رواية مملكة احفاد الطوبجي الفصل الثالث 3 - بقلم اميرة اسامه

  

رواية مملكة احفاد الطوبجي الفصل الثالث 3 - بقلم اميرة اسامه

نزل منكش وقفل مراد مع كرم وخرج بره للشباب كانوا قاعدين يضحكوا و يتكلموا عليه لسه

مراد……بإبتسامه ايه نزل خلاص

ياسين….ده ايه الكائن ده يا عم

مراد…..لا بس عسل والله

سالم….فطسني من الضحك تحس انه عنده انفصام

منذر…..كاركتر اول مره في حياتي اشوفه

جلال…..لا ومش طايقني

زيد….وانت مين بيطيقك بس من اول ما قال اسمه وانت واقع في الارض من كتر الضحك

جلال…..هو في حد في الدنيا اسمه منكش مقالش اسمه الحقيقي صحيح

مراد…..كرم هيجيبوا معاه يا اخويا ابقي أساله تاني

قاسم…..ايه حوار كرم ده بقي يا مراد غريب زي منكش هو كمان

مراد….لا غريب ولا حاجه كرم

قاسم…..حلو ان الواحد يعتز بمهنة ابوه واجداده بس بردوا مهنة الطب ليها برستيچها الخاص أزاي قادر يحافظ علي برستيچه كادكتور

ياسين……صراحه لما شوفتك بتاخد منه المفتاح بتاع الشقه متخيلتش ابدا انه دكتور يعني شكله جزار جزار بلبسه و الريأكشن بتاع حركات جسمه

امير…..صراحه وانا كمان اټصدمت

مراد…..الاول كده كرم ده اللي عالج أمير وهو صغير في مره تعب اوي وروح كانت هتتجنن اتصلنا بالدكتور وقتها بعتلنا كرم عشان مكنش فاضي ووقتها كرم كان في شغل في القاهره دي كانت معرفتي بيه ومن وقتها بقينا صحاب بس الغريب بقي ان كرم حقيقي هو الكاركتر مش منكش يعني لما تشوفه وهو دكتور لابس البالطو تقول مستحيل ده المعلم كرم برستيچ واسلوب و واجهه مشرفه بجد

واصدمكم بقي كرم من اكبر جراحين في مصر شهادات التقدير عنده ملهاش عدد صاحب اكبر مستشفي خاص في اسكندريه

منذر…..صاحب مستشفي ولا مدير

مراد……هو المدير وهو صاحبها خد بالك كرم يبان انه شخص عادي ومتواضع لكن هو من عيله مبسوطه جدا وهو في مهنته عمل نفسه بنفسه وقدر يوصل لحلمه وكبره يعني متفكروش انه شخص عادي كرم تقيل اوي خدوا بالكم

قاسم….طيب ايه حوار الشقه دي بقي ماله هو ومال تأجير الشقق

مراد…..كرم معندوش الشقه دي بس ده ليه شقق كتير اوي في كل مناطق اسكندريه تقريبا عنده اليخت بتاعه طلعت معاه عليه قبل كده

جلال….اوباااا يخت حلو ده طب ايه مش هناخد لفه

مراد…..هي عجله يا واطي

جلال…..اي حاجه نخمس بيها في البحر شويه

داوود…..بس علي فكره دي حاجه حلوه انه يكون متواضع

مراد…..جدا والله يا داوود غير جدعنته ابن بلد بجد لما كنت اجي اسكندريه ويعرف بس اني هنا مبحملش هم اي حاجه علي طول سداد وتحس انك ليك ضهر وفي مكانك جدع بشكل ميتوصفش يمكن بقصر معاه كتير وهو الدنيا بتاخده بس يوم ما بكلمه او يكلمني بحس اني لسه كنت معاه

عاصم……صراحه واضح انه جدع يعني يادوب لسه سايبينه من شويه يبعت كل الاكل ده عشان عارف اننا لسه واصلين

يوسف……فعلا والاكل كتير اوي والله

مراد…..بعيدا بقي عن كل ده لما تعرفوا هتحبوا جدا

ياسين….طيب يا جدع لما هو تقيل اوي كده مش كنت قولتله يشوفلنا ڤيلا ولا شاليه بدل الزنقه اللي احنا فيها دي

مراد…..مالها ياض الشقه ماهي حلوه اهي اربع اوض يرمح فيهم الخيل ولا خدت علي عيشة القصور يا ابن الطوبجي

ياسين…..ياجدع مش كده بس احنا بردوا عدد

مراد…..وهو في احلي من الزنقه والزحمه في شقق الرحلات ارجع لأصلك يا ابن راجح ده من فات قديمه تاه

ياسين….اهو هيركبني الغلط انا قولت حاجه يا جدع انت كل الحكايه اني بقول عشان نبقي براحتنا

مراد…..انا قاصد اجيبكم هنا وتفصلوا شويه عن حياه القصور والڤلل ياولا دي القاعده اللي احنا قاعدينها دي تسوي كنوز الدنيا مجربتش انت رحله زي دي بالغدد ده في شقه صغيره بس اسمع

مني لو جربتها هتحلف بيها وهتعرف انك لا سافرت ولا طلعت رحلات تفصل فيها بجد

يوسف……بص هو انا مش فارق معايا شقه ولا ڤيلا ولا كل الحوار ده بس بيتهيألي كنت شوفلنا شقه في مكان احلي يعني خالد ابن الوليد والليله دي بيتهيألي بليل هتبقي زحمه مۏت ده واحنا داخلين الشارع بس الدنيا كانت مۏت امال بليل هتبقي عامله ازاي

مراد…..هتبقي جنه طب جرب انت النزول بليل في خالد ابن الوليد وسط زحمه الناس اللي جايه تصيف والهيصه بتاعت المحلات والقاعده علي البحر حياه تانيه

جرب تلبس الشورت وعليه اي تيشرت بأي لون حتي لو مش ماشي علي بعضه وفي رجلك شبشب واتمشي عالكورنيش وشم ريحة اليود اللي خارجه من البحر مع شويه هواء يسطلوا ويعملولك احلي دماغ رباني

تبقي ماشي في دنيا تانيه وسرحان و حواليك اغاني مختلفه خارجه من كل محل ومن كل عربيه طايره من جنبك منتش عارف تميز اغنيه واحده ميكس رهيب بين الهدوء اللي في عقلك ودوشه الناس اللي حواليك

جرب تمشي من جنب اب محل بتاع ايس كريم وتشم ريحة البسكوت وهو بيتسوي طازه ويتحطلك فيه الايس كريم

جرب تشم ريحة الزلابيه مع ريحة البحر ولا ريحة الذره المشوي

عاصم….بضحك مراد علي قديمو بردو

مراد…..ماقولنا من فات قديمه تاه انا فاكر زمان اوي لما كنت اجي مع امي وابويا وراجح وداوود كنا لسه صغيرين تصدق باللي خلقني وخلقك انا سافرت اغلب بلاد العالم ماشوفت جمال في الدنيا زي جمال مصر واسكندريه تحديدا ليا فيها ذكريات كتير

سيبك بقي من الساحل وشرم ودهب والاماكن دي هي صحيح حلوه بس الروح مش موجوده فيها عايز تحس بالروح الحقيقيه

وتشم ريحة ذكريات زمان يبقي اسكندريه المكان الصح

حتي لو جيت فيها لاول مره ومالكش فيها ذكريات اسكندريه وبحرها قادرين يفكروك بأحلي الذكريات في حياتك أسكندريه كفيله تخيلك تعيش ذكريات يمكن تكون معشتهاش في الحقيقه

عاصم….بإبتسامه وهو بيستمتع بكلام مراد معاك حق اللي ملهوش ذكريات في اسكندريه مهما كان عنده رصيد كافي من الذكريات الحلوه في حياته هيفضل رصيده ناقص انا كمان من عشاق اسكندريه يمكن كمان جيت هنا كتير ولفيت فيها بس حقيقي من اكتر الشوارع القريبه لقلبي خالد ابن الوليد كنت زمان ايام الشقاوه لما احب افصل كنت اخد صحابي ونيجي علي هنا أفتكر كمان في مره روحنا نشوف بير مسعود

مراد…..بإبتسامه عشق اااااه بير مسعود

امير……ايه بير مسعود ده

مراد…..بلا خيبه انتو جيل الساحل وشرم وبلاد الفرنجه

جلال…..بضحك بلاد الفرنجه ابوك علي قديمو اوي

مراد……وماله يا ولا اللي علي قديمو ده عموما بير مسعود ده بيسموه بير الامنيات هو ليه حكايات واساطير كتير صراحه مش عارف اوي ايه حكايته بس زي ما تقول كده الناس بتتفائل بيه بيقولوا ان اللي بيرمي فيه فلوس معدن ويتمني امنيه بتتحقق

امير….اه زي كده نافوره تريفي في ايطاليا

مراد…..بالظبطططط يا بتوع ايطاليا النبي عربي يا ولا

رامي…..ايوه بس بردوا ايه حكايته عندي فضول اعرفها

نور…..صراحه انا اول مره اصلا اسمع عن بير مسعود

مراد…..وهتعرف عنه منين يا اخويا منك ليه انتوا جيل فقير الذكريات الجميله

عاصم….انا اعرف شويه حكايات عنه بس خليني الاول اكملكم الحكايه

مراد….كمل يا عاصم والله طلعت انت كمان علي قديمو مش زي العيال دي

عاصم…..طبعا دي اسكندريه العشق المهم يومها روحنا عشان نشوف بير مسعود وكان وقتها الساعه اتنين بليل البحر ده مش باين من كتر الضلمه ضوء القمر عاكس عليه بس شكله بردوا يخوف وصلنا و وقفنا نتفرج زي

باقي الناس رغم اننا بليل بس الكل كان في الشارع والحقيقه اننا اټصدمنا يومها لان الموج كان عالي جدا بيضرب في البير والميه تطلع ټغرق كل اللي واقف واللي يصدم في الموضوع اننا شوفنا شباب اسكندرانيه نازلين في قلب البير

جلال….في قلب البير وهو الموج عالي

عاصم….اه والله العظيم زي ما بقولك كده الموج بيضرب وصوته قوي واللي واقف فوق خاېف من المنظر ودول نازلين بكل جراءه عشان يلموا الفلوس اللي مراد قال عليها

يوسف……يعرضوا نفسهم للمۏت عشان فلوس معدن

عاصم…..القصه مش في جمع الفلوس قد ما هي في المتعه نفسها هنا اصلا متعودين ومش بس كده اخر البير في فتحه صغيره جدا بتوصل للبحر كانوا ينزلوا ويغطسوا يدخلوا من الفتحه ويخرجوا علي البحر

زيد…..انا شوفت الحوار ده قبل كده كتير بس بجد بحس بضيق في التنفس فظيع مش عارف كانوا بيعملوها ازاي

عاصم…..هما متعودين و ولاد اللذينه حافظين طريقهم كويس ورغم الړعب اللي كنا بنحس بيه وخوفنا عليهم واحنا منعرفهمش بس تحس بمتعه جميله وانت بتتفرج عليهم واحلي وقت كنت تتفرج عليهم فيه وقت الغروب بيبقي لسه النور طالع تشوفهم وهما بيغطسوا وتجري تشوفهم وهما طالعين من البحر

داوود…..بس بيتهيألي في ناس ڠرقت بردوا يعني مش امان

عاصم….طبعا شباب كتير اوي ڠرقت في النهايه بيعوموا مسافه مش صغيره جوع فتحه يادوب علي قدهم وخصوصا لو البحر عالي ودي كلها صخور تحت

مراد…..طيب ايه حكايته بقي عشان انا عمري ما عرفت حوار البير ده

عاصم…..بص يا سيدي هو زي ما قولت بير مسعود ليه الف حكايه وليه اساطير كتير الناس بتقولها ولحد يومنا ده معرفش معلومه مؤكده في اللي يقولك

ان دي مقبره يونانيه اتبنت في عصر اليونانين عشان كان ببقال انهم ديما بيبنوا مقابرهم جنب البحر

وفي اللي يقولك ان ايام الدوله الفاطيمه كان في واحد من الاثرياء كان شاري شخص زي العبيد كده وكان بيعذبه جدا وقدر الشاب ده يهرب منه وراح علي اسكندريه ووصل لبير مسعود نام جمب البير بس من شدة تعبه ماټ جنب البير ولما الناس عرفت حكايته سموا البير مسعود علي اعتبار ان الشخص ارتاح من العڈاب اللي كان بيشوفه

واسطوره تانيه خالص بتقول ان كان في طفل صغير اسمه مسعود والدته اټوفت و والده اتجوز واحده تانيه وكانت بتعذبه والولد بردوا هرب وتاني يوم الناس لقوه غريق في قلب البير واطلقوا علي البير بير مسعود نسبه لاسم الطفل يعني

واسطوره رابعه بتقول ان كان في شيخ اسمه مسعود كان كل يوم يروح يقف عند البير يتأمل في شكل البحر والمنظر الجميل ويدعي وفي يوم لاقوه مټوفي جنب البير وبعدها بقي كل يوم يلاقوا في غريق في قلب البير فا قالوا ان دي لعنه الشيخ وسموا البير بأسمه

وطبعا اكيد في حكايات و اساطير كتير عند الاسكندرانيه نفسهم بس هي دي كل المعلومات اللي اعرفها

مراد….لا الله ينور علي قديمو بحق

زيد…..بإبتسامه غمز لعاصم مش سالك انت بردوا

عاصم…..بضحك وانا قولت ايه بس دي كلها معلومات عامه يا جدع

امير…..الله انا عايز اروح اشوف البير ده

جلال….وانا كمان

مراد…..وصفه مش زي ما تشوفوا بنفسك المكان هناك بيخطفك ولو غيبت عنه سنين اول ما ترجعله هتحس انك كنت سايب حته منك فيه واكيد هنروحه بكره بإذن الله

جلال…..بضحك بس قولي صحيح هو انتوا زمان ايام الروشنه كنتوا بتمشوا علي الشاطئ وانتوا حاطين الكاسيت علي كتفكم

مراد….بضحك اسكت دي كانت احلي ايام كنت اضرب الشورت والتيشرت الكات والبس الكاب

بالعكس وامسك الكاسيت وامشي وانا حاسس ان مفيش حد واكل الجو غيري

قاسم…..ولا ايام الوكمان فاكر

مراد…..طب والله ايام جميله

هشام….ايه الوكمان ده

قاسم…..ده زي كاسيت مصغر كده قد الكف وليه سماعات زي الهاند فري وفي ضهره في حاجه زي المشبك تشبكه في بنطلونك وتمشي مفيش اروش منك

جلال…..ومالك فخور كده ليه انا لو منك اتكسف

زيد…..اتلم ياض انا من جيل الوكمان ده بس مكنتش بعلقھ في البنطلون

عاصم…..بضحك لا انا علقته كان لونه نبيتي

علي……علي فكره بيتهيألي عاصم محتفظ بيه لحد الوقت صح

عاصم….بإبتسامه جميله اه عندي والله هبقي اوريهولكم لما نرجع

مراد…..طب والله يا جلال ان ايامنا دي كانت احلي ايام واحلي ذكريات كان في بركه كان في سعاده من القلب بجد ومهما كنا بنمر بظروف صعبه مكانتش بتعلم في قلوبنا زي الوقت زمان الۏجع كان بيعدي بسرعه كنت بتلاقي اللي يهونه عليك لكن الوقت بتحس ان الۏجع بيكمل معاك

الماضي بتاعنا ايام زمان كله ذكريات جميله لكن الايام دي لما تبقي ماضي مش هنلاقي فيها ذكريات حلوه زي زمان

داوود….اهو في دي بالذات مراد عنده حق يا اخي الوقت اللي بيحصل فيه حاجه ټوجعك تحسه طويل مش بيعدي بسهوله انا افتكر زمان حتي لما كان حد من معارفنا ېموت اه كنا بنحزن ونتوجع علي فراقه بس شويه واللي حواليك بيقدروا يهونوا عليك الوقت حتي لو اللي كان بيهون عليك زمان لسه معاك فاهو محتاج اللي يهون عليه حقيقي الايام دي مش زي زمان

وللأسف انتوا جيل مهما كنتوا مرفهين وعايشين حياتكم ومبسوطين بس معنكوش رصيد كافي من الذكريات

رامي…..ليه بس احنا بردوا بنسافر وبنخرج ونتفسح وبنعيش حياتنا والحمد لله مهما كنا بنشوف حجات صعبه بس الي حد كبير احنا مبسوطين

داوود….انا معاك وحاجه حلوه انك تكون راضي علي حياتك بس اللي انا بتكلم فيه غير اللي انت تقصده

انت رصيدك من الماضي الحلو بذكرياته بيتلخص في سفريه في خروجه في سهره في حفله

لكن رصيدنا احنا غيركم يا رامي

مراد…..احنا رصيدنا من الذكريات يا رامي في الناس الحلوه اللي قلوبها كانت نضيفه بجد في الناس البسيطه والاماكن الابسط

زمان الاماكن كنت تدخلها تحس ان كل مكان ليه ريحه خاصه بتميزه ريحه صعب توصفها

يعني مثلا في القاهره في اماكن مستحيل تدخلها ومتشمش ريحتها خد بالك انا بعشق الاماكن البسيطه والشعبيه الاماكن اللي ليها تراث وفيها ريحة زمان يعني مثلا زي الحسين الغوريه السيده زينب خان الخليلي المعز الاماكن دي لما تدخلها كل مكان ليه ريحه

ومش كلمه بقولها مجازا لجمال الاماكن دي لا هي حقيقي ليها ريحه بمجرد ما تدخل فيها تحس بروحنيات مش طبيعيه ريحه تفضل ملازماك وقت طويل ريحه تشمها بمجرد ما تنوي بس تروح المكان ده

ومش بس الاماكن دي بيتهيألي كلكم سمعتوا راجح قبل كده قال كتير عن رمضان انه ليه ريحه

جلال…..بضحك اه بس عمري ما فهمتوا بصراحه هو في شهر ليه ريحه

مراد….اااااه رمضان ليه ريحه وليه حضور وليه روحانيات خاصه بس عشان اكون صادق مش رمضان بتاع الوقت رمضان زمان كان ليه ريحه بمجرد ما نقرب علي دخول الشهر نحس بريحه غريبه تملأ قلبك راحه يمكن صعب اوصلكم الاحساس ده وصعب اوصفلكم الريحه اللي بنتكلم عنها بس الجيل بتاعنا واللي بعدنا يفهم اللي بقوله ده

منذر……انا فاكر علي فكره واحلي رمضان بيتهيألي كان بيعدي علينا وقت المدارس في الشتا كان احساسه غير

سالم….انا فاكر بقي ايام المدرسه ريحه الساندوتشات وريحه الكشاكيل والاستيكه ريحه الشنطه الجديده

والجزمه ريحه اللبس حقيقي الريحه لسه فاكرها

عاصم…..بصوا هو انتوا حاسين اللي بنقوله ده غريب بس حقيقي اللي محضرش الفتره دي فاته كتير اوي

جلال…..بضحك انا بقول ندفن نفسنا ونخلص عشان مش هيبقي لينا ذكريات

داوود…..بعد الشړ عليكم وان شاء الله تقدروا تعملوا ماضي كله ذكريات جميله حبوا الوقت اللي انتوا عايشين فيه وعيشوا وانتوا من جواكم سلام وهدوء وصدقوني لما وقتكم الحاضر ده يبقي ماضي هيبقي فيه احلي ذكريات اتبسطوا بالتكنولوچيا والعصر اللي احنا فيه بس اوعوا تخلوا التكنولوچيا تاخد من عمركم حياتنا زمان كانت جميله عشان كانت بسيطه يمكن كنا بنعمل كل حاجه بأيدنا عكسكم انتوا مرتاحين بالتكنولوچيا بتاعتكم بس صدقوني الصعب اللي عملناه بأيدنا ومن غير تكنولوچيا احلي بكتير من السهل اللي اللي عملتوا انتوا بالتكنولوچيا

سالم……معاك حق يا داوود

الكلام سرقهم وذكريات الماضي الجميل ديما الكلام عنها زي السحر بيخلي الوقت يجري وبنسرح بخيالنا لبعيد الكلام خدهم والساعه بقت 12 والكل فصل فا قرروا يناموا ومينزلوش يتمشوا كل واحد فيهم دخل نام عشان يرتاح ويجهزوا ليوم جديد و يستقبلوا كرم يشاركهم في رحلتهم.

في البدايه منذر كان بيقاوح النوم وزيد ومراد قاعدين يضحكوا عليه بس زي ما بيقولوا النوم سلطان وسلطان النوم غلب منذر ومقدرش يقاوم النوم وصمم ينام جنب زيد وهو ماسك فيه زي الاطفال.

وفي تمام الساعه الثالثه فجرا

بدأت اولي المغامرات في الشقه المسكونه مع ياسين

 

• يتبع الفصل التالي اضغط على (مملكة احفاد الطوبجي) اسم الرواية