رواية مملكة احفاد الطوبجي الفصل الخامس 5 - بقلم اميرة اسامه
نزلوا كلهم مع كرم ركبوا العربيات
وبعد وقت بسيط وصلوا قدام المارينا ونزلوا كلهم بعد ما ركنوا العربيات.
كرم …يلا يا شباب جاهزين
سالم…..بضحك لا استنيييي جاهزين ايه يا ابو الصحاب
كرم….في ايه
سالم….انا شايفك نازل كده فاضي و قايل هنفطر مع بعض والدنيا حلوه وشايفك فاضي بقولك ايه انت متعرفش انا لما بجوع ممكن اعمل ايه
كرك…..بضحك يا جدع قولتلك اتقل و سيبلي نفسك مش واثق فيا ولا ايه
سالم….مش مسأله ثقه بس مفيش في ايدك غير موبايلك
كرم…..بضحك هو انا مش قولت منكش سبقني انا وصلته بكل حاجه لحد هنا
سالم….إذا كان كده يبقي يلا بينا
قاسم…..انت اتعلمت الطفاسه دي امته جلال بهت عليك
سالم…..جعان والله وشكل كده جلال عداني
جلال….مين بينادي
قاسم….اتنيل وانزل محدش عبرك
كرم….نزل من السلم وهنا وراه
منذر….بهمس لزيد هو احنا رايحين فين
زيد…..انت مش عاجبني خد بالك ذاكرتك بقت عامله زي ذاكره السمكه
منذر….ماهو بسبب شورتكم المهببه وشقة العفاريت دي
زيد….نعممم لا فوق كده معايا شورت مين أيش حال ان مكانتش دي فكرتك اصلا والله اقولهم و انت عارف مش هيرحموك ونش بعيد يخدوك من ايدك ويربطوك في كرسي ويسيبوك لوحدك في الشقه وبالذات ابو لهب مش هيرحمك انت عارفه
منذر…..ملقتش غير الواطي ده
زيد….بضحك بقولك ايه انا شاكك ان الواد ده مش طبيعي من امبارح
منذر…..فعلا ساكت ومش زي عادته بس ليه
زيد….انا حاسس انه شاف حاجه امبارح بليل صحيت لقيته قاعد علي الكنبه في ايده و متنح
منذر…..بضحك بتتكلم بجد
زيد….اه والله مكانش علي بعضه
منذر…..يانهار اسود انت متخيل لو ياسين شاف حاجه فعلا وبعدها عرف اننا كنا عارفين هيعمل فينا ايه
زيد…..بضحك طب انت متخيل لو عرف ان انت صاحب الفكره
منذر…..افضل انت قول صاحب الفكره صاحب الفكره واعمل روحك برئ انت وعمك العاقل
زيد…..مراد عاقل طب ازاي يا جدع
منذر….بقولك ايه ما تبقي تسأل ياسين كده ماله
زيد….وانا مالي متسأله انت
منذر……بتخلع يا صاحبي طب خد بالك انا لو سألته من اول كلمه هعترف
زيد….وماله اعترف وهو بس اول ما يسمع منك ويعرف انك عارف الحوار متبقاش تزعل من اللي هيعمله فيك
منذر…..بضحك لا وعلي ايه خليه لما يجي هو يحكي لوحده انت عارف انا ھموت واشوف جلال وامير في الموقف ده
زيد……يانهار ضحك بس خد بالك الاتنبن دول وبالذات جلال لو ظهرلهم حاجه مش هيسكتوا زي ياسين وهيرعبوا الباقي
منذر……يظهرلهم بس ومش مهم اللي يحصل بعد كده
زيد….ھتموت وتشمت فيهم انت يا خۏفي لا تتقفش انت والعفاريت يعملوا حفله عليك
منذر….بضحك طب وليه هتيجي فوق دماغ اختك الغلبانه ومش بس هقطع الخلف انا هبقي لا اصلح للزواج
منكش وقف علي حرف اليخت اول ما شافهم ووقف يرحب بيهم
منكش….يا الف اهلا وسهلا يا الف مرحب البحر نور يا بشوات
زيد….بضحك لمنذر طب شوف الشغل بقي طلعنا مسرح الفقري
منذر….طب والله سكر
منكش…..حلاوه وجمال وشياكه وهيبه يا بخت ابن ليل بيكم
مراد…..الواد ده كان شغال تباع يا كرم
كرم…..بضحك انا عارف ابن الصرمه ده بيهبب ايه انت يااااعم اكتم فرجت علينا الخلق
منكش……الله مش قولتلي ابقي رحب بالبشاوات لما توصلوا و عايزهم يتبسطوا
كرم……بضحك الله يكسفك يا بعيد ده اللي فهمته من كلامي ياولا انا نقصد تخلي عينك عليهم و متخليهمش ناقصهم حاجه والله انا غلطان اني جيبتك معايا وبعدين بص لمراد ماهو كله منك انت اللي عايزه
مراد…..بضحكه جميله طب والله هو هيبقي احلي حاجه في الرحله
كرم….ادعي بس ميعصبنيش واحدفه للسمك
منكش….هنهون عليك يا معلم دكتور كرم
جلال….انا مش فاهم ايه اللقب الاتنين في واحد زي الشامبو ده
منكش اول ما سمع الكلمه بتاعت جلال فطس علي
نفسه من الضحك
جلا…..بضحك ضربه بالكف عجبتك
منكش…..اوي والله جبتها ازاي دي
جلال……لا بقولك ايه انا في الالش وقصف الجبهات منتوصاش
كرم…..طب حلوووو دماغنا بقي وشكلك يا منكش مش هتتحدف لوحدك للسمك
يوسف…..اه احدفه وريحنا منه والنبي يا دكتور
نادر…..ولو عصلج معاك انا هساعدك
كرم……ولا انت عاملهم ايه عايزين يخلصوا منك كده
جلال…..قرب منه دي نفسنه وحقد دفين اصل انا محبوب وهما بيغيروا مني خد بالك
كرم….اه ما انا لاحظت يا صاحبي حاسس انهم مش صافيين من ناحيتك
جلال…..تصلي بينا عالنبي
فطسوا كلهم من الضحك
كرم…..بضحك اللهم صلي عليك يا محمد
جلال…..تقدر تقول ان انا الحته الشمال للباشا فا تلاقيهم كده مبيطيقونيش لله في لله
كرم….ااااه قولتلي بقي انت اخر العنقود شكلك
جلال…..في الرجاله اه في البنات في اختي فرح هي اصغر واحد اصل احنا عشره انت عارف كده ولا لا
كرم…..بضحك وهو بيهز دماغه اه عارف يا صاحبي
جلال……لا خد بالك الباشا شقي ومقطع بطاقته
كرم…..لمراد وهو بيضحك ايه الواد ده
مراد…..مصېبه من مصايب الزمن بعيد عنك هو وابني الواطي
امير…..هو امير لازم يتجاب اسمه في جمله مفيده انا نطقت
كرم….مالك وماله ياعم صحيح ما هو ساكت وهادي اهو بتظلمه ليه
امير….عقوق اباء بعيد عنك
كرم…..بضحك لا بعد عقوق اباء دي يبقي الراجل مغلطتش
امير……بضحك بعتني في لحظه ما كنت ماشي حلو
كرم….لمراد طب بزمتك عايز منكش تعمل بيه ايه وانت معاك اتنين مشكله
مراد….لا بس منكش في عالم موازي بجد
قاسم….علي اساس دول في عالم ديزني ماهم في عالم موازي زيه المخ واقف وواخد اجازه عندهم
جلال…..بتتكلم علينا يا كبير طيب ماشي متبقاش تزعل بقي
قاسم….هتعمل ايه يا واطي
جلا….لا خليها مفجأه بقي
منذر…..هيعمل ايه يعني مقلب من مقالبه اكيد
منكش……معلش لو فيها إساءه ادب ممكن نسألوا سؤال
سالم….بضحك أنت تعمل اللي انت عايزه يا صاحبي وتقول اللي انت عايزه اصل بصراحه دماغك عجباني وانا مجربتش الدماغ الرباني دي
ممكش….انا عايز نعرف المركب اللي انا عليها دي قصرت معاكم في ايه هتفضلوا تتكلموا بره كده ما تركبوا
سالم….اليخت بقي مركب يا ظالم
كرم…..اهو اشهدوا عشان لما نحدفه البحر ميعيطش
عاصم….بضحك يا عم مركب مركب اي حاجه هو عايزها مشيها
كرم…..هيسوأ سمعة اليخت
عاصم….بضحك معلش امسحها فيا انا
كرم…..ماشي عشان خاطرك بس
يلا اتفضلوا يا جماعه نورتوا ابن ليل
دخلوا كلهم كانوا مبهورين من جمال اليخت
مراد…..ماشاء الله ياكرم يجنن
كرم…..عجبك
مراد….اوي والله ربنا يباركلك فيه
امير…..بقول ايه هو انا مينفعش اخد بيه لفه
امير…..اهدي هااا مش ناقصين تدخل بينا في حاجه ونعمل الجزء التاني من تيتانيك
جلال…..صح عني بيتكلم صح امير مبيعرفش يسوق بس اتفرج علي سواقتي انا بقي يا اختييييي هبهرك
كرم…..بضحك سواقتك طيب يا عم هنشوف بس قولي هتعرف ولا ايه
جلال….عيب عليك هبهرك انا عندي موتسيكل امريكي اركبه بس الجدع يحصلني وخد بالك جايبه من مالي الحر
سالم….حررررر حر مين يا ابو حر ولااا بلاس اعمل عليك حفله فاكر ياض لما قولتلي عايزه ومش عايز تجيبه من فلوسك عشان هياخد كل اللي حيلتك يا واطي واهو زيد شاهد
زيد…..بضحك حصل
جلال…..بصلهم هما الاتنين بطرف عينه طب يعني بنترسم علي الراجل طبلولي مش توقفوني ملط قدامه
فضل كرم يضحك عليه
زيد…..ماهو اللي زيك لو مخدش علي وشه هيتمادي ومش بعيد تقول انك بتصرف علينا ياواطي
جلال……لا الشهاده لله انا مبصرفش عليهم بس تقدر تقول ان الشركات مبتقوملهاش قومه غير بيا يعني انا الكل في الكل كلمتي تمشي علي اي موظف بالك انت لو خدت اجازه يوم الشركه تخسر و نتضرب في سوق البورصه
مراد…..اه يا ابن الكلب
كرم…..بضحك هو واضح ان جلال عايش في كوكب تاني
نادر……اه عايش في كوكب زمرده بتاع سبيس تون عارفه
كرم…..اه عارفه ده نفس الكوكب اللي عايش عليه منكش
فضلوا كلهم يضحكوا وبعد كده دخلوا كلهم انتشروا علي اليخت جزء قعد وجزء طلع الدور اللي فوق وجزء راح علي حرف اليخت من قدام يتفرج علي البحر
كرم راح فك الحبل وسحب الهيلب من المايه وبعد كده راح يدور اليخت
كرم…..ياشباب ابعدوا عن الحرف لحظه عشان هنطلعوا
بعدوا من الخرف وطلع كرم باليخت ودخل بيهم علي جوه خالص وبعدين وقف و حدف الهيلب
داوود……الله علي المنظر بجد سبحان الله
علي…..الجو كمان تحفه
يوسف……لكرم بيتهيألي المايه ممكن تبقي ساقعه صح حاسس ان الهواء ساقع
كرم…..بأبتسامه بردت ولا ايه
يوسف….اه والله
كرم…..متقلقش المايه هتلاقيها دافيه اوي
يوسف……دافيه ازاي بس
كرم….اسمع مني مش ساقعه والله
مراد….متقاوحش ياولا اسكندراني دول بيبقوا عارفين امته البحر يكون عالي و أمته يبقي في نوه
كرم…..متقلقوش انهارده الجو هيكون جميل بأذن الله
رامي…..انا عايز انزل البحر شكله جامد
هشام…..تعالي يلا ننزل
كرم….لا استنوا نفطروا الاول ونروقوا عليكم وبعد كده انزلوا وعلي فكره انزلوا الدور اللي تحت هتلاقوا سنوركل المكان ده حلو تقدروا تغطسوا فيه لو حابين ومعايا كاميرا جو برو كنان لو حابين تتصوروا تحت المايه
جلال…..لا ده عاش اوي علي التظبيطه الجامده دي
كرم….قولتلك هنقضوا وقت حلو مع بعض بس انت دماغك اللي سرحت مني
جلال…..بضحك لا خلاص فهمت يا صاحبي
كرم……منكش يلا تساعدني في الفطار
داوود….وانا معاك هساعدك
عاصم…..خدوني انا كمان معاكم
كرم……طيب يلا بينا خليك انت بقي يا منكش وظبط القاعده لحد ما الفطار يجهز
منكش….وهو بيكلم نفسه بصوت مسموع دنيا ايه اللي نظبطوها ما كل حاجه متظبطه وفي مكانها ولا هو لازم أي فرهده و السلام الله ينعل ابو منكش عاليوم اللي جه في منكش تتعبوا لو شوفتوني مرتاح شويه اعوذ بالله عليكم
كرم….سامعك يا منكش الكلب هااا
منكش….حبيبي يا دكتور كرم يا سيد المعلمين
كرم…..بضحك انا لازم أعتزل مهنه فيهم بسببك.
عاصم….دخل وقف في الركن المخصص بالمطبخ يا دكتور
كرم…..بإبتسامه بنقولوا ايه عشان نبدأ يومنا كده حلو احنا مطولين مع بعض كام يوم فا بلاش دكتور دي يا صاحبي خليها كرم
منكش……من بره او كيرو كل الشباب في الشارع بيقولوا كيرو
كرم…. انت مااااالك بتتحشر ليه يا اخرة صبري
منكش…..انا بنرسيه بس
كرم….طب يا اخويا رسيته خليك في حالك بقي
عاصم…..تصدق يا منكش مش هزعلك وهقوله كيرو
منكش…..حبيبي يا باشا
عاصم….تعالي انت بقي يا كيرو
كرم…..بإبتسامه جميله قول
عاصم…..هو الفطار هيكون ايه
داوود…..بضحك يعني انت عامل القلق ده كله عشان السؤال ده انت اول مره تفطر ولا ايه والله شكل إعجابك بشخصية منكش بهتت عليك
كرم…..والله يا داوود سرقتها من علي لساني في ايه يا صاحبي فطار زي اي فطار كله موجود
عاصم….بضحك طب ايه خلاص الحفله خلصت يا جدع انت وهو انا مقصدش كده انا اقصد التلاجه فيها كذا حاجه وفي شنط هنا كتير بردو فيها حجات كتير
كرم…بص كل حاجه تنفع للفطار هنعملوها عشان اللي بيحب حاجه ياكلها وفجأه سكت احيه
عاصم….رفع حاجبه ايه في ايه
كرم….انت قولت شنط صح منكشششششش الله يخربيتك وبيت سنينك
منكش…..ايه في ايه
كرم…..جتك اوه انت ياولا مفضتش الشنط في الايس بوكس زي ما قولنالك
منكش…..بص لفوق احيه نسيت
كرم….نسيت انا هننفخك
داوود…..في حاجه تبوظ ولا ايه
كرم…..اه دي لحمه انا جايبه وموصله لحد هنا عشان يظبط الحاجه علي ما نيجي بس قلبي كان حاسس عشان كده حطيت عليهم تلج
داوود…..طيب شوف كده اطمن لا تكون باظت
قعد كرم علي ركبه يطلع الحاجه من الاكياس
منكش…..انا رصيتلك المايه وكل المشروبات اللي جايبها تفتح بيها سوبر ماركت دي وظبطلك الفاكهه
هو انا مخي دفتر
كرم….بصله طول في الكلام عشان نقوم نلف لسانك الطويل ده علي رقبتك
عاصم…..بضحك با جدع سيبك منه ايه الدنيا تمام
كرم….اه الحمد لله التلج اللي حطيته نفع
دخل عليهم زيد
زيد…..مش عايزين مساعده يا شباب
كرم…..ياريت تعالي يا صاحبي اسحب الايس بوكس ده وافتحه عشان نحط الاطباق بتاعت الاكل دي
زيد….عيني
سحب كرم الايس بوكس وفتحه وفضل كرم يديله الاطباق و زيد يحطها وسط التلج
مراد…..وقف علي الباب بره اوباااا انا سامع ان في لحمه وحجات جامده
كرم…..هأكلكم احلي كباب علي الفحم وكفته وطرب وهنعمل حفلة شوي هنا
مراد….اهو ده الكلام تسلم ايدك يا ابو الكرم
كرم….حبيبي يا ميرو
خرج زيد ومراد ووقف عاصم وداوود وكرم يظبطوا الفطار جميع انواع الجبن ووقف كرم علي الڼار عملهم فول وبطاطس محمره وظبط الدنيا معاهم وبعدين بداوا يخرجوا الاكل بره
كرم……يا شباااااااب يلا اللي فوق ينزل الفطار جهز
اتجمعوا كلهم تحت وبدأوا يفطروا مع بعض وبعد الفطار
راح يوسف علي مكنه القهوه
يوسف…..انا هشرب قهوه حد عايز
مراد….ياريت
داوود…..وانا كمان يا يوسف
زيد…..خليهم تلاته
كرم…..انت اعمل بقي طقم قهوه كده وظبط الدنيا لحد ما نظبطوا المكان هنا يلا يا منكش قوم معايا
امير…..خليه يكمل اكله انا معاك هنساعدك تعالي يا هشام انت ورامي معايا
رامي….يلا يا صاحبي
هشام….ريح انت بقي يا كيرو واحنا هنقوم بالمهمه دي
كرم…..طيب عاش يا شباب بنقول ايه الاتنين ايس بوكس اللي لونهم ازرق دول فيهم كل المشروبات اللي تخطر في بالكم اللي مش عايز قهوه يطلع ويشرب
جلال….في ريد بول
كرم….بإبتسامه في ريد بول ياعم عيش
جلال…..ده ايه الجمدان ده
كرم….اي خدمه قولتلك هنقضي يوم جامد يا ابو نيه مش سالكه
جلال…..بضحك ما خلاص بقي فهمت غلطتي
راح الشباب ظبط الدنيا وشالوا بواقي الاكل وعمل يوسف القهوه
كرم…..بقول ايه يا شباب حد فيكم يجي معايا اجيبلكم حاجه الغطس من تحت
نادر…..تعالي يلا انا معاك
كرم….يلا بينا
نزل كرم ونادر علي نحت طلعوا حاجه الغطس وطلعوا
وبدأوا يجهزوا عشان ينزلوا البحر
كرم…..يا شباب قبل ما تنزلوا في حد فيكم مبيعرفش يعوم
سالم….هي عمق المكان ده كبير
كرم…..من عشرين لثلاثين متر عموما في كذا لايڤ چاكت
مراد…..متقلقش كلهم بيعرفوا يعوموا
كرم….طيب عموما هننزلوا معاكم نطمنوا ان الكل عارف يقف اشطا
مراد….اشطا
كرم….يلا بينا
قلع كرم التيشرت وهما كمان قلعوا و استعدوا للنزول نط كرم اول واحد ووقف بصلهم من تحت
كرم….يلا واحد واخد كده ينزل ويجرب
نزل زيد اول واحد وبعده منذر
كرم….ايه الدنيا
زيد….متقلقش تمام
منذر…..المايه دافيه فعلا تصدق
كرم…..قولتلك هتبقي دافيه
نزل واحد واحد بعد كده وفضل منكش فوق يبص عليهم
اطمن كرم ان الكل واقف ومفيش اي قلق فضلوا يبدلوا السنوركل مع بعض و يتصوروا بالكاميرا بتاعت كرم تحت المايه كانوا مبسوطين والجو كان تحفه
طلع داوود وعلي وبعد شويه طلع كرم و مراد وفضل الباقي تحت في المايه يلعبوا ويرخموا علي بعض ويضحكوا والباقي بيتفرجوا عليهم من فوق
مراد…..بإبتسامه بتاعته مش عارف اقولك ايه يا كرم علي اليوم الجميل ده
كرم…..تقول ايه يا بس يا ميرو انا معملتش حاجه المهم ان الكل مبسوط
مراد…..طبعا مبسوطين انت مش شايفهم تعبناك معانا يا صاحبي
كرم….تعب ايه بس متزعلنيش منك انا كمان كنت محتاج افصل
مراد…..شكل العيال مطلعين عينك
كرم…..بضحكه جميله هما من ناحيه مطلعين عيني فا ده اكيد انت عارف التوأم بيبقوا متعبين جدا بس بصراحه هما تاعبين امهم اكتر
مراد….اكيد ربنا يكون في عونها قولتلي اساميهم ايه صحيح
كرم…..كنان وكيان
مراد…..اللهم بارك شبهك ولا شبه امهم
كرم….واخدين مننا احنا الاتنين بس مني اكتر يعني لون العين والبشره
مراد…..ربنا يفرحك بيهم يا كرم وتشوفهم دكاتره زيك ويكملوا مسيرتك
كرم…..يارب يا صاحبي الاهم امين
بعد حوالي ساعتين كان الكل تعب من المايه وطلع
ودخل واحد وراء واحد ياخد دش سريع ويخرج
جلال…..بقولك ايه يا صاحبي
هي القاعده هتفضل ناشفه كده
كرم…..بضحك اوعي تكون عايز اللي جه في بالي انا مش مطمنلك
مراد…..ايه عايز نسوان يا ناقص
كرم….اهو قالك
جلال…..بضحك هو انا سمعتي في الارض كده لا ياعم مش عايز نسوان بس يعني اغاني حاجه كده نفرفش بيها القاعده
كرم…..اه صحيح انتوا مش مشغلين حاجه ليه ادخل جوه
جوه عند اللوحه وشغل اللي انت عايزه
مراد…..ومتنكش في الزراير عشان عارفك
جلال…..بضحك متخافش مش هنكش
راح جلال وصل البلوتوث بتاعه بالسماعات وشغلوا اغاني وظبط الجو فضل يرقص هو وامير والشباب
جابلهم منكش فاكهه ولب ومكسرات الهواء كان يجنن والاجواء كانت جميله
كرم….ايه مجعتوش
سالم….انت مدينا فرصه نجوع
كرم…..بإبتسامه بالف هنا يا صاحبي بس يعني لسه الشوي هياخد وقت
سالم….اوبااااا احنا هنشوي هنا علي اليخت
كرم….احلي شوي
سالم….طب حلو الكلام ده
منذر….الشوي دن بقي لعبتي
كرم….طب كويس قوم بينا يلا نجهز الشوايه مع بعض
داوود….حطوها هنا بقي المكان ده كويس
كرم…..تمام يا شباب حد فيكم معلش يشيل حاجة الغطس ويفضي المكان ده
مراد ….انا هقوم انزلهم بدل ما انا قاعد كده
ياسين….تعالي انزلهم معاك
كرم….حمد الله علي السلامه يا عن انا قولت انت مش معانا
ياسين….بإبتسامه لا معاكم متقلقش
مراد….مالك ياولا صحيح ساكت ليه ونازل عليك هدوء مش بعاده يعني
ياسين…..بهمس بقولك ايه انا عايزك
مراد….طب تعالي
نزلوا نزلوا الحاجه مع بعض
مراد…..في ايه يا ولا مالك
ياسين…..بقولك ايه انا شاكك ان الشقه مسكونه
بصله مراد وهو مبتسم و بعدين عمل نفسه مش فاهم مسكونه يعني ايه
ياسين….هو ايه اللي يعني مسكونه يعني. فيها عفاريت
مراد…..الشقه زي الفل وكلنا قلعدين معاك محدش فينا شاف حاجه
ياسين….مش عارف بقي بس في حاجه غريبه بتحصل امبارح صحيت اخد دش حد فتح عليا الباب وبعدين سمعت حد بيجري علي اوضه امير والشباب دخلت اشوف لقيت الكل نايم خرجت سمعت باب الحمام بيتقفل لمحت داوود من ضهره قولت اكيد هو اللي دخل قعدت بره علي الكنبه وفجأه لقيت داوود خارج من اوضته ورايح الحمام حسيت اني تلجت في مكاني وقفته عشان افهم وحكيتله مصدقنيش وراح يخبط علي الباب ابنك فتح لما داوود قاله فضلوا الاتنين يضحكوا عليا ومصدقوش وبعدين حصل حاجه غريبه قولتلهم اني كنت باخد شاور قالولي انت لسه بهدومك بصيت علي نفسي لقيت فعلا اني لابس نفس الهدوم ومخدتش شاور ولا حاجه وبعدين سابوني ودخلوا وفضلت قاعد متنح ومش فاهم حاجه شويه وزيد خرج قالي انت ابه اللي مقعدك كده البس التيشرت عشان متبردش بصيت علي نفسي تاني لقيت التيشرت سايبه علي كتفي زي ما خرجت من الشاور اول مره
مبقتش عارف انطق طب ازاي والصبح عرفت من داوود وامير انهم مصحيوش بليل اصلا
مراد…..ولا انت شارب ايه
ياسين….ياجدع بلاش هزار
مراد….بضحك طب اقولك ايه يعني انت شكلك كنت تعبان جينا من السفر منمناش واكله السمك كانت جامده فا يمكن متهيألك او يمكن نمت وانت قاعد
ياسين….والله يامراد من امبارح بحاول اقنع نفسي بكده بس مش راكبه ومش عايز اتكلم قدامهم عشان محدش يقلق وېخاف
مراد….خير ما عملت بلاش تخوفهم واسمع مني مفيش حاجه الشقه زي الفل وكله تمام وبعدين انت شايف داوود وامير وزيد يعني مش شايف عفاريت يبقي الشقه مش مسكونه هي احلام او تهيؤات فا كبر دماغك واتبسط يا ابو لهب من الرحله
ياسين….مبسوط والله بس مش مرتاح
مراد…..ايه خاېف امال ايه ابو لهب والعضلات
ياسين….ياجدع مش خاېف انت عارف اني مش بخاف بس الموقف نفسه يوتر
مراد….لا متقلقش مفيش حاجه وبعدين عفريت ايه اللي يطلع وسط رحلة المدرسه اللي احنا فيها دي.
ياسين….ماشي ياعم خير ان شاء الله
مراد….ان شاء الله
يلا بينا بقي نطلع للشباب
ياسين….يلا.
حط كرم شوايه كبيره ونزل عليها الفحم وولعوا فيه وبدأ منذر يرص الاسياخ دقايق و الريحه انتشرت واللي مكانش جعان بدأ يجوع منظر البحر مع الجو الجميل واللمه الحلوه وريحه الشوي كانت تجنن
كرم……ياشباب حد فيكم ليه في الطبخ
زيد…..اغلبنا ليه في الطبخ وانا أولهم قول عايز ايه
كرم…..عايز حد يعمل الرز
مراد….يبقي اخترت صح زيد هيعمله
زيد…..يلا تعالي وريني الحاجه فين وانا هعمله.
دخل كرم معاه عرفه مكان كل حاجه ووقف زيد يعمله وخرج كرم تاني يساعد منذر
شغل جلال موسيقي هاديه
جزء من الشباب نام في مكانه من جمال الهواء وجزء قعد يشرب سجاير وهو باصص للبحر
وجزء بيساعد.
علي……لداوود انت عارف القاعده دي ناقصها ايه
داوود…ايه
علي….سناره ونقعد نصطاد
داوود…الله بتحب الصيد
علي….اوي وانا
داوود….انا كمان بحب الصيد اوي
علي….طب استني اما اسأل كرم شكله عنده كل حاجه في اليخت ده
داوود….طيب حلو روح اساله اهو نتسلي لحد ما يخلصوا اكل
قام علي وراح لكرم عشان يساله
علي…..بقولك ايه يا كرم
كرم….قول يا حبيبي
علي…..معندكش هنا سناره
كرم….بإبتسامه عايز تصطاد
علي…..لو في يعني
كرم….طبعا فيه انزل تحت مع حاجه الصيد هتلاقي كذا واحد
علي…..والله العظيم انت ما في منك عامل زر مصباح علاء الدين
كرم….بضحك اهو كله كوم والسناره دي كوم تاني انا لما بحب اطلع باليخت لوحدي بقضي الوقت كله بصطاد
منذر….وهو بيشوي وبتطلع حاجه بقي علي كده
كرم ….اكيد طبعا بس هو عموما الصيد بيكون ليه وقته وافضل وقت بيبقي الصبح بدري بس الرزق بينادي صاحبه يلا جرب حظك
علي….طيب هنشوف هاخد ليا انا وداوود حد عايز
مراد…..روح يا اخويا انت وهو بحسدكم علي طولة بالكم
كرم ….بضحك هو عايز طوله بال فعلا
مراد…..مليش فيها انا دي انا باكل علي طول
ضحكوا كلهم علي مراد
وطلع علي خد سناره وداوود خد سناره حس كرم انهم مش عارفين يظبطوها راح عليهم ووقف يظبطهالهم
داوود….الله ينور
كرم…..عيشوا بقي براحتكم
ابعتلكم قهوه مع منكش ولا تشربوا عصير
داوود….لو قهوه يبقي تمام اوي
كرم…..عيني وانت يا علي
علي…..قهوه بردوا بس خليك انا هثبت السناره واجي اعملها
كرم….طيب تعالي يلا.
الكل كان متعاون والرحله اجوائها كانت تاخد العقل قضوا احلي كام ساعه مع بعض كلوا وضحكوا وهزروا وعملوا كل حاجه وبعد وقت طويل من التعب والارهاق رجعوا علي الساعه 12 بليل
ودعهم كرم ومنكش كان نايم في العربيه وفاتح بوئه فضلوا يضحكوا عليه وبعدين سابوه وطلعوا واتفق معاهم كرم علي رحله جديده تاني يوم لكن في مكان مختلف.
طلعوا الشقه جزء منهم كان فايق شويه عشان ناموا علي اليخت وجزء منهم كان مقتول نوم.
وبدأت احداث جديده في الشقه المسكونه لكن المرادي مع كذا شخص ومن ضمنهم جلال وامير
- يتبع الفصل التالي اضغط على (مملكة احفاد الطوبجي) اسم الرواية