رواية مملكة احفاد الطوبجي الفصل السادس 6 - بقلم اميرة اسامه
مراد….انتو يا غجر انا داخل انام مش عايز حد يصحيني
امير…..حاضر يا معالي الباشا
سالم….زيد يا زيييييد
منذر….بيغير في الاوضه
خرج زيد وبصله
زيد….ايه عايز ايه
سالم…..ابقي كلم روح عشان هتطين عيشتك انا لسه قافل من شمس وخدت منها الموبايل روقتني ومستنيه تروقك
زيد…..طب ليه
سالم…..بتقول انك مكلمتهاش
زيد….مين ده ما انا مكلمها الصبح لما صحينا
جلال……زهايمر بقي يا باشا
زيد…..اتلم ياض بدل ما اجيبلك انا زهايمر
جلال…..حاضر يا باشا
زيد…..يلا انا داخل انام
سالم…..مش هتكلمها مليش دعوه انا قولتلك
زيد….يا ابني بطل زن هكلمها وانام
نادر….انا مش فاهم بصراحه ايه حالة البيات الشتوي اللي انتوا فيها دي جايين رحله كام يوم ولا جابين تنامو
قاسم….ما انت نمت شويه في اليخت حقك وبعدين مين ماسكك يا اخويا ما تنزل
زيد…..لو هتنزل متنزلش لوحدك
نادر….ليه ان شاء الله صغير ولا هتخطف
زيد…..وقف قبل ما يفتح الباب وبصله انت سمعتني صح
جلال……يا اخي ليه هيبه
نادر….بضحك الوحيد اللي بكش منه والله
زبد….بإبتسامه جميله لا يا اخويا متكشش انا خاېف عليك وبعدين عشان ادخل انام وانا مطمن ميبقاش عقلي شغال خد حد معاك لو حابب تنزل
زيد…..ماشي ومتتأخروش
نادر…..زيد
بصله زيد وهز راسه بمعني ايوه
نادر…..بحبك علي فكره
ابتسم زيد بحب وانا كمان بحبك
امير…..هعيط والله
زيد…..مش هرد عليكم عشان النوم ميروحش من عيني بس بكره هروقكم يلا تصبحوا علي خير
امير وجلال بضحك وانت من اهله.
منذر….يلا ياشباب تصبحوا علي خير انا كمان داخل انام
ياسين….اتغطي كويس هاا
منذر…..ياجدع كل ما تفتح بوئك بتوترني
ياسين…..بضحك وانا قولت ايه بقولك اتغطي كويس
منذر….ماشي يا اخويا يلا سلام
زيد……بقي كده يا روح اهون عليكي
روح….اه تهون زي ما انا بهون عليك
روح ….و تكلمني كل شويه ايه رايك بقي احنا متفقين قيل ما تسافرو كل شويه تكلموني
زيد…..انتي هتخليني اصدق كلام الواطي جلال
روح …قال ايه الجزمه ده
زيد….بضحك قال ان عندك زهايمر
روح…..ماهو انا معرفتش اربي علي راي راجح
زيد….بضحك هو انا مش قايلك الصبح اننا رايحين رحله علي البحر مع صاحب مراد عاليخت بتاعه
روح….قولت بس لما تليفوناتكم لقيتها مقفوله قلقت
زيد….لا يا روحي متقلقيش احنا كلنا زي الفل والله
روح…..طيب مبسوطين
زيد…..اوي والله والرحلة نقصاكم كلكم.
زيد…..حاضر يا ست الكل ربنا يخليكي لينا
روح….ويخليكم ليا يا حبيبي خد صبا عشان عيزاك
زيد….هاتيها.
خدت صبا منها الموبايل وبعدت
صبا…..ايوه
زيد…..حبيبي
صبا…..علي فكره انا مخصماك اوي
زيد….ياخبر مخصماني اوي
صبا….اه
زيد….بإبتسامه اوي اوي
صبا….مش بهزر علي فكره
زيد….طيب انا عملت ايه بس
صبا….اليوم طويل من غيرك يا زيد وبيعدي بهدوء وانا زهقت وانت لسه هتقعد كتير
زيد….مش كتير ولا حاجه كلهم اربع خمس ايام يا قلب زيد
صبا….بردو كتير
زيد…..طيب ارجع
صبا….انت بتاخدني علي قد عقلي صح
زيد….وحياه غلاوة صبا في قلبي لو قولتي الوقت ارجع هقوم ارجع حالا
ابتسمت صبا بحب وخرجت منها تنهيده هاديه
زيد….ايه قولتي ايه
صبا…..يعني بعد كلامك ده تفتكر هقولك ارجع
زيد….بضحك والله انا لو مكانك مش هتردد لحظه وهقولك ارجعي
صبا…..والله لو عليا هقولك ارجع حالا بس مش هقدر اخليك تقطع اجازتك عشاني
زيد…..انا اعمل كل حاجه في الدنيا عشان بنوتي الجميله
صبا…..خلاص هستحمل وامري لله انا عيزاك تتبسط انت اصلا نادرا لما بتاخد اجازه و ده حقك مع ان يعني المفروض انك تاخد اجازه معايا بس يلا مش مهم
زيد….وحياه غلاوتك عندي اول ما تولدي وترجعي احسن من الاول هاخدك من ايدك كام يوم ونعمل احلي شهر عسل زي ما وعدتك
صبا….بسعاده بجد.
زيد…..بجد يا قلب زيد
صبا…..خلاص
وانا موافقه المهم تخلي بالك من نفسك واياك تعاكس بنات
زيد…..مقدرش كنت عملتها زمان يا مجنونه
صبا….بحبك يا زيد
زيد…..وانا بمۏت فيكي يا احلي صبا
صبا….هتعمل ايه الوقت نازل تاني
زيد….لا انا فاصل خالص وعايز انام مش قادر
صبا…..ماهو عنده حق دول كلهم كام يوم رايحين تقضوها نوم
زيد….مش كده بس احنا نازلين من 11 الصبح تقريبا ولسه راجعين من نص ساعه يعني بقالنا حوالي 12 ساعه بره فا خلاص فصلت وبعدين انا من اول ما وصلنا امبارح مش عارف انام انتي عارفه مش بعرف اغير مكاني بسهوله بس حقيقي انهارده تعبان جدا وجسمي مكسر
صبا….لا خلاص لو تعبان ارتاح
زيد…..مانا هعمل كده وبكره بأمر الله نبقي نخرج
صبا…..تمام بس بردو لعمل حسابك لما نسافر مش هخليك تنام لحظه
زيد….وانا موافق ياستي لو معاكي النوم مش هيجي اصلا
صبا….بإبتسامه اما نشوف
زيد…..يلا ياروحي تصبحي علي خير
صبا…..ولنت من اهل الخير زيد
زيد….قلب زيد
صبا…..اوعي اولد وانت مش معايا
زيد….بقلق انتي حاسه انك تعبانه ولا ايه يا صبا
صبا….لا لا اطمن انا كويسه جدا والله
زيد….امال ايه متقلقنيش والله العظيم اقوم اسافر حالا
صبا….بطل جنان انت ما صدقت والله كويسه انا بس من وقت ما دخلت في الشهر التاسع وانا ديما عندي وسواس اني ممكن اولد وانت مش جنبي وبخاف
صبا……ربنا ما يحرمني منك يا عمري
زيد…..ولا منك يا قلب زيد
صبا…..يلا روح نام وارتاح
زيد…..حاضر سلام يا حبيبي.
صبا…..باي يا حبيبي.
فضلوا قاعدين بره يتكلموا ويضحكوا مع بعض شويه ونور ورامي نامو علي نفسهم وهما قاعدين.
ياسين…..بضحك الحق دول نامو
امير…..بص لجلال وضحك جابوا لروحهم
جلال…..بتفكر في اللي بفكر فيه
امير….بضحك ودي عايزه كلام دي فرصتنا
نادر…..هتهببو ايه يا مصايب
نور……بصوت ناعس وهو مغمض عينه اتلمو انا لسه منمتش
ياسين…..يخربيتك خضتني
يوسف…..لما انت صاحي قوم نام جوه بدل العڈاب اللي انت فيه ده
جلال…..بضحك او خليك عشان ينوبك من الحب جانب
نور…..والله يا جلال لو جيت جنبي لا هضربك اتلم انت وهو عشان متزعلوش
امير…..طب خلاص انت براءه بس وطي صوتك عشان رامي ميصحاش.
نور….يارب يصحي ويفرج عليكم اسكندريه كلها
جلال….مين ده ميقدرش صح يا ابو لهب
ياسين….بتتحامي فيا وعايز تلبسني
جلال….بستقوي بيك يا جدع
امير….قرب منهم جاب ورق عمل قراطيس صغيره وهو وجلال فضلوا يحطوا براحه القراطيس بين صوابعه
نادر…..الله يخربيتكم ده لو رجله اتحرقت هينفخكم
يوسف…..بضحك مش هتعقلوا ابدا والله حرام عليكم
امير…..ما تسكت يا سي زفت انت وهو هات ولاعه ياعم
هشام……بضحك مليش فيه خد من حد غيري مش هشترك في الچريمه
جلال….انت بسكوتك اشتركت خلاص انجزز
ياسين…..بإبتسامه خد يالا ولاعه
يوسف….شوف التاني بيديله
جلال…..حييبي يا ابو لهب
رامي….اااااه
جري امير وجلال بسرعه من قدامه
رامي…..يا اخي يلعن ابو شكلك انت وهو
جلال…..ايه ياعم بنهزر
رامي….ابو تقل دمك يا شيخ انت وهو ټحرق رجلي عشان تهزر
نادر…..مش انت اللي نايم وسايبلهم نفسك
رامي….فضل يحط علي رجله مايه وهو مش طايقهم وسع كده انت وهو
جلال…..خد بااااس رايح فين
رامي…..پغضب امشي
يالا من قدامي بدل ما انفخك
ياسين….بضحك طب رايح فين
رامي…..هتخمد جوه ابو اليوم اللي سافرت معاكم فيه
فضلوا يضحكوا كلهم عليه
نور….طيب تصبحوا علي خير بقي بدل ما انام وتعملوها فيا
يوسف….يلا يا خواف
نور….من خاف سلم يا چو انا مصدقت رجعت امشي عليها تاني
ضحكوا كلهم علي نور وهو فضل يضحك ودخل نام.
نادر….طب ايه هنفضل قاعدين كده ماتيجو ننزل نتمشي الوقت هيبقي الجو هادي وجميل
ياسين…..هتروح فين
نادر….اي مكان اهو نستكشف الدنيا هنا اقولك تعالي نسأل علي بير مسعود ده ونروح نقعد هناك شويه ولا ننزل علي اي كافيه.
ياسين….طيب تمام انا معاك
يوسف…..يلا و انا كمان اصلا انا مش عندي نوم
نادر….وانتو ياغجر علي رأي مراد
امير…..انا اشطا
جلال…..انا مش عارف بفكر انام مش قادر
امير….الله يخربيتك انت مش نمت في اليخت شويه حلوين قوم ياض بلاش كسل
جلال…..طيب ماشي يلا قوموا.
نزلوا كلهم مع بعض اتمشوا علي البحر وفضلوا يسألوا عن بير مسعود ولقوه قريب راحوا هناك وقفوا كان في ناس وشباب كتير والناس كانت كتير في الشارع وعلي البحر تقريبا محدش نايم
جابو ايس كريم وراحوا بعد كده قعدوا علي البحر.
لحد الفجر وبعدين حسوا انهم فصلوا والجو كان برد فا قرروا يرجعوا.
نادر…..بقولكم ايه قبل ما نرجع ما تيجي نشوف اي سوبر ماركت نجيب منه شويه حجات البيت فاضي خالص
ياسين….اه ياريت كنت هقولكم والله
جلال….طيب بقول ايه انا فاصل ومش قادر وعايز ادخل الحمام هروح انا
ياسين…..طيب عارف البيت
جلال….اه عارف متقلقش
نادر…..هتروح معاه يا امير
امير….عادي زي ما تحبو لو عايزني معاكم اشطا.
يوسف…..خليك مع جلال اطلعوا انتوا واحنا هنجيب الحاجه ونيجي وراكم.
امير……طيب تمام يلا سلام
مشيوا مع بعض وقبل ما يوصلوا قدام البيت الشبشب بتاع امير اتقطع
امير….يا اختيييييي هي ناقصه نحس
جلال…..بضحك الواد رامي شكله دعا علينا لما شبع
امير…..بضحك اه والله ذنبه بقولك ايه اطلع انت هروح اشوف المحلين اللي هناك دول اجيب واحد بدل اللي اتقطع
جلال….هتمشي تتنطط كده خليها بكره
امير…..يا ابني ماهم قدامك مش بعيد اطلع انت يلا
جلال…..اشطا يلا سلام
امير….اوعي تدخل وتنام قبل ما اخد منك المفتاح
جلال ….لا هستناك بس لو طلعت وهما لسه مرجعوش ابقي استناهم انت عشان مش قادر
امير…..طيب تمام.
طلع جلال وراح امير يشتري شبشب بدل اللي اتقطع.
اول ما دخل جلال راح بسرعه علي الحمام وبعدين خرج الكل كان نايم فتح التلفزيون وجاب فيلم اجنبي وفرد جسمه علي الكنبه وهو خلاص بيسقط ومش قادر رجع راسه علي ايد الكنبه وهو مغمض لكن لسه مش نايم
وفجأه حس ان حد باسه من خده
فتح عينه بسرعه وبص حواليه مكانش في حاجه فا علي طول فكر نفسه بيتهيأله رجع تاني بضهره علي الكنبه حط ايده علي عينه و فجأه حس ان حد باسه تاني فتح عينه بسرعه.
لمح طفل عنده حوالي خمس سنين شعره اصفر كيرلي وعينه ملونه لابس شورت وتيشرت
قام جلال من علي الكنبه بفزع رجع بص حواليه بسرعه ملقاش حد فضل واقف في مكانه
خرج سالم من اوضته اول ما جلال سمع صوت الباب
جلال……اييييه في ايه
سالم….الله يخربيت اهلك في ايه يابا قطعتلي الخلف وبعدين مالك واقف كده ليه انت بتحرسنا واحنا نايمين
جلال….حط ايده علي قلبه احرسكم ايه وانا اللي قطعت الخلف منك له
سالم….مين اللي منه لله يا واطي
جلال……ياعم اسكت قلبي هيقف والله
سالم…في ايه ياض انت شايف عفريت
جلال…..مش عارف بس في عيل صغير كان واقف جنبي هنا وباسني من خدي
سالم….بضحك مين ده اللي
جلال…..بضحك لكن باين علي ملامحه الړعب والله مش بهزر انا طلعت من تحت وقولت استني امير عشان افتحله قبل ما انام حسيت حد بيبوسني من خدي بصيت ملقتش حد رجعت انام تاني علي الكنبه وانا بفرد جسمي
سالم….بإبتسامه سخريه وراح فين
جلال….مش عارف انا قومت اتنطرت من علي الكنبه وبصيت لقيته اختفي اصلا كل اللي بقوله ده ده حصل في ثواني
سالم…..بضحك وانت في ثواني لحقت تشوف ان الواد شعره اصفر وكيرلي ولابس شورت وبنطلون وعينه ملونه ايه كاميرا مراقبه ولا رادار
جلال….انت مش مصدقني صح
سالم…..بضحك انا عايز اعرف انت كنت فين وامير فين
جلال…..كنت مع ياسين ونادر ويوسف واتمشينا وبعدين هما راحوا الماركت ورجعت انا وامير بس شبشبه اتقطع قدام البيت سابني وراح يشتري واحد وانا طلعت عشان استناه وافتحله قبل ما انام
سالم….تلاقي عينك غفلت انت مش شايف عينك حمراء ازاي
جلال….بذهول بس والله ما لحقت انام
سالم…..ياض التسقيطه بتاعت النوم دي اقوي من النوم نفسه انت اكيد حلمت ومش حاسس
جلال…..مش عارف يمكن
سمعوا فجأه الباب بيخبط مسك جلال في سالم بسرعه
جلال…..احييييه
سالم….بضحك في ايه يعني الواد جاي يخبط اوعي كده تلاقيه امير
فتح سالم الباب لقي امير في وشه وعمال يبص علي السلم
سالم….ما تخلص ياعم بتبص علي ايه ادخل.
امير….اقفل اقفل
سالم….شبشبك اتقطع يا مدهول
امير…..سيبك من الشبشب في حاجه حصلت الوقت غريبه اوي
بص سالم لجلال وبعدين رجع بص لامير
سالم….حاجه ايه
امير…..انا روحت اجيب الشبشب وانا طالع لقيت عيل صغير
اول ما قال الكلمه دي بص جلال لسالم وهو عينه هتخرج من الصدمه وبصله سالم بإستغراب
امير…..في ايه بتبصوا لبعض كده ليه انا لسه كملت
سالم….كمل طيب عيل صغير يعني ايه
امير…..عيل صغير عنده حوالي خمس سنين كده شعره اصفر وكيرلي عينه ملونه لابس شورت وتيشرت بصلي وابتسم وانا ضحكتله بقوله ازيك مردش ابتسم ونزل بصيت عليه وانا بعاكس فيه فجأه ملقتهوش اصلا كان بيلف من ورايا ملحقش ينزل ومسمعتش اي باب اتفتح عشان اقول مثلا انه دخل اي شقه بس مش عارف اختفي راح فين
سالم…..بضحك انت بتتكلم جد
جلال……بذهول يعني ايه
امير….هو ايه اللي يعني ايه وانت بتتكلم بجد هو في ايه انا مش فاهم
جلال….انا غمضت عيني الوقت بس والله منمتش كنت مستنيك فردت جسمي بس لحد ما تطلع حسيت بحد بيوسني اول مره فكرت اني بيتهيألي بس رجعت حسيت تاني ان حد بيوسني فتح عيني عيني لقيت نفس الولد اللي انت بتوصفه ده واقف جنبي وبيضحك اټخضيت وقومت بسرعه وقفت هناك ضهري للاوض وبصيت تاني ملقتهوش اختفي
انا لسه حاكي حالا اللي حصل لسالم وهو قالي ان انا بيتهيألي او بحلم بس كده انا لا بيتهيألي ولا بحلم
امير….ايوه مش فاهم يعني الواد ده نزل من هنا الوقت
امير…..نعم يا اروح امك يعني الواد ده عفريت يعني انا كنت بعاكس عفريت
سالم…..بضحك احيه علي الحواااار عفريت ازاي بس
امير…..ماهي ملهاش تفسير الواد ده روح
سالم…..بس روح بريئه والدليل انه ابتسملك وباس جلال
جلال….انت بتهزر صح طب ده دخل الشقه ازاي وكده الشقه مسكونه ولا السلم اللي مسكون
سالم…..بضحك دماغكم هي اللي مسكونه شوف با اخي عشان نيتكم الزباله وضميركم الۏسخ ربنا بعتلكم اللي يقل راحتكم زي.
ما انتوا قالين راحتنا ويوم ما واحد فيكم يشوف عفريت التاني يقابله علي السلم
سابهم سالم وراح علي الحمام
جلال….انت رايح فين وسايبنا
سالم…..اعملها علي نفسي يعني
جلال…..ولا يا امير اجري بسرعه عالاوضه
امير….استني ياض خدني معاك ياواطي
دخل سالم الحمام وخرج راح علي المطبخ ۏلع سېجاره ووقف سند علي رخامه المطبخ وهو قاعد يضحك علي منظر امير وجلال وفجأه دخلت عليه واحده مليانه وسمراء جدا شبه الست
وبعدين خرجت علي الصاله وسابته واقف مصډوم فضل يبص حواليه وبعدين خرجت بهدوء علي الصاله فضل يدور عليها مكانش ليها اثر.
سالم بصوت واطي احيه
جري علي اوضه مراد وزيد ومنذر وقفل وراه بسرعه
- يتبع الفصل التالي اضغط على (مملكة احفاد الطوبجي) اسم الرواية