رواية اللقاء الثاني الفصل الخامس 5 - بقلم منة محمد
في جنينه الفيلا الساعه 12 بالليل
زينب قربت عليه: حضرتك تأمرني بأي حاجه تانيه لاني داخله انام
خالد: لو معندكيش مانع اقعدي معايا شويه نتكلم ونشرب قهوه سوي
زينب :اعتبرني شربتها
خالد: براحتك ليله سعيده اشوفك بعدين بعد ما الكحول يخرج من جسمي
زينب مشت خطوتين ورجعت وقفت ورجعت قعدت: هو ممكن ادوق طعمها
خالد ابتسملها: هي ايه دي
زينب: الخمره اقدر اتحمل كام كاس
خالد ابتسملها: ع حسب قوتك
خالد بدء يقدملها وهي شربت كاسين ودماغها بدئت تتقل
خالد: ع فكره يا مدام زينب انا مقلتلكيش ان انا اتولدت في عيله غنيه جدا ورغم كده كنت شاطر في الكليه لاني كنت بفضل اذاكر طول الليل وكنت بعمل علاقه مع اي بنت بعوزها هو مكنش المفروض اقولك الكلام ده بس بزمتك مش حياه روعه للراجل
زينب بس فيها تصرفات غلط
خالد :عندك حق اليومين دول بحس ان قلبي وجعني اوي بين مشاكل عائليه والقلق بوضع هادي وحاسس بالزعل عشانك
زينب: انا مش محتاجه لحد يزعل عشاني انا متاكده ان مفيش مربيه اطفال تانيه بتاخد زي مرتبي وبتشتغل في مكان روعه زي ده وانا كمان محتاجه ابعد عن بيتي شويه عشان اجمع شتات نفسي
خالد بتعجب: هو انتي اتخانقتي مع جوزك بسبب الي طلبته منك
زينب بحزن: لاء لسبب تاني خالص هو الكلام مش هيبقي ممتع فيه(شربت كاس تاني)
اسامه كان وصل المكان وسمع خالد بيضحك بقهقه مد بخطواته ووقف
خالد بيضحك بشده : هو فيه علم نفس عن الاطفال بس مفيش ليه عن الرجاله ولا عشان الراجاله كلهم بيفكروا زي بعض انا متأكد انك عارفه
زينب بصتله وضحكت بصوت عالي وبتضرب بعينها شافت اسامه مكور كف ايده وواقف بغضب قامت وقفت وخالد كمان
اسامه قرب بنرفزه: ايه ده الي بتعمليه
زينب وشها اتخطف وقالت: انت ايه الي جابك لحد هنا في وقت متأخر انت حتي متصلتش بيا
اسامه: قلتي هتبقي جليسه طفل لكن شوفتك قاعده تسكري مع ابوه ده شغلك
خالد: اكيد حضرتك جوز مدام زينب بجد كان نفسي اشوفك انا خالد
اسامه تجاهله: يله نتكلم في البيت
خالد: ارجوك متفهمش غلط انا عدديت اطمن بس ع ابني وقعدت اشرب كاس مش اكتر وهي كانت بتسمع لي بكل ادب واحترام
اسامه بصلها :هو انتي مسمعتيش الي قولته يله نمشي
زينب :اسامه
خالد بهدوء: روحي تقدري تمشي
زينب :ايوه بس
خالد قاطعها: ارتاحي لحد اخر الاسبوع وارجعي ع يوم السبت بما انه ده وقت مش المناسب وانا هتولي الامر هنا فرصه سعيده يا استاذ اسامه
اسامه بصله بغضب وقال :بس انا شايف غير كده بالمره ومش عايز اشوفك تاني
زينب سابته وطلعت تجري ع الشارع واسامه اتحرك وراح وراها وركبها العربيه
اسامه : ايه الي كان بيعمله ده هو بيزورك كل ليله بالشكل ده تتكلموا وتضحكوا وتشربوا سوي
زينب بنفعال: انت بتقول ايه انا معملتش حاجه اخجل منها
اسامه امال ايه الي شوفته ده هو المفترض مربيه لطفل تقعد تشرب وتتغزل في ابو الطفل كان ايه الي هيحصل لو مجتش الليلة
زينب :هو انت مش بتثق فيا
اسامه: انا واثق فيكي لكن مش واثق فيه هو بعد ما شرب مراتي وقاعدها تضحك معاه في وقت متأخر
زينب: كان بيسألني بخصوص ابنه وانا كنت قاعده بوضحله وضع ابنه بس
اسامه: كان ايه لزوم تتغزلي فيه
زينب: اظن انت اخر واحد يتكلم ولا نسيت الي عملته في اليونان طلبت مني اثق فيك وقلت لي متشكيش فيا يبقي انت ملكش اي حق تعاملني بالشكل ده
اسامه بص لقدام وقال بقهر: صح عندك حق انا غلطت لما سفرتك وروحت اقضي يومين مع واحده تانيه مبقاش ليا الحق اتصرف كزوج غيور اسف جدا لاني اتخطيت حدودي
اسامه فتح باب العربيه ونزل وهي خبطت دماغها في دهر الكرسي وفكت حزامها ونزلت حركت العربيه ببطئ
زينب: هو انت ناوي تاخدها مشي لحد البيت اركب همشي لو مركبتش
اسامه فضل ماشي زي ماهو لحد ما هي صرخت: اسامه
اسامه اتنفس وراح ركب جنبها وهي صالحته وهو اتنازل عشان المركب تمشي
………………………قصص منه محمد كاتب………………….
في بيت عائله زينب مؤمن قاعد يسطب شغل ع الكمبيوتر تلفونه رن برقم غريب
مؤمن رد: الو مين
كادي: ده تلفون الدكتور مؤمن
مؤمن: ايوه انتي مين
كادي: احنا الي اتقابلنا في حادثه مش فاكر لما خبط عربيتي
مؤمن: اه وبعدين
كادي: نتقابل عند المصلح
مؤمن: وانا مالي لو كنتي عند المصلح انتي غلطتي مش انا
كادي: اسمع لو مجتش انا هكلم المحامي يرفعلي عليك قضيه واسجنك
مؤمن اترفز منها جدا ولبس بسرعه ورحلها وقعد قدامها وقدمتله ورقه
مؤمن برق بعنيه: كام ياختي 10 الاف جنيه ليه
كادي: دي تكلفه تصليح عربيتي
مؤمن: هو انتي جايبني هنا عشان ادفع كل ده ليه مش فاهم
كادي: متزعقش هو انت بتتعصب لما اجيب سيره الفلوس بص المحامي بتاعي لما شاف الصور قال الغلط مننا احنا الاتنين
مؤمن: تقارير وصور ومحامي ايه كل ده يابنتي هو انا قتـ لتلك قـ تيل
كادي: شوف انا هخصم 5000 الاف
مؤمن قفل وشه بتهكم وقال: هو انتي شيفاني برياله انا مش هدفع مليم وروحي اعملي الي تعمليه انشاءالله ترفعي قضيه ده ايه ده
كادي: هو انت دكتور في المشرحه بلاش تبقي عربجي
مؤمن شوحلها: انا سيبت الشغل ارتاحي واتبطي
كادي رفعت صوباعها في وشه كتحذير: انت يا هيكل بني ادم انت ازاي تتكلم معايا بالشكل الوقح ده , معندكش اي اخلاق هو انت مدخلتش الجيش لسه
مؤمن اتك ع اسنانه بغيظ وقال: انا عندي اخلاق ومش هدفع ولا مليم
كادي قامت من مكانها وقالت : فكر في الامر في خلال اربع ايام وبعدها هرفع عليك قضيه
مؤمن زعق : اتكلي ع الله انا مش مهتم
كادي لفت وابتسمت ع انها طلعته عن شعوره ونرفزته
……………………………قصص منه محمد كاتب………………
ع السفره
انغام برقه ودلع : خد الصنف ده يا خالد هيعجبك طعمه اوي
خالد بأبتسامه واسعه : ميرسي حبي
فوقيه ام خالد بغيظ : استغفر الله العظيم امتي بقيتم زي السمن ع العسل سوي
خالد بضيق: في ايه يا ماما عايزنا نمسك في خناق بعض كل يوم
فوقيه: لا ياحبيب امك عايزكم تجبولي ولد
خالد رفع حاجب: نجبهولك ازاي وهي صحتها مش كويسه ولسه قايمه من دور تعب
فوقيه ضربت السفره بغل: عالجها وتشد حيلها وتحبل تاني
انغام بعصبيه: تاني ده ايه هو انا ارنبه
خالد بصلها : استني انتي انا هفهمها امي انغام متقدرش تخلف تاني لان ده فيه خطوره ع صحتها
فوقيه بصتله بغيظ: ده الي ملتهولك تقلهولي صح
خالد بهدوء : لا الدكتور
فوقيه قلبت ملامح وشها: ماشي نروح لدكتور تاني وعاشر وبعدين ما هي قاعده زي القرد اهيه
خالد نفخ بزهق: يا امي تعبانه هي لازم تموت قدامك وبعدين كل سنه بتخلف عيل وده يعتبر مجهود شاق عليها
فوقيه بسخريه : هو انا قولتلها خلفي بنتين انا طالبه حته ولد
خالد: ماما هو يعني بأيدها
فوقيه بحزم: اسمع يا خالد انت عندك ثروه كبيره لازم ولد عشان يورثك ولا انت مش عايز ولد يشيل اسم ابوك
انغام بقهر: وانا اعمل ايه انا عملت كل الي عليا خلفت بنتين وسقطت 8 مرات ونفذت كلامك وكنت همـ وت بدون ما اشتكي
فوقيه كرمشت ملامحها بقرف: وانا بقولك كتر خيرك ياختي اركني بقي انتي ع جنب وسبيه يتجوز ع سنه الله ورسوله
انغام بندفاع : اخرتها عايزه يتجوز عليا
فوقيه: اه لو انتي مش قادره خلاص اجوزه ده لا عيب ولا حرام وانتي توافقي غصب عنك لان عيلتنا بتحب خلفه الصبيان
انفام :هو انتي بتتعملي معايا ع اني اله بزرارير ادوس اخلف والا تجوزيه
فوقيه : متخلنيش افكرك انتي اتجوزتيه عشان فلوسه وعملتي الي انتي عيزاه وابوكي مدفعش فيكي مليم يبقي ملكيش تعترضي ابدا انا قدمتلك كل حاجه وانتي حته عيل مش عارفه تجبهولي
انغام بصتلها بغضب وسابت السفره وقامت وخالد بص لـ امه كده وقام مشي وراها
خالد طبطب ع كتفها : متزعليش من امي خديها ع قد عقلها
انغام اتنهدت: اظن اتعودت ع اسلوبها
خالد مسك دقنها: خلاص متزعليش سيبها تتكلم ومتكشريش في وشي
انغام ابتسمتله وهو قال :ايوه ابتسمي كده شكلك اجمل هدخل اخد شور
انغام اختفت ابتسامتها وفتحت موبيلها وفرت في الصور وقالت :بتخوني مع جليسه اطفال ومخلف ولد منها في السر اعمل فيكم ايه
………………………..
تاني يوم اخدها المول يشتروا خزين للبيت وقضوها ضحك وهزار
زينب راحت ع كتب الاطفال تفر فيهم وتختار منهم
اسامه بتعجب: قصص خياليه لمين
زينب: هشتري منها لهادي هو بيتعلم القرايا
اسامه وشه كشر: هو امتي هيرجع بيت جدته
زينب: مش عارفه ابوه هيظبط وضعه
اسامه: يعني هتسيبي الشغل عنده
زينب: وبتسألني ليه؟؟ ولا لسه الموضوع مضايقك
اسامه: لاء مش ده الي كنت اقصده تقدري تسبيه في اي وقت مفيش داعي تتعلقي بطفل حد تاني
زينب: عارفه بس يمكن موت ابننا لسه مأثر فيا كان هيبقي في عمر هادي لو اتولد لو اخدت بالي منه
اسامه: ممكن تنسي الي فات لان مفيش فايده منه
زينب: يله خلصت
اسامه راح يحط الاكياس في شنطه العربيه سمع صوت رساله فتحها كانت من بسمله محتواها( عايزه اشوفك اليوم ضروري لو فاضي
اسامه كتبها: لاء مش عايز اشوفك تاني لان معنديش الي اقلهولك
اسامه قفل الموبيل بسرعه وراح ركب العربيه وهو بيحط الحزام جاتله رساله تانيه
زينب: جاتلك رساله
اسامه بعدم اكترث: سبيها اكيد رساله للازعاج
زينب بشك: كدا همسحها بعد ما اشوفها
اسامه شد منها الموبيل بعصبيه وصرخ فيها: مش قلت لك سبيها
زينب: ياتري عصبيتك دي بسبب كلامي عن الاطفال
اسامه مكشر جدا: لاء مش كده
زينب ربعت ايدها ومنعت دموعها وقالت: واضح اننا بقينا نغلط في بعض كتير ونرجع نعتذر ونتأسف ونطلب السماح ومش عارفه هيوصلنا الحال ده لفين
………………….قصص منه محمد كاتب………………….
في غرفه نومهم الخاصه زينب بتدلك ايدها بالكريم واسامه راقد ع السرير سرحان في بسمله
زينب بصت في المرايا وقالت: مؤمن مرجعش البيت لحد دلوقت ومعنديش فكره عن الشغل الي بيعمله الايام دي ممكن تقعد معاه هو مش بيسمع لي لا انا ولا بابا بس بيسمعلك انت يا اسامه
اسامه مش بيرد لانه في عالم بسمله
زينب لفت وبصتله: اسامه ع فكره انا بكلمك
اسامه اتنبه: ها مؤمن حاضر هكلمه واحنا قاعدين ع القهوه
زينب: صحيح ايه الي حصل في موضوع ابراهيم
اسامه: مفيش جديد متقلقيش
زينب قلعت الروب وراحت دخلت في حضنه: اسامه هو احنا ممكن نحاول نخلف تاني عايزه اتابع مع دكتوره عن هرومناتي اوتشوف هتعالج ازاي
اسامه بستفهام: ليه طلعت في دماغك فجاه اظن قلت لك انا مش مهتم
زينب رفعت نفسها عنه و بصتله: انت بتقولي كده عشان عارف اني اجهضت كتير وعانيت قد ايه وعشان كده مش عايز الوضوع يتكرر او اتعب تاني
اسامه: زينب ممكن منتكلمش في الموضوع ده تاني
زينب نزلت دمعه من عيونها بضعف: بس انا نفسي ابقي ام وموصلش اني ادخل اقتـ ل نفسي لما تروح تتجوز عليا حبيبنك القديمه
اسامه : ممكن تبطلي هبل متدخليش نفسك في حاجات من الهواء
اسامه ضمها لصدره وكل تفكيره في بسمله
………………..قصص منه محمد كاتب………………..
اسامه بعد ما بسمله بعتتله الرساله وهو مقدرش يمنع نفسه ورحلها الشركه والسكرتيره دخلته
بسمله ابتسمت: اسامه تعال اتفضل
اسامه سلم عليها وقعد بهدوء
بسمله: بعتذر ع اتصالي بيك يوم جمعه
اسامه: هو انتي مش بتحبي ترتاحي حتي يوم الاجازه
بسمله ابتسمت: لاء انا بحب شغلي وبقي عاده
اسامه بعتذار: بسمله انا اسف ع الكلام الي قلتهولك في اخر مره بينا
بسمله بهدوء: وانا متصلتش بيك عشان تعتذرلي انا نسيت اصلا الي حصل اتصلت بيك بخصوص مشروعك بجد المشروع هايل ومحتاج اهتمام
اسامه: ايوه بس المشروع ده مش هيفيد شركتك
بسمله بتجشعه: بالعكس هيحقق لشركتي ارباح كبيره
اسامه: وربما يخسرك
بسمله: عارفه ده بس الشركه محتاجه مشاريع كتير لاثبات واجهتها وصدقني هتنجح اتفائل
اسامه: هو انا نفسي بجد افهم انتي ليه لطيفه معايا كده
بسمله: اتكلم معاك بصراحه حاسه اني اذنبت في حقك بعد الي حصل في اليونان وصراحه اكتر معملتش كده عشان كنت محتاجه مساعدتك زي ما قولت لك انا كنت محتاجه اشوفك اشبع منك بس والله ما كنت عايزه علاقتك بمراتك تتأثر بناء ع الي حصل
اسامه: اه انتي كنتي عايزه تستمعتي بوقتك ودلوقت حاسه بالذنب لما اذتيني وللسبب ده بتعرضه عليا صفقه كبيره
بسمله:قلت لك مشروعك هايل
اسامه: انتي خلتيني عملت الغلط قصاد مليون جنيه انا وزينب سحبنا بعض لحافه الهاويه وبشكرك جدا ع كده بس لحد هنا وكفايه يا بسمله مساعده
بسمله بصت اوي في عينه وقالت: هو انت خايف عشان كدا بترفض تقرب مني لتضعف قدام حبنا عشان كدا بترفض تقابلني مش شايف ان ده امر غريب
اسامه :وانا بقولك لو محتاجه المساعده هقدملك المشوره وقت ما تطلبي
بسمله بغيظ: وانا مش عايزه مساعدتك ابدا يا اسامه
اسامه قام من مكانه : بتمني كمان ده عن اذنك
- يتبع الفصل التالي اضغط على ( رواية اللقاء الثاني) اسم الرواية