رواية مملكة احفاد الطوبجي الفصل الثلاثون 30 - بقلم اميرة اسامه
في قصر الطوبجي.
روح…..يعني انا مليش خاطر عندك يا شمس
شمس…..متقوليش كده با روح انتي عارفه انك غاليه عندي اوي
روح….طيب امال ايه بقي ما انتي مش راضيه تقومي تلبسي وتيجي معانا
شمس…..خالص والله بس صدقيني لو جيت معاكم هيبقي دمي تقيل اوي ومش هعرف اتفاعل معاكم هفضل ماشيه ساكته وانتي عارفه اني مش بحب المود ده
روح….ياستي انا راضيه تعالي وخليكي ساكته بس مش هتفضلي لوحدك او هفضل معاكي ومش هخرج
شمس…..لا عشان خاطري بلاش كده روحي انتي والبنات اتبسطوا وخلصوا مشاويركم كمان عشان فيروز متزعلش وصدقيني انا هبقي كويسه والله
روح….بصي انا عارفه انك زعلانه وانا والله مش حاله أضغط عليكي بس صعبان عليا أشوفك كده ومبقاش عارفه اعمل حاجه
شمس….لا والله انا بخير كل الحكايه اني مش هقدر اتفاعل معاكم وانا في الحاله دي كمان مش عارفه ليه حاسه طول الوقت اني عايزه انام
روح….ماهو انا مش عيزاكي تفضلي مستسلمه للنوم كده هتدخلي في دور إكتئاب مش حلو با شمس لا ليكي ولا للبيبي
شمس….مش إستستلام والله يا روح بس سكتت شوبه وعيطت بۏجع.
روح….مسكت ايدها بحب وتأثر عيطي يا شمس عيطي
شمس…..بدموع عارفه لما تحسي ان في حاجه بتخنقك وطابقة علي نفسك
روح….ايوه
شمس….انا حاسه بكده كل ما أفتكر ان طنط صفيه ماټت لوحدها بجد بتوجع كل ما افتكر انها لو كانت طولت يوم ولا اتنين كمان وكان ممكن جسمها يتحلل بتوجع اكتر وبزعل من نفسي
روح….ده عمرها يا شمس انتي ذنبك ايه
شمس…..اتشغلت عنها اسبوع بحاله قصرت معاها مش عارفه ازاي مكلمتهاش من بعد الحفله ليه اتأخرت عليها اسبوع
روح…..يا حبيبه قلبي صبا بعدها ولدت وكلنا اتشغلنا معاها كمان داخلين علي جواز فيروز وبردوا كلنا مشغولين غير شغلك والحمل يمكن اللي بقوله ده مش مبرر اننا نقصر مع بعض بس هي دي الدنيا يا شمس بتلهينا ڠصب عننا وبتسحلنا معاها في الدايره بتاعتها
شمس….انا اللي مزعلني من نفسي يا روح ان طنط صفيه اكتر حد كانت بتسأل عني بعد ۏفاة ماما ويمكن اكتر من اهلي بكتير وحتي وهي ماما عايشه مكانتش بتسيبني
فضلت روح بصالها وسيباها تتكلم وتمسح دموعها بحنيه
شمس….عارفه يا روح لما ماما كانت تعبانه اخر فتره وانا كنت في شغلي كانت تقولي قوليلي عايزه تاكلي ايه وانا اعملهولك عشان تيجي تاكلي علي طول بدل ما تقفي بس انا مكنتش بوافق عشان متعباش كنت استني اخر يوم في الاسبوع ويكون تاني يوم اجازه واعدي عليها اقولها اكتبيلي كذا اكله اجيبها وانا جايه عشان اقف بوم اجازتي احضر اكل الاسبوع لاني مكنتش بلاحق علي شغلي وعلي مرواحي المستشفي كنت انزل الاقيها محضرالي ورقه وكتبالي فيها كل حاجه ممكن احتاجها وارجع تاني يوم اقف اعمل كل اللي احتاجه وكل شويه اتصل بيها اسألها وبعدين الاقيها طلعالي جايبه في ايدها اكل اقولها انا بعمل تقولي لا اللي بتعمليه خليه ينفعك طول الاسبوع احنا هناكل مع بعض وناكل و بعدين تقوم تساعدني وتعمل معايا عمرها مقصرت معايا كنت بعتمد عليها كتير اه غياب ماما عن البيت كان واجعني بس هي كانت شايله عني كتير وبعد ۏفاتها بقت جنبي اكتر ومكانتش بتسيبني لحظه صعبان عليا احساسي اوي ياروح في تقصيري من ناحيتها بجد
روح…..اهدي يا شمس انتي مقصرتيش والله بالعكس انا ديما اشوفك بتكلميها وتسألي عنها وبتروحيلها بس ده عمرها تفتكري يعني لو انتي كنتي معاها في الوقت ده كنتي ممكن تمنعي مۏتها
شمس….اكيد لأ بس علي الاقل مكنتش سيبتها متبهدله ومرميه يومين لوحدها
روح….بإبتسامه تأثر مسحت دموع شمس شوفي يا شمس هقولك نصيحه وديما أفتركيني بيها الندم يا شمس عمره ما بيرجع ماضي او بيوقف قدر كل واحد فينا يا حبيبة قلبي ربنا كاتب الطريقه اللي ھيموت بيها
يعني احنا مثلا كلنا ديما مع بعض ومش بنتفارق وعايشين في بيت واحد بس لو لاقدر الله ربنا كاتب لحد فينا انه ېموت في البيت لوحده بالايام من غير ما حد يعرف انه ماټ هتحصل ولازم هيحصل سبب يبعدنا عن البيت عشان ياخد امانته يعني المۏت لا هيقف بالسؤال الدايم ولا بالزيارات هيحصل هيحصل ومغيش حد فينا بيهرب من المكتوب متفضليش تلومي نفسك علي تقصير انتي مكنتيش قصداه لان ربنا هو اللي كان كاتب ان الست دي تتوفي وهي جوزها مسافر في شغله وولادها متغربين وانتي مشغوله بحياتك
يعني انتي مقصرتيش يا شمس ربنا اللي بعدك عشان يسترد أمانته بالطريقه اللي هو كاتبها
شمس…..انا مش معترضه والله انا بس صعبان عليا مش اكتر
روح….ادعيلها يا شمس خرجيلها صدقه علي روحها وبعدين دي ماټت مۏته اي حد يتمناها كانت بتصلي او كانت ناويه الصلاه الله اعلم بيها بس في الحالتين يا بختها.
شمس…..ربنا يرحمها يارب.
روح…..يارب يا حبيبه قلبي بصي لو حاسه انك هتغيري رأيك يبقي ياريت وهتبسط اوي لو عيزاني اقعد انا معاكي
شمس……لا يا حبيبه قلبي روحي انتي كفايه ان روبي و طنط كاريمان أجلوا النزول عشانك مينفعش روحي وانا هرتاح انهارده وكده كده داده زينب موجوده وخلود وصبا يعني انا مش لوحدي
روح……طيب اوعديني ان ده اخر يوم تفضلي في الاوضه وعامله في نفسك كده
شمس……بإبتسامه بسيطه اوعدك يا روح
روح …بحب ماشي يا قلب روح لو احتاجتي اي حاجه كلميني هرجعلك فورا
شمس….ربنا يخليكي ليا يا احلي روح في الدنيا
روح….ويخليكي ليا يا احلي شموسه يلا هسيبك ترتاحي مش عايزه عياط تاني مفهوم
شمس……بإبتسامه حاضر
………………
في مجموعه الطوبجي
مكانش فيه غير قاسم ونادر ويوسف وجلال وامير وتقي وفرح .
زيد وراجح وداوود كانوا بيتابعوا الموقع الجديد و بيشوفوا الشغل بنفسهم
وسالم خرج راح ميتنج
ومراد وياسين وملك كانوا في مشوار شغل مع بعض.
خرج قاسم لما اتأخروا راح مشوار البنك لان كان في اوراق لازم تخلص
اتصل زيد بنادر وطلب منه يروحله فورا بورق ورسومات مهمين محتاجين يشوفوها
نزل نادر بسرعه راح عليهم .
اما يوسف كان بيلف علي المجموعه كلها بيخلص شغل لان مكانش في حد منهم موجود ولازم يباشر الشغل بدالهم.
في الوقت ده المفروض كان في ميتنج مهم وياسين ومراد نسيوا تماما والمفروض كان في اتنين مدراء تنفيذين يوقعوا معاهم عقد مهم قبل ما يسافروا علي دبي
وصلوا وجات فرح بسرعه تجري علي امير.
فرح….امير امير
امير….في ايه يا فرح
فرح….مشوفتش يوسف
امير….لا كان بيقول انه بيباشر الشغل في المبني التاني تقريبا في حاجه ولا ايه
فرح…..اه اصحاب شركة راشد باعتين المديرين التنفيذين عشان توقيع العقد قبل ما يسافروا وبحاول اوصل لياسين ومراد وملك موبايلهم غير متاح حتي زيد بيكنسل
امير…..هما هنا
فرح….ايوه امال انا بقولك ايه قاعدين في غرفه الاجتماعات حتي بحاول اوصل لسالم موبايله خارج التغطيه اكيد لسه في الميتينج ونادر نزل من شوبه راح لزيد
امير…..طيب ياسين ومراد ازاي مبلغوش حد وازاي مستنوش اصلا الناس
فرح….والله ما عارفه يا امير غالبا نسيوا المهم هنعمل ايه هنسيبهم كده
امير…..طيب انا هروحلهم اشوف الدنيا فيها ايه بس حاولي انتي توصلي ليوسف او لأي حد يقولنا حتي نتصرف ازاي
فرح…..طيب تمام
امير…..طلبتيلهم حاجه
فرح….ايوه قهوتهم علي وصول
امير…..طيب يلا بسرعه انا رايحلهم
فرح….طيب تمام
خرج امير راح علي غرفه الاجتماعات رحب بيهم مكانش عارف يقولهم ايه
امير…..اسفين علي التأخير بس انهارده البوم مضغوط خالص
لا مفيش اي مشكله بس ياريت نوقع الورق بسرعه طيارتتا قدامها ساعه وربع بالظبط لازم نكون في المطار في اقرب وقت
امير…..حالا متقلقش علي ما تشربوا قهوتكم نكون وصلنا لحد منهم
خبط جلال ودخل كان عرف كل حاجه من فرح ومحبش يسيب امير لوحده
رحب بيهم و بعدين قعد جنب امير كانوا هما مطلعين ورق وفايلات ومركزين فيها
جلال….بهمس هما ازاي نسيوا
امير…..بهمس مش عارف فرح موصلتش لاي حد
جلال…..لا هي وتقي بيحاولوا بس مش عارفين يوصلولهم حتي انا كلمتهم في المبني التاني عشان يوصلوني بيوسف قالوا انه كان موجود من دقايق ومشي
امير…..مشي فين جاي علي هنا يعني
جلال…مش عارف والله بتصل بيه مش بيرد غالبا موبايله سايلنت
امير…..طيب والعمل
جلال…..مش عارف مينفعش نأجل طيب
امير…..نأجل ايه الناس وراها سفر ولازم التوقيع يتم قبل ما يسافروا
جلال…..طب ما تمضي انت
امير….لا طبعا امضي انا ايه دي مش بتاعتي
جلال…..ليه مش بتاعتك انت فاهم الدنيا ماشيه ازاي اكتر مني وبعدين هما مش سايبين لينا حل تاني
امير……مينفعش يا امير مينفعش ده ورق بملايين
جلال…..طيب والعمل
امير…..مش عارف بقي لازم نوصل لأي حد فيهم
جلال….هما بصراحه بيهرجوا يعني ينسوا المعاد وكمان مفيش اي حد فيهم هنا حتي نادر زبد اتصل بيه يروحله
امير…..وقاسم كمان راح مشوار البنك ده انا دماغي هتقف بقولك ايه ما تشوف كده فرح وتقي يمكن وصلوا لحد فيهم او شوف يوسف تاني
جلال….طيب ثواني كده
خرج جلال يشوف الدنيا فيها ايه.
وفضل امير متوتر وكل شويه يبتسم ليهم مش عارف يقولهم ايه
هو في اي مشكله
امير…..لا خالص بس زي ما قولتلكم اليوم مضغوط وللاسف واضح ان المكان اللي هما فيه مفيهوش تغطيه كويسه للشبكه
بس احنا للاسف معندناش وقت ولازم نتحرك حالا انت عارف إجراءات المطار ومش ضامنين الطريق لو ينفع تمضي انت يبقي ياريت
امير…..طيب معلش ادوني خمس دقايق كمان هحاول كده اوصلهم
طيب تمام اتفضل.
خرج امير بسرعه وهو متوتر لقاهم التلاته واقفين بعيد قدام مكتب تقي.
امير……ايه موصلتوش لحد
تقي…..محدش فيهم موبايله بيلقط شبكه يا امير
امير……طيب سالم قاسم يوسف اي حد فيهم
جلال…..انا مش فاهم يوسف راح فين بس وليه مش بيرد علي موبايله.
فرح……جلال بيقول انك ممكن تمضي انت
امير…..يا جدعان امضي علي ايه ده ورق بملايين وبعدين انت معنديش علم بالمشروع ده خالص من اوله لأخره ده كان في ايد ياسين وزيد ومراد حتي معرفش الاتفاق كان علي ايه
جلال….خلاص يبقي نأجل المعاد وهما يبقوا يحلوها بطريقتهم مش هما اللي نسيوا المعاد
امير……يا ابني مينفعش الناس مسافره وجايين مخصوص عشان الورق ده دول كل دقيقه عندهم ليها اهميتها وبعدين لو عملت كده ده مش حل لان بالشكل ده بنضرب سمعتنا واسمنا مينفعش لازم نلاقي حل علي الاقل نحاول نخليهم يغيروا فكرة انهم نسيوا معاد الميتنج دي معناها كبير اوي
فرح….يبقي مفيش حل غير انك تمضي يا امير انت اكتر حد فاهم فينا احنا التلاته مش هينفع نعمل كده
جلال…..فرح بتتكلم صح يا امير احنا التلاته انت عارف حدودنا ايه بس انت فاهم عننا
امير……مش عارف دماغي هتقف الناس عندهم طياره
تقي…..لازم نلاقي حل بسرعه وناخد قرار يا امير
امير…..يوسف مش بيرد يا فرح
فرح……لا يا امير
جلال….انا مش عارف اختفي فين ده كمان
امير…….بقلة حيله خلاص يا جماعه انا هروحلهم وهوقع واللي يحصل يحصل بقي
جلال……طيب يلا تعالي نشوفهم وانتوا معلش حاولوا تاني يمكن توصلوا
تقي…..طيب تمام
راحوا علي غرفه الاجتماعات
امير…..انا بعتذر علي الوقت اللي ضاع واللغبطه دي بجد مش عارف اقول ايه للاسف مش عارفين نوصل لاي حد بس انا هوقع عشان تلحقوا طيارتكم
ياريت احنا معندناش وقت واكيد انت فاهم اننا لازم نرجع بالتوقيع
جلال….طيب معلش يعني هو لو في اي حاجه في الورق مش مفهومه هيبقي في مجال للتصحيح
احنا بقالنا سنين في شغل بينا واكيد طبعا لو في اي بند محتاجين تتناقشوا فيه بتتواصلوا مع مستر راشد بكل سهوله احنا هنا بس عشان التوقيع
امير…..طيب تمام هات الورق
خد جلال الورق قربه من امير
فضل امير يبص فيه مكانش فاهم اي حاجه ولا فاهم اتفاقهم كان عليه بس خد القرار خلاص ووقع علي كل الورق اللي قدامه.
امير…..احنا اسفين مره تانيه علي اللغبطه اللي حصلت دي انتوا اكيد عارفين ان دي اول مره تحصل بس اكيد في سبب قوي لاختفائهم
اكيد ولعل المانع خير إن شاء الله واحنا كمان بنعتذر علي الاستعجال بس انت عارف في معاد طياره ولازم نلحقه
امير…..اكيد انا متفهم طبعا وان شاء الله خير وبس يرجعوا هيتواصلوا معاكم بنفسهم
ان شاء الله احنا مضطرين نستأذن
جلال……طبعا اتفضلوا معاكم عربيه توصلكم ولا تحبوا نبعت معاكم حد لحد المطار
لا معانا عربيه شكرا ليكم واسفين مره تانيه علي الاستعجال
جلال…..احنا اللي اسفين الغلط عندنا بس اكيد هو غلط مش مقصود
لا حصل خير نشوفكم علي خير
جلال…..مع الف سلامه
امير…..رحله سعيده اتفضلوا
خرج امير وجلال معاهم وصلوهم امير كان باين عليه الضيق الاسانسير وصل ودعوهم ورجعوا تاني علي غرفة الاجتماعات دخلت فرح وتقي عليهم.
فرح…..ايه عملتوا ايه
امير…..هعمل ايه يعني وقعت طبعا
تقي…..طيب انت مضايق نفسك ليه هو في حاجه في الورق
امير……المشكله اني مش فاهم اي حاجه ولا عندي خليفه عن المشروع ولا المبلغ المتفق عليه انا كنت ماسك شغل تاني والمشروع ده كان في ايد زيد ومراد وياسين هو اللي المفروض يمضي ويراجع مش انا
جلال….انا اللي مستغربه ازاي يكونوا عارفين معاد زي ده وينسوا او حتي ميبلغوناش
امير……مش عارف يا جلال بصراحه دي اول مره تحصل الناس مأكدين ان مراد وياسين كانوا مدينهم المعاد ده من اول امبارح
تقي……بص انت وقعت وخلاص ان شاء الله خير ونبقي عملنا الصح
امير…..ان شاء الله المهم موصلتوش ليوسف اختفاءه يقلق
فرح….موبايله بيرن بس مش بيرد المفروض انه كان في المبني التاني يعني خمس دقايق ويبقي هنا معرفش راح فين ده
جلال….طيب كلميهم تاني يمكن نسي حاجه ورجع
تقي…..فرح كلمتهم مرتين قالوا انه مشي خلاص من المبني
فرح…..تفتكروا ممكن خلود تكون تعبانه وراحلها
امير…..طيب كلمي خلود كده شوفيها يمكن كلمها
فرح…..انا مش عابزه اقلقها يمكن مكلمهاش
امير…..كلميها عادي قوليلها عايزين نوصله عشان في ميتنج مهم وهو مش موجود واسأليها لو كلمها.
فرح…..طيب لحظه
اتصلت فرح علي خلود.
خلود…..ايوه يا فروحه
فرح….ايوه يا لولو عامله ايه
خلود….بخير يا حبيبتي في حاجه ولا ايه
فرح……لا بس كنت عايزه أسألك علي يوسف لو كلمك في ميتنج مهم يظهر ان ياسين ومراد نسيوا المعاد وهو كان في المبني التاني مش عارفه اوصله موبايله مغلق
خلود…..لا والله يا فرح هو كلمني من حوالي نص ساعه كان بيطمن عليا عادي وفعلا صوته اختفي شويه ورجع قالي معلش كنت في الاسانسير عشان رايح المبني التاني ومكلمنيش تاني
فرح….طيب خلاص انا هحاول اكلم اي حد يوصلني بيه و يرجعلنا لان شكله معندوش شبكه
خلود…طيب تمام ولو اتصل تاني انا هقوله
فرح….طيب يا لولو تماااااا قطعت كلامها لما فتح يوسف الباب ودخل
فرح…..يوسف جه خلاص يا خلود
خلود….طيب الحمد لله يا حبيبتي
فرح….هروح اشوفه بقي يلا باي
خلود….اوك باي.
امير…..انت فين يا عم
جلال…..مش معقول تكون سامع كل ده ومش بترد
يوسف….في ايه بس
امير…..يا ابني بنتصل بيك من بدري المديرين التنفيذين بتوع شركه راشد كانوا هنا عندهم ميتنج مهم مع ياسين ومراد عشان التوقيع وعندهم طياره عايزين يلحقوها والبهوات شكلهم نسيوا المعاد
يوسف……يعني ايه نسيوا المعاد نش هما اللي مدينهم المعاد
امير…..قولي انت بقي
جلال…..والمشكله ان مفيش اي حد بيرد من اخواتك ولا عارفين نوصل لاي حد حتي انت قولنا نوصلك تبقي معانا مبتردش
يوسف……طيب فين نادر
امير…..نادر راح لزيد طلب منه ورق مهم راحلهم بسرعه انت كنت فين
يوسف…..انتوا مكنتوش سامعين الهيصه اللي تحت يعني
جلال….هيصه ايه في حاجه
يوسف…..واحد من الموظفين وقفني يسالني علي حاجه وانا راجع المبني مره واحده لقيته وقع ناديت علي الامن ونقلنا بسرعه علي الدكتور يشوفه مكانش بينطق الدكتور قال انه جاله هبوط في الدوره الدمويه
فضلت معاه لحد ما فاق وبقي احسن ومسمعتش الموبايل كان سايلنت المهم عملتوا ايه مع الناس هما مشيوا
امير….بقولك عندهم طياره مشيوا طبعا وانا اضطريت اني أوقع
يوسف…..وقعت بجد
امير…..اعمل ايه مكانش عندي حل
جلال….الناس عايزه تسافر وعمك واخوك اللي مدينهم المعاد ونسيوا يعني شكلنا وحش والغلط من عندنا وهما لازم برجعوا بالتوقيع
يوسف…..طيب خير ان شاء الله المهم شوفت الورق كويس
امير…..اه بصيت عليه كده بصه سريعه الورق تمام بس انا للاسف مش عارف اي معلومه عن المشروع ده الورق هناك اهو شوفه كده وطمني
يوسف….راح علي المكتب مسك الورق وبص فيه انا اصلا معنديش بردوا اي خلفيه عن المشروع ولا الاتفاق كان في في ايد زيد ومراد وياسين هما اللي عارفين كل حاجه بس ان شاء الله خير يعني شركه راشد بنتعامل معاهم من سنين وناس محترمه جدا ومستر راشد مراد وزيد يعرفوا معرفه شخصيه
امير…..ان شاء الله خير بقي انا عملت اللي عليا ماهو مكانش ينفع اجل المعاد او ارجع الناس وهما واخدين معاد من غير توقيع
يوسف…..اكيد لا طبعا يلا خير ان شاء الله هما راجعين امته
جلال….انا عارف ايه اللي أخرهم كده احنا عندنا ميتنج كمان ساعتين زيد كان بيقول في ميتنج مهم الساعه خمسه
يوسف……طيب خلونا نروح نشوف شغلنا لحد ما يرجعوا
امير……يلا بينا.
…………………
بعد ما علي ساب مليكه لفريده ومشي فضلت تتصل علي عاصم خصوصا لما شافت إشعار ان رقمه اتصل عليها مرتين وكان موبايلها مفيهوش شبكه اتصلت عليه كذا مره موبايله كان مغلق فهمت انه في الطياره .
خلصت شغلها والعروسه اللي كانت معاها وبعدين بدأت تجهز هي وحنين ومليكه عشان يمشوا ويروحوا مشوارهم
خرجوا وركبوا العربيه واتحركوا
ربع ساعه وجالها اتصال من عاصم ردت علي طول حنين ومليكه كانوا قاعدين يرقصوا علي الاغاني.
فريده…..الووو
عاصم…..ايوه يا فريده انتي فين من بدري
فريده…..موجوده يا عاصم انا لاقيت اشعار انك اتصلت مرتين بس يظهر مكانش في شبكه
عاصم…..انا اتصلت كمان علي تليفون مكتبك كان مشغول واضطريت اقفل عشان معاد الطياره
فريده……ايوه ما انا لما اتصلت بيك ولاقيت موبايلك مقفول فهمت
عاصم……علي جالك
فريده….ايوه ومليكه معايا متقلقش عليها
عاصم…..انا كنت بتصل بيكي عشان اعرفك انه هيجبهالك حاولت اخليها تقعد بس مكانتش مبطله زن وما صدقت علي قالها اوديكي لفريده مسكت في الكلمه
فريده…..وفين المشكله هي مليكه محتاجه أستأذان عشان تجيبهالي يا عاصم ولا انت ليك رأي تاني
عاصم……مش كده يا فريده بس انا عارف انك مشغوله ومش معقول كل شويه اجيبهالك واعطلك
فريده…..والله لما ابقي اشتكيلك ابقي قول كده انت عارف مليكه غاليه عندي ازاي ولو جبتهالي كل يوم مش هزهق ولا هضايق
عاصم….عارف يا فريده انك ولا هتزهفي ولا هتضايقي بس انا مش حابب اعطلك عن شغلك مش اكتر
فريده……شغلي انا بعرف امشيه كويس وهي معايا وجودها مش بيسببلي اي لغبطه وبعدين انا لو عارفه اني مش هقدر اهتم بيها او هتلخم بيها مش هتكسف منك او من علي اطمن يا عاصم انا عارفه اتعامل
عاصم……بتنهيده تمام يا فريده هي كويسه
فريده….اه الحمد لله هي معايا انا وحنين عشان عدت عليا وهنروح نشوف حاجه نلبسها في السهره بتاعت فيروز ومنذر وهنتغدي بعد كده ونشوف بقي هنمشي باقي اليوم ازاي
عاصم……طيب كويس اوي انتي خلصتي شغل يعني
فريده…. اه تمام خلصت ومتقلقش عليها
عاصم…..عمري ما هقلق عليها وهي معاكي
فريده……بزعل طيب كويس انك عارف
عاصم…..عموما انا مش هطول هخلص الشغل وان شاء الله هرجع بدري وانا قايل لعلي لو اتاخرت هيجي هو ياخدها منك
فريده…..ملكش دعوه بيها يا عاصم حتي لو ناوي تقعد هناك لبكره او كام يوم تشوف شغلك مليكه هتفضل معايا ده لو يعني مطمن عليها معايا فعلا
عاصم……انتي عبيطه يا فريده صح
فريده….لا بحاول بس اطمنك مش اكتر
عاصم…..هو انا ممكن اعرف ايه سبب الطريقه الناشفه دي
فريده……والله مستغرب طريقتي ومش مستغرب طريقتك
عاصم….وانا عملت ايه انا لحد امبارح بكلمك والدنيا تمام ولا انتي شايفه غير كده
فريده….اه شايفه غير كده وانت عارف ان طريقتك متغيره حتي ظاهره طريقتك لحد الوقت انت حتي لما كنت بتحاول تتصل بيا كنت بتتصل عشان تقولي ان علب هيجيبلي مليكه مكنتش بتتصل عشان تقولي انك مسافر ولا حتي عرفتني بليل بس انا لما عملتها مع اني بردوا اتصلت انت زعلت وواخد موقف
عاصم……الموقفين بعاد عن بعض يا فريده وانتي عارفه
فريده…..لا معرفش والموقفين مش بعاد عن بعض يا عاصم علي الاقل انا حاولت اتصل ليك واعرفك اني مسافره وانت مردتش وبعدها موبايلك اتقفل وحاولت اوصل لعلي كنسل عليا لكن انت مقولتليش انك مسافر ومكنتش بتتصل عشان تقولي
عاصم….اولا انا مكنتش عارف اني مسافر لحد الساعه 8 الصبح جالي تليفون وكان لازم اسافر عشان اشوف الشغل بنفسي اتصلت وحجزت تيكت بسرعه وفي ظرف ساعه ونص كنت جاهز مرضتش اتصل عليكي عشان عارف انك نايمه وجايه متأخر بس كنت هكلمك لما اقرب من المطار وتكوني صحيتي ولما حصل حوار مليكه قولت لعلي اني هتصل ابلغك عشان تبقي عارفه وعامله حسابك انه هيجببهالك واكيد كنت هعرفك اني مسافر تليفون مكتبك كان مشغول وموبايلك اداني غير متاح وكان لازم اقفل عشان الحق الطياره ده بالنسبه ليا
اما انتي عارف انك اتصلتي وحاولتي ومش زعلان منك انتي عارفه اللي مزعلني منك يا فريده
فريده…..لا معرفش يا عاصم
عاصم…..لا عارفه يا فريده عارفه اني خاېف عليكي وعارفه اني كنت قلقان من المكالمه الغريبه اللي جاتلك و ان توقيت سفرك لوحدك مكانش صح علي الاقل كنتي استنيتي ارد عليكي او موبايلي يتفتح وكنت هسيب اللي في ايدي واجي معاكي بس انتي مستنتيش
فريده……عشان دي انا يا عاصم وعشان مش هعرف اتغير عاصم انت لو مش موجود في حياتي كنت هتصرف نفس التصرف لاني طول عمري لوحدي وبطولي وبقف علي رجلي وبتصرف من غير ما حد يكون خاېف عليا تقدر تقول اني اتعودت يمكن انت شايف تصرفي غلط بس انا لا عشان انا اللي المفروض اعمل كل حاجه بنفسي
عاصم….بس انتي مبقتيش لوحدك يا فريده ولا انتي شايفه ان وجودي من عدمه مش فارق
فريده……مقولتش كده يا عاصم بس مش في يوم وليله هغير طريقتي عاصم انت لو مش موجود وفرضنا ان المكالمه دي وراها حاجه تفتكر لو حصلي حاجه هقدر امنعها او اوقفها انا عارفه انا بعمل ايه يا عاصم وعارفه ازاي امشي اموري واتصرف عارفه ازاي ادير حياتي زي ما طول عمري بديرها
عاصم……عارف يا فريده بس ده وانتي بطولك ولوحدك خۏفي عليكي ميزعلكيش قلقي وتفكيري فيكي مش چريمه علي فكره انتي جايلك تليفون في نص الليل من حد متعرفيش جاب رقمك ازاي وبيقولك الفرع بتاعك ۏلع مظبط نفسه ومشغل صوت مطافي جنبه ومجهز كل حاجه لا تعرفي مين ده ولا تعرفي عمل كده ليه وانتي مسافره بطولك وراجعه نص الليل بطولك ومش عيزاني ازعل او اقلق عليكي فريده انا قفلت معاكي مكنتش عارف انام ولحد قبل ما تكلميني وانا دماغي بايظه من التفكير وقلقان عليكي ومخدتش نفسي غير لما عرفت انك وصلتي البيت
فريده…..اه عشان كده كنت بتكلمني طول الطريق ومش سايبني لحظه ده انت مكلمتنيش ولا مره
عاصم….عشان لو كنت كلمتك كنت هزعلك بجد يا فريده انا ربنا يعلم كنت عامل ازاي من اول ما عرفت انك سافرتي لحد ما رجعتي فريده انا عارف انك اتعودتي تعملي كل حاجه بنفسك ومتحتاجيش لحد وعارف كويس ان الست اللي تدير مشروعها بالشطاره دي صعب انها تحتاج لحد بس كمان لازم تغيري الطريقه دي عشان انا موجود ولا انتي شايفه ان وجودي ملهوش لازمه في حياتك
فريده….عاصم بلاش تجيب الغلط عليا وتقول كلام غريب انت عارف اني مكنتش اقصد كل ده بس انا كان لازم اسافر
عاصم……انا مش بقول كلام غريب اقعدي مع نفسك وفكري في كلامي يا فريده وحطي نفسك مكاني هتعرفي ان معايا حق وقلقي عليكي مش أڤوره
فريده….طيب عموما انا مش عيزاك تقلق انا عرفت مين اللي كلمني وعرفت انه مكانش يقصد
عاصم….مش فاهم هو كلمك او رد عليكي
فريده…..لا كلمني هحكيلك بعدين اللي حصل انا ترجع المهم مش عيزاك تقلق واعتبر الموضوع خلص اصلا مفيش قلق ولا خوف
عاصم……تمام يا فريده لما ارجعلك نبقي نتكلم المهم خلي بالك من نفسك ومن مليكه انا ان شاء الله هخلص واطلع علي المطار علي طول
فريده….تمام يا عاصم
عاصم…..يلا هشوف بقي اللي ورايا وهكلمك تاني لو احتاجتي اي حاجه كلمي علي
فريده….تمام هو اصلا قال انه ممكن يجيلنا لما يخلص عشان باخد مليكه قولتله يجي ونتغدي مع بعض انا وهو وحنين
عاصم…..تمام يا حبيبي المهم خلي بالك من نفسك عشان خاطري
فريده….بإبتسامه اخيرا قلبها دق حاضر
عاصم…..فريده
فريده…..نعم
عاصم……انا بحبك اوي
ابتسمت فريده وسكتت ثواني
فريده…..خلي بالك من نفسك ومتتأخرش
عاصم….بإبتسامه مش هتأخر يلا باي يا قلبي
فريده….بتنهيده باي.
……………
في مكتب نور كانت ميار وفاطيما قاعدين معاه و بيتكلموا في الشغل اللي كرم طالبه منهم
وكل شويه يقفل ويتصل ويعمل مكالمات خارجيه عشان يبدأ يطلب الطلبات ويعرف هتجيله امته.
قفل نور ورجع لوراء
نور……اااااااه اخيرا
ميار…..ايه كده كله تمام
نور…..الحمد لله
فاطيما……ارتاح شويه بقي انا لو رغيت نص الرغي ده كان زمان دماغي أنفجرت
نور……وهو حاطت ايده علي دماغه وهي اڼفجرت فعلا
ميار…..اطلبلك قهوه يا نور
نور……انا جعان اوي
فاطيما……وانا كمان بصراحه ھموت من الجوع
نور….طيب ما تطلبولنا اي حاجه
ميار……طيب عايزين تاكلوا ايه وانا هطلب
فاطيما…..انا نفسي اوي اكل بيتنا
نور……وانتي يا ميار
ميار…..انا اي حاجه مش هتفرق
نور……شوفي اللي هيعجبك
ميار……طيب انت هتاكل ايه
نور……انا ممكن بيتزا بردوا
ميار……خلاص يبقي بيتزا
نور…..طيب يلا اطلبي علي طول
اتصلت ميار والباب خبط في الوقت ده
نور….ادخل
فتح رامي الباب كان معاه رهف
رامي…..مسا مساااااا
نور…..يا خربيتك تعالي
فاطيما…..بسعاده ايه ده بقي كل شويه كده هتنطوا لا مش اسلوب ده عايزين نشوف شغلنا
رامي…..بضحك ضربها علي راسها
ايه مش عاجبك
رهف……بضحك يا غبي حرام عليك
فاطيما…..اااااه يخربيت ايدك التقيله
رامي….ايه مش عاجبك انتي كمان
رهف…..بضحك لا خلاص عاجبني معلش يا طمطم اديكي شوفتي ايده.
فاطيما……بعتيني في لحظه واطيه زي اخوكي
رامي…….ابتسم ورفع حاجبه زي مين
فاطيما……جريت علي نور ومسكت في كتفه وهي بتضحك الحقني يا نور
نور….ابعدي عني ومتهزنيش دماغي ھتنفجر
رامي…..اهو باعك في لحظه مالك ياض
نور…..ھموت من الصداع
رهف…..مياااار عامله ايه
ميار….بهمس الحمد لله بعد اذنك لحظه واحده حطت ايدها علي الموبايل بقولكم ايه تاكلوا معانا
رهف…..هتاكلوا ايه
ميار……بيتزا
رامي……اه انا هاكل اصلا جعان اوي
رهف….خلاص تمام هناكل
ميار…..تاكلوها بأيه
رهف….زي ما هتطلبوا
ميار…..اوك كملت ميار الاوردر.
بص رامي لفاطيما وضحك عليها عشان عماله تمسك في راسها
رامي…..ۏجعتك صح
فاطيما……ببراءه وهي زعلانه اه والله
رامي…..بحب طب تعالي خلاص حقك عليا
نور…..وهو مغمض عينه وساند راسه علي الكرسي الصداع يمشي بس و هروقهولك
رامي….بضحك يا عم اتلهي انت قادر تفتح عينك.
ميار…ازيك يا رامي
رامي…..ايه ده حمد الله علي السلامه قعدتك مع فاطيما هتعديكي يا غيبوبه انتي كمان
ميار…..بضحك الله مش بطلب الاكل
رامي…..عموما متقعديش معاها كتير عامله ايه يا ميرو
فاطيما…..رخم
ميار…..بضحك الحمد لله انتوا علي طول كده بتناقروا في بعض
فاطيما……معرفش حاطتني في دماغه ليه
رامي….انتي تطولي يا غيبوبتي
فاطيما…..اه اطول طبعا
نور….وطوا صوتكووووو
رهف……نور انت حاسس بأيه بالظبط
رامي….ماهو ماسك دماغه مش ناقصه غباء
نور….سيبها متردش عليها
رهف…..بضحك مش قصدي يا رخم منك ليه انا اقصد الصداع من فين بالظبط
نور….هتفرق يا ست الدكتوره اهو صداع وخلاص
رهف….هتفرق طبعا ممكن صداع نصفي ضغط واطي ضغط عالي ممكن قلة نوم قلة اكل ممكن من عينك انت اخر مره كشفت نظر امته
رامي…..انتي بقيتي دكتوره امته يا رهف صحيح
ميار……لا هي بتتكلم صح علي فكره بس ده إرهاق ومجهود وبردوا نور نومه مش متظبط ومن الصبح بيتكلم في التليفون ومكلش
رهف…..طيب انا معايا مسكن
نور…..اه بالله عليكي هاتي مسكن
ميار ….لا متديهوش يا رهف لسه مكلش لما ياكل يبقي ياخد
نور….ماهو انا مش هعرف اكل وانا مصدع كده
رهف…..خليه باخد واحده مش هتعمل حاجه وانتي يا فاطيما اطلبيله عصير لحد ما الاكل يجي
ميار…..هتتعب والله اكتر
نور….لا هتريحني شويه متقلقيش لحد بس ما الاكل يجي.
خد نور منها البرشامه ودقايق جاله العصير.
مكانش مرتاح خالص ومره واحده حس انه عايز يرجع جري علي الحمام وفضل يرجع كتير
رامي…..واد يا نور انت واكل حاجه بايظه ولا ايه
فاطيما…..لا والله هو اصلا الصبح كل ساندوتش صغير وشرب نسكافيه
ميار……انا قولتلك متاخدش المسكن طول ما انت مصدع ومكلتش طبيعي ترجع
رهف……طيب تعالي نام هنا كده وغمض عينك شويه
رامي….تعالي اه افرد نفسك هنا الوقت تبقي احسن
ميار….نور طيب تحب تروح لدكتور
نور….لا لا انا لما رجعت فوقت شويه تقريبا كده ضغطي كان عالي .
ميار……طيب الاوردر شكله وصل هروح اجيبه.
نور….فاطيما طلعي الفلوس من جيبي
ميار….بطل هبل سابته وخرجت راح وراها بسرعه رامي ونزل جاب معاها الاوردر وحاسب هو وبعدين طلعوا.
ميار……انت وصاحبك عليكم حجات خلاص يعني الدنيا طارت
رامي…..في ايه يا بت يلا قدامي
ميار…..بضحك ماشي
دخلوا وكلوا مع بعض كلهم نور بقي افضل شويه
ميار……كمل اكلك
نور….لا انا كده تمام اوي
فاطيما….طيب احسن
نور….اه كتير الحمد لله بص لرامي وضحك تعالي بقي
رامي…..ايه ده انت هتفوق عليا
نور…..مش انت جاي فايق علي اختي
رامي….وانت مالك انا وغيبوبتي حرين صح يا غيبوبه
فاطيما……هتضرب تاني
رامي….لت خلاص اخر مره
فاطيما…..خلاص سماح المرادي يا نور عشان خاطري
نور…..انت ابه اللي جابك ياض
رامي….خلصنا شغلنا بدري وقولنا نيجي نرخم عليكم
نور…..فين باقي العصابه
رامي……جلال وامير في الشركه شكل عندهم شغل كتير انهارده
نور…..بقولك ايه انا لحد الوقت مجبتش حاجه البسها في فرح منذر وفيروز
رامي….يعني انا اللي جبت
نور….طب ايه ما تيجي نروح سوا
رامي…..شوف امته وانا تمام
فاطيما…..اه وخدونا معاكم
رامي…..يلا يا ماما ناقصه هي لف ومشوره
فاطيما…..عشان خاطري متبقاش رخم
رهف….سيبك منهم تعالي نروح احنا
نور……لا خلينا ناخدهم بلاش يروحوا
لوحدهم
فاطيما….طيب نخليها بكره ولا انهارده
رامي….انتوا وراكم حاجه انهارده
نور……لا مش كتير يعني
رامي….خلاص خلصوا ونروح كده نتمشي ونبص يمكن نلاقي حاجه ونخلص
نور…..خلاص تمام ايه رأيك يا ميار
ميار…..ممكن انا لا عشان ملك كانت عايزاني اروح معاها
نور…..طيب تعالي معانا وابقي روحي معاها بردوا ماشي
ميار….طيب تمام
نور….ابق يكلم كده العيال تاني عرفهم عشان لو حابين يجوا معانا
رامي…..اشطا
……………………
علي الساعه خمسه إلا ربع .
كان كل الشباب رجعوا علي المجموعه.
طلعوا بسرعه علي مكاتبهم سابوا حاجتهم وبعدين راحوا علي غرفة الاجتماعات.
وتقريبا الكل رجعوا مع بعض في نفس التوقيت وامير ملحقش يقول اي حاجه فا خد الورق ودخل بيه علي جوه عشان بديه لمراد وياسين وزيد ويعرفهم اللي حصل .
دخلوا كلهم قعدوا وقعد راجح علي رأس التربيزه ومراد قصاده وزيد جنب راجح وداوود قدامه وقاسم جنب مراد من جنب و الجنب التاني سالم والباقي متوزعين علي الكراسي كل واحد عارف مكانه قدامهم لاب توب وورق واقلام و مايه و قهوه.
وكان في بعض المدراء المهمين
راجح…..جاهزين نبدأ
الجميع…..جاهزين
- يتبع الفصل التالي اضغط على (مملكة احفاد الطوبجي) اسم الرواية