رواية معشوقة المنتقم الفصل السادس 6 - بقلم سما احمد

  

 رواية معشوقة المنتقم الفصل السادس 6 - بقلم سما احمد

💕معشوقة المنتقم💕

                                    

                                          

البارت السادس

                          

كان سيف لا يطيق نفسه من كلمات تلك والدته اللازعه وقرر ان يعود ويتزوج جاكلين ويأخذها ويسافر بعيد عن الكل لربما الآن تحمل بأحشائها طفل منه اجل سيكون أسرة معها وحدهما

                          

وصل بسيارته ونزل منها ليتصنم محله وهو يري تيم يحتضن جاكلين وما جعل الأمر سئ انها تبادله هذه من سيصارع الكل لأجلها

سيف لنفسه محاوله الهدوء

=اهدي يا سيف اكيد لكل شئ سبب

                          

تيم بخبث

=سيف انت وصلت

                          

ابتعدت جاكلين وحين رأته لم تتوتر مثلما يجب بل ابتسمت بسعادة ليعلم انها بريئه لكن يجب ان يعلمها فتخطاها وذهب لتعبس وتذهب خلفه حيث جدها

                          

تيم بسرعة

=جاكلين

                          

جاكلين بإبتسامه وهي تستدير

=نعم

                          

التفت سيف وجز علي اسنانه متوعدا وذهب

تيم وهو ينظر لسيف الذي ذهب

=بتمني الكلام اللي بينا ميخرجش برة

                          

جاكلين بإبتسامه مطمئنه

=اه اكيد

                          

تيم بخبث

=وعد كمان مرة

                          

جاكلين ببرائه

=اكيد وعد

                          

تركته وذهبت للداخل لتجد سيف يخرج ولم يتحدث معها

                          

جاكلين بلهفه

=سيف

                          

سيف ببرود

=افندم

                          

جاكلين بحزن

=حمدلله علي السلامه

                          

اكتفي بالإيماء والذهاب فعقدت حاجبيها بعدم فهم وانتظرت حتي حل الليل وذهبت له فتحت الباب دون ان تخبط والأجمل انه فتح لوحدة ودخلت وجدته يجلس ويبدو عليه التفكير فجلست علي فخذة وحاوطت عنقه تحضنه فلم يتحرك

                          

جاكلين بهمس

=وحشتني اوي

                          

سيف بضيق

=جاكي كنتي حاضنه تيم ليه

                          

ابتعدت عنه وعقدت حاجبيها بتوتر واردفت

=عادي

                          

سيف بهدوء مخيف

=وهو الست المحترمة تحضن راجل عادي

                          

جاكلين بعصبية

=سيف لاحظ كلامك

                          

سيف وهو يجز علي اسنانه

=لآخر مرة بسألك حضنتي تيم ليه

                          

تذكرت وعدها ولم تجب وفجأة وجدت سيف يدفعها ارضا ويجذب شعرها

                          

سيف بعصبية

=ردي حضنتيه ليه

                          

جاكلين بنفس العصبية

=شئ يخصني ملكش دعوة ومتدخلش في حياتي احضنه احضن غيرة شئ يخصني بردك

                          

وفي لحظة استدار وجهها اثر صفعة قوية منه شهقت ونظرت له بصدمة

                          

سيف وكأنه لم يفعل شئ

=المرة الجايه دماغك هكسرها فاهمة وهعرفك ازاي تبقي علي ذمتي وماشية تحضني في الرجاله ذي اي عاهرة

                          

جاكلين ودموعها تتساقط

=هعرفك شغل العاهرات علي اصول لما امشي علي حل شعري وكل يوم مع راجل منا بقيت مستعمله بقي

 

جذب فكها الذي كاد يهشم بين يديه ودفعها للسرير وصفعها مرة اخري واعتلاها

سيف بفحيح

=الظاهر ان الضرب مبيجبش مع امثالك

واخذ شفتيها في قبله قاسية لدرجه انه شعر بالدماء وابتعد وجدها مغمضه عيناها فاردف بزعيق

=جاكي جاكي ردي جاكي

سيطر عليه القلق ورفعها بين يديه وسار يضرب وجنتاها بخفه لكنها لم تستيقظ فأتي ببرفان ووضعه علي انفها لتستعيد وعيها فضمها بقوة وهي علي فخذة وهي ظلت هادئه ولكن دموعها خانتها

سيف بصوت مخنوق

=آسف

جاكلين بصوت مؤلم

=يا ريتك ما رجعت

ووقفت وتركته وذهبت فنظر خلفها بحزن عصبية من الكل افرغها بها الآن يعلم ان تقدم لجدها سترفض تمدد علي السرير واغمض عيناه

في غرفة جاكلين

انفجرت باكيه علي سريرها وهي تتذكر ضربه وإهانته لن تسامحه علي ما فعل تحسست وجهها بقهر منه هل هذا نفسه معشوقها الذي كان يعاملها كالزجاج ما غيرة عليها زاد بكائها فجأه ظهر امامها خيال لها يحدثها

=بتعيطي ليه

جاكلين بشهقات

=سيف ضربني وهاني بالكلام

=بس بيغير عليكي لو مش بيغير مكنش عمل كدة

جاكلين ببكاء يتجدد

=يضربني ويقول عليا عاهرة

=وكان ممكن يغتصبك انتي السبب ليه مقولتلوش

جاكلين ببداية هدوء

=عشان وعدت تيم

=يبقي تستحملي وبعدين مش المفروض تكلميه بهدوء دا الأيام دي المفروض اجمل ايام حياتكم وهو هيتقدملك وجوازكم هيكون قدام الكل

جاكلين بتفكير

=صح

=بكرة تروحي وتعتذري منه علي طريقتك وتقوليله انك واعدة تيم مش اكتر مفهوم

جاكلين بإبتسامه

=مفهوم

مسحت دموعها وفكرت بطريقه ايجابيه كالعادة 

في صباح يوم جديد

استيقظت جاكلين واخذت شاور ثم ارتدت فستان ينساب علي جسدها وربطت شعرها ووضعت الهاند فري بأذنها ونزلت مقررة التوجه اليه فوجدت تيم امامها فصلت الأغاني

تيم بهيام

=صباح الخير

جاكلين بإبتسامه

=صباح النور

تيم بخبث

=مبروك

جاكلين بإستغراب

=علي ايه

رفع يده واعاد خصله شاردة فابتعدت بخجل ليردف

=سمعت ان سيف اتقدملك من جدك وهيسألك الوقتي

جاكلين بسعادة

=بجد طب سلام

وجرت للصالون فضحك بوجه سيف الذي يقترب بعصبية لم يسمع شئ لكن رأي

تيم بخبث

=مش هتباركلي

سيف بغيظ

=ليه

تيم بتلاعب

=اتقدمت للآنسة جاكلين وقولتها فرحت وشكلها هتوافق اصلها جرت علي جدها

تجاهله سيف وذهب بينما ضحك تيم بخبث شديد

        

          

                

عند جاكلين

دخلت علي جدها وجلست امامه ظلت صامته تنتظرة ان يبدأ حتي ملت واتت لتذهب

عتمان بنداء

=جاكلين استني

جاكلين بلهفه 

=ايه

عتمان بجدية

=بصراحة جايلك عريس تعرفيه وقاعد معانا كمان وهو......

جاكلين بسعادة

=موافقه يا جدي

عتمان بإستغراب

= دا انا حتي لسه مقولتش الإسم

جاكلين بفرحة عارمه

=مش مهم المهم احنا بنحب بعض يا جدي وانا موافقه عليه ومعنديش اي اعتراض لو هنسكن فين

استمع سيف لهذا وكور يده بعصبية وذهب متوعدا لتيم

عتمان بإستغراب

= يعني انتي بتحبي تيم

جاكلين بتأكيد نافي

=اي.... تيم لا اصدي سيف

عتمان بصدمة

=سيف بس اللي اتقدم تيم

جاكلين بدموع خائفه

=لا يا جدي مش تيم سيف انا بحب سيف وهو بيحبني ومستنيه يتقدم تيم ايه اللي احبه لا بتهزر يا جدي تيم قال سيف انا موافقه لو سيف اتقدم مستعدة اعيش معاه في كوخ

وجلست علي الأرض مسنده علي فخذة

=انا عرفت الحب معاه يا جدي مستعدة اتحدي اي حد عشانه حتي لو نفسي

عتمان بحزن

=بس سيف فقير مش هيقدر يعيشك ذي الوقتي

جاكلين وهي تنظر له

=مش مهم مش عايزة اعيش ذي الوقتي انا عايزة سيف بس

عتمان بتمعن 

=وان رفضت

جاكلين ودموعها تتساقط

=اسفه بس معنديش اغلي من سيف

ووقفت وخرجت فضرب كف بكف

في الخارج

كاد ان يجن والدم يفور بعقله دخل غرفته ورفع الفون لأذنه

مؤيد بمرح

=ايه يا ابني لحقت اوحشك

سيف بصراخ

=نص ساعة يا مؤيد يكون تيم معروف حقيقته وكل الأدلة تكون في أيد جاكي مفهوم نص ساعة

مؤيد بقلق

=طب اهدي في ايه لكل ده

سيف بصراخ اشبه للجنون

=يلا يا زفت بسرعه

واغلق السكة وجلس وصدرة يعلو ويهبط بعنف فسمع طرق علي الباب فمثل النوم يعرف خبطتها دخلت حين لم يجب وجلست بجانبه

جاكلين بصوت حاني

=سيف سيف

لم يجب فوقفت وذهبت لم ترد إزعاجه وهو استغرب نبرتها لكن تجاهل فهي من الآن بدأت تخرج الشيطان الذي بداخله ويبعده عن الكل يقسم انه سيندمها لكن مهلا يا سيف تابع حين يصل لها الظرف ثم امتلكها واريها اومأ بتأكيد لنفسه

بعد حوالي نصف ساعة

كانت تجلس علي الطعام وتتابع سيف الذي اتي وشرع بالطعام في صمت وعتمان يري نظرات الحب من تيم لها ونظرات الحب منها لسيف اما سيف الذي ينظر بطعامه ورباب تعقد حاجبيها من صمت جاكلين فلاحظ سيف نظرة تيم لجاكلين وكور يده بعصبية واضحه ونظر لها يرمقها بنظرة قاتله لكن هي لم تري

        

          

                

سعديه بإحترام

=عتمان بيه

عتمان بإستغراب

=في ايه

سعدية وهي تقلب ما بيدها

=طرد لجاكلين هانم

جاكلين بعصبية

=مش قولت يا دادة الطرد اللي ذي ده ترميه ليه بقا تجبيه ليا ودمي يفور

عقد تيم حاجبيه فطرده لم يأتي معاده بعد اما سيف فكان ينظر للكل بمعالم خفيه حتي لا يكتشف تيم الأمر ويتصرف

سعديه محاولة تهدئتها

=بس ده مكتوب عليه فاعل خير

اخذته وفتحته وبدأت تقلب في الصور والجرايد التي بين يديها وفزعت وابتعدت من محلها ونظرت لهما وذهبت لسيف تخفي نفسها خلفه

جاكلين بصراخ

=اطردوه ابعدوه عني مشوه من هنا

واردفت وهي تقبض علي ملابس سيف وتغمض عيناها

=مشيه يا سيف من هنا اطرد تيم تيم هو اللي بيأذيني

وبدأت تنتفض بين يديه فأنحني عتمان واخذ الصور والجرايد بصدمة ورمي كل شئ بوجه تيم الذي نظر لهم بصدمة

عتمان بصراخ مجلجل

=يا حراس

تيم بتوتر

=اسمعني يا جدي اسمعيني يا جاكلين انا انا مش وحش وربي منا وحش انا مجنون بيكي وعملت كدة عشان بحبك وعايزك انا شوفتك مرة كانت كفيلة تقلب حالي وتخليني كدة جاكلين بصيلي

اتي الحراس ومسكوه فبدأ يقاومهم وتحدث بنبرة اشبه للبكاء

=جاكلين تعالي معايا انا مجنون بيكي وهسعدك مش هجرحك وعد ولا هأذيكي بس تعالي معايا اتجوزيني جاكلين ردي عليا اتكلمي متكرهنيش فاكره انا قولتلك ايه عن البنت اللي بحبها

ارخت قبضتها من ملابس سيف ونظرت ل تيم وتمردت دموعها فاردف تيم ببكاء

=جاكلين انا بحبك متبعدنيش عنك والنبي اموت من غيرك انتي كل حياتي مستعد اعمل اي حاجة عشانك

انفجرت جاكلين باكيه وهي تستمع لكلماته وهو يخرج وجلست علي الأرض ووضعت وجهها بين يداها تتذكر كل الرسايل التي كانت ترسل لها وما يدل علي مدي حب الشخص لها بل جنونه علت شهقاتها حقا لما لم يجد من تعشقه

عتمان وهو يجلس بجانبها

=جاكلين اهدي خلاص مشي

لتتحدث ببكاء مرير وعفويه ما جعل سيف يتوعد لها ويهدم كل شئ بينهم

=ليه محبتوش يا جدي ذي ما حبني

نظر لها سيف نظرة اخيرة وخرج لغرفته جلس

=دي اللي كنت هتخسر امك عشانها هي دي نفسها اللي كنت مستعد تهرب بيها اللي بينها وبين تيم شئ يخصهم وبتعيط عشانه لا وكانت عايزة تحبه ذي ما حبها ماشي يا جاكي انا هعرفك ازاي تحبيه هخليكي ورقه محروقه في حياتي وهنفذ اللي جيت عشانه من الأول 

واكمل بتوعد 

=وهنتقم بس مش هيبقي اسمي منتقم عشان قتل ابويا لا هبقي منتقم لحبي ليكي يا جااااكي هدمرك ذي ما دمرتيني

وكسر المرآه بزجاجه البرفان غير مفكرا ان ربما هذه عفويه لكن كل شئ اتي علي بعضه فعل عقدة كبيرة وخلل

        

          

                

وقف وذهب لجدها الذي كان يجلس بحزن علي حفيدته

عتمان بحزن

=في حاجة يا سيف

سيف بجدية

=ايوه انا جاي اطلب ايد الأنسه جاكي ليا عارف ان مش وقته بس هي الوقتي بحاجة تبعد وانا عايز ابعد بيها انا بحبها ومش عارف ان كانت بتحبني ولا لا المهم اني بحبها

عتمان متذكرا كلام جاكلين وحالتها السيئه فربما هذا يسعدها

=انا موافق

انصدم سيف اولا من سرعة موافقته هل يمكن ان يكون علم بزواجهم وبأنها زوجته فعلي وليعرف فهو الرجل وهو لن يتأذي

سيف بجدية

=طب انا عايز الجواز يتم خلال أسبوع لأني عايز اسافر بيها لأخويا برة مصر

عتمان بعدم تصديق

=اسبوع ازاي مينفعش سافر واما ترجع ابق.....

جاكلين من اعلي السلم

=موافقة يا جدي

عتمان بعصبية

=موافقه ازاي دا اسبوع وهتسافري وجامعتك

جاكلين بشحوب

=هاجي علي الأمتحانات انا فعلا بحاجه ابعد عن المكان ده

تنفس عتمان بعنف وغضب فاردفت جاكلين

=جدي افتكر كلامي انا مستعده اه......

عتمان بغضب

=وانا واثق في سيف اكتر منك وفاكر وبكدة يا بنت شيرمين مش هتكسري دراعي

جاكلين بتعب

=وانا قولت اللي عندي

والتفتت لتذهب لغرفتها شعرت بدوار فمسكها سيف بين يديه قائلا

=انتي كويسه

نظرت لكل وجهه واومأت برأسها حقا تود ان تدفن نفسها بحضنه كم هي بحاجته الآن اما عتمان فنظر لكلاهما شعر ان ليست فقط جاكلين من بحاجة لسيف بل وسيف بحاجة لها فقال بتمعن

=انا موافق بس الفرح واهل سيف

سيف بكذب

=مليش غير اخ ومسافر انا وهو يتيمين

جاكلين بقهر وصدمة مما حدث

=وانا مش عايزة فرح

وتركتهم وصعدت لغرفتها وانفجرت باكيه لن تنسي شكل تيم وهو يخرج تشعر بالقهر والحزن لما لما حدث هكذا بقلوبهم تعشق سيف التي باتت تشعر بأن حبه مجرد حب وتيم الذي جن بها

اتي المساء

تسللت لغرفة سيف ومشت علي اطرافها حتي وصلت وفتحت الباب ودخلت وجدته نائم فذهبت لحضنه وتمددت لم تعرف انه مستيقظ

جاكلين بدموع تتساقط

=سيف انا بحاجه كلام يشجعني انا خايفه من المستقبل خايفه منك الأمان اللي كنت بحسه في حضنك اختفي

دفنت رأسها بثنايا عنقه مردفه

=مش حساها ليه دا بدأ يتعبني يا سيف وبدأ يندمني علي جوازنا حاسه اني في لحظة هروح لجدي واقوله واقوله يطلقني

اخذ تفكيرة لجانب آخر لم يتوقع ان يندني الي هكذا يوما وبسببها وهو تمثيل الحنيه 

جذب شعرها للخلف والتقط شفتيها في قبله لا اعرف وصفها لأنها خالية من شغف العشق شعر بها تبادلة قبلته وتحضنه فعرف انها الأن هشه واي حنيه منه ستجعلها ذليله له ابتسم بسخرية داخله ليشرع ببناء خندق بينهما وما اسوأ بناء الخندق بين العاشقين

        

          

                

ابتعد وهي تلهث فبدأ يوزع قبلاته علي عيناها ووجنتاها وجبينها وشفتيها ونزل لعنقها يلثمه بعشق وعاد لشفتيها لينهل من رحيقهم ويده بدأت تجردها من ملابسها ليأخذه لعالم تشعر فيه بالتوهان فهو ليس العالم الذي اعتادت عليه لينقبض قلبها منه اكثر

مر أيام الأسبوع

كان يحاول قدر الإمكان ان يطمأنها من ناحيته وهي امتثلت لهذا واقنعت نفسها انه عاد كما كان

كانوا يكتبوا كتب الكتاب وهذه المرة ليست ورقه كما كانت تمضي منها انما الآن جدها وكيلها وبمأذون وشهود

المأذون بإبتسامه

=بارك لكما وبارك عليكما وجمع بينكما في خير بالرفاق والبنين

سلم عتمان علي سيف وذهب سيف لجاكلين التي ابتسمت بسعادة حقيقية وكور وجهها قبل جبينها ووضع رأسها علي قلبة يضمها هامسا

=الف مبروك يا حرم سيف سليم المنشاوي

عقدت حاجبيها من الإسم المنشاوي سبق وسمعت هذا الإسم اغمضت عيناها متذكرة شئ

=شيرمين اسمعي وربي دا تخطيط من ياسمين انا شغال مع جوزها وهي كانت

=متكذبش يا آدم ايه اللي يخلي مرات سليم المنشاوي تتبلي عليك يا شيخ انت عندك بنت وبقت عروسه

فتحت عيناها ونفضت رأسها فشدها جدها وحضنها وقبل جبينها وكذلك جدتها والدادة ولم تجد نفسها الا بسيارة هي وسيف بجانب بعض وهي تائهه مع عالم به اهلها المتوفيين

سيف وهو يلمس وجنتها

=جاكي

شدت يده ووضعت رأسها علي صدرة تضمه فأعتقد هو انها تفكر بتيم ليشعر بنار تأكل قلبه

سيف بحدة

=بسرعة

نظرت له جاكلين وللسائق لتنتبه اخيرا سيارة من هذه لم يخبرها انه سيأتي بسيارة تأخذهم

السائق وهو يلتفت ويرفع القبعه وينزلها

=امرك يا ديناصور

ابتعدت عن حضنه مردفه

=مين دا يا سيف واحنا رايحين علي فين

سيف ببرود

=القاهرة يا جاكي ودا ايدي اليمين مؤيد

جاكلين بصدمة

=ايدك ايه انت مين

سيف وهو يجذبها ويطوقها بيداه

=اهدي بس علي نفسك وهتعرفي كل حاجة كمان كم ساعة واعرفي ان هتتعبي نفسك علي الفاضي وانا مش هرد

امتثلت لأمره فليس لها قدرة علي المشاكل وبدأ الماضي يداهمها

=بابي الدادة بتضربني

=روحي قولي لمامي انا مشغول

=يا مامي الدادة بتضربني اوي

=اكيد قليتي ادبك يا جاكلين

=لا والله ما عملت حاجة من غير سبب

=جاكلين انا مش فاضية لتفاهات

حركت رأسها بحضنه لما الآن يداهمها ماضي اهلها المهملين هل سيعود شئ منهم يدمرها

        

          

                

اغمضت عيناها مجبرة نفسها علي الذهاب من هذا العالم ليحتلها فيما تعرف بالموتي الصغري

مؤيد وهو ينظر لسيف بالمرآه

=بطل غباء البنت شكلها برئ وملهاش ذنب

سيف بشرود 

=مش هعاقبها علي اللي اهلها عملوه في امي هعاقبها علي حاجات اسوأ

مؤيد بتمعن

=متخسرش نفسك يا سيف بخسارتك ليها

سيف بحدة

=مؤيد انت اه صاحبي بس خليك في حالك عشان منخسرش بعض

مؤيد بضيق 

=انت حر انشالله تولع بس اما تندم متجيش عليا انا وتتكلم

ومر الوقت ووصلوا لشقه لم ييقظها بل حملها وصعد بها للأعلي وضعها علي فراش وبدأ يحررها من ملابسها وساعدها في ارتداء ملابس مريحه 

لتتململ فمسد علي شعرها حتي عادت تنام وخرج فعل قهوته وجلس يشربها فرن فونه برقم صغيرته

سيف بحنيه

=الو ازيك يا حبيبتي

لم يري تلك التي خرجت ولكنها توقفت عند كلامه ووقفت تستمع من هذه الذي يقول لها حبيبتي

نورسين بسعادة

=حبيبي يا أبيه عامل ايه

سيف وهو يضع مج القهوة

=تمام الحمد لله انتي عامله ايه

اردفت بصوتها العذب

=كويسه الحمد لله وحشتني اوي هتيجي امته

سيف بضحك 

=يا مجنونة انا جاي امته دا انا لسه مكملتش اسبوعين لحقت اوحشك يا بكاشه

سمع صوت ضحكتها ثم اكملت بجدية

=ابيه 

سيف ببرود

=يبقي مؤيد قالك ايوه يا نورسين انا هنا انا وجاكي وفي شقتي ومش مسموح تيجي والا تصرفي هيبقي مع مؤيد

نورسين بضيق

=جاكلين ملهاش ذنب في اي حاجة مؤيد قالي البنت باين عليها طيبه ليه تاخدها بذنب ابوها وامها وانت اصلا شكلك حبتها

سيف بعصبية متذكرا ما حدث معها هي وتيم

=لا احب مين جاكي دي واحدة زبالة ذي امها وابوها وانا هندمها هي مفكراني بحبها دا انا هعرفها الحب بطريقة سيف المنشاوي وجاكي كذب انا محبتهاش ولا بحبها ولا هحبها الأشكال اللي ذي دي خسارة فيها الحب

واكمل بحقد

=فعلا اللي زيها يستاهل حد ذي تيم

اندفعت بعصبية دون العبء لأي خوف قائلا

=وتيم ده احسن منك ومن عشرة زيك

صدمة الجمته من كل الجهات هل سمعت وفوق كل هذا ردت بقوة ولم تنكسر

نورسين وقد انصدمت من الصوت الذي سمعته

=ابيه

سيف بهدوء ما يسبق العاصفة

=سلام يا نورسين

اغلق الخط ثم رمي الفون ووقف قائلا ببرود

=قولتي ايه

جاكلين بقوة وعصبية

=وانا لسه قولت حاجة عايز تعرف طيب تيم احسن منك وانا للحظه قرفت منك ومن معرفتك ومن حبي ليك وطلقني يا سيف لأني عرفت انك من اسوأ واذبل عيلة وهي عيلة المنشاوي واكيد هتطلع حقير وزباله ذي ابوك وامك ولأن الزبالة مش بيجيب غير الزبالة

غلي الدم بعروقه ورفع يده وانزلها علي وجنتها فبقوتها المعهودة دفعته بيداها جذب شعرها ونزل عليها بصفعات من يده ورماها علي الأرض وسار يضربها برجله وكلماتها تتردد بأذنه وإهانتها

سيف بعصبية

=انا هعرفك مين الزباله علي اصول وربي يا بنت آدم السيوفي لاخليكي تندمي علي قوتك دي واكرهك في نفسك

تحدثت رغما عن تلك الآلام التي تعصف بها وبصوت متقطع

=اعلي ما في خيلك اركبه يا حقير

شد شعرها لتقف امامه وصفعها ثم مسك فكها وقربه منه قائلا بفحيح لتري انسان اخر بسيف حبيبها

=حقير ماشي هعرفك الحقير بيعمل ايه

وركلها ببطنها لتقع علي الأرض وتركها وذهب حتي لا يقتلها فتكورت بنفسها والم يعصف بها

 

• يتبع الفصل التالي اضغط على (رواية معشوقة المنتقم) اسم الرواية