رواية راما الفصل الخامس 5 - بقلم اسماعيل موسى
كان ادم يمشى غير مبالى بالطلبة او الطالباااات رغم انه بعضهم يتمععون بالجمال والأناقة، على عكس تقدير راما التى اعتقدت أن شخص بعين زايغة لا يمانع فى وقت معاكسة فتاه جميله.
ترددت راما لحظه وكان ادم قريب منها ثم مشت تجاه مكتبها القريب، لو كان ادم وصل يدور عليها أكيد هيوصل عندها
وقبل ان تصل مكتبها كان ادم قد ابتعد بعيد عنها ناحيت مكتب رئيس الجامعه
من باب الفضول تابعت دكتوره راما دخول ادم وخروجة بحماس
ثم انشغلت مع طالبه كانت تسألها عن بعض النقاط فى مادتها
ولم تدرى الا وادم يقف بالقرب منها
وكان يتحدث فى هاتفه بصوت صارم كأنه يطمأن شخص بعيد عنه
وسمعته يهمس يا بنتى تعالى خلاص، اه انا خلصت كل حاجه
لا متقلقيش انا هشرب حاجه فى الكافتيريا واستناكى
ثم مشى تجاه الكافتيريا وجلس يلعب فى هاتفه ينتظر القهوه
انهت راما محاضرتها ولما خرجت شافت ادم ماشى مع بنت جميله جدا، لكن إلى آثار انتابهها ان البنت دى شبه جين
نسخه مصغره منها
ولما ركزت راما اكتشفت ان البنت دى طالبه عندها فى السكيشن، البنت إلى لما شافت دكتوره راما ماشيه ابتسمت ومشيت ناحيتها مع ادم
دكتوره راما…… همست البنت وهى بتشاور
وقفت راما ولما ادم وصل وقف بخجل من غير ما يفتح بقه
همست البنت انا لورين طالبه عند حضرتك
… راما فعلا انا فاكره شكلك، اهلا لورين
لورين… اعرفك بأدم جوز اختى…
راما بتردد ازيك استاذ ادم !
ادم.. بخجل وعنية فى الأرض ازيك دكتوره راما
لورين باستغراب، انتو تعرفو بعض؟
ادم… بكسوف اتقابلنا صدفه قبل كده
راما…. اه كان هو ومراته اعتقد انها اختك صح؟
لورين…. اه جين اختى
لورين طيب يا استاذ ادم طالما الموضوع كده وصى دكتوره راما عليه شويه؟
راما بأبتسامه انتى مش عايزه توصيه يا لورين طالما من طرف ادم وجين اكيد هحطك فى عنيه
رفع ادم وجهه خمرى حاد وجميل وحدق فى وش راما باندهاش إلى هو ازاى يعنى بتقولى كده وانتى مش طايقانى
ثم اطلق ابتسامه رائعه سحرت راما وهمس متشكر دكتوره راما
بالمناسبه دى اسمحلي اعزمك على فنجان قهوه يا استاذ ادم طالما انت فى جامعتى
ادم بتردد،بيحاول يعرف راما بتتكلم بجد ولا بتسخر منه
اكتسى وجه راما بالجديه مما دفع ادم انه يمشى وراها
بينما ذهبت لورين إلى المحاضره
كانت راما مذهله عندما عاينها ادم، جلست بأناقه وطلبت فناجنى قهوه
وبصت فى عيون ادم، اتفضل، اتكلم انا قدامك اهو
انصدم ادم من جدية راما وتمنى ان لو كانت جين معاه
خاف يبوظ الدنيا كلها
أسمى ادم
همست راما عارفه، وانا أسمى راما تبارك
ادم…. انا شفتك فى الفرح لأول مره ثم صمت دقيقه يزن كلماته
راما ها كمل
ادم.. واعجبت بيكى
راما فى سرها صبرنى يا رب، ازاى يقول معجب بيكى وهو مجوز؟
كمل ادم وفرحت جدا لما جين أعجبت بيكى وقبل ما راما ما تغضب او تصرخ فى وشه
همس انا كنت بفكر انى اتجوزك يا دكتوره راما…
فتحت راما بقها فى صدمه، تتجوزنى مره واحده؟
ادم ايوه، وقبل ما دماغك ما تروح لبعيد وتظنى فى ظنون وحشه انا بحب جين جدا
جين حب عمرى، لكن فيه ظروف تدفعنى ان اتجوز عليها ومكتتش ممكن اعمل كده لولا اصرار جين
انا مكنتش اعرف انك دكتوره جامعيه ومكنتش مهتم بشغلك
لكن بعد ما عرفت انك دكتوره جامعيه
صرفت نظر، انتى دكتوره وجميله ومش مضطره ترتبطى بواحد زى
علشان حاولت اكتر من مره اعتذرلك لكن جين كانت مصره
والحمد لله انى قابلتك هنا علشان اعتذرلك، انا هبلغ جين
انك رفضتى العرض وبكده اكون خلصتك وخلصت نفسى من الاحراج
راما بتردد، كويس لكن ممكن اعرف جين عايزاك تتجوز ليه؟
همس ادم مش مهم يا دكتوره، لانى عارف ردك هيكون ايه
وصلت لورين محاضرتها اتلغت إلى خلى ادم يوقف كلام
وبعد شويه استأذن ومشى ورحل مع لورين
يتبع….
- يتبع الفصل التالي اضغط على ( رواية راما) اسم الرواية