رواية مملكة احفاد الطوبجي الفصل الرابع 4 - بقلم اميرة اسامه
صحي ياسين من النوم بعد ما الكل نام من كتر التعب كانت الساعه 3 قبل الفجر حس انه حران وفي ناموس قرصه صحاه من النوم فا قرر يدخل ياخد دش سريع عشان يعرف ينام.
قام بهدوء فتح الدولاب خد منه غيار وخد الفوطه حطها علي كتفه وخرج من الاوضه وقفل الباب وراه نور الصاله والمطبخ كان مفتوح راح فتح التلاجه طلع أزازه مايه حط شويه في الكوبايه شرب وبعدين دخل علي الحمام علق لبسه وقلع هدومه ودخل جوه البانيو كان في ستاره لونها أبيض سحبها خاف حد يصحي و يدخل عليه يشوفه كانت شفافه شويه يعني تظهر اللي وراها علي هيئه خيال من غير ما توضح تفاصيله وشكله.
فتح الدوش علي اخره بدأ يحط شاور ويغسل راسه وجسمه الصابون كان علي وشه سمع صوت خبطه بسيطه علي الباب
ياسين…..ايوه انا جوه باخد شاور
محدش رد عليه فا فكر ان اللي خبط سمعه ومشي
رجع تاني يكمل الشاور بتاعه حط راسه تحت الدش وغمض عينه وهو مستمتع بالمايه اللي نازله عليه وحاسس براحه
وفجأه حس ان الباب بهدوء بيتفتح وبيعمل صوت مزعج إلي حدا ما
ياسين……ايووووه باخد شاور
فضل الباب يتفتح ويعمل نفس الصوت
ياسين….مييييين !
مكانش حد بيرد خرج راسه بسرعه بره الستاره عشان يشوف مين اللي فتح عليه شاف الباب مفتوح علي أخره ومحدش موجود ولا حد بيرد
ياسين…..هنستظرف بقي ولا ايه
مد دراعه وسحب الفوطه لفها علي وسطه وخرج بره البانيو وهو بينقط مايه
ياسين…..پغضب بسيط ابو شكلك يا اللي بتستظرف عالصبح قفل الباب وخد هدومه وبدأ يلبس وهو ضهره للباب وفجأه سمع صوت الباب بيتفتح تاني بص بسرعه وهو ملامح وشه كلها ڠضب و بيستحلف للي فتح
ياسين…..طيب صبرك عليا بقي حط التيشيرت علي كتفه وخرج
حس بصوت رجل بتجري علي ما خرج ما شافش اللي جري بس شاف باب الاوضه بتاع جلال بيتفتح و بيتقفل بسرعه
ياسين…..معرفتش انا كده يا جلال الكلب ان انت
مشي پغضب علي الاوضه اللي فيها جلال وامير والشباب فتح وهو رافع حاجبه
النور كان مقفول جلال ورامي علي سرير امير ونور علي سرير وهشام علي الكنبه اللي جنبهم
وكل واحد فيهم نايم في سابع نومه لكن ياسين كان واثق ان حد منهم قرب من كل واحد فيهم كان عارف انه هيطلع اللي بيعمل فيه المقلب اكيد بس حس انهم مش بيمثلوا وكلهم نايمين فعلا
وقف قدام جلال واتكلم بصوت واطي عشان ميصحيش الباقي
ياسين……انت يا واطي قوم عامل نفسك نايم ده انا هنفخك
مردش جلال عليه فا فكره مستمر في التمثيل
ياسين….بتعرف تمثل اوي طب تصدق بالله انا هخليك تصحي فاكر ياض العمليه اللي عملتها هعمل عليك كونسلتو الوقت واصحي الشباب كلهم يتدربوا عليك سحب من عليه الغطاء
لكن جلال متحركش ولا ضحك ولا خاف منه وكان نايم بجد
رفع ياسين حاجبه وبعدين فضل يبص علي طل واحد فيهم وهو واقف جنب جلال
ياسين…..ماشي مالو مش هو اكيد واطي فيك عموما الصباح رباح يا شويه كلاب
خرج ياسين وقفل وراه وبمجرد ما خرج لمح باب الحمام بيتقفل و شاف داوود من ضهره راح قعد علي الكنبه في الصاله ۏلع سېجاره شرب نصها وفجأه باب الاوضه اللي قاعد فيها قاسم وداوود وعلي وعاصم بيتفتح
وخارج قدامه داوود وهو بيهرش في شعره وباين عليه النوم
هنا بصله ياسين پصدمه وفضل متنح و السېجاره في بوئه
داوود……ابه اللي مصحيك يالا ما تسيب السجاير وقوم نام شويه
فضل ياسين مبرق وساكت
داوود…..مالك ياض عامل
زي اللي شاف عذرائيل كده ليه
مردش عليه ياسين وفضل علي نفس حالته
داوود….طب يا اخويا خليك قاعد متنح كده انا رايح الحمام
ياسين…..لااااا استني
داوود…..في ايه حد جوه
ياسين…..اه
داوود…..مين جوه
ياسين….وهو بيبلع ريقه انت
بصله داوود ورفع حاجبه
داوود…..السېجاره دي شرعي ولا عرفي
ياسين……شرعي والله انت مش مصدقني صح
داوود……انت عبيط ياض ولا ايه شكلك كده نمت وانت قاعد قوم يلا روح نام
ياسين…..ياجدع والله ما كنت نايم ولا بيتهيألي ولا حتي السېجاره فيها حاجه انت جوه
الحمام وربنا يا داوود شوفتك وانت داخل من ضهرك بنفس اللبس
داوود…..بص علي الحمام وبعدين رجع بصله وهو بيبتسم ابتسامه خوف ولا اظبط مش ناقصه ړعب دخلت الحمام فين انا قدامك اهو اكيد حد تاني وانت بيتهيألك
ياسين…..هو انا هتوه عنكم يعني وبعدين بقولك بنفس اللبس اللي انت لابسه ده
داوود…..بقولك ايه وحياة امك انا مش ناقص ړعب ولو ده مقلب هنفخك ورب الكعبه يا ياسين
ياسين…..بجديه وهو بيبتسم ورحمة ايمن ما مقلب
داوود….امال بتضحك علي ايه يا واطي
ياسين…..بضحك من الړعب اللي انا فيه
داوود….قوم يالا تعالي معايا وانا هوريك انك بيتهيألك
ياسين….واجي معاك ليه ماتروح انت انا مالي
داوود….پخوف وهو بيضحك قوم ياض انت خاېف ولا ايه
ياسين….ولما انت جرئ ومفيش منك عايزني معاك ليه
داوود…..ماشي انا هروح لوحدي عشان اثبتلك بس ان انت بيتهيألك
ياسين…..روح
مشي داوود وهو مړعوپ وعمال يقرأ في سره قرآن لحد ما وصل لباب الحمام مد ايده بهدوء عشان يخبط قبل ما يفتح وفجأه الباب اتفتح وظهر امير
داوود…..بفزع بسم الله الرحمن الرحيم
امير…..بړعب ايييييه في ايه ياعم وقعت قلبي
داوود….انت بتهبب ايه جوه
امير…..هكون بهبب ايه كنت في الحمام
بص داوود بسخريه لياسين
داوود…..بنفس لبسي هااا طب انا راضي زمتك ده نفس طولي
ياسين هنا كان مش علي بعضه واټصدم بجد ومنطقش
امير…..هو في ايه انا مش فاهم
ياسين…..مستحيل
امير….هو ايه اللي مستحيل يا جدع انت كمان وبعدين ايه اللي صحاكم
داوود…..انا صحيت عشان ادخل الحمام لاقيته قاعد بيشرب سېجاره ومتنح زي ما هو متنح كده وبيقولي ان انا لسه داخل الحمام قدامه
امير…..يعني ايه
داوود……بيقولي شوفتك داخل قدامي بنفس لبسك وبعدين لقيتك خارج من الاوضه وطلعت انت اللي جوه
ياسين……داوود والمصحف انا مش بكدب انا شوفتك وبعدين مش دي المشكله
داوود….امال ايه يا اخويا المشكله
ياسين……انا كنت باخد شاور عشان حران والباب اتفتح عليا وسمعت حد بيجري خرجت بسرعه اشوف مين لقيت الباب بتاع امير والشباب بيتفتح وبعدين اتقفل كنت فاكر ان هو ولا جلال ولا حد من الشباب بيهزر معايا دخلت عليهم عشان اشوف مين اللي فتح عليا لقيت النور مطفي والكل نايم بجد خرجت وقفلت ورايا وانا بقفل لمحتك بتدخل الحمام بس لمحتك من ضهرك يعني انا خرجت وانا سايب امير نايم قدامي خرج امته وازاي
داوود….بضحك بقولك ايييييه يا ابن راجح انا مليش في الجو ده انت عارف هطب ساكت قدامك
ياسين….انا مبهزرش يا داوود
امير…..بضحك هو شكله ما صدق الكل نام قال يخرج يشربله سېجاره محشيه وشكله اتحرج منك فا قال يلهيك في حاجه تانيه اسمع مني يا عمي انا عامل الحركات دي كلها قبل كده
داوود…..بضحك حط ايده علي كتف امير تفتكر بس ده وشه مكشوف هو واخواته
امير…..افتكر اسمع مني انا
ياسين….پغضب بسيط وجديه و توتر باين عليه يا جدعان انا مبهزرش علي فكره بقولكم انا كنت في الحمام باخد شاور الناموس كان مبهدلني خدت غيار ودخلت وبعدين حصل اللي قولتلكم عليه كله
امير…..بضحك الحق عايز يسرح بينا بس مش هيعرف هو مش الغيار اللي عليه ده هو نفسه اللي كان داخل نايم بيه قدامنا
داوود…..اه
هو بعينه نفس التيشرت
بص ياسين علي نفسه بسرعه تيشرت ايه اللي بيتكلموا عليه ده لسه ملبسش غير البنطلون والتيشيرت علي كتفه وفجأه لقي ياسين نفسه بنفس اللبس ولابس تيشرته من فوق عادي في اللحظه دي كان حاسس ان قلبه هيقف
ياسين….مستحيل انا اصلا خارج مش لابس تيشرت والتيشيرت النضيف كان علي كتفي ملبستهوش عشان خرجت بسرعه اشوف مين اللي فتح عليا
داوود….انا بقولك تقوم تنام عشان شكلك مهيس
امير……ايوه يلا قوم شكل أكلة السمك كانت تقيله
ياسين……طب لو انتوا صح انت خرجت ازاي يا امير وانا لسه خارج من الاوضه وانت نايم قدامي ولو انا بخرف لما خرجت شوفتني وانا قاعد ومشيت من غير ولا كلمه
امير…..انا لما خرجت انت مكنتش قاعد اصلا
ياسين….ماهو انا مكنتش قاعد عشان كنت في الاوضه جوه ولما قفلت الباب شوفت ضهر داوود بيقفل باب الحمام
داوود…..وسع كده خليني ادخل الحمام واخرج اكمل نوم ده عيل دماغه تعبانه او يظهر ملك وحشته
سكت ياسين وهو مصډوم وللحظه شك في نفسه ان هو بيتهيأله
امير…..بضحك انا داخل اكمل نوم تصبحوا علي خير
داوود….وانت من اهله
دخل داوود الحمام غاب شويه وخرج لقي ياسين قاعد عينه علي الباب بتاع امير و لسه باين عليه الصدمه.
داوود….هتفضل قاعد كده قوم يلا نام
ياسين…..ااا ماشي ادخل انا هدخل الوقت.
داوود….تصبح علي خير
ياسين….وانت من اهله
دخل داوود وفضل ياسين يهز راسه شمال ويمين حاسس ان عقله هيقف كل اللي شافه كان حقيقي جدا طب ازاي محصلش
فضل في نفس مكانه ربع ساعه وهو شارد يمكن هو بېخاف زي اي حد لكن كان حابب يفضل شويه يشوف في حاجه تاني هتحصل ولا هما معاهم حق وهو مش مركز او يمكن خرج من الاوضه نام علي الكنبه وعينه غفلت شويه بس ازاي وهو مولع سېجاره وده كان سؤاله لنفسه
وفجأه الباب بتاع اوضه زيد ومراد ومنذر اتفتح وخرج منه زيد
زيد….انت صاحي
ياسين….بإرتباك حاول يخفيه اه كنت بشرب سېجاره وداخل انام انت ايه اللي صحاك
زيد…..داخل الحمام قوم يلا نام والبس التيشرت بتاعك عشان في هواء بره احسن تاخد برد
سابه زيد ودخل الحمام واټصدم ياسين صډمه عمره لما رجع بص لنفسه ولقي التيشرت علي كتفه ومغير هدومه يعني هو واخد شاور طب حتي لو امير وداوود كانوا بيشتغلوا وبيعملوا فيه مقلب
ازاي وهو بص علي نفسه وهما معاه كان لابس لبسه ومش واخد شاور
مقدرش يتكلم ولا قدر يستني زيد لما يخرج عشان يحكيله قام بسرعه من مكانه وهو بيقرأ قرآن ودخل بسرعه جنب سالم و غطي وشه ونام.
مش كل الخۏف بيكون في رؤيه شبح اوقات الخۏف من الحجات الغريبه اللي ملهاش اي تفسير منطقي بيكون مرعب اكتر ودك كانت حالة ياسين.
اليوم انتهي من غير اي حاجه غريبه وفي صباح يوم جديد صحي الكل يوسف كان هينزل يشتري فطار بس مراد قاله لا عشان كرم كلمه وقاله محدش يفطر وهيفطروا كلهم مع بعض فا اكتفوا بشرب قهوه وشاي بعد ما لبسوا واستعدوا
ياسين كان قاعد مش معاهم عمال يشرب في سجاير وساكت مش حابب يتكلم عشان ميخوفش حد لكن كان عنده فضول يعرف داوود وامير صحيوا وكانوا معاه بليل وبيتكلموا معاه ولا لأ
قرب من داوود بهدوء واداله سېجاره.
داوود…..هات الولاعه
ياسين…..امسك نمت انت امبارح ومحطتش منطق
داوود….كنت هلكان والله مع اني كنت نفسي ننزل نتمشي بليل بس مقدرتش وكمان اكلة السمك خلت راسي تقيله اكتر
ياسين…..اه وانا كمان بس قبل الفجر كده صحيت خدت دش الناموس كان
مبهدلني مقلقتش انت خالص ولا حسيت بقرص
داوود…..لا خالص الجو اصلا كان حلو ومفيش ناموس في الاوضه خالص انا اصلا حتي صلاه الفجر راحت عليا مقلقتش خالص
ياسين…..بهمس اااااه دي احلوت اوي.
سكت شويه وبعدين قام من جنبه راح علي امير كان واقف مع صحابه وجلال بيضحكوا ويتكلموا
امير…..ياسووو صباح الفل يا عم
ياسين……يلا يا واطي بقي انا اصحي قبل الفجر اخد دش عشان كنت حران انادي عليك تديني الفوطه متردش عليا
امير…..مسمعتش والله كنت مقتول نوم
ياسين……كان علي الساعه تلاته كده بيتهيألي انك كنت صاحي انت والشباب
امير…..لا والله خالص ده من اول ما دخلنا الاوضه كله نام معادا انا وهشام قعدنا نص ساعه كده وبعدين اتقلبنا مصحتش غير لما قاسم دخل صحانا من شويه وبعدين حد يدخل ياخد دش وينسي الفوطه
ياسين……اهو اللي حصل بقي
جلال….بضحك ياريتني صحيت شوفتك وانت خارج
ياسين…..رفع حاجبه يا واطي صح مش هنولهالك الفوطه كانت علي الكرسي بره الباب جبتها علي طول
جلال……بضحك علي طول فاهمني غلط يا أبو لهب
ياسين…..والله ماحد فاهمك صح غيري
سابهم ومشي وفضلوا يضحكوا وياسين هيتجنن مش عارف اللي شافه ده حقيقي ولا تهيؤات بس هو متأكد انه كان صاحي وسامع صوتهم وهما بيتكلموا معاه دخل البلكونه يكمل باقي سيجارته وهو شارد.
بعد وقت بسيط جرس الباب رن
مراد….. ده اكيد كرم حد يفتح
قرب نور من الباب فتح وكان فعلا كرم بطلته اللي ټخطف كان لابس بنطلون ابيض كتان وقميص ابيض مفتوح زرايره الاولي علي عكس المره اللي شافوه بيها بلبس الشغل.
كرم….بإبتسامه لنور صباح الخير
نور…..صباح النور انا نور
كرم….بضحكه جميله وانا كرم
مراد….قرب من الباب وهو بيضحك كرم الرفاعييييي
كرم…..حبيبي يا ميرو دخل علي جوه ضمھ بعض بحب الشباب كلهم كانوا واقفين ومبتسمين
مراد…..تعالي اعرفك علي المقاطيع بتوعي
عرفهم مراد علي بعض رحبوا الشباب بيه وهو رحب بيهم
مراد…..تعالي يا جدع اقعد بيتك ومطرحك حد يجيب قهوه لكرم يا شباب
كرم…..بإبتسامه استني بس قهوه ايه انا شارب وكله تمام وبعدين انتوا لسه هتقعدوا يلا خلونا نلحقوا اليوم من اوله
مراد….ياجدع ده فنجان قهوه وبعدين لسه بدري
كرم….بدري من عمرك يا جدع انتوا قاعدين هنا خمس ايام يعني لو مستغلتوش كل دقيقه هتبقوا خسرانين ولو علي القهوه هنشربوها وهنعملوا كل حاجه مع بعض
جلال……هنعملوا كل حاجه مع بعض لا نوضح كلامنا
مراد…..بضحك ياض بطل القذاره اللي في دماغك دي
كرم…..بضحك لا انت فهمت ايه مش اللي في دماغك اصحي يا صاحبي
جلال….بضحك لا انا بحاول افهم الجمله بس
كرم……هنقضي يوم حلو مع بعض يعني
جلال…..بضحك انت كده عدلت الجمله يعني ماهي بتودي علي نفس المعني اللي في دماغي
كرم…..بضحك بص لمراد طب اقولهاله ازاي
مراد……سيبك منه ده عيل دماغه مش سالكه
جلال…..يا صاحبي جبها من اي مكان انا هفهمك المهم اننا هنعيش اللحظه
كرم…..رفع حاجبه وهو بيبتسم ولا انا مش مرتاحلك ياولا
جلال……بضحك ضربه بالكف حبيبي والله
كرم……لمراد واخد روحك يا مراد هو وامير
مراد….ياجدع حرام عليك يروحوا ولا يجوا فين جنبي دول
كرم….انت الاصل يا باشا بس ميمنعش انهم واخدين روحك بردوا
سالم…..طب نصلي بينا علي النبي كده
كرم….احيه واضح ان منكش قعد معاكم كتير امبارح
ضحكوا كلهم علي جمله كرم
كرم…..بضحك لا ولله اصل الولا ده عامل زي الڤيروس بيعدي.
سالم…..ده عسل والله هو فين صحيح
كرم……سبقني علي اللانش
جلال….اوبااااا هي فيها لانش
كرم…..اتقل وسيبلي روحك هظبطك
سالم……طب ايه انا واقع من الجوع
كرم ….وانا جاهز قولوا يلا وهتلاقوني قبلكم
سالم…..انا يلا من بدري
كرم…..طيب بنقول ايه يامراد بلاش بقي الحفله بتاعت العربيات ودخلة الماڤيا بتاعت امبارح وخلينا نقسم روحنا زي ما العربيات تاخدنا
قاسم….احسن بردوا ياريت
مراد…..معنديش
مشكله
كرم….طيب يلا بينا
الجميع…..يلا بينا
- يتبع الفصل التالي اضغط على (مملكة احفاد الطوبجي) اسم الرواية