رواية جسد بلا روح الفصل السادس 6 - بقلم اميرة محمد
اللهم صلي وسلم وبارك على سيدنا محمد
نورة : كنت حاسة إنها قريبة مني معقول ديه بنت اخويا وائل روح قلبي
مراد : يعني نسرين تبقا بنت خالي طيب ازاي
مروة : لا أنا مش فاهمة حاجة
سعيد : يعني نسرين بنت الله يرحمه وائل
نورة : ايوة يا سعيد أول ما قالتلي أسمي نسرين فؤاد مش نسرين منير كنت حاسة بس مكنتش متأكدة بس أهو دلوقتي اتأكدت
والشقة اللى تحت ديه فيها الدليل صور أخويا وائل وأميمة ميراته ونسرين هي وعندها سنتين … انا دورت عليهم كتير بس معرفتش اوصلهم سمعت إن أميمة اتجوزت ومعرفتش اوصل لبنتها وكمان نسرين ليها فلوس كتيرة حق والدها
مراد : أنا مش قادر استوعب بصراحة … لازم نسرين تعرف كل حاجة
نورة : ده أكيد ولازم تأخد حقها …
مراد : أنا رايح عندها دلوقتي
سعيد : خليها بكرة انت لسه راجع
نورة : لا كفاية السنين اللى راحت أنا هالبس وجاية معاك
مراد : ماشي
********
نرجع لنسرين
كنت مبسوطة اوي مع ماما وفضلت أحكي اللي حصل معايا وحياتي كانت ازاي
وفجأة الباب خبط آنكل منير كان نايم في الأوضة التانية قام إبراهيم يفتح وسمعته بيقول
إبراهيم : اتفضل يا مراد …. أهلا وسهلا
مراد : ديه والدتي وده إبراهيم أخو نسرين
نورة : أهلا يا أبني
إبراهيم: أهلا بحضرتك … اتفضلوا
وخرجت وانا فرحانة بماما نورة ما انا خلاص اتعودت اقولها ماما نورة اول ما شافتني فضلت تعيط وتحضن فيا جامد وانا مكنتش فاهمة حاجة …..
نورة : خليني أشم ريحة أبوكي فيكي يا حبيبتي
حرفيا كنت مش فاهمة حاجة و ببص لمراد بإستغراب هو في إيه و كانت منهارة جدا
بعدين خرجت ماما من اوضتها ومعاها سلوى
واول ما شافت ماما نورة قالتلها
أميمة : نورة
واخدتها بالحضن وقالتلها: سامحيني يا نورة
نورة : عاملة ايه يا أميمة طمنيني عليكي
أميمة : أنا الحمدلله….
نسرين : هو انتوا تعرفوا بعض
أميمة : ديه نورة عمتك أخت أبوكي
مكنتش حاسة بنفسي اول ما عرفت مراد مسكني وكنت مش مصدقة أنا في حلم ولا علم ولا إيه بالظبط هو اللى بيحصل ده حقيقة
نورة : عرفت من بطاقة يا نسرين .. انا كنت حاسة انك قريبة مني طلعتي بنت أغلى الناس على قلبي … الف حمد وشكر ليك يارب اني عرفت اوصلك
أميمة : أنت السبب يا نورة في كل اللى حصل
نورة : مش عاوزة اقلب في القديم .. انا فرحانة ان لقيت نسرين بعد كل السنين ديه
مش عاوزة افتكر اي حاجة تاني
وقتها انا قومت حضنت عمتي اللى هي كانت بتعاملني زي بنتها من قبل ما تعرف اني بنت أخوها
مراد : بس كفاية عياط يا ماما انتي ونسرين
نورة : طبعا بعد إذنك يا أميمة أنا هاخد نسرين لمراد أبني وهي بنتي
كنت شايفة الفرحة في عيون الكل وأولهم أمي لأنها عارفة كد ايه انا مظلومة و عشت أيام ما يعلم بيها إلا ربنا بس الحمدلله ربنا عوضني
أميمة : الف مبروك يا ولاد
ماما حضنتني و كنت اول مرة أحس بحنانها و بجد الدنيا دوارة
نورة : شقتك قاعدة لحد دلوقتي يا أميمة وكمان نسرين هاتسكن في نفس العمارة اللى أنا قاعدة فيها وفيها شقة ابوها
نسرين : الشقة المقفولة ديه بتاعت بابا
نورة : ايوة .. وكمان ليكي فلوس بأرباح
نسرين : أنا كفاية أعيش معاكم
وبصيت لمراد وقولت : وابقا قريبة من مراد
مراد: وانا مستحيل أبعد منك
******
عدا أسبوع كتبنا الكتاب وخلاص الفرح كنت مبسوطة جدا وشيماء كانت دايما معايا وكتبت كتابها في نفس يوم كتب كتابي
وقررنا نعمل الفرح في نفس اليوم ونفس الوقت …. وسلوى أختي اتغيرت تماما و إبراهيم كان معجب بمروة
أما عن ماما كانت فرحانة جدا و آنكل منير اعتذرلي على كل حاجة
أما عمتو نورة او ماما نورة كانت سعيدة بيا جدا وأخدتني ورتني كل ركن من أركان شقة بابا وصوري أنا وهو وكنت بعيش بذكرياته
وآنكل سعيد كان بيعاملني زي مروة تماما
أما عن مراد فهو اللى عوضني عن حاجات كتير في حياتي وجوده نساني كل اللى فات
بعد ما كنت جسد بلا روح محدش حاسس بيا
بيحاول يعمل أي حاجة علشان يسعدني بيحب طريقة كلامي أسلوبي و كان ليا السند والأمان …..
يوم فرحي كان يوم جميل جدا كان نفسي بابا يكون معايا في اللحظة ديه
وانتهت قصتي بزواجي لمن أختاره قلبي وأصبح شريك حياتي …..
” النهاية “
- يتبع الفصل التالي اضغط على (رواية جسد بلا روح) اسم الرواية