنتك يعني مش ناقص غير الخطوه.
عاصم…..بإبتسامه طيب انا همشي انا بقي ونبقي نشوف موضوع الخاطبه بتاعك انت والباشا ده بعدين وانا هتصل بيها في الطريق عشان اعرفها انك هتوديهالها وتعمل حسابها
علي…..طيب تمام بقولك ايه مليكه بتروح كده ولا اخدلها حاجه معايا
عاصم….حاجه ايه لفريده تقصد
علي….لا لمليكه وهي هناك
عاصم…..بص لمليكه بغيظ هي عارفه بتاخد معاها ايه يا سيدي
مليكه…..بإبتسامه تعالي يا لولي انا هقولك انا باخد المايه بتاعتي وباخد غيار عشان ديدا بتغيريلي وباخد كمان سليبر عشان لتقلعني الشوز وميوجعش رجلي وكمان الايباد
علي….بضحك اه انتي رايحه علي بيات بقي
عاصم….قولتلك حافظه الخطه بتاعتها هي وفريده
علي….طب يلا روح انت وسيبهالي بقي
مليكه…..انا هروح البس بسرعه
عاصم….طيب استني سلمي عليا
مليكه….اوك بااااابي
عاصم…..خلي بالك منها ياعلي
علي….متقلقش
عاصم….يلا سلام يا باشا
مهيب….سلام يا حبيبي انا رايح علي الشركه ابقي كلمني
عاصم…..حاضر يلا سلام يا علي
علي….سلام.
………………
عند فريده في مكتبها كان معاها تليفون الباب خبط وبعدين اتفتح
اول ما شافت حنين ابتسمت وقامت من مكانها عشان تسلم عليها.
حنين…..بهمس وحشتييييني
فريده…..بنفس الهمس وانتي كمان تعالي اقعدي ثواني وابقي معاكي .
قعدت حنين و كملت فريده تليفونها وبعدين قفلت وقامت قعدت قدامها
فريده….ده ايه المفجأه الحلوه دي
حنين….ايه رأيك بقي
فريده…..كنتي بتصيعي فين يا بت اعترفي
حنين….أصيع فين الساعه 11 انا كنت بعمل كام تحليل الدكتور طالبهم مني بس من ناحيه هصيع فا انا بصراحه هصيع بس قولت اعدي عليكي قبل ما تتلخمي في شغلك اكتر واجي اطمن عليكي بعد اللي حصل
فريده….ياعمري انا لخير والله والحمد لله الدنيا هاديه مفيش اي حاجه
حنين…..طب والرقم مكلمكيش تاني
فريده….بإبتسامه لا كلمني
حنين…..بشهقه تااااني حصل ايه
فريده…..لا لما اشوفك انتي وزهره عشان احكي مره واحده
حنين….المهم مفيش حاجه وحشه طيب
فريده….لا خالص متقلقيش عدت علي خير المهم رايحه تصيعي فين
حنين…..بغرور مصطتنع عدلت التيشرت بتاعها ورفعت ضهرها انتي عارفه بقي اني انا بقيت شخصيه مهمه و معزومه علي فرح صغير كده لفيروز الطوبجي عرفاها طبعا
فريده…..بضحك اه اسمع عنها الشهره عايزه منك ايه
حنين…..بضحك ضريبه الشهره بقي يا فنانه المهم انا قولت اروح اشوف فستان او اي حاجه سواريه البسها وعندي انهارده يوم طويل اصل انتي متعرفيش انا في موضوع اللبس ده ممكن اقعد يومين تلاته لحد ما استقر علي حاجه دي مامي عرفت اني هجيب فستان قالتلي طيب معاكي ربنا بقي مش هنستناكي علي الغداء
فريده….بضحك علي فكره انا كمان مجبتش حاجه لسه ابه رأيك نروح سوا
حنين…..والله لو مش مشغوله او عندك شغل ياريت علي الاقل اخد رأيك
فريده…..شوفي انتي هتقعدي معايا هنا انا عندي عروسه جيالي علي واحده كده عشان هتخرج من هنا علي تلاته وبعد كده انا معاكي
حنين….نفسي اعرف عرايس ايه دي. اللي بتتجوز الصبح
فريده….بضحك وماله الصبح
حنين…..حر وفرهده يا ديدا بزمتك ده جو الواحد يتجوز فيه اصلا وبعدين مش هايفين الميك اب يسيح ويبوظ
فريده….رفعت حاجبها لا عنددددك ميك اب فريده لاشين لا بيسيح ولا بيتحرك من مكانه
بس انا معاكي بصراحه في حتت فرح الصبح دي انا بحب افراح بليل مليش انا في جو الصبح ونلحف النهار عشان التصوير
حنين…..دي عالم فاضيه هو في احلي من الليل يا قمر انتي
فريده….بضحك اه يا مجرمه المهم هتعملي ايه موافقه
حنين….طبعا موافقه انتي بتاعتي انهارده هتصل بمامي اعرفها بس عشان تبقي متطمنه اني مش لوحدي انتي عارفه بتفضل مشغوله لو عارفه اني بلف في الشارع لوحدي
فريده….لا طمنيها احسن عشان تبقي مرتاحه صحيح انتي معاكي عربيتك
حنين….اه بره
فريده….خلاص هنسيبها هنا لما نخرج و هبقي ارجعك بليل تاخديها وتروحي
حنين….طيب اشطا
فريده….تشربي ايه بقي
حنين…..اي حاجه ساقعه ھموت من الحر
فريده…..طب الاول انتي كنتي عامله التحاليل دي صايمه ولا فاطره
حنين…..بإبتسامه رفعت حاجبها صراحه كنت صايمه
فريده……طيب هجيبلك حاجه خفيفه كده تفطري بيها مع العصير وبعد ما نخلص العروسه ونخرج هغديكي غدوه تحلفي بيها ايه رأيك
حنين….موافقه طبعا
قبل ما تتصل فريده بالبنات عشان يجيبوا فطار والعصير والقهوه ليها الباب خبط
فريده….ادخل
فتك علي الباب وهو مبتسم وجريت مليكه علي فريده.
علي……مساء الفل ادخل
فريده….ايه ده المفجات الحلوه دي لوكااا
مليكه….ديداااا حبيبتي
علي….بإبتسامه ايه ده انتي هنا يا حنين ايه الاخبار
حنين….بإبتسامه ازيك يا علي اخبارك ايه
علي….الحمد لله مبسوط اني شوفتك والله
حنين…..انا اكتر والله ازيك يا لوكاااا
مليكه….الحمد لله
حنين…ايه القمر ده
فريده….ازيك يا علي
علي…..الحمد الله انتي عامله ايه يا فريده
فريده….انا زي الفل اخبار عاصم والباشا ايه
علي….بخير والله بيسلموا عليكي.
فريده…..الله يسلمهم قولي تشرب قهوه معايا ولا عصير مع حنين
علي….لا ولا ده ولا ده انا متأخر بسبب مليكه الله يسامحها والباشا لوحده في الشركه انا بس جيت اجيبهالك وامشي علي طول
فريده….بإستغراب امال فين عاصم
علي…ابه ده هو مكلمكيش ولا ايه
فريده….لا خالص اخر مره كلمني امبارح في حاجه ولا ايه
علي…..لا بس هو سافر شرم وقال ان هو هيكلمك عشان بعرفك ان انا هجيبلك مليكه من الصبح بټعيط عشان مسافر وبصراحه انا اللي اقترحت اجيلهالك هو مكانش راضي عشان شغلك بس اقتنع من زن مليكه وقال هيتصل يعرفك
فريده…..لا مكلمنيش والله اخوك عامل فيها مقموص
علي….بضحك ايه ده ليه
بس كده
فريده…..عشان سافرت اسكندريه امبارح
علي…..بتهرجي لوحدك
فريده….كان لازم اسافر و اطمن يا علي مقدرتش اقعد بس الحمد لله يعني عدت علي خير
علي…..طيب ايه في مشكله لو سيبتهالك هو شكله اتلخم في السفر ومعرفش يكلمك
فريده….بلاش عبط يا علي هو انا مستنياك انت او هو تستأذنوا قبل ما تجيبوا مليكه
علي….لا والله مش كده بس عشان لو عندك شغل عموما انا معنديش شغل كتير انهارده يعني اخلص بس واكلمك واجي اخدها
فريده….متحملش همها انا اصلا شويه انا وحنين هنروح نشوف فساتين عشان فرح فيروز ومنذر وهاخدها معايا شوف اللي وراك انا معنديش شغل كتير
علي….طيب هخلص واكلمكم اشوفكم فين وممكن اعدي عليكم
فريده….طيب اشطا لو كده متتغداش ونتغدي سوا
علي….بإبتسامه ده اشطا اوي موافق خلاص هكلمكم
فريده….ماشي
علي…..لوكا بلاش شقاوه
مليكه….اوك
علي….يلا سلام يا حنين هشوفك تاني
حنين….تمام يا علي يلا باي
علي….باي
- يتبع الفصل التالي اضغط على (مملكة احفاد الطوبجي) اسم الرواية