رواية اللقاء الثاني الفصل السادس 6 - بقلم منة محمد
في قهوه بلدي
اسامه بصله: هو انت فعلا سبت الشغل
مؤمن شرب من القهوه وقاله: امال هفضل اشتغل شمال انا نفسي القي شغله كويسه بشهادتي بس انت عارف نظام بلدنا وانا نفسي اعيش الحياه الي كلها رفاهيه وعيشه كويسه ولا ايه رايك انت
اسامه بهدوء: انا عن نفسي الحياه دي معرفهاش اطلاقا
مؤمن: ع الاقل انت عايش سعيد مع اختي وانا حياتي كلها غلط وبس
اسامه: انت بس دور ع شغلانه كويسه ولو ملقتش حاحتاجك في شغلي الجديد تساعدني
مؤمن بتريقه: عايز تتجسس ع الناس انت كمان
اسامه بصدمه :هو ده الشغل الي كنت بتعمله مع صاحبك شيكا
مؤمن: ايوه بس بشتغل ع الكمبيوتر بتاعي ملازم للطلبه عشان اكسب شويه فلوس وكان اخر تجسس كان واحد اسمه خالد المندور الي بتشتغل عنده زينب اختي مربيه شوفته قاعد مع واحد وبيحاول يشتري زمته ع مديرته صاحبه شركه حورس ومش فخور بلي عملته ابدا وبفكر اروح اقولها واطلع منها بقرشين ايه رايك
اسامه بهتمام : يعني خالد بيحاول يشغل مدير اعمال بسمله لحسابه
مؤمن : وانت عرفت منين اسمها
اسامه : ولا حاجه سمعت عنها
……………….قصص منه محمد كاتب…………….
في الشركه قاعده منهمكه في شغلها لحد ما موبيلها رن برقم اسامه
بسمله ابتسمت واتعدلت بسرعه وهي بترد: اهلا يا اسامه عامل ايه
اسامه: بخير
بسمله: ايه غيرت رآيك انا عرضي لسه قائم
اسامه: لاء ده موضوع تاني خالد عين واحد يحفر وراكي وتقريبا مدير اعمالك خدي بالك
مدير اعملها في الحظه دي خبط ودخل ولما لقاها بتتكلم ع التلفون راح ناحيه الباب
بسمله بعدت الموبيل وقالت له: لحظه واحده من فضلك( شاورت له يقعد و قالت لـ اسامه هنتكلم بعدين
بسمله قامت وقعدت قصاد منه: قولي هو خالد مندور وعدك يحل مشاكل ابنك بس انا متأكده انه مش هيقدر يشتريك بالفلوس او بأي شئ تاني
مديرها ارتبك بذهول: وعرفتي ازاي
بسمله: قولي قلت له ايه؟ مرتبي مش كفايه وموافق عشان احل مشاكل ابني المدمن بلعب القمار ومديون بفلوس كتير
مديرها نبره كلها قهر :انا كل جريمتي ان عندي ولد زيه ومكنش قدامي حل تاني غير اني اوافق انا اسف بجد اسف
بسمله: انا مقدرش اطلب منك الي طلبه خالد او افهم الي بيدور في دماغه بس ممكن اقلب التربيزه عليك انت وابنك لو روحت لخالد صدقني وقتها هزعل اوي وجايز ادخل ابنك في سكه الي يروح ميرجعش
مديرها : لحد اليوم كنت جنبك طول فتره شغلي معاكي ومخلصلك من فضلك فكري في خدماتي وانسي الي حصل
بسمله : خالد عايز يلعب معايا بقذاره من البدايه وانت عارف عشان كدا هتروح تفهمه انك موافق تشتغل لحسابه وتيجي تبلغني اول باول عن الي بيدور في باله وانا بناء عليه هبدء اتصرف موافق ولا ليك راي تاني
مديرها اخد نفس عميق ورد بستسلام: لاء موافق وتحت امرك
بسمله ابسمتله بضيق وقالت: تمام اتفاقنا بس اي مراوغه صدقني مش هسمي عليك
…………………………قصص منه محمد كاتب……………….
زينب راحت المستشفي واتصلت بأسامه يجي ياخدها لكن في نفس الوقت بسمله كان عندها اجتماع وهي داخله داخت ووقعت وابراهيم شالها واتصل باسامه يجي يحضر مكانها لانه هو الي كاتب صيغه العرض معاها في اليونان وعارف افكارها وبعدها طلع ع المستشفي يسال عن زينب في نفس اللحظه بسمله كانت خارجه من غرفه الكشف وطلعت شافته ارتبكت بشوق كبير وهو كذالك والاتنين وقفوا قصاد بعض كان الدنيا ليهم لوحدهم لحد ما هي قربت عليه
بسمله مبتسمه: سمعت من ابراهيم انك حضرت الاجتماع بدالي
اسامه: اظن صاحبي وحقه عليا اساعده لما يطلب
بسمله بغيظ: بس انا مسألتكش عن المساعده
زينب بفرحه: اسامه
اسامه لف وبصلها وبعد بجسمه عن بسمله الي ظهرت لزينب الي وشها كشر بصدمه
اسامه سألها: مالك
بسمله بأبتسامه خفيفه: واضح انفعلت من غير سبب فكرتك جاي تقابلني بس احب اقولك متفهميش الموضوع غلط احنا اتقابلنا صدفه
زينب كبتت اعصابها وقالت: مجتليش فرصه اشكرك ع المليون جنيه ولحد الحظه بجد مش مصدقه انك دفعتي كل ده عشان تقضي مع جوزي تلات ايام الناس الاغنياء فعلا بجحين
اسامه بتحذير: زينب
بسمله بنفس الابتسامه :وهو كان يستاهل ولا انتي بتقللي من تقدير وقيمه جوزك
اسامه بصلها بغيظ وقال اظن ده كفايه بسمله هانم
بسمله اظاهر مراتك متعرفش انت موهوب وشاطر قد ايه
اسامه بنرفزه: قلت خلاص
زينب: انتي غلطانه انا عارفه جوزي وحفظاه زي دهر ايدي بس لسه مش فاهمه انا عارفه انك مليونيره وجوزي كان حبيبك القديم بس قصاد مليون جنيه لمده ثلاث ايام مش منطقي ابدا لو كنت مكانك كنت اتبرعت بالفلوس للغلابه بالطريقه دي مكنتش هلاقي سبب تخطفي راجل متجوز انتي جميله وكامله وغنيه تقدري تلاقي حب تاني وتقابلي راجل موهوب وشاطر وعظيم
بسمله قربت منها خطوه وقالت بستفزاز: واضح انك لسه متعرفيش ان الراجل العظيم الي بتتكلمي عنه هو حبيبي القديم اسامه والفلوس الي اخدها يستحق كل مليم فيها وانا بغير منك وبحسدك يا مدام زينب عن اذنك باي
زينب اخدت نفس قبل ما تتجنن وتسحبها من شعرها وطلعت تجري ع بره
اسامه مسك دراعها وبغضب مفرط : زينب اقفي هنا واسمعيني
زينب شدت دراعها منه: قلتلي رايح تقابل ابراهيم لكن انت كنت بتعملها شغلها هي ليه مقلتليش لو فعلا بتعمل اعتبار لمشاعري كان لازم تبعد عنها من غير ما تنفذ كلامها
اسامه: افهمي هي مطلبتش مني مساعده ابدا
زينب: يعني ايه انت مكنتش في شركتها
اسامه : سمعت انها اغمي عليها قبل الاجتماع من ابراهيم كان عيب اني اكبر ومحضرش مكانها لاني حضرت صيغه النقاش معاها لما كنا في اليونان
زينب: وانت عايز منها ايه بتعمل كل ده ليه عشانها
اسامه : مش عايز منها اي حاجه انا حبيت اساعدها مش اكتر
زينب : انت كنت بتكلمها صح من اول ما رجعت القاهره قولي كلمتها كام مره
اسامه: ايوه حصل بس كلامنا مش زي ما بتفكري مجرد كلام في شغل وبعدها بقفل فورا
زينب هزت دماغها بعدم تصديق وقالت: مش ممكن
اسامه حط ايده الاتنين ع كتافها: بقولك مش زي ما بتفكري
زينب صرخت فيه : وكدبت عليا ليه لما قولتلي انك مشفتهاش تاني انت كدبت واستغفلتني كنت ممكن تبقي صريح معايا وتقولي انك منستهاش يا اسامة وانك لسه بتحبها حرام عليك والله حرام ليه انا قصرت معاك في ايه عشان تعاملني بالشكل ده وانت والست دي
اسامه قاطعها : انتي فاهمه غلط
زينب: انا فاهمه صح ورايحه شغلي
اسامه بيمسك كف ايدها: طيب تعالي هوصلك
زينب دفعته بكل غضب : سيبني في حالي بقي
…………………….قصص منه محمد كاتب……………..
زينب كانت في التاكسي و المسؤله عن المنزل اتصلت بيها و قالت لها ان هادي مفقود من ساعه بسرعه اتصلت بخالد وهي منهاره
خالد بفزع: بتقولي ايه
زينب ببكاء : هادي اختفي
خالد بذهول : يعني ايه اختفي
زينب : كان بيلعب في الجنينه الي وراه ومره واحده المسؤله عن البيت ملقتهوش لان انا كنت في مشوار بس في السكه وراجعه
خالد : طيب ممكن تهدي خدي نفس عميق وفهميني براحه كل حاجه
زينب: انا بره والمسؤله عن البيت بلغتني ان هادي اختفي وهو بيلعب في الجنينه وقلت لها تروح تلف عليه حوالين الفيلا كويس
خالد: انتي فين دلوقت بالظبط
زينب: انا في السكه كنت بعمل مشوار ضروري بس راجعه حالا انا اسفه والله بس هنلاقيه باذن الله
خالد: انا جاييلك حالا وحاولي تهدي تمام
خالد خطف الجاكت وطلع ركب عربيته وساق ع اقصي سرعه لحد ما وصل الفيلا سمع زينب بتنادي بكل قوتها ع هادي طلع يجري ناحيتها مفزوع لقاه زينب بتدخل البحر وماسكه فرده جزمه وبتصرخ
خالد مسكها: زينب ايه الي بتعمليه
زينب ببكاء: شكله غرق
خالد : بس ده مش كوتش هادي ده بناتي انا متاكد انه بخير
وهما راجعين الفيلا وقفت قدامهم عربيه ونزلت منها انغام وفتحت الباب لهادي وخالد وشه اتغير واندهش
زينب : هادي ليه خرجت بالشكل ده من غير ما تقولنا
هادي بخجل: انا اسف يا زينب
زينب ضمته لحضنها بشده : عارف خفت عليك قد ايه انت كويس حد اذاك
انغام بحتقار: انتي هاتي الكياس من الشنطه هدومه بلدي وجزمته شكلها رخيصه كمان وانا اخدته جبتله شويه هدوم يله دخلي الكياس جوه مش انتي المربيه بتاعته
زينب بجمود: وانتي مين
خالد عيونه ع انغام: مدام زينب لو سمحتي خدي هادي وادخلي جوه حالا
انغام ابتسمت انه احرجها وزينب اتغاظت ومشت
خالد: عايزه ايه
انغام ربعت ايدها قدام صدرها :اعرف انت بتعمل ايه هنا في فيلا طويله عريضه وفيها ولد يشبهك كتير ومربيه شابه جميله كمان ياتري متعتك وشبعت منها
خالد: الي عملتيه مكنش يصح تختفي بالولد
انغام ابتسمت بستهزاء: وقف سخافه انا مراتك الي خلفت منك بنتين ودلوقت عندي ولد من حبك المداري ياتري فكرت في الي هعمله معاك
خالد : دي مشكلتنا انا وانت ليه تدخلي فيها طفل معملش اي حاجه
انغام : صح مشكلتنا ليه جبت مربيه لابنك مش المفروض اكون انا ولدته البديله بدل الي ماتت
خالد كرمش وشه بشمئزاز :انتي بجد غريبه
انغام رفعت حاجب بتهديد : انت الي بدئت التصرفات الغربيه مش كده جهز نفسك انا مش هعدي ده بسهوله
………………………قصص منه محمد كاتب……………….
خالد بصلها: نام
زينب: ايوه اول ما حط دماغه تقدر تمشي قبل ما الوقت يتاخر
خالد: بجد كان يوم صعب عليا وعليكي
اثناء كلامهم سمعوا صوت كلاكس وزينب بصت لقته اسامه طلعت من الباب بسرعه رغم مش طايقه تشوفه
زينب خرجت وقربت عليه بحده: بتعمل ايه هنا اتفضل ادخل
اسامه : هنتكلم في البيت
زينب : مقدرش اروح الليله لازم ابقي جنب هادي ده شغلي
اسامه: هو مش ابوه هنا
زينب : ماشي دلوقت
اسامه : زينب انا طول اليوم بفكر في الغلط الي عملته وشكك فيا بس معاكي حق يمكن كنت متهور وغبي ارجوكي سامحيني يا زينب خلينا نرجع قبل ما يتاخر الوقت
زينب: نرجع قولي نرجع لفين لغرفه الفندق في اليونان لحد ما روحت اتعالج عشان احمل في ابنك وكان نفسي انسي كل حاجه وابدء من اول وجديد حبيت اقوي علاقتنا بطفل يكون شبهك نسخه منك لكن انتي بتجري وري حبك القديم وانا مستنياك نفس الي حصل في اليونان بالظبط ودست عليا عشانها تاني
اسامه: انا اسف واوعدك مش هخليكي تستنيني تاني
زينب : مهما قلت خلاص مبقاش عندي ثقه واحده فيك بعد الي حصل
اسامه : يعني ايه مش واثقه بخصوص ايه
زينب بكت بصوت وشهقات: الثقه الي اتهدمت بيني وبينك وهدمت جوزنا
اسامه : انتي غلطانه
زينب: انت لسه بتحبها وهي لسه بتحن لك وبتتصلوا ببعض من ورايا ع اي سبب وده معناه مش هتقدر تتماسك لوقت طويل انك تبقي بعيد عنها
اسامه : الموضوع مش زي ما في بالك قلت لك انا نسيتها بدليل اتجوزتك انتي
زينب : ده عشان امك ترضا عنك لا اكتر ولا اقل بس هي حبيبتك الي منستهاش لحظه واحده حتي وانت معايا
اسامه بعصبيه مفرطه: دي اوهام في دماغك
زينب: لاء دي حقيقه انت اشتقتلها بعد ما قلتلها مع السلامه في اليونان انا شوفت نظرتك عليها وعرفت قد ايه لسه بتحبها
اسامه : وانا مازلت بقولك معملتش حاجه اخجل منها قدامك كزوج ليكي سواء في اليونان او هنا
زينب: منضحكش ع بعض انا عارفه هي مالكه قلبك وعقلك وفي الاخر رغبتك هتكون ليها
اسامه هزها بعصبيه: انتي جرالك ايه اعقلي الكلام
زينب: انا عارفه انك كل ليله بتتحجج ببعدك عني مره تعبان من لفك ع شغل ومره اصلي سهرانه مع صحابي ع القهوه ومره سافرت مش عارفه فين بس انا كنت فاهمه بتبعد عني عشانها انا فاهمه كويس الي بيدور في دماغك في كل مره مش بتكون موجود فيها في البيت بفضل اسال نفسي ياتري هو معاها ولا يكونوا مع بعض في غرفه في فندق ناموا سوي
اسامه صرخ فيها : بطلي اتهامات
زينب بتدفعه عنها : انت الي خلتني كده انت الي وصلتني لكده كل ده بسببك وبسبب الي عملته فيا ناوي تعمل فيا ايه تاني
اسامه: انتي بتظلميني
زينب: لا انا عرفاك كويس وعارفه انك بتحبها وجايز اخلاقك متسمحش تعمل معاها علاقه في الحرام لكن مقدرش اعيش معاك والشك منك بقي في حياتي او استني تجبهالي ضره اسمع احنا حياتنا مع بعض هتنتهي في النهايه
اسامه مسك كتافها: انتي غلطانه انا مش ممكن اعمل فيكي كده ولو غلطت وكدبت واتصرفت تصرفات جبانه ده عشان بخاف ع شعورك صدقيني بسمله مش حاططها جوه حياتي انا عايز اكون معاكي وعايز ابدء معاكي صفحه جديده مع الست الي بحبها
زينب: يبقي من هنا ورايح هكون انا اللاسوء خلينا نطلق قبل ما ترجع تندم ع الي هعمله معاك ادي نفسك فرصه وفكر في كلامي
اسامه مسك دراعها: زينب
زينب ضربته في صدره: اياك تلمسني
خالد قرب منهم وقال: سيبها وارجع بعد ما تهدأ واتكلموا بعدين
اسامه بنفعال : انت متدخلش في الي ميخصكش
خالد: انتي عايزه ايه يامدام زينب عايزه لسه تتكلمي معاه
زينب سابت اسامه ومشت دخلت الفيلا واسامه بص لخالد بحتقار وسابهم ومشي
استوب ومنتظره رايكم ونخلع زينب ونرجعه لبسمله ونعيش قصه حب عظيمه وتضحيات كبيره وجو الضراير يشتغل ها اكمل رايكم ياجماعه انا حاسه اني حرفيا في صحراء هو روياتي وحشه اوي كده نفسي بجد افهم
- يتبع الفصل التالي اضغط على ( رواية اللقاء الثاني) اسم الرواية