رواية اللقاء الثاني الفصل الثالث 3 - بقلم منة محمد
اسامه دخل غرفته الخاصه وقفل الباب واطمن ان بسمله دخلت تاخد شور وبسرعه حط البطاريه في الموبيل وفتحه لقاه عشرين مكالمه فائته من زينب جه عشان يتصل لقاه المبلغ المحول ع حسابه الخاص من بسمله لكنه سكت ضميره واتصل لحد ما عطاله جرس مردتش اتضطر يتصل بأخوها
مؤمن اخو زينب رد: اهلا يا سمسم عامل ايه يا عم في اليونان
اسامه بصوت واطي:الحمد لله اختك ليه مش بترد لما بتصل بيها
مؤمن: يمكن نايمه لحظه واحده اشوفها ( نادي بصوت عالي) زينب هو انتي نايمه جوزك ع التلفون اسامه شكلها كده نايمه
اسامه: تمام ممكن تخليها تتصل بيا بكره
مؤمن: قولي هو انت متخانق معاها
اسامه: وبتسأل ليه
مؤمن: اصلها من ساعه ما رجعت مضايقه ومزاجها مش في الفرمه
اسامه: يمكن تعبانه يله سلام
مؤمن: اه جب لي هديه اياك تنسي
اسامه قفل بسرعه لانه حس بحركه بره الباب وبسرعه قام فتح وطلعلها
بسمله بصتله: استاذ اسامه عارف اسوء حاجه في السويت هنا ايه انه مفيش عازل للصوت وممكن الي في الاوضه جنبك يسمعك وانا حاسه بشعور الندم انك خالفت اتفاقنا وكسرت الشروط في اول يوم لينا سوي
اسامه: عملت مكالمه مدتها قصيره لـ اخو مراتي اسلم عليه
بسمله: القواعد قواعد لما تبدء وانت دلوقت كسرتها وبكدا انتهي اتفاقنا
اسامه تمام ننهيه (وسابها ودخل سحب الشنطه وفضل يشد في هدومه )
بسمله دخلت وراه بنفعال: انت زي ما انت متغيرتش كتير
اسامه في منتهي البرود: هاخد ده ع انه مدح . وهختار اختفي من قدامك
بسمله بغيظ من بروده: معقول هتتخلي عن المليون الا ربع الباقين بسبب كبريائك كدا بالسهوله دي
اسامه: منا لو فعلا راجل عنده كبرياء حقيقي مكنتش خليت مراتي تبعد عني واسيبها واسيب الفلوس هي الي تحكم وتتحكم فيا عايزني اعمل ايه انزلك ع ركبي واطلب السماح منك ولا اوطي ع ايدك ابوسها كدا هتبقي مرضيه بس هريحك لو قلت لك انتي علمتي درس مفيد لـ شخص مش ناضج وجاهل وقرف من نفسه
بسمله: فاكره نفس النظره دي مش عشر سنين نظره اليأس لما اترجيتك تتمسك بحبنا وانت عشان كبريائك وكرامتك اخدت موقف حازم وسيبت كل حاجه وراك ومشيت ودلوقت مفكرني بهزر انا كرهتك وكرهت نفس النظره بس تمام هنتخلص من الشرط الثالث لو ده هيريحك
…………………….
تاني يوم الصبح بدري بسمله لبست بلوزه دم الغزال ع بنطلون جينز ضيق لمحت ورقه مكتوب عليها اماكن للسياحه ابتسمت لقت الي شدها بعنف من ايدها
بسمله بصتله اوي وقالت: فيه فيلم رومانسي نازل في السينما هيعجبك
اسامه كشر: اظن كسرنا الشرط الثالث اننا مندخلش في حياه بعض الشخصيه
بسمله : تحب تركب معايا بسكلته
اسامه بصلها بستياء: لا شكرا
بسمله بصتله بنظره مستفزه: انت نسيت الشرط الاول لايمكن ترفض اي اقتراح
اسامه اضايق وكشر ولف وشه عنها
بسمله راحت وقفت قدامه وقالت بمرح : ع فكره انا بهزر لايمكن اتحمل واحد جبان اسامه ع فكره انا بفهمك من تعبيرات وشك وممكن اقرائها بسهوله وياريت تفرد وشك في اجتماع اليوم
اسامه :حاضر
بسمله: ده افضل بكتير يله نتحرك
بالفعل راحوا الاجتماع وكانت بسمله مبهوره بأداء اسامه وهو بيتكلم بكل ثقه وبعدها سبقها وراح المطعم ينتظرها
بسمله قربت عليه: ليه مطلبتش قبل ما اجي
اسامه :افرضي طلبت ومعجبكيش
بسمله بأبتسامه واسعه: لا هيعجبني الاكل عندهم هنا ملوش حل حلو جدا
اسامه : بصراحه انا اكلتي بقت خفيفه
بسمله ابتسمت اوي: بس اليوم كان متعب وصعب ولازم اكافئك عليه وانت ليك كامل الحق تطلب زي ما تحب اصل انا مبسوطه منك ومنك شغلك كان هايل
اسامه : متشكر جدا وانتي كمان كنتي هايله
بسمله بصتله اوي وهو بصلها واتهوس ع ابتسامتها المبهجه
بسمله ابتسمتله ابتسامة واسعة: ها نطلب( شاورت للمتر) بكره اجازه تحب تسهر لو رفضت هتكسر الشرط الاول
اسامه: ده اسلوب مهذب واطيعك وانتي مؤدبه وموافق نسهر وعشان كدا تسمحيلي اشاركك في دفع تمن السهره
بسمله بصتله وابتسمت ع كلامه الي يخطف اي قلب : متشغلش بالك احنا عملنا شغل حلو اوي واخدنا صفقه محترمه ولا مش شايف ان ده تعادل
اسامه : انا شايف ان علاقتنا بقت غريبه رغم مواقفنا الاخيره كلها شد وجذب
بسمله ابتسمت: شد وجذب عندك حق انا محتاجه مدير اعمال وانت محتاج مليون ينقذ حياتك في دي علاقه مفيده رغم جواها شد وجذب ها اتكلمت مع مراتك اكيد اخدت انطباع سئ لازم تصلح الامور معاها
اسامه بصلها بغيظ وقال: انتي شاطره تدي المرهم والجرح ومين الي خلق الانطباع السئ ده مش بسبب شروطك الغبيه
بسمله ضحكت ع انفعاله الي بتعشقه منه وقالت: تمام نشطب الشرط الثاني كمان
اسامه : وانتي معتقده ان زينب هتفهم حتي لو كانت بتثق فيا
بسمله: انا فاكره لما كنت طفله كنت بروح للشط واشوف المراكب ماشيه بحس بالخوف لان موجه واحده كفيله تدمر كل شئ وكنت بقول مفيش فايده اسامه انا حقيقي مش عايزه ابدا اكون موجه جديده في علاقتك وبصراحه انا عملت كده عشان اختبر مدي قوه علاقتك بزينب المبنيه ع الحب والثقه والتفاهم
اسامه : وانا شايف انك مش صادقه معايا وجسمي بدء يقشعر
بسمله : وانا بحاول اصلح حياتك حاول تتكلم معاها وحل امورك ولو فعلا بتحبك هتفهم الوضع الي اتحطيت فيه
………………………………
في غرفه الفندق اسامه طلع موبيله واتصل وفضل يديله جرس
اسامه بصوت كله لهفه :زينب طمنيني عليكي انتي كويسه
زينب بدون نفس: اممممم
اسامه : امال ليه مش بتردي اتصلت بيك مليون مره
زينب: مفيش داعي تطمن عليا بعد ما قفلت موبيلك
اسامه: اسف كنت مضطر متقلقيش عليا كل حاجه بخير دلوقت وعارف الي بتفكري فيه بس صدقيني محصلش الي خايفه منه عارفه ايه الي كنت بعمله لمده يومين فضلت اكتب طول الليل تقارير وحضرت اجتماعات مع مجموعه شركات استثماريه صدقيني ده كل الي عملته
زينب بقهره: وانا مبقاش يهمني انت عملت ايه معاها هناك خلاص مبقاش اصلا يهمني
اسامه : زينب ارجوكي افهميني
زينب بحده: انا استنيتك في رسبشن المطار واستنيتك في المطار انك تيجي ورايا لكن محصلش اتصلت بيك وانت مردتش ولا كاني بشر
اسامه : عارف بس بجد انا اسف انا غلطت
زينب: انت مبسوط يا اسامه
اسامه: لاء طبعا ايه الكلام الفارغ ده انا لو مبسوط عشان الدين اتشال من عاليا واقدر ارجع بلدي اعيش حياه طبيبعه
زينب: تمام استمتع بوقتك هناك
اسامه بنفعال: انتي حصلك ايه هو انتي مش عارفه سبب وجودي هنا ليه
زينب: طبعا عارفه مليون جنيه نقدي هديه وقعت عليك من السماء تحميك من دخولك السجن وتنجي بابا واخويا من التشرد في الشوارع عايزه اشكرك انك بعت نفسك لست اشترتك
اسامه صرخ : زينب
زينب بنرفزه شديده: ايه مش عايزني اعترض بعد ما رمتني اقل من جزمه قديمه
اسامه بضيق من اسلوبها : زينب ممكن تهدي مينفعش بينا الكلام بالطريقه دي
زينب: احنا مينفعش اصلا بينا اي كلام
اسامه حدف الموبيل ودخل تحت الدش يهدي نفسه وطلع بعدها مقهور وبكل وجعه راح قعد قدام غرفه بسمله
اسامه بدموع : بسمله انتي هنا زعلانه مني وزينب هناك غضبانه عليا وبسال نفسي ايه سبب كل ده وبقول مكنش المفروض ابعدها بالطريقه المهينه دي وكان لازم ارفض عرضك وابعد بعيد وبقول مكنش المفروض انا وزينب نيجي هنا وابقي مجبر اقابلك تاني وتظهري قدامي لاني قدامك بضعف من تاني رغم عمري ما نسيت لحظه انا وانتي عشناها سوي وقلبي لسه بيحبك زي المجنون وده بيخليني اغضب واثور ع نفسي اكتر وعارف انك خايقه لتضعفي دلوقت قدامي بس انا مسبتكيش بمزاجي ولا اتخليت عنك بأرادتي انا حاولت وعافرت بس كل الظروف كانت بتفشل ابقي معاكي لانك ملكه والملكات بيعيشوا في القصور
بسمله من وري الباب: وانا مكنتش عايزه غيرك انت لكن انت بكل بساطه بعدت
اسامه :صدقيني مكنتش عايز اخلق مشاكل بينك وبين ابوكي واكون انا السبب تكوني عاصيه
بسمله : انت سبتني عشان تريح دماغك
اسامه : مهما اببرللكك عمرك ما هتفهمي
بسمله ببكاء: لافاهمه انت اخترت تبعد عن وانا تعبت من اني كنت دايما بحافظ عليك جوايا
اسامه بدموع: وانا في بعدك عني حياتي شبه مجنون مش مدرك باي حاجه حواليا في نار جوايا مش عارف تهدها صدقيني اصعب حاجه عن اي راجل يبقي عاجز ياخد الانسانه الي بيحبها
بسمله كانت بتسمع كلامه وعيونها سيول من الدموع وقامت قفلت النور عشان تنهي الحوار
……………………..قصص منه محمد كاتب…………………..
يوم جديد صحيت قبل منه وخرجت لقت التربيزه عليها كانز وعلب فاضيه وفوضي حواليه
بسمله: استاذ اسامه يله فوق دخلنا ع الدهر وبجد منظر بديع لازم ناخدله صوره
اسامه بصلها وقال : هنعمل ايه اليوم
بسمله رفعت كتافها: ولا حاجه انتهي عقدنا والشغل الي عايزه مساعدتك فيه خلص خلاص انت حر تروح زي ما تحب اه بعتلك المبلغ ع حسابك بص واتاكد بنفسك
اسامه قرب ووقف وراها بسؤال : بسمله
بسمله لفت وبصتله: نعم
اسامه: انتي مسافره اليوم مش كده
بسمله :ايوه رحلتي بعد العصر ليه
اسامه :عايز اكمل شغل معاكي
بسمله : بس انت خلاص عملت الي عليك وعقدنا انتهي
اسامه : في الحاله دي انا مضطر اشتري وقتك (طلع رزمه فلوس وبمرح) خمس الاف جنيه تقضي معايا 3 ساعات وقواعدي نفس قواعدك ايه رايك موافقه
بسمله ابتسمتله بفرحه : طبعا موافقه
- يتبع الفصل التالي اضغط على ( رواية اللقاء الثاني) اسم الرواية