رواية لعبة الخداع الفصل الثامن 8 - بقلم نشوة عادل
ـ انتى بتاعتى وملكى ولا نسيتى ان انا اللى جيبتك وعرفتك ع لقاء وكل ده عشان بس تكونى جنبى ومستحيل هسمح تكونى لحد تانى غيرى انتى فاهمة
ياسمين وهى تدفعه بعيداً: ابعد عنى ومتنساش نفسك ي كمال انا مش لقاء اللى بتضحك عليها بكلمتين حلوين وتثبتها بأوهام الحب انا فاهماك كويس اوى وعارفة ان كل اللى يهمك الفلوس وهتبيعنى وتبيعها وتهرب بالفلوس
كمال: منكرش انى عاوز الفلوس بس رغبتى فيكى اقوى من رغبتى بالفلوس الف مرة
ياسمين: وانا بقى مش هسمح ليك تتحكم فيا وفوق لنفسك بدل ما افضحك واعرف حقيقتك القذرة لمراتك وافوقها من الوهم اللى هى عايشة فيه واعرفها انها بتبيع الغالى وماشية وراء الرخيص
كمال بصوت مرتفع نسبياً: مبحبهاش افهمى بقى لقاء بالنسبة ليا كانت كوبرى مش اكتر عشان ابقى كمال بيه صاحب شركة البرمجيات لكن عمرى ما حبيتها وعمرى ما قلب دق وفهمت معنى كلمة حب الا معاكى انتى وكل اللى نفسى فيه بجد انك تحسى بيا
ياسمين: انت ملكش امان انت واحد عايش ع قفا مراتك واخوها ولسه كمان هتنصب عليها وتاخد فلوسها وتهرب وقولتلك انا مش لقاء
كمال: وانا بقى مش هسيبك تكونى لغيرى حتى لو وصلت ان اكشف اللعبة لخالد بس ف الاخير تكونى ليا انا
ياسمين: انت مش هتقدر تعمل حاجة زى دى عارف ليه لانك ضعيف ي كمال وكلب فلوس ومشكلتك معايا انى فاهماك مش مخدوعة فيك روق انت كده واهدى ع نفسك لانك الوحيد اللى هتكون خسران
خالد: مش لوحدى انتى هتخسرى اكتر منى
فى هذا الوقت دفعت لقاء الباب بغضب ودموع هيستريا وقالت: ايه الكلام اللى انا سمعته ده ي كمال
صعق كمال ولم يستطع الرد امسكت به لقاء وقالت: بقولك رد عليا ايه اللى سمعته ده انت ..انت تعرف البت دى وانت اللى عرفتنى عليها عشان .. عشان الفلوس
كمال: لقاء وطى صوتك خالد ممكن يسمعنا اهدى بس وخلينى افهمك
دخل خالد وقال: لا متقلقش ي كمال بيه خالد فايق وعارف كل حاجة من بدرى اوى
كمال بتهتهة: قص...قصدك ايه
خالد: يعنى كاشف لعبتك القذرة دى من بدرى ومن اول يوم شوفت الاستاذة فيه كمان
ياسمين بصدمة: ايه ... انت كنت عارف
خالد: من يوم الحفلة وانا عارف لما جات عيونى بعيونك افتكرتك يمكن ملامحك مكنتش باينة اوى بس عيونك اقدر يميزها من وسط مليون ومشكلة لقاء وكمال انهم مفكرين انى غبى وساذج ميقدروش يفرقوا ما بين الطيبة والسذاجة لعبة غبية اوى بجد انكم تجيبوا واحدة لا تعرفوا ليها اصل ولا فصل عشان تحطوها بطريقى وتعرفوا مكان الفلوس
لقاء بدموع: والله ي خالد هو السبب دى كانت فكرته هو انا مستحيل يجى ف بالى فكرة زى دى اصلا هو اللى ملا دماغى عشان اعرف طريق فلوسى واخدها
خالد: عارف وعشان عارف قذارته مكنتش عاوزك تاخدى الفلوس لانى كنت متأكد انه كان هيخليكى ع البلاطة اللى زى ده كلب فلوس ومش بيشبع واهو ربنا كشفه ع حقيقته ياريتك تفوقى بقى
اقترب خالد من ياسمين وقال: اما انتى بجد شابوه ليكى بحييكى ع ادائك ي فنانة انتى اثبتى ليا ان كل بنات حواء زى بعض جنس ملوش ملة ومينفعش يتوثق فيه
ياسمين بدموع: خالد انا عارفة انى مهما حلفت انى عملت كده غصب عنى وانى فعلا حبيتك و....
خالد مقاطعاً بصوت عالى مرعب: اوعى تجيبى سيرة الحب ع لسانك انتى واحدة كدابة ومخادعة حتى عيونك كانت كلها غش وخداع مناسب لدورك
ثم تقدم الى كمال وقال: اهى عندك اشبع بيها واختى ورقة طلاقها توصل ليا احسنلك فى اقرب وقت والا انت عارف انا هعمل ايه
اخذ خالد بيد لقاء وغادرا وسط دموعها ... كمال: عجبك كده كل حاجة ضاعت بسببك
ياسمين: بسببى انا ولا بسبب جشعك وتهورك دى لازم تكون نهاية كلب زيك
كمال: مش هسيبه لازم اعرفه مين كمال ع حق
ياسمين: مفيش فايدة فيك انا ماشية ومش عاوزة اشوف وشك تانى
كمال: مش بالبساطة دى ي قلبى هتخلصى منى انا قدرك
ياسمين: عمرك ما هتكون نصيبى لانى مش كلبة زيك
غادرت ياسمين وهى فى قرارة نفسها تشعر بالراحة الكبيرة وتوجهت مباشرة الى المنزل الصغير التى كانت تسكنه مع شيماء طرقت على الباب وعندما فتحت الباب ابتسمت بفرحة واحتضنتها
شيماء: ايه المفاجأة الحلوة دى وحشتينى اوى ي بت يا ياسمين
ياسمين: وانتى كمان ي شيما
شيماء: تصدقى لايق عليكى العز
ياسمين: من يومى وانا بنت عز ع فكرة
شيماء: انتى ايه اللى جابك مش قولتى مش هتيجى الا لما الحكاية تخلص
ياسمين: ما هى خلصت خلاص
شيماء: بجد ازاى
ياسمين: هحكيلك كل حاجة بس يلا لمى هدومك وتعالى معايا مبقاش لينا وجود هنا مهمتنا خلصت
اما عند خالد حينما وصل الى منزله صعدت لقاء دون كلام بل بدموع حزن وقهر وفتح خالد الباب ودخلت لقاء
كريمة: حمدالله ع سلامتك ي ابنى رنيت عليك كتير مش بترد ... ثم نظرت الى لقاء وقالت: مالك ي ست لقاء ف ايه ي ولاد
لقاء بدموع: عاوزة اكون لوحدى
دخلت مباشرة الى الغرفة واغلقت الباب ع نفسها .... كريمة: هو ف ايه ي ابنى مال اختك فيها ايه ولا ايه اللى حصل
خالد: ولا حاجة ي دادة تقدرى تقولى انها فاقت ورجع ليها عقلها
كريمة: انا مش فاهمة اى حاجة خالص وبعدين فين ياسمين
خالد: هفهمك دلوقتى تعالى اقعدى
مضى يومان ولقاء فى غرفتها لا تخرج منها حتى الى الطعام ولا تأكل الا بالقوة وفى يوم دخل الى غرفة لقاء وقال: هتفضلى كده لحد امتى؟!
لقاء بحزن: انا زعلانة اوى من نفسى وعلى اللى عملته فيك انا اسفة اوى يا خالد ارجوك سامحنى
خالد بابتسامة: ي بت انتى اختى وبنتى ومقدرش ازعلك منك يلا قومى بقى جهزى نفسك عشان فيه حد مهم لازم اعرفك عليه وووو..... يتبع اتمنى تعملوا متابعة للصفحة فضلا وليس امرا ❤️
- يتبع الفصل التالي اضغط على ( لعبة الخداع) اسم الرواية