رواية حلم الليالي الفصل الثاني 2 - بقلم هاجر عبد الحليم
رواية حلم الليالي الحلقة 2
نظرت مروة لعيونه بخوف شديد بلعت ريقها بتوجس هي لأول مرة تراه قريبا منها بهذا الشكل عيونه تتواصل معها كأنها فريسة ويريد الفتك بها ترى ما الغلطة التي ارتكبتها بحقه
عبدالله..قوليلي يامروة هو انا ف مرة قولت كلمة زعلتك مني حتى لو بدون قصد؟ من ساعة م جيتي ع الدنيا دي وانا شايفك مسؤلة مني وف حمايتي اي حد يفكر بس يبصلك نظرة متعجبنيش ع طول كنت بوديه ورا الشمس واني اسمي عليه دا مستحيل وعدت نفسي اني ابقى مصدر سعادة لحياتك واحاول البي كل طلباتك وافهمك واراعيكي واخد بالي منك واسمعك كنت ابوكي يامروة ابوكي فاهمة يعني اي؟ انتي واخدة حتة من قلبي ومعزتك غالية يبقي ازاي تسمحي لصحبتك تتجرا وتاخد قرار انك تبعدي وعايزة تروحي فين ها ردي عليا؟ اذ كان من ضمن اسبابي اللي خلوني اتجوزك مبقاش قاعدين ونبقى ضحية لكلام الناس اقوم بكل سهولة كدا اورديكي ف بيتها عند اخوها اللي معجب بيكي وعايز يتجوزك!! معععععجب بمرااااااااتي !!
مروة بعياط.ارجوك بلاش صوت عالي مش بحبه وبيوجعلي قلبي مش بستحمل وجعه ياعبدالله عشان خاطري براحة
عبدالله زفر بتعب وابتعد عنها وربت ع يدها محاولا بث الأمان لها ف مهما كان ستظل صغيرته ولا يريد ان يمسها بأي سوء
عبدالله.اسمعي يامروة انتي اختي وبنتي لكن مش هقبل انه صحبتك تجيب سيرة راجل تاني وانتي ع ذمتي
مروة.انت غريب لي كدا؟ م انت اللي وفقت من الاول انا مش فاهمة اي التناقض دا؟ لو عايزني معاك ف انا اهو متحركتش من مكاني وع فكرة انا ليا حق كبير بس انا متنازلة عنه لأنك ف الاصل موعدتنيش بأي مشاعر وكنت صريح وانا وانت صعب يتولد جوة قلوبنا مشاعر من يوم وليلة بس اللي بيني وبينك اكبر بكتير من مجرد اتنين بيحبو بعض لا انت اعز صديق عندي في بينا مودة واحترام ودا اللي يهمني وبعدين مش اتفقنا لو لقيت شخص كويس هتطلقني
عبدالله.ايوة قولت كدا بس انا مش هديكي لأي حد مش المفروض الأب ياخد بالو وهو بيختار عريس لبنته عشان هو دا الشخص اللي هتكمل حياتها بقيت عمرها معاه دي مسؤلية عليا مش عايز ييجي يوم وتندمي ع اختيارك لكني ف الأصل مش رافض المبدا بالعكس مرحب بيه عشان انا كمان اعرف اشوف حياتي بس ساعديني شوية
مروة.انت اللي بعيد عني ياعبدالله كأني عدوتك او انك خايف تقرب افتكر انك بتحبني بس لا اطمن لو حصل اي انا استحالة احبك
عبدالله شعر ب اهانة كبيرة ف رجولته امرأته وحلاله ترفضه هو لا يحبها ولكن الضيق تسلب اليه كأعصار ناري لا يعرف كيف اخماده ولكن حاول خلق جو من المرح بينه وبين صغيرته
عبدالله ضربها بخفة ع راسها وقال بمرح..انتي تطولي اصلا يابنتي دا البنات كلها تتمني بس نظرة مني بس مش عايز
مروة.طبعا عشان حبيية القلب مش كدا؟
لمس خدودها وقرصها بخفة
يختي حبيبي غيران ياناس.اه بخدودك اللي عايزة تتاكل دي
مروة بعدت عنه بقرف مصطنع تخفي به رفرفة قلبها بقربه ف هو منذ زمن لم يمازحها
مروة.ايدك بقا ابعد عني هتخلي حدودي تحمر كدا المهم انت من عينك عايز تقولي حاجة ف اي؟
عبدالله.بتفهميني بسرعة انتي؟
مروة بسخرية.طبعا مش ابويا
عبدالله.انا هتجوز شهد قريب يامروة
مروة بفرحة..الف مبروك ربنا يتتملك بخير
عبدالله بتوجس.بس هي ليها شرط
مروة بأبتسامة هادية.اني ابعد عنك مش كدا؟
عبدالله.مش بالظبط هي عايزة نقطع كلام كأننا اغراب قصدي تبقى بنت خالتي بس كلام بحدود اوي عشان مشاعرها وانتي فاهمة هي مش بتهون عليا صدقيني يامروة شهد بالنسبالي كنز كبير طالع عيني ف الشغل عشان تبقى حلالي بأسرع وقت وم صدقت خلصت الشقة عايز ارتاح وانام وهي ف حضني
مروة.في اي ياعم هاني شاكر انت؟ بقا انت عبدالله لا استرجل كداا مش صح عشان السمعة شكلك هتوطي راسنا بجد ولا اي؟
عبدالله بمرح.عيب عليكي اخوكي جامد ويشرف اي حد
مروة.هنشوف الخبر بفلوس المهم بقا يلا روح قولها انك موافق وحدد معاد كتب الكتاب خليني افرح بيك بقا
عبدالله اقترب منها وقبل راسها بحنان اخوي خالص لها وحدها
اغلقت عيونها بوجع خفي ف القلب يصرخ رافض الواقع ولكن عليها الصمود لأجل صديق طفولتها وابيها الغالي هي فقط تريد سعادته
ابتعد عنها وقبل كف يدها ناظر لها ب امتنان وخرج يحادث شهد يخبرها بكل شيء ويحدد معها ميعاد مناسب لكي يتقدم لها ويكتب الكتاب لكي تشرف بيته اخيرا وتصبح عروسته وحلاله
مروة زفرت بعنف مرات عديدة شهيق زفير بسرعة لا نعلم عددها من فرط العصبية والدموع الحبيسة عرفت طريقها لوجهها
ااااااااااااااااااااااااااااه
صرخة مكتومة ليس لها صوت ولكن كبرت روحها اعوام واصبحت عجوز شاحبة اللون مجعدة الوجه تعيش ف ظلام ولكنها تريد النور اين الوجهة اين السكينة والراحة؟ تمنت لو تلقي بنفسها بين احضان زوجها وتخبره انها تحبه وتعشقه ولا تريد اخري بحياته
زوج! اي زوج انتي فقط اخت له وسوف تخرجي من حياته ف القريب العاقل ف صبرا
رمت نفسها ع السرير كاتمة صوت شقهات عنيفة لكي لا يسمعها احد
ياااااارب يااااااارب الصبررر ياااااارب قلبي واجعني اوووي ياااااااااااارب ارحمنييبيي
شهد..مش عارفة لي مش مصدقاك؟
عبدالله..ردها بجد ريحني كانت متفهمة الموضوع جدا وتحسي كلامها انها مش زوجة يعني انا مهمهاش اصلا
شهد.بس انا خايفة نكون ظلمناها وبعدين ثواني انت متضايق لي يعني تكونش عايزها تترمي تحت رجيلك ولا اي؟
عبدالله.لا مش عايزها تترمي عليا انا عايز كرامتها متصانة ياشهد واهي اختصرت عليا الطريق بصي احنا مظلمنهاش والله يعلم ربنا نيتي اي ليها
شهد.لا اطمن انا بنفسي هدورلها ع عريس ويبقي مسؤلية وحلت من عليك
عبدالله..فكرة العرسان دي صعبة عشان مش معقولة راجل هيروح يتقدم لوحدة من جوزها يعني محصلتش قبل كدا دي
شهد بغيرة.متقولش جوزها بس عشان هي مش مراتك وبعدين هي اللي خطفتك مني مش انا
عبدالله..افهميني ياحبيتي خليكو صحاب مش ضراير تمام عشان هي ف الاصل بنتي ها بنتي يارب نفهم وبلاش نتكلم ف الموضوع دا كتير وخلينا ف اللي مكلمك عشانه حدديلي معاد مع والدك عشان جاي نتفق ع ميعاد كتب الكتاب ومتقلقيش كل حاجة جاهزة ومستعد لأي طلب من ابوكي وهنفذه الغالي للغالي ياشهد حياتي ياااارب اوعدني بيها يارب انا ع اخري
شهد ضحكت بكسوف وقالت..بحبك اوي ياعبدالله
عبدالله..وانا بحبك اوي ربنا يباركلي فيكي ياحبيتي شهد امي ياشهد
شهد بسرعة..من غير م تقول ياعبدالله والدتك ف عنيا واشيلها فوق راسي اطمن عليها مش هقصر معاها وهكون ليها الابنة اللي عايزاها امانتك هصونها لأخر نفس ف عمري
عبدالله.كدا اطمنت يبقي ع بركة الله
ف اوضة سعاد
سعاد..كفايا يامروة يابنتي معدتش قادرة احط حاجة ف بقي تاني
مروة. معلش ياخالتي اخر معلقة عشان الدوا
سعاد..مالك يابت؟
مروة.يعني مش عارفة مالي ياخالتي
سعاد..سامحيني يامروة
مروة..بالله عليكي انا م حمل كلام كفايا اللي انتي فيه والله مسامحاكي ومش هلومك انتي كنتي بتحميني يعني هبقى مبسوطة لو رميتيني برة ف ااشارع الكلام تنهش فيا يعني؟
سعاد بخضة..ياندامتي! انا اعمل فيكي كدا يابنتي ولما اختي تسالني عليكي هقولها اي بس؟
مروة.والله عداكي العيب معايا ياخالتي
لحظات صمت مرت عليهم قطعتها مروة
انا عايزة اطلق ياخالتي وارجوكي وافقي انا معدتش قادرة استحمل اكتر من كدا
ف اوضة مروة
مروة.لا يعني لا
اروي..والله بيحبك وشاريكي بطل غباء صدقيني مفيش احن من قلبه
مروة.مقولتش انه عندو عيب بس انا مش مهيأة نفسيا خالص انا بحب عبدالله حتى لو هيتجوز صعب جدا اعيش مع راجل وقلبي مع غيرو هحس اني خاينة واخوكي طيب وابن حلال اديلو واحدة تحبه انا معنديش حاجة ادهاله
اروي.طب خالتك قالتلك اي لما قولتلها ع الطلاق
مروة..زعقت فيا وقالتلي لما اموت ابقي اطلقي لكن طول منا عايش انتي مرات عبدالله حتى لو عبدالله اتجوز انتي اللي تخصيني مش هي بس دا ظلم ليها بردو مش يمكن تطلع كويسة وبنت حلال وتحبها اكتر مني كمان
اروي..اسكتي يامروة اسكتي انتي اي هتتقطيني هو في كدا ياناس انتي يابت مخلوقة من اي؟
مروة.اعمل اي بس بعيش مش بدل م اموت
اروي.بعد الشر عليكي متقوليش كدا ازعل منك ربنا يريح قلبك ياحبيتي تستاهلي كل خير انا مش فاهمة هو الواد دا حجش كدا لي ازاي مش شايف حبك دا؟
مروة.بتعامل معاه بوش تاني خالص هو فاكر اني رافضاه اصلا بس احسن ع الأقل كرامتي محفوظة حتى بيني وبين نفسي ميجيش ليا احساس اني بشحت الحب منه
اروي..هييجي عليكي وقت وهتنفجري ف وش الكل صدقيني
مروة.الله اعلم هنستحمل لحد فين؟
ف اوضة سعاد
عبدالله.مروة اديتلك الدواء ولا لسة؟
سعاد..اطمن يبني
عبدالله. تمام جدا.نا رايح عايزة حاجة؟
سعاد.عريس ياحبيبي حساك اول مرة بتتجوز
عبدالله.م دي اول مرة فعلا ياما مقولتيش حاجة جديدة يعني المهم انا قولت لمروة تظبط الدنيا عشان هتيجي معايا اي رايك؟
سعاد.لا يبني اجي معاك فين انت مش شايف حالتي ارجوك ياعبدالله بلاش تحسسني بعجزي ومش هستحمل نظراتهم انت روح مع صحبك واتفقو ع كل حاجة واللي تقولو انا هأمن عليه
قبل يدها وقال
ادعيلي ياما نفسي افرح
سعاد بقلة حيلة.ربنا يتتملك ع خير يبني
ف الصالة
عبدالله كان ع وشك الخروج لمس مقبض الباب ولكن سمع همس كعصور يغرد اسمه بشجن وحزن
•تابع الفصل التالي "رواية حلم الليالي" اضغط على اسم الرواية