رواية مملكة احفاد الطوبجي الفصل السابع 7 - بقلم اميرة اسامه
دخل سالم جري علي الاوضه وقفل الباب وراه كان عنده حاله غريبه توتر وقلق وخوف مع هستريا ضحك غير مبرره
منذر كان نايم علي السرير ومراد السرير التاني وزيد نايم علي كنبه بتتفتح شويه ومساحتها تكبر
كان كل يوم لما منذر ينام يقوم من جنبه براحه وينام علي الكنبه عشان يسيبه براحته وهو كمان ينام براحته دخل سالم بالحاله اللي كان عليها دي فضل يبص عليهم ومن غير تفكير راح جري علي زيد طلع جنبه.
الصوت قلق مراد فتح عينه بس متكلمش كان عايز يعرف هو بيعمل ايه
اول ما طلع جنب زيد وهو بيتحرك وبيضحك فتح زيد عينه بسرعه بفزع لقي سالم بيمسك فيه وبيضحك علي طول زيد فهمه غلط
زيد….بتهبب ايه الله يخربيتك
سالم…..بضحك وطي صوتك
زيد….قام نصف قومه وهو بيحاول يبعده اوطي صوتي اظبط ياض فيك ايه انت شارب ايه عالصبح
كلام زيد وخوفه من سالم وعدم فهمه للحاله اللي هو فيها خلي سالم مبقاش قادر يسيطر علي نفسه اكتر من كتر الضحك
صحي منذر بفزع علي الصوت و مبقاش فاهم حاجه ومراد كان شايف اللي بيحصل وفاصل من الضحك منذر بدأ يضحك علي ضحكهم وهو مش فاهم حاجه
سالم……بضحك با ابني الله يخربيتك اسكت هقولك
زيد….بضحك وعصبيه في نفس الوقت ولا يااااسالم ورب الكعبه هطحنك قوم يا ۏسخ من جنبي بص لمراد شارب ايه ده عالصبح
مراد…..بضحك استني شكلك فاهمه غلط الله يخربيت عقلكم
زيد….غلط ايه و نيله ايه كان ليه حق ابو لهب يقلق منك عيل ناقص صحيح
سالم….بضحك الله يحرقك فضحتني افهم ياض
زيد…..طب نزل ايدك من عليا لا انفخك
منذر….بضحك استني يا زيد اديله فرصه يتكلم
زيد….تعالي يا اخويا انت كمان اقعد مكاني و أديلوا فرصه براحتك
مراد…..يا غجر وطي صوتكم العيال هتصحي
زيد….احسن خليهم يصحوا عشان يشوفوا اخوهم الكبير وهو قايم بدور حمدي الوزير
مراد ومنذر وسالم فطسوا من الضحك ونزل سالم في الارض مكانش قادر يمسك نفسه
ضحك زيد وفضل يهز راسه شمال ويمين ولسه باصص علي سالم ومقلق منه
سالم…..ياجدع عيب انا بحبك
زيد……بصله بقرف وبطريقه تضحك بتحبني يا بسكلته
ضحك سالم بصوت عالي ومراد ومنذر دموعهم كانت نازله من كتر الضحك
سمعوا الباب بيخبط بتاع الاوضه مسك سالم في رجل زيد وهو بيضحك
زيد….اوعي متلمسنيش
مراد….ادخل
فتح عاصم الباب وبص براسه من بره وبعدين ابتسم
عاصم…..بضحكه جميله هو انتو اللي بتضحكو انا كان فاضلي شويه ويتقطع خلفي
مراد…..بضحك ادخل واقفل الباب
سالم…..يابختك يا عاصم انا خلفي أتقطع خلاص الحمد لله ان شمس حامل
عاصم……في ايه مالكم انتو مش كنتو نايمين
مراد….الواطي سالم دخل علينا واحنا نايمين وطير النوم من عنينا
زيد……قوله المتحرش مش الواطي
عاصم…هوب هوب هوب عملت ايه يا مصېبه
سالم….بضحك والله يا ابني ما لحقت حتي انطق
زيد….ايه كنت عايز تنطق كمان
عاصم…..بضحك في ايه بس عملك ايه
زيد…..انا نايم في امان الله لقيت اللي نايم جنبي وعمال يفرك وبفتح عيني لقيته بيضحكلي ويقولي وطي صوتك
عاصم…..فجأه مبقاش قادر يمسك نفسه هو كمان علي طريقه زيد ونظرته لسالم
منذر…..بضحك الله يحرقك يا سالم طلعت روحك مسرح ده مش هيسيبك
عاصم…..انت بتمشي وانت نايم يا سالم ولا ايه
زيد…..لا وانت الصادق هرموناته بتطفح عليه وهو نايم
سالم….بضحك مسح دموعه والله ابدا الناقص ده مدانيش فرصه انطق انا اصلا داخل الاوضه عندهم وانا مصډوم وملحقتش احكي اللي حصل وده مسكتش
عاصم…..حصل ايه
زيد…..شاف عجله في الحلم ماهو بسكلته
مراد….بضحك با جدع اسكت وابلع ريقك شويه خليه يحكي
زيد…..بس ميلمسنيش اوعي ايدك من علي رجلي يالا منذر احدف التيشرت اللي جنبك
فطسوا كلهم من الضحك
عليه.
سالم…..اسمع والله بجد يا جدعان وربنا الشقه دي مسكونه
بصوا لبعض كلهم وضحكوا وابتسم زيد وبعدين حط ايده علي وشه وفضل يضحك معاهم
منذر….الله يحرقك وېحرق دي سيره يا سالم ياريتك طلعت متحرش احسن
مراد….استني بس مسكونه ازاي
سالم……من شويه خرجت عشان ادخل الحمام لقيت الواد جلال بره مصډوم ووشه اصفر وواقف جنب الاوضه سألته في ايه حلف انه شاف عيل صغير باسه مرتين
وتاني مره لمحه شعره اصفر وكيرلي وابيض وعينه ملونه ولابس شورت وفجأه اختفي
حاولت اقنعه انه كان نايم وحلم في الحقيقه كان هيقتنع لحد ما طلع ابنك الواطي يا مراد
مراد….بضحك امير هو كان فين
سالم…..كانوا تحت كلهم هو ونادر وياسين ويوسف بس هما سبقوا وسابهم في الماركت بيشتروا حجات وقدام البيت امير شبشبه اتقطع فا راح يجيب واحد قبل ما يطلع وجلال فضل نايم عالكنبه بره مستنيه عشان يفتحله
منذر…..طيب ما يمكن بيحلم صح
سالم…..اتنيل كنت فاكر كده المهم امير طلع قال انه شاف حاجه غريبه عالسلم شاف طفل بيجري من عندنا علي تحت وعدي من جنبه وابنك كان واقف يضحكله ويعاكسه مش دي المشكله المشكله انه وصف نفس الوصف للولد زي ما جلال وصفه بالظبط
عاصم…..بضحك احيييه
سالم……بضحك مش دي المشكله المشكله ان امير بص عليه عشان يشوف ولد صغير نازل في الوقت ده لوحده رايح فين ملقاش ليه اي اثر علي السلم ولا دخل شقه ولا في باب اتقفل انا بقي سيبتهم دخلت الحمام وهما جريوا علي اوضتهم خرجت روحت اشرب سېجاره واجيب مايه وقفت في المطبخ وانا فطسان من الضحك علي منظرهم وانا واقف بصحك في امان الله الاقيلك ايه
مراد…..بضحك ايه الواد رجع
منذر….هي ليله زرقا انا عارف قام من مكانه ونط قعد جنب مراد وهما فصلوا يضحكوا عليه
سالم…..ياريت والله انا فجأه لقيت ست جسمها مليان وسمراء اوي زي الافارقه دخلت علي المطبخ فضلت تفتح وتقفل في الدرف من غير ما تبصلي وبعدين خرجت تاني راحت علي الصاله خرجت وراها اشوف في ايه ملقتهاش اتبخرت محستش بنفسي غير وانا جاي جري عليكم بس الواطي ده خلاني فطست من الضحك وفهمني غلط
زيد…..واشمعني انا اللي جيت نطيت جنبي
سالم…..ياجدع انت ابعد حد للباب
فا قولت ابقي في الامان
زيد….امان يا واطي
منذر….استني بس انت سايب فيلم الړعب اللي حكاه دي وماسك في انه اختارك انت بيقولك الشقه مسكونه
مراد….لا ياشيخ علي اساس انك متعرفش يا واطي ما احنا دافنينه سوا
سالم….بضحك احيه وانتو عارفين ان الشقه مسكونه ومحدش قال انتو شوفتو حاجه
عاصم…..بضحك لحد الوقت لا
سالم…..امال ايش عرفكم
منذر…..بضحك عشان احنا عارفين اصلا من قبل ما نسافر حبينا نروق عليكم ومراد قال انه يعرف شقه مسكونه
سالم…..اه ياولاد الجزمه
مراد…..مين دول يا واطي
سالم…..بضحك مش انت يا كبير مع انك اول واحد عايز ټضرب پالنار انتو بجد بتهرجو انتو مڜفتوش جلال وامير وشهم كان اصفر ازاي افرضوا حد قلبه وقف واحييييييه لو داوود شاف حاجه تبقي ليله زرقا علي دماغنا كلنا
مراد…..خلي الكل يتربي وبعدين مالك العفاريت حلوين وهاديين ودمهم خفيف مش مؤذيين يعني والدليل انك داخل مېت من الضحك
سالم…..بضحك انا مخوفتش والله بس للحظه كده أتاخدت الموقف قلب معايا بضحك وبعدين الست شكلها عامل زي الست اللي بتيجي في كارتون توم اند چيري دي عارفينها.
ضحكوا كلهم علي سالم.
منذر….بقول ايه ما كفايه كده وخلونا نروح مكان تاني او نرجع انا لو ظهرلي حاجه هتشل وهقطع الخلف
سالم…..بضحك وحياه امك والله ما هتمشوا من هنا غير لما اشمت فيكم وكل واحد
يشوفله عفريت ينططه
عاصم……عڼيف اوي سالم
سالم…..يعني يرضيك اسيب حقي انا والغلابه امير وجلال
مراد…..بضحك متنساش ابو لهب كمان
زيد….بضحك هو ياسين شاف حاجه هو كمان
مراد…..ده اول واحد الشقه استفتحت بيه امبارح
منذر…..اتاريه من الصبح وهو ساكت ياعيني
سالم…..والله كنت مستغرب حالة الهدوء اللي هو فيها دي
مراد….بقولك ايه لو فتنت ولا كشفت السر هنفخك
سالم……بضحك ده انا هجرسكم كفايه الواطي ده فضحني و سوأ سمعتي
زيد….بضحك اعملك ايه انت اللي دخلتك كانت غلط شككتني فيك
سالم……كان جسمي متلبش ياعم انا مش بخاف بس الموقف بردوا مبيعديش بسهوله
عاصم……هو انت متعرفش ايه اللي حصل في الشقه دي يا مراد
مراد…..لا والله معرفش حتي كرم مش عارف هو لما اشتري الشقه قالي انه كان سامع انها مسكونه بس كان فاكر إن دي إشاعه عشان محدش يشتريها لان قبل ما يشتريها كان في مشاكل بين الورثه عليها فا فكر يعني ان ده نظام تطفيش من طرف فيهم لحد ما اشتراها وبدأ يأجرها ويسمع بقي حكايات من الناس اللي أجرتها علي انها مسكونه
سالم…..يعني كرم عارف الحوار ده كله و وافق كده عادي يعني شريك معاكم
مراد…..بضحك مكانش راضي والله بس انا اللي صممت
عاصم….طيب اول مره اجرتها اكتشفت صدفه ولا هو كان عارف
مراد…..لا كان عارف وقالي بلاش في غيرها بس بردو انا صممت وقولتله لا عادي انا مش بخاف
منذر…..طيب وشوفت حاجه وقتها
مراد…..انا تقريبا مكنتش بطلع غير علي النوم وطول اليوم بصيع بس اه كنت بشوف وبحس بحجات يمكن مشوفتش اشخاص بس كنت بسمع اصوات تخبيط و ترزيع صوت عياط اطفال صوت ضحك عالي احط حاجه في مكان وادخل الاوضه ثواني اخرج ملقيهاش وانا واثق اني لسه سايبها كده يعني.
سالم…..الله يخربيتك يا مراد دماغك سم يا جدع وانت يا سي عاصم طب دول و بتوع مقالب انت ايه موقفك من الإعراب
عاصم…..بضحك سمعتهم صدفه والله وهما بيتكلموا و أعترفولي وانا مقدرش افضح سرهم
زيد…..لا ياشيخ اعترف ان سرنا جه علي هواك
عاصم…..بضحك صراحه اه قولت نضحك عليهم شويه
سالم….طب المهم انا عايز انام
مراد….ما تروح حد ماسكك مش بتقول مش بخاف يلا ورينا شجاعتك يا دكر
سالم…..بضحك لا مفيش منه الكلام ده ياسين ونادر ويوسف تحت لسه مطلعوش انا لو دخلت الاوضه لوحدي مش بعيد الاقي الست مستنياني جوه
زيد….بضحكه سخريه طيب ودي فرصتك ما انت طول عمرك بتاع نسوان ولا انت غيرت في ليلتك السوده دي ولا ايه
سالم….بضحك ماهي لو حلوه مكانش هيفرق هي انس ولا جن بس المشكله انها مرعبه
مراد……شوف الۏسخ
منذر…..بضحك يعني انت مشكلتك انها مش حلوه مش انها روح يعني لو حلوه
سالم…..بضحك هعيش ويبقي ليا جنيه عاشقه حد طايل
عاصم….والله انت مشكله يا سالم
سمعوا في الوقت ده الباب بيخبط جامد
سالم….احيه في ايه التخبيط ده
زيد….وسع كده تلاقيهم العيال
قام زيد خرج يفتح الباب وخرج وراه سالم وعاصم ومراد قام منذر جري وراء مراد بسرعه
مراد…..اه يا خواف انت كمان
منذر….من خاف سلم يا كبير
فتح زيد الباب للشباب
نادر…..ايه سنه
زيد….مالك ياض انت لسه مخبط
نادر….والله عمالين نخبط براحه عشان محدش يصحي والواطي امير وجلال مش بيردوا علي موبيلاتهم
سالم…..بضحكه تضحك لا ماهم نامو خلاص
ياسين….لحقوا احنا متأخرناش نص ساعه
يوسف….وسعوا بقي و دخلوني
مراد….ايه كل الشنط دي
نادر….اي خدمه ظبطتكم بدل ما المطبخ فاضي كده
مراد….جدع ياض جبت ايه انا حاسس اني جعان
نادر…..جبتلكم جبن وشويه معلبات وعيش و فينو وفاكهه وشويه شيبسي وعصاير ولبن جبت حجات كتير اوي
ياسين….جبنالكم قهوه وشاي ونسكافيه كمان
مراد….طب والله عاش عليكم جبتوا سكر ولا نسيتو
يوسف…..لا جيبنا في الشنطه اللي معايا دي و
جيبنا زيت عشان لو حد حابب يحمر بطاطس
نادر…..بإبتسامه وجيبتلكم فشار كمان ابسطوا انا دلعتكم
زيد…..الله ينور المهم جيبت مناديل المناديل هنا ناقصه
نادر…..بضحك دي كانت مهمه ياسين الموسوس زيك جاب مناديل وكلور وصابون وديتول روق عليك في النضافه
زيد…..بغمزه لياسين جدع يا ابو لهب
ياسين….اي خدمه ملينا المطبخ عالاخر
يوسف…..حد فيكم بقي يجي يشيل معايا الحاجه دي
نادر…..لا انا مهمتي كده خلصت مليش في رص المطبخ
ياسين….ولا انا انا عايز اروح الحمام.
مراد….تعالي يا ولا انا هشيل معاك
يوسف…..تعالي كده يا زيد شوف لو في حاجه ناقصه ابقي اجيبهالكم الصبح
مراد…..بضحك زيد تخصص توابل
زيد ….صحيح جيبتو ملح وتوابل
نادر…..اه احنا جيبنا ملح وفلفل اسود وكمون لو هتحتاج حاجه تاني عرفني
زيد….لا كويس كده احنا اصلا مش هنطبخ هنا يعني كلها حجات سريعه.
عاصم….شوفوا لو حاجه ناقصه انا انزل اجيبهالكم كده كده النوم طار من عيني خلاص
ياسين….انتو ايه اللي مصحيكم صحيح احنا سايبينكم نايمين
ابتسموا كلهم وسكتو
عاصم…..قلقنا وفضلنا نتكلم صحينا بعض
دخل زيد ومراد مع يوسف فضلوا يفضوا في الحاجه ويشيلوها
نادر…..ايه في حاجه ناقصه
زيد….لا الله ينور بس انتوا جايبين تونه ونسيتوا الليمون والخل
نادر….اه نسيتهم دول بس بسيطه نجيبهم عادي
عاصم…..شوفوا ايه الناقص وانا اجيبه
زيد….هو ليمون و خل بس الشباب جايبين كل حاجه تقريبا الله ينور
عاصم….طيب اشرب بس كوبايه شاي وانزل اتمشي واجيبهم واجيب بسبوسه كمان المحل اللي تحت عليه زحمه شكله حلو
نادر…..كنا هنجيب والله بس تصدق لسه زحمه لحد الوقت وكنا هنجيب كمان لب من المقله اللي تحت بس عليها زحمه بردوا قولنا لما ننزل تاني بقي
عاصم…..لا انا هبقي اجيب لما انزل
مراد….طيب انا جعان الوقت اكل ايه
يوسف…..عيش بقي براحتك في جبن وتونه وفي بطاطس وفي برجر وفي فراخ اهي جاهزه علي القلي علي طول اخلع انا بقي واروح انام شويه
مراد….مش عايز تاكل حاجه
يوسف…..لا انا شبعان مش قادر كلنا تحت ايس كريم وزلابيه اكتر من كده هبقي عكيت
مراد…..طب يلا روح نام شويه
دخل يوسف ووراه ياسين فضل نادر قاعد معاهم بره كلوا مع بعض
مراد….واد يا نادر انت مبتتعبش يالا
نادر…..ليه
مراد……مش بتنام زي باقي الخلق وعامل زي الزومبي
نادر…..بضحك لا بنام عادي والله بس مش بعرف انام كويس في اي رحله او سفر مبحبش اضيع الوقت في النوم
مراد….ايوه بس كده تتعب وبعدين مش هيبقي في نشاط تعمل اي حاجه
سالم….لا متقلقش عليه بيرجع القصر يعوض
منذر…..نادر عامل زي زيد علي فكره
زيد…..انا مش بنام عشان مضيعش وقت زي نادر انا بس مبرعفش اغير المكان بتاعي فا تلاقيني طول الوقت قلقان حتي لو سقطت وعيني غفلت عقلي بيبقي شغال
سالم….انا زيك علي فكره واي صوت حتي لو بسيط يقلقني بسرعه
مراد…..بضحك اه ما انت جيت علي صوتنا ده الحرامي اللي يفكر يسرقكم امه داعيه عليه.
عاصم….هو تعود والله يا مراد مش اكتر
سالم….طب ايه هنفضل قاعدين كده مش هنقوم نريح شويه قيل ما الكل يصحي ونرجع ننزل
مراد….قوموا يلا ناموا شويه او ريحو لحد ما كرم يجي
قاموا كلهم دخلوا علي اوضهم يرتاحوا شويه في اوضهم
دخل عاصم الاوضه قاسم وداوود وعلي كانوا نايمين بس لمح عاصم قاسم عينه مفتوحه ورايحه جايه
عاصم…..بصوت واطي انت صاحب يا قاسم
مردش عليه
عاصم……قاسم انت صاحي
عينه كانت رايحه شمال ويمين بس مش بينطق
عاصم….في سره لا اوعي تكون عفريت مش ناقصه الله يباركلك شكل كده الدور عليا
راح جنب علي نام علي السرير وهو عينه علي قاسم في الاول كان مقلق منه بس للحظه حاجه جواه قالتله شوفه يمكن يكون تعبان ومش قادر يتكلم قام بسرعه وقرب من قاسم هزه بهدوء من كتفه
عاصم…..قاسم قاسم انت كويس
بصله قاسم بهدوء وبصوت هامس
قاسم……في حد فوق الدولاب
بلع عاصم ريقه وحس ان قلبه اتقبض لف راسه بهدوء وبص فوق الدولاب لقاه فاضي رجع تاني بص لقاسم وهو بيستعيذ بالله
عاصم…..اعوذ بالله من الشيطان الرچيم في ايه ياقاسم الدولاب فاصي ياجدع
بص قاسم علي الدولاب ورجع بصله
قاسم……خد نفس طويل وقام اتعدل وهو بياخد نفسه بسرعه مكانش فاضي والله يا عاصم
عاصم….طيب استهدي بالله وخد نفسك اجيبلك مايه
قاسم….لا لا مش عايز وطي بس صوتك عشان داوود پيترعب
عاصم…..طيب قولي في ايه
قاسم……سمعت صوت من شويه فكرت في فار صحيت بصيت براحه ملقتش حاجه رجعت تاني افرد جسمي و عيني جات علي خيال فوق الدولاب دققت شويه حسيت اني شايف حد لابس اسود وقاعد مربع رجله وضامم ايده لقدام وفجأه حسيت انه نط عليا من فوق الدولاب ومسكني من ضهرني كلبشني مكنتش قادر اتحرك ولا انطق نفس احساسك لما بتشوف كابوس
عاصم…..طيب ما ده كابوس يا قاسم
قاسم…..كنت فاكر كده فضلت اقرأ قرآن كتير لحد ما الاحساس ده راح قومت اتعدلت بسرعه كملت قران واتحركت في الاوضه شويه
ورجعت تاني علي السرير وانا عيني علي الدولاب وانا برجع وبنام علي المخده لمحته تاني
وقبل ما تعدل نط عليا تاني كتف جسمي اتكرر الحوار ده اربع مرات
عاصم….اكيد بتحلم والله واكيد انت اصلا مقومتش ولا مره
قاسم…..صدقني مش حلم ولا كابوس انا شوفتك وانت داخل يا عاصم و عمال بتنادي عليا كنت سامعك بس مش قادر اتكلم كان مكتفني كان جنبي والله واول ما قربت مني وهزتني من كتفي راح
باع عاصم ريقه ومكانش عارف يقول ايه
عاصم….احممم طيب استهدي بالله كده واقرأ قرآن انا معاك اهو تحب تخرج بره شويه او اجيبلك مايه
قاسم….لا لا مش عايز بس علي فكره في حاجه غريبه الشقه دي شكلها مسكون
عاصم…..ياعم اعوذ بالله خير متقلقش
قاسم….بقولك ايه انا هخرج اصلي ركعتين و اشرب سېجاره بره وارجع تاني
عاصم…..طيب روح
قام قاسم خرج و ساب عاصم مقدرش ينكر انه كان مړعوپ رغم انه مش من السهل انه ېخاف
فضل يقرأ قرآن وهو عينه علي الدولاب .
عدت كام ساعه والكل بدأ يصحي واحد وراء التاني قاسم كمل نوم قدام التلفزيون ولما صحيوا صحي هو كمان
حضروا الفطار وقعدوا فطروا مع بعض كرم كلم مراد وقاله يجهزوا هيخلص مشوار ويرجعلهم
بدأوا يجهزوا ويظبطوا نفسهم
قاسم…..حكي لمراد وزيد اللي حصل بهدوء عشان محدش ېخاف .
وامير وجلال كمان حكولهم اللي حصل خدوا الموضوع معاهم بتهريج وطمنوهم المواقف عدت لكن من جواهم كان في خوف
وصل كرم خدهم وراحوا تاني علي ابن ليل عشان ينزلوا البحر
شويه وقرر انهم يقضوا وقت بسيط وبعدين يرجعوا يغيروا ويجهزوا عشان يسهروا في مكان حلو .
سابهم يظبطوا نفسهم ورجع هو كمان يجهز.
وعلي الساعه تسعه جالهم كان الكل جهز خدهم في مكان بعيد شويه لكن علي البحر في قعده جميله زي القعدات العربي اللي بتبقي في السفاري
كلوا واتبسطوا والاجواء كانت جميله فرقه ورقص واغاني
الكل كان مبسوط جدا روحوا البيت بعد الفجر وسابهم كرم وروح .
دخل داوود ينام كان هلكان و باقي الشباب كانوا لسه قاعدين بره اللي بيتكلم واللي بيشرب سجاير واللي بيضحك
نام داوود علي السرير كان سايب الباب مفتوح شويه وداخل من بره شعاع نور وسامع صوت ضحكهم العالي
نام علي جنبه وشه للحيطه حس ان في حجات جنب المخده بتتحرك رفع راسه براحه لمح حشرات كتير بتتحرك وبتطلع فوق بعض صراصير وخنافس ودود
بعد بسرعه
علي حرف السرير ولسه هيقوم عشان يفتح النور مقدرش يقوم وبص علي الحيطه اللي قدام السرير علي طول
شاف دخان كتير شعاع النور كان مبينه بوضوح وفجأه حس ان في شرخ بيحصل في وسط الحيطه والدخان بيزيد
مكانش مستوعب اللي بيحصل
الشرخ اللي في الحيطه زاد وكبر بقي في طوب بيقع و عفار من التراب مع دخان كتير وفجأه
لمح شخص طويل بطول الحيطه لابس اسود مش ظاهر منه اي ملامح بيخرج من الحيطه وحس ان الاوضه بتطول وفي مسافه بينه وبين الحيطه اللي خرج منها الشخص قلبه كان هيقف حرفيا
ومره واحده فضل ينادي عليهم
داوود…مراااااااد زيييييييد
سمعوا صوته كلهم قاموا يجروا عليه اول واحد دخل عليه كان ياسين فتح النور وبمجرد ما فتح النور كل حاجه رجعت زي ما كانت كأن مفيش حاجه حصلت
ياسين….في ايه يا داوود
زيد ….مالك يا داوود
بص داوود جنبه علي مكان الحشرات ملقاش حاجه بص علي الحيطه كل حاجه كانت سليمه كان عرقان اوي وباين عليه الصدمه.
زيد…..حد يجيب مايه بسرعه
جري علي بسرعه جاب مايه
وقعد مراد جنيه رغم التهريج والمقلب اللي حاب يعمله فيهم بس اتلهف علي داوود وخاف عليه بجد
مراد…..داوود في ايه انت كويس
داوود…..وهو بياخد نفسه بسرعه هز راسه انا كويس كويس متقلقوش
علي……اشرب يا داوود
مسك مراد منه المايه واداها لداوود كان عمال يبص شمال ويمين
مراد….اشرب يلا
شرب حاجه بسيطه وخدها منه زيد
سالم…..في ايه ايه اللي حصلك
داوود…..انا عايز اطلع بره
زيد…..طيب تعالي في الهواء
خرج داوود بره وهما خرجوا معاه
عاصم….ايه يا داوود في ايه بس مالك
داوود…..مش عارف في حاجه غريبه حصلت
كل اللي شاف حاجه بقي يبصوا حواليهم بقلق
سالم….حاجه ايه
داوود…انا دخلت عشان انام اديت وشي للحيطه حسيت بحاجه بتتحرك وبتمشي جنب المخده بصيت لقيت حشرات كتير اوي
جيت اقوم بسرعه عشان افتح النور واشوف في ايه حسيت ان حاجه مسكتني وكتفتني ولقيت الحيطه اللي قدامي بتتشرخ من النص الطوب بيقع وتراب بيخرج ودخان كتير ملأ الاوضه وفجأه لقيت واحد طويل اوي مش باين منه حاجه كله اسود بيخرج من وسط الشرخ
مراد……يمكن كابوس يا داوود
داوود….بعصبيه بسيطه كابوس ايه هو انا لحقت انا لسه داخل وسايبكم من كام دقيقه يادوب بحط راسي عالمخده شوفت اللي حكيته
زيد….طيب اهدي يا داوود.
جلال…..الشقه دي مسكونه انا وامير كمان شوفنا و سالم شاهد صح يا سالم
داوود….شوفتوا ايه
قاسم…..يبقي اللي انا شوفتوا كمان صح قولتلك يا عاصم مكانش كابوس
ياسين……كده الشقه مسكونه فعلا يا شباب هما معاهم حق وتقريبا كده انا اول واحد شوفت بس محبتش اتكلم عشان محدش يقلق
جلال….احيه يعني الحوار بجد
هشام…..بإبتسامه انا بقول نمشي افضل مش ناقصين ړعب
نور…..مسكونه ايه يا جماعه بس ميتهيأليش
امير…..ياجدع مسكونه والله جلال شاف عيل صغير وانا شوفت نفس العيل جاي من ناحيه الدور بتاعنا نازل علي تحت لما بصيت بسرعه عليه ملقتهوش وهو يادوب كان لسه نازل من جنبي الواد اختفي
رامي……يعني ازاي مش فاهم طيب ما يمكن ولد من سكان البيت
جلال…..و هيدخل عندنا بعد الفجر من غير ما حتي يخبط
رامي….بضحك ازاي ياجدع
جلال….والله العظيم بعد ما طلعنا امبارح امير راح يجيب شبشب وانا طلعت مكنتش قادر بس استنيته هنا علي الكنبه دي عشان لما يخبط اسمعه فردت ضهري حسيت بحد بيوسني في خدي وكنت مفتح عيني بصيت حواليا مكانش في حاجه فكرت بيتهيألي حاجه لمست وشي رجعت تاني نمت غمض عيني وبعدل نفسي حسيت بحد تاني بيوسني فتحت عيني لمحت ولد صغير عنده يجي خمس سنين ابيض وعينه ملونه شعره اصفر وكيرلي
لابس شورت وتيشرت قومت بسرعه وقفت جنب الاوض وبصيت تاني ملقتهوش الواد اتبخر خرج وقتها سالم خضني وحكيتله اللي حصل حاول يقنعني اني بحلم ثواني وخبط امير ودخل وقال انه شاف حاجه غريبه لمح ولد بيجري عالسلم و بيضحكله بص عليه كان اختفي يعني لو فرضنا ان انا نمت طب امير كان طالع من تحت
قاسم….وانا شوفت امبارح بردوا حد لابس اسود زي اللي شافه داوود قاعد عالدولاب من فوق مش باين منه حاجه اربع مرات ينط عليا ويمسكني كأنه مكلبش جسمي مش عارف اتحرك او اتكلم
دخل عاصم الاوضه كنت شايفه وهو ماشي وبيتحرك وبيتكلم وبيقولي انت صاحي بس مش عارف اتكلم كان مكتفني كان جنبي وحاسس بيه جسمي مفكش غير لما عاصم هزني من كتفي
منذر….پخوف وقع بلسانه انا بقول ناخدها من قاصرها بقي ونمشي عشان كده الكل قفش الحوار ومفيش داعي نستمر في المقلب
داوود….مقلب !! مقلب ايه
زيد….بهمس الله يخربيتك
مراد….حط ايده علي وشه منك لله يا منذر الكلب
عاصم وسالم فضلوا يضحكوا
سالم…..يخربيت عقلك
قاسم …ماحد يفهمنا في ايه
داوود….استني بس انتو كنتوا عارفين ان الشقه مسكونه
بص مراد وزيد وسالم وعاصم لبعض وفضلوا يضحكوا ومش طايقين منذر
داوود….ما تنطقوا
منذر….بصراحه كده اه عارفين ومراد هو اللي اختار الشقه كمان عشان عارف انها مسكونه حب يعمل فيكم مقلب
داوود….انت بتتكلم جد ولا بتهزر
مراد….لبستهالي يا واطي ده انا هنفخك
منذر….بضحك اعمل اللي تعمله بس كفايه كده مش ناقصين ړعب
داوود…..انتو اكيد بتهرجوا والله طب ده انت عارف يا مراد اني مليش في الجو ده
مراد….ياجدع بهزر معاكم انا والشباب
داوود….پغضب هزار ايه انا قلبي كان هيقف يا مراد هي الحوارات دي فيها تهريج
مراد….ما انت زي القرد قدامي اهو
وبعدين دي عفاريت طيبه
داوود….انت بتهرج صح انا مش قاعد هنا لحظه
مراد….بضحك استني بس
داوود….ياجدع اوعي بقي عشان لساني ميفلتش مني هنقل من بعض قدام الشباب
مراد….بضحك خلاص طب اقعد وروق بس
زيد…..بإبتسامه جميله وهو بيحاول يكتم ضحكه طيب اقعد عشان خاطري بس
داوود…انت كنت عارف انت كمان يا زيد طيب مراد اخويا و أعيل من جلال وامير انت ايه بقي ياعاقل
زيد…..ياعم مره من نفسي ده انتو هاريين اهلي مقالب كبير وصغير مبسلمش منكم وانت اولهم
داوود….بس مش كده يا زيد شقه مسكونه وعفاريت المقالب والهزار ليهم حدود افرض حد قلبه وقف ولا حد اتلبس الله يخربيتكم علي بيت اليوم اللي بقيت عمكم فيه
فضلوا كلهم يضحكو علي داوود
زيد…. بضحك طيب اقعد بس وروق امير هاتله عصير ولا اعمله حاجه يشربها
امير…..وانا مالي اشمعني انا قول لاخواتك
زيد…..اه ياواطي الوقت بقوا اخواتي وبقيت ابن عمي
امير……ده انا مش بعيد اتبري من ابويا ومش هبقي ابن عمك كمان
مراد…مره من نفسنا يا غجر
جلال….طيب بزمتك مقالبنا زي مقالبكم
يوسف….طيب انتوا قاعدين تضحكو وتتناقشوا وعلي قلبكم مراوح وناسين اننا في شقه مسكونه طب ايه مش هنجري
نادر…..يلا نجري يا چو
يوسف…..بضحك كان نفسي والله بس رجلي مش شيلاني
علي….لعاصم طب ايه يا عاصم بيتهيألي كفايه كده ابوك لوحده ومليكه اكيد وحشتك
مراد….والله عيب علي عضلاتكم دي ايه الله يرحمك يا رجوله ده انا هجرسكم قدام مراتتاكم
داوود…..ياخي انت علي قلبك مراوح كده ليه ماهو لو انت شوفت حاجه كان زمانك سابقنا عالشارع بس اكيد مشوفتش
سالم….بضحك انا شوفت يا داوود ست سمراء ومليانه اوي دخلت وهي مټعصبه ترزع في درف المطبخ وبعدين سابتني وخرجت
جلال….احيييييه
امير….بضحك الحمد لله حظنا جه في عيل صغير وحلو
جلال….ابو لهب انت شوفت ايه
ياسين ….بلاش انا والنبي
داوود….قول قول هي جات عليك ما خلاص
الهيبه راحت واتهزقنا علي ايد عمك واخواتك
ضحكوا كلهم علي كلام داوود
ياسين…..بضحك طب افتكر اني قولتلك بلاش انا شوفتك انت وامير ووقفتوا تتكلموا معايا زي ما انتو واقفين كده واكتشفت انكم نايمين اصلا ومش بعيد الوقت اكون بتكلم معاكم كلكم وتطلعوا تحت بتتفسحوا عادي
عاصم….يا اخي منك لله والله رعبتني
داوود….كملت يعني مش بس يطلعلي عفريت لا ده انا طلعت لياسين متقمص شخصيه عفريت
ياعم قوم منك ليه خلينا نمشي من هنا
مراد…..وهو فطسان من الضحك يا جدع اقعد بقي بلاش جنان
داوود….جنان اللي بقوله جنان طب واللي انتوا بتعملوا والله هنتلبس قوم يا مراد الله يهديك
مراد….والله العفاريت طيبه
داوود….ضحك ڠصب عنه وهو مش طايقه والله هقل منك يا مراد هو ايه اللي عفاريت طيبه بيدافع عنهم ولا كأنهم من بقيت اهله
مراد….ياجدع دول عشره
نادر…..طيب سؤال هو كرم عارف ان الشقه دي مسكونه وسكنا فيها عادي
مراد…..اه عارف ومكانش راضي والله بس قولتله عايز اربيكم
داوود….ده انا هربيك انت وهو وليلتكم سوده معايا
مراد….ياجدع روق بقي متبقاش حمقي كده
داوود…اعمل حسابك انا همشي من الشقه دي مش هقعد لحظه
اللي عايز يمشي معايا اهلا وسهلا مش عايز يبقي يقعد مع مراد وعفاريته الطيبه
ضحكوا كلهم علي داوود
مراد….احنا كلها يومين وهنمشي
داوود…انت عايزني اقعد يومين طب ازاي مش فاهمك انت مستغني عني
مراد….بضحك مقدرش انت حبيبي بس يعني متبقاش خواف كده يا داوود احنا طول اليوم بره في الشارع
داوود…..اه وننام في الشارع كمان
ولا نرجع ننام في حضڼ العفاريت انت بقيت مچنون رسمي
عاصم….علي فكره هي ارواح مش شريره واحتمال يكونوا حابين يوصلوا لينا رساله
داوود….الله ناقصك انا يا شيخ عاصم صح جاي تحل للعفاريت مشاكلهم
عاصم…..بضحك انا بقولك وجهه نظري
داوود…خليهالك مش ناقص انا استفزاز
جلال…..طب لو فرضنا اننا قعدنا لو عايز ادخل الحمام هخادكم معايا ونعمل حفله جوه يعني ولا ايه
سالم…..بضحك وماله خدنا معاك
مؤاد….بقول ايه انا قولت كلمه خلاص وبما اني الكبير هنا محدش فيكم هيكسرلي كلمه
داوود…..تصدق بالله انت اعيل واحد فينا يا مراد
نادر….انا مش داخل اوض انا هنام هنا في الصاله
يوسف…..وانا كمان.
سالم……خلينا كلنا هنا بقي مع بعض انا رأيي ان العفاريت مبتحبش اللمه واكيد مش هتظهر لينا كلنا
سمعوا صوت طبق بيقع وبيتكسر
سالم…اهم بيأكدوا علي كلامي
وقع زيد ومراد والشباب من الضحك
وفضل سالم يضحك
جلال…..انا هتصل بروح واشهدها عليكم وهقول للباشا يحرمكم من الميراث وانت اولهم يا مراد
مراد….ولا كله الا روح عايز تقول لابوك قوله بس روح لا والله هتزعل مني وهتتجنن لحد ما نروحلها
داوود….والله لا هقولها بنفسي بس نوصل البيت بخير وعلي الله نرجع بيتنا واحنا مش ملبوسين
منذر….طيب انا بقول نهدا بقي شويه عشان شكل الست بتطبخ في المطبخ مش عايزين نقلقها احسن الطبخه تبوظ منها وتخرج تروقنا.
هشام…..انا عايز ادخل الحمام
داوود…..بسخريه لا صرف نفسك بقي في بنطلونك عشان مراد يتبسط
هشام…..بضحك قاسم قسوم تعالي معايا
قاسم …ولا اعرفك
هشام…..بتبيعني.
قاسم…..كفايه اللي شوفته امبارح
هشام….طيب المفروض انك اتعودت تعالي بقي
قاسم….امشي ياض من جنبي
هشام….بص لرامي
رامي…..بضحك لا متبصليش
زيد….تعالي ياض انا هاجي معاك
قاسم….روح مع زيد ده مقطع بطاقته
راح هشام وراء زيد
هشام…..حد في المطبخ
زيد….ادخل يالا بلاش عبط ده شويه لعب علي حبه جلب بيعمل هم عشان يطفشونا بلا ادخل وانا داخل اعمل قهوه
هشام …يا جبروتك يا زيد قهوه دي هتنفخك لو سيبتلها مواعين
ضحك زبد علي هشام ودخل المطبخ وهشام دخل وساب الباب موارب وعينه رايحه جايه خلص بسرعه وطلع جري علي بره.
مراد… لحقت نفسك ولا عملتها علي روحك
هشام….لا لحقت نفسي .
صمم مراد ان الكل هيقغد وخد الموضوع بهزار معاهم ورغم خوفهم
لكن استقوا ببعض
بعد وقت بسيط اغلبهم ناموا مكانهم وسابهم زيد ومراد ومنذر ودخلوا ناموا في اوضتهم عادي
وعلي الضهر وصل كرم كانوا عايزين يقتلوا واولهم داوود
فضل بضحك وحلف انه ملوش دعوه ضحكوا وعدوا الموضوع وخرجوا مع بعض
وعدي يومين علي نفس الحال مفيش حاجه ظهرت لاي حد اطمنوا شويه ومراد قالهم تقريبا عشان الكل عرف مبقاش حاجه تظهر.
قبل ما يساقروا بيوم قرروا انهم يمشوا علي الضهر في النهار
فا خرجوا وسهروا قبل ما يسافروا بيوم خربوا الدنيا مع كرم فسحهم وظبطهم والكل كان مبسوط
ورجعوا علي الفجر قالوا يرتاحوا ويلموا حاجتهم ولو حد حابب ينام شويه قبل ما يسوقوا علي الطريق
طلعو قفلوا شنطهم وجهزوها و غيروا هدومهم لبسوا الغيار اللي هيرجعوا بيه ونزلوا الشباب مع بعض حطوا الشنط في العربيات عشان يبقوا ينزلوا يمشوا علي طول.
وبعدين طلعوا تاني كان في بواقي اكل وحلويات وعصاير الشباب عملوا حفله عليها وقعدوا كلهم في الصاله بره يتكلموا ويضحكوا ونسيوا خالص ان كان في حاجه في الشقه عشان كان بقالهم يومين مش بيشوفوا اي حاجه فا اطمنوا والخۏف قل كتير عندهم
وفي وسط ما هما بيهزروا و بيضحكوا و بيتكلموا
فجأه…….
- يتبع الفصل التالي اضغط على (مملكة احفاد الطوبجي) اسم الرواية