رواية اللقاء الثاني الفصل الثلاثون 30 - بقلم منة محمد
(((بحبك بكل الحنان اللي فيكي واحبك بكل الجنون اللي فيا)))
اتصل بيه يقابله لكن اختار مكان غريب فوق الكوبري وبالفعل مترددش ثانيه وراح وقرب عليه
خالد بصله بأبتسامه وقال: مش غريبه اننا منتقابلش في مكاتبنا
اسامه بادله نفس الابتسامه: وانا مبسوط ع الاقل هشم شويه هواء نقي وبعديها احس بالانتعاش والراحه
خالد :انت هتعرض الشركه التابعه لحورس وشركاؤه للبيع
اسامه :بتفكر في الموضوع زياده
خالد: خليني اشتريها وانا هبقي سخي واكرمك مش الصفقات دايما تتعلق بالمكسب او الخساره ولازم وقتها تركن مشاعرك الشخصيه ع جنب!
اسامة: انا شايف ان انت الي اعلنت الحرب عشان تسيطر بسبب مشاعرك الشخصيه
خالد بضحكه: انت شايف كده
اسامه: انت عملت كل حاجه عشان تدوس ع بسمله لانها رفضتك وبتنتقم من غيرتك واتحولت لدميه حجر عديمه الفايده مش كده
خالد بحقد :فين بسمله في اروبا ولا الولايات المتحده
اسامه بهدوء: هترجع لما يجي الوقت المناسب
خالد :انتم الاتنين عمركم ما انفصلتوا عن بعض ثانيه اصل لايمكن بسمله تحط الاكس ع راس شركتها دي استحالة للاسف زينب ظنها هيخيب واضح انها لسه بتحبك وعندها امل ترجعلها
اسامه: سواء انت ولا انا ملناش اي حق نتكلم عن زينب واخر حاجه ممكن اعملها لزينب هو اني اخرجك من حياتها عشان تقدر تعيش مع انسان تحبه
خالد بثقه وغرور: متحاولش بشكل كبير شركه حورس هتقع تحت ايدي في النهايه
اسامه : كدا يبقي مع السلامه
…………قصص منه محمد كاتب…………….
في المستفي
اسامه دخل عدلها الحامل وقعد ومسك ايدها: حبيبتي حليت المشكله الاكبر للشركه حتي بعد ما عرفت انها مش الاخيره هتيجي مشكله غيرها بس حبيبت اطمنك المجهود الي عملناه يعتبر انجاز في ازاله المشكله انتي لازم تشكريني وتبوسيني لما ترجعي لوعيك سامعه
اسامه من كتر الارهاق وعدم النوم عشان ينقذ الشركه كان نفسه يحط دماغه وينام لحد ما هي فتحت عينها ببطئ وبصتله وبلعت ريقها وندهت عليه: اسامه( اتكت ع ايده بوهن) اسامه انا صحيت
اسامه رفع دماغه بعيون مزغلله : بسمله انتي كويسه انتي سمعتي صوتي
بسمله : ايوه سمعتك كويس وشيفاك كمان فضلت اد ايه نايمه
اسامه: كتير جدا لدرجه خلتيني اقلق واخاف
بسمله: العمليه اخبارها ايه
اسامه: نجحت
بسمله: الحمد لله نجحت
اسامه: متقلقيش وكانت سهله وناجحه
بسمله: كنت سامعه صوتك جنبي حتي لو كانه بعيد وعارفه انك نجحت وانقذت شركتنا وهشكرك وهبوسك لما اقوم , وبقولك شكرا يا حبيبي انك كنت مستنيني
اسامة: شكرا ليكي انك رجعتيلي تاني شدي حيلك وخلفلنا ولاد كتير انا عايز بنات وكلهم شبهك
………..Menna Mohamed……….
بعد ايام من الاحداث في الجنينه
اسامه اخدها ع كرسي متحرك وقعد قدامها ع الكرسي الخشب
اسامه: شركه حورس تحت امر المحكمه والقضاء لكن لحد ما تتحل المشكله ممكن نكمل في الشركات التابعه من غير ما نبيعها طبعا خالد هيتقهر ويطق غيظ
بسمله: اسامه بص لفوق للسماء مش حلوه
اسامه : اه حلوه مش الاهم نركز ع تحسين الخطه الماليه
بسمله: ليه شايفه كأن فيها فراشات ولا انا بيستهيئلي
اسامه ابتسم: عايزني اوقف كلام عن احوال الشركة
بسمله بصتله: لا كمل كنت بتقول ايه
اسامه: هقولك بعدين
الممرضه قربت عليهم: محتاجه اي مساعده يا مدام بسمله
بسمله بصتلها بغيظ وقالت: لاء شكرا لو احتاجت هطلب من الدكتوره اسراء
الممرضه: تمام وحضرتك يا استاذ اسامه تحب ابعتلك قهوه ولا عصير
اسامه بجديه: لا متشكر
الممرضه: تمام عن اذنكم
بسمله كشرت وقرصته في دراعه بغيظ : روحلها ياحبيبي اشبع بيها خدوا راحتكم ومتنساش تتجوزها
اسامه بصلها بتعجب : هي مين
بسمله: الملزقه الي كل شويه تدخلي بحجه المساعده وهي عينها هتطلع عليك
اسامه ابتسم : بجد هي عينها هتطلع عليا ولا اخدت بالي
بسمله بنرفزه :اسامه متعصبنيش
اسامه : غيره المراه دمار
بسمله كشرت بزعل :كده طيب انا هبطل اغير عليك وهبطل ازعل لما تتكلم مع غيري روح اعمل الي انت عايزه
اسامه رفع حاجبه بضحكه وشد خدودها : ده انا مبسوط انك بتفضلي تغيري عليا بس عارفه لو تقللي من الغيره الاوفر شويه
بسمله مدت البوز وكشرت : اعمل ايه انا طفله غيوره جدا ع الراجل الي معايا بشبط فيه ومحبش غيري تكلمه او حتي تبصله
اسامه: ده انتي كده هتعزليني عن العالم كده هتبقي خنقه
بسمله: مش خنقه هو انا مش بسيبك تتكلم مع الناس كدا عادي وتتعامل معاهم
اسامه : لاء عاقله
بسمله: بس الملزقين لاء
اسامه مسك ايدها وقال : وانتي عندي كل الناس العالم كله مش مهم بستثائك انت معندكيش فكره انا بحبك قد ايه
بسمله : حتي بعد حالتي دي
اسامه: مالها حالتك انتي حلوه وزي القمر
بسمله: بجد شايفني لسه حلوه
اسامه: امال بس قلبك وعقلك لسه صغيرين
بسمله ضربته في ايده بغيظ: لو خايف ع عمرك اهرب
اسامه ضحك : اهرب اروح ع فين
بسمله :روح في اي حته قبل ما اقتلك
اسامه ضمها لحضنه وهو بيضحك:ياختي حلوه وانتي مجرمه وشريره
بسمله ابتسمت : بجد رخم
اسامه مسك دقنها: ايوه ابتسمي كده ع طول ده العمر لحظه
بسمله بتضرب بيعينها لمحت زينب بتراقبهم من وري شجره وبعدها اتحركت
………………Menna Mohamed…………..
في الغرفه
اسراء خبطت ودخلت: فين اسامه
بسمله بأبتسامه: راح للشركه يشتغل بدالي
اسراء قعدت قدامها: احسن ريحك
بسمله: ليه
اسراء: عشان سمعت ان شركتك بتمر بوضع صعب وانا كنت قلقانه من انك اول ما تقومي تجري ع الشغل
بسمله: لا اطمني انا كمريضتك هنفذ واجبي
اسراء: انتي لازم تتابعي حالتك هنا بستمرار قلت لي الفيلا الي هتقعدي فيها فين
بسمله : بعيد شويه عن هنا فيها هواء نقي وعليل وهدوء وسلام
اسراء :انا متأكده انك هتتحسني هناك عن وجودك في المستشفي بخصوص كلامنا عن ده انتي محتاجه ممرضه معاكي
بسمله: ليه اسامة هيكون معايا وكادي كمان
اسراء :يا حبيبتي عارفه بس انتي محتاجه حد يتابع معاكي طول الوقت ويكون فاهم في العلاج
بسمله: اسراء
اسراء :نعم
بسمله: ممكن تبعتي انتي الممرضه بالنيابه عني
اسراء :عايزه مين
بسمله : زينب
…………..قصص منه محمد كاتب………………
في كافيه
مؤمن بعصبيه: ايه كان بيبوس طليقته
شيكا لف حواليه : مفيش داعي تعلي صوتك واهدء احنا حوالينا ناس غيرنا في المكان
مؤمن: هتبقي هادي لو كنت مكاني ده سافل ازاي قدر يخون اختي مع مراته السابقه كنت عارف انه لعبي يعني الامر ده مش جديد عليه
مؤمن: لانه واحد مفيش منه منفعه ولا هدف من انه يعيش في الدنيا دي معانا وانت ازاي قدرت تخبي عني الموضوع ده لو كنت فعلا اخويا وصحبي ولا خالد عطاك رشوه
شيكا:مؤمن ازاي قدرت تقولي كده ها اختك هي الي طلبت مني مقلكش انا بس قلت لك بسبب صحوبيتنا والاخوه وبما انك هتفضلي تلومني معندكش اي فكره انا كنت بمر بايه في الوقت ده من يوم ما اتجوزت زينب كنت اتمني انه يتغير ويتعدل وتبقي هي الست الوحيده في حياته مكنتش اعرف ان اختك هتطلب الطلاق وتقطع علاقتها بيه
مؤمن :وبعد كل الي عمله فيها لسه عنده الجرئه يدور عليها تاني
شيكا ضم حواجبه: مين
مؤمن : شيكا انا عايز اخد حقها من خالد
شيكا: لو عايز ترجع حقها منه اسف اقولك هتتقطع لـ اشلاء صغيره انت متعرفش مين خالد وايه الي ممكن يعمله
مؤمن : وللسبب ده محتاج تساعدني
شيكا: لا خرجني بره الموضوع ده خالص
مؤمن بعصبيه مفرطه :عايز اختي تفضل تعاني بسبب الحيوان القذر ده النوع الي زيه مش هيسلم الا لما ياخد الي عايزه
شيكا هز دماغه برفض: لاء طلعني يامؤمن من الحوار ده
…………Menna Mohamed…………..
في غرفه المشفي بيلملها هدومها جوه الشنطه
بسمله قاعده ع السرير: عايزه كادي تجب لي هدوم تقيله شويه اليومين دول برد
اسامه ماسك الهدوم بس سرحان في عالم تاني
بسمله: اسامه
اسامه انتبه: نعم
بسمله:فيه حاجه قلقاك
اسامه: الحاجه الوحيده الي قلقان عشانها هو انك تخفي بسرعه
بسمله: انا اسفه ارهقتك معايا
اسامه قعد وابتسملها: لو كنتي اسفه تبقي تتحسني بسرعه وتفكري بأيجابيه مش عايزين طاقه سلبيه ورحمه امك وانا هراقبك
بسمله ضحكت :هكون في مشكله كبيره لو مرضت بس حاضر هخف بسرعه بالمناسبه وشي واضح عليه التعب صح
اسامه :مين قال كده انتي لسه جميله
بسمله: قادره اكشفك لما بتكدب
اسامه :بس انا بقول الحقيقه
بسمله: مش مهم كم الالم والتعب الي بمر فيهم كل الي يهمني اخلف اطفال منك واقرفك بالعيال
اسامه :وعشان ده يحصل مطلوب منك تتحسني بسرعه حياتي وبعدين انا قلت لك ايه اكتر من ميه مرة
بسمله مسكت ايده وبهدوء : اتعامل مع المشاكل كل واحده في وقتها
اسامه :وايه كمان
بسمله :متفكريش في المشكله لوحدك شاركيني معاكي
اسامة: لو عملتي النصايح دي كل حاجه هتكون تمام ثقي فيا
بسمله مسكت وشه بين ايديها :هثق
اسامه :بحبك
بسمله :بحبك
…………..قصص منه محمد كاتب……………
طالع مستعجل لقاها داخله عليه
خالد اتنرفز: هو انتي بتتعاملي زي ما يكون بيتك جوه مكتبي
انغام قربت منه: الحق عليا اني فكرت اجيلك الاول ونتكلم شويه
خالد بص في ساعته وقال :عندي سبع دقايق بس مفيش ثانيه زياده فانجزي
انغام بتتحرك تقعد مسكها :هو انتي لسه هتقعدي بقولك معنديش وقت
انغام: خالد انت اعلنت انك فشلت تاخد الشركات التابعه لحورس صح
خالد بعصبيه: مين الغبي الي قالك اني فشلت
انغام: ازاي هتشتري لو البايع رافض اصلا يبيع
خالد :انا هجبرهم يبيعوا مفكراني مقدرش اعمل كده
انغام :يعني انت ناوي تستخدم اساليبك بس صدقني المره دي هتتأذي من الامر انت كمان
خالد بنفعال: انتي جايه تضايقيني هنا ودلوقت
انغام: قلت لك مره انا حليفه ليك ياخالد واعتبرني هنا بديلك نصيحه عشان بجد خايفه عليك وع المول بتاعي
خالد :ونصيحتك هتترمي في الزباله امشي يله
انغام :خالد استني
خالد بغضب: هو انتي بارده ليه كده مصممه تستفزيني في الوقت ده
انغام :ممكن تهدي
خالد :اهدي ليه
انغام صرخت فيه: انت حصلك ايه كنت راجل ذكي جدا وواثق من نفسك طول حياتك بالشكل ده هتخلي العالم يتقلب ضدك وزينب اكيد مشت لانها زهقت وتعبت منك
خالد: ليه بتذكري اسمها دلوقت
انغام :الي بتحسه ناحيتها مش حب هو هوسك
خالد :يعني مصممه انك تزعجيني هو ده الحب من وجهه نظرك
انغام :اخر واحده واقفه معاك هي انا بلاش تتجاهل نصيحتي
خالد :فاتوا السبع دقايق يله مع السلامه
…………………Menna Mohamed………………
في عربيه واقفه قدام فيلا التجمع فيها مؤمن وشيكا بيصور البودي جارد وهما بيخرجه شنط كبيره من شنطه العربيه
مؤمن: اكيد دي شنط فلوس الرشوه
شيكا بيصور وقاله : اكيد هيكون ايه غير كده
مؤمن اتك ع اسنانه بغيظ : انا هنهيك يا خالد
شيكا : ده لو خرجنا عايشين من هنا
اثناء كلامهم فيه واحد من البودي جارد خبط جامد ع الشباك
شيكا :مين انت
الراجل خطف الكاميرا من ايد شيكا الي صرخ فيه: دي بتاعتي انت ليه اخدتها مؤمن اعمل حاجه
مؤمن خاف عليهم وحرك العربيه ومشي في نفس الوقت مدير اعمال بسمله القديم كان بيسجل لخالد وهو بيتفق ع الرشاوي وازاي بيها يستحوز ع شركه بسمله وشركائها وسلمه لـ اسامه
اسامه سمع التجيل وقاله بشكرك ع تعاونك معايا
مدير اعمال بسمله: انا هسيب الشغل مع خالد حتي لو مكنتش طلبت مني لان ضميري صحي مبقتش انام كويس من اليوم الي سيبت فيه المديره بسمله
اسامه: متقلقش بالتسجيل ده هتكون صلحت غلطتك لما نقضي ع امبراطوريه خالد انا هبلغ عنه
مدير اعمال بسمله : المديره عامله ايه لسه في اروبا
اسامه :هي راجعه قريب
مدير اعمال بسمله: قلت لها في مره بعلاقتها بيك بلاش تقابلوا بعض بس عرفت اني كنت غلطان مديرتنا ست قويه جدا بس كانت وحيده رجاء احميها عشان متحسش انها وحيده او ضعيفه بعد كده
اسامه بصله : انا بحميها لانها حبيبتي ومراتي وكل حاجه ليا في الدنيا اطمن متقلقش
……………….قصص منه محمد كاتب………………………
زينب كانت وصلت مع السواق فيلا كبيره جدا ومنظرها يخطف القلب قبل العين لحد ما ظهرت بسمله قدامها وزينب زي مايكون حصلها صدمه
بسمله شكرا جدا انك جيتي
زينب انتي زايده ازي فيها (للسواق) لو سمحت رجع شنطتي للعربيه حالا
بسله للسواق روح انت
زينب سابتها وراحت تسحب الشنطه عشان تمشي
بسمله :الممرضه مش بتختار المريضه ولا انا غلطانه
زينب :وانا فيه الف واحده غيري ممكن تقبل تمرضك احسن مني اما انا لاء
بسمله :ممكن تعمليلي انت ده
زينب :انتي عايزه مني ايه
بسمله: انتي عارفه نوع الجراحه الي خضعتلها فيه ادويه كتير لدرجه مش هقدر افتكرها وقالولي هتحتاج حقنه كل ما احس بالالم وتخيلي انا بخاف جدا مش شكشكه الحقن
زينب : تقدري تلاقيلك حد تاني غيري
بسمله : ده امر مستحيل عليكي لو كده انا اسفه اني خليتك تيجي كل الطريق ده ع الفاضي تقدري تاخدي نفس المواصله وامشي
زينب سحبت الشنطه بنفعال لكن بسمله صرخت من الالم وهي بتتحرك
زينب مسكتها: مالك
بسمله بدموع شكلي مشيت بسرعه
زينب سندتها اقعدي ع مهلك هجبلك برشامه مسكن للالم
بسمله بصتلها وهي حرفيا زعلانه جد ع حالها لحد ما اخدت البرشامه وحطت دماغها ونامت
بسمله اتحركت واتعدلت: هو انا نمت قد ايه
زينب حوالي ساعه
بسمله : بجد امر محرج
زينب : خدي الامر براحه المشي لفتره طويله مش كويس لحالتك اظبطي المنبه ع معاد علاجك في وقته المحدد
بسمله :شكرأ يا زينب انك بلغتي اسامه اني في المستشفي وهعمل عمليه في الرحم صح
زينب: اسفه حشرت مناخيري في حاجه متخصنيش
بسمله : متتأسفيش بالعكس انا مقدره ده ليكي جدا وممتنه ليكي لانك كنتي سبب وجوده معايا مكنتش خايقه وانا رايحه غرفه العمليات
زينب بغيره :كويس سلام
بسمله وقفت : مدام زينب ممكن تفضلي معايا يوم واحد انا مش بطلب منك تفضلي معايا وقت طويل
زينب بقتضاب: اعمل ايه
بسمله : عندي حاجه وعايزه اتكلم معاكي فيها انا بجد محتاجه لده ممكن
زينب : بس ياريت سرعه
بسمله دخلت اوضتها لقت تلفونها بيرن اخدته وفتحت الخط
اسامه: حبيبتي اسف جدا مضطر اسهر هنا لحد بكره الصبح
بسمله بهدوء: مفيش مشكله انا عارفه انك مشغول
اسامه: ها طمنيني الممرضه المسؤله عن حتالتك وصلت
بسمله :ايوه هنا
اسامه : عجبتك
بسمله بمرح: هي الي مأعجبتش بيا ع ما اعتقد
اسامه ضم حواجبه بعدم فهم: عفوا
بسمله ضحكت: متنساش تاكل اتناقنا
اسامه :اشوفك بكره
بسمله خرجتلها وحطت قدامها علبه شيك جدا: لما كنت نايمه في السرير مستنيه معاد العمليه فكرت في مليون حاجه وانتي كنتي واحده منهم وقلت لو قمت بالسلامه هرجعلك دي
زينب شدت العلبه وفتحتها لقتها الجزمه الي اشترتها هي واسامه وهما في اليونان
بسمله بمعني للكلام : حتي لو كنت انا اول واحده حجزتها بس انتي الي اخدتيها في النهايه
زينب: وانتي قررتي ترجعهالي مش كده
بسمله: انا عايزه اعتذر بجد وبقولك اسفه للي حصل في اليونان واني كنت السبب في جرحك بسبب الي حصل انا حقيقي اسفه
زينب بكره شديد : انا متفهمه محاولتك المخلصه لكن مقدرش اقبل اسفك واعتذراك انتي مأخدتيش مني جزمه وبترجعيها انتي اخدتي مني حبيبي وعشره ست سنين انتي بوظتي علاقتنا لما دخلت طرف ثالث بينا كسرتي حاجه صعب تتصلح يمكن عادي تقولي اسفه لكن الي مش معقول اقولك سامحتك ويبقي كدا خلص الي بينا بالشكل ده مكنتش المفروض تظهري تاني في حياه اسامه و مش هقولك الغلط كله عندي لما اخدته وانا عارفه انه كان عايش حدوته حب قديمه
بسمله: انا قلت لـ اسامه في مره مستعده ابقي الزوجه التانيه في حياته وراضيه حتي لو بوقت قليل يديني فيه حبه الي احرمت منه عشر سنين والي بينكم انا لايمكن كنت احاول ابدا اكسره
زينب بس كنتي ناجحه تخطفيه كله مني
بسمله عيونها رغرغت بالدموع: غصب عني صدقيني حبي لـ اسامة ملوش وصف وانا اتحطيت في اختبار صعب قدامك ضعفت واتكسرت
زينب: تقصدي ايه
بسمله: انا بدفع التمن في الوقت الحالي انا يمكن مقدرش احمل في اولاده وانتي ممكن ترجعيله وانا هتحمل عشانه
زينب: انا مستحيل اقبل اعيش مع دره انا غيرك تماما سميها انانيه زي ما تحبي بس انا مش ضعيفه ومش عايزه اخد منك حاجه بما فيهم الجزمه انتي دفعتي تمنهم والجوز ده افضل عليكي مش انا وعرفت ده متاخر
………….Menna Mohamed………….
يوم جديد سبعه صباحا
بسمله: انتي خلاص ماشيه دلوقت
زينب: ايوة
بسمله: هو ممكن تستني بس دقيقتين السواق راح للسوبر ماركت مع مديره الببت هو راجع
زينب : ممكن اخد اي مواصله خليكي مش لازم توصليني انا عارفه سكتي كويس
بسمله: لاء عايزه اتمشي ع الشط شويه اصلي زهقت وهعملها حجه
زينب: ارتاحي عشان تخفي بسرعه وتلبسي الكعب العالي تاني
بسمله : متشكره
بسمله وزينب وهما طالعين بره كان اسامه وصل ونزل من العربيه
بسمله :بلاش تتصدم كده انا الي طلبت منها تهتم بيا وواضح انها اضايقت شويه كانت عايزه تمشي امبارح بس انا صممت تخليها
اسامة : مكنتش اعرف انك هنا
زينب: انا كمان مكنتش اعرف
بسمله :انا عارفه انك هترفض توصلها وترجعها البلد بس الطريق قصير خالص للشارع الرئيسي عشان كده ممكن توصلها لحد الموقف
زينب: مفيش داعي انا هركب اي حاجه
بسمله: انا المريضه هنا رجاء اسمعي لي بجد هضايق لو موصلكيش
اسامه اتفضلي اركبي خليكي تمشي
زينب سحبت الشنطه وركبت جنب اسامه الي حرك العربيه
اسامه بصلها :زينب
زينب نظرانها لقدام : نعم
اسامة: كل الامور بخير
زينب بجمود :مبقتش حاسه باي حاجه من هنا ورايح
اسامه :لسه بتتكلمي مع خالد
زينب: لاء
اسامه : قابلته من يومين هو لسه حاسس بحاجه اتجاهك
زينب :وده كمان مبقاش يهمني
اسامه: فضيحه ورشوه هتكسره قريب ومش هيقدر يهرب مره تانيه بس المره دي الضربه في مقتل وهتنهيه
زينب: وليه بتقولي كده
اسامه: انا بس بحاول المساعده قلت لازم تعرفي
زينب بصتله: اسامه انك تهتم بواحده مريضه امر مش سهل لازم تحاول بكل جهدك ويكون عندك صبر طويل
اسامه: متشكر ع نصيحتك
زينب: وكمان اتمني اننا منتقابلش تاني معاك ولا مع مراتك ابدا زي المره دي
اسامه: حاضر اتاكدي ان احنا مش هنزعجك تاني ابدا
زينب: اشكرك
اسامه نزل ونزلها الشنطه ع الارض وسلم عليها وسابها ومشي وهي اتأكدت انه خلاص مبقاش ليها
- يتبع الفصل التالي اضغط على ( رواية اللقاء الثاني) اسم الرواية