رواية جسد بلا روح الفصل الخامس 5 - بقلم اميرة محمد
كنت مندهشة وبلعت ريقي ومش عارفة اتكلم ازاي انا السبب … زادت نبضات قلبي وكمل كلامه
وقال : إنتي عملتي فيا ايه … انا بغير عليكي من اي حد واللى دايقني كلامك مع
عبد الرحمن
حسيت نفسي طايرة من الفرح وفي نفس الوقت مش عارفة اتكلم ولا ارد عليه طيب هاقوله ايه ما أنا نفس الإحساس أنا حساه
وفجأة قالي : نسرين انا بحبك وعاوز اتجوزك على سنة الله ورسوله
وقتها بصتله وكان باين عليا الفرحة لا كدا كتير بجد ….. وبعدين كمل كلامه وقالي
: مش عاوز رد منك عاوزك تفكري وعلى فكرة القلوب بتحس ببعض .. تصبحي على خير
سابني و دخل اوضته انا فضلت واقفة مكاني
بحاول استوعب كل اللى قاله انا في حلم ولا علم …. عوض ربنا حلو اوي
معرفتش انام طول الليل من الفرحة والتفكير وجه معاد الفطار لبست علشان بعد كدا انزل الشغل مع مراد
كنا في حالة صمت وديه مش العادة بتاعت مراد … بس كنت فرحانة انا ومعاه لأنه دايما بيحسسني اني روح بتحس
بدأت أنا بالكلام وقولتله : مراد انت كويس
مراد : الحمدلله… وانتي
نسرين : الحمدلله
بيعجبني في مراد تواضعه مع المواظفين وبيتعامل معاهم كأنهم أصحابه بالإضافة لقلبه الطيب وابتسامته
قعدت على مكتبي علشان اخلص شغلي بس دماغي في حتة … بفكر في كلامه وابتسم كنت عاملة زي المجنونة
رن تليفوني وكانت شيماء كنت حابة اني اقولها اللى حصل بس كان صوتها تعبان وبتعيط واول ما سمعت صوتها خوفت وقولتلها
: شيماء مالك فيكي ايه
شيماء : تعالي بسرعة يا نسرين مامتك تعبانة اوي ونفسها تشوفك
اول ما سمعت جملتها ديه ودموعي نزلت لوحدها و كنت منهارة دخلت لمراد وانا مش عارفة اتكلم قولتله : ماما يا مراد
مراد قام من مكانه و حاول يهديني ونزل معايا وكان طول الطريق بيقولي متخفيش أنا معاكي …. لأول مرة محسش إني لوحدي
دخلت البيت وكان معايا مراد و دخلت علطول على اوضة ماما وفضلت ابوس ايدها
نسرين : سلامتك يا أمي حصلك ايه يا حبيبتي
منير : شرفتي يا هانم كنتي فين ……دلوقتي اللى سألتي علينا
أميمة : سامحيني يابنتي على كل حاجة
حصلت معاكي
حضنتها جامد ودموعي كانت بتنزل : يا ماما انا مش زعلانة منك أهم حاجة تكوني كويسة
أميمة : هابقا كويسة لما أحس إنك سعيدة
نسرين : أنا كويسة وعايشة مع ناس طيبين
أميمة : شيماء قالتلي كل حاجة
ولقيت إبراهيم أخويا بيقرب مني وبيقولي وحشتيني يا أختي لأول مرة أحس بحنية الأخ
سلوى : أنا آسفة يا نسرين على كل حاجة
نسرين: يابت احنا أخوات
منير : حاضر يا نسرين على اللى عملتيه انتي فاكرة اني نسيت ولا ايه
مراد : اكيد مش واخد بالك مني … متعرفش ان نسرين محدش يقدر يقربلها طول ما أنا معاها
منير : وحضرتك تطلع مين
نسرين : خطيبي يا آنكل منير
الكل كان مندهش حتى مراد بس فرحان جدا قربت منه ومسكت إيده وقولت
: ده مراد خطيبي وهايبقا جوزي
أميمة : ربنا عوضك يا بنتي
منير : ماشي… ماشي يا نسرين
مراد : ايه اخبارك دلوقتي يا طنط انا معايا عربيتي تحت ممكن اخدك لأي مستشفي
أميمة : ربنا يخليك يا ابني انا لما شوفت بنتي بقيت كويسة… خلي بالك منها يا مراد
مراد : في عيني يا طنط
شيماء اخدتني على جمب وقالتلي : بجد الكلام ده
نسرين : امبارح بليل طلب إيدي
شيماء : مبارك يا قلبي …. أمك كانت حالتها صعبة قبل ما تيجي
نسرين: الله يبارك فيكي… الحمدلله دلوقتي احسن
أميمة : خليكي معايا النهاردة انا لسه مشبعتش منك
نسرين: حاضر يا ماما ….
مراد : دقيقة يا نسرين
خرجت برا مع مراد وانا مكسوفة جدا
مراد: بحبك عارف مش وقتها بس لازم اقولها
نسرين: وانا كمان بحبك … شكرا جدا لوقوفك جمبي … بجد مش عارفة اقولك ايه
مراد : مش تقولي حاجة خليكي معايا علشان وجودك بيطمني
نسرين : مقدرش اسيبك.. مع بعض للأبد
مراد : ان شاء الله
ومشى حسيت كد ايه إن ليا سند وضهر وفضلت طول الليل أحكي لماما على اللى حصل معايا وكد ايه كنت مشتقالهم
ولقيت تغير شديد في معاملة أخواتي ليا
وماما كانت فرحانة اوي بيا أما آنكل منير كان ساكت وبس ….
**********
نورة : يا ترى مراد راح فين اتأخر
سعيد : دلوقتي يجي …. اهو الباب اتفتح
نورة : مراد يا مراد
مراد : نعم يا أمي
نورة : كنت فييين يا حبيبي
مراد : كنا في المكتب و نسرين اتصلت بيها صاحبتها وقالتلها ان والدتها تعبانة روحت معاها بيتهم نشوف والدتها وحاليا نسرين هناك
نورة : لا حول ولا قوة الا بالله طيب واخبار والدتها ايه دلوقتي
مراد : لما شافت نسرين بقيت أحسن وشوفت جوز والدتها ومعاملته معاها وشوفت أخواتها
سعيد : راجل يا ابني
مراد : كنت عاوزة اقولكم اني طلبت ايد نسرين وهي وافقت
نورة : من غير ما نعرف
مراد : أنا قولت لبابا وهو قالي اني اشوفها هي الأول
نورة : ربنا يسعدك يا قلبي
مراد: يارب يا حبيبتي
مروة : ماما يا ماما
نورة : في ايه يا مروة خضتيني
مروة: بطاقة نسرين الشخصية نسيتها هنا
مراد : هاتي البطاقة…. ايه ده اسمها نسرين وائل نصار الشاذلي
نورة بإندهاش : ايه ….. معقولة ده
- يتبع الفصل التالي اضغط على (رواية جسد بلا روح) اسم الرواية