رواية مملكة احفاد الطوبجي الفصل الثاني 2 - بقلم اميرة اسامه
بدأ الشباب ياكلوا وهما مستمتعين بالقاعده مع منكش اللي كان بالنسبالهم حاله غريبه من نوعها قادر يضحكهم من غير ما يضحك او يحس حتي ان اللي بيقولوا نوع من الكوميديا
قعد معاهم منكش ياكل ونسي خالص المهمه اللي كلفه بيها كرم انه يروح يوصل الاكل ويمشي علي طول عشان يسيبهم يرتاحوا
لكن المعروف عن منكش انه في عالم موازي تماما عن العالم اللي عايشين فيه كاركتر مش موجود لكن الكل بيحبه بسهوله ومن غير مجهود منه.
منكش….. اسمع بقي يا سيدي انت وهو بقي المعلم صبري ده يبقي صاحب القهوه اللي بشتغل فيها من صغري يعني محسوبكم صبي قهوجي قد الدنيا.
ياسين……بإبتسامه وهو كاتم ضحكته انعم واكرم
منكش…..الله يخليك با سيدي المهم الراجل ده هو الشهاده لله في حجات كويسه بس عيوبه تخليك تكرهه وتنسي اي حاجه حلوه بيعملها عشانك
زيد……وعملك ايه الجدع ده احكي وفضفض
منكش…..الراجل مفكر روحه شاريني تخيل حتي يوم اجازتي يفضل يبعتني مشاوير
مراد….لا ملوش حق بس العيب عليك عشان بتوافق
منكش…..ماهو بيقولك إن كان لك عند الكلب حاجه قوله يا ايه
جلال…..بضحك قوله يا سيدي
منكش….بالظبط اسمع يا سيدي
جلال…..بضحك طلاق تلاته الراجل ده بيغلط فيا
امير…..بضحك اسكت بقي ده شكله عنده ربع طاير
منكش….يعني مثلا أنهارده أجازتي
قولت بقي نصحي نروق علي روحي ننزل نجيب فطار ونرجعوا نفطروا علي رواقه كده يقوم يتصل عليا اللي ما يتسمي يقولي ما تيجي تجيبلي فطار وتعالي نفطروا سوا في القهوه
قولت يا ولا يا منكش روح متكسرش بخاطره هو شايل القهوه انهارده لوحده عشان انا اجازه واكيد مش عارف يروح يجيب فطار
داوود…..جدع جبرت بخاطره واهو تفتحوا نفس بعض
منكش…..داهيه تسد نفسه البعيد
بخ هشام من بوئه المايه وكلهم فطسوا من الضحك
زيد…..بضحك ليه بس الراجل نيته خير
منكش…..نيته شبه وشه روحت جيبت الفطار و وقفت في الفرن سنه عشان نجيب العيش سخن وروحت علي القهوه فطرنا مع بعض قولت بس انا كده عملت اللي عليا لمېت الورق ونضفت التربيزه وقولتله عايز حاجه يا معلم
قالي علي فين قولتله هنروح نستحموا ونلبس الحته اللي علي الحبل ونروحوا نضربوا بونطه في الزنقه والمنشيه ماهي اجازتي بقي ولازم نروقوا علي روحي
يقوم يقولي طب روح اعملي فنجان قهوه قبل ما تمشي اصل مبنعرفوش نشربها غير من ايدك
قاسم…..بضحك معلش بجملة الجمايل
منكش……والله يا حضرت قولت زيك كده عملت القهوه ورجعتله بيها قعد يشربها بمزاج وهو حاطت رجل علي رجل دخل علينا زباين طلبوا شي و حجرين معسل قولت يلا ياولا با منكش خد ديلك في سنانك وقول يا فكيك قبل ما تدبس
مراد…..وقولت يا فكيك
منكش……دبسني اللي ربنا ينتقم منه قاللي معلش اعملهم انت الطلبات اصل القهوه لو بردت متتشربش
وقفت نعمل الطلبات وانا بيني وبينكم مش طايق روحي ولا طايقه وشتمته في سري لما شبعت وطبعا في وسط ما انا متعصب وقع مني كوبايتين اتكسروا يقوم الجاحد الواطي يقولي مخصومين منك
طب ازاي يا جدع بتخصم مني وانا انهارده اجازتي اصلا ابدا راسه وألف سيف يتخصم مني
سالم…..بضحك وسكت
منكش…..بإبتسامه شړ ودي تيجي قولت مبدهاش خصم بخصم خد حقك يا ولا قومت رامي علي الارض شيشتين وكوبايتين مايه
كسرتهم وخدت بعضي ومشيت
زيد…..اوبااااا بس كده ركبت روحك الغلط واكيد مش هيسكتلك
منذر…..بضحك حصل ده مش بعيد يطردك يا منكش
منكش…..مين ده هو يقدر يستغني عني وبعدين المعلم صبري راجل طيب وجدع وبيحبني هنراضيه بكلمتين هينسي
امير…..بضحك يا جدع انت عندك انفصام في الشخصيه هو كويس ولا وحش
منكش …طب نصلي بينا عالنبي
الكل بضحك
اللهم صلي عليك يا نبي
منكش…..هو ليه مواقف عايزه الحړق بس هو غلبان اصل المعلم صبري ملوش عيال وبيعتبرني زي ابنه و الصراحه انا بنعتبره زي ابويا اصل انا كمان مليش أهل هو لقاني قدام القهوه عنده كنت لسه حتت لحمه حمرا ومن يومها لا انا بنقدر نستغني عنه ولا هو بيقدر يستغني عني
مراد…..طب امال واكل دماغنا ليه يا منكش ما الراجل شكله بيحبك اهو وانت باين انك بتحبه مقطع في فروته ليه بس
منكش….انا مقطع فروته محصلش ده حبيبي
بصوله كلهم وفطسوا من الضحك
جلال…..قولي يا صاحبي هو انت اصلا اسكندراني
منكش……بص لمراد شوف السؤال والنبي اهو انا مبنكرهوش في حياتي قد البني ادم الغبي
جلال…..بضحك الف شكر يا الو الصحاب
مراد…..بضحك ما انت غبي صحيح لسه بيقولك ميعرفش اهله
منكش….قوله والنبي انا فتحت عيني علي الدنيا لقيت روحي في اسكندريه يعني هي بلدي ومكاني منعرفش بقي اهلي منها ولا من محافظه تانيه المهم اني عمري ما فكرت نطلعوا منها زي السمك كده ڼموت لو خرجت منها
امير…..تسمع مني ياصاحبي شكل المعلم صبري ابوك الحقيقي ما اللي يستحملك و يعديلك كل ده اكيد من دمك
منكش……بشرود حط ايده علي دقنه ابويا المعلم صبري ممكن يكون ابويا بجد
سالم…..بضحك با جدع الله يحرقك اسكت هو ناقص دماغه تشت منه هو عقله مش موجود اصلا بقولك يا صاحبي سيبك من الواد ده بيخرف
منكش…..طب ما هو ممكن يكون ابويا بجد صحيح
مراد…..بضحك منك لله يا امير هتبوظ دماغه
زيد…..لا امير عنده حق الراجل ده ابوك يا منكش اقولك علي حاجه تخليك تتأكد
منكش….قول
زيد….بجديه الراجل ده بعد اللي عملته معاه انهارده لو روحت بطره وسامحك تتأكد انه ابوك اصل محدش هيعديلك لو غلطت الا ابوك
منكش…..تصدقوا بقي عندكم حق اصلكم مشفتوش ابام ما عملت الحاډثه وكنت بين الحياه والمۏت كان قاعد تحت رجلي مبيسبنيش وعلي طول يعيط عليا
امير…..بضحك باااااس هو ابوك اسمع مني الدن بيحن
مراد….الله يخربيتكم هتسرحوا بالواد الغلبان
ياسين…..انت عملت حاډثه ايه يا صاحبي
منكش……لا دي حكايه طويله صلي بينا عالنبي
منذر…..بضحك لا دييي قصصصصه
ياسين….اللهم صلي عليك يا نبي
منكش…..من حوالي سنه وكام شهر كده اتقلب بيا الترام والعربيات دخلت في بعض دي كانت حاډثه كبيره اوي
قاسم…..ايوه انا فاكر. والله الحوار ده انت كنت فيها
منكش…..اه انا وناس كتير اوي بس اتكتبلي عمر جديد علي ايد دكتور كرم
ياسين…..مين بقي دكتور كرم
منكش…..بصله بقرف في حد ميعرفش الدكتور كرم
ياسين…..مالك يا عم ما تروق انا معرفش مين دكتور كرم
منكش …..اللي بتاكل من الاكل بتاعه يا سيدي
ياسين…..بضحك انت بتذلني ولا ايه يا جدع انت وبعدين هو دكتور ولا معلم
منكش……تصدق بالله
ياسين…..بضحك لا اله الا الله
منكش…..انا لحد الوقت منعرفش هو مين فيهم هو طول عمره عايش معانا في المنطقه المعلم كرم الرفاعي اجدعها جزار فيكي يا اسكندريه وبقدره قادر يوم الحاډثه نعرفوا انه دكتور كبير وعنده مستشفي وليله تحس كده انك في الكاميرا الخفيه
مراد…..بضحك كرم دكتور اصلا يا ياسين الجزاره دي مهنة ابوه واجداده بس هو معتز بيها طول عمره وبينزل يشتغل عادي زيه زي أي عامل عنده
زيد…..بس غريبه الجزاره بعيده خالص عن مهنه الطب
منكش…..لا بس الهيبه حاضره تشوفه وهو شغال وبيقطع في اللحمه تحس علي طول انه دكتور
ناولني يا ابني واحدة من الجمبري اللي قصادك عمال تاكل ومش سائل في حد وانا تاعب قلبي في الحكايات
جلال…..خد يا عم الجمبري كله اهو ولا تزعل روحك بس انت اللي مبتفصلش
يوسف…..بضحك تصدقوا بالله احنا عايزين واحد زي منكش ده في حياتنا
زيد……يا جدع ما كفايه علينا جلال
جلال….والله ده احنا نعمل دويتو مع بعض يجنن وكله كوم ولو الباشا شافه كوم تاني
منذر…..بضحك لا بلاش الباشا احنا مش مستغنين عنه
قاسم….انتوا عارفين منكش يمشي مع مين اوي مع روح هي اللي هتقدر تتعامل معاه وتاخده علي قد عقله
منكش مكانش معاهم قاعد ياكل ولا هو هنا
امير…..بضحك ايييييه انت معاما ولا مع ناس تانيه
عاصم…..بضحك سيبه يا امير الراجل انهارده اجازته خليه يعيش
سالم…..انت متجوز يا منكش
منكش…..لا معندكش عروسه ليا
سالم….لو عايز تتجوز اجيبلك
منكش…..لا جواز ايه وقرف ايه الواحد عايش حياته براحته وبعدين هتجوز واجيب عيال لمين لا هيبقي عنده لا خال ولا عم نجيبه الدنيا عشان يبقي بطوله
داوود…..والله مش لازم يا منكش انت تقدر تعمله عيله كبيره البني ادم مننا هو اللي بيعمل نفسه جيت الدنيا وعندك عيله خير وبركه معندكش تقدر تعملها انت بأيدك
سالم….بغمزه بأيده بردوا
مراد….بضحك عيل ۏسخ
منكش…..ازاي بس يا باشا يجي الدنيا من غير سند
داوود….ماهي مش كل العائلات سند يا منكش في اعل زي قلتهم احسن المهم انت تكون سندهم
سالم…..استني بس يا عم داوود مش وقت عقلك ده خالص ده واحد دماغه في عالم تاني بص لمنكش وهو رافع حاجبه ولما انت يا اخويا مش عايز تتجوز بتسأل عندي عروسه ولا لا ليه
منكش….اهو بنجاريك في الكلام اصل بيني وبينك انا مبنعرفوش ناكل من غير صوت بالك انت لو قاعد لوحدي في البيت لازم نشغلوا التلفزبون علي اي حاجه عشان نفسي تتفتح
سالم…..بضحك قصدك ايه ياض يعني انت بتعاملني معاملة التلفزيون
منكش……من غير ما يبصله ناولني يا ابني السلطه اللي قدامك دي
هشام…..بضحك منكش جاي يحقق احلامه هنا
ياسين….لا ومش معانا تحس انه بيتجاهلنا
جلال….مش عايز تبلع يا ابو الصحاب
منكش…..افتحلي سفن
جلال…..بضحك سفن مش سڤن يعني افتح يا ابني كنزايه سفن لعمك منكش
علي…..والله انت مصېبه انت كمان يا جلال
خلصوا اكل وقام منكش عشان يغسل ايده دخل علي الحمام والشباب شالوا مع بعض بواقي الاكل ونضفوا المكان.
دخل مراد علي المطبخ قابل منكش في طريقه
كان منذر وزيد بيشربوا سجاير في المطبخ بعد ما شالوا الاكل معاهم
زيد…..بضحك نعيما با عم منكش ما كنت تاخد دش بالمره
منكش…..شاور علي مراد والله الباشا هو اللي اخرني جوه بقاله عشر دقايق بيحاول يفتحلي المايه شكلها قاطعه
زيد….رفع حاجبه مايه ايه اللي قاطعه ما المايه شغاله اهي
منذر…..استني بس يعني هو ده لفت نظرك في الكلام باشا ايه اللي كان بيفتحلك المايه
مراد…..بضحك احيه انا يا ابني
منكش….ايوه امال روحك بس صحيح لاحقت تغير هدومك امته وليه رجعت لبست هدومك اللي شوفتك بيها من شويه تاني
مراد…..بضحك بصلهم دي احلوت اوي
زيد…..اوبااااا هما وصلوا
منذر…..انا بقولك نمشي بكرامتنا
منكش…..انتوا بتقولوا ايه انا مش فاهم
مراد….لا انت زي الفل سيبك منهم دول مخهم مريح
خرجوا كلهم علي بره ومسك مراد الموبايل وهو خارج من المطبخ اتصل علي كرم عشان يشكره.
فتح كرم الخط ورد عليه.
كرم……يا ميروووو
مراد…..شوف يا كرم والله يا صاحبي لو فضلت اتكلم كتير مش هوفيك حقك ولا حق جدعنتك وبجد مش لاقي حاجه اقولها غير تسلم ايدك علي الأكله الحلوه دي
كرم…..ياااااراجل عيب عليك انا معملتش حاجه دي حاجه مش من مقامك انت والشباب بس قولنا نبعتلكم حاجه بسيطه لحد ما ترتاحوا وبعدين نعملوا معاكم الصح
مراد…..كل ده وحاجه بسيطه بجد تسلم ايدك يا حبيبي وتدوم الجدعنه مش جديد عليك يا ابو الكرم
كرم….ميجيش من بعد خيرك وجدعنتك يا باشا المهم يكون الاكل وصل سخن واللي ما يتسمي ده مكسفنيش معاكم
مراد…..بضحك اهو منكش ده احلي هديه وصلت مع الاكل والله يا كرم
كرم…..بضحك ابووووه عليه هو لاحق عرفكم بأسمه
مراد…..هو اسمه بس ده اسمه وتاريخ حياته والمعلم صبري اللي ما يتسمي
كرم…..بيت امك يا منكش الكلب ده شكله خد راحته علي الاخر وأنا بنقول الولا اتأخر ليه كل ده
مراد…..بضحك لا متقلقش عليه هو معانا واتغدينا سوا
كرم…..نعممممم هو لسه عندكم وكمان اتغدي ده ليلة اللي جابه مش معديه اديله الموبايل
مراد…..حرام عليك الجدع تعب معانا وبعدين الشباب حبوا اوي وبنفكر ناخده منك
كرم…..بضحك لا معلش بقي منكش ده ملكيه خاصه هو صحيح زمان ويرفع الضغط بس نعملوا ايه بنحبوا ومنقدروش نستغني عنه تقدر تقول كده ان منكش ده شړ لابد منه
مراد……بضحك والله ياريت الشړ كله زي منكش مكنش حد غلب
كرم….طب اديله كده الموبايله خلينا ننططه شويه
ضحك مراد وفتح صوت الموبايل
مراد……فتحت الاسبيكر اهو معاك يا كرم
منكش…..ايوه يا معلم دكتور كرم
ضحكوا كلهم علي اللقب اللي قاله منكش
جلال….ازاي يا جدع
كرم…..ده انا هنطين عيشتك يا منكش الكلب
منكش….ليه بس يا سيد المعلمين
كرم…..وبتسأل كمان يا بجح انت بتعمل عندك ايه ياولا كل ده هو انا مش قولنالك توصل الغدا للباشا والشباب وتشوف لو محتاجين حاجه وتتكل قعدت والقعده عجبتك واتغديت كمان معاهم ما تدخل يا ولا تفرد جسمك علي السرير بالمره
منكش…..اهو شوف علي طول ظالمني انت كده يا سيد المعلمين تسمع مني
كرم….اسمع يا اخويا
منكش…..صلي بينا عالنبي
ضحكوا كلهم وكانوا فاصلين من الضحك
كرم……اللهم صلي عليك يا نبي
منكش…..انا وصلت الاكل وعملت اللي قولت عليه قوم ايه بقي
كرم…..ايوه ياروح امك
منكش…..البشوات مسكوا فيا وراسهم والف سيف ادخل اتغدي معاهم
جلال…..بضحك محصلش يا دكتور الولا ده بيصيع عليك
كرم….بضحك عارف من غير ما تقول يا صاحبي ده واطي
منكش…..بهمس مسموع بتبيعني وتسلمني كده علي طول من اول ما دخلت وانا لا موأخذه مش طايقك
جلال….بضحك ليه بس يا جدع ده انا حبيتك حتي
كرم….أسمع ياولا تقوم تتكل علي الله وتسيبهم يرتاحوا الجماعه جايين من سفر ياللي معندكش ډم ودين محمد لو ما نزلت الوقت لا هنيجوا نعلقوك علي باب الشارع
منكش…..لا وعلي ايه انا اصلا كنت نازل بس لا مواخذه يعني البشاوات شكلهم بيحبوا الرغي والكلام الكتير من وقت ما دخلت وهما هاتك با حكايات وانا بصريح العباره محبتش نحرجوهم
مراد…..بضحك اه يا كلب السرايا احنا اللي بنرغي يا ولا
سالم…..بضحك ياجدع ده انت من وقت ما دخلت وانت عمال صلوا بينا عالنبي وهاتك يا رغي
كرم…..بضحك متتعبوش روحكم معاه ده ناقص وانا حافظه كويس
منكش….اهو شوفت انت كمان عملت زيهم عمال ترغي ومش عارف ننزل
كرم…..طب انزل يلا وحسابك معايا لما ترجع يا منكش وخد بالك هنقول للمعلم صبري انك رايح تجرسه مع الجماعه
منكش….لا اوعي عايز تقسي ابويا عليا
كرم….ابوك الوقت بقي ابوك
منكش….ايوه اسكت مش طلع ابويا الجقيقي لما نيجي نحكولك بقي القصه
كرم…..بضحك طب يلا يا اخرة صبري انزل.
قفل مراد الاسبيكر وهو بيضحك
مراد….ايوه يا كرم الواد امير ابني سوحوا وقاله ان المعلم صبري يبقي ابوك
كرم……لا فيه الخير بيحب المقالب زي ابوه انت عارف هيفضل قافش في القصه دي سنه قدام و هيجرس الراجل الغلبان
مراد…..بضحك لا ما هو شكله صدق متقلقش بس والله غلبان وحبيته والشباب هنا مصدقوا مسكوا فيه وحبوا اوي
كرم…..منكش ده الحاجه الحلوه اللي في حياتنا والله يا مراد غلبان ودمه خفيف بس عقله اخف بعيد عنك
مراد….لا ما هو واضح ده عايش في عالم تاني المهم مش هشوفك ولا هتعمل فيها اب ومشغول والجو ده
كرم…..يا باشا انا بس سايبكم ترتاحوا وتبقوا علي وضعكم كده واكيد هنشوفكم انتوا قاعدين قد ايه
مراد…..يعني سكة خمس ايام كده
كرم…..طيب حلو اوي وانا معاكم وهنعيشكم احلي خمس ايام هنسيبكم بس ترتاحوا انهارده من السفر ومن بكره هتلاقوني رجلي علي رجلكم
مراد……واوعي تنسي منكش
كرم…..بضحك متقلقش هنجيبهولكم معايا بس متبقوش ترجعوا تشتكوا واعتبرني يا عم اجازه من بكره لحد ما ترجعوا علي القاهره
مراد….انا صحيح عايز اشوفك واقعد معاك كتير بس مش عايزين نعطلك عن شغلك
كرم…..عطلة ايه بس وبعدين بيني وبينك انا محتاج افصل كام يوم
مراد….خلاص يا صاحبي هنستناك عشان نصيع سوا
كرم….بضحك نصيع مره واحده طب والحكومه
مراد…..بضحك الحكومه بتاعتي في القاهره الدور والباقي علي الحكومه بتاعتك
كرم…..لو كده يبقي طوب الارض هيجرسني وهنتعلقوا يا صاحبي
مراد…..بضحك لا وانا ميرضنيش كله الا الحكومه
كرم…..بإبتسامه جميله سيبها علي الله ومتقلقش يلا يا حبيبي هسيبك ترتاح
مراد……ماشي يا كرم منكش نزل صحيح خلاص براحه عليه بقي والنبي
كرم….متقلقش ده حبيبي بنقولك ايه صحيح
مراد….قول
كرم…..بضحك اخبار الشقه ايه
مراد…..بضحك استني خليك معايا دخل كرم علي البلكونه
كرم….معاك.
مراد…..بص هو من وقت ما جينا الدنيا تمام بس منكش وهو بيغسل ايده مصمم اني كنت معاه بحاول افتحله المايه وبيقولي بس انت لحقت تغير امته
كرم…..بضحك احيه انتوا كده في السليم
مراد…..بقولك هي الدنيا حنينه ولا فيها اذيه
كرم….عيب عليك كله في الحنين لو فيها اذي مكنتش هنوديك بس خد بالك من الشباب احسن يكون قلبهم ضعيف
مراد…..بضحك اطمن كلهم قلبهم ضعيف وشكلي كده هنجيبهم واحد واحد المستشفي عندك
كرم….بضحك لعد الشړ يا جدع انا مش عارف جبت الشړ ده كله منين
مراد…..خلينا نضحك ونربيهم شويه
كرم……يلا. حله سعيده عليكم كلكم يارب
مراد….حبيبي يا ابو الكرم
كرم….اي حاجه تحتاجها انا موجود والولا منكش موجود والشباب عندي كلهم موجودين
مراد….عارف من غير ما تقول يا صاحبي متحرمش منك
كرم….يلا هنسيبك الوقت ترتاح وبكره من النجمه هتلاقيني بنخبطوا عليكم
مراد….في انتظارك يا غالي
كرم….سلام يا ميرو
مراد…..سلام يا حبيبي.
- يتبع الفصل التالي اضغط على (مملكة احفاد الطوبجي) اسم الرواية