رواية بين الحلم و القدر الفصل السابع 7 - بقلم نور
الفصل السابع
ذهب ادم لتغير ملابسه وعاد الي نور وتبارك وجلسوا جميعا في الجنينه علي العشب أصبحت نور أمام ادم وبجانبها تبارك ووضعوا الزجاجه في المنتصف وقامت تبارك بلف الزجاجه فجات علي نور تسال تبارك
نور : تبارك صراحه ولا تحدي
تبارك : صراحه
نور : الامنيه الي نفسك تتحقق دلوقت
تبارك بخبث : نفسي ادم يتجوز ويجبلي واحده اقعد معاها بدل منا قاعده لوحدي كدا وتكون صحبتي وميسافرش تاني ويفضل هنا
نور قلبها خفق بشده وشعرت بحزن وغيره في نفس الوقت
ادم قلبه دق ونظر الي نور دون أن تشعر
دارت نور الزجاجه لكي تغير الموضوع وجاءت علي ادم يسأل نور
هنا تبارك قالت : طيب هروح اجيب حاجه نتسلي بيها واحنا قاعدين وذهبت
ادم لنور : صراحه ولا تحدي
نور بتوتر شديد : صراحه
ادم بمشاكسه : في حد في حياتك
نور بصدمه: نعمممم
ادم بمشاكسه أكثر : بسألك في حد في حياتك
نور بتوتر شديد : انا همشي ووقفت لكي تمشي
ادم وهو ضحك بشده : طيب طيب خلاص متتقمصيش كدا بهزر معاكي انا عارف انك محترمه ومفيش حد في حياتك
تأتي عليهم تبارك فيتوقف ادم عن الضحك وتقول نور لتبارك انا همشي بقا لأن الوقت اخر
تبارك وهي تري صديقتها في هذه الحاله : مالك يانور انتي كويسه
نور وهي تاخذ نفس كبير لكي تمنع دموعها من النزول : انا تمام متخافيش بس لازم امشي قطع حديثهم صوت انوثي يعرفه كل من تبارك وادم جيداا ونور أيضا
مايابمياعه وهي تجري علي ادم وتحتضنه : دومي حبيبي وحشتني جدااا
ادم وهو ينظر لنور ويبعد هذي الحيزبونه عنه : اهلا مايا
نور تنظر لادم بحزن وغيره في آن واحد وتقول : أأنا همشي يابارك يلا عاوزه حاجه
تبارك وهي تمسك يد صديقتها فهي تعلم أن مايا كل ما تراها تسمعها كلام لازع وتهمس لنور : نور خليكي معانا انا مقعدتش معاكي لسه
نور بهمس لتبارك : تبارك انتي عارفه اني مش بحب البنت دي وعارفه هي بتعمل اي لما بتشوفني وانا مش عاوزه مشاكل
مايا وهي تري نور وتنظر إليها بقرف : انتي بتعملي اي هنا يابنت انتي هو انا مش قولتلك ميت مره متدخليش هنا فين الأمن يرميكي بره
نور بغضب : احترمي نفسك وانتي بتتكلمي معايا وبعدين انا مش جايه بيتك انا جايه عند صحبتي لما يكون بيتك ابقي اعملي الي انتي عايزاه
مايا بغضب منها فهي تعلم ان نور اجمل منها : اسمعي يابنت انتي دا هيكون بيتي لأن ده بيت ادم حبيبي ولما نتجوز انا وادم مش هخليكي تدخلي هنا خالص انا متشرفش إن بنت من مستواكي تيجي هنا
أحست نور بالاهانه واجتمعت الدموع في عينيها ونظرت لادم الذي كان ينتظر منها الرد عليها
ادم بغضب لمايا : اي الكلام الي انتي بتقوليه دا مين قالك اصلا اني هتجوزك وبعدين انا ميشرفنيش إن واحده زيك تكون مراتي انتي واحده حيوانه ولو سمعتك قولتي كدا تاني لنور أو دايقتيها بكلامك الي يحرق الدم دا تاني انا هيكون ليا تصرف تاني
مايا بتمثيل البكاء : كدا يا ادم انت بتزعقلي علشان واحده زي دي واه هنتجوز انا وانت ادم انا بحبك ارجوك متعملش كدا
ادم بغضب ويحاول ان يمسك أعصابه لكي لا يضربها : دي احسن وانضف منك بمراحل امشي اطلعي بره مش عاوز اشوفك هنا تاني انتي سامعه
مايا ببكاء وهي تذهب الي والد ادم لكي تشكو له فهو في الشركه ولم يرجع بعد
نور وهي تذهب من أمامهم وتوقف تاكسي وادم ينادي عليها ويجري خلفها
ادم وهو يجري خلفها : نور نور استني
امسك يدها وهي تركب التاكسي
ادم وهو. يسحب نور من أمام التاكسي : نور استني ارجوكي متمشيش وانتي في الحاله دي انا هوصلك لما تهدي
نور ببكاء وهي تحاول أن تفلت يدها منه قبضته : انا عاوزه امشي دلوقت ارجوك سيبني انا مش هاجي هنا تاني انا عاوزه اروح ارجوك
ادم وهو يخبر السواق أن يمشي ويعتذر منه ويحاسبه ويأخذ نور من يدها ويدخلها العربيه بتاعته وهي ترفض فيدخلها غصب عنها ويغلق الباب ويذهب هو الي الجانب الآخر ويركب بجانبها أمام المقود
حل الصمت علي المكان ولا يوجد سوي صوت بكاء نور
ادم وهو ينظر إليها بحزن لدموعها : خلاص يانور ارجوكي انا خلاص هزقتها اهو وترطتها متبكيش بقا علشان واحده زي دي
نور وهي تمسح دموعها بيدها : هي مش اول مره تعمل كدا وبعدين هتروح تقول لعموا خالد كلام محصلش وهو هيجي يهزقك انت انا اسفه علشان سببت ليك مشاكل مع خطيبتك
ادم باستغراب من الكلمه : خطيبتي مين انا مش خاطب حد وبعدين بابا انا هعرف التفاهم معاه كويس اهم حاجه انتي اهدي علشان متروحيش كدا ويقولوا في البيت كنا بنعذبك هنا
نور وهي تبتسم بفرحه من أنه ليس خاطب تلك الشعنونه : خلاص انا هديت ممكن امشي بقا
ادم وهو يبتسم لها : ايوه كدا اضحكي خلي الشمس تطلع بقا
نور بكسوف منه : احم انا همشي بقا وتفتح باب السياره
ادم وهو يمسك يدها : رايحه فين انا هوصلك
نور بتوتر : لا متغلبش نفسك انا هاخد تاكسي أو اوبر واروح
ادم بغضب من عنادها : وبعدين معاكي بقا مقولت انا هوصلك نور انا مبحبش اعيد كلامي مرتين اسمعي الكلام
نور بقله حيله وهي تغلق الباب : انا مكنتش عاوزاك تتعب نفسك بس
ادم بحب وهو ينظر إليها : تعبك راحه
نور بتوتر : احم ممكن تسوق بقا علشان متاخرش
ادم بحب : حاضر
ساد الصمت فقطعه ادم : هتقدمي في كليه اي بقا
نور : طب إن شاء الله انا وتبارك
ادم : إن شاء الله تكونو اشطر دكاتره
نور : إن شاء الله
🦋🦋🦋🦋🦋🦋
التفاعل قليل جدا ولو فضل كدا انا مش هكمل وهحذفها كلما مفيش تقدير علي المجهود دا
•تابع الفصل التالي "رواية بين الحلم و القدر" اضغط على اسم الرواية