رواية جمرية الصقر الفصل الثلاثون 30 - بقلم سلوى عوض
بقلم_سلوى_عوض
بارت 30
صقر: الجمراية بتاعتي ديه أوعاك تجولها بومة تاني!
(يضحك الجميع على تعليق صقر)
صقر: مالكم بتضحكوا ليه؟
نجمة: يابختك يا جمراية بخيي صجر الصجور اللي بيدافع عن حبايبه. يا حظك الجليل يا نجمه حدش عيدافع عنك ولا عيجولك كلام في العشج
يوسف: يا سلام! ده انتي قمر وعسل يا نجمة.
نجمة: شالله يخليك
زيدان: آه، وبعدين؟ واجف أنا عود قصب!
نجمة: طيب صب لي كباية، ولا أقولك هات عوجلة!
زيدان: يا نجمة، خفي السكر شوية.
نجمة: أنا هطلع أنعس بكرامتي!
زيدان (ينظر إليها بحب): بحبك وبغير عليكي من الهوا الطاير. ولو عليّ، آخدك بعيد عن عيون الناس وأخبيكي في جلبي. يانجمه انتي حياتي اللي منوّراها.
صقر: يخرب عجلك يا نجمة، حركتي الجبل! إيه يا زيدان؟ فين الهيبة؟ ده احنا كنا بنخوفو بيك العيال.
زيدان (بتنهيدة): ماجدرش يا أبوي. أختك شجلّبت حالي.
نجمة: إيه الجمال ده؟ الريس متجال يا ناس!
صقر: طيب اسكتي بجى، لحسن تلاجي الريس أبو السعود جدامك.
نجمة: مين أبو السعود ديتي
صقر (يضحك): قولها يا زيدان.
زيدان: ده واحد كف إيده كدك كلك. لو هفك كف، يجيّبلك تربنة في مخك! وأنا بعد سواعي ببجى زيه لو حد ضايجني.
نجمة : جلبك أبيض.
(الجميع يضحك)
محمود: ربنا يسعدكم يا رب ويقدرك يا زيدان على نجمة.
نجمة: كلكم جايين عليّ ليه؟ عملت إيه أنا بس؟ ما أنا قاعدة ساكتة أهو.
غزالة: ساكتة؟ ده انتي برهم يا بت
محاسن: خلاص بجى يا أمي نجمه عتبكي
زيدان: اسم الله عليكي من البكا يا نجمتي.
محمود: كلم الجاضي يا صجر! صاحبك خلاص وجع جوي.
صقر (يضحك): متجمّد كده يا زيدان؟ هتضحكهم عليك.
زيدان : الحب حلو جوي.
صقر: حب إيه بس
جمرية: بقا كده حب إيه؟ مش موافجه أنا على الجوازة دي.
نجمة (تضحك): الله يقطع نجمة على زيدان!
صقر (بصوت جاد): أوعاكي تزعلي يا جمريتي. يا جلب صجر وروحه. يا أم عيون خطفتني من أول ما شفتك. صجر بيحبك ودايب في حبك وفي شقاوتك وحنيّة قلبك.
جمريه : وأنا كمان بحبك جوي يا صقري. أنا طول عمري بحلم بصجر يداريني تحت جناحاته ويحفظني من أي شر.
عمار : يا حلاوة مناجصش إلا أنا بس ايه يا سونه معيزاش تسمعي كلام حب انتي كماني
(تتدخل سونة، ترفع حاجبها بتعجب)
محاسن (تضحك): لأ يا قلب محاسن، سيبيهم. أصلهم لسه مستجدين في العشج
نجمة: يا سلام عليكي انتي يا جديمه
يوسف: وبعدين معاكم انتو كلكم؟ قاعدين تحبوا في بعض وناسيني خالص.
جمرية: لمؤاخذة يا يوسف، أنا هاجي معاك عشان نروحوا للارا ونصلحوكم على بعض.
صقر: وأنا كمان جاي معاكم. خالة غزالة مش هوصيك على أمي.
غزالة: متقلقش يا صجر، الحجة نجاة في عيوني والله.
نجمة: لأ، أنا هقعد مع الخالة نجاة في الأوضة، ونضحك ونلعب. صح يا خالة نجاة؟
نجاة (تبتسم): صح يا بنتي.
نجمة (تضحك): له، أقولك إيه؟ أنا مش بحب الزعل، عمّال يخليني أهرش في جسمي!
(الجميع يضحك على تعليق نجمة)
صقر: يخرب عقلك يا مجنونة! بس كتر خيرك إنك ضحكتي أمي.
نجمة : ده أنا هخليها ما تبطلش ضحك.
نجاة: الله يحظك يا نجمة. ياريتني ما تبعت الشيطان وما مشيت وراه. كان زمانكم اتربيتوا مع أبوكم، وكان زماني بصحتي. اللي جرالي ده جزاء اللي عملته في حياتي. ياريت ربنا يسامحني.
محمود (بصوت جاد): خلاص بقا يا أم صجر، ربنا يسامحنا كلنا، واللي حصل ده قسمة ونصيب.
نجمة: إيه لازمته بجى البكا ده؟ مش قلنا خلاص؟
نجاة: هاتي لي نعمة يا زيدان، ماعزاش أتقل على حد.
زيدان (ينهض مسرعًا): حاضر يا حجة.
نجمة (بابتسامة): أنا حد له خلاص، أنا زعلانة منك يا أما.
نجاة (بصدمة): قولتي إيه؟
نجمة (تقترب منها وتكرر): قلت أما نجاة.
(تبدأ نجاة بالبكاء وتفتح ذراعيها لنجمة)
نجاة: تعالي يا بنتي في حضني، ما أنا بقيت قليلة البنية.
غزالة: محاسن، ونجمة، وجمرية، دول بناتك وأنا خيتك.
نجاة: متحرمش منكم أبدًا يا رب.
صقر: أنا كده أنزل مصر وأنا مطمئن.
محمود: متنساش تطمن على عيال المرحومة خيتك.
صقر: حاضر يا أبوي.
يوسف: يلا بقى
جمرية: خلاص أهه!
صقر: عمار، خليك قاعد هنا مع أبوي وزيدان لغاية ما نعاود.
عمار: حاضر يا صجر. خلو بالكم من نفسكم.
صقر: ربك هو الحارس.
(يركب يوسف وصقر وجمراية السيارة في طريقهم إلى القاهرة )
___________________________________
(وفي نفس الوقت تظهر زبيدة داخل الحجز تتحدث مع المسجونات الأخريات)
مسجونة أولى: خلاص، هيرحلوكي وتغوري من خلجتنا.
زبيدة: هيودوني فين؟
مسجونة ثانية: على السجن، عشان يعدموكي.
زبيدة: لا، إعدام لا!
مسجونة ثالثة: يا مرة يا باكسة، جاتله! جوزك و معترفه، وفاكرينهم هيطبطبوا عليكي؟ ده الإعدام قليل عليكي!
(زبيدة تُنقل إلى السجن تمهيدًا للمحاكمة، وتبدأ بالبكاء)
زبيدة: يعني عملت كل ديتي علي جله فايده ياتري عيعدموني صح احسن خليني ارتاح
____________________________________
(في نفس الوقت، يصل يوسف وصقر وجمرية إلى لارا ليجدوها جالسة بجانب والدتها في المخزن، وحالتها صعبة للغاية،فهي اصحبت بعد ما كانت ابنه مدلله تؤمر تتطاع اصحبت لا تملك أي شيء)
لارا: يوسف! إيه اللي جابك هنا؟ مش قلتلك مش عايزة أشوفك تاني؟
يوسف: لارا، اديني فرصة.
لارا: على العموم، أنا وأمي هنمشي من هنا. أنا لقيت شغل ومعاه سكن.
صابرين: اسمعيه يا بنتي.
لارا: لا يا أمي.
جمرية : انتي مالك طايحة كده ليه؟ مش أمك بتقولك اسمعيه!
لارا (بنظرة استغراب): ودي مين دي كمان؟
جمرية: أنا أخته
صقر: وانا صاحبه، وبقولك يوسف بيحبك، ويوسف إنسان محترم وولد ناس، وفوق كل ده شاريكي.
لارا: أنا مش عايزة حد، ومش شارية حد.
جمرية: بقولك إيه، انتي هتسمعيني زين! يوسف أخويا مشي من الصعيد وسافر لأنه فقد الأمل في كل شيء. يوسف أبوه مات ومخدش عزاه. يوسف ساب أخته الوحيدة، وهي ما تعرفش حاجة عنه، وكل ده بسبب أمها. لكن ربك حنين، بعتلي صجر ووقف جنبي.
لارا (بتردد): مش فاهمة حاجة.
جمرية: إحنا جايين ناخدك انتي والخالة والدتك معانا الصعيد. معندناش حريم تعيش لوحدها، وأوعاكي تقولي لا.
صقر (يضحك): الله الله، إيه الجبروت ده يا جمرية؟
لارا: اسمك قمرية؟
جمراية (بهدوء): ياتمرك يا جمراية. ولسه هشرح من أول وجديد لما تتحركوا معانا على الصعيد، هقولك معناة اسمي إيه.
لارا : بس أنا مش جاية معاكم.
صابرين: عشان خاطري يا بنتي، اسمعي الكلام.
لارا: هنروح معاكم بصفة إيه؟
يوسف (بحسم): بصفتك خطيبتي وهتبقي مراتي.
جمرية: اسمعي الكلام بقى.
صقر: أنا هروح أطمن على طارج والعيال، ولما تخلصوا قعدتكم كلموني.
جمرية: بعد إذنك يا يوسف، أنا هروح مع صجر، العيلة وحشوني جوي.
يوسف (بابتسامة): روحي يا أختي، ما أنا عارف إن العيال وحشوكي.
__________________________________
( في العربيه )
صقر: جوليلي يا جمريه، جبتي الجرأة دي كلها منين؟
جمريه: من اللي شفته يا صجر.
صقر (بصوت هادي مليان مشاعر): جلب صجر وروحه وعجله حبيتك يا جمريه، وهحبك طول عمري، وهتبجي مراتي وأم عيالي.
جمريه (بخجل): بس بجى... عتكسف أنا.
صقر: أحلى مكسوفة بجى.
جمريه: صح يا صجر، هتفضل تحبني على طول؟
صقر: لغاية لما تعجزي وشعرايتك يبيضو.
جمريه (بضحكة خفيفة): لا، ما أنا عبجى أصبغ شعري عشان أبقى حلوة على طول في نظرك. عاوزه آكل آيس كريم.
صقر (مبتسم): يا ابوي عليكي، فصلتيني! أقولك بحبك، تقوليلي آيس كريم؟
جمريه: يعني بلاش أكل؟
صقر: حاضر من عيوني، هجيب للكل، وابجوا كله مع بعض.
جمريه: وأنت مش عتاكل؟
صقر: آكل قدامهم آيس كريم ليه؟ طبعًا لا، وهيبة الكبير.
جمريه: خلاص، كل معايا، ولما نوصل، أبجى أنا آكل تاني معاهم.
صقر: حاضر، وأنا أقدر أقول لا لجمريه؟
جمريه (بهمس): حبيبي وصجر حياتي.
صقر (يبتسم بحنية): صح يا جمريه، أنتي نفسك تيجي تحت جناحي؟
جمريه (بنظرة كلها حب): تعرف يا صجر، أنت أماني وسندي في الدنيا، وضهري، وبتحامي فيك من الدنيا كلها. وبجيت قوية بيك. وربنا عوضني بيك عن كل حاجة عفشة حصلت لي.
صقر (بتأثر): يا ابوي على الكلام اللي يطير العقل. ياربي بحبك يا بنت قلبي. سمعتك مرة وانتي بتغني، غنيلي بقى.
جمريه (بخجل): لا طبعًا، ما بعرفش.
صقر: ولو قلتلك عشان خاطري؟
جمريه: ماشي، بس أوعى حد يعرف.
صقر : مهَبَلة انتي؟ أوعاكي تخافي من حد وأنا موجود. غني بقى.
(تبدأ جمريه بالغناء بصوت خافت وهي مكسوفة، وصقر يسمعها بكل حب ويبتسم، يدندن معها، ويحس إن الدنيا بقت أهدى وأجمل وهما سوا.)
اوقاتي بتحلو تحلو معاك وحياتي بتكمل برضاك
وياروحي ساعة ما الجاك
مش بس أوقاتي بتحلو
ديه العيشة والناس والجو
جمريه كفايه كده بقى
صقر: حسك حلو قوي وبتغني جديم كمان
جمريه: عشان بحب وردة .
صقر: طيب أغنية كمان.
جمريه: حاضر.
معندكش فكرة هواك قد إيه
بيرضي حياتي رضا قد إيه
ومعندكش فكرة رضاك قد إيه
بيرضي زماني رضا قد إيه
ومعندكش فكرة أنا إزاي ف حبك
بضحي بكتير وبنسي عشانك
قلوب تدوب ومنك تغير
جمريه بس بجى مش هغني تاني.
صقر: مين الناس اللي بتنسيهم دول بقى؟
جمريه: الأغنية اللي بتقول كده.
صقر: ادينا وصلنا.
جمريه: عاجبك كده؟ ماجبناش آيس كريم.
صقر: أنا هبعت أجيب وآكل معاكي كمان.
•تابع الفصل التالي "رواية جمرية الصقر" اضغط على اسم الرواية