رواية اللقاء الثاني الفصل الرابع 4 - بقلم منة محمد
في المستشفي في غرفه الطوارئ قاعد جنبها بقلق تلفونه رن برقم غريب
خالد رد: الو مين معايا؟!
زينب: انا زينب
خالد بص لمراته وقالها : سوري حياتي معايا مكالمه مهمه هقوم ارد بره عشان مزعجكيش
انغام: متتأخرش
خالد هزلها دماغه وراح في اتجاه الباب ورد:اهلا يا مدام زينب خير
زينب: انا لقيت هادي بيتصل بيا
خالد بتعجب: بيتصل بيكي ليه؟
زينب: شكله شاف حلم وحش كان خايف وبيعيط قلت اكلمك تروح تشوفه
خالد: لايمكن حاليا بنتي هنا تعبانه جدا ومقدرش اسيبها
زينب: اه اسفه الف سلامه عليها
خالد: شكرا وحقيقي مقدرش اسيب مراتي لوحدها هنا تتعامل
زينب: طيب ع الاقل اتصل بيه طمنه اعتقد هيهدء لو سمع صوتك
خالد: مدام زينب عارف انه طلب بايخ بس تقدري انتي تروحي عنده
زينب بدهشه: انا
خالد: ايوه ابعتيلي عنونك وهبعتلك السواق لحد عندك ممكن تفضلي عنده الليله وهعوضك عن ده
زينب بتردد: هو الموضوع مش مسأله تعويض
خالد برجاء: مليش حد غيرك اطلب منه الطلب ده هو كمان بيحبك هطمن لو عرفت انك معاه من فضلك اعتبريه شغل لحاله انسانيه
زينب: تمام
………….قصص منه محمد كاتب…………….
خالد رجع فيلته وهو قلقان واول ما السواق فتحله الباب جري ع فوق فتح الباب لقاه زينب واخده هادي في حضنها ورايحين في النوم ابتسم وقفل الباب لكن زينب قلقت لان نومها خفيف وقامت من مكانها بسرعه وطلعت لقت خالد ماسك كراسه رسم ابنه وبيتامل انه راسم صوره والده بس مشوه وشه
زينب: حضرتك هنا؟
خالد لف بصلها وقال: اسف جدا صحيتك اتفضلي ارجعي كملي نومك
زينب بأحراج:لاء انا لازم امشي
خالد: بالسرعه دي هادي لو صحي هيزعل انك مشيتي بدون ما تسلمي عليه رجاء خليكي شويه حتي نفطر سوي
زينب: هو المفروض يكون كويس حاليا بما ان والده هنا صحيح بنتك عامله ايه اتحسنت
خالد ابتسملها:هي اتحسنت كتير وسبت معاها والدتها
زينب: انا مبسوطه انها قامت بالسلامه حضرتك شوفت الصوره الي رسمها هادي
خالد: اه شوفتها لما كلمته قالي انه قاعد بيرسم بس شكله كان بيرسم وهو مزعوج مني
زينب: ده امر طبيعي هو طفل عنده ست سنين حتي الكبار بيهابوا لو في مكان جديد وهو اتصل بيا لانه مقدرش يتأقلم ويتولي امر نفسه انا كمان شايفه ان المكان هنا مش مناسبه له انا همشي رجاء بلغه اني اسفه عشان مشيت وسيبته وهتصل بيه بعدين
خالد: استني السواق يوصلك
زينب برفض: لا انا هركب الاتوبيس كدا مش هحس براحه لما ادخل الشارع بالعربيه دي
خالد: ارجوكي خليني ارد شويه من جميلك انتي قدمت لي خدمه صعبه وبلغي جوزك اني متأسف جدا لمضايقتكم انتم الاتنين ( طلع ظرف من جيبه) اتفضلي مبلغ بسيط يوضح قيمه امتناني
زينب كشرت بضيق وقالت: لا انا هادي بقي صاحبي وبحبه بجد وجيت عشان اطمن عليه وانا مش هاخد حاجه
خالد: هو ممكن تتعصبي لو اجبرتك تاخديه
زينب بحده: ايوه هتعصب جدا
خالد ابتسم: لا وع ايه بلاش منه خالص بس في الحاله دي ممكن اطلب منك طلب تاني ممكن تهتمي بهادي
زينب: افندم
خالد: انا بحاول اوظفك رسمي خمس ايام في الاسبوع وممكن تروحي اخر الليل لبيتك وايام الاجازه مش هتشتغلي وهدفعك تلات اضاف الي بيدفعهولك في المستشفي ولو حبيتي تسيبي الشغل ليكي عندي نهايه خدمه قلتي ايه مناسب ليكي بس لو عايزه راي انا شايفه عرض ميترفضتش اطلاقا
زينب :الحياه لازم تبقي سهله وبسيطه لما تكون غني حتي لما تتعقد امورك المال بيحل كل حاجه
خالد :هو كلام معقول
زينب: بس انا مش بحب الفلوس وهي كمان مبتحبنيش عشان كدا عشت طول عمري فقيره
خالد:ع فكره انا الي مثير للشفقه مش انتي لاني اب عديم الفايده ساب ابنه لفتره
زينب :لاء انا الي عندي فضول اعرف ايه اهميه انك تشتري شخص بالفلوس وتقدر كمان تشتري القلوب
خالد :هي الفلوس اوقات بتحل مشاكل كتير زي حالتنا انا وانتي دلوقت
زينب :اوعدك افكر في الامر سلامو عليكم
خالد : مع الف سلامه
……………….قصص منه محمد كاتب…………….
اسامه رجع بيت حماه وفتح بالمفتاح ودخل لقاه الشقه مقلوبه وزينب بتنضف وشايله سله الغسيل
زينب شافته وقفت: دخلت هنا امتي
اسامه: انتي بتعملي ايه
زينب بأبتسامه غريبه : بنضف البيت كله لازم اعمل كده بعد فصل الشتاء اصلي بقيت كسوله فوق الوصف
اسامه: هو انتي قصيتي شعرك
زينب بصتله: ايه شكلي وحش اصلي قصيت منه شويه
اسامه: لا بالعكس حلوه فيه جدا يله هساعدك في التنضيف عشان محتاج اتكلم معاكي
زينب بتحاول تهرب من المواجهه الي ممكن تقضي عليها : نتكلم في ايه ممكن نتكلم بعدين اصل انا قربت اتجنن مؤمن اخويا اخد دروس ازاي يرمي هدومه الوسخه في البيت كله شفتها ماليه المكان
اسامه: زينب قولي اي حاجه لو كنتي متعصبه حتي اشتميني زي ما تحبي انا عارف عندك كلام كتير عايزه تقوليه
زينب مشت شويه وبعدها لفت بصتله: اسامه ممكن تاخد البطاطين تحطها في اوضه ابويا ع ما اروح انشرها في البلكونه وهيبقي كرم اخلاق منك لو رميت الزباله اه هعمل مكرونه ع العشاء بابا راجع من شغله بدري
…………………….
متجمعين ع الطبليه وبياكلوا من غير اي صوت
اسامه بأحراج: عمي انا اسف هتقل بالحمل عليك انا وزينب اليومين دول
خليل: يابني ده موضوع مبقاش اليومين دول سهل عشان تهتم بعيلتك وتاخد بالك منهم وبقي مطلوب منك تأكلهم تلات وجبات في اليوم والاكل بقي غالي تعرف كده
اسامه : عارف كل حاجه
خليل : جميل
زينب: اسامه بعد الاكل خدني شقتنا
اسامه بتعجب: شقتنا ليه
زينب: عايزه اجيب منها حاجاتي اصلي هشتغل
خليل: المستشفي طلبتك تروحي تاني
زينب: لاء هشتغل جليسه اطفال والمرتب كويس وشغلانه مش محتاجه مجهود هفضل هناك طول ايام الاسبوع وارجع البيت في الاجازه
خليل: وماله روحي بس الاول قومي هاتي طبق مخلل
زينب اخدت الطبق ودخلت المطبخ
اسامه دخل وراها وسألها بستفسار: ايه الي تقصديه بجليسه اطفال كدا ظهر فجأه
زينب: زي ما سمعت
اسامه: هو محدش اتصل بيكي من المستشفي
زينب: لاء والولد الي هقعد بيه قابلته بشكل مفاجئ
اسامه: ازاي
زينب: يله عشان ناكل ونروح الشقه
اسامه اخدها في تاكسي ووصلوا شقتهم ودخلوا وهو ولع النور وهي دخلت تلم حاجاتها واسامه بقي يشد الورق الي كان محطوط ع كل قطعه للبيع
زينب طلعت ومعاها شنطه: لايمكن تاخد اي حاجه بدون اذن الحكومه ده مخالف القانون
اسامه: انا سديت خلاص الدين كله وقررت ابيع الشقه واشتري غيرها في مكان جديد ايه مش مبسوطه هنقدر نبيعها ونسدد باقي ديونا
زينب نظراتها قدام بجمود وملتزمه الصمت بس فرت دمعه من عيونها
اسامه مسك ايدها: زينب تعالي اقعدي انا اسف جدا ومعنديش اي اعذار كل الي حصل كان غلطي من البدايه انا بجد اسف جدا ارجوكي سامحيني
زينب نزلت دموعها بقهر : انا حاولت انسي كل حاجه حصلت هناك واخدته ع انه مجرد حلم مخيف زي ما قلت لكن لايمكن انسي انه كابوس بشع جوزي قاعد مع حبيبته القديمه حاول تحط نفسك مكاني هتلاقيه احساس صعب وبشع اوي
اسامه: انتي عرفتي منين ان بسمله حبيبتي القديمه
زينب بصوت مخنوق بالدموع : شوفت صورها معاك ايام الكليه وعارفه انت ايه بتحبها وده بيخليني اغضب اكتر وانا متخيله انكم نمتوا سوي وبرجع اصبر نفسي واقول لا اسامه ميعملش فيا كده بس لسه بشك فيك
اسامه : محصلش اي حاجه من دي صدقيني
زينب : لو سمحت خلينا نبعد ع الاقل شويه انا محتاجه مساحه لحد ما اغفر ارجوك
……………………….قصص منه محمد كاتب…………………….
اتصلوا بيها من ادراه الفندق ان اختها عامله دوشه بالمزيكا والنزلاء اشتكت سابت شغلها وراحت تشوف المشاغبه الي مجنناهم حرفيا ودخلت لقتها ممدده ع بطنها وبتهز رجليها وبتتكلم في الموبيل
كادي بتلعب في خصلات شعرها وبتضحك : يابنتي انا في الفندق بتاعنا قاعده قدام البحر
بسمله لخدمه الغرف: شيلوه الاكياس دي من هنا
كادي لفت وقامت تصرخ: ايه ه الي بتعملوه( راحت تضمها) اختي حياتي
بسمله زقتها خفيف: ابعدي وانا لغيت الحجز اخرجي فورا
كادي: دبدبت عالارض برجليها : انا اختك متعمليش فيا كده سمعت انك سافرتي اليونان في اجازه رجعتي امتي
بسمله مبتسمه: ملكيش دعوه وانتي يله امشي ارجعي البيت
كادي باست خدها وقالت: رجعتي من يومين
بسمله: لاء من تلاته كده ويله ارجعي
كادي: انتي عارفه تحكمات ابوكي عامل زي الشوكه في الزور
بسمله: انتي الي عامله زي الشوكه في الزور لمي كراكيبك وانزلي ورايا في العربيه بعد خمس دقايق
كادي: اختي حبيبتي هو ممكن اشتري لوحه الجميله والسمكه من المعرض
بسمله: لو عايزه لوحه اتجوزي ولا شوفيلك شغلانه مثلا
كادي: مفيش رجاله عدله للجواز والشغل فلوسه قليله وانتي وابوكي ع قلبكم قد كده
بسمله بصت في الساعه وقالت: فاضل 4 دقايق لو منزلتيش هرمي كياس الشوبنج في الزباله
كادي رجعت البيت ودخلت وقعدت مكشره
ابوها: اخيرا رجعتي يا مقصوفه الرقبه
كادي ضمته من رقبته: بابتي حبيبي عايزه لوحه الجميله والسمكه من المعرض مش عايزه الكبيره انا راضيه بالصغيره
ابوها: والله ما عندي كلام اقوله اسألي اختك
كادي قلدمت: اختي صعبه جدا مش موافقه يا بابتي اشتريها عشاني ارجوك
ابوها مسك دماغه: الله يوجع دماغك انا كنت مرتاح ماكنتي سبتيها يا بسمله عايشه في الفندق
بسمله: لا يمكن انت عارف المشاكل الي بتعملها
كادي زمت شفايفها : هو انا وانتي اخوات ولا اعداء نفسي بجد افهم
ابوها: انا الي نفسي افهم عملت ايه في دنيتي غلط عشان اخلف بنت مشاغبه وشقيه زيك ده انا اتحسد ع حظي الدكر واحده عايزه تفضل سنجل باقي حياتها والتانيه هتفضل طفله مجنونه بتخرب كل حاجه في المكان وانتي يا ست بسمله مين الراجل الي كان معاكي في غرفه الفندق
كادي برقت عيونها بشهقه وقالت نهاري انتي بتقابلي راجل شئ لا يصدقه عقل
بسمله اتوترت : ده كان الهوم سيرفيس
ابوها :هو انتي عايزني اعين عليكي حراسه واشوف هل غرفه الفندق الي كانوا بيتكلموا وانا معاكي ع الموبيل
بسمله: اعمل الي يحلالك بس راي نجوز كادي احسن لانك بتطلع طاقتك عليا
كادي قامت قعدت ع رجل كرسي ابوها وضمته وقالت: انا عايزه اتجوز راجل زيك يا باباتي
ابوها: حاولي مش هتلاقي
كادي: طبعا عشان انت احسن راجل في العالم ده كله يا بابتي اشتريلي اللوحه بقي
ابوها قرصها من خدها وقال: بتلف تلف وترجع لنفس الموضوع واضح ان انا دلعتك زياده يا مفعوصه
…………………………
مؤمن اختفي من البيت بحجه انه مسافر في شغل لكن هو بيصور رجال الاعمال مع صاحبه شيكا ويرجع يبتزهم وللاسف كان الهدف هو خالد ووقفوا بالميكروباص قدام بيته لكن اتفاجئوا ان زينب طلعت ووقفت شويه مع خالد ومؤمن دمه اتحرق وبسرعه اتصل بيها يعرف هي بتعمل ايه عنده لانه مشهور انه زير نساء
مؤمن: زينب هو انتي فين؟في البيت
زينب: لاء انا بشتغل
مؤمن بنفعال : انتي رجعتي المستشفي
زينب: انت ايه الي جرالك النهارده
مؤمن: ردي عليا هو انتي قصيتي شعرك
زينب بدهشه: وانت عرفت منين انت مش كنت مسافر بقالك يومين
مؤمن: انتي في انهي مستشفي عرفيني
زينب: مش في مستشفي انا اشتغلت جليسه اطفال
مؤمن: انتي في التجمع
زينب بدهشه اكبر: وانت عرفت ازاي
مؤمن قفل السكه و لسه بيشغل الميكروباص دخلت فيه عربيه دمرت الفانوس وهو فتح الباب وشتم و نزل بعصبيه وطلع الموبيل يصور رقم العربيه
كادي اتغاظت وشخطت فيه: ده بدل ما تعتزر لما خبطني واقف تصور
مؤمن بعصبيه عليها : هو مين الي دخل في مين
كادي بصتله بغيظ: لاء متاخدنيش بالصوت الحركات دي بقالها سبع سنين بتعدي عليا انا سواقه ماهره
مؤمن بسخريه : ماهره ايه انتي حوله ومش بتعرفي تسوقي وانا مشغول مش فاضيلك بس خدي الكارت بتاعي ونتحاسب بعدين ومش هتعرفي تهربي انا اخدت نمر العربيه
كادي بزعيق: هو مين الي بيحاول يهرب بجد قليل الادب
مؤمن بصلها بقرف وركب الميكروباص وهي بصت في الكارت وشهقت: ايه دكتور ازاي
…………………..قصص منه محمد كاتب……………..
قدام فيلا خالد مؤمن خبط ع الباب وفضل واقف بره
زينب بستفهام : انا عايزه اعرف انت ازاي عرفت المكان هنا
مؤمن بغضب: مش لازم اشرح خشي لمي حاجاتك ويله نمشي من هنا
زينب بشخط: مؤمن فهمني مالك وليه متعصب عليا
مؤمن: بجد مش عارفه ده ابن مين
زينب: لاء بس الي اعرفه انه ولد مسكين وطيب ويتيم امه وهو بيعتمد عليا وبيسمع كلامي وانا مرتاحه وانا معاه
مؤمن: يبقي لازم تعرفي اخلاق ابوه
زينب عقدت حواجبها : ماله
مؤمن: بتاع نسوان وحقير وبيلف بأي واحده ست وبيحاول يشتريهم بالفلوس ومراته عينت رجاله يراقبوه
زينب: مؤمن مترحش لبعيد انا هنا عشان الطفل بلاش كلامك الفارغ
مؤمن : وافرض حاول القذر ده يلعب بيكي عن طريقه هتعملي ايه وقتها ترجعي تعيطي
زينب بغضب شديد : انت بتشك فيا وواقف تديني محاضره مؤمن بجد مش عايزه اتخانق معاك
مؤمن: يله نمشي من هنا يا زينب جوزك هيقولي ايه لما يكتشف انك بتطعنيه من دهره
زينب : مؤمن متحاولش تعمل ناصح انت الي بتراقب بيت الناس الاغنياء عشان ترجع تبتزهم بالفلوس فملكش الحق تتكلم معايا كده فاهم
مؤمن بصلها بغيظ وحط موبيله ع ودنه وقال: شيكا اسمع انا سيبت الشغل القذر معاك حلال عليك كل مليم يجي خده لنفسك (قفل وبصلها) شوفتي استقلت حالا
زينب صقفت بتريقه: برافوا انا مكنتش مرتاحه لشغلك ابدا لازم ارجع لهادي قاعد لوحده
مؤمن بضيق : يعني مصره تبقي هنا
زينب : اطمن اسامه عارف عن شغلي وعطيته العنوان هنا كمان تحسبا لو حصلت اي حاجه
مؤمن: انتي مصممه
زينب :ضيع وقتك الثمين تلاقي شغلانه كويسه بدل مراقبه الناس وبدل ما تقلق عليا كفايه معيله
مؤمن: انتي الي بتتصرفي بطريقه غريبه اليومين ول
زينب مسكت شعرها بمرح: يمكن عشان انت لسه متعودتش ع قصه شعري الجديدة
مؤمن بضحكه: مش مصدق اخدتي فلوسي عشان تقصي شعرك
زينب ضربته في كتفه وقالت: بتزلني طيب انا بقي مش هدفعلك فلوس لللانترت لو لعبت معايا اتفاقنا
مؤمن هو بيشد قصتها بمرح: اتفاقنا وفكريني لما نروح اجرب فيكي كل انواع التعذيب
في مطعم راقي جدا دخل خالد ومراته وقعدوا
خالد طلع علبه مخمليه وفتحها وحطها قدامها: ايه رايك يا حياتي في العقد ده
انغام اخدتها منه بأنبهار كبير وقالت: الله ده حلو جدا
خالد ابتسملها: ده خلتهم يفصلوه عشانك يعني مفيش زيه في اي مكان وغالي جدا
انغام: بجد حلو اوي جبته منين يا خالد
خالد قام ووقف وراها واخده منها يلفه ع رقبتها وباسها وقال: دي هديه لكل الي عانيتيه نفسيا وجسديا معايا وتعال نحب بعض زي ما يكون مفيش بكره واستمتعي في كل لحظه ونسامح بعض اتفاقنا
انغام: ليه بتقولي كده عملت علاقه جديده وجايب لي العقد تهدي اعصابي وبتحاول ترشيني
خالد اتنهد وراح مكانه وقال: مفيش حاجه من دي متخترعيش اوهام
انفام: احنا بقالنا عشر سنين متجوزين عشان كده بقيت حافظه كل افعالك انت هتفضل بتاع ستات لحد ما تموت يا خالد وانا هفضل كل يوم احاول اضغط ع نفسي عشان اعيش معاك
خالد: هو انا وحش اوي كده
انغام: انت اسوء واحد في موضوع الخيانه لكن باقي الصفات بتجملها بلفلوس وبتقدر تسكت الالم والوجع بهديه غاليه تظهر بيها حبك عشان كده انا بحبك
خالد مبتسملها : وانا هحاول ارشيكي اكتر عشان اخليكي جنبي
انغام: وانا قررت نعيش في بيت لوحدنا انا وانت او اطلب من امك تعيش هي لوحدها
خالد: وليه امي تمشي وتعيش لوحدها اظن ابنها الوحيد موجود
انغام: لو فضلت عايشه معانا انا هتخنق من تحكماتها في كل حاجه حتي تربيه بناتي وانا مطلوب مني اسكت لانها بس حماتي بس بنتي الكبيره مبقتش مستحمله تصرفات امك طول اليوم عشان كده نفسي انا وانت نعيش لوحدنا لو سمحت
خالد هبد الكاس بعنف : انا اه بعصي امي وتعبتها كتير لكن ده ميديكش الحق تقللي من شأن امي قدامي انتي سامعه
…………………….قصص منه محمد كاتب……………………….
خالد دخل بهيصه وفتح ايده الاتنين بمرح: هادي باباك وصل
هادي قام وجري عليه بسعاده: اهلا وسهلا
خالد قعد واخده ع رجله: تعال هنا يا بطل ها اكلت
هادي هز دماغه: ايوه
خالد مسح ع شعره بحنيه وقاله: ها كنتم بتعملوا ايه عرفوني
هادي بأبتسامه بريئه: كنت بتعلم اتكلم مصري
زينب : هو معندهوش مشكله في الكلام بس فيه بعض الحروف بينطقها بصعوبه سواء في القرايا او الكتابه هحاول اعلمه واحده واحده لما يكون عندنا وقت فراغ
خالد: واو هادي انت هتبقي دكتور قريب كده بصلها انا بجد سعيد يا مدام زينب ع الي بتعمليه مع ابني قوليلي ازاي اقدر اعوضك
زينب: اظن قلتلي هتديني مرتب كويس وانا هحاول احب الفلوس بعد كده
خالد بصلها بتعجب شويه بيحاول يفهمها
زينب ضحكت: انا كنت بهزر هادي ولد ذكي بجد وولد لطيف وهادي وكل ما طال وقت وجوده هنا هو هيبدء يسال ليه ميقدرش يبقي في بيت ابوه وليه بتهتم بيه ست غريبه عن والدته
خالد : عندك حق
زينب: انا عارفه ان الوضع صعب لكن حاول تاخده لبيتك في اسرع وقت ده افضل حاجه تقدمها لهادي
خالد: ايه رايك نخالي المكان هنا بيته وانتي معاه وانا اقدر ازوره وقت ما اقدر
زينب بصتله وكشرت واضايقت لما افتكرت كلام اخوها مؤمن انه بتاع ستات
خالد ضحك اوي: انا كمان كنت بهزر معاكي بس عارفه بحس براحه كبيره كل ما اكون هنا انا بحب المكان بجد هنا زي بيتي الحقيقي
…………………….قصص منه محمد كاتب……………..
اسامه راح يزور زوجه منصور وعطاها قرشين عشان ابنه وبعدها طلع يلف ع كل الشركات محدش وافق ع مشروعه بعد ما تعب قعد في كافيه وطلع موبيله اتصل يطمن عليها
زينب ردت: الو
اسامه سكت شويه لان معندهوش كلام يقوله حاسس انهم بعدوا وفيه شرخ كبير حصل في علاقتهم
زينب: اسامه انت معايا
اسامه اتنهد: ايوه يا زينب معاكي
زينب: امال ليه سكت بعد ما اتصلت بيا
اسامه: بتعملي ايه
زينب: انا قاعده مع هادي ومعانا المسؤله عن البيت وانت بتعمل ايه
اسامه: روحت لمراه منصور وعطتها الي فيه النصيب وكلمت ابراهيم زميلي يشوفلي اي شغلانه
زينب: انت فطرت مش كده
اسامه: لسه لحد اللحظه مفطرتش ومليش نفس اكل لوحدي من غيرك
زينب ضحكت خفيف: متهزرش
اسامه: ممكن اجي اخدك من شغلك الليله
زينب التزمت الصمت وهو تابع: زينب سمعتيني
زينب: اظن قولت لك لازم افضل هنا اسبوع وراجعه بكره وهاخد الاتوبيس
اسامه: عارف انا بس قلت اشوفك لانك وحشاني
زينب: هشوفك في البيت بكره
اسامه: تمام زي ما تحبي سلام
زينب قفلت ودموعها نزلت ولنفسها: انت كمان وحشني اوي يا اسامة
………………………..قصص منه محمد كاتب…………………
بسمله خلصت شغلها ونازله مع مدير اعمالها وهي ماشيه بكل هيبتها وغرورها وقفت لما شافته
خالد ضحك اوي وقال وهو رايح عليها: اظاهر بقينا نخبط في بعض كتير اليومين دول
بسمله ابتسمت: بس ده فندقنا
خالد: للاسف مراتي بتعشق الاكل الايطالي هنا
انغام فات وقت طويل ع مقابلتنا يا انسه بسمله بس لسه جميله زي العاده
بسمله: بسخريه : خالد اه مبروك سمعت ان جالك ولد مبروك
انغام فهمت انها بتتريق عليها لان ام خالد نفسها في ولد لكن مراته مش بتخلف غير بنات وقالت: خالد بيحب خلفه البنات حتي كلمته يشوفلك صاحبه ويقدمك له
خالد: بس بسمله عندها مواصفات زي ناطحه السحاب في شريك حياتها مقدرش عليها
انغام: عندك حق انا بقضي وقتي كله في رعايه ولادي وجوزي لدرجه بحس ان الحياه ملهاش اي معني وعشان كدا بحس بالغيره ان حياتك لامعه
بسمله ببرود: متشكره ع كلامك واتمني تستمتعي بوجبتك صحيح يامستر خالد بلغت مراتك عن الي حصل في اليونان
انغام بصتله بشك: هو ايه الي حصل
خالد ارتبك واتوتر وقال: ابدا وانا هناك بسمله كانت برضو هناك بتعمل صفقه واشترت فندق جديد ده كان قصدها
بسمله: بس مش ده الي انت بلغتني بيه اعتقد كان اسمه هادي
انغام بصت لخالد بغضب: مين ده
بسمله بصت لمدير اعمالها وقالت بتأكيد: كان هادي صح
مدير اعمالها: لاء اسمه نادي انتي سمعتي الاسم غلط
بسمله بخبث: اكسيكوزمي اه كان نادي شكلي اتلغبطت اصله حاول يخدعنا في السر ويشتري الفندق من غير مانا اعرف بس احنا اخدتاه بفضل اهتمام جوزك خالد ومجتليش فرصه اشكره وبقولك يا خالد انا بجد مقدره مجهودك والعشاء ع حسابي
مديرها :وانا هتصل ابلغ المطعم
بسمله: استمتع بسهرتك مع مراتك وانا سعيده اني قابلتكم
انغام تابعتها وبصتله بغيظ: هي دي كمان جريت وراها
خالد : افندم
انغام قفلت ملامحها بستياء: مش قلت لي انها قريبتك وتعرفوا بعض وبسألك حاولت توقعها في شباكك
خالد ابتسم: انتي بتهزري انا بس بغازل الستات الي زيك (مسكها من وسطها وبص في عيونها ) الي ليهم سحر خاص ومثير
انفام اتكت ع اسنانها بنرفزه خفيفه: ابعد ايدك انت بتحرجني
خالدابتسم جامد وهو بيلف حواليه واخدها راحوا للتربيزه
……………………………….
مدير اعمالها: مستر خالد وضح عليه عنصر المفاجأه
بسمله مبتسمه بسعاده : انا حبيت احطه في موقف صعب
مدير اعمالها: كان ممكن تتجاهليه وتمشي بعيد عنه
بسمله بأبتسامه: لاء اتسليت بيه شوية انا راجعه ع البيت بعد ما اخد جوله في الفندق وانت
مدير اعمالها: انا رايح النادي اتابع الاوضاع عن اذنك
بسمله وهي بتضرب بعينها لمحت اسامه داخل اتخبت بسرعه ووقفت وري العمود تتابع
ابراهيم قام شاورله: اسامه تعال
اسامه راح عليه وهو مضايق ومكشر: انت ليه جايبني لحد هنا
ابراهيم: فكرتك اتخطيت الامور القديمه الي حصلت لك هنا لسه الموضوع بيزعجك
اسامه: مش مهم اطلبي لي فنجان قهوه ساده
ابراهيم: ماشي اقعد اسامه اسمعني ومتعصبش عليا ماشي انت هتقابل مديره شركتنا هي بتاخد جوله حوالين الفندق ونصيحه يا صاحبي متخليش ماضيك يقف في طريق مستقبلك افكار مشروعك مدهشه وجديده
اسامه بضيقه: انا مش عايز اتكلم معاها ليه عملت كده يا ابراهيم
ابراهيم: اسامه انت محتاج تشتغل دلوقت عشان تعدل ظروفك وبعدين هو انا بقولك بيع لها افكارك لاني عارف كبريائك الشديد بس صدقني هي لما مدير اعمالها عرض عليها مشروعك عجبها افكارك وهي بنفسها طلبت منه اجيبك لحد هنا وانا شايف انها فرصه كويسه ليك
اسامه قام من مكانه : وانا مش مهتم ( سابه وماشي للخارج)
ابراهيم بيمد وراه: اسامه استني
بسمله هنا ظهرت ووقفت قدامه تبصله بشتياق جارف وهو كذالك
ابراهيم بأبتسامه ترحاب: اهلا يا مديرتنا العظيمه
بسمله بهدوء: ايه الي جابك هنا يا ابراهيم
ابراهيم: ابدا جيت اشرب قهوه واقابل صاحبي القديم
بسمله لـ اسامه: مكنتش اعرف ان انا هشوفك هنا اليوم
ابراهيم :وانا مش عارف لو هتفتكريه ولا لاء هو جه زمان اتقدم قبل كده لشركتنا وانا هو اصحاب من ايام المدرسه اسمه اسامه . اسامه دي مديرتنا الي كلمتك عنها ام قلب طيب ومفيش منه وبتقف جنب الي زينا
اسامه: عامله ايه
بسمله: متقابلناش من مده يا استاذ اسامه اهلا بيك يله نقعد
ابراهيم: الف شكر انك هتدينا من وقتك الغالي شويه
بسمله: استاذ ابراهيم
ابراهيم: نعم يا فندم
بسمله بخبث: ممكن تجب لي الملف الاسود الي ع مكتبي
ابراهيم: اكيد طبعا ( غمز لـ اسامه وقام)
اسامه بصلها: ابراهيم بقاله سنين بيشتغل هنا ومعملش اي غلط في حياته هو بيحاول بيساعدني وجابني لحد هنا انا مكنتش جاي لو اعرف انك هتكوني موجوده هنا
بسمله : وانا حاسه العكس وكان عندي شعور اننا هنتقابل تاني انا شوفت افكارك للمشروع الي نفسك تحققه وبجد عجبتني الفكره جدا ولو نجخت هتكون نموذج لغيرك
اسامه : بجد متحمسه بشكل غريب رغم انا بعتبره حلم بعيد يتحقق لانه محتاج راس مال كبير لان كل حاجه بقت مبنيه ع الفلوس
بسمله ابتسمتله ابتسامة واسعة بتشجيع: وانا واثقه انك هتنجح وتكسب فلوس بمجهودك وانت هتحقق مشروعك موافق تكمل شغلك معايا
اسامه : وبتسأليني ليه؟ عايزه تدفعيلي عشان تضيع وقتك معايا ولو فشلت تاني
بسمله: انت عايز تكمل معايا
اسامه: وانا قلت لك قبل كده انتي محتاجه تقلعي قناع وشك المخادع
بسمله: لاء انا بستسلم اظهر سعادتي وحزني لما بحس بيهم ده الطبيعي ووشك ظهرلي انك مش مرتاح للي قولته
اسامه: لا اطلاقا بس انا مبحبش نظره الشفقه منك انتي بالذات
بسمله نزلت دمعه مجروحه وقالت : انت شايفني بشفق عليك معقول يا اسامه بتتهمني بكده انا بحاول اقف معاك واصلح سوء التفاهم الي حصل مع مراتك وانا اسفه لاني كنت السبب وهي كست صعب تفهم
اسامه : وسوء الفهم ده بدء بسبب عرضك الغبي
بسمله: وانت الي قبلت بعرضي الغبي ولا نسيت وسعيده جدا اني شوفتك وانا ماشيه
اسامه طلع وراها وشدها بعصبيه من دراعها: انا عايز افهم انتي عايزه ايه
بسمله كتمت دموعها وردت قالت : انت عايزني ارد اقولك ايه
اسامه بغضب شديد : متقوليش حاجه بس انا وزينب هنرجع علاقتنا الي انتي دمرتيها وهترجع متينه وانتي مش هتقدري تهدميها لانك ضعيفه من لما كنتي معايا في الجامعه كلامي مظبوط
بسمله بصتله شويه كده وسابته ومشت وهو وقف شايط ع اخره منها
استوب ياتري علاقه بسمله واسامه هتوصل لفين وليه اسامه بيحتد عليها كده
- يتبع الفصل التالي اضغط على ( رواية اللقاء الثاني) اسم الرواية