رواية اللقاء الثاني الفصل الثاني 2 - بقلم منة محمد
اسامه اخد زينب واشتروا هدوم جديده وراحوع حجزه في نفس الفندق الي فيه بسمله ودخلوا المطعم وهو وقف يتأملها بفستانها الماركه
زينب اتكسفت وقالت: متبصش لمراتك كده الناس يفكرونا ماشين مع بعض
اسامه بمغازله: هو ممكن المصريه تشارك في مسابقه ملكه الجمال
زينب ضحكت وراحوا يتعشوا وهما بيتعشوا سمعوا صوت زعيق جامد ودربكه في المكان ومره واحده قاله ان فيه راجل وقع من طوله اغمي عليه طلع اسامه وزينب للمكان
زينب ميلت ع الراجل: ده جاتله سكته قلبيه مش بيتنفس اسامه حاول تساعدني نعمله انعاش
اسامه: اه يله
زينب: اسالهم لو عندهم جهاز لـ انعاش القلب كان اسمه ايه بالانجليزي
بسمله كل ده عيونها ع اسامه وهو كمان فضل بصصلها شويه لحد هي ما سألتهم عندهم جهاز انعاش القلب وهما قالولها لاء معندناش
بسمله بصتلها: لاء بيقوله مفيش
زينب: اسامه لازم ندلك قلبه بأيدينا
اسامه انتبهه: اه يله
زينب: بسرعه يا اسامه اضغط اكتر لحظه مش بيتنفس
اسامه بدء يضغط اكتر وقال: الحمد لله بدء يتنفس
بسمله أخدت نفس عميق وقالت للسكرتير: يله احنا نمشي
……………..قصص منه محمد كاتب………………
في غرفتهم الخاصه
زينب واقفه قدام الفراندا: الي احنا فيه صعب وبجد مش قادره اتحمله
اسامه ضمها: خليك متماسكه لحد ما ترجعي
زينب: هو انا فعلا هرجع القاهره لوحدي
اسامه: ايوه انا هفضل هنا دي الطريقه الوحيده للنجاه
زينب بدموع: بس حياتي من غيرك هتبقي ملهاش اي معني
اسامه: وانا مقدميش غير الحل ده اشتغل واكافح واحاول ولما استقر هبعتلك ده الي اقدر اعمله حاليا وعارف انك هتتعبي كتير وبجد اسف اني خليتك تعاني بدل ما اعوضك بس غصب عني
زينب: حبيبي انسي انت ملكش ذنب
اسامه: سامحيني
زينب: انا مبسوطه ومحظوظه عشان مراتك وهتكون في قلبي لـ اخر العمر والليله عايزه اشبع من حضنك
اسامه ضمها وبعد وقت لطيف بينهم اسامه راح في نوم عميق وهي لبست واخدت بعضها وطلعت لشط البحر ترمي فيه نفسها بكل احباطها ويئسها وبدون شعور فضلت تدخل لحد جوه وتقول انا اسفه في نفس اللحظه بسمله بتتمشي ع الشاطئ وبتفتكر كل ذكرايتها مع اسامه لحد ما لمحت شوزر وفضلت تبص شمال ويمين لحد ما شافت شخص ما بيقب ويغطس
بسمله بصراخ: اطلعي من عندك انتي سمعاني
زينب مكمله دخول وبسمله بدون ادني تفكير جريت ورمت نفسها في الميه ودخلت بس زينب بتتعمق اكتر لكن بسمله قدرت تسحبها وبالعذاب قدرت تطلعها ع الشط
بسمله: انتي مسلمه صح ليه تعملي في نفسك كده وتمـ وتي كـ افره
زينب قامت تجري للبحر تاني : وانتي مالك ليه خرجتيني
بسمله جرتها من دراعها : استني عندك _ضربتها بالقلم عشان تفوق
زينب ببكاء: لو سمحتي سبيني امـ وت
بسمله بعد ما هديتها اخدتها لحد السويت وخلتها تاخد دش دافئ ولبستها بورنس
بسمله وهي بتجفف شعرها قالتلها: شويه وهدومك هتنشف طلبت من خدمه الغرف تنضفها
زينب: الف شكر ممكن اروح اوضتي لان جوزي زمانه قلق عليا بعد الرساله الي سبتهاله
بسمله: اشربي الاول الشاي دافي
زينب اخدته منها: الف شكر
بسمله راحت قعدت قصاد المرايا تمشط شعرها
زينب حطت الفنجان وقالت: شكرا ع الشاي هرجع اوضتي دلوقت
بسمله بصتلها في المرايا: خليكي هنا استني جوزك لما يرجع مش فكره كويسه تبقي لوحدك بما ان عندك افكار مجنونه بالشكل ده
زينب ببكاء وندم: مش هعملها تاني لانه غباء بس انتي ليه مسألتنيش عن اي حاجه ولا ليه قررت امـ وت نفسي وايه السبب
بسمله بتدهن كريم ع بشرتها: انتي صغيره وجميله فيه سببين يئما جوزك خسر شغله يئما بيخونك بس معتقدتش ان اسامه من الرجاله الي تخون يبقي اكيد السبب الاول
زينب متعجبه: وانتي تعرفي جوزي منين
بسمله: ممكن تسمعي منه الاجابه ع سؤالك برغم مش هتكون ذكري مبهجه له
اثناء كلامهم جرس السويت رن وبسمله قامت وفتحت لـ اسامه وهي شاورتله بدماغها ان مراته جوه عندها
اسامه دخل مفزوع: زينب انتي كويسه جرالك حاجه
زينب بعياط: انا اسفه كنت غلطانه
اسامه ضمها بقوه : متعتذريش بس متعمليش الجنان ده تاني( لف لبسمله) انا مش عارف اشكرك ازاي
بسمله اضيقت وعيونها دمعت : انا مجهده منمتش وبما انكم لقيتوا بعض اسمحلولي ارتاح
اسامه شاف دموعها وبسرعه قال : يله بينا يا زينب
زينب وهي خارجه بصت لبسمله وشكرتها وبسمله قعدت ع السرير ونزلت دموعها لما افتكرت حبهم الكبير لبعض
#فلاش
في الكليه قاعده وسرحانه لبعيد وهو جه ضـ ربها بالكتاب ع دماغها: بتفكري في ايه يا افيونتي
بسمله بصتله بأبتسامه: قاعده بفكر فيك
اسامه قعد ع الكرسي ورفع حاجب : بجد والله بتفكري في ايه يعني بالظبط
بسمله: في ملمحك الي زي القمر
اسامه : وايه كمان
بسمله : وعيونك الي زي البحر الصافي
اسامه: بس كده
بسمله : تعرف انا عايزه اقولك كلام كتير اوي
اسامه ضربها في كتفها بمرح : ما تقولي حد حاشك
بسمله بنظرات عاشقه : انا بحبك وبموت فيك بحب كل حاجه فيك ضحكتك وحنيتك ونظره عنيك وخوفك وطيبه قلبك
اسامه: انا بقا بحبك كلك ع بعضك بجنانك بلمضتك ورخمتك وبحب ايامي معاكي بحبك لدرجه مش مفهومه
بسمله قلدته : وانا كمان بقيت بحبك بدرجه مش مفهومه
اسامه: يعني مفيش راجل اجمل مني
بسمله سكتت وبعدين قالت :معرفش
اسامه : طيب افضل مني
بسمله : معرفش دي كمان
اسامه: طيب ارق مني
بسمله : قلت لك معرفش
اسامه اتعصب منها : ازاي يعني متعرفيش
بسمله: قولي ازاي ابص لغيرك وانت معايا ازاي ابص لفيرك وانت حبك عماني انا عشقتك لحد الادمان
اسامه : وانا بصحا من النوم ببقي عايز اكلمك وانا في شغلي ببقي عايز اكلمك اي دقيقه بكون فاضي ببعتلك واكلمك حتي وانا مع اصحابي ببقي عايز اكلمك واطمن عليكي بقيتي مسيطره ع قلبي وع عقلي حرفيا مسجلك ع تلفوني نور عيني
بسمله: اسامه انا مش هتحمل بعدك عني همـ وت او ادخل العنايه
اسامه: بطلي تقولي كلام فارغ ممكن
بسمله بدلع ترفرف بعيونها: تمام قوم اعزمني ع شوب عصير قصب
اسامه : هو انتي مش عندك بيت
بسمله: اه عندي ليه
اسامه :امال ليه سيباه وقاعده في قلبي
بسمله : بقولك ايه
اسامه: ايه تاني
بسمله: وشربني فخفاخينه
اسامه قام : اسامه هيطفش منك ومن طلباتك الكتير
بسمله شدته جنبها : اقعد واتهدء بقي
اسامه انا مش هتهد الا بمشوار واحد
بسمله :ايه هو
اسامه: اخدك عند الماذون وتتأكدي وقتها انك حته مني ومقدرش استغني عنك
بسمله ابتسمت بفرحه : وانا مش هسيبك ابدا
اسامه: حتي لو كنت هعيشك في غير مستواكي
بسمله: وانا بقولك حياتي هكملها معاك انت ع اي وضع
اسامه ابتسم وقالها : هتستحملي كل ظروفي
بسمله حطت دماغه ع كتفه وقالت: اه هستحملك
#باك
بسمله مسحت دموعها الكتير ومسكت الموبيل واتصلت بمدير اعملها يتحري بدقه عن وجود اسامه ويبلغها فورا
……………..قصص منه محمد كاتب………….
زينب ببكاء وندم: انا اسفه يا اسامه وعارفه قد ايه متعصب بس غصب عني انا كنت محبطه ومش عارفه اعمل ايه ومفكرتش غير بالطريقه دي انا بجد خفت من الي هيحصلي في القاهره ومش هقدر اقول لبابا حاجه
اسامه لف وبصلها : زينب تعالي نفكر ان الي حصلنا مجرد حلم لان لو معملناش كدا انا وانتي هنتجنن
زينب وشها محمر من الإحراج : انا بجد اسفه
اسامه مسك ايدها : انا بجد تعبان من اللف عليكي طول الليل ننام شويه ونقوم نحضر شنطنا
زينب استغربت: انت قررت ترجع معايا
اسامه: ايوه مش هسيبك تواجهي المشاكل لوحدك ويحصل الي يحصل مبقتش فارقه معايا
زينب بستفسار: بس قولي انت تعرف الست دي منين
اسامه : هي انقذت حياتك رغم عدوتي
زينب بصتله مستغربه: انا مش فاهمه اي حاجه
اسامه لسه هيرد سمع موبيل الغرفه بيرن رد : الو
بسمله: استاذ اسامه
اسامه ضم حواجبه: ايوه انا مين معايا
بسمله بهدوء: انا بسمله
اسامه بحده : افندم عايزه ايه
بسمله : مراتك سابت هدومها عندي هنا ممكن تيجوا تاخدوها
اسامه: تمام جايلك حالا
………………..
بالفعل اسامه اخد بعضه ورحلها السويت واخد منها الهدوم وماشي في اتجاه الباب
بسمله وقفته بكلامها : انا عرفت مشكلتك ومستعده احلهالك بس خليك معايا
اسامه لف بصلها: ايه اللي قلتيه دلوقت
بسمله : مليون جنيه في مقابل تقعد معايا اربع ايام وانا هدفعك مقابل اخد اربع ايام من حياتك انت هنا لانك متهم بعمليه اختلاس اي نعم مش انت الي عملتها ومنصور هو الي سرق الفلوس وهرب ع اليونان وانا واثقه بل متأكده ملكش اي علاقه ولما عرفت الدين مليون قلت اكيد ده سبب ان مراتك قررت تمـ وت نفسها
اسامه بنرفزه: انتي بتلعبي معايا
بسمله ببرود: انا مش بهزر ولا بلعب مع الناس الي هيدخلوا السجن بسبب اختلاس اموال عامه والي اعرفه ان مليون هيخرجوك من معناتك مراتك كانت ع وشك الانتحار عشان الفلوس مش كده
اسامه حدف الهدوم ع اخره وقال بغضب: بسمله هانم متلعبيش بأوجاع الناس لان بس عندك شويه فلوس ده مش لايق عليكي
بسمله:هو انا عشان صاحبه اخلاق وعندي كبرياء وجايه اخرجك من الورطه الي انت فيها ولا انت عندك حل تاني ويبقي معاك مليون جنيه وتقدر ترجع بلدك من غير اي خوف
اسامه: انا قادر احل مشاكلي لوحدي
بسمله: وانا بحاول اعرض عليك حل
اسامه بنفعال: من فضلك وقفي كلامك الفارغ
بسمله حطت شيك قدامه: دي الدفعه الاولي ربع مليون والباقي تاخدهم بعد اربع ايام لو فعلا مش حابب العرض تقدر ترجع الشيك
اسامه صرخ فيها بصوت عالي مستفز : ليه بتعملي كده انتـ قام ولا عايزه مني ايه
بسمله مطت شفايفها لقدام: بصراحه مش عارفه احدد جايز لاني انقذت روح من المـ وت .او لانها صعبت عليا تخسر حياتها عشان شويه فلوس ورغم ان انا بحاول اكون لطيفه الا انك بتحاول تخرجني عن شعوري واظن عارفني انا معنديش صبر ولا طوله بال, هسيبك تفكر ساعه في العرض الساعه دلوقت 12 لو جات واحده هتظاهر اننا متكلمناش ابدا
استوب تفتكروا اسامه ممكن يوافق ع العرض
وقفنا لحد ما بسمله طلبت من اسامه يفضل معاها اربع ايام وهو وافق ورجع غرفته في الفندق لقاه زينب قاعده ومكشره
اسامه مبتسم: اشتريتي كل الي انتي عيزاه
زينب بصتله: روحت فين؟
اسامه: كنت بتمشي اخد شويه هواء اتنفس
زينب: لوحدك
اسامه توه الموضوع وقال: يله نلم حاجاتنا ونمشي عشان نلحق معاد الطياره
زينب: انت روحت عند الست دي انا شوفتك وانا راكبه الاسانسير وكنت واقف قدام بابها
اسامه: طلبت مني اروح اخد هدومك وشكلي نسيتهم هناك
زينب: وليه نسيتهم
اسامه: افندم
زينب: مالك يا اسامه انت مش طبيعي فيه ايه
اسامه: ولا حاجه
زينب: ليه بتكدب وبتتصرف بأسلوب غريب
اسامه بنرفزه وغضب صرخ فيها: هو انتي ليه مش بتصدقيني
زينب بعدت عنه وعيونها اتملت بالدموع وهو بعتذار: انا مكنش قصدي
زينب: يله نتحرك عشان المطار هيبقي زحمه
اسامه قعد ع السرير : قالت لي هتدفع المليون جنيه مقابل اقضي معاها اربع ايام وبعدها هتديني المبلغ كله
زينب بصدمه: هي الست دي مجنونه قصاد اربع ايام هتدفع مليون دي اكيد اتجننت في عقلها انا هروح ارجعولها
اسامه مسكها بسرعه من دراعها: انتي رايحه فين؟
زينب بزعيق : سبني هروح اسألها بنفسي ازاي تطلب منك الطلب ده بكل الحقاره دي
اسامه: اهدي مش لازم تتورطي في ده
زينب: هو انت مش مضايق وهي مفكرنا مش هنعمل حاجه عشان تقولك كده مفكره نفسها مين
اسامه: افتكري انها انقذت حياتك وانا الراجل الي انقذت حياه مراته وبقي جميلها دين محطوط ع كتافي
زينب : وده يديها الحق تشتريك
اسامه : هي بس تلاقيها حاسه بالملل قالت تتسلي
زينب وسعت عيوتها وبحلقت فيه بغرابه: اسامه انت بتدافع عنها وتقول ايه
اسامه : اسمعيني انا كنت متعصب اكتر منك لما سمعت الطلب الي قالته بس بعد ما فكرت لقيت الدين مليون جنيه لقيت هي عندها حق مين هيخرجنا من الورطه دي غيرها
زينب قعدت تحت رجله وسألته: ايه الي بتفكر فيه
اسامه طلع الشيك من جيبه وحطه قدامها وقال: عطتني ربع مليون دفعه اولي شايفه ممكن ارجعولها لو رفضت العرض
زينب: مش مهم لو ربع مليون ولا عشره انت عارف الي وري ده ايه بتحاول تشتريك بالمال وانت راجل متجوز هي بتحاول تسلب كرامتك
اسامه: بس انتي مراتي الي حاولتي تمـوتي نفسك عشان المال القذر عارفه وقتها انا حسيت بايه اني صغير قوي وانا بلف عليكي طول الليل
زينب مسحت دموعها بسرعه وقلتله : ايوه بس انا مكنتش في واعي وقتها وانت كمان فقدت عقلك دلوقت يله نسافر من هنا حالا لان واحد فينا هيسحب التاني للجنون قوم
اسامه برجاء: انا مش قادر اقرر ممكن تسبيني هنا عشر دقايق حتي لو خمسه كفايه
زينب شدت على قبضه ايدها بقهر :انا هنزل تحت لو مجتش هسافر لوحدي
……………………….قصص منه محمد كاتب……………………
اسامه راح خبط عليها الباب وهي راحت فتحت له وهي مبتسمة
بسمله: كويس انك جيت كان فاضل 3 دقايق والعرض ينتهي
اسامه دخل: ايه هي طلباتك
بسمله قعدت وبصتله: من اليوم ولتلاته ايام جايه انت ملكي وهتاخد كل يوم ربع مليون جنيه واليوم الرابع هيبقي معاك مليون اظن اخدت الدفعه الاولي موافق
اسامه بصلها وهز لها دماغه بالايجاب
بسمله بسعاده: تمام هيكون فيه شروط للاتفاق بسيطه اولا لا يمكن ترفض او تعترض ع اي شئ افكر فيه او اقترحه
اسامه بصلها بغيظ: قولي من الاخر انفذ وبس الي هتطلبيه بطاعه عمياء ومفتحش بؤي خالص
بسمله: ايوه ده الي عايزه اقوله بالظبط , ثانيا هتسيب اي حاجه وراك ومتسالش عنها ومفيش داعي ترد عليهم كمان
اسامه بغيظ: فيه شروط ثالته
بسمله : اخر واحد بما اني بقيت مسؤله عنك لايمكن تتكلم مكالمات خصوصيه او تخرج لوحدك ولو خالفت اي شرط فيهم اتفاقنا هينتهي وهترجع لحياتك
اسامه كشر بضيق: يعني لايمكن حتي اتصل لو مره واحده
بسمله: اتصال ايميل رسايل كله ممنوع
اسامه :حتي مع مراتي
بسمله وشها اتغير وقالت بحده: ممكن تخرج لو مش عجبك شروطي
اسامه تلفونه رن برقم زينب وبسمله بصتله ومنتظره رد فعله لكن هو فاجئها انه خرج البطاريه نهائي من موبيله ورماها ع التربيزه
بسمله اتنهدت برتياح وقامت وقفت في مكانها: جميل شايفه انك اخدت قرارك ممكن تستعمل الاوضه هناك وفيه حمام خاص عشان تكون مرتاح
اسامه : و انا مطلوب مني اعمل ايه
بسمله :تقوم ترتب هدومك الاول في الدولاب وناخد استراحه وبعدها نبدء
اسامه : انتي بقت عاده عندك تعملي اتفاقيات غريبه زي دي
بسمله: انت لسه دمك خفيف زي م انت متغيرتش يا استاذ اسمه اشوفك خلال نص ساعه
……………….قصص منه محمد كاتب……………………..
في المطار فضلت تتصل كذا مره الموبيل مغلق
زينب لنفسها: ده مجنون هو ناوي يعمل ايه
هادي ولد اتعرفت عليه زينب لما كان بيعيط وهي فضلت تهدي فيه قرب عليه بسعادها: ابله زينب
خالد نقل نظراته عليهم : هو انتم اتقابلتم قبل كده انتي وابني
زينب: ايوه من يومين كان عمال يعيط
خالد: شكلك انتي وهو علاقتكم قويه ومميزه لانه كلمني كتير عنك انتي زينب مش كده
زينب: اه انا زينب وفعلا ارتبطنا بعض
خالد: انتي مسافره
زينب: ايوه كنت منتظره جوزي وشكله مش جاي
خالد بستفهام: ليه مش مرتبين سوي
زينب بقهره: اه بس يظهر طلع عنده شغل اهم بيعمله وهيرجع بعدي
خالد: اه يعني انتم في شغل مش رحله ترفيه
زينب غيرت الموضوع ومسحت ع دماغ الولد: هادي انت مبسوط انك راجع بيتك
هادي: ده مش بيتي
خالد: انتي طالعه نفس طياره القاهره
زينب: ايوه
خالد :بس شكلك جايه من بدري هادي ممكن تطلب من مدام زينب انها تسافر معانا ع دراجتنا
هادي صقف بسعاده: ياريت
زينب هزت دماغها برفض: لا متشكره انا حابه مكاني
خالد ميل عليها بهمس: لو رفضتي مش هبقي اب كويس في عين هادي بصراحه انا بطلب منك معروف دي اول مره نسافر انا وابني ومش عارف ازاي ممكن اتعامل معاه اصل فات يومين ع وفاه والدته وانا لسه يادوب بتعرف عليه انتي معايا هتهوني المساله
زينب : عشان كدا لما قابلته من يومين كان بيعيط وعايز يمشي مكنتش اعرف انه فقد امه
خالد اكتسي وشه بحزن شديد: انا عرفت بس انها اتوفت من يومين وبصراحه رغم مرضها هي اتحملت مسؤليته بحكم ان انا عايش في القاهره مع والدتي الي متعرفش بوجود ابن ليا
زينب :وحضرتك مش ناوي تعرفها بوجوده
خالد: انا محتاج شويه وقت امي مش هتتقبل وجوده بسهوله اصل احنا عندنا مشاكل معقده في العايله
زينب :هي مشاكل الكبار حرام تظلم طفل وتدخله فيها واسفه لو كنت اتجاوزت حدودي
خالد: انتي مش غلطانه بس نا هبذل كل جهدي عشان اكون افضل اب بالنسبه له من هنا ورايح وهو اتكلم معايا بفضلك وشيف انك ممتاه في معامله الاطفال تعرفي مربيه تهتم بيه
زينب: بصراحه انا ممرضه بس واخده اجازه لظروف شخصيه
خالد :ممرضه اه مكنتش اتخيل تطلعي ممرضه طيب جوزك ع كده بيشتغل ايه في اليونان
زينب : ممكن ادخل الحمام ثواني
خالد :طبعا اتفضلي
تعريف خالد هو منافس لبسمله وعدوها اللدود وبيكرهها جدا وبيتمني لو يزيحها من طريقه
…………….قصص منه محمد كاتب……………….
اسامه بعد ما رص هدومه وغير لتي شيرت ابيض وبنطلون خفيف سمع صوت ناس كتير
اسامه فتح الباب وقرب عليها بستفسار: ايه كل الناس دي
بسمله :ابدا بحطلك مكتبك
اسامه كلمها بدون نفس: ليه
بسمله بمكر:مدير اعمالي رجع القاهره اي نعم انت مش في كفائته بس واثقه انك تقدر تساعدني في شغلي واظن اخدت في كليتك درجات عاليه في اختبار الكتابه
اسامه :يعني ده كل المطلوب اعمله
بسمله بضحكه رقيقه :امال ايه الي تخيلته فكرت هعمل معاك علاقه غرايمه مثلا دي لائحه شركات بمستشرينها ورؤسائها بص في تخصصاتهم وارباحهم وبعد كده خرج افضل خمس شركات اه وابعد اي شركه عمرها اقل من ثلاث سنوات تقدر تخلص ده ع الساعه عشره
اسامه بصلها شويه قد ايه اتغيرت وبقت عمليه باحته بس لسه متمرده ومشاغبه خلص شغله ورحلها
بسمله : اه ده معقول خلصت
اسامه : اتفضلي راجعي وشوفي
بسمله بدئت تفتح الورق وقالت : انا راضيه بالنتايج دي رغم خلصتها بسرعه بس برافو ماعدا شئ واحد
اسامه ضم حواجبه: ايه هو
بسمله بصتله: فيه شركه مش موجوده ع اللايحه رغم معروفه وارباحها ممتازه ليه مذكرتهاش
اسامه هز دماغه بهدوء: اه مفيش غلطه في الشركه ماعدا صاحبها عنده عيوب
بسمله: بس انا مش شايفه اي عيوب فيه مكتوبه في التقرير
اسامه: الراجل ده شغله في الخفاء مش مظبوط ومتورط مع عصابه في غسيل الاموال
بسمله بعدم اكترث: وايه يعني
اسامه بص لها بغيظ وقال : معقول هتشتغلي معاه باخلاقه دي
بسمله ابتسمت وقالت : استاذ اسامه فيه مثل بيقول ان لون القط مش مهم طالما يقدر يمسك الفار
اسامه نبره كلها استهزاء : اه طبعا مش مهم لو القط ابيض ولا اسود المهم عندك يمسك الفار بس الراجل ده عينه زايغه ده برضو ميهمكيش
بسمله: اكسيكوزمي المال ملوش قائد ومش مهم لو هو عينه زايغه ولا محترم
اسامه: اتغيرتي كتير ومبقاش عندك مبادئي
بسمله ابتسمت بعناد: مش هزعل وهاخد كلامك ع انه مدح . وهختار ابو عين زايغه وننهي هنا اليوم
اسامه بغيره: طبعا ما انتي اشترتيني وانا المفروض اقفل بؤي واعمل بس الي بتطلبيه مني تحطي قوانين وانا انفذ وبس
بسمله بأبتسامه كبيره: بعتلك 100 الف بره الاتفاق عشان عجبني شغلك اليوم اشوفك بكره الصبح باي
اسامه تابع طيفها وهي ماشيه وقد ايه كل خاليه فيه بتطالب برجوعها ليه هو وبس في بعدها كرهه ثلاثة اشياء غيابها.. وبعدها.. وفراقها.
استوب ونكمل ونلعب القط والفار وبسمله تكيد وتغيظ في اسامه ونشوف زينب هيبقي مصيرها ايه
- يتبع الفصل التالي اضغط على ( رواية اللقاء الثاني) اسم الرواية