رواية غرام في قلب الصعيد الفصل الثامن و الثلاثون 38 - بقلم اسماعيل موسى
٣٨
قبل الاخيره
سمعت سادين صوت حركه داخل الغرفه احكمت غلق باب الحمام ولبست هدومها كامله ولما فتحت الباب لقيت فرغلى فى وشها..........
انت بتعمل ايه هنا........ صرخت سادين بصوت مرعب
انا لسه معملتش حاجه يا سادين اصلا...
واصلت سادين صراخها،... كيف تجرأت ودخلت هنا؟
داخل عند واحده ست ساكنه لوحدها، خصرخ وآلم عليك الدنيا __
اصرخى زى ما تحبى يا سادين انا مش هخرج من هنا غير وانتى مراتى وانا جوزك
ورفع فرغلى يده..... وهسيبك انتى تحددى الطريقه براحتك
شوفت ازاى انا بحترم الديمقراطيه ازاى؟
.... نهض فرغلى ورفع جلبابه عايزها عافيه؟ ولا بالرضى؟
_____
عندما نظرت سادين من الشرفه لمحت والدها شيخ البلد يجلس على الدكه وحوله رجاله وعرفت ان والدها باعها
_____
بالعافيه يا فرغلى لو تقدر...
ركض فرغلى يسد على سادين كل طرق الهرب
لكن سادين وقفت بثبات وسمحت لفرغلى ان يقترب منها
ثم بلكمه غير متوقعه ضربت فرغلى فى صدره قبل أن تركله بين ساقيه بكل عزمها...
سقط فرغلى على الأرض وركضت سادين هاربه من الغرفه وقبل ما توصل الشارع والدها سد عليها الطريق هو ورجاله
وامرهم يمسكوها، كتفو الكلب_ه دى
___ ثم صرف رجاله ولم يبقى منهم سوى رجل واحده معروف بالقذاره وانعدام الضمير رجل بقلب ميت وأمره ان يجر سادين ويرجعها إلى البيت ويتركها فى الغرفه العلويه
وكان فرغلى قد خرج بوجه متورم ويتألم من خص_يتيه
وهو يهمس ورحمة ابويا لاقطعها حتت، مش هخلى فيها مره
... بس اسكت جاتك نيله صرخ عبد التواب
___اخدتنى خوانه يا شيخ البلد مكنتش اتخيل انها كده
..... طيب ادينى كتفتهالك يا سبع البرمبه يلا امشى غور من قدامى وشوف هتعمل ايه
وكان شيخ البلد يشعر بالسعاده وهو يشتم ويسب ويلعن فرغلى أقوى شاب فى القريه وهو لا يستطيع الرد عليه
لقد حوله لبركه من القذاره واصبح مجرد شخص عادى
شخص نكره مثل الجميع، أجرى يلا انجر جاتك نيله
احنى فرغلى رأسه وهمس حاضر يا شيخ البلد
وكان عبد التواب ينظر اليه كواحد من رجاله الذين يملك مصائرهم ويستحقرهم
__ثم جلس يهمس فى سره، جه الوقت إلى لازم تدفعى فيه التمن يا سادين
الوقوف فى وجه شيخ البلد لا يمكن يعدى من غير عقاب
افسدتى كل خططى وفاكرانى نايم على ودانى؟
لا يا بت تحسين انا مفيش دبت نمله بتحصل من غير ما اعرفها
ثم اخرج سبحته عند مرور مجموعه من الرجال واستقبل القبلة واغمض عينيه وراح يهمس بصوت مسموع، الله
الله، أستغفر الله، استغفر
سلام عليكم يا شيخ البلد ارتفع صوت الرجال وعبد التواب يلوح لهم بتقوى ووداعه ويسألهم عن موعد الصلاة...
_____
دخل فرغلى الدار مره اخرى وفتح الباب الذى تئن داخله سادين وجدها مقيده على السرير
اطلق ابتسامه وهمس واخيرا يا بت التواب؟
انت راجل انت؟
فين فرغلى إلى الناس كانت بتحلف بروحه وشهامته؟
ازاى تاخد واحده غصب وفى الحرام
___اسمعى يا بت انتى الكلام دا معدش بيأثر فيه
فرغلى إلى الناس كانت تعرفه مات خلاص
ثم اقترب منها وتشمم جسدها ووجهها مثل الكلب قبل أن يطلق دفعت اهات متتاليه مشحونه بالرغبه
ثم احتضن الجسد المرتعش النافر وسادين تهز رأسها وتصرخ ابعد عنى
كتم فرغلى فم سادين، لا يريد أن يسمع صوتها ولا اعتراضها
ثم رفع نقابها، ليرى الوجه الامع الدامع والشفاة الرطبه
وربت على كرشه باستمتاع
____________
استقل صقر الطريق نحو المدينه وقبل ان يقطع تذكرة القطار وهو فى الانتظار شعر بنغزة فى قلبة
نغزة غريبه ومؤلمه تحرك الروح وتشعرك ان هناك شيء تعيس سوف يحدث، ان جسدك ليس بخير على الأطلاق
همس صقر هو فيه ايه؟
ودار عقله بسرعه حتى تذكر سادين ان قلبه لا ينبض الا بها ولا يتألم إلا لها!!
فترك المحطه وغطى وجهه واخترق الحقول البعيده خلف المنازل حتى وصل البيت البحرى، راقب البيت ولمح عبد التواب يجلس امام البيت
ثم تسلق البيت من الخلف بهدوء ومشى فى الاروقه على طرف اصابعه
لم يكن هناك صوت لكنه بالكاد سمع آنات وآهات مكتومه وصوت حركة داخل احدا الغرف
ازدادت النغزة فى قلب صقر كأن قلبه على وشك ان ينفجر
ثم فتح الباب ليجد فرغلى يحتضن سادين بالعافيه وسادين تقاوم بيديها المقيدتين
يا ابن الكلب_ب صرخ صقر وهو يهوى على رأس فرغلى وظهره بالضربات القاسيه سقط فرغلى على الأرض وهجم عليه صقر يلكمه فى وجههه وكل مكان فى جسده والدم ينفر ويفور من وجه فرغلى وصقر يركله بقدمه ثم سحب العكاز المسنود جوار الباب ونزل فى فرغلى ضرب
___حاسب يا صقر هتقتله همست سادين بخوف
إلى زى ده لازم يموت ميت مره يا سادين واخذ سادين فى حضنه، ضمها ضمة اشتياق، انتى كويسه؟
الكلب دا عمل حاجه معاكى؟
أرتدت سادين ملابسها وصقر يجر فرغلى من ذراعه فى الرواق ثم على السلم وسادين تهمس كفايه يا صقر خلينا نهرب من هنا
لكن صقر اقسم ان يفضحه امام كل القريه
لا!! همست سادين، لو فضحته سمعتى هتيجى معاه وترتبط بيه
كفايه إلى حصله احنا لازم نمشى ابويا مش سهل ومرتب كل حاجه
لكن صقر كان فى حاله من الهياج ورغبه فى الأنتقام دفعته ان يجر فرغلى ويلقى به تحت قدمى عبد التواب وهو يصرخ
بقى هو دا شرفك يا شيخ البلد؟
بتجيب رجال لبيت بنتك؟ لبيت ست مجوزه وجوزها حى
رفع عبد التواب ايده والسبحه الطويله ملفوفه على اصابعه
صقر ولد اخويه حى؟ يا مراحب يا مراحب
مين الكلب ده وكان بيعمل ايه جوه بيتى ثم اخرج طبنجته الميرى
انطق يا صقر كان بيعمل ايه؟
-تردد صقر فى الكلام ثم صرخ كان بيعتدى على عرضك وشرفى
كلب صرخ عبد التواب وهو يطلق الرصاص على جسد فرغلى
سمع رجال شيخ البلد المنصرفين المنتظرين بعيد صوت الرصاصه فركضو يحملون اسلحتهم نحو البيت البحرى وكان الظلام اسدل ستاره والفلاحين رحلو من حقولهم واصبحت الناحيه البحريه خاليه من الناس.
- يتبع الفصل التالي اضغط على (غرام في قلب الصعيد) اسم الرواية